Human angle

సమస్యలకు లింగభేదం ఉండదు. అయితే సమస్యలను ఎదుర్కొనే ధోరణి మాత్రం అందరిలో ఒకేలా ఉండదు. మన సమాజంలో ఆడవాళ్లు, మగవాళ్లకు వేర్వేరు రకాల సమస్యలు ఎదురవుతాయనే మైండ్ సెట్‌ ముందు నుంచి ఉంది. కానీ అది తప్పు. ఆ సమస్యలు ఎలా ఎదుర్కొంటారు అన్న దానిపైనే ఫలితం ఆధారపడి ఉంటుంది. అయితే పురుషులకు ఏ రకమైన సమస్యలు ఉండవు అని కొందరు అనుకుంటారు. కానీ వారికీ బాధ్యతలు ఎక్కువగా ఉంటాయి.. వాటితో పాటు వారికి కొన్ని సమస్యలు కూడా ఎదురవుతాయి.

ఈ సమస్యల కారణంగా పురుషులు ఎన్నో మానసిక ఆరోగ్య సమస్య ల బారిన పడుతూ ఉంటారు. అంతే కాకుండా డిప్రెషన్ లోకి వెళ్లి తీవ్ర నిర్ణయాలు తీసుకొనే అవకాశం కూడా ఉంది. అయితే ప్రస్తుత కాలం లో పురుషులు ఎదుర్కొంటున్న సమస్యలు ఏంటో ఇప్పుడు చూద్దాం..

#1 సమస్యలను ఎదుర్కొనే దారి..

పురుషులు తమకి ఎదురయ్యే సమస్యల నుంచి తప్పించుకుంటారు అనుకుంటారు అందరూ. కానీ వారికి ప్రతి విషయం లోను ఎన్నో అడ్డంకులు ఎదురవుతాయి. ఒక సమస్య తీరిపోయింది అనుకుంటే.. ఇంకో సమస్య ఎదురవుతుంది. వాటిని ఎదుర్కోవాలి అంటే వాటిని చూసే దృక్పథాన్ని మార్చుకోవాలి.

#2 కెరీర్ గ్రోత్

ఇదివరకటి కాలం తో పోలిస్తే ప్రస్తుతం మహిళలు కూడా అన్ని రంగాల్లో దూసుకుపోతున్నారు. ఇది పురుషులను కాస్త వెనక్కి నెట్టేస్తుంది. కానీ మనం ఎదుగుతూ ఇతరుల ఎదుగుదలలో కూడా మన సహకారాన్ని అందిస్తేనే మనకి ప్రేరణ లభిస్తుంది.

#3 యాంత్రికంగా జీవించటం

పురుషులు చాలా వరకు యాంత్రికంగా జీవించడాన్ని మనం చూడొచ్చు. ఎటువంటి అనుభూతులు లేకుండా, తరచూ విసుగు చెందుతూ, నిస్సారంగా జీవిస్తూ ఉంటారు. రోజూ ఒకటే లాంటి పనిని చేస్తున్నప్పుడు అప్పుడప్పుడు బ్రేక్ తీసుకోవడం తప్పనిసరి. మన మనసుకు నచ్చినవారితో సమయాన్ని గడపటం వల్ల కూడా మన జీవితం ఉత్సాహంగా మారుతుంది.

#4 వారి పై వారికి అనుమానం

మన సమాజం లో పురుషులు ఆడవారికన్నా బలవంతులు, వారు ఆడవారిని రక్షించాలి అని ఎప్పటినుంచో నాటుకుపోయింది. దీంతో తరచూ పురుషులు తమ సరైన రీతిలోనే వెళ్తున్నామా.. బలంగా ఉన్నామా అనుకొంటూ తమని తాము తక్కువ చేసుకుంటూ ఉంటారు.

#5 లక్ష్యాలు

అందరికి చాలా కలలు, లక్ష్యాలు ఉంటాయి. కానీ వాటిని సాధించగలమా లేదా అన్న ప్రశ్న వేధిస్తూ ఉంటుంది. అందుకే తమ లక్ష్యాలను ఎప్పటికప్పుడు గుర్తుచేసుకుంటూ ప్రేరణ పొందాలి.

