Human angle

ఆడపిల్ల అంటే లక్ష్మీదేవిగా భావిస్తారు. గతంలో ఆడపిల్ల అంటే ఆలోచించేవారు. ఆడపిల్ల పుడుతుంది అంటే చాలా భయపడేవారు. ఆడపిల్లని పెంచిపెద్ద చేయాలి అంటే చాలా కష్టం అని భావించేవారు. ఇప్పుడు సమయం మారింది. ఆడపిల్ల పుడుతుంది అంటే సాధారణంగానే సంతోషంగా ఫీల్ అవుతున్నారు. కానీ ప్రతి చోటా ఇలా ఉండదు. ఆర్థికంగా బలహీనంగా ఉన్నవారు ఆడపిల్ల పుడుతుంది అంటే ఒక్కొక్కసారి ఆలోచించాల్సిన పరిస్థితి వస్తోంది. అందుకు కారణం వారి ఆర్థిక పరిస్థితి. కొన్ని సార్లు ఆర్థిక పరిస్థితి సహకరించక ఆడపిల్లకి కావాల్సిన సౌకర్యాలు అందించలేని పరిస్థితి ఏర్పడుతుంది.

అలాంటి సమయంలోనే మారుమూల గ్రామాల్లో ఆడపిల్ల పుడుతుంది అంటే ఇప్పటికి కూడా భయపడుతూ ఉంటారు. అందుకే ఆడపిల్లల అభివృద్ధి కోసం ప్రభుత్వం కూడా ఎన్నో రకమైన పథకాలను ప్రవేశపెట్టింది. వీటి వల్ల ఆడపిల్లల అభివృద్ధి మెరుగుపడుతోంది. ఆడపిల్లలకి తమ వంతు సహాయం చేయడానికి ఇటీవల ఒక దంపతులు తీసుకున్న నిర్ణయం ఆశ్చర్యానికి గురిచేస్తుంది. వివరాల్లోకి వెళితే, నిజామాబాద్ జిల్లాలో తాడ్వాయి మండలం ఏండ్రియల్ గ్రామానికి చెందిన రెడ్డిగారి తిరుపతి రెడ్డి, రెడ్డిగారి శ్రావణ లక్ష్మి దంపతులు ఇటీవల తమ 10 వ వార్షికోత్సవాన్ని జరుపుకున్నారు. ఈ సందర్భంగా వారి యానివర్సరీని కొత్తగా సెలబ్రేట్ చేసుకోవాలి అని నిర్ణయించుకున్నారు.

అది కూడా అందరికీ ఉపయోగపడే విధంగా ఏదో ఒకటి చేయాలి అని అనుకున్నారు. అందుకే, ఏండ్రియల్ గ్రామంలో ఈ సంవత్సరం జనవరి నుండి పుట్టిన ప్రతి ఆడపిల్లకి సుకన్య సమృద్ధి యోజన ఖాతా తెరిచి 2000 రూపాయలు వారి పేరున డిపాజిట్ చేశారు. ఇప్పటికి కూడా ఆడపిల్ల పుడితే భారంగా భావించే వాళ్ళు ఉంటారు. అందుకే ఇలా చేసాము అని వాళ్ళు తెలిపారు. ఒకవేళ ఆడపిల్ల పుడితే, ఆడపిల్ల భవిష్యత్తు ప్రణాళికకి ఎటువంటి ఇబ్బందులు రాకుండా ఇలాంటి సుకన్య సమృద్ధి యోజన ఖాతా తెరిచి డబ్బులని పొదుపు చేయాలి అనే ఆలోచన గురించి అందరికీ అవగాహన తీసుకురావడానికి వాళ్ళు ఇలాంటి నిర్ణయం తీసుకున్నట్టు చెప్పారు. ఆడపిల్లల కోసం వీళ్ళు ఇంతగా ఆలోచించి చేసిన ఈ పని చూసిన వాళ్ళందరూ కూడా పొగుడుతున్నారు.

ఈ మధ్య ప్రపంచం చాలా చిన్నదైపోయింది. విదేశాలకు వెళ్లి చదువుకుంటున్న వారు కూడా ఎక్కువే ఉన్నారు. ఇక్కడి విధానాలు.. అక్కడి విధానాలు కంపేర్ చేసుకోవడం అనేది కూడా సహజం గానే జరుగుతూనే ఉంటుంది.

కొన్ని సందర్భాల్లో ఇండియా నుంచి చదువుకోవడానికో.. లేక ఉద్యోగం చేయడానికే అమెరికా వంటి ఇతర దేశాలకు వెళ్లేవారు కొన్ని ఇబ్బందికర పరిస్థితులను ఎదుర్కోవాల్సి వస్తూ ఉంటుంది.

