Category:

Information

గూగుల్ గురించి 16 ఆసక్తికరమైన విషయాలు

by Megha Varna June 9, 2020

written by Megha Varna

గూగుల్ గురించి తెలీని వారు లేరు. ఇంకా చెప్పాలంటే గూగుల్ దాదాపు ప్రజలందరి నేస్తం. గూగుల్ఉ పయోగించకుండా స్మార్ట్ ఫోన్ వినియోగించే వారు లేరంటే అతిశయోక్తి కాదు. గూగుల్ గురించి కొన్ని ఆసక్తికరమైన విషయాలు

1. ప్రపంచవ్యాప్తంగా ఎంతో ప్రఖ్యాతి గడించిన గూగుల్ ను 1998 లో స్టాండ్ ఫోర్డ్ యూనివర్సిటీకి చెందిన లారీ పేజ్ మరియు సెర్జీ బిన్ లు అనే స్టూడెంట్స్ స్థాపించారు

2. గూగుల్ అనేది సెప్టెంబర్ 4వ తేదీన స్థాపించబడినప్పటికీ 2006 నుండి సెప్టెంబర్ 27వ తారీకునే గూగుల్ యొక్క బర్త్ డే గా సెలబ్రేషన్ చేస్తున్నారు.

3. ప్రపంచంలోనే రెండవ అతిపెద్ద బ్రాండ్ గా అవతరించిన గూగుల్ యొక్క ప్రస్తుత మార్కెట్ విలువ 309 బిలియన్ డాలర్లు ( ఇండియన్ కరెన్సీలో చెప్పాలి అంటే ఒక బిలియన్ డాలర్ల విలువ సుమారు గా 73, 59, 75, 00, 000. )

4. నాలుగు అతి పెద్ద కంపెనీలు గా అమెజాన్, ఆపిల్, ఫేస్ బుక్ లతో పాటు గూగుల్ కూడా స్థానాన్ని సంపాదించుకుంది

google facts in telugu

5. గూగుల్ ని వాడే యూజర్ల సౌలభ్యం కోసం యూజర్లు చేసే స్పెల్లింగ్ మిస్టేక్ తో కూడా గూగుల్ పేజ్ ఓపెన్ అయ్యే విధంగా gooogle. Com gogle. Com googlr. Com పేర్లతో కూడా గూగుల్ రిజిస్టర్ అయ్యింది.

6.గూగుల్ హెడ్ క్వార్టర్ గా పిలువబడే గూగుల్ ప్లెక్స్ కాలిఫోర్నియా లో ఉంది.

7. ఉద్యోగులకు భోజన సదుపాయాన్ని అందించే అతి పెద్ద సాఫ్ట్ వెర్ కంపెనీలో గూగుల్ కూడా ఒకటి, ఇది ఉద్యోగులు తమ వెంట తమ పెంపుడు కుక్కలను తెచ్చుకోవడానికి అనుమతిని ఇస్తుంది.

8. గూగుల్ లో పనిచేసే ఉద్యోగి మరణించిన తర్వాత అతని జీతంలో సగభాగాన్ని ప్రతి నెలా వారి జీవిత భాగస్వామికి అందిస్తుంది.

9.గూగోల్’ అన్న పదం నుంచి గూగుల్ వచ్చింది. ఒకటి పక్కన వంద సున్నాలు ఉండే సంఖ్యను గూగోల్ అంటారు.

10.ఉద్యోగులకు ఉచితంగా భోజనం పెట్టడం మొదలుపెట్టిన తొలి భారీ టెక్ సంస్థ గూగులే.

11. 2006లో గూగుల్‌ సంస్థలో యూట్యూబ్ కలిసింది. అప్పట్లో సుమారు రూ.10,500 కోట్లకు పైగా మొత్తానికి యూట్యూబ్‌ను గూగుల్ కొనుగోలు చేసింది.

12.గూగుల్ ఇప్పుడు సెర్చ్ ఇంజిన్ మాత్రమే కాదు, చాలా రకాల సేవలు అందిస్తోంది. ఆర్టిఫిషియల్ ఇంటెలిజెన్స్, గేమింగ్‌ స్ట్రీమింగ్ సర్వీస్, డ్రైవర్‌లెస్‌ కార్లకు సంబంధించిన సేవలను కూడా అందించేందుకు ఆ సంస్థ సిద్ధమవుతోంది.

