Human angle

ఎన్నో ఆటంకాలు వచ్చినా ఆత్మస్థైర్యంతో ముందుకు వెళ్ళచ్చు అనుకుంటాం. మానసికంగా ఏమైనా సమస్యలు ఉన్నా వాటిని మన సంకల్పబలంతోనో.. మనోధైర్యంతోనో మనం అధిగమించవచ్చు. మరి శారీరక సమస్యల పరిస్థితి ఏంటి..? కొంతమంది పుట్టుకతోనే అవయవలోపంతో జన్మించిన వారు ఉంటారు. వారిలో కూడా కుంగిపోకుండా జీవితంలో విజయం సాధించే దిశగా ముందుకు వెళ్ళేవాళ్ళని చూస్తూనే ఉంటాం.

ఎడెల్వీస్ మ్యూచువల్ ఫండ్‌కు చీఫ్ ఎగ్జిక్యూటివ్ ఆఫీసర్‌గా పని చేస్తున్న రాధికా గుప్తారాధికా గుప్తా కూడా ఈ కోవకు చెందిన వ్యక్తే. ఒకప్పుడు జాబ్ రాకపోయేసరికి జీవితాన్ని ముగించేయాలనుకున్న ఆమె.. నేడు చిన్న వయసులోనే సీఈఓ పదవి చేపట్టిన వ్యక్తుల్లో ఒకరిగా నిలిచారు.

రాధికా గుప్తా పుట్టుకతోనే వంకర మెడతో జన్మించారు. కెరీర్ ప్రారంభంలో ఆమె ఎన్నో ఆటంకాలను ఎదుర్కోవాల్సి వచ్చింది. అవయవలోపం కారణంగా ఎన్నో ఉద్యోగాలను ఆమె కోల్పోవాల్సి వచ్చింది. ఇరవై రెండేళ్ల వయసులోనే ఉద్యోగం దొరక్క విరక్తి చెందిన ఆమె తన జీవితాన్ని చాలించాలనుకుంది. అయితే.. ఆమె స్నేహితులు ఆమెను కాపాడడంతో ఆమె బతికి బట్టకట్టారు. చిన్నతనం నుంచే అవయవలోపం కారణంగా రాధికా గుప్తా ఎన్నో అవమానాలను ఎదుర్కొన్నారు.

ఆమె తండ్రి దౌత్యవేత్త కావడంతో ఆమె పలు చోట్ల పెరిగారు. పాకిస్తాన్, న్యూ ఢిల్లీ, న్యూయార్క్ లలో పెరిగిన ఆమె తరువాత నైజీరియా కు వెళ్లాల్సి వచ్చింది. ఇలా ఆమె చదువుకు రకరకాల ప్రాంతాలలో కొనసాగింది. నైజీరియాలో ఆమె చదువుకున్న స్కూల్ లోనే ఆమె తల్లి కూడా పనిచేసేవారు. ఆమె తల్లి చాలా అందగత్తె. అయితే రాధికా గుప్తాకు ఉన్న అవయవలోపం కారణంగా అందరు ఆమెని తల్లితో పోలుస్తూ గేలి చేసేవారు. ఇలా ఆమె కాన్ఫిడెన్స్ చాలా వరకు దెబ్బతింది. అభద్రతా భావాల మధ్య పెరిగిన ఆమె ఉద్యోగం చేయాలనుకున్నా.. అందులో కూడా ఓటమి ఎదుర్కోవాల్సి వచ్చింది. దీనితో ఆమె కిటికీలోంచి కిందకు దూకేశారు. అయితే.. ఆమె స్నేహితురాలు కాపాడింది.

కానీ, కాళ్ళు విరగడంతో నాలుగు చక్రాల కుర్చీకి పరిమితం అవ్వాల్సి వచ్చింది. ఆ సమయంలోనే మానసిక ఒత్తిడికి చికిత్స తీసుకున్నారు. ఆ సమయంలో వచ్చిన ఒక్క అవకాశమే నా జీవితాన్ని మలుపుతిప్పింది. ఒక జాబ్ ఇంటర్వ్యూ ఉందని చెప్పి ఆసుపత్రి నుంచి బయటకు వచ్చి ఇంటర్వ్యూకు వెళ్లారు. అప్పుడే రాధికా గుప్తాకు మెకెన్సీలో జాబ్ వచ్చింది. కానీ మూడేళ్ళ తరువాత ఆర్ధిక సంక్షోభం కారణంగా ఇబ్బందులు వచ్చాయి.