తాజాగా.. అలాంటి పరిస్థితి ముగ్ధ అనే ఓ అమ్మాయికి ఎదురైంది. పేరుకు తగ్గట్లే అందం గా ఉండేది. ఎమ్మెస్ చేయడం అనేది తన కల. అది నెరవేర్చుకోవడానికి కొన్ని నెలల క్రితమే అమెరికా కు వెళ్ళింది. అయితే.. అక్కడి వారిలో చాలా మంది ఇండియన్స్ ను చులకన గా చూస్తూ ఉంటారని ఆమెకు అర్ధం కావడానికి ఎక్కువసేపు పట్టలేదు. తన ఫ్రెండ్స్ లోనే అలాంటి వారిని చూసింది ఆ అమ్మాయి.

ముగ్ధ ఫ్రెండ్స్ లో జోసెఫ్ ఒకడు. టాపర్ అయిన ముగ్ధ ను అవకాశం దొరికినప్పుడల్లా అవమానించడానికి ప్రయత్నిస్తుంటాడు. ఓసారి పార్టీ లో ఇద్దరు కలుసుకోవాల్సి వచ్చింది. డిన్నర్ చేస్తూ ముక్తసరి గా మాట్లాడుతున్న ముగ్ధను కావాలనే జోసెఫ్ డిస్టర్బ్ చేస్తాడు. ఇండియన్స్ కు పరిశుభ్రత ఉండదు.. అంటూ ఇండియన్స్ ని చులకన చేసి మాట్లాడతాడు. చివరకు టాయిలెట్ కి వెళ్లినా టిష్యూ పేపర్ వాడడం చేతకాదని.. వాటర్ తో చేత్తోనే కడిగేసుకుంటారని.. అస్సలు శుభ్రత ఉండదని నోటికొచ్చినట్లు వాగేస్తాడు.

జోసెఫ్ కి ఎలా అయినా గుణపాఠం చెప్పాలి అని ముగ్ధ ఫిక్స్ అయిపోతుంది. అప్పటికే రెండోసారి ఆర్డర్ చేసిన ఫుడ్ ఆర్డర్ రావడం తో ఇదే అదను అనుకుంటుంది. జోసెఫ్ తిన్న ప్లేట్ ని వెయిటర్ తీయబోతుండగా.. వద్దని వారిస్తుంది. ఒక టిష్యూ పేపర్ ఇచ్చి దానితోనే తుడిచి క్లీన్ చేసి అదే ప్లేట్ లో ఫుడ్ పెట్టమని చెబుతుంది. జోసెఫ్ ముఖం లో రంగులు మారతాయి. ప్లేట్ ని కడగకుండా ఎలా తినాలి..? అంటూ జోసెఫ్ అయిష్టం గా ముఖం పెడతాడు.

జస్ట్ నువ్వు తిన్న ప్లేట్ లో తినడానికే దాన్ని వాటర్ తోనే కడగాలి అని అనుకుంటున్నావు. టిష్యూ పేపర్ తో తుడిస్తే.. అది పూర్తి గా శుభ్రం అవ్వదు అన్న విషయం నీక్కూడా తెలుసు. అలాంటిది శరీరం విడుదల చేసే వ్యర్ధ పదార్ధాల నుంచి మన దేహాన్ని శుభ్రపరుచుకోవడానికి మాత్రం టిష్యూ పేపర్ సరిపోతుంది అని ఎలా అంటావ్..? అని నిలదీస్తుంది. మా పెద్దలు ఎంతో ఆలోచించి.. ఆరోగ్యకరమైన విధానాలను రూపొందించారు. ఇంకోసారి ఇండియన్స్ ని హేళన చేస్తే మర్యాదగా ఉండదు అంటూ కౌంటర్ ఇస్తుంది. అక్కడివారందరు చప్పట్లు కొట్టి ఆమెను అభినందిస్తారు.

సాహిత్యంలో ఎన్నో రకాలు ఉంటాయి. సాహిత్యం అంటే కేవలం సరళంగా మాత్రమే ఉండాలి అని అనుకునేవారు. పుస్తకాలు రాసినా కూడా అందులో సాధారణమైన విషయాలు గురించి రాసేవారు. అలాంటి సమయంలో ఒక వ్యక్తి తన అభిప్రాయాన్ని నిర్మోహమాటంగా వ్యక్తపరచడం మొదలుపెట్టారు. ఆ అభిప్రాయాలు అందరికంటే భిన్నంగా ఉండడం మాత్రమే కాకుండా, సమాజంలో జరిగే చాలా విషయాలను ప్రశ్నిస్తున్నట్టు ఉండేవి. అందుకే తన అభిప్రాయాల వల్ల, వాటిని వ్యక్త పరచడం వల్ల ఆ వ్యక్తి చాలా మాటలు కూడా ఎదుర్కోవాల్సి వచ్చింది. గుడిపాటి వెంకటాచలం గారు. ఈ పేరుతో ఆయన చాలా మందికి తెలుసు. చలం గారు పేరుతో ఇంకా ఎక్కువ మందికి తెలుసు.