#6 తిరస్కరణ (రిజెక్షన్)

పురుషులు చాలా సమయాల్లో రెజెచ్తిఒన్ ని ఎదుర్కోవాల్సి ఉంటుంది. ఇది కేవలం ప్రేమ విషయం లోనే కాదు. ఉద్యోగాలు, డీల్స్ ఇలా ఎన్నో విషయాల్లో వాయు రెజెచ్తిఒన్ ని ఎదుర్కొంటారు. కానీ వాటి నుంచి పాఠాలు నేర్చుకోవాలి. మీ తప్పులను మీరు సరిదిద్దుకోవాలి.

#7 అంచనాలు

స్త్రీలు ఇలాగే ఉండాలి. సన్నగా ఉండాలి. అందంగా ఉండాలి అని ఎన్నో అంచనాలు ఉంటాయి. అలాగే అబ్బాయిలకు కూడా ఎన్నో అంచనాలు ఉంటాయి. వీటివల్ల వారు ఎంతో ఒత్తిడికి గురవుతారు.

ఇలాంటి ఎన్నో సమస్యలను, సవాళ్ళను పురుషులు ఎదుర్కొంటారు. వారు వాటిని ఎదుర్కోవడం లో ఇతరులు కూడా వారికి సహకరించాలి.

కోరా లో ఏ ప్రశ్న కి అయినా సరే సమాధానం దొరుకుతుంది. కోరా లో ఒక ప్రశ్న కి ప్రపంచం మొత్తంలో ఎక్కడి నుంచైనా జవాబు వస్తుంది. చాలా మంది వారి ప్రశ్నలను ఇందులో అడిగి సమాధానాలు తెలుసుకుంటారు. అయితే ఈ విధంగానే ‘ఒక అమ్మాయి తక్కువ జీతం కలిగిన వ్యక్తిని పెళ్లి చేసుకుంటుందా..?’ అన్న ప్రశ్నకు సంజయ్ మహాపాత్ర సమాధానం ఇచ్చారు. ఈ ప్రశ్నకు సమాధానంగా తన జీవితం లో జరిగిన వివిధ ఘట్టాలను ఆయన తెలిపారు.

” 2015 లో నేను ఒక బిసినెస్ పెట్టి నష్టపోయాను. తర్వాత ఉద్యోగ ప్రయత్నాల్లో పడ్డాను. అప్పుడు నా గర్ల్ ఫ్రెండ్ ఇన్ఫోసిస్ లో 22 వేల జీతానికి పని చేసేది. అప్పుడు ఆమె నాకు రోజుకి 200 రూపాయలు ఇచ్చేది. నేను టిఫిన్, భోజనం చేసేందుకు ఇబ్బంది పడకూడదు అని ఆమె భావించేది. ఆలా కొన్నాళ్ళకు నాకు నా గర్ల్ ఫ్రెండ్ పనిచేసే కంపెనీ లోనే ఉద్యోగం వచ్చింది. ఆలా ఇద్దరం చాలా సంతోషంగా కలిసి గడుపుతూ.. రోజు కలిసి ఆఫీస్ కి వెళ్లి వచ్చేవాళ్ళం.

తర్వాత మేమిద్దరం ఆఫీస్ కి కలిసి వెళ్లేందుకు ఒక బైక్ కొన్నాం. మా నాన్నగారు ఆ బైక్ కి డౌన్ పేమెంట్ కట్టగా.. మిగతా దానికి లోన్ పెట్టా. ఆ లోన్ కూడా సగం నా గర్ల్ ఫ్రెండ్ కట్టింది. ఇద్దరం ఆ వెహికల్ వాడుకుంటున్నాము కదా అని నా నోరు మూయించేసింది. తర్వాత 2019 లో మేము పెళ్లిచేసుకున్నాం. ఆ తర్వాత మేము కార్ కొనుక్కోవాలని నిర్ణయించుకున్నాం. అప్పుడు కూడా నా వైఫ్ సగం లోన్ కట్టింది. నేను నా చదువుకోసం లోన్ తీసుకున్న అని ఆమెకు తెలుసు. నేను కష్టపడకూడదని ఆమె ఎప్పుడు భావించేది. అలాగే మా ఇంటిని నడిపేందుకు కూడా సగం ఖర్చులు ఆమె ఇచ్చేది.