13.ఓ గూగుల్ ఉద్యోగి మరిణిస్తే అతను లేదా ఆమె జీవిత భాగస్వామికి 10 సంవత్సరాల పాటు గూగుల్ సగం జీతం చెల్లిస్తుంది. సదురు ఉద్యోగి పిల్లలకు 19 సంవత్సరాల వచ్చేంత వరకు నెలకు 1,000 $ గూగుల్ చెల్లిస్తుంది.

14.గూగుల్‌లో నిమిషానికి 2 మిలియన్ల సెర్చ్‌లు జరుగుతున్నాయి

15.గూగుల్‌లో ఇప్పుడు వందల బిలియన్ల వెబ్‌పేజీలను కలిగి ఉంది

16.గూగుల్ పేమెంట్ సర్వీస్ కూడా మొదలు పెట్టింది ,ఇండియా లో తేజ్ అనే పేరు మీద మొదలు పెట్టి డిజిటల్ మనీ సర్వీస్ లో టాప్ గా నిలిచింది ,ప్రస్తుతం గూగుల్ పే గా ఇది దూసుకెళ్తుంది

June 9, 2020

“క్యాప్సూల్స్” లో ఆ రెండు వేరే రంగులు ఎందుకు ఉంటాయి? వెనకున్న కారణాలు ఇవే.!

by Mohana Priya June 7, 2020

written by Mohana Priya

ఈ వర్షాకాలం చాలా ప్రమాదకరమైనది. ఈ కాలంలో వైరల్ వ్యాధులు వచ్చే అవకాశాలు చాలా ఎక్కువగా ఉన్నాయి. మెడికల్ షాప్ లకు కూడా ఎక్కువగా ఆదాయం వచ్చేది ఈ కాలంలోనే. మనకి క్యాప్సూల్స్ ఇంకా సిరప్ రుచి నచ్చకపోయినా ఆరోగ్యం కోసం వేసుకోవాల్సి ఉంటుంది.

మీకు టాబ్లెట్లు తీసుకోమని సూచించిన అప్పుడు తీసుకోవడానికి అంతగా ఇష్టపడరు. దానికి కారణం వాటి రుచి. కానీ మీరెప్పుడైనా ఒక విషయం గమనించారా? క్యాప్సూల్స్ రెండు రంగుల లో ఎందుకు ఉంటాయి అని? మీకెప్పుడైనా నా మొత్తం ఒకటే రంగు ఉండొచ్చు కదా అనే సందేహం వచ్చిందా.ఇలా క్యాప్సూల్స్ 2 రంగులో ఉండటానికి గల కారణం ఏమిటో ఇప్పుడు తెలుసుకుందాం.

అసలు ముందు క్యాప్సిల్స్ ఎలా తయారు చేస్తారో తెలుసా? ఒక కంటైనర్ లాంటి దానిలో మందులు పోసి దాని మీద మూత పెడతారు. ఆ క్యాప్సిల్స్ ఒక భాగం కంటైనర్ ఇంకొక భాగం ఆ కంటైనర్ మీద ఉన్న మూత. మీరు సరిగ్గా గమనిస్తే క్యాప్సిల్స్ లో రెండు వేరు వేరు రంగులు సమ భాగంలో ఉండవు. ఒక భాగం పెద్దగా ఇంకొక భాగం చిన్నగా ఉంటుంది. దానిలో పెద్దగా ఉన్న భాగం కంటైనర్ ఇంకొక భాగం దాని మీద ఉన్న మూత.

క్యాప్సిల్స్ తయారు చేసే చోటులో ఒకవేళ 2 భాగాలు ఒకటే రంగులో ఉంటే ఏది కంటైనర్లు ఏది మూత అనేది అర్థం కాదు. కొన్ని వేల క్యాప్సిల్స్ ఒకటే సారి తయారుచేస్తారు కాబట్టి తయారు చేసేటప్పుడు మూత కంటైనర్ పొడవు కొలిచి క్యాప్సిల్ చేయడం కష్టం. కాబట్టి రెండు భాగాలు రెండు వేరువేరు రంగులలో ఉంటాయి.

