Human angle

చాణక్యుడు ఎంతటి మహా జ్ఞానో అందరికీ తెలిసిందే. ఆయన చెప్పిన నీతి సూత్రాలు, ఆరోగ్య సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు. చాణక్య నీతి ప్రతి అంశాన్ని కూడా ఎంతో అద్భుతంగా వివరించింది.

చాణక్య నీతి భర్త భార్యతో ఎలాంటి విషయాలను చెప్పుకోకూడదు అనే దాని గురించి చెప్పారు. ఎట్టి పరిస్థితుల్లోనూ భర్త భార్యకి వీటిని చెప్పడం మంచిది కాదని చాణక్య నీతి అంటోంది. అయితే మరి ఆ విషయాలు ఏమిటి అనేది ఇప్పుడు చూద్దాం.

#1. బలహీనత:

భర్త యొక్క బలహీనత భార్యకి అసలు చెప్పకూడదు. ఒకవేళ భార్యకి భర్త యొక్క బలహీనత తెలిస్తే దాని గురించి పదే పదే భార్య మాట్లాడుతుంది. అలాగే బలహీనత తెలుసు కాబట్టి భర్త దాని నుండి బయట పడాలని ప్రయత్నించినా కూడా అడ్డు పడుతుంది. కాబట్టి భర్తలు ఈ విషయాన్ని భార్యలకు చెప్పకూడదు.

#2. ఆదాయం:

ఆదాయాన్ని కూడా భర్త భార్యకి చెప్పకూడదు. భర్త కనుక భార్యకు ఈ విషయాలు చెబితే అనవసరమైన ఖర్చులు పెడుతుంది భార్య. కనుక దీనిని కూడా ఎప్పుడు చెప్పకూడదు.

#3. అవమానం గురించి:

అవమానం గురించి కూడా భర్త భార్యకి చెప్పకూడదు. ఒకవేళ చెప్తే చులకనగా చూడడం, పదేపదే దాని గురించి మాట్లాడటం చేస్తుంది. కాబట్టి భర్త పొందిన అవమానం గురించి కూడా భర్త భార్య కి చెప్పకూడదు.

#4. సహాయం:

భర్త ఏదైనా సహాయం చేయాలని అనుకున్న కూడా భార్య అడ్డుపడుతుంది. కాబట్టి అతను చేయాలనుకునే సహాయం గురించి కూడా భార్యతో చెప్పడం మంచిది కాదు.

పెళ్లంటే నూరేళ్ళ పంట. ఆ పంట ప్రతిఫలాన్ని నూరేళ్లు అనుభవించాలంటే మాత్రం భార్య భర్తల మధ్య సఖ్యత తప్పనిసరిగా ఉండాలి. భార్య భర్త లిద్దరు కీచులాడుకున్నా, కిచకిచలాడుకున్నా వారిద్దరి మధ్య అన్యోన్యత ఉంటె ఏ సంసారం నావ అయిన తీరం చేరిపోతుంది. అయితే, పెళ్లి అయిన కొత్తలో ఒకరినొకరు అర్ధం చేసుకోవడానికి కొంత సమయం పడుతుంది.

ఒకరి వ్యక్తిత్వాలు ఒకరికి అర్ధం అయిన తరువాత వారిద్దరి మధ్య మరింత ప్రేమ పెరుగుతుంది. అయితే అర్ధం కాకపొతేనే తంటా మొదలవుతుంది. అయితే, ఓ భర్త మాత్రం తన భార్య సంగతి అర్ధం అయ్యాక మనసు విరిగిపోయింది అని చెబుతున్నాడు. తనకేమి చేయాలో తెలియడం లేదని సలహా ఇవ్వాలని కోరుతున్నాడు.. ఈరోజుల్లో.. మహిళా సాధికారత కి, మహిళా అధికార వాంఛ కి మధ్య తేడా ఉండడం లేదు. సాధికారిత పేరిట.. చాలా మంది అమ్మాయిలు తమ హక్కుల్ని దుర్వినియోగం చేస్తున్నారు. భర్త ప్రేమ గా ఉంటున్నా..అధికారం చెలాయించే భార్యలు చాలా మందే ఉన్నారు.