అప్పుడే దేశం మారాలని అనుకున్నారు. పాతికేళ్ల వయసులో.. భర్త సాయంతో భారత్ కు వచ్చారు. భారత్ లో సొంతంగా అసెట్ మేనేజ్‌మెంట్ సంస్థను ప్రారంభించారు. కొన్నేళ్ళకి ఈ కంపెనీని ఎడెల్వీస్ మ్యూచువల్ ఫండ్స్ సంస్థ కొనుగోలు చేసింది. ఎడెల్వీస్ మ్యూచువల్ ఫండ్ సంస్థ సీఈఓ కోసం చూస్తున్న టైములోనే రాధికా భర్త ఆమెని ప్రోత్సహించారు. అలా.. ఆమె ఎడెల్వీస్ మ్యూచువల్ ఫండ్స్ సంస్థకు సీఈఓ అయ్యారు. ఒకప్పుడు నాలోపాన్ని చూసుకుని బాధపడేదాన్నని.. అలా ఎవ్వరూ బాధపడకూడదనే.. లిమిట్ లెస్ పుస్తకాన్ని రాశానని రాధికా గుప్త చెప్పుకొచ్చారు.

సోషల్ మీడియా యుగంలో ప్రేమికులు తమ ప్రేమను వ్యక్తపరుచుకోవడానికి క్షణం కూడా ఆలస్యం చేయడం లేదు. అయితే.. ప్రేమ ఎంత త్వరగా పుడుతుందో.. అంతే త్వరగా గొడవలు కూడా వచ్చే అవకాశాలు ఉంటాయి. ప్రస్తుతం ఉన్న రోజుల్లో ప్రేమికుల మధ్య ఉన్న అతి చనువు కూడా ఒక్కోసారి బ్రేకప్ కు దారితీస్తోంది. చేతిలోకి స్మార్ట్ ఫోన్ వచ్చాక ప్రైవసీ అన్న పదమే చెరిగిపోయింది.

దానికి తోడు ఫోన్ ను ఎక్కువ వాడుకుంటూ పర్సనల్ స్పేస్ ను పెంచుకోవడం కూడా ఇద్దరు వ్యక్తుల మధ్య బంధం బీటలు వారడానికి కారణం అవుతోంది. కొన్ని అలవాట్ల వలన కూడా ఎంతో అన్యోన్యంగా ఉండే జంట విడిపోవచ్చు.

ఇద్దరు ప్రేమికుల మధ్య బ్రేకప్ కు దారి తీసే అంశాలేంటో ఇప్పుడు తెలుసుకుందాం. ఏ బంధంలో అయినా ఒకరిని ప్రేమించినప్పుడు వారి తప్పులను స్వీకరించే మనస్తత్వం ఉండాలి. అది ఈరోజుల్లో లేకపోవడం వలన చాలా మంది మధ్య వచ్చే మనస్పర్థలు ఎప్పటికీ తొలగక బ్రేకప్ కు దారితీస్తున్నాయి. రిలేషన్ షిప్ లో ఇద్దరి అభిప్రాయాలకు విలువ ఉండాలి. అంతే తప్ప మీ భాగస్వామి మీ చెప్పుచేతల్లోనే ఉండాలని కోరుకుంటే  మాత్రం ఆ బంధం ఎక్కువ కాలం నిలవదు.

కొందరు ఎలాంటి దుస్తులు వేసుకోవాలి, ఎవరిని కలవాలి, ఎవరితో మాట్లాడాలి లాంటివి కూడా నిర్ణయించేస్తూ ఉంటారు. దానివల్ల మీ భాగస్వామికి మీపై ఉన్న ఇష్టం కాస్త అసహ్యంగా మారుతుంది. పూర్తిగా మీ భాగస్వామిపై ఆధారపడడం. రిలేషన్ షిప్ అన్నాక ఒకరి పనులు ఒకరి పంచుకోవడం సహజమే.. కానీ.. పూర్తిగా భాగస్వామిపైనే ఆధార పడడం వలన కూడా మీరు చులకన అయ్యే అవకాశం ఉంటుంది.

ఒక మనిషి జీవితంలో మార్పు అనేది చాలా సహజమైన విషయం. ప్రతి మనిషి జీవితంలో ముందుకు వెళ్తున్నప్పుడు ఈ మార్పుని ఎదుర్కోవాల్సిందే.

కానీ కొన్నిసార్లు ఆ మార్పు వల్ల ఆ మనిషి తన వ్యక్తిత్వాన్ని కోల్పోతాడు. తాను తన లాగా కాకుండా వేరే ఎవరి లాగానే ఉంటూ ఉంటాడు. ఇందుకు ఉదాహరణ ఇప్పుడు మీరు చదవబోయే కథ.

