Human angle

ఈరోజుల్లో ప్రేమంటే కేవలం ఓ సరదా అయిపొయింది. డబ్బు, అందం, కులం వంటివి చూసుకుని లెక్కలేసుకుని ముందుకెళ్లే వ్యాపారం అయిపొయింది. కానీ, నిజానికి ప్రేమకి ఇవేమి అవసరం లేదని ఓ ప్రేమ జంట నిరూపించింది.

ఆమె కోట్ల ఆస్తి కి వారసురాలు. ఆమె జీవిత కాలమంతా ట్రావెల్ చేస్తూ గడిపేసినా తరగని ఆస్తి ఆమె సొంతం. కానీ ఆమె ఢిల్లీ వీధుల్లో రోడ్లమీద బొమ్మలు వేసుకునే అబ్బాయిని ప్రేమించింది. వీరి ప్రేమ కథను తెలుసుకోవాలంటే మనం 1975 రోజుల్లోకి వెళ్లాల్సిందే. 1975 లో చార్లెట్ అనే అమ్మాయి స్వీడన్ నుంచి భారత్ లో పర్యటించడానికి వచ్చింది. ఆమె ఎంతో అందగత్తె. ధనవంతురాలు.

ఆమె ఢిల్లీ లో పర్యటిస్తున్న సమయం లో రోడ్డు పై బొమ్మలు వేసుకుంటున్న మహానందియా అనే వ్యక్తిని చూసింది. తన బొమ్మ కూడా గీయాలి అంటూ అతన్ని కోరింది. అతను అందరికి వేసి ఇచ్చినట్లే ఆమెకు కూడా పదినిమిషాల్లో వేసి ఇచ్చాడు. కానీ, ఆమె తన బొమ్మ నచ్చలేదంటూ అక్కడ నుంచి వెళ్ళిపోయింది. దీనితో మహానందియా చాల నిరాశ చెందాడు. ఏమైనా సరే, ఆమె మెప్పు పొందాలని మళ్ళీ ఆమెను అడిగి ఆమె చిత్రాన్ని వేయడానికి ప్రయత్నించాడు. నాలుగు గంటల్లో అద్భుతం గా ఆమె చిత్రాన్ని గీశాడు. కానీ ఆమె, బాగుంది లే అని చెప్పి అతనికి ఒక పది రూపాయలు ఇచ్చి వెళ్ళిపోయింది.

మాములుగా ఎవరైనా వేయించుకుని ఒక రూపాయి ఇచ్చేవాళ్ళు. ఆమె పది రూపాయలు ఇచ్చింది. కానీ అసంతృప్తి గా ఫీల్ అయ్యాడు. ఆమె తన బొమ్మలను మెచ్చుకోవడం లేదని బాధ పడ్డాడు. ఆ తరువాత అతనికి ఒక విషయం స్ఫూరించింది. తన వద్ద ఉన్న డబ్బులు అన్ని తీసుకుని, తన మూడు రోజుల సంపాదనను తీసుకుని యాభై రూపాయల పెట్టి కలర్ పెన్సిల్స్ ను ఎంతో ఖరీదైనవి కొన్నాడు. ఈసారి ఆమె కనిపించగానే బొమ్మ గీసి అబ్బురపరచాలనుకున్నాడు. ఆమె తన స్నేహితులతో తిరుగుతుండగా, ఆమె వద్దకు వెళ్లి బతిమిలాడి తీసుకువచ్చాడు. మరో రెండు గంటలపాటు కష్టపడి కలర్ ఫోటో తీసినా, అంత అందం గా రాదేమోనన్నట్లు ఆమె బొమ్మను గీశాడు. అది చూసి ఆమె ఆశ్చర్యపోయింది. ఆ చిత్రాన్ని తీసుకుని వెళ్ళిపోయింది. ఆ తరువాత ఒకసారి వచ్చి… మా స్నేహితులందరూ ఒక్కొక్కరు ఒక్కొక్క చోటుకు వెళ్తున్నాం.. తానూ ఎక్కడకి వెళ్తే బాగుంటుందో చెప్పాలని కోరింది.