నా భార్య కూడా అలానే ఇబ్బందులు పెట్టేది. దగ్గరికెళ్ళినప్పుడల్లా చిరాకు పడుతూ ఉండేది. అయిన దానికి, కాని దానికి గొడవలు పెట్టుకునేది. ఈ గొడవల వలన ఆమెతో కనీసం మనస్పూర్తి గా కనీసం మాట్లాడలేకపోయేవాడిని. నేను తనను ఎంత ప్రేమ గా చూసుకుంటున్నా తన ఫామిలీ మెంబెర్స్ కి మాత్రం నేను కష్టాలు పెడుతున్నట్లు చెప్పేది. లేని పోనీ అబద్ధాలను అప్పటికప్పుడు అల్లేసేది. దీనితో నాకు మనసు విరిగిపోయింది. ఇలా ఏడాది గడిచిపోయింది.

representative image

ఓ సారి ఆమె తన ఫ్రెండ్స్ ప్రెగ్నంట్ అయ్యారని తెలుసుకుని..తనకు కూడా పిల్లలు కావాలని కోరుకుంది. అప్పటి నుంచి నాకు దగ్గరవ్వాలని ప్రయత్నించేది. తనకి నచ్చినప్పుడు నాకు దగ్గరవడం.. నేను దగ్గరికెళ్తే మాత్రం కసురుకోవడం చేసేది. కొన్ని రోజులకు నాక్కూడా అర్ధం అయిపొయింది. కేవలం పిల్లల కోసమే తాను నా దగ్గరకి వస్తోందన్న సంగతి అర్ధం అయ్యాక మనసు ముక్కలైంది.

మనసు పంచుకోలేనపుడు.. శరీరం పంచుకుని ఏమి లాభం..? బయట అందరితో గొప్పలు చెప్పుకుని.. నా మనసుని మాత్రం అర్ధం చేసుకోలేని మనిషి తో ప్రేమ ను పంచుకోగలనా..? సఖ్యతే లేని మా ఇద్దరికి పిల్లలు పుడితే..వారి పరిస్థితి మరింత అధ్వాన్నం అవుతుంది. డివోర్స్ తీసుకుందామనుకుంటే.. ఆమె ను చూస్తేనే భయమేస్తోంది. ఏ అభాండాలు మీద వేస్తుందో అని.. కుటుంబ పరువు పోతుంది.. నాకు ఏమి చేయాలో తెలియడం లేదు.. ఈ సమస్య నుంచి బయటపడటానికి తగిన పరిష్కారం ఇవ్వగలరు.

Note: Images used in this post are for reference purposes only. They are not the actual characters.

చిన్నప్పుడే తల్లితండ్రులు ఈ అక్క తమ్ముళ్ళని ఓ చిన్నారుల సంరక్షణ కేంద్రంలో వదిలిపెట్టేసారు. వారిని వేర్వేరు దంపతులు దత్తత తీసుకుని పెంచుకున్నారు. వారి పేర్లు కూడా మారిపోయాయి. అలా ఈ అక్క తమ్ముళ్లు ఒకరి నుంచి మరొకరికి దూరం అయ్యారు. దాదాపు 42 సంవత్సరాల తరువాత వీరిద్దరూ కలుసుకున్నారు.

సినిమా స్టోరీని తలపించే వీరి రియల్ స్టోరీ ఏంటో చూసేద్దాం. మేరీ క్యాథరీన్ అనే ఓ మహిళా 1970 లలో బ్లూ మౌంటైన్స్ అనే చిన్నారుల సంరక్షణ కేంద్రం నిర్వహిస్తూ ఉండేవారు. అక్కడకు అయవు, సరస్వతి అనే భార్యాభర్తలు తమ పిల్లలను అప్పజెప్పి వెళ్లిపోయారు.