ఇలా నా జీవితం లో ప్రతి సందర్భం లోనూ.. నా ప్రతి కష్టం లోనూ ఆమె ఉంది. నాకు ఏమి లేనప్పుడు కూడా ఆమె నా వెంటే ఉంది.. నాకు అన్ని ఉన్నప్పుడు కూడా ఆమె నాతోపాటు ఉంది. నా కోసం.. నా ప్రేమ కోసం ఆమె చేసిన వాటిని నేను ఎప్పటికి మర్చిపోలేను. ఇలా ప్రతి మగవాడికి వెన్నుదన్నుగా ఉండే ప్రతి మహిళకి చాలా కృతఙ్ఞతలు” అని సంజయ్ మహాపాత్ర కోరాలో అడిగిన ప్రశ్నకు సమాధానంగా తెలిపారు.

ఆధ్యాత్మికత గురించి ప్రపంచవ్యాప్తంగా చాటి చెప్తూ, మరొక పక్క ఒక మనిషి జీవన శైలి ఎలా ఉండాలి అనే విషయాల గురించి కూడా అవగాహన కల్పిస్తున్న వ్యక్తి జగ్గీ వాసుదేవ్. ఆయనని సద్గురు అని కూడా అంటారు.

అసలు సద్గురు అనే పేరుతోనే ఆయన చాలా మందికి సుపరిచితులు అయ్యారు. ప్రతి శివరాత్రికి కోయంబత్తూర్ లో తాను స్థాపించిన ఈషా ఫౌండేషన్ లో ప్రత్యేక కార్యక్రమాలు నిర్వహిస్తారు. శివరాత్రి జాగారం సందర్భంగా ఒక కార్యక్రమం నిర్వహించి, అందులో సద్గురు కూడా పాల్గొంటారు.

ఈ కార్యక్రమంలో ఎంతో మంది ప్రముఖులు హాజరు అయ్యి శివనామస్మరణ చేస్తారు. ఆరోజు ఎంతో మంది సింగర్స్ కూడా శివుడి పాటలు ఆలపిస్తారు. అలా ఇటీవల జరిగిన శివరాత్రి వేడుకల్లో శంకర్ మహదేవన్ పాటలు ఆలపించారు. మరి కొంత మంది సింగర్స్ కూడా ఈ కార్యక్రమంలో పాటలని ఆలపించారు. పూజా హెగ్డే, తమన్నా వంటి ప్రముఖులు కూడా ఈ కార్యక్రమంలో పాల్గొని శివనామస్మరణ జపించారు. ఈ కార్యక్రమాన్ని ప్రత్యక్షంగా మాత్రమే కాకుండా, యూట్యూబ్ లో కూడా ప్రసారం చేస్తారు.

అయితే, సద్గురు సంపాదన ఎంత అనే ఒక చర్చ అందరిలో నెలకొంది. ఈషా ఫౌండేషన్ కి ఎంతో మంది అభివృద్ధి కోసం తమకి చేతనైనంత మొత్తాన్ని అందజేశారు. ఈషా ఫౌండేషన్ లో సద్గురు ఎన్నో కార్యక్రమాలు నిర్వహిస్తారు. ఇన్నర్ ఇంజనీరింగ్ పేరుతో ఎంతో మందికి మోటివేషన్ ఇస్తుంటారు. ఇందులో ఎన్నో ప్రత్యేక కార్యక్రమాలు ఉంటాయి. యోగాకి సంబంధించిన కొన్ని కార్యక్రమాలు కూడా ఇందులో నిర్వహిస్తారు. వీటన్నిటికీ కూడా కొంత మొత్తాన్ని తీసుకుంటారు.

అంతే కాకుండా దుస్తుల బ్రాండ్, ఇంటికి సంబంధించిన వస్తువులు, శరీర జాగ్రత్తల కోసం సంబంధించిన వస్తువులు, ఆహార పదార్థాలు, భక్తికి సంబంధించిన ఎన్నో సద్గురు అందజేస్తూ ఉంటారు. ఇది కూడా స్టోర్ ల రూపంలో అందుబాటులో ఉంటాయి. కాబట్టి వీటి ద్వారా కొంత మొత్తం వస్తుంది. ప్రపంచవ్యాప్తంగా ఆరోగ్యానికి సంబంధించిన ఎన్నో కార్యక్రమాలు చేపట్టారు. డొనేషన్ల రూపంలో కూడా కొంత మొత్తం వస్తూ ఉంటుంది. ఈషా ఫౌండేషన్ లో పనిచేసే చాలా మంది స్వచ్ఛందంగా వాలంటీర్లుగా పని చేస్తారు.

