Human angle

అందాల పోటీలపై ప్రపంచ వ్యాప్తంగా ఆసక్తి ఉంటుంది. ఈ పోటీలలో ఏ దేశంలో అందగత్తెలు ఉన్నారనే విషయమై ప్రపంచ దేశాల ప్రజలు చర్చించుకుంటుంటారు. ఈ పోటీలను కూడా టివి లో వీక్షిస్తూ సంతోషిస్తారు. అన్ని పోటీలలో కంటే మిస్ యూనివర్స్ 2021 పోటీ కి ఎక్కువ ప్రాముఖ్యత ఉంటుంది.

ప్రపంచ దేశాల నుంచి వచ్చిన మోడల్స్ ఇందులో పాల్గొంటారు. ప్రతి ఏడాది ఈ పోటీలు జరుగుతుంటాయి. ఈ ఏడాది మిస్ యూనివర్స్2021 పోటీలలో భారతీయ మహిళ విజయం సాధించింది.

దాదాపు 21 సంవత్సరాల తరువాత భారత్ కు మిస్ యూనివర్స్ 2021 టైటిల్ లభించింది. 2000 వ సంవత్సరంలో ఈ టైటిల్ లారాదత్తాకు లభించింది. మళ్ళీ ఇన్నేళ్ల తరువాత పంజాబ్ కు చెందిన ఓ అమ్మాయి ఈ టైటిల్ ను గెల్చుకుంది. ఆమె గురించి తెలుసుకుందాం. తన పేరు హర్నాజ్ సంధు. వయసు 21 సంవత్సరాలు. చాలా చిన్న వయసులో.. అంటే 17 ఏళ్ల వయసులోనే ఆమె మోడలింగ్ లోకి అడుగుపెట్టారు.

మోడలింగ్ పై ఆమెకు ఉన్న ఆసక్తే ఈ విజయాన్ని సాధించి పెట్టాయి. ఈ పోటీ ఫైనల్స్ లో పెరుగ్వే, సౌత్ ఆఫ్రికా, ఇండియా దేశాల నుంచి వచ్చిన అమ్మాయిలు మిగిలారు. వీరు ముగ్గురుని నిర్వాహకులు ఒకటే ప్రశ్న అడిగారు. ఒత్తిడిని అధిగమించడానికి అమ్మాయిలకు మీరిచ్చే సలహా ఏంటి..? అని అడగగా.. హర్నాజ్ తనదైన శైలిలో సమాధానం ఇచ్చారు.

అమ్మాయిలు తమ బలాన్ని గుర్తించాలని.. తమని తాము నమ్మకపోవడం వల్లే ఒత్తిడికి గురవుతారని, ఇతరులతో పోల్చుకోవడం మానేస్తే ఒత్తిడి తగ్గుతుందని చెప్పుకొచ్చారు. మీ జీవితానికి మీరే లీడర్ గా ఉండాలని, ధైర్యంగా ముందడుగు వేయాలని చెప్పుకొచ్చారు. నా జీవితాన్ని నేను ప్రేమిస్తానని.. అందుకే నేను ఇప్పుడు మీ ముందు ఉన్నాను అని కాన్ఫిడెంట్ గా సమాధానం చెప్పారు.

హర్నాజ్ సంధు ఇప్పటికే మిస్ ఇండియా పంజాబ్ 2019 , మిస్ దివా 2021 టైటిల్స్ ను కూడా గెల్చుకున్నారు. ఫెమినా మిస్ ఇండియా 2019 కాంటెస్ట్ లో కూడా ఆమె టాప్ 12 గా నిలిచారు. బాయ్ జి కుట్టాగే, యారా దియాన్ పో బరన్ వంటి సినిమాల్లో కూడా నటించారు. చిన్నప్పటి నుంచి యోగా అంటే ఇష్టపడే హర్నాజ్ యాక్టింగ్, ట్రావెలింగ్, డాన్స్, గుర్రపు స్వారీ, ఈత ని కూడా అమితంగా ఇష్టపడతారు.

ఒక మనిషిని చూసి వాళ్ళు ఎలాంటి వాళ్ళో అని చెప్పడం చాలా కష్టం. ఒక్కొక్కసారి అలా మనిషిని చూసి అంచనా వేస్తే చిన్న చిన్న పొరపాట్లు కూడా అవుతుంటాయి. ఇందులో పొరపాటు అంటే ఏదో తప్పు అని కాదు మిస్ అండర్స్టాండింగ్ అన్నమాట. ఈ కథ చదివితే అసలు విషయం ఏంటి అనేది మీకే అర్థమవుతుంది.