దీనికి ఇంకొక కారణం కూడా ఉంది అని చెప్తారు. ఇలా రంగులో ఉండటం వల్ల పిల్లలు తొందరగా ఆకర్షితులవుతారు అని, చాక్లెట్ పేరు చెప్పి తల్లిదండ్రులు పిల్లలకి ఇవి సులభంగా వేయగలుగుతారు అని అంటారు . అదే కాకుండా ఇలా అమ్మడం ఫార్మాస్యూటికల్ కంపెనీల యొక్క మార్కెటింగ్లో భాగమని కూడా చెప్తారు.

June 7, 2020

Featured Information Off Beat

గబ్బిలాలు అంటే కరోనా అనుకుంటున్నాము…కానీ అవే లేకుంటే అడుక్కుతినాల్సిందే.! ఎందుకంటే?

by Mohana Priya June 7, 2020

written by Mohana Priya

లాక్ డౌన్ కారణంగా చాలామంది జనాలకి ఇళ్లలో ఉండి ఉండి విసుగు వస్తుంది. ఇలాంటి పరిస్థితులు తీసుకొచ్చేందుకు చైనా వాళ్ళ ని తిట్టిన తిట్టు తిట్టకుండా తిట్టేవాళ్ళు చాలామంది ఉన్నారు. ఇంకొంతమంది ఖాళీ సమయం ఎక్కువయ్యి అతిగా ఆలోచించడం మొదలుపెట్టారు. వీళ్లు కరోనా కి కారణమైన చైనా వాళ్లని తిట్టడమే కాకుండా, అసలు గబ్బిలం తినడం ఏంటి? గబ్బిలం ఎందుకు తినాలి అనిపించింది? అని ఆలోచించి బుర్ర పాడు చేసుకుంటున్నారు. మనకి తెలుసు తెలియకుండానో కరోనా తో పాటు గబ్బిలం అంటే కూడా చిన్న భయం మొదలైంది. పులి సింహం లాంటి మృగాలకు ఎలా భయపడతారో గబ్బిలం అన్నా కూడా అంతలా భయం ఏర్పడింది.

కానీ మీకు ఒక విషయం తెలుసా. గబ్బిలాల వల్ల ఎన్నో లాభాలు ఉన్నాయి.

చాక్లెట్ అంటే ఇష్టం లేని మనుషులు చాలా తక్కువ మంది ఉంటారు. మీరు ఒకవేళ గబ్బిలం పూర్తిగా తరిమికొట్టాలి అనుకుంటే అది చాక్లెట్ ప్రియులకు మాత్రం చేదు వార్తే. చాక్లెట్ వచ్చేది గబ్బిలాలు వల్ల. అవును. గబ్బిలాల జామ,కొకొవా లాంటి చెట్లపై వాలతాయి. పోలినేషన్ పద్ధతిలో గబ్బిలాలు కొకొవా బీన్స్ రావడానికి సహకరిస్తాయి. కాబట్టి గబ్బిలాలు లేకపోవడం తో చాక్లెట్లు దొరకవు అనే విషయం కొకోవా కంటే చేదుగా ఉంటుంది.
ఇంట్లో అంటే దోమలు పోవడానికి ఎన్నో రకాల వస్తువులు ఉన్నాయి. కానీ పంటల్లో దోమలు ఎలా పోతాయో మీకు తెలుసా? దానికి కూడా గబ్బిలాలే కారణం. గబ్బిలాలు రాత్రిపూట దోమల ని తినేసి జికా వైరస్ వ్యాపించకుండా ఆపుతాయి.
గబ్బిలాలు లేకపోతే వ్యవసాయం నిలబడటం కష్టం అన్నదానికి నిదర్శనం అమెరికాలో జరిగిన ఒక సంఘటన. అమెరికా లో పెస్ట్ కంట్రోల్ లో ఎన్నో గబ్బిలాలు చనిపోయాయి. దాని తర్వాత అమెరికా వ్యవసాయంలో ఎన్నో బిలియన్ డాలర్లు నష్టపోయింది. దీంతో గబ్బిలాలు లేకపోవడం వల్ల భారీ నష్టం వచ్చింది అని అంటారు.