దానికి, మహానందియా మా ఊరు వెళ్తే బాగుంటుందని సలహా ఇస్తాడు. మహానందియా కు ఆమెను చూసినప్పుడల్లా వాళ్ళ అమ్మ చెప్పిన మాటలు గుర్తొచ్చేవి. తనది మహార్జాతకం అని, తన జీవితం లోకి కొన్ని వేలమైళ్ల దూరం నుంచి ఒక అమ్మాయి వస్తుందని, వారికి ఒక అడవి ఉంటుందని.. ఆమె నిన్ను పెళ్లి చేసుకుంటుంది అని వాళ్ళ అమ్మ చెప్పిన మాటలు గుర్తొచ్చేవి. చార్లెట్ ను చూసినప్పుడల్లా, నందియా ఆమె ఈమేనని అనుకునేవాడు. ఆమె తన ఊరు రావడానికి ఒప్పుకోవడం తో ఎగిరిగంతేశాడు. తన రాష్ట్రము ఒరిస్సా లో కోణార్క్ టెంపుల్ కి తీసుకెళ్లాడు.

ఆ తరువాత ఆమె ను తన ఇంటికి కూడా తీసుకువెళ్లాడు. అక్కడకి వెళ్ళగానే చార్లెట్ నందియా పేరెంట్స్ తో తానూ నందియా ను ప్రేమిస్తున్నానని, పెళ్లి చేసుకోవాలనుకుంటున్నానని చెప్పింది. దీనితో మొదట నందియా షాక్ అయ్యాడు. కానీ సైలెంట్ అయిపోతాడు. అయితే, వారి వివాహానికి పేరెంట్స్ అడ్డు చెప్పలేదు. అక్కడే, గిరిజన పద్ధతిలో వారి వివాహాన్ని జరిపిస్తారు. పెళ్లి అయ్యిన తరువాత చార్లెట్ స్వీడన్ కు వెళ్ళిపోతుంది. మరోసారి నందియా ను కూడా స్వీడన్ కు తీసుకువెళ్తానని చెబుతుంది.

అలా ఏడాది కాలం గడుస్తుంది. చార్లెట్ కు నందియా కు మధ్య ఉత్తరాలు నడుస్తుంటాయి. అయితే, నందియా విరహాన్ని భరించలేక తన దగ్గర ఉన్నవన్నీ అమ్మేసి, నాలుగు జతల బట్టలతో సైకిల్ పై బయలుదేరుతాడు. దేశాలు దాటి వెళుతూ ఉంటాడు. మార్గం మధ్య లో తనకు ఆశ్రయం ఇచ్చిన వారికి తన గాధను వివరిస్తూ వెళ్తాడు. కొన్నిచోట్ల భాష రాక ఇబ్బందిపడతారు. చివరకు చార్లెట్ ను చేరుకుంటాడు.

చార్లెట్ మొదట ఆశ్చర్యపోతుంది. కానీ అతనిని చేరదీసి అతను తిరిగి మాములుగా అయిన తరువాత తన పేరెంట్స్ కు పరిచయం చేస్తుంది. చార్లెట్ పేరెంట్స్ వీరి వివాహానికి ఒప్పుకోరు. అతనికి డబ్బు లేదు, చదువులు లేవు అని బాధపడతారు. కానీ చార్లెట్ వారిని ఒప్పిస్తుంది. వీరి సంసారం సజావు గా సాగుతుంది. ఇద్దరు పిల్లలు పుడతారు. అప్పటికే నందియా స్వీడన్ లో మంచి చిత్ర కారుడిగా ఎదుగుతాడు. భారత ఖ్యాతి ని స్వీడన్ లోను విస్తరిస్తాడు.

మన పురాణాల్లో భార్య భర్త ల బంధానికి విలువను ఇచ్చే కధలు అనేకం ఉన్నాయి. ఓ స్త్రీ వివాహిత అయిన తరువాత ఆమెను తల్లి లా గౌరవించాలని ఈ కధలు నీతిని బోధిస్తున్నాయి. ఒకసారి వివాహం అయిన స్త్రీ పై కామం, మోహం తగదు. ఇది మన భారతీయ వివాహ వ్యవస్థలోని సంప్రదాయం. అయితే, ప్రస్తుతం రోజులు చాలా మారి వావి వరుసలను మరిచి అక్రమ సంబంధాలు పెట్టుకుంటున్నారు. ఓ వివాహిత స్త్రీ ఎంత పునీతం గా ఉండాలో వివరించే కథ ఒకటి తెలుసుకుందాం.