Also Read: 30+ వయసు దాటాక పెళ్లి చేసుకుంటే…ఎదురుకోవాల్సిన 5 ప్రధాన సమస్యలు ఇవే.! తప్పక తెలుసుకోండి.!

ఈ సంఘటన బెంగళూరులో చోటు చేసుకుంది. ఒక వ్యక్తి ఒక రోజు గుడి ముందు కూర్చుని ఉన్నాడు. సాధారణమైన బట్టలతో, పెరిగిపోయిన జుట్టు, గడ్డం తో ఉన్నాడు ఆ వ్యక్తి. ఒక ఆవిడ గుడి దగ్గరికి వచ్చింది. లోపలికి వెళుతూ గుడి దగ్గర కూర్చుని ఉన్న ఆ వ్యక్తిని చూసింది. అతనిని ఎవరూ పట్టించుకోకుండా వెళ్లిపోతున్నారు. అక్కడ ఉన్న బిచ్చగాళ్ళందరికీ డబ్బులు ఇస్తున్న ఆమె ఇతనికి కూడా ₹10 ఇచ్చి గుడి లోకి వెళ్ళింది.

Also Read: భర్త మరణించాక ప్యాలెస్ నుండి పంపించేశారు…పండ్ల దుకాణం పెట్టుకున్న ఆమెకి భర్త రాసిన డైరీ.?

ఆమె దర్శనం చేసుకుని బయటికి వచ్చేటప్పటికి ఆ వ్యక్తి ఒక ఖరీదైన కారు ఎక్కడం చూసింది. అతను ఎవరో తెలుసుకోకుండా అలా డబ్బులు ఇచ్చాను అని కారు దగ్గరికి వెళ్లి ఆ వ్యక్తి ని ఆపి క్షమాపణ చెప్పింది. అందుకు ఆ వ్యక్తి ” పర్వాలేదమ్మా. మీరు ఎలాంటి తప్పు చేయలేదు. మీ ద్వారా భగవంతుడు నాకు నా హోదాను చూసుకుని వచ్చిన అహాన్ని తొలగించి నేను కూడా ఒక బిచ్చగాడిని అనే సత్యం తెలియజేశాడు” అని ఆ మహిళకు ధన్యవాదాలు చెప్పి అక్కడి నుంచి వెళ్లిపోయాడు.

దీంట్లో మనకు తెలిసింది ఏమిటి అంటే ఒక వ్యక్తిని చూసి మనం అతని పరిస్థితి ఎలా ఉంది అనే విషయం పై అంచనాకు రాలేము. తమ దగ్గర ఉన్న దానికంటే ఎక్కువగా గొప్పలు చెప్పుకునే మనుషుల మధ్య ఎంత డబ్బు ఉన్నా కానీ సాధారణంగా ఉండే మనుషులు కూడా ఉంటారు. ఇంతకీ ఆ వ్యక్తి ఎవరో చెప్పలేదు కదా. ఆయనే సూపర్ స్టార్ రజనీకాంత్.

రజనీకాంత్ ఎంత సాధారణంగా ఉంటారో మనందరికీ తెలిసిందే. ప్రతి విషయాన్ని చాలా పాజిటివ్ గా తీసుకునే రజనీకాంత్ ఈ విషయాన్ని కూడా తేలికగా తీసుకొని ఆ సంఘటన ద్వారా దేవుడు తనకి ఒక విషయాన్ని బోధించారు ఆ మహిళతో చెప్పి వెళ్ళిపోయారు.

Also Read: “ఇంట్లో ఇలాంటి బట్టలు వేసుకోకు…మీ మామ గారు ఉన్నారు”…పెళ్లి తర్వాత నా జీవితం ఎలా మారిపోయిందంటే.?

తమిళనాడు పరిసర ప్రాంతాల్లో భారీ హెలికాప్టర్ ప్రమాదం చోటు చేసుకున్న సంగతి తెలిసిందే. రక్షణ దళాల ప్రధాన అధిపతి బిపిన్ రావత్, ఆయన కుటుంబ సభ్యులు, ఇతర అధికారులతో కలిసి ప్రయాణిస్తున్న హెలికాప్టర్ కూలిపోయింది.