గబ్బిలాలు ఎన్నో పండ్లను తింటాయి. కానీ ఒక్కొక్కసారి వాటిలో ఉన్న గింజలు అరగకపోవడం వల్ల అవి ఎక్స్క్రియేటా రూపంలో బయటకు వచ్చేస్తాయి. గబ్బిలాలు ఒక చోట ఉండకుండా ఎన్నో చోట్లకు ప్రయాణిస్తాయి కాబట్టి ఆ గింజలు అక్కడక్కడ పడి ఎన్నో చెట్లు మొలుస్తాయి కాబట్టి అడవి సంపద పెరగడానికి పరోక్షంగా గబ్బిలాలు కూడా ఒక కారణమే.
అంతరించిపోయే జీవుల లో గబ్బిలాలు కూడా ఒకటి. ఒకవేళ మనం గబ్బిలాలను పూర్తిగా నిర్మూలిస్తే 20 శాతం క్షీరదాలు ఉండవు. ఉన్న ఐదు క్షీరదాల్లో ఒక క్షీరదం లేకుండా పోవడం తో ప్రకృతిలో సమతుల్యత ఉండదు. అందువల్ల రాబోయే రోజుల్లో జీవరాసులు ఎన్నో ఇబ్బందులు ఎదుర్కోవాల్సి ఉంటుంది.

కొంతకాలం ఓపిక పడితే ఈ కరోనా నుండి బయటపడవచ్చు. కానీ క్షణికావేశంలో గబ్బిలాలను అంతం చేయాలి అనుకుంటే మాత్రం మనం భవిష్యత్తుని చాలా విషయాలు లేకుండా ఉంచుకోవాల్సి వస్తుంది.ఇప్పుడు మీరే ఆలోచించండి. ఒక్క క‌రోనా గురించి ఆలోచించి గబ్బిలాలను అంతం చేయడం సరైనదా లేదా ఎన్నో ఉపయోగాలు ఉన్న గబ్బిలాలను ఈ భూమ్మీద బ్రతకనియ్యడం, ఇంకా వాటిని అంతరించి పోకుండా జాగ్రత్తగా కాపాడుకోవడం సరైనదా ?

June 7, 2020

Information News Tech Adda

ఒక్క క్లిక్‌తో ఇంటివద్దకే బర్త్,డెత్ సర్టిఫికెట్ పొందవచ్చు…ఇలా చేయండి.

by Megha Varna June 1, 2020

written by Megha Varna

బ‌ర్త్, డెత్ స‌ర్టిఫికెట్ల కోసం ఒక నెల రోజుల పాటు కాళ్ళు అరిగేలా ఆ ఆఫీస్ చుట్టూ, అధికారుల చుట్టూ తిరిగితేనే సర్టిఫికెట్ మన చేతిలోకి వస్తుంది, ఇంకొన్ని సార్లు సర్టిఫికెట్ కోసం వేల రూపాయలని లంచం రూపంలో కూడా ఇవ్వాల్సి వస్తుంది, కానీ అలాంటి ఇబ్బందులు పడకుండా కేంద్ర ప్రభుత్వం ఒక కొత్త విధానాన్ని తీసుకువచ్చింది, సివిల్ రిజిస్ట్రేషన్ సిస్ట‌మ్ (సీఆర్ఎస్) అనే ఆన్ లైన్ వ్యవస్థని తీసుకువచ్చింది, దీని ద్వారా మనం ఇంట్లో ఉండే ఇంటర్నెట్ ద్వారానే బర్త్, డెత్ సర్టిఫికెట్లని ఆన్ లైన్ లో అప్లై చేసి ఏ ఆఫీసుకు వెళ్ళకుండానే పొందవచ్చు.ప్రభుత్వం నుంచి అందించే జనన, మరణ ధ్రువీకరణ పత్రాలను ప్రభుత్వమే ఉచితంగా అందజేస్తుంది. దీనికోసం కేంద్ర ప్రభుత్వం సివిల్‌ రిజిస్ట్రేషన్‌ పాలసీని ప్రవేశపెట్టి పైసా ఖర్చు లేకుండా ఇంటివద్ద నుంచే జనన, మరణ ధ్రువీ కరణ పత్రాలను అందజేస్తుంది.

birth and death certificate online

సర్టిఫికెట్ నమోదు చేయాలనుకుంటే ముందుగా http://crsorgi.gov.in/web/index.php/auth/signUp లింక్ మీదా క్లిక్ చేసి మీ పేరు, ఊరు, ఈమెయిల్ వివరాలను రిజిస్టర్ చేసుకోవాలి.అందులో జనన లేదా మరణ ధ్రువీకరణకు సంబంధించిన వివరాలను రిజిస్ట్రేషన్‌ చేసుకోవాలి. దీంతో రిజిస్ట్రేషన్‌ ప్రక్రియ పూర్తవుతుంది.అప్లై చేసిన 15 రోజుల్లోగా మీ స‌ర్టిఫికెట్ రెడీ అవుతుంది, దానిని మీరు ఇదే వెబ్ సైట్ లో డౌన్ లోడ్ చేసుకోవచ్చు. దీనికి ఎటువంటి రుసుము చెల్లించాల్సిన అవసరం లేదు. కాకపోతే పుట్టిన తేది లేదా మరణించిన తేది నుండి 21 రోజులలోగా ఈ వెబ్ సైట్ లో స‌ర్టిఫికెట్ కోసం అప్లై చేయాలి.