ఓ రోజు.. ఒక రాజు వేటకు వెళ్లి మధ్యలో అలసి పోయాడు. ఆ అడవి దారికి దగ్గరిగా ఉన్న ఓ గ్రామానికి చేరుకున్నాడు. ఆ గ్రామం లో ఓ ఇంటి ముందు ఆగాడు. ఆ ఇంట్లో ఓ స్త్రీ తన భర్త కు భోజనం వడ్డించడాన్ని చూసాడు. ఆమె చాలా అందం గా ఉంది. ఆమె అందాన్ని చూసి.. అంతటి రాజే స్థాణువైపోయాడు. ఆమె భర్త భోజనం చేసి అక్కడ నుంచి వెళ్ళిపోయాడు. ఆమె కూడా తలుపులు మూసేసి లోపలకి వెళ్ళబోతున్న సమయం లో రాజు అక్కడకు వెళ్లి ఆ ఇంటి తలుపు కొట్టాడు.

ఆమె తలుపు తీసి ఎవరు అని ప్రశ్నించగా.. ఆ రాజు లోపలకి వచ్చి కూర్చుని తనను తానూ పరిచయం చేసుకున్నాడు. తాను ఈ రాజ్యానికి రాజునని చెప్పి.. నీవు ఎంతో అందం గా ఉన్నావు. నిన్ను పెళ్లి చేసుకోవాలనుకుంటున్నాను అని చెప్పాడు. దీనితో ఆమె ఆశ్చర్యపోయింది. తనకు మునుపే పెళ్లి అయినదని వారించింది. అయినా.. ఆ రాజు వినలేదు. దీనితో ఆమెకు పాలుపోలేదు. ఎదురు గా ఉన్నది మహారాజు. ఏమైనా తేడా వస్తే.. పరిస్థితి ఎలా ఉంటుందో అన్న భయం కలిగింది ఆమెకు. ఆమె ఎంతో గుణవంతురాలు..మరియు సంస్కారం కల అమ్మాయి.

వెంటనే, రాజా.. మీరు ముందు భోజనం చేయండి. చాలా దూరం నుంచి వచ్చి అలసి పోయి ఉంటారు అంటూ.. తన భర్త భోజనం చేసిన ఎంగిలి ఆకు వైపు చూపించింది. అది చూసి మహారాజు కు కోపం వచ్చింది. నీ భర్త భోజనం చేసిన ఎంగిలి ఆకులో నేను భోజనం చేయాలా అంటూ ఆగ్రహించాడు.

అప్పుడు ఆమె” రాజా.. శాంతించండి. నా భర్త భోజనం చేసిన ఆకులో భోజనం చేయడానికి అడ్డు వచ్చిన ఎంగిలి ఇది వరకే పెళ్లి అయి ఒకరి సొంతం అయిపోయినన్ను నన్ను మళ్ళీ పెళ్లి చేసుకోవడానికి అడ్డు రాలేదా? అని ప్రశ్నించింది. దీనితో, రాజుకు విషయం బోధపడింది. వెంటనే, అక్కడనుంచి లేచి ఆమెకు నమస్కరించి అక్కడ నుంచి వెళ్ళిపోయాడు. పరాయి స్త్రీని ఎప్పుడు చెడు దృష్టితో చూడకూడదని మన పెద్దలు మనకు చెబుతూ వస్తున్నారు.

గత కొన్ని రోజుల నుండి సోషల్ మీడియాలో ఒక ఫోటో వైరల్ అవుతోంది. ఆ ఫోటోలో ఒక పోలీస్ తండ్రి తన పోలీస్ కూతురుకి సెల్యూట్ చేస్తున్నారు. ఈ ఫోటోను చూసిన చాలా మంది ఇన్స్పైరింగ్ గా ఉంది అని అభినందిస్తున్నారు. కానీ ఆ అమ్మాయి ఎవరు? అనే ఆసక్తి అందరిలో నెలకొంది. సాక్షి కథనం ప్రకారం ఆ అమ్మాయి పేరు జెస్సీ ప్రశాంతి. ప్రశాంతి కుటుంబం నెల్లూరు జిల్లా, టీపీ గూడూరు మండలం, పాపిరెడ్డిపాలెం కి చెందిన వారు. ప్రశాంతి తిరుపతిలో పుట్టి పెరిగారు.