చలం గారి రచనలు అంటే, ఎటువంటి ఫిల్టర్ లేకుండా, ధైర్యంగా ఒక మనిషి మాట్లాడుతున్నట్టు ఉంటాయి. ఆయన రాసే ఫిక్షనల్ కథలు కూడా సమాజంలో జరిగే చాలా విషయాల మీద ప్రశ్నిస్తున్నట్టు ఉంటాయి. తెలుగు సాహిత్యం మీద ఆయన ప్రభావం చాలా ఉంది. చలం గారిని స్ఫూర్తిగా తీసుకొని తర్వాత చాలా మంది ఇలాంటి రచనలు చేశారు. అప్పట్లో తెలుగు సాహిత్యానికి ఒక ఆధునికతని చలం గారు తీసుకొచ్చారు. మద్రాసులో, మే 18 వ తేదీన, 1894లో చలం గారు జన్మించారు. చలం గారి తల్లి వెంకటసుబ్బమ్మ గారు, తండ్రి కొమ్మూరి సాంబశివరావు గారు. చలం గారిని తన తాతగారు గుడిపాటి వెంకట రామయ్య గారు దత్తత తీసుకున్నారు. అందుకే చలం గారి పేరు గుడిపాటి వెంకటాచలం గా మారింది.

చలం గారు సాంప్రదాయాలు ఎక్కువగా పాటించే కుటుంబంలో పుట్టారు. అందుకే చిన్నప్పటినుండి తను కూడా సంధ్యావందనం వంటి ఆచారాలని పాటించేవారు. చిన్నప్పుడే ఇతిహాస పురాణాలని చదివారు. చలం గారి తండ్రి, చలం గారి తల్లిని ఇబ్బంది పెట్టేవారు. చలం గారి చెల్లెలు అమ్మణ్ణి పెళ్లి ఆగిపోయింది. ఈ విషయాలన్నీ చలం గారి మీద చాలా ప్రభావం చూపాయి. ఆడవారి మీద జరుగుతున్న అన్యాయాలపై ప్రశ్నించాలి అనే ఆలోచన వచ్చేలాగా చేశాయి. చలం గారికి చిన్న వయసులోనే చిట్టి రంగనాయకమ్మ గారితో పెళ్లి జరిగింది. ఆ సమయంలో చలం గారు మద్రాసులో డిగ్రీ చదువుతూ ఉండేవారు. అప్పుడు చలం గారి భార్య రంగనాయకమ్మ గారి వయసు 13 సంవత్సరాలు. అప్పుడు చలం గారు తన భార్యని కాన్వెంట్ లో చేర్చి, తాను కాలేజ్ కి వెళ్లే ముందు తన భార్యని కాన్వెంట్ లో దింపి వెళ్లేవారట.

ఇందుకు చలం గారి మామగారికి కోపం కూడా వచ్చిందట. చలం గారు అప్పట్లో ఆడవాళ్ళకి మద్దతుగా ఆడవాళ్ళని ఉద్దేశించి చాలా రచనలు చేసేవారు. కానీ ఆ సమయంలో ఉన్న ఆలోచన విధానం వల్ల చలం గారి రచనలు అందరికీ కోపాన్ని తెప్పించేవి. చలం గారు స్త్రీవాది అనే విషయాన్ని పట్టించుకోకుండా చలం గారికి స్త్రీల మీద మక్కువ ఎక్కువ అని అందరూ అనుకునేవారు. చలం గారి పుస్తకాలని బహిరంగంగా చదవడానికి కూడా చాలా మంది భయపడేవారు. 1920 లో టీచర్ ట్రైనింగ్ కోసం చలం గారు రాజమండ్రి వెళ్ళినప్పుడు ఆయనకి ఇల్లు కూడా ఇవ్వలేదు. చలం గారు ప్రవర్తించే విధానం వల్ల ఆయన భార్య రంగనాయకమ్మ గారు విసుగెత్తిపోయి బంధువుల ఇంటికి వెళ్లిపోయారు. మానసికంగా బలహీనంగా అయిపోయారు.