సంధ్య ఒక సాఫ్ట్వేర్ కంపెనీలో ఉద్యోగం చేస్తోంది. ఉద్యోగంలో చేరిన కొన్ని సంవత్సరాలకి వాళ్ళ ఇంట్లో వారు తనకి పెళ్లి చేశారు. పెళ్లయిన తర్వాత సంధ్య తన భర్తతో, అత్తమామలతో కలిసి ఉంది. సంధ్య కి ఈవినింగ్ షిఫ్ట్. దాంతో సంధ్య షిఫ్ట్ ముగించేటప్పటికి దాదాపు తెల్లవారుజాము అవుతుంది. సంధ్య అప్పుడు పడుకొని 10 గంటల తర్వాత లేస్తుంది.

పెళ్లి కాక ముందు తను ఇలాగే చేసేది. పెళ్లయిన తర్వాత కూడా తను షిఫ్ట్ మూడు గంటలకి పూర్తవడంతో 3 గంటలకి పడుకుని 10 గంటలకి నిద్రలేచింది సంధ్య. నిద్ర లేచి, ఫ్రెషప్ అయ్యి, తన అత్త గారికి సహాయం చేద్దామని వెళ్ళింది. అత్త గారిని చూసి నవ్వుతూ పలకరించింది సంధ్య. కానీ అత్తగారి మొహంలో ఆ నవ్వు లేదు. సంధ్య “ఏమైంది అత్తయ్యా?” అని అడిగింది.

అందుకు సంధ్య వాళ్ళ అత్తగారు “ఇంత ఆలస్యంగా నిద్రలేవడం ఏంటి? 7 గంటలకు నిద్ర లేస్తే ఏమవుతుంది?” అని అడిగింది. అందుకు సంధ్య “అంటే నా షిఫ్ట్ తెల్లవారుజామున అయిపోతుంది అత్తయ్యా. అప్పుడు పడుకొని కొంచెం ఆలస్యంగా నిద్ర లేస్తాను” అని చెప్పింది. అందుకు వాళ్ళ అత్తగారు “ఇలాంటివన్నీ ఇంకా నడవవు. ఉదయం 7 గంటలకు నిద్ర లేవడం అలవాటు చేసుకో” అని సంధ్యని పైనుంచి కిందికి చూసింది. సంధ్య నైట్ డ్రెస్ లో ఉంది.

“ఇక మీదట ఇలాంటి బట్టలు వేసుకోవడం మానేసెయ్. ఇంట్లో మీ మామ గారు కూడా తిరుగుతూ ఉంటారు. తయారయ్యే విధానం మార్చుకో” అని చెప్పింది. సంధ్యకి నిద్ర చాలకపోయినా కూడా అలాగే 7 గంటలకి లేచి అత్తగారికి పనిలో సహాయం చేసేది. తన షిఫ్ట్ మొదలయ్యే టైం కి పని మొత్తం ముగించుకొని ఉద్యోగానికి వెళ్లబోతున్నా కూడా వాళ్ళ అత్తగారు ఆపి ఏదో ఒక పని చెప్పేది.

“ఉద్యోగానికి వెళ్ళాలి” అంటే అయినా “సమయం కాని సమయంలో చేసేది ఏం ఉద్యోగం? ఇలాంటి ఉద్యోగం చేయడం అవసరమా? మానేసి వేరే ఏదైనా చూసుకో” అని చెప్పింది. సంధ్యకి తన భర్త నుండి కానీ, తన మామగారి నుండి కానీ ఎటువంటి మద్దతు లభించలేదు. అంతే కాకుండా వాళ్లు కూడా సంధ్య అత్తగారు అన్న మాటకే మద్దతు ఇచ్చి సంధ్యని వేరే ఉద్యోగం చూసుకోమని చెప్పారు. దాంతో సంధ్య ఒక స్కూల్లో టీచర్ గా జాయిన్ అయింది.

ఇప్పుడు సంధ్య తన అత్తగారికి నచ్చినట్టు గానే జాబ్ చేస్తూ, ఇంట్లో అందరికీ సహాయం చేస్తోంది. దాంతో సంధ్య అత్తగారు, మామగారు, భర్త చాలా సంతోషంగా ఉన్నారు. సంధ్య అత్తగారు అయితే అందరికీ తన కోడలికి తనే ఒక మంచి దారి చూపించినట్టు, ఇలా సమయం కానీ సమయంలో చేసే సాఫ్ట్వేర్ జాబ్ వల్ల ఆరోగ్యం పాడైపోతుంది అని టీచర్ జాబ్ లో చేరాలా చేసినట్లు గొప్పగా చెప్పుకుంది.

వాళ్లందరూ కూడా సంధ్య అత్తగారిని చాలా పొగుడుతున్నారు. అందరూ బాగానే ఉన్నారు. కానీ సంధ్య మాత్రం తన వ్యక్తిత్వాన్ని ఎప్పుడో కోల్పోయింది. సంధ్యకి క్యాంపస్ ప్లేస్మెంట్ లో జాబ్ రాకపోయినా కూడా తనకి సాఫ్ట్వేర్ జాబ్ చేయాలనే ఇష్టం ఉండడంతో ఎంతో కష్టపడి ఎన్నో ఇంటర్వ్యూలలో ఫెయిల్ అయినా కూడా మళ్లీ ప్రయత్నించి ఆ జాబ్ సంపాదించుకుంది.