వారి పేర్లే విజయ, రాజ్ కుమార్‌. అయితే.. రాజ్ కుమార్ ను 1979 లో డానిష్ దంపతులు దత్తతకు తీసుకున్నారు. ఆ తరువాత ఆ అబ్బాయికి క్యాస్పర్ ఆండర్సన్ అని పేరు కూడా మార్చేశారు. అలాగే అతని సోదరి విజయని కూడా అమెరికన్ దంపతులు దత్తత తీసుకున్నారు. ఆమెకు డైయేన్‌ అని పేరు మార్చారు. దత్తత తీసుకునే సమయానికి ఆండర్సన్ చాలా చిన్నవాడు. తనని దత్తత తీసుకున్న ఫ్యామిలీ చాలా బాగా చూసుకున్నారు. కానీ, తాను వారి సొంత కొడుకుని కాదని, తన శరీర రంగుని బట్టి తనకి భారత దేశంలో మూలాలు ఉండి ఉంటాయని బలంగా నమ్మేవాడు.

అయితే.. తనకి ఓ సోదరి ఉందన్న విషయం మాత్రం ఆండర్సన్ కు తెలియదు. చాలా చిన్న వయసులోనే ఆండర్సన్ ను దత్తత తీసేసుకున్నారు. మరోవైపు, డైయేన్‌ కు మాత్రం తనకో సోదరుడు ఉన్నాడు అన్న సంగతి గుర్తుంది. చిన్న వయసులో తన సోదరునితో కలిసి ఫుడ్ ని పంచుకుని తినడం మాత్రం ఆమెకు గుర్తుండేది. ఆండర్సన్ తన ఫ్యామిలీ మూలలను తెలుసుకోవాలని ఓ సారి DNA టెస్ట్ సంస్థకు శాంపిల్ ఇస్తాడు. తన కుటుంబ సభ్యులను కలుసుకోగలుగుతాను అని అతను ముందు అనుకోలేదు. కానీ, ఆ తరువాత అతనికి ఓ ఫోన్ కాల్ వస్తుంది. తన డిఎన్ఏ టెస్ట్ ను 100 % ఓ వ్యక్తి తో మ్యాచ్ అయిందని చెప్పాడు.

అలా మొదటిసారిగా 42 ఏళ్ల తరువాత 2019 లో ఆండర్సన్ తన సోదరి డైయేన్‌ తో మాట్లాడాడు. డైయేన్‌ కొడుకే ఆమె మూలాలు తెలుసుకోవడం కోసం డిఎన్ఏ టెస్ట్ కు ప్రయత్నిస్తాడు. అలా ఈ ఇద్దరు అక్క తమ్ముళ్లు కలుసుకున్నారు. ఆండర్సన్ తన సోదరిని కలిసాక చాలా ఎమోషనల్ అయ్యాడు. సినిమాల్లోనే ఇలా జరుగుతుంది అనుకున్నా… నా తల్లితండ్రులను కలుసుకోవాలి అన్న ఉద్దేశ్యంలో ఉన్న నాకు ఇలా అక్కని కలుసుకుంటా అని ఎప్పుడూ అనుకోలేదు అంటూ ఎమోషనల్ అయ్యాడు.

ఒక కన్నతల్లి తన చిన్నారి బిడ్డ కోసం తనను తాను శారీరకంగా, మానసికంగా దృడంగా ఎలా మలుచుకుంది అనే స్ఫూర్తిదాయకమైన కథ ఇది. ఎంతోమంది తల్లులకు ఈ కదా ఆదర్శంగా నిలవాలని కోరుకుందాం.

ప్రేరణ చదువుకునే రోజుల్లో చాలా నాజూకుగా అందంగా ఉండేది.  ఈ రోజుల్లో బాస్కెట్ బాల్ గేమ్ ఆడటం వల్ల శరీరాన్ని ఫిట్ గా వుంచుకునేది. చదువు పూర్తయిన తర్వాత పెళ్లి చేసుకుని ఆ తర్వాత పిల్లలను కనడం ద్వారా తన శరీరంలో మార్పులు మొదలయ్యాయి.