2021 లో సద్గురు ఆస్తి 25 మిలియన్లు ఉన్నట్టు సమాచారం. ఇప్పుడు ఇంకా కొంతకాలంలో సద్గురు ఆస్తులు విలువ 50 నుండి 60 మిలియన్ల వరకు చేరుతుంది అని అంటున్నారు. ఆయనకి సోషల్ మీడియాలో కూడా చాలా మంది ఫాలోవర్లు ఉన్నారు. యూట్యూబ్ ఛానల్ ద్వారా కూడా సద్గురు నెలకి కొంత మొత్తాన్ని సంపాదిస్తూ ఉంటారు. నెలకి చాలా వీడియోలు పోస్ట్ చేస్తూ ఉంటారు. యూట్యూబ్ నుండి 1.8 వేల డాలర్ల నుండి 39.4 వేల డాలర్లు వస్తాయి.

అంటే లక్ష నుండి 39 లక్షల వరకు వస్తాయి. ఇవి మాత్రమే కాకుండా, సద్గురుకి చాలా ఖరీదైన వస్తువులు కూడా ఉన్నాయి. సద్గురు దగ్గర రూ.2.19 కోట్ల విలువైన మెర్సిడెస్ బెంజ్ G63 క్లాస్, 20వేల డాలర్ల విలువైన టయోటా సియాన్ 1000 BHP, హమ్మర్ H2, ఫోర్డ్ ఎండీవర్ కార్లు ఉన్నాయి. ఇవి మాత్రమే కాకుండా, ఒక జావా 42, ఒక బిఎండబ్ల్యూ కే 1600 జీటీ, టురిస్మో వెలోస్ 800, ఒక బీఎండబ్ల్యూ ఆర్ 1250 జీఎస్ బైకులు కూడా ఉన్నాయి.

చాలామంది యువతి యువకులు భవిష్యత్తులో ఏం చేయాలో ఒక గోల్ ఏర్పరచుకుంటారు. అందుకోసం చిన్నప్పటి నుంచే కష్టపడుతూ ఉంటారు. అయితే ఒక వ్యక్తి ఒక గోల్ పెట్టుకుంటే అందులో ఆశ్చర్యం లేదు కానీ మనం చెప్పుకోబోయే మహిళ అనేక రంగాలలో రాణించి అందరి దృష్టిని ఆకర్షిస్తుంది. భిన్నమైన రంగాలలో తన ప్రతిభని చాటుకుంటూ ముందుకి దూసుకుపోతుంది. ఒక ఐఏఎస్ ఆఫీసర్ గా, ఒక బాస్కెట్ బాల్ ఛాంపియన్ గా మోడల్ గా పనిచేసిన ఈమె సక్సెస్ఫుల్ కెరియర్ జర్నీ గురించి ఒకసారి తెలుసుకుందాం.

మనం చెప్పుకోబోయే అమ్మాయి పేరు తస్కీన్ ఖాన్, ఉత్తరాఖండ్ కి చెందిన అమ్మాయి. ఎంటర్టైన్మెంట్ ఇండస్ట్రీకి చెందిన తస్కీన్ మిస్ ఇండియా కావాలని కలలు కన్నది, ఆ దిశగా ప్రయత్నాలు చేసింది. కానీ సివిల్స్ కొట్టాలనే తపనతో ఆ కలని పక్కనపెట్టి సివిల్స్ కి ప్రిపేర్ అయింది. మూడుసార్లు ఓటమిని చవిచూసినప్పటికీ పట్టు పదులని విక్రమార్కుడి లాగా ప్రయత్నించి నాలుగో ప్రయత్నంలో సివిల్స్ క్లియర్ చేసి ఐఏఎస్ సాధించింది. అయితే ఎంటర్టైన్మెంట్ ఇండస్ట్రీ కి చెందిన తస్లీన్ సివిల్స్ క్లియర్ చేస్తుందని ఎవరూ ఎక్స్పర్ట్ చేయలేదు.