తండ్రి శ్యామ్ సుందర్ తిరుపతిలో కల్యాణిడ్యామ్‌ పోలీస్‌ ట్రైనింగ్‌ సిఐ గా విధులు నిర్వహిస్తున్నారు. తల్లి సునీత గృహిణి. చెల్లెలు మెర్సీ స్రవంతి కడప డెంటల్‌ కశాశాలలో అసిస్టెంట్‌ ప్రొఫెసర్ గా ఉద్యోగం చేస్తున్నారు. తమ్ముడు డానియన్‌ కుమార్‌ బీటెక్‌ పూర్తి చేసి సివిల్స్‌ కి శిక్షణ పొందుతున్నారు. ప్రశాంతి తాతగారు పేరం వెంకయ్య గారు ఐపీఎస్ అధికారిగా ఉద్యోగం చేశారు. ప్రశాంతి ఎస్వీయూలో ఎంబీఏ లో గోల్డ్ మెడల్ సాధించారు.

ఐఏఎస్, ఐపీఎస్ అయితే ప్రజలకు నేరుగా సేవ చేయగలరు అనే ఉద్దేశంతో ఐఏఎస్ అవుదామని అనుకున్నారు ప్రశాంతి. మొదటి ప్రయత్నంలో విఫలం అయ్యారు. రెండవ ప్రయత్నంలో గ్రూప్స్ లో అర్హత సాధించారు. వేరే శాఖలకు వెళ్లే అవకాశం ఉన్నా కూడా పోలీసు శాఖలో పనిచేసిన తన తండ్రిని, తాతని ఆదర్శంగా తీసుకొని పోలీసు శాఖను ఎంచుకున్నారు ప్రశాంతి.

ప్రశాంతి సివిల్స్ కి ప్రిపేర్ అవుతున్న సమయంలో తోటి స్నేహితులు అందరూ స్థిర పడ్డారు. ప్రశాంతిని కూడా చదువు ఆపేసి పెళ్లి చేసుకోమని బంధువులు ఒత్తిడి చేసేవారట. కానీ ప్రశాంతి తల్లిదండ్రులు తనని తన లక్ష్యం వైపు వెళ్లేందుకు ప్రోత్సహించారు. ప్రశాంతి ప్రస్తుతం గుంటూరు అర్బన్ సౌత్ డిఎస్పీ గా విధులు నిర్వర్తిస్తున్నారు.

కొన్ని రోజుల క్రితం తిరుపతిలో జరిగిన పోలీస్ డ్యూటీ మీట్ లో సిఐ అయిన ప్రశాంతి తండ్రి శ్యామ్ సుందర్ గారు, తన పై అధికారి అయిన కూతురు డిఎస్పీ ప్రశాంతికి సెల్యూట్ చేశారు. తన కూతురు ఇంత గొప్ప స్థానంలో ఉండడంపై శ్యామ్ సుందర్ గారు మాట్లాడుతూ “పిల్లలకి వాళ్ళ చదువు విషయంలో నేను పూర్తి స్వేచ్ఛ ఇచ్చాను.

వాళ్లు ఎంచుకున్న రంగంలో ముందుకు వెళ్లేందుకు ప్రోత్సాహం అందించాను. చదువు ఎంత ముఖ్యమైనదో తెలుసుకున్న పిల్లలు ఉన్నత స్థాయిలో స్థిరపడుతున్నారు. తమ పిల్లల్ని తమ కంటే ఉన్నత స్థాయిలో చూసినప్పుడు ఏ తల్లిదండ్రికైనా సరే చాలా ఆనందంగా ఉంటుంది. నా కూతురికి సెల్యూట్ చేసే అవకాశం రావడం గర్వంగా భావిస్తున్నాను” అని అన్నారు.