ప్రేరణకు పాప పుట్టిన తర్వాత 2019లో భర్త ఉన్నత చదువులు కోసం జర్మనీ వెళ్లారు. తన కూతురిని చూసుకుంటూ ప్రేరణ ఇండియాలోనే ఉండిపోయింది. ఒంటరిగా గడపడం వలన అమితంగా ఆహారం తీసుకోవడంతో రెండు సంవత్సరాలలో దాదాపు తొంభై మూడు కిలోల బరువు పెరిగిపోయింది.

అప్పటికీ ఆమె పాప అనైషాకు నాలుగు సంవత్సరాల వయస్సు.  పాప ఒక రోజు వున్నట్టు వుండి తీవ్ర అనారోగ్యానికి గురయ్యింది. అన్ని వైద్య పరీక్షలు చేసిన తర్వాత పాప క్యాన్సర్ ఉందని వైద్యులు తేల్చి చెప్పేశారు.

ఎత్తుకొని ఎన్నో హాస్పిటల్స్ చుట్టూ తిరిగింది. అధిక బరువు కారణంగా ఆయాసానికి విపరీతమైన నడుము నొప్పిని ఎదుర్కొంది . పాప కు చికిత్స చేసి కొంత సమయం ఒడిలోనే కూర్చోబెట్టుకొని ఉండటంతో కండరాలు పట్టేసి వాష్ రూమ్ కి కూడా వెళ్ళలేకపోయేది. దీని కారణంగా నీరు తాగడం తగ్గించింది.. ఇలా చేయడం ద్వారా ప్రేరణ ఆరోగ్యంపై తీవ్ర ప్రభావం పడింది. చికిత్స వలన నీరసపడుతున్న  తన పాప ఆలనాపాలనా చూడడానికి ఎలాగైనా బరువు తగ్గాలని నిర్ణయించుకుంది. సాధారణ ఆహార అలవాట్లలో మార్పులు చేసుకుంది. పాపకు కీమోథెరపీ చేసిన తర్వాత నిద్రపుచ్చి ఆ చిన్న లైట్ వెలుతురులోనే వర్కవుట్ చేయడం మొదలు పెట్టింది.

తన వర్కౌట్  షెడ్యూల్ని మార్పులు చేసుకుంటూ వచ్చింది. రోజుకు 4 లీటర్ల వరకు నీరు తీసుకునేది.లిఫ్ట్ కి బదులుగా మెట్టు మార్గం వేయిన్చుకునేది. ఇలా పది నెలల కాలంలో 20 కేజీల బరువు తగ్గింది. నాలుగు అడుగులు కూడా వేయలేకపోయిన ప్రేరణ ఇప్పుడు 4,5 కిలోమీటర్లు సునాయాసంగా నడవగలను ఉంటుంది. ఈ విధంగా తన శారీరక సామర్థ్యాన్ని పెంపొందించుకుని తన పాపని ఎత్తుకొని ఎంత సేపు అయిన ఉండగలనా అంటోంది. ఇలా ఉత్సాహంగా  ఉంటూ పాపను చూసుకోవడం ద్వారా పాప ఆరోగ్యం మెరుగు పడింది. క్యాన్సర్ వ్యాధి నుంచి బయట పడింది. తన చిన్నారి పాప కోసం ప్రేరణ అధిక బరువు తగ్గించుకోవడంలో సక్సెస్ సాధించింది. ఇంకో రెండు మూడు నెలల్లో ఇంకాస్త బరువు తగ్గుతాను అంటూ ఎంతో మందికి స్ఫూర్తిగా నిలుస్తోంది.

This article sourced from: ఈనాడు 

భార్య భర్తల బంధం అనేది ఎంతో అపురూపమైనది. ఎన్ని కష్టాలు వచ్చినా ఒకరితో ఒకరు తోడుంటూ జీవితాన్ని కొనసాగించడమే నిజమైన భార్య భర్తల సంబంధం.