వెబ్సైట్ లింక్ >>> క్లిక్ చేయండి

June 1, 2020

Featured Information News Off Beat

కృపయా ధ్యాన్ దే… ప్రయాణికులకు విజ్ణప్తి.. ఈ రూల్స్ ప్రకారమే మీ ప్రయాణాన్ని డిసైడ్ చేస్కోండి.

by Anudeep May 30, 2020

written by Anudeep

కృపయా ధ్యాన్ దే.. ప్రయాణికులకు విజ్ణప్తి.. సుమారు రెండు నెలల తర్వాత రైలుబండ్లు పట్టాలెక్కనున్నాయి..జూన్ 1న ప్రారంభం కాబోయే రైళ్ల రవాణాకు సంబంధించి రైల్వేశాఖ అన్ని రకాల ఏర్పాట్లు చేస్తోంది.. ప్రయాణికులకు సంబంధించి కొన్ని నియమాలను తయారు చేసింది.. రైల్వే వారు సూచించిన నియమాల ప్రకారమే ప్రయాణికులు ప్రయాణం చేయాల్సి ఉంటుంది.. ఆ నియమ నిబంధనలను బట్టే మీ ప్రయాణ షెడ్యూల్ ని మార్చుకోవాల్సి ఉంటుంది..ఇంతకీ ఆ రూల్స్ ఏంటో తెలుసుకోండి..

రైలు ప్రయాణానికి పాటించాల్సిన నియమాలు…

రైలు ప్రయాణ సమయానికి గంట ముందు స్టేషన్‌లో ఉండాలి.
మాస్క్‌ ధరించడం తప్పనిసరి, శానిటైజర్‌ దగ్గర ఉంచుకోవాలి.
ఏసీ ప్రయాణికులు అవసరమైన దుప్పట్లు , ఎవరివి వారే తెచ్చుకోవాలి.
60 ఏళ్లు దాటిన వారు, పదేళ్ల లోపు వారు ప్రయాణాలు చేయకపోవడమే మంచిది.
రైల్లో ప్యాక్డ్‌ ఫుడ్‌, వాటర్‌ బాటిల్‌ ఇస్తారు..అయినప్పటికి ఇంటి నుండి ఆహారం తీసుకుని వెళ్లడం ఉత్తమం.

ప్రయాణికులను మాత్రమే స్టేషన్‌లోకి అనుమతిస్తారు. అది కూడా మీ దగ్గర కన్ఫర్మేషన్‌ టిక్కెట్‌ ఉంటేనే, ఆర్‌ఏసీ, వెయిటింగ్‌ లిస్ట్‌ ఉన్నవారికి స్టేషన్ లోపలికి అనుమతి లేదు.. ప్రయాణికులకు తోడుగా బం దువులు, కుటుంబ సభ్యులు, స్నేహితులు రావడానికి వీలు లేదు. ఒకవేళ వారు వచ్చినా స్టేషన్‌ బయట నుంచే వెళ్ళిపోవాల్సుంటుంది.

ప్రయాణం పూర్తయ్యాక పాటించాల్సిన నియమాలు..

ఎపి నుండి తెలంగాణాకి వచ్చే వారు తెలంగాణా నియమనిబంధనల్ని పాటించాలి.. టిజి నుండి ఎపికి వెళ్లేవాళ్లు ఆ రాష్ట్ర రూల్స్ పాటించాల్సిందే.. 14రోజుల క్వారంటైన్ ఖచ్చితంగా పాటించి తీరాల్సిందే.. స్టేషన్‌లో రైలు దిగిన వెంటనే థర్మల్‌ స్ర్కీనింగ్‌ ద్వారా టెంపరేచర్ చెక్ చేస్తారు. టెంపరేచర్‌ ఎక్కువగా ఉంటే ఇన్స్టిట్యూషనల్( ప్రభుత్వ) క్వారంటైన్, లేదంటే ఇంటికి పంపిస్తారు.. ఇంటికి వెళ్లిన వాళ్లు కచ్చితంగా 14 రోజులు హోం క్వారంటైన్లో ఉండాల్సిందే.. ఐసోలేషన్ కి వెళ్లినవాళ్లు ముందు 14రోజులు హాస్పిటల్లో, తర్వాత నయం అయి ఇంటికి వెళ్తే మరో 14రోజులు హోం క్వారంటైన్లో ఉండాలి.