సంధ్య చేసే హార్డ్ వర్క్ ని, పడే కష్టాన్ని చూసి తనతో ఉద్యోగం చేసే వారందరూ సంధ్యని ఆదర్శంగా తీసుకునే వాళ్ళు. దాంతో సంధ్య మెల్లగా ప్రమోట్ అవుతూ కంపెనీలో టాప్ పొజిషన్ కి వెళ్ళింది. అలా అంత కష్టపడి టాప్ పొజిషన్ కి వెళ్ళిన సంధ్య ఉద్యోగం మానేసి వెళ్లిపోయింది అంటే వాళ్లు కూడా షాక్ అయ్యారు.

సంధ్య లాంటి వాళ్ళు ఈ ప్రపంచంలో ఎంతో మంది ఉంటారు. ప్రపంచ వరకు ఎందుకు మనలో కొంత మంది మన చుట్టూనే ఉన్న ఎంతోమంది సంధ్య ఎదుర్కొన్న సమస్యలను ఎదుర్కొంటుంటారు. అసలు ఇందులో సంధ్య చేసిన తప్పేంటి? అవతల వారి మీద తమ ఇష్టాలని రుద్దడం వల్ల జనాలకు ఏమొస్తుంది? వారికే తెలియాలి.

NOTE: images used in this article are just for representative purpose. But not the actual characters.

మనం మంచి చేస్తే అదే మంచి మనకి తిరిగి వస్తుంది.అదే చెడు చేస్తే అదే చెడు ఏదో ఒకరూపంలో వస్తుంది అని మనం వింటూనే ఉంటాం.అయితే సరిగ్గా పైన చెప్పిన వ్యాఖ్యానికి సంభందించిన కథ ఒకటి ఇప్పుడు తెలుసుకుందాం.అయితే ఒక దేశంలో ఓ రాజుకు మూడు కన్నులు ఉన్న కూతురు జన్మిస్తుంది.అయితే ఆ కూతురు జన్మించడం వలన రాజుకి నష్టమని ఆ అమ్మాయికి వివాహం చేసి పంపించేదాకా రాజుకి గండం తప్పదని జ్యోతిష్య పండితులు చెప్తారు.

అయితే కొన్నాళ్లకు రాజు కూతురు యుక్త వయసుకు వస్తుంది.దీంతో తన కుమార్తెకు వివాహం జరిపించడానికి చాలా సంబంధాలు చూస్తాడు ఆ రాజు.అయితే అమ్మాయికి మూడు కన్నులు ఉండడంతో వివాహం చేసుకోవడానికి ఎవరూ ముందుకు రారు.దీంతో అమ్మాయిని వివాహం చేసుకున్నవారికి వజ్ర,వైడూర్య,బంగారు కానుకలు భారీస్థాయిలో ఇస్తానని రాజు ప్రకటిస్తాడు.అంతే కాకుండా అమ్మాయిని వివాహం చేసుకున్న తర్వాత రాజ్యం నుండి దూరం గా వెళ్లిపోవాలని సూచిస్తాడు.

ఈ వార్త కొద్ది సమయంలోనే రాజ్యమంతా విస్తరిస్తుంది.అయినా ఎవరూ వివాహం చేసుకోవడానికి ముందుకు రారు.అయితే ఈ వార్త విన్న ఓ అంధుడు తన వికలాంగుడు అయిన తమ్ముడు తో రాజ్యంలోకి వచ్చి మీ అమ్మాయిని వివాహం చేసుకుంటానని చెప్తాడు.దానికి అంగీకరించిన రాజు తన కూతురుని ఇచ్చి వివాహం చేసి తాను ప్రకటించిన కానుకలు ఇచ్చి రాజ్యం నుండి బయటకి పంపిస్తాడు.

కాగా ఆ అంధుడు , వికలాంగుడు అయిన ఆ అంధుడి సోదరుడు మరియు రాజకుమారి కలిసి జీవిస్తూ ఉంటారు.అయితే రాజకుమారి తన మరది అయిన వికాలాంగుడు తో వివాహేతర సంబంధం పెట్టుకుంటుంది.ఎలా అయినా తన భర్తను చంపేసి తన మరిది తో ఎక్కడికైనా దూరంగా వెళ్లిపోవాలని రాజకుమారి అనుకుంటుంది.దానిలో భాగంగా ఓ విషపూరితమైన పాము ను తీసుకొచ్చి కూర చేసి ఆ అంధుడిని చంపేద్దాం అని వికలాంగుడు మరియు రాజకుమారి ఓ చనిపోయిన పామును ఇంటికి తీసుకువస్తారు.