View this post on Instagram

A post shared by Taskeen Khan (@taskeeenkhan)

అయితే ఈ అమ్మాయి సివిల్స్ క్లియర్ చేసి అందరి చేత శభాష్ అనిపించుకుంది. తస్లీన్ ముందు ఒక ప్రొఫెషనల్ మోడల్, బాస్కెట్ బాల్ ఛాంపియన్. పాఠశాల విద్యా తరువాత ఎన్ఐటిలో అడ్మిషన్స్ సాధించింది కానీ ఆర్థిక భారం కారణంగా ప్రతిష్టాత్మకమైన ఇన్స్టిట్యూట్లో చేరలేకపోయింది. అందుకే మిస్ ఇండియా సాధించడమే లక్ష్యంగా మోడలింగ్ కెరీర్ గా ఎంపిక చేసుకుంది. అందాల పోటీల్లో మిస్ డెహ్రాడూన్, మిస్ ఉత్తరాఖండ్ కిరీటం సొంతం చేసుకుంది.

View this post on Instagram

A post shared by Taskeen Khan (@taskeeenkhan)

మిస్ ఇండియా కూడా సాధించాలని కలలు కనేది కానీ యూపీఎస్సీ సివిల్స్ క్లియర్ చేయాలనే ఉద్దేశంతో మిస్ ఇండియా కోరికని పక్కన పెట్టింది.నాలుగో ప్రయత్నంలో 736వ ర్యాంకు సంపాదించి ఐఏఎస్ కు ఎంపిక అయింది. అయితే దీని గురించి ఒక ఇంటర్వ్యూలో మాట్లాడుతూ నేను బెస్ట్ స్టూడెంట్ కాదు క్రీడల్లో మాత్రమే రాణించాను, అయితే లక్ష్యంపై అవగాహన ఉండి చదివితే అందరూ విజేతలు అవుతారు అని చెప్పింది. నిజంగా యువతి కృషి, పట్టుదల కి హాట్సాఫ్.

పెళ్లితో చాలా మార్పులు వస్తాయి. పెళ్లి అనేది ప్రతి ఒక్కరి జీవితంలో చాలా ముఖ్యమైనది పెళ్లితో రెండు మనసులు దగ్గరవుతాయి. రెండు కుటుంబాలు ఒకటి అవుతాయి.

అయితే చాలా మంది వైవాహిక జీవితానికి సంబంధించి తప్పులు చేస్తూ ఉంటారు కానీ పెద్దవాళ్లు చెప్పిన ఈ విషయాలని గుర్తుపెట్టుకుంటే కచ్చితంగా వైవాహిక జీవితంలో సమస్యలు ఉండవు. మరి మీ వైవాహిక జీవితానికి కూడా ఇవి బాగా ఉపయోగపడతాయి చూసుకోండి.

#1. ఏం చెప్పామన్నది కాదు ఎలా చెప్పామన్నది ముఖ్యం:

వైవాహిక జీవితంలో ఎన్నో జరుగుతూ ఉంటాయి. అయితే ఏం చెప్పామన్నదానికంటే ఎలా చెప్పాము అనేది చాలా ముఖ్యం. గొడవలు కి దారి తీయకుండా మంచిగా కూడా చెప్పొచ్చు.

#2. ఇతరులను గెలవనివ్వండి:

ఆస్తమాను నేనే గెలవాలి అనుకునే బదులు ఒక్కొక్కసారి కాంప్రమైజ్ అవ్వడం కూడా మంచిది దీని వలన ఇతరులకు అవకాశం వస్తుంది పైగా ప్రేమ పెరుగుతుంది.

#3. వారికి ఇష్టమైనది వండండి:

ఇది చాలా పాత పద్ధతి అయినప్పటికీ కూడా ప్రేమను పెంచుతుంది పైగా మంచి కమ్యూనికేషన్ కూడా. ప్రేమ మరియు కేరింగ్ ని చూపించినట్లు కూడా ఇది తెలుపుతుంది. నచ్చినది వండి పెట్టడం వలన కూడా ప్రేమ పెరుగుతుంది.