ముఖ్యమైన పనులున్నా క్వారంటైన్ తప్పనిసరి..

ముఖ్యమైన పనులున్న వాళ్లు కూడా క్వారంటైన్లో ఉండాల్సిందేనా అనేది చాలా మంది ప్రశ్న.. ఖచ్చితంగా ఉండాల్సిందే..మీకెంతటి ముఖ్యమైన పనులున్నా 14రోజుల క్వారంటైన్ పీరియడ్ ముగిసిన తర్వాతనే ఆ పనులు చూసుకోవాలి..అలా కాకుండా ఆ 14రోజుల కాల వ్యవధిలో పనులు చూస్కుంటామంటే కుదరదు.

ఒక్కో రాష్ట్రంలో ఒక్కో పద్దతిలో క్వారంటైన్..

తెలంగాణాలో హైదరాబాద్‌ సహా ఏ జిల్లాకు వెళ్లినా…మొదటి 14 రోజులు ఇన్‌స్టిట్యూషనల్‌ క్వారంటైన్‌లో ఉండాలి. ఆ తరువాత మరో 14 రోజులు హోమ్‌ క్వారంటైన్‌లో ఉండాలి. అంటే 28 రోజులు ఎవరినీ కలవకూడదు. దీనికి ఒకె అనుకుంటేనే ప్రయాణం చేయాలి..
బెంగళూరులో చాలా మంది తెలుగు వారు ఉద్యోగాల్లో ఉన్నారు..వారిని కలవడానికి వెళ్లడానికి అనేకమంది కుటుంబ సభ్యులు ఎదురు చూస్తున్నారు. ఆ రాష్ట్ర నిబంధనల ప్రకారం మొదటి 14రోజులు పెయిడ్ క్వారంటైన్లో, తర్వాత 7రోజులు హోంక్వారంటైన్లో ఉండాలి..పెయిడ్ క్వారంటైన్ అంటే మనమే డబ్బులిచ్చి ఏర్పాటు చేసుకోవాలి. మొత్తం 21రోజుల తర్వాత మాత్రమే మీ మీ బంధువులని కలవడానికి వీలుంటుంది.
తమిళనాడులో మొదటి 14 రోజులు పెయిడ్‌ క్వారంటైన్‌లో ఉండాలి.ఆ తరువాత వారం రోజులు ఇంట్లో ఉండాలి.
ఎవరైనా ఒడిశా రాష్ట్రానికి వెళితే 21 రోజులు హోమ్‌ క్వారంటైన్‌లో ఉండాలి. ఆ సమయంలో ఎటువంటి లక్షణాలు లేకపోతే అప్పుడు బయట తిరగొచ్చు..

రైళ్ల వివరాలు..

ఐదు రైళ్లు మాత్రమే తిరగనున్నాయి..

గోదావరి ఎక్స్ ప్రెస్
ఏపి ఎక్స్ ప్రెస్
ఫలక్ నుమా ఎక్స్ ప్రెస్
బొకారో ఎక్స్ ప్రెస్
కోణార్క్ ఎక్ప్ ప్రెస్

ఇవి రైలు ప్రయాణంలో , ప్రయాణం తర్వాత పాటించాల్సిన నియమాలు.. తిరిగే రైళ్ల వివరాలు..వీటిని బట్టి మీ ప్రయాణాలను ఫిక్స్ చేసుకోండి…

May 30, 2020

Information News

“ఇయర్ ఫోన్స్” తో చాలా మంది ఆ సమస్య ఎదుర్కొనే ఉంటారు…రీఫిల్ తో చెక్ పెట్టండిలా!