అయితే ఆ పాము ను రాజకుమారి కూర ఉండుతూ ఇది చేపల కూర అని తన భర్తతో చెప్తుంది .అయితే మధ్యలో కూరను కదుపుతూ ఉండమని తన భర్త అయిన అంధుడికి అప్పగిస్తుంది.అయితే ఆ సమయంలో తన మరిది అయిన వికాలాంగుడితో సరసాలు ఆడుతూ ఉంటుంది రాజకుమారి.అయితే కూరను కదుపుతున్న అంధుడికి ఆ పాము కూరలో నుండి వచ్చే ఆవిరితో చూపు వస్తుంది.ఆ అందుడుకి చూపు రాగానే రాజకుమారి తన తమ్ముడితో సరసాలు ఆడడం కనిపిస్తుంది.అయినా కానీ చూపు రానట్టే ఉండిపోతాడు ఆ అంధుడు.

representative image

కాగా మరుసటి రోజు జరిగిన విషయాన్ని అంతా రాజ్యానికి వెళ్లి రాజుతో చెప్తాడు ఆ వ్యక్తి .అయితే జరిగిన మోసాన్ని గ్రహించిన రాజు తన రెండొవ కూతురిని ఇచ్చి ఆ వ్యక్తి కి వివాహం చేయిస్తాడు.అయితే  మనం మంచి మనసుతో ఏదైనా పని చేస్తే ఎదుటివారు మనకి చెడు చెయ్యాలని చూసినా మనకి మంచే జరుగుతుంది అనడానికి ఈ కథ ఓ మంచి ఉదాహరణ.

ఉదయం 6:00 అయ్యింది. రాత్రి ఏమైందో ఏమో బాగా అలసట గా అనిపించి, గుండెల్లో కొంచెం నొప్పి అనిపించింది. తట్టుకోలేక అక్కడే పడిపోయాను. తర్వాత నన్ను ఎవరు తీసుకొచ్చారు ఎవరు పడుకోబెట్టారు ఏమి గుర్తు లేదు. అబ్బా! తల పగిలిపోతుంది వెంటనే లేచి కాఫీ తాగాలి.

నా భార్య ఎక్కడ? ఈపాటికే నన్ను లేపి కాఫీ టేబుల్ మీద పెట్టి వెళ్తుంది. ఇవాళ ఏంటి ఆలస్యం అయింది ? సరేలే ఏదో పనిలో ఉంటుంది. నేనే వెళ్ళి అడిగి తెచ్చుకుంటా. ఇదేంటి! హాల్ లో ఎంత మంది ఉన్నారు ఏంటి? ఏమైంది? సరే దగ్గరికి వెళ్లి చూద్దాం.

నా భార్య ఏడుస్తోంది ఏంటి? నా కొడుకు కి ఏమైంది వాడు ఎందుకు అంతలా ఏడుస్తున్నాడు? నా స్నేహితుడు కూడా వచ్చాడు. వాడికి నాకు ఏడాది క్రితం గొడవైంది. ఇప్పటివరకూ మాట్లాడుకోలేదు. వాడు మాట్లాడకపోతే నేను ఎందుకు మాట్లాడాలి. ఏమో ఎందుకు వచ్చాడో. ఏంటిది ? ఎవరో చచ్చిపోయినట్టు ఉన్నారు. ఈ ఇంట్లో ? ఎవరై ఉంటారు? అమ్మానాన్న లో ఎవరైనా? లేదు ముందు వాళ్ళ రూమ్ లో చూద్దాం. అమ్మ నాన్న బానే ఉన్నారు కదా. కానీ వీళ్లు కూడా ఏడుస్తున్నారు ? అసలు ఎవరో ఒకసారి చూస్తే గానీ అర్థం కాదు.

ఎవరది? ఏంటి అది అది అది నేనే. నేను చనిపోయానా ? ఎలా ? లేదు నేను చనిపోలేదు. నా భార్య ముందు బిగ్గరగా అరుస్తున్న వినట్లేదు. నా కొడుకు కూడా నేను పిలుస్తున్న పలకట్లేదు. పోనీ అమ్మానాన్నలు చెబుదామా? అయ్యో వాళ్లు కూడా నా మాట వినట్లేదు. నా స్నేహితుడికి చెప్తే? ఇంక ఈగో చంపుకొని నేనే వెళ్ళి వాణ్ణి క్షమాపణ అడుగుతాను. జరిగిన గొడవలో ఎంతో కొంత నాతో కూడా ఉంది కదా. అరే వీడు కూడా పలకట్లేదు ఏంటి? అంటే నేను నిజంగానే చనిపోయానా ?

