Information

మన సంప్రదాయాలు,సంస్కృతులు ప్రపంచంలో ఎంతో ప్రాచీనమైనవి అలాగే అద్భుతమైనవి అలాంటి మన సంప్రదాయాలలో కొందరి ఔత్సాహికుల పుణ్యాన కొన్ని అర్థం పర్థం లేని నియమాలు చేర్చడంతో మన సంప్రదాయాలు కొన్ని శతాబ్దాలపాటు చులకన అయ్యాయి.

ఇక ఇప్పుడిప్పుడే ప్రపంచానికి అలాగే మనకు మన సంప్రదాయాల విలువ తెలుస్తుంది.మన దేశంలో చాలామంది ఇప్పటికీ మంగళవారం,శుక్రవారం డబ్బులు అప్పు ఇవ్వరు అలాగే తీసుకోరు దీని కారణమేంటో తెలుసా?

మంగళవారం,శుక్రవారం లక్ష్మికి ప్రీతికరమైన రోజు అందుకే ఈరోజుల్లో లక్ష్మిని వేరొకరికి ఇస్తే మన ఇంటి నుండి లక్ష్మీదేవి వెళ్ళిపోతుందని చాలామంది నమ్ముతారు. అందుకే ఈరోజుల్లో సాధారణంగా జనాలు డబ్బుల ట్రాన్సాక్షన్స్ చెయ్యరు.కానీ శాస్త్రాలలో ఎక్కడ మంగళవారం,శుక్రవారం డబ్బులు ఇవ్వవద్దని కాని తీసుకోవద్దని కాని చెప్పలేదు.

మరి ఈ ఆచారం ఎలా వచ్చిందంటే మంగళవారం కుజుడు ఆధీనంలో ఉంటాడు.కుజుడు ఉన్నప్పుడు ఏదైనా కార్యక్రమం ఇద్దరి వ్యక్తుల మధ్య జరిగితే అది గొడవలకు దారి తీస్తుందని మంగళవారం లేదా లక్ష్మికి ప్రీతికరమైన శుక్రవారం రోజులలో డబ్బులు ఇవ్వకూడదని ఓ ఆచారం ఏర్పడింది.అందుకే ప్రజలు ఈ రెండు రోజులలో డబ్బులు ఇవ్వరు.

టెక్నాలజీ వల్ల అందరికీ జీవన విధానాల్లో మార్పు వచ్చింది. పూర్వకాలంలో పాటించే ఎన్నో పద్ధతులు ఇప్పుడు చాలా తక్కువగా పాటిస్తున్నారు. ఎందుకు అని అడిగితే అవన్నీ పాటించడం వల్ల సమయం వృధా అవుతుంది అని అంటున్నారు.

నిజానికి అసలు పూర్వకాలంలో పాటించే చాలా పద్ధతుల వల్ల అప్పటి వాళ్ళు ఆరోగ్యంగా ఉండేవారు. ఇప్పుడున్న పరిస్థితుల్లో జలుబు, దగ్గు లాంటి చిన్న చిన్న వాటికే బలహీన పడిపోతున్నారు. కానీ పాత తరం వాళ్ళు పాటించే ఆరోగ్య సూత్రాల వల్ల, చేసే కొన్ని పనుల వల్ల వారు అప్పుడు ఎంతో ఆరోగ్యంగా ఉండేవారు. అవేంటంటే.

#1 పండగల లాంటివి ఉన్నప్పుడు గుమ్మానికి మామిడి ఆకుల తో చేసిన తోరణాలు కడతాం. మామిడి ఆకులు కోసిన తర్వాత కూడా కొన్ని గంటలపాటు ఆక్సిజన్ అందచేస్తాయట. ఇంటికి ఎక్కువమంది వచ్చినప్పుడు వాళ్లకి ఆక్సిజన్ సరిగ్గా అందడానికి మామిడాకులు కడతారట.

#2 నేల మీద కూర్చొని తింటే మనకు ఎంత ఆకలిగా ఉంటే అంత భోజనం మాత్రమే తినగలుగుతామట. అంతేకాకుండా కూర్చునే పద్ధతి వల్ల తిన్న ఆహారం సులభంగా జీర్ణం అవుతుందట. అందుకే పూర్వం నేల మీద కూర్చుని భోజనం చేసే వారట. ఇప్పుడు కూడా చాలా మంది ఈ పద్ధతిని పాటిస్తున్నారు. కానీ పాటించడం వెనుక ఉన్న కారణం తెలియదు.

#3 పసుపులో యాంటి బ్యాక్టీరియల్ గుణాలు ఉంటాయి అన్న విషయం చాలా మందికి తెలిసే ఉంటుంది. అందుకే క్రిములు ఇంట్లోకి ప్రవేశించకుండా పసుపును గడపలకి రాస్తారు. అంతేకాకుండా శరీరంపై ఉన్న బ్యాక్టీరియా పోవడానికి పసుపు ను రాసుకుంటారు.