ప్రపంచంలో అన్నిటికంటే స్వచ్ఛమైనది తల్లిదండ్రుల ప్రేమ అంటారు. ప్రతి ఒక్క తల్లి తండ్రి తమ పిల్లలకి మంచి భవిష్యత్తు ఇవ్వాలి అని, వారు ఆనందంగా ఉండాలి అని కోరుకుంటారు. ఈ కథ చదివితే నిజంగా తల్లిదండ్రుల ప్రేమ ఎంత స్వచ్ఛమైనదో అనే విషయం మళ్ళీ ఒకసారి రుజువవుతుంది. ఎండి కౌసర్ హుస్సేన్ కి ఇద్దరు పిల్లలు ఉన్నారు. ఒక ప్రమాదంలో కౌసర్ హుస్సేన్ తన కుడి చేతిని కోల్పోయారు.

తర్వాత నుంచి కౌసర్ హుస్సేన్ యాచించడం మొదలుపెట్టారు.  అతనితో పాటు తన కూతురు కూడా వెళ్ళేది. కౌసర్ హుస్సేన్ తన కూతురిని స్ట్రీట్ సిగ్నల్ దగ్గర కూర్చోబెట్టి వెళ్తారు. తండ్రి వచ్చేంత వరకు కూతురు అక్కడే కూర్చుని ఎదురుచూస్తుంది. కౌసర్ హుస్సేన్ కూతురు తనతో వెళ్లడానికి ఒక కారణం ఉంది. అదేంటంటే  కౌసర్ హుస్సేన్ కూతురికి తన తండ్రికి ఏమైనా అవుతుందేమోనన్న భయం ఉంటుంది.

అందుకేే తను కూడా తండ్రితో పాటు వెళ్లి ఆయనని అని చూస్తూ ఉంటుంది. కౌసర్ హుస్సేన్ రెండు సంవత్సరాల పాటు కష్టపడి ఆ డబ్బులతో తన కూతురికిి డ్రెస్ కొందామని అనుకున్నారు. దాదాపు రెండు సంవత్సరాల తర్వాత తన కూతురు కొత్త బట్టలు వేసుకోవడంతో తనతో పాటు బయటికి వెళ్లి ఆడుకోవాలి అనుకున్నారు కౌసర్ హుస్సేన్. తన భార్యకు చెప్పకుండా పక్కింటి వాళ్ళ దగ్గర నుంచి ఫోన్ తీసుకొని తన కూతురిని ఫోటో తీశారు.

అప్పటివరకు తన కూతురుది ఒక్క ఫోటో కూడాా లేదు అని, ఆ రోజుని తనకి గుర్తుండిపోయేలా చేద్దామని అనుకున్నారని, ఒకరోజు ఫోన్ కొనుక్కున్నప్పుడు తన పిల్లల ఫోటోలు తీస్తానని, అవన్నీ తనకి మంచి జ్ఞాపకాలుగా పెట్టుకోవాలని ఉంది అని అన్నారు కౌసర్ హుస్సేన్. పిల్లలని స్కూల్ కి పంపించడం కష్టం అయినా కూడా వాళ్ళని పంపించి చదువు చెప్పిస్తున్నారు.

representative image

ఫీజులు కట్టడం ఆలస్యం అయినప్పుడు కొన్నిసార్లు వాళ్లు పరీక్షలకు అటెండ్ అవ్వలేకపోతారు. అందుకు కౌసర్ హుస్సేన్ “ఒక్కొక్కసారి పరీక్షలు మిస్ అవ్వచ్చు. కానీ జీవితం మనల్ని రోజూ పరీక్షించడమే పెద్ద పరీక్ష” అని చెప్తారట. ఈ విషయాన్ని జిఎంబీ ఆకాష్  అనే ఒక మల్టీ మీడియా జర్నలిస్ట్ సోషల్  మీడియా అకౌంట్ లో షేర్ చేశారు.