దేవుడా ఇంకా నేను చేయాల్సిన పనులు చాలా ఉన్నాయి. కష్టపడి నన్ను బాబుని అమ్మానాన్నల్ని చూసుకుంటున్న నా భార్యతో ఒక్కసారి కూడా తను అందంగా ఉందని చెప్పలేదు. ఇప్పుడు చెప్పాలి. అలాగే నాకు ఏ సమస్య రాకుండా ఇంటి బాధ్యత మొత్తం తనే తీసుకున్నందుకు థాంక్స్ కూడా చెప్పాలి. ఉద్యోగంలో పడి నా కొడుకుతో ఇప్పటివరకు నేను సరిగ్గా మాట్లాడలేదు. వాడితో మాట్లాడాలి. ఆడుకోవాలి. మా అమ్మ నాన్న లను కూడా ఈ మధ్య సరిగా పట్టించుకోవడం లేదు. వాళ్లతో కొంత సమయం గడపాలి. అలాగే నా స్నేహితుడికి క్షమాపణ చెప్పాలి. కుటుంబం మొత్తాన్ని ఎక్కడికైనా టూర్ కి తీసుకెళ్లాలి. వాళ్లతో కొన్ని రోజులు సరదాగా గడపాలి.

ఇంకా చేయాల్సినవి చాలా ఉన్నాయి దేవుడా. ప్లీజ్ దేవుడా నా తప్పులను క్షమించి ఇంకొక అవకాశం ఇవ్వు దేవుడా. ఒక్కసారి బ్రతికించు దేవుడా ప్లీజ్ దేవుడా. నాకు ప్రాణబిక్ష పెట్టు దేవుడా. ప్లీజ్ దేవుడా ప్లీజ్ దేవుడా. ఇలా అంటుండగానే నన్ను ఎవరో గట్టిగా కుదిపినట్టు అనిపించింది. నాకేం అర్థం కావట్లేదు. మెల్లగా నా భార్య నన్ను లే అంటున్నట్టు వినిపిస్తోంది. ఇప్పుడు ఇంకా బిగ్గరగా వినిపిస్తోంది. ఒక్కసారిగా కళ్లు తెచ్చుకున్నా. నా భార్య పక్కనే ఉంది. నేను నా రూమ్ లోనే ఉన్నాను. టేబుల్ మీద కాఫీ కూడా ఉంది. ” ఏమైంది ఏమైనా కల వచ్చిందా? ఎందుకలా కలవరిస్తున్నావు?” అని నవ్వింది నా భార్య. అంటే నేను బతికే ఉన్నానా? హమ్మయ్య నేను బతికే ఉన్నా! థాంక్యూ దేవుడా.

కాఫీ తాగి లేచి రెడీ అయ్యి ఆఫీస్ కి వెళుతూ నా భార్యకి నువ్వు అందంగా ఉన్నావు. నువ్వు ఇంట్లో అంత జాగ్రత్తగా చూసుకుంటున్నావు కాబట్టి నేను ఆఫీసులో శ్రద్ధతో పని చేయగలుగుతున్నాను. అన్నిటికీ థాంక్యూ. అని చెప్పాను. ఆనందంతో తన కళ్ళలో నీళ్ళు వచ్చాయి. అమ్మానాన్నలతో కూడా ఓ పావుగంట మాట్లాడాను. బాబుని స్కూల్లో దించేసి. నేను ఆఫీస్ కి బయలుదేరాను. దారిలో నా స్నేహితుడికి ఫోన్ చేశాను. సారీ చెప్పాను. అరే మనలో మనకు సారీలు ఏంట్రా? సాయంత్రం కలుద్దాం అని అన్నాడు.

ఎందుకో తెలీదు రోజు కంటే ఇవాళ ఆఫీస్ కి కొంచెం ఉత్సాహం తో వెళ్తున్నాను. ఏదో బరువు తగ్గినట్టు అనిపిస్తోంది. బహుశా ఇవాళ నా ఇగో ని పక్కన పెట్టి మనసు చెప్పిన మాట విన్నాను. అందుకే ఏమో కొంచెం తేలికగా అనిపిస్తుంది. మీరు కూడా నాకెందుకు ? నేను ఏంటి ఒకళ్ళకి సారీ చెప్పేది? ఇష్టముంటే వాళ్లే వచ్చి మాట్లాడారు. ఇలాంటి ఆలోచనలను పక్కన పెట్టి అందరితో మంచిగా మాట్లాడండి. కుటుంబానికి కొంత సమయం కేటాయించండి. స్నేహితులతో మంచి రిలేషన్ ఏర్పరుచుకోండి. తర్వాత చేద్దాం అన్న ఆలోచన తీసేయండి. ఏదైనా మంచి పని చేయాలి అనిపిస్తే వెంటనే చేసేయండి. ఈ జీవితం మళ్ళీ మళ్ళీ రాదు. కాబట్టి మీ చుట్టూ ఉన్న వాళ్ళని వాళ్లు తప్పు లేకుండా నొప్పించకండి. నెగిటివిటీ ని దూరంగా ఉంచండి. ఉన్న ఈ ఒక్క జీవితాన్ని నవ్వుతూ హాయిగా గడపండి.