#4. వారి సహాయం తీసుకోండి:

కొన్ని కొన్ని సార్లు మనకి అవసరం లేకపోయినా సరే పార్టనర్ సహాయం తీసుకోవడం మంచిది. పచ్చడి డబ్బా మూత తీయమని అవసరం లేకపోయినా అడిగితే ఎదుట వ్యక్తులు వాళ్ళు అవసరం అని గుర్తిస్తారు.

#5. గౌరవించడం మానకండి:

ఒకరికొకరు గౌరవించుకుంటేనే బంధం బాగుంటుంది ఎప్పుడూ కూడా మీ పార్ట్నర్ ని అగౌరవపరచద్దు. ఇది నిజంగా వాళ్లని బాధపెడుతుంది.

#6. మీరు చేసే పనులని మొదటి చూడండి:

ఎప్పుడైనా సరే ఇతరులను మీరు అనే ముందు మీరు చేసే పనుల మీద ఒకసారి దృష్టి పెట్టండి అప్పుడు మీ తప్పు మీకే తెలుస్తుంది.

గొప్పతనం డబ్బులు బట్టి రాదు, చేసే పనిని బట్టి వస్తుంది అని నానుడి. నిజానికి ఈరోజు సమాజంలో చాలామంది ఆర్థికంగా స్థితిపరులే కానీ సాయం చేయడంలో మాత్రం చాలా పేదవాళ్లు. పక్కవాడికి రూపాయి ఇవ్వాలంటే మాత్రం ఎక్కడలేని పేదరికం పుట్టుకు వస్తుంది. అయితే కొందరు మాత్రం పేదరికంలో ఉన్నా పక్క వాడికి సాయం చేయడంలో ముందుంటారు. అలాంటి ఒక కర్ణాటక వాసి గురించి ఇప్పుడు చెప్పుకుందాం.

మనసులో సాయం చేయాలని ఉంటే సాయం చేయటానికి ధనవంతులే కానక్కర్లేదని కర్ణాటకలోని రాయచూరు జిల్లా, దేవదుర్గ తాలూకాకు చెందిన ఆంజనేయ యాదవ్ అనే యువకుడు మరొక మారు రుజువు చేశాడు. తన గ్రామం నుంచి మూడు, నాలుగు కిలోమీటర్ల దూరంలోని పాఠశాలకు నడిచి వెళ్లే విద్యార్థులకు 11 సైకిళ్లు కొనిచ్చాడు. అయితే ఇతను ఏ ధనవంతుడో లేదంటే ఒక పెద్ద ఉద్యోగి అనుకుంటే పొరపాటే అతను ఒక రోజు కూలి.

రోజూ కూలి పనులు చేసుకుంటూ వచ్చిన ఆదాయంలో 40,000 పొదుపు చేసి విద్యార్థులకు 11 సైకిళ్లు కొనిచ్చి సాయం చేశాడు. మల్కందిన్ని గ్రామంలో ప్రాథమిక పాఠశాల మాత్రమే ఉంది. యాదవ్ కూడా అదే గ్రామంలో ఉంటాడు. అయితే హై స్కూల్ కోసం విద్యార్థులు రోజు నాలుగు కిలోమీటర్ల దూరంలో ఉన్న యమునూరుకు వెళ్లాల్సి వస్తుంది. అంత దూరం విద్యార్థులు వెళ్లి రావటాన్ని గమనించిన ఆంజనేయ యాదవ్ వారి కోసం ఏమైనా చేయాలనుకున్నాడు.

అందుకే తన కూలి డబ్బుల్లో కొంత మొత్తాన్ని దాచిపెట్టి వారికి సైకిల్స్ కొని అందజేశాడు. రవాణా సౌకర్యాలు సరిగ్గా లేక విద్యార్థులు చాలా ఇబ్బందులు పడుతున్నారు, ఆ కారణంగానే చాలామంది చదువుకొని ఆపేస్తున్నారు. వారి చదువు ఆగిపోకూడదని ఈ సైకిల్ పంపిణీ చేశానని తెలిపాడు యాదవ్. తన మంచి మనసుతో, సేవా తత్పరతతో పదిమంది హృదయాన్ని గెలుచుకున్న యాదవ్ కి ఒక బిగ్ సెల్యూట్ చెయ్యాల్సిందే.