కట్టుబాట్లని కాదని కులాంతర, మతాంతర వివాహాలు చేసుకున్నప్పటికి పుట్టిన బిడ్డలకు కులాన్ని,మతాన్ని వర్తింప చేస్తుంది ఈ ప్రభుత్వం మరియు సమాజం..బిడ్డ పుట్టగానే ఇచ్చే బర్త్ సర్టిఫికెట్ దగ్గర నుండి, స్కూల్ అడ్మిషన్, తర్వాత ఇచ్చే ప్రతి సర్టిఫికెట్లో కులం,మతాన్ని మెన్షన్ చేయమంటుంది..లేదంటే చెల్లదంటుంది..మేజర్ గా తండ్రి ఇంటిపేరే బిడ్డలకి వస్తుంది కాబట్టి ఇలాంటి వివాహాల్లో కూడా తండ్రి కులమే పుట్టిన పిల్లలకు వర్తిస్తుంది.అయితే తాము వదిలేసుకున్న కులమతాలు తమ బిడ్డకు వద్దంటూ కోర్టుకి ఎక్కారు హైదరాబాద్ తల్లిదండ్రులు.

హైదరాబాద్‌కు చెందిన డేవిడ్, రూప దంపతులు ప్రేమించి పెళ్ళి చేసుకున్నారు..వారి కులాలు వేరు, మతాలు వేరు..వారి ప్రేమకు గుర్తుగా గత ఏడాది మార్చి 23న బిడ్డ జన్మించాడు. ఇవాన్ రూడే గా పేరు పెట్టుకున్నారు. తమ కుమారుడు ఇవాన్ రూడే బర్త్ సర్టిఫికెట్ కోసం  కొత్తకోట మున్సిపాలిటీలో దరఖాస్తు చేసుకున్నారు  రూప, డేవిడ్. జనన నమోదు దరఖాస్తులోని కుటుంబ ‘మతం’ అనే కాలమ్ నింపితే తప్ప బర్త్ సర్టిఫికెట్ ఇవ్వడం కుదరదని అక్కడి అధికారులు చెప్పారు.

కులాంతర, మతాంతర వివాహం చేసుకున్న తాము మతాన్ని, కులాన్ని విశ్వసించడం లేదు కాబట్టి దరఖాస్తులో ఉన్న ‘కుటుంబ మతం’ అనే కాలమ్ నింపము అని వీళ్లు చెప్పడంతో అధికారులు తిరస్కరించారు. తర్వాత  జిల్లా కలెక్టర్‌ను, ఆపై అధికారులను ఆశ్రయించారు.. అక్కడ కూడా కుదరదు అనే సమాధానమే వచ్చింది .దాంతో తమ హక్కును, మనోభావాలను గౌరవిస్తూ తమ కుమారుడి జననం మొదలు మరణం వరకు ప్రభుత్వం ఇచ్చే ఏ సర్టిఫికెట్‌లోనైనా ‘మతం – కులం లేనివాళ్లు (No Religion – No Caste)’ అని గుర్తింపు ఇవ్వాలని కోరుతూ పిల్ వేశారు.

జస్టిస్ రాఘవేంద్ర సింగ్ చౌహాన్, జస్టిస్ అభిషేక్ రెడ్డితో కూడిన ధర్మాసనం ఈ పిటిషన్‌పై వీడియో కాన్ఫరెన్స్ ద్వారా విచారణ చేపట్టింది. దంపతుల డిమాండ్‌పై కౌంటర్ దాఖలు చేయాలని జనన మరణ ధ్రువీకరణ అధికారులకు, రాష్ట్ర ప్రభుత్వ కార్యదర్శికి, మున్సిపల్ అడ్మినిస్ట్రేషన్ కార్యదర్శికి, కొత్తకోట మున్సిపాలిటీ అధికారులకు నోటీసులు జారీ చేసింది. తదుపరి విచారణకు నాలుగు వారాల గడువు విధించింది .

గతంలో తమిళనాడుకు చెందిన స్నేహ అనే లాయర్ కుల మతంలేని మొదటి వ్యక్తిగా గుర్తింపు పొందారు. మొదట్లో ఆమెకి నో కాస్ట్- నో రెలిజియన్ సర్టిఫికెట్ ఇవ్వడానికి అధికారులు నిరాకరిస్తే, కలెక్టర్ ని కలిసి సర్టిఫికెట్ పొందారు. అదే విధంగా హైదరాబాద్‌కు చెందిన డి.వి. రామకృష్ణ రావు, ఎస్. క్లారెన్స్ కృపాళిని దంపతులు కూడా ఇదే డిమాండ్‌పై కోర్టును ఆశ్రయించారు. తమ పిల్లల అడ్మిషన్ సందర్భంగా మతం అనే కాలమ్ నింపితే తప్ప అడ్మిషన్ ఇవ్వమని స్కూల్ యాజమాన్యం చెప్పడంతో.. వాళ్లు న్యాయస్థానాన్ని ఆశ్రయించారు. మతం చెప్పడానికి నిరాకరించిన కారణంగా అడ్మిషన్ ఇవ్వకపోవడం సరికాదని కోర్టు మొట్టికాయలు వేయడంతో స్కూల్ యాజమాన్యం అడ్మిషన్ ఇచ్చింది.