ఈ మధ్య ప్రపంచం చాలా చిన్నదైపోయింది. విదేశాలకు వెళ్లి చదువుకుంటున్న వారు కూడా ఎక్కువే ఉన్నారు. ఇక్కడి విధానాలు.. అక్కడి విధానాలు కంపేర్ చేసుకోవడం అనేది కూడా సహజం గానే జరుగుతూనే ఉంటుంది.

కొన్ని సందర్భాల్లో ఇండియా నుంచి చదువుకోవడానికో.. లేక ఉద్యోగం చేయడానికే అమెరికా వంటి ఇతర దేశాలకు వెళ్లేవారు కొన్ని ఇబ్బందికర పరిస్థితులను ఎదుర్కోవాల్సి వస్తూ ఉంటుంది.

తాజాగా.. అలాంటి పరిస్థితి ముగ్ధ అనే ఓ అమ్మాయికి ఎదురైంది. పేరుకు తగ్గట్లే అందం గా ఉండేది. ఎమ్మెస్ చేయడం అనేది తన కల. అది నెరవేర్చుకోవడానికి కొన్ని నెలల క్రితమే అమెరికా కు వెళ్ళింది. అయితే.. అక్కడి వారిలో చాలా మంది ఇండియన్స్ ను చులకన గా చూస్తూ ఉంటారని ఆమెకు అర్ధం కావడానికి ఎక్కువసేపు పట్టలేదు. తన ఫ్రెండ్స్ లోనే అలాంటి వారిని చూసింది ఆ అమ్మాయి.

ముగ్ధ ఫ్రెండ్స్ లో జోసెఫ్ ఒకడు. టాపర్ అయిన ముగ్ధ ను అవకాశం దొరికినప్పుడల్లా అవమానించడానికి ప్రయత్నిస్తుంటాడు. ఓసారి పార్టీ లో ఇద్దరు కలుసుకోవాల్సి వచ్చింది. డిన్నర్ చేస్తూ ముక్తసరి గా మాట్లాడుతున్న ముగ్ధను కావాలనే జోసెఫ్ డిస్టర్బ్ చేస్తాడు. ఇండియన్స్ కు పరిశుభ్రత ఉండదు.. అంటూ ఇండియన్స్ ని చులకన చేసి మాట్లాడతాడు. చివరకు టాయిలెట్ కి వెళ్లినా టిష్యూ పేపర్ వాడడం చేతకాదని.. వాటర్ తో చేత్తోనే కడిగేసుకుంటారని.. అస్సలు శుభ్రత ఉండదని నోటికొచ్చినట్లు వాగేస్తాడు.

జోసెఫ్ కి ఎలా అయినా గుణపాఠం చెప్పాలి అని ముగ్ధ ఫిక్స్ అయిపోతుంది. అప్పటికే రెండోసారి ఆర్డర్ చేసిన ఫుడ్ ఆర్డర్ రావడం తో ఇదే అదను అనుకుంటుంది. జోసెఫ్ తిన్న ప్లేట్ ని వెయిటర్ తీయబోతుండగా.. వద్దని వారిస్తుంది. ఒక టిష్యూ పేపర్ ఇచ్చి దానితోనే తుడిచి క్లీన్ చేసి అదే ప్లేట్ లో ఫుడ్ పెట్టమని చెబుతుంది. జోసెఫ్ ముఖం లో రంగులు మారతాయి. ప్లేట్ ని కడగకుండా ఎలా తినాలి..? అంటూ జోసెఫ్ అయిష్టం గా ముఖం పెడతాడు.

జస్ట్ నువ్వు తిన్న ప్లేట్ లో తినడానికే దాన్ని వాటర్ తోనే కడగాలి అని అనుకుంటున్నావు. టిష్యూ పేపర్ తో తుడిస్తే.. అది పూర్తి గా శుభ్రం అవ్వదు అన్న విషయం నీక్కూడా తెలుసు. అలాంటిది శరీరం విడుదల చేసే వ్యర్ధ పదార్ధాల నుంచి మన దేహాన్ని శుభ్రపరుచుకోవడానికి మాత్రం టిష్యూ పేపర్ సరిపోతుంది అని ఎలా అంటావ్..? అని నిలదీస్తుంది. మా పెద్దలు ఎంతో ఆలోచించి.. ఆరోగ్యకరమైన విధానాలను రూపొందించారు. ఇంకోసారి ఇండియన్స్ ని హేళన చేస్తే మర్యాదగా ఉండదు అంటూ కౌంటర్ ఇస్తుంది. అక్కడివారందరు చప్పట్లు కొట్టి ఆమెను అభినందిస్తారు.