View this post on Instagram

A post shared by BuzzPedia (@buzzpedia.in)

వందేళ్ల జీవితానికి పెళ్లి అనేది ముఖ్యమైన మజిలీ. కానీ ముందుగా తమ ఇష్టాలు, కోరికలు, కలల గురించి చర్చించుకోకపోతే మాత్రం తర్వాత బాధ పడాలి. అలాగే తమ స్నేహితుడు పెళ్లి తర్వాత ఎక్కడ క్రికెట్ కు దూరమవుతాడోనని అతడి స్నేహితులు వధువు ముందుకు ఒక వింత ప్రతిపాదన తెచ్చారు.
తమ మిత్రుడు క్రికెట్ ఆడేందుకు కొత్త భార్య ఎక్కడ అభ్యంతరం చెబుతుందేమోనని ఆమెతో ఏకంగా బాండ్ పేపర్‌పైనే రాయించుకుని సంతకం చేయించుకున్నారు అతడి స్నేహితులు. విస్తుగొలిపే ఈ ఘటన తమిళనాడులోని మదురైలో చోటుచేసుకుంది.

హరిప్రసాద్‌ అనే వ్యక్తికి మదురైకి చెందిన పూజ అనే యువతితో తాజాగా వివాహం జరిగింది. హరిప్రసాద్‌ తేనీలోని ఓ ప్రైవేటు కాలేజీలో టీచర్‌గా పనిచేస్తున్నారు. అలాగే ‘సూపర్‌స్టార్‌’ క్రికెట్ క్లబ్‌కు కెప్టెన్‌గా కూడా వ్యహరిస్తున్నారు. అయితే వివాహం తర్వాత తమ స్నేహితుడు ఎక్కడ క్రికెట్‌కు దూరమవుతారో, ఎక్కడ తన భార్య క్రికెట్‌కు అనుమతించదో అని అనుమానం వ్యక్తం చేసిన హరిప్రసాద్‌ స్నేహితులు.. వివాహ వేదికపైనే పెళ్లి కూతురుకు ఓ షరతు విధించారు.

వారాంతాలు అంటే శని, ఆదివారాల్లో హరిప్రసాద్‌ను క్రికెట్‌ ఆడేందుకు అనుమతించాలని పూజను కోరారు. కేవలం మాట మాత్రమే కాకుండా బాండు పేపరుపై రాసి ఇవ్వాలని సూచించారు. వాళ్లు తనను ఆటపట్టిస్తున్నారేమో అని పూజ భావించింది. కానీ, ఏకంగా రూ.20 బాండు పేపరు తీసుకొచ్చి సంతకం చేయమని కోరడంతో షాకయ్యింది. క్రికెట్‌ విషయంలో స్నేహితులకు ఉన్న పట్టుదలను చూసి ఆమె సంతకం చేయక తప్పలేదు.
‘‘పూజ అను నేను.. నా భర్త, సూపర్‌స్టార్ టీమ్ క్రికెట్ క్లబ్ జట్టు కెప్టెన్ హరిప్రసాద్‌ను శని, ఆదివారాలు క్రికెట్ ఆడేందుకు అనుమతిస్తాను’’ అని బాండ్ పేపర్‌పై సంతకం చేసింది. ఈ సన్నివేశం పెళ్లి మండపంలో నవ్వులు పూయించగా.. ప్రస్తుతం సోషల్ మీడియాలో వైరల్ అవుతోంది. పెళ్లికి విచ్చేసిన అతిథులు ఈ ఘటన చూసి ముందు షాక్‌ అయినా తర్వాత నవ్వుకున్నారు.

హరిప్రసాద్ స్నేహితుడు రామ్‌కుమార్ మాట్లాడుతూ.. ‘‘ఉసిలై సూపర్ స్టార్ క్రికెట్ క్లబ్‌ టీమ్ సభ్యుల్లో చాలా మంది పెళ్లి తర్వాత ఆటను వదిలేశారు.. కొద్ది మంది మాత్రమే తమ భార్యల నుంచి అనుమతి తీసుకుని ఆడుతున్నారు.. మా కెప్టెన్ విషయంలో అలా జరగకూడదని ఆయన భార్యతో సంతకం చేయించుకున్నాం’’ అని తెలిపారు.