ఇలాంటిదే ఒక కథ సోషల్ మీడియాలో హల్చల్ చేస్తోంది. అతనికి వచ్చిన కొద్దిపాటి ఆదాయంతోనే భార్యను ఉన్నత చదువులు చదివించారు. ప్రేమించి పెళ్లి చేసుకున్న భార్య ఏదో విషయం మీద దిగులుగా ఉందనే విషయాన్ని గమనించాడు. తమ 8 వ పెళ్లి రోజు కానుకగా ఒక అద్భుతమైన బహుమతిని భార్యకు ఇచ్చి  ఆశ్చర్యపరిచాడు

అనీష్  ఒక ప్రైవేట్ సంస్థలో ఉద్యోగం చేస్తుండగా రజితను ప్రేమించాడు. పెద్దలను ఒప్పించి వివాహం చేసుకుందామని వీరిరువురు నిర్ణయించుకున్నారు. అనీష్ కుటుంబం వారు ఒప్పుకున్నా, రజిత కుటుంబ వారి పెళ్ళికి నిరాకరించారు.

చివరకు రజిత కుటుంబవారు ఒక షరతు మీద వీరి పెళ్లి జరగడానికి ఒప్పుకున్నారు. ఎలాంటి పెళ్లి ఆచారం లేకుండా కట్టుబట్టలతో తీసుకెళ్ళమని అనీష్ కుటుంబాన్ని కోరారు. వరుడు అనీష్ బంధువులు మరియు స్నేహితుల సమక్షంలో చాలా సాధారణంగా డిసెంబర్ 29 2014 లో  వివాహం చేసుకున్నారు.

అనీష్ కి వచ్చే కొద్దిపాటి ఆదాయంతోనే రజితను ఉన్నత చదువులు చదివించారు. భర్త ఆసరాతో రజిత కామర్స్ లో పీహెచ్డీ చదువులు పూర్తి చేసింది. ప్రేమించి ఇష్టపడి పెళ్లి చేసుకున్నా అనీష్, భార్యలో ఏదో అసంతృప్తి కల్పిస్తున్నట్లు గమనించాడు. ఏదైనా పెళ్లి వేడుకలో పాల్గొన్న భార్య మొహంలో ఒక చింత కనిపించేది అనీష్ కి.  తమ పెళ్లి అంత సాదాసీదాగా జరిగిపోవడం విధిరాత అని అనుకుంటూ ఉండేది రజిత.

రజిత కి వధువుగా అలంకరించుకోవాలి అనే కోరిక ఉండేది. వారి పెళ్లి రోజున తీసిన ఫోటోలు వీడియోలులో రజిత అన్నిటిలోనూ విచారంగానే కనిపించింది. ఇది చూసిన అనీష్ కు ఎంతో బాధగా అనిపించి తమ 8వ పెళ్లి రోజును వారే ఎప్పటికీ మర్చిపోకూడదు అని నిర్ణయించుకున్నాడు అనీష్.

తమ 7 ఏళ్ల కుమార్తె అమ్ము సాక్షిగా పెళ్లినాటి ప్రమాణాలు చేస్తూ వెడ్డింగ్ ఫోటోషూట్ ను ఏర్పాటు చేశారు. అనీష్ రజిత వధూవరులుగా ముస్తాబయ్యారు. అట్టుకల్ దేవాలయం, శంకుముఖం బీచ్ తో సహా అనేక ప్రదేశాలలో ఫోటోషూట్ జరిగింది. ఈ ఫోటోలు డిజిటల్ ఆల్బమ్ గా మారింది. ఈ సారి ఫోటోలో ప్రత్యేకత ఏంటంటే “రజిత ముఖం చిరునవ్వుతో” వెలిగిపోయింది. భార్య కలను నెరవేర్చిన ఈ భర్త ఎంత గొప్పవాడో కదా..