ఈ వార్తతో యావత్ దేశం షాక్ లో మునిగిపోయింది. ప్రధాని నరేంద్ర మోడీ గారు కూడా ఈ దుర్ఘటనపై సమీక్ష నిర్వహిస్తున్నారు. కాగా.. తమిళనాడులోని కూనూర్ ప్రాంతంలో ఉండే దట్టమైన మంచు కారణంగానే హెలికాప్టర్ కూలిపోయి ఉండొచ్చని భావిస్తున్నారు.

ఈ ప్రమాదంలో ఆర్మీ దళానికి చెందిన 13 మంది దుర్మరణం చెందారు. బిపిన్ రావత్, ఆయన భార్య మధులిక రావత్ కూడా మృతి చెందారు. రక్షణ రంగంలో ఎనలేని సేవలు అందించిన బిపిన్ రావత్ మృతి చెందడంతో యావత్ దేశం దిగ్బ్రాంతిలో కూరుకుపోయింది. 1978 లో ఆర్మీ లో చేరిన బిపిన్ ఆయన తండ్రి పని చేసిన 5 వ బెటాలియన్ లోనే పని చేసారు. బిపిన్ రావత్ 2016 డిసెంబర్ 17న 27వ చీఫ్ ఆర్మీ అధికారిగా ఎంపిక అయ్యారు.

ఆయన కోసం ఆర్మీ అధికారుల రిటైర్మెంట్ వయసును 62 నుంచి 65 కు పెంచారంటే.. ఆయన అందించిన సేవలు ఎటువంటివో తెలుస్తుంది. 2019 లో ఆయనను త్రివిధ దళాల అధిపతిగా నియమించారు. అప్పటినుంచి తన ప్రతిభతో, దక్షతతో ఆయన శత్రుమూకను ఎదుర్కొంటు వచ్చారు. ఇంతటి వీరుడుని ఓ ప్రమాదం కారణంగా కోల్పోవడం దురదృష్టకరం.

బిపిన్ రావత్ భారత మొట్టమొదటి త్రివిధ దళాధిపతి. మన దేశంలో ఆర్మీ కి, నేవీ కి, ఎయిర్ ఫోర్స్ కి వేర్వేరు చీఫ్స్ ఉన్నారు. మూడు దళాలకు కలిపి ఒక చీఫ్ అంటూ ఎవరు లేరు. గతంలో ఆర్మీ చీఫ్ గా పని చేసిన బిపిన్ రావత్ కు మోడీ ప్రభుత్వం “త్రివిధ దళాల అధిపతి” పోస్ట్ ని క్రియేట్ చేసి మరీ ఇచ్చింది. ఆయన ఆర్మీ లో పని చేసినప్పుడు ఆయన తీసుకొని అవార్డ్స్ లేవు. 1978 లో గూర్ఖా రైఫిల్స్ లో చేరినప్పుడు “పరమ విశిష్ట సేవా మెడల్” వరకు ఆయన అన్ని అవార్డ్స్ ని అందుకున్నారు.

డిఫెన్స్ స్టడీస్ లో ఎంఫిల్ చేసిన ఆయన కంప్యూటర్ స్టడీస్ లో డిప్లొమాని కూడా పొందారు. మీరట్ యూనివర్సిటీ నుంచి మిలిటరీ-మీడియా స్ట్రాటజిక్ స్టడీస్ లో డాక్టరేట్ ఆఫ్ ఫిలాసఫీని కూడా అందుకున్నారు. బిపిన్ రావత్ ఉత్తరాఖండ్ ఘర్ వాలి రాజ్ పుత్ కుటుంబానికి చెందినవారు. ఆయన పూర్వికులు కూడా సైన్యంలోనే పని చేసారు. ఆయన తండ్రి లక్ష్మణ్ సింగ్ రావత్ లెఫ్టినెంట్ జనరల్ గా పనిచేసారు. బిపిన్ రావత్ తండ్రికి మించిన తనయుడిగా ఆర్మీ లో పేరు తెచ్చుకున్నారు. దురదృష్టవశాత్తు ఈ ప్రమాదం కారణంగా మరణించారు.

ఈ కింద ఉన్న పెయింటింగ్ ను ఒకసారి జాగ్రత్త గా గమనించి చూడండి.. ఒక ముగ్గురు రాజవంశ కాలం నాటి స్త్రీలు అందం గా పోజ్ ఇచ్చారు కదా.. అయితే.. ఈ ఫోటో చూడగానే ముందు మనకి కలిగే సందేహం ఏమిటంటే.. ఆ ముగ్గురు స్త్రీలలో ఒక మహిళ ఎందుకు తన చీరను ఎత్తి చూపిస్తోంది..? అనే కదా.. ఆ సంగతి ఏంటో తెలుసుకుందాం.