చలం గారికి ముగ్గురు పిల్లలు ఉన్నారు. పెద్ద కొడుకు అనారోగ్య సమస్యల కారణంగా చిన్నతనంలో చనిపోయారు. రెండవ కొడుకు దురాలవాట్లకి బానిస అయ్యారు. ఆ తర్వాత ఇల్లు వదిలి వెళ్ళిపోయారు. చలం గారి కూతురు సౌరిస్ పెళ్లి చేసుకోలేదు. ఆమె రమణ మహర్షి భక్తురాలు. విశాఖపట్నంలో ఉన్న భీమిలిలో ఒక ఆశ్రమాన్ని నడుపుతున్నారు. చలం గారు మే 4వ తేదీ, 1979 లో మరణించారు. ఆయన అంత్యక్రియలని కూతురు జరిపించారు. చలం గారు చనిపోయిన తర్వాత కూడా ఆయన రచనల గురించి చాలా మంది మాట్లాడుకున్నారు. ఇప్పటికి కూడా ఆయన రచనల గురించి మాట్లాడుకుంటూనే ఉంటారు. ఆయన రచనలు సమాజం మీద అంతగా ప్రభావం చూపాయి.

ALSO READ : HYUNDAI కార్ల పై లోగోలో ఉండేది “H” కాదా.? వెనకున్న ఈ అసలు కథ తెలుస్తే ఆశ్చర్యపోతారు.!

మనుషులందరూ ఒక్కటే. కులాలు, మతాలు అనే భేదాలు ఉండవు. ప్రతి మనిషి అవతలి వారిని మనిషిలాగా మాత్రమే చూస్తారు. కాలం మారింది. కాలంతో పాటు మనిషి ఆలోచన విధానం కూడా మారుతూ వచ్చింది. మనుషులకి గౌరవం ఇవ్వడం అనేది పెరిగింది. ఇదే విషయం మీద చాలా సినిమాలు కూడా వచ్చాయి. మనుషులందరినీ గౌరవించాలి అని ఈ సినిమాల్లో చూపించారు. చాలా మంది ఇప్పుడు ఇదే విషయాలని అనుసరిస్తున్నారు కూడా. ఈ ఫోటోలో వాళ్లు చేసిన పని గురించి తెలిస్తే మెచ్చుకోకుండా ఉండలేరు. వివరాల్లోకి వెళితే, ఇక్కడ ఉన్న జంట ముస్లిం జంట అని తెలుస్తోంది. వాళ్లు వాళ్ల అమ్మాయికి హిందూ పద్ధతిలో పెళ్లి చేశారు. అందుకు కారణం ఉంది.

కేరళ రాష్ట్రంలోని కాసర్‌గోడ్‌కు చెందిన అబ్దుల్లా, ఖదీజా అనే ఒక ముస్లిం జంట ఒక తల్లిదండ్రులు లేని పది సంవత్సరాల హిందూ బాలికని దత్తత తీసుకున్నారు. ఆ అమ్మాయికి 22 ఏళ్ళు వచ్చినప్పుడు హిందూ ఆచారాలతో, హిందూ అబ్బాయిని ఇచ్చి పెళ్లి చేశారు. దాంతో, ఆ బాలిక, ఆమె పెళ్లి చేసుకున్న అబ్బాయి ఈ జంటకి కాళ్ళకి నమస్కరించారు. ఈ విషయాన్ని కోరాలో దుబాయ్ ఫ్రెండ్ అనే పేరుతో ఉన్న వ్యక్తి షేర్ చేశారు. ఈ విషయం గురించి ఆయన మాట్లాడుతూ, “ఇది ఒక నిర్వచనం గా భావించాలి . మతాలు వేరియిన మంచి మనిషి యొక్క స్వభావాలు ఒక్కటే అనుకోవచ్చు నూటికి నూరుపాళ్లు ఎవరయినా. కేరళవాసులు మన భారత దేశంలోనే కాకుండా ప్రపంచమంతా వ్యాపించి ఉన్నారు అన్నీ రంగాలలో.”

“కానీ వారి ప్రత్యేకం ఏమిటి అంటే ఏ మతస్థుడు అయిన కేరళ మాతృ భాషలోనే మాటాడుకోవటంమే గాకుండా వారి వారి పవిత్ర మత గ్రంధాలను మాతృ బాషలోనే ఆయా దేవయాలలోని సంభో దించటం వారియొక్క ఔనతయం అని చెప్పుకోవాలి. గల్ఫ్ దేశాలలో మలయాళం రేడియో చానెల్ ( FM ) band ఉంది అంటే వారి యొక్క మాతృ భాశ మీదఉన్న మమకారం ఎంత గొప్పదో మనము తెలిసికోవాలి.” అని రాశారు. ఈ వ్యక్తి షేర్ చేసిన ఈ ఫోటోకి వాళ్ళ మంచి మనసుని ఎంతో మంది అభినందిస్తున్నారు. బంధాలకి విలువ ఇస్తే ప్రపంచం అంతా బాగుంటుంది అంటూ కామెంట్స్ చేస్తున్నారు.

ALSO READ : ఇంటర్ ఫలితాల గురించి ఈ పిల్లవాడు చెప్పిన వీడియో చూశారా..? ఇంత చిన్న వయసులో ఇన్ని తెలివితేటలు వచ్చాయా..?