సోషల్ మీడియా పుణ్యమా అని ప్రస్తుతం ప్రతి చిన్న విషయం కూడా వైరల్ గా మారుతుంది. తెలియని వ్యక్తులు కూడా సోషల్ మీడియా ద్వారా ఎంతో గుర్తింపు పొందుతున్నారు.

ఇప్పుడు అదే విధంగా రైల్వే విధినిర్వహణలో ఉన్న ఇద్దరు వ్యక్తులు  తీసుకున్న  ఒక సెల్ఫీ  సోషల్ మీడియాలో తెగ హల్ చల్ చేస్తుంది . పోస్ట్ చేసిన ప్రతి సామాజిక మాధ్యమంలో మిలియన్ లైక్ లను సంపాదించుకుంది ఈ సెల్ఫీ.

సోషల్ మీడియాలో వైరల్ అవుతున్న ఈ ఫొటోలో ఇద్దరు వ్యక్తులు ఎదురెదురుగా వెళ్తున్న రైలు లో విధి నిర్వహణలో ఉన్నారు. ఒకరు సెల్ఫీ తీస్తుండగా మరొకరు ఆ సెల్ఫీ వైపు చూస్తూ ఉన్నారు. ఇంతకీ అసలు విషయం ఏంటంటే ఇద్దరు స్వయానా తండ్రీకొడుకులు కావడం.

తండ్రి కుమారుడు ఇద్దరు రైల్వే లోనే పనిచేస్తున్నారు. తండ్రి రైల్వేలోని గాడ్ గా విధులు నిర్వహిస్తున్నారు, అదేవిధంగా కుమారుడు రైల్వేలో ట్రావెల్ టికెట్ ఎగ్జామినర్ (TTE)గా పని చేస్తున్నారు.

వీరిద్దరూ విధి నిర్వహణలో ఉండగా అనుకోకుండా ఈ ఊహించని సంఘటన జరిగింది. వీరు పనిచేసే రెండు రైళ్లు పక్కపక్కనే ఆగి ఉన్నాయి. దీంతో ఒక ట్రైన్ లో విధి నిర్వహణలో ఉన్నా కొడుకు, మరోపక్క ట్రైన్ లో గార్డ్ విధులు నిర్వహిస్తున్న తండ్రితో సెల్ఫీ తీశాడు.

ఈ అద్భుతమైన సెల్ఫీ ని  For a change  అనే  ఫేస్బుక్ మాధ్యమంలో బెస్ట్ సెల్ఫీ ఆఫ్ ఎ ఫాదర్  అండ్ సన్ అని పోస్ట్ చేశారు. ఇది దాదాపు 1.5 మిలియన్ లైకులు పొందింది. వాట్ ఎ టైమింగ్ అంటూ ఒకరు, బెస్ట్ సెల్ఫీ ఆఫ్ ది ఇయర్ అంటూ మరొకరు, వండర్ఫుల్ అంటూ ఈ విధంగా నెటిజెన్లు అనేక విధాలుగా కామెంట్ చేస్తున్నారు.

పెళ్లి అనేది ఎవరికైనా ముఖ్య ఘట్టమే. అమ్మాయికి అయినా అబ్బాయికి అయినా అదో కలల తీరం. తాము పెళ్లి చేసుకోబోయే వారు ఎలా ఉండాలి అన్న విషయమై చాలా ఆలోచనలు పెట్టుకుంటుంటారు. అయితే.. సమాజంలో కట్నం వంటివి విషయాలు పాత కాలం నుంచే ఉన్నాయి. ఒక సంబంధం ఫిక్స్ చేసుకునే ముందు కట్న కానుకల గురించి కూడా చర్చించుకుంటూనే ఉంటారు. అయితే.. ఒక్కోసారి ఈ కట్నం అనేది అమ్మాయి తరపు వారికి గుదిబండగా మారుతూ ఉంటుంది.