ఒకరు చేసిన తప్పుకి మరొక జీవితం అన్యాయంగా బలైపోతున్నారు. పొగ త్రాగడం ఆరోగ్యానికి హానికరం అని ప్రభుత్వం ఎన్ని ప్రచారాలు చేసినా, అలవాటు మానుకోలేక ఇప్పటికీ ప్రపంచవ్యాప్తంగా ఒక సంవత్సరానికి  80 లక్షల మంది ప్రాణాలు వదులుతున్నారు.

ఇప్పుడు అదే విధంగా భర్త చేసిన చిన్న తప్పుకు బలియ్యారు నళిని సత్యనారాయణ్. ఆమె వయస్సు 75 సంవత్సరాలు. ఆమెకు సిగరెట్ తాగే అలవాటు లేదు. కానీ భర్త సిగరెట్ స్మోకింగ్ చేయడం వల్ల ఆమె క్యాన్సర్ బారినపడింది. నళిని క్యాన్సర్ వంటి మహమ్మారికి గురి కావడానికి గల కారణాలు ఆవిడ మాటల్లోనే తెలుసుకుందాం.

నా భర్త చైన్ స్మోకర్. ఆ ప్రభావం నాపైన పడింది. దీని కారణంగా నాకు క్యాన్సర్ వస్తుందని తెలియదు. ఆయన ఆరోగ్యం గురించి నాకు ఎప్పుడూ దిగులుగానే ఉండేది. ఆ సిగరెట్ తాగే అలవాటు మానుకోవాలని ఎప్పుడూ ఆయనను బతిమాలాడుతూ ఉండేదాన్ని. కానీ ఆయన ప్రవర్తనలో ఎటువంటి మార్పు రాలేదు.

Also Read : ఆ డైరెక్టర్ తో కంపేర్ చేసినందుకు అనిల్ రావిపూడిని ఓ రేంజ్ లో  ట్రోల్ చేస్తున్న నెటిజన్లు…

ముప్పైమూడేళ్ళ వైవాహిక జీవితం ఆయనతో అలాగే సాగిపోయింది. ఆయన మరణించిన ఐదేళ్ల తర్వాత నాకు 2010లో ఈ క్యాన్సర్ వ్యాధి బయటపడింది. ఒకరోజు తన గొంతు బొంగురు పోయినట్లు కనిపెట్టాను. తన మాటల్లో స్వస్థతను కోల్పోయాను. మరి కొన్ని రోజుల తర్వాత పూర్తిగా తన గొంతును పోగొట్టుకున్నారు.

ఆమెకు గల ఈ సమస్యలు థొరాసిక్ క్యాన్సర్ వైద్యులు గుర్తించారు. ఆమె ఓకల్ కార్డ్స్, థైరాయిడ్ గ్రంథిని తొలగించారు. ఇక నా పాత గొంతు నాకు తిరిగి రాదు అని డాక్టర్లు చెప్పారు. నేను మాట్లాడే సామర్ధ్యాన్ని కోల్పోయానని తెలుసుకుని నాకు చాలా బాధాకరంగా అనిపించింది. ఒంటినిండా ఎక్కడపడితే అక్కడ ట్యూబులు అమర్చారు అని చెప్పారు.

ఇప్పుడు నళినికి మెరుగైన వైద్యం అందడంతో వైబ్రేషన్ వాయిస్ బాక్స్ తో మాట్లాడటం మొదలుపెట్టారు. నా భర్త వలనే నాకు క్యాన్సర్ వచ్చింది. పొగాకు తాగేవారు విషపూరితమైన పదార్ధాలను గాలిలోకి వదులుతూ ఉంటారు. వారు వదిలే ఈ పొగ వల్ల అనేక మంది అనేక ప్రమాదకరమైన రోగాల బారిన పడుతున్నారు.

ఇలాంటి ప్రమాదకరమైన అలవాట్లు మానుకొని, మనల్ని మన చుట్టుపక్కల వారిని కాపాడే బాధ్యత మనకు ఉంది. అంటూ మే 31 ప్రపంచ పొగాకు వ్యతిరేక దినోత్సవం సందర్భంగా నళిని తన అభిప్రాయాన్ని వ్యక్తం చేశారు.

Also Read :

• మా “బుట్ట బొమ్మ” పాటను ఎలా చేశారంటాయ్యా…? అంటూ వైరల్ అవుతున్న వీడియో…
• తమకంటే “వయసు”లో పెద్ద వారిని పెళ్లి చేసుకున్న 9 టీమిండియా క్రికెటర్స్…!