by Mohana Priya May 29, 2020

written by Mohana Priya

మన రోజువారి జీవితంలో సెల్ ఫోన్ ఎంతో ముఖ్యమైన పాత్ర పోషిస్తుంది. చిన్న చిన్న విషయాల నుండి ఎంతో ముఖ్యమైన వివరాలు దాక అన్ని సెల్ ఫోన్ లోనే ఉంటాయి. కానీ తరచుగా మనం సెల్ ఫోన్ లో ఏదైనా వినాలంటే మన చుట్టూ ఉన్నవారికి ఇబ్బంది కాకుండా ఇయర్ ఫోన్స్ ఉపయోగిస్తాం. అలా మనకి తెలియకుండానే ఇయర్ ఫోన్స్ కూడా మన జీవితంలో లో ఒక భాగం అయిపోయాయి. మనం బయటికి వెళ్లాలంటే తీసుకెళ్లే డబ్బులు, ఏటీఎం కార్డు, పర్సు లాంటి వస్తువుల్లో ఇయర్ ఫోన్స్ కూడా చేరాయి.

దీన్ని మనం ఎంత వాడుతున్నాము అంటే ఒకవేళ మనం ఇయర్ ఫోన్స్ మర్చిపోయి బయటికి వెళ్తే మళ్లీ గుర్తొచ్చి వెనక్కి వచ్చి తీసుకొని వెళ్లే అంత అలవాటు పడిపోయాం. కానీ అసలు సమస్య ఏంటి అంటే ఇయర్ ఫోన్స్ ని జాగ్రత్తగా పెట్టుకోవడం. మనం హడావిడిలో వాడిన తర్వాత ఎక్కడో పడేస్తాం. అలా చేయడం వల్ల ఇయర్ ఫోన్స్ తొందరగా పాడైపోవడం లేదా విరిగిపోవడం లాంటివి అవుతూ ఉంటాయి. ఒక్కొక్కసారి జాగ్రత్తగా పెట్టినా కూడా ఎక్కువగా వాడటం వల్ల ఇలాంటి సమస్యలు ఎదురవుతాయి. అప్పుడు వాటిని వాడ బుద్ధి కాదు అలా అని రిపేర్ చిన్నదే కాబట్టి కొత్తవి కూడా కొనలేము.

ఇలా ఇయర్ ఫోన్స్ ఎక్కువగా వాడటం వల్ల వచ్చే సమస్యల్లో ఒక సమస్య పిన్ దగ్గర ఉన్న వైర్ విరిగిపోవడం. అలా విరిగిపోయిన అప్పుడు మనం సాధారణంగా చేసే పని ఆ వైర్ ని విరిగిన చోట ప్లాస్టర్ తో చుట్టడం. కానీ ప్లాస్టర్ కూడా ఎక్కువకాలం ఉండదు. కొద్దిరోజులకే అది కూడా ఊడిపోతూ ఉంటుంది. అలా ఊడిపోయిన ప్రతిసారి మళ్లీ ప్లాస్టర్ వేసే బదులు ఇప్పుడు చెప్పే టెక్నిక్ పాటిస్తే ఇయర్ ఫోన్స్ ఎక్కువ కాలం విరిగి పోకుండా ఉంటాయి.

ఇప్పుడు చెప్పే టెక్నిక్ పాటిస్తే ఇయర్ ఫోన్స్ ఎక్కువ కాలం విరిగి పోకుండా ఉంటాయి.

కొంచెం మందంగా ఉన్న వాడేసిన బాల్ పెన్ రీఫిల్ తీసుకోండి.

ఇప్పుడు పెన్సిల్ షార్పనర్ తీసుకోండి. రీఫిల్‌ను షార్పనర్ లో పెట్టి నెమ్మదిగా తిప్పండి.

అప్పుడు ఇలాంటి పొట్టు వస్తుంది. దీన్ని హెలిక్స్ అంటారు.

ఇప్పుడు ఇయర్ ఫోన్స్ మీద ఎక్కడైతే వైర్ కనిపిస్తుందో అక్కడ ఆ హెలిక్స్ ని చుట్టండి.

విరిగిపోయిన వైర్ కనిపించకుండా, ఇంకా ఎంత వాడినా ఇయర్ ఫోన్స్ కి ఏం కాకుండా, ఎక్కువ రోజులు రావడానికి ఈ హెలిక్స్ ఉపయోగపడుతుంది.