హెచ్చు స్థాయిలో కట్నాలు ఆశించడం వలన అమ్మాయి తరపు తల్లితండ్రులు ఇబ్బందులు ఎదుర్కొంటు ఉంటారు. ఈ విషయమై అమ్మాయిలు కట్నాలు ఇచ్చే సంప్రదాయాలు రూపు మాపాలంటూ కోరుతూనే ఉంటారు. అయితే.. కట్నాలు అడిగితే చాలా మంది రిజెక్ట్ చేస్తూ ఉంటారు కూడా. ఇది ఇలా ఉండగా.. కొందరు అమ్మాయిలు తమను చేసుకోబోయే వారి జీతం మాత్రం ఏడాదికి 25 నుంచి 30 లక్షల ప్యాకేజీ ఉండాలి అని కోరుకుంటూ ఉంటారు.

representative image

కట్నం అడిగితే తప్పు అనే వారు.. అబ్బాయిలకి మాత్రం ఇన్ని లక్షల ప్యాకేజీ ఉండాలి అని కోరుకోవడం తప్పు కాదా.. అని ఓ కోరా యూజర్ ప్రశ్నించారు. ఇందులో ఈక్వాలిటీ ఎక్కడ ఉంది అని ప్రశ్నించారు. దీనికి ఓ అమ్మాయి సమాధానం ఇచ్చారు. ఆ అమ్మాయి ఏమి సమాధానం ఇచ్చిందో మీరే చదవండి. ” ఏడాదికి 30 లక్షల జీతం సంపాదించని కారణంగా ఏ అత్తామామలైనా తమ అల్లుడిని చంపేసిన ఘటనని మీరు ఒక్కటైనా చూసారా..? కానీ, కట్నం ఇవ్వని కారణంగా బలి అవుతున్న ఆడపిల్లలు ఎందరు ఉన్నారో తెలుసా?

representative image

ఇప్పటికీ భారత దేశంలోని చాలా ప్రాంతాల్లో కట్నం ఇవ్వకుండా ఆడపిల్ల అత్తారింటికి వెళితే.. ఆమె జీవితం ప్రమాదంలో పడ్డట్లే. కానీ అబ్బాయిల విషయంలో ఇదే పరిస్థితి ఉందా…? అబ్బాయిలు ఎంత సంపాదించుకున్నా దానికి సంబంధించిన లెక్కలు ఎవరికీ చెప్పాల్సిన పని లేదు. అది అతని సొమ్మే. కానీ కట్నంగా ఆడపిల్లలు ఎంత తీసుకు వచ్చినా.. పెళ్లి అయిన తరువాత వారికి అందులో రూపాయి కూడా ఇచ్చేవారు ఉండరు. ఆ సొమ్ము భర్త లేదా అత్తమామలు దాచి పెడతారు. అబ్బాయి సంపాదన, కట్నం అనేవి రెండు వేరు వేరు విషయాలు. ఈ రెండిటిని ఎలా ఈక్వలైజ్ చేసి చూస్తారు..?

representative image

తక్కువ శాలరీ వచ్చే అబ్బాయిలను పెళ్లి చేసుకోవద్దు.. అని ఏ భారతీయ చట్టం అయినా చెబుతోందా..? లేదు కాదా.. కానీ, కట్నాలను ఇవ్వొద్దు మరియు తీసుకోవద్దు అని భారత చట్టాల్లో చెప్పబడి ఉంది. అంటే.. కట్నం ఇవ్వడం, తీసుకోవడం తప్పు అనే అర్ధం. అయితే.. చాలా మంది సిస్టంను మిస్ యూజ్ చేస్తున్నారు అన్నది వాస్తవమే. కానీ, కేవలం కొంతమంది కారణంగా ఈ రెండిటిని కంపేర్ చేసుకుని.. కట్నం అడగడం మాత్రం సరైన పద్ధతి కాదు.”

ఈ అమ్మాయి చెప్పిన సమాధానాన్ని మీరు ఏకీభవిస్తారా..? మీ అభిప్రాయం ఏమిటి..?