#4 దాదాపు అందరూ హిందువుల ఇళ్ళల్లో తులసికోట ఉంటుంది. అంతేకాకుండా తులసి పూజ చేయడం కూడా ఎన్నో తరాల నుండి ఆనవాయితీగా వస్తోంది. తులసి పూజ చేసిన తర్వాత స్వీకరించే తులసి ఆకుల తీర్థం లో క్యాన్సర్ వంటి వ్యాధులను అరికట్టే గుణాలు ఉంటాయని వైద్యశాస్త్రంలో ఉందట.

#5 అప్పుడు బ్రష్ ఉపయోగించేవారు కాదు కాబట్టి ఉదయం లేవగానే వేప పుల్లలతో పళ్ళు తోముకునే వారు. వేప పుల్లలతో పళ్ళు తోముకోవడం వల్ల దంతాలు బలంగా ఉంటాయట అంతే కాకుండా గొంతు కూడా బాగుంటుందట. పొద్దున్నే వేప చెట్ల నుండి వచ్చే గాలి పీలిస్తే శ్వాస సంబంధిత సమస్యలు కూడా రావట.

#6 మన భోజనంలో ఉండే క్రిములను, విషాన్ని, ఇంకా శరీరానికి హాని కలిగించే పదార్థాలని గ్రహించే గుణం అరిటాకు కి ఉందట. అందుకే చాలామంది అరిటాకులో భోజనం చేసేవారట.

#7 చాలామంది ఇళ్లల్లో గోడకి పిడకలు కొట్టేవారు. ఇప్పుడు కూడా ఊళ్ల లో ఈ పద్ధతి పాటిస్తుంటారు. దానికి కారణం ఏంటి అంటే గోవు పేడలో సహజ సిద్ధమైన యాంటీ బయాటిక్స్ ఉంటాయట. వాటివల్ల బ్యాక్టీరియా అనేది రాదట. అంతేకాకుండా గోవు పేడను ఆర్గానిక్ పదార్థాల కోసం ఎరువుగా కూడా వాడతారు.

భారతీయ సాంప్రదాయం ప్రకారం పెళ్లైన ఆడవాళ్ళు కచ్చితంగా తాళి ధరిస్తారు. ఒక్కొక్క ప్రదేశంలో తాళిని ఒక్కొక్క పేరుతో పిలుస్తారు. తాళి ధరించడానికి వెనుక ఉన్న కారణం చాలా మందికి తెలియక పోవచ్చు. కొంతమంది నలుపు ఇంకా బంగారం రంగు లో ఉన్న మంగళ సూత్రాన్ని ధరిస్తారు. అలా నలుపు ఇంకా బంగారం రంగు లో ఉన్న మంగళసూత్రంలో పార్వతీ పరమేశ్వరులు కొలువై ఉంటారట.

నలుపురంగులో శివుడు, బంగారు రంగులో పార్వతీ దేవి కొలువై ఉంటారట. పెళ్లి కూతురు సుమంగళిగా ఉండాలని ఎటువంటి చెడు జరగకూడదు అని ఆ పార్వతీ పరమేశ్వరులు హృదయానికి దగ్గరగా ఉంటారట. మంగళసూత్రంలో పసుపు తాడు వాడతారు. మూడు ముళ్ళు వేసిన తర్వాత ప్రతి ముడికి కుంకుమను అద్దుతారు. తర్వాత మంగళ సూత్రం బంగారం వి చేయించుకుంటారు. మంగళసూత్రం బంగారం ది చేయించుకున్నా కూడా మధ్యలో తాడు మాత్రం పసుపుతాడు వాడాలట. పసుపు కుంకుమలలో సర్వమంగళ దేవి కొలువై ఉంటారట.

కొంతమంది తమకిష్టమైన దేవుళ్ళని మంగళసూత్రం పై తయారు చేయించి వేసుకుంటారు. కానీ అలా వేసుకోకూడదట. ముఖ్యంగా లక్ష్మీ దేవి ప్రతిమ ఉన్న మంగళ సూత్రం అసలు ధరించకూడదట. ఒకవేళ అలా జరిగితే సిరి సంపదలు పోతాయట. కష్టాలు రావడం మొదలవుతాయట. అందుకే మంగళసూత్రం మామూలుగా వేసుకోవడం మంచిదట.

శుక్రవారం ఇంకా మంగళవారం అమ్మవారికి పసుపు కుంకుమలతో పూజలు చేసి ఆ పసుపు ని మంగళసూత్రానికి పూజ సమయంలో పెట్టుకోవాలట. అలా చేస్తే ఐదో తనాన్ని ఇచ్చే పార్వతీ దేవి కటాక్షిస్తారట. అలాగే మంగళసూత్రానికి సేఫ్టీ పిన్, లేదా ఇనుము తో తయారు చేసిన వస్తువులు పెట్టకూడదట. మంగళసూత్రానికి ఎరుపు (పగడం) ఇంకా నల్లపూసలు ఉండాలట.