May 29, 2020

Information News Tech Adda Viral

టిక్ టాక్ కి పెద్ద ట్విస్ట్…పోటీగా ఇండియా “మిత్రోన్ యాప్”!

by Anudeep May 27, 2020

written by Anudeep

“మిత్రోన్” ప్రధాని మోదీ స్పీచ్ ఇప్పట్లో లేదే అనుకుంటున్నారా..మోదీ నోట వచ్చే మిత్రోన్ పదం చాలా పాపులర్..ఇప్పుడు ఆ పదంతోనే ఒక యాప్ రాబోతోంది..అది కూడా టిక్ టాక్ యాప్ కి పోటీగా..నెలరోజుల వ్యవధిలోనే డిజైన్ చేయబడడం, మార్కెట్లోకి రావడం 50లక్షల యూజర్స్ ని సొంతం చేసుకోవడంతో మిత్రోన్ యాప్ ప్రస్తుతం టాక్ ఆఫ్ ది యాప్స్ గా ఉంది. ఇప్పటికే టిక్ టాక్ యాప్ పై వ్యతిరేకత బారీగా పెరిగిపోతుంది..ఇప్పుడు అదే మిత్రోన్ యాప్ కి ప్లస్ అయ్యేలా ఉంది..

మనదేశంలో టిక్ టాక్ ను బ్యాన్ చేయాలనే డిమాండ్లు మొదటి నుండి వినిపిస్తున్నాయి..ఇప్పుడు ఆ తీవ్రత మరింత ఎక్కువగా ఉంది..దానికి కారణాలు కరోనా వైరస్ వ్యాప్తికి కారణం చైనా అని, టిక్ టాక్ యాప్ కూడా చైనాదే అనే ఉద్దేశ్యంతో చాలామంది ఆగ్రహం వ్యక్తం చేస్తున్నారు.దాంతో పాటు ఇటీవల యూట్యుబర్స్ కి,టిక్ టాకర్స్ మధ్య జరిగిన చిన్నపాటి యుద్దం వలన గూగుల్ ప్లే స్టోర్ లో యాప్ కు దారుణమైన రేటింగ్ ఇస్తున్నారు.

టిక్ టాక్ కు పోటీగా డిజైన్ చేసిన “మిత్రోన్” యాప్ ను అనేకమంది వినియోగిస్తున్నారు. మిత్రోన్ యాప్ ను ఐఐటీ రూర్కీ విద్యార్థి శివాంక్ అగర్వాల్ రూపొందించాడు. కేవలం నెల రోజుల్లో ఈ యాప్ డిజైన్ చేయడం, డిజైన్ చేసిన తక్కువ సమయంలోనే 50లక్షలకు పైగా యూజర్స్ సొంతం చేసుకోవడంతో ఇండియాలో టిక్ టాక్ కు కాలం చెల్లినట్లేనని నెటిజన్లు కామెంట్ చేస్తున్నారు. ప్రస్తుతం ప్లే చార్ట్ లో ఫ్రీ యాప్స్ జాబితాలో మిత్రోన్ 12వ స్థానంలో ఉంది.

ప్రస్తుతం కేవలం ఆండ్రాయిడ్ ఫోన్స్ లో మాత్రమే అందుబాటులో ఉన్న ఈ యాప్, ఐవోఎస్ వినియోగదారులకు మరికొద్ది కాలంలో అందుబాటులోకి రానుంది. ప్రస్తుతం టిక్ టాక్ పట్ల ఉన్న వ్యతిరేకతే, మిత్రోన్ యాప్ యూజర్ల సంఖ్య పెరగడానికి కారణమని చెప్తున్నరు నిఫుణులు. యాప్లో కొన్ని ఎర్రర్స్ వెలుగులోకి రావడంతో ఆ యాప్ ను మరింత సౌకర్యవంతంగా డిజైన్ చేస్తున్నట్టు మిత్రోన్ సంస్థ వెల్లడించింది.

How to Download and Install Mitron App

దేశంలో ఏ యాప్ పై లేనంత వ్యతిరేకత తొలి నుండి టిక్ టాక్ యాప్ యే మూటకట్టుకొంటుంది. దీని వలన కొందరు వారి వారి టాలెంట్ ను బయటపెట్టుకుంటుంటే, చాలామంది తమ టైం అంతా టిక్ టాక్ కే వెచ్చిస్తున్నారని, అంతేకాకుండా కొందరు హద్దులు మీరి ప్రవర్తిస్తున్నరనే నెగటివిటి మొదట్