లేడీస్ ఫస్ట్.. ఈ మాట తరచూ మనం వింటూనే ఉంటాం. ఏదైనా చేయాలి అన్నా, ఎక్కడికైనా వెళ్ళాలి అన్నా, ఏదైనా చెప్పాలి అన్నా.. ఎవరు ముందు అనే మీమాంసలో ఉంటే వెంటనే లేడీస్ ఫస్ట్ అంటారు. ఇన్నీ విషయాల్లో లేడీస్ ఫస్ట్ అంటూ ఉంటారు కానీ ఇంట్లో మాత్రం ఇందుకు పూర్తి భిన్నంగా ఉంటుంది.

ఇంట్లో అందరూ తిన్నాకే అమ్మ తింటుంది. అందరూ పడుకున్నాకే అన్నీ సర్ది అమ్మ పడుకుంటుంది. అందుకే అమ్మ గురించి ఓ గొప్ప మాట ఉంది. “తినవలసిన వ్యక్తులు నలుగురు ఉన్నప్పుడు, తినడానికి 3 రొట్టెలే ఉన్నప్పుడు.. నాకు ఆకలిగా లేదు అనే మొదటి వ్యక్తి అమ్మే”.

అందుకేనేమో ఇంట్లో ఆడవాళ్లు అందరూ తిన్నాక మిగిలింది తింటారు. అందరూ ప్రశాంతంగా పడుకున్నారు అని తను నిశ్చయించుకొన్నాకే చివరికి పడుకుంటారు.ఇంట్లో ఉండే ఆడవారంటే అనేకమందికి అదో రకమైన చులకన భావం ఉంటుంది. భర్త బయట కష్టపడి సంపాదిస్తే.. ఇంట్లో ఖాళీగా కూర్చోని తింటుంటారు అన్నట్టు ఉంటుంది వాళ్ళ వాలకం. కానీ ఇంట్లో క్షణం తీరిక లేకుండా గడిపేది వాళ్లే అని గుర్తించరు. వాళ్ళ ఆకలిని, ఆరోగ్యాన్ని సైతం లెక్క చేయకుండా మనకు అన్ని సమకూర్చి పెడతారు వాళ్ళు.

మన ఇంట్లో అన్నీ సజావుగా సాగుతున్నాయి అంటే దానికి కారణం వాళ్లే అని ఎవరు గుర్తించకపోగా సూటిపోటి మాటలతో వారిని బాధిస్తాం. ఇంత చేసినా తిరిగి మన నుంచి ఏం ఆశించరు. కనీసం “నువ్వు తిన్నావా” అని అడిగే వారు కూడా తక్కువే మనలో. మళ్లీ దీనికి మన సంస్కృతి.. సంప్రదాయం అని కలరింగ్ ఇస్తాం. అయితే ఇదే విషయాన్ని ప్రస్తావిస్తూ ట్విట్టర్ యూజర్ అన్షిక అన్నింట్లో లేడీస్ ఫస్ట్ అంటారు కానీ మా అమ్మ మాత్రం లాస్ట్ కే తింటుంది అని పోస్ట్ చేసారు.

దీనికి అనేక మంది నెటిజన్లు స్పందిస్తూ.. అది తల్లికి పిల్లలపై ఉండే ప్రేమ అని కొందరంటే.. కుటుంబం పట్ల బాధ్యత అని మరికొందరు కామెంట్ చేశారు. కొందరు ఇది పితృస్వామ్య కట్టుబాట్లలో భాగం అని అంగీకరించారు. ఇంకొందరు మాత్రం ఇది పబ్లిక్ గా చర్చించడం ఏంటని అన్షికను విమర్శిస్తున్నారు. ఏది ఏమైనప్పటికీ కొన్ని మాటలు బయట ఆదర్శలకే కానీ ఇంట్లో ఆచరణకు పనికిరావు అని మనం అర్ధం చేసుకోవాలి.

NOTE: images used in this article are just for representative purpose. But not the actual characters.