మాములుగా ఫోటో తీసేటప్పుడు అలా జరిగితే సర్దిచెప్పుకోవచ్చు.. కానీ.. పెయింటింగ్ లో ఇలా జరిగింది. నిజానికి ఈ ఫోటో వెనక పెద్ద సందేశమే దాగి ఉంది. పందొమ్మిదవ శతాబ్దం కాలం లో ఇండియా లో మసూచి మహమ్మారి చాలా వేగం గా వ్యాప్తి చెందుతోంది. మనుషులు అల్లాడిపోతున్నారు. ఆ సమయం లో మైసూర్ ని బ్రిటిష్ ఇండియా పాలిస్తోంది.

అప్పటి మైసూర్ రాజ్యాన్ని పాలిస్తున్న మార్క్ విల్కేస్ ప్రజలను బ్రిటిష్ వారి వాక్సిన్ ను వేయించుకోవాల్సింది గా కోరారు. అయితే.. అప్పట్లో కూడా రూమర్లు ఎక్కువ గానే ఉండేవి. బ్రిటిష్ వారి వాక్సిన్ ప్రాణాలకే ముప్పు తెస్తుందని అప్పటి ప్రజలు భావించేవారు. చాలా మంది టీకా వేయించుకోవడానికి జంకేవారు. అప్పటికే మైసూర్ యువరాజు కు ఈ పై ఫొటోలో కుడివైపున ఉన్న దేవజమణి యువరాణితో వివాహం నిశ్చయమైంది.

ఆమె మైసూర్ యువరాజ కు కాబోయే భార్య. ఆ సమయం లోనే.. ఆమె వాక్సిన్ ను వేయించుకుని.. ఈ పెయింటింగ్ ను వేయించి అందరిని వాక్సిన్ వేయించుకోవాలంటూ కోరారు. ఈ పెయింటింగ్ ద్వారా తానూ టీకా వేయించుకున్నానని తెలియచెప్పారు. ఈ రాజ్యం రాజుకు కాబోయే భార్య ధైర్యం గా టీకా వేయించుకున్నారని.. ప్రజలు కూడా ముందుకు వచ్చి వాక్సిన్ ను వేయించుకోవాలని చెప్పడం కోసమే ఈ పెయింటింగ్ ను ఇలా చిత్రీకరించారు.

కాలం ఎప్పుడు ఎలా మారుతుందో మనకి తెలియదు. పైగా అది మన చేతుల్లో కూడా లేదు. ఒకసారి ఒకలా ఉంటే మరొకసారి మరోలా ఉంటుంది. ఈ విషయాన్ని స్వయంగా రుజువు చేసే ఒక ఘటన గురించి ఈరోజు మనం చూద్దాం. ఈ సంవత్సరం జూలై 30 న లక్నోలోని కృష్ణా నగర్ దగ్గర క్యాబ్ డ్రైవర్ సాదత్ అలీ, ప్రియదర్శిని అనే ఒక అమ్మాయికి మధ్య జరిగిన సంఘటన గురించి గుర్తు చేయక్కర్లేదు.

అందరికీ ఇది తెలిసిందే. క్యాబ్ డ్రైవర్ తప్పు లేకపోయినా ప్రియదర్శని అతనిని తన చెప్పుతో 22 చెంపదెబ్బలు కొట్టింది. అప్పట్లో దేశవ్యాప్తంగా ఇది సంచలనాన్ని సృష్టించింది. క్యాబ్ డ్రైవర్ సాదత్ అలీ ఓర్పుకి నిజంగా దేశమంతా కూడా సపోర్ట్ చేసింది.

అయితే అప్పుడు ఇలా అమ్మాయి చేతిలో చెంపదెబ్బలు తిన్న క్యాబ్ డ్రైవర్ ఏకంగా ఇప్పుడు అసెంబ్లీ ఎన్నికల్లో పోటీ చేస్తున్నాడు. ప్రగతిశీల సమాజ్ వాదీ పార్టీ లోహియా లో చేరి ఎమ్మెల్యేగా పోటీ చేయబోతున్నాడు ఆ క్యాబ్ డ్రైవర్. సమాజంలో ఉండే మగవాళ్ళకి కూడా న్యాయం చేయాలని రాజకీయాల్లోకి వస్తున్నానని అతను ప్రకటించాడు. మరి ఎన్నికల్లో విజయం సాధిస్తాడ లేదా అనేది చూడాలి.