కొన్ని ప్రత్యేక సంధర్బాల్లో మాత్రమే “నో క్యాస్ట్ – నో రెలిజియన్” సర్టిఫికెట్ లభిస్తుంది.ఆ సర్టిఫికెట్ పొందడానికి కూడా పెద్ద యుద్దమే చేయాల్సి వస్తుంది. ముఖ్యంగా ఆన్లైన్ వ్యవహారాల్లో ఈ కాలమ్ ఎక్కువగా ఇబ్బంది పెడుతుంది.

మతాన్ని నమ్మే హక్కు ఎలాగైతే ఉందో.. వాటిని నమ్మకుండా ఉండే హక్కు కూడా రాజ్యాంగమే కల్పించింది. అందువల్ల మా హక్కును గుర్తించాలి. ఈ సమస్యకు శాశ్వత పరిష్కారం చూపేలా చర్యలు తీసుకునేలా కోర్టు ఆదేశించాలి.”అని రూప, డేవిడ్ దంపతులు కోరుతున్నారు.

కరోనా సమయంలో ఎంత మంది ఎన్ని ఇబ్బందులు ఎదుర్కొన్నారో ప్రత్యేకంగా చెప్పాల్సిన అవసరం లేదు. అనారోగ్య సమస్యల తర్వాత ప్రజలు అంతగా ఇబ్బంది పడింది ఆర్థిక సమస్యల కారణంగానే. ప్రపంచం మొత్తం ఆర్థికంగా ఎంతో నష్టపోయింది. ఎన్నో సంస్థలు ఆర్ధికంగా వెనకబడ్డాయి. ఎంతో మంది తమ ఉపాధిని కోల్పోయారు. ఆదాయం కంటే ఎక్కువ ఖర్చు ఉండేది. కొంత మంది అయితే నోటీస్ పిరియడ్ లో ఉద్యోగం చేశారు.

కేరళలోని కసర్ గాడ్ కి చెందిన నవనీత్ సజీవన్ ఈ కోవకి చెందిన వారు. వివరాల్లోకి వెళితే. నవనీత్, గత నాలుగు సంవత్సరాలుగా అబుదాబిలో నివసిస్తున్నారు. కరోనా కారణంగా నవనీత్ ఉద్యోగం చేసే సంస్థలో ఉద్యోగులను తగ్గిస్తున్నారు. ఈ క్రమంలో నవనీత్ నోటీస్ పిరియడ్ కింద ఉద్యోగం చేస్తున్నారు.

అయితే, నవంబర్ 22 వ తేదీన నవనీత్ ఆన్లైన్ లో ఒక లాటరీ టికెట్ కొన్నారు. గత ఆదివారం దుబాయ్ డ్యూటీ ఫ్రీ మిలీనియం మిలియనీర్ డ్రా వాళ్ళు నవనీత్ కి ఫోన్ చేసి తాను లాటరీ గెలుచుకున్న విషయాన్ని తెలియజేశారు. ఈ లాటరీలో భాగంగా నవనీత్ గెలుచుకున్న మొత్తం దాదాపు 7.4 కోట్ల రూపాయలు. దీంతో నవనీత్ ఆనందానికి అవధులు లేవు.

ప్రస్తుతం ఇబ్బందుల్లో ఉన్న నవనీత్ కి ఇలా లాటరీ రూపంలో కలిసి వచ్చింది అని అన్నారు. అంతే కాకుండా ఈ డబ్బులో కొంత భాగాన్ని కుటుంబ అవసరాల కోసం ఉపయోగిస్తానని, ఇంకొంత మొత్తాన్ని తన స్నేహితులకు, సహోద్యోగులకు ఇస్తానని నవనీత్ పేర్కొన్నారు.