మన సమాజంలో ఒక మహిళా సింగిల్ గా ఉండాలి అంటే ఎన్నో కష్టాలు మరియు ఇబ్బందులు ఎదుర్కోవాల్సి వస్తుంది.ముఖ్యంగా చాలా ఒత్తిడికి గురవుతారు.

ఉదాహరణకు ఆ మహిళ ఎప్పుడు ఇంటికి చేరుతుంది మరియు ఇంటి నుండి బయటకు ఎప్పుడు వెళుతుంది, ఎలాంటి బట్టలు వేసుకుంటుంది మరియు సమాజం ఎలాంటి మాటలు మాట్లాడినా ఏమి అనని పరిస్థితి వస్తుంది. ఎందుకంటే మన భారతదేశంలో ప్రతి ఒక్క మహిళ తమ జీవితాన్ని ముందుకు తీసుకెళ్లాలని అనుకుంటారు. దానితో పాటు మంచి సంస్కారాన్ని అందరు ఎక్స్పెక్ట్ చేస్తూ ఉంటారు.

అసలు ఒంటరిగా ఉన్న మహిళల జీవితం గురించి ప్రతి ఒక్కరూ ఎందుకు ఇంటర్ ఫియర్ అవ్వాలి..? ఒత్తిడికి గురి చేసే మాటలు ఎందుకు మాట్లాడాలి..?

సింగిల్ గా ఉన్న మహిళలు తరచుగా కొన్ని ప్రశ్నలను ఎదుర్కొంటూ ఉంటారు. ముఖ్యంగా మీరు పెళ్లి చేసుకునేందుకు సరైన సమయం ఇదే అని తరచుగా చెబుతూ ఉంటారు. ఆమె ఒంటరిగా ఉన్నా సరే స్వయంగా కష్టపడి సంపాదిస్తుంది. కాకపోతే సమాజానికి మరియు సోషల్ మీడియాకి ప్రతీదీ చెప్పుకోవడం కుదరదు కదా.

ఎందుకంటే సమాజంలో ఉండే స్నేహితులు మరియు బంధువులు క్రమంగా క్షుణ్ణంగా తమ జీవితాలను పరిశీలిస్తూ ఉంటారు. కానీ వారికి అస్సలు సంబంధం ఉండదు. చాలా మంది పెళ్లి కాని అమ్మాయిలకు ఇటువంటి సంఘటనలు ఎదురవుతూ ఉంటాయి. సామాజిక మాధ్యమాల్లో మీరు ధరించే దుస్తుల నుండి సోషల్ మీడియాలో పెట్టే ఫోటోలు వరకు ప్రతి దాన్ని గమనించడం జరుగుతుంది.

పెళ్లి కాని అమ్మాయిలే కాదు పెళ్లి అయినా కూడా సోషల్ మీడియాలో ఎటువంటి వాటిని పోస్ట్ చేయడానికైనా రెండు సార్లు ఆలోచించుకోవాల్సిన పరిస్థితి ఏర్పడింది. కానీ అసలు సంగతి ఏమిటంటే పెళ్లి కానీ అమ్మాయిలు తమ జీవితం గురించి ఎవరికీ జవాబు ఇవ్వనవసరం లేదు. తమకు నచ్చిన విధంగా తమ జీవితాన్ని ఆనందించవచ్చు. పెళ్లి చేసుకోవాలా లేక ప్రేమించాలా అనేది వాళ్లు నిర్ణయించుకోవడం పై ఆధారపడి ఉంటుంది.

వాళ్ళకి నచ్చిన విషయాల గురించి ఒంటరిగా జీవిస్తున్నారు, అంతమాత్రాన వారి ఆనందాన్ని వారు చూసుకోకుండా ఉండరు కదా.ఒకవేళ మనం నిజంగా వారి గురించి ఆలోచిస్తున్నట్లు అయితే వారి అభిప్రాయాన్ని గౌరవించి ఆలోచనలను మెచ్చుకోవాలి. అంతే కానీ ఎలాంటి సమయంలో కూడా తక్కువ చేసి మాట్లాడకూడదు. మరి దీనిపై మీ అభిప్రాయం ఏంటి? అందరూ ఈ విధంగా ఆలోచిస్తే సమాజం ఎలా ఉంటుందో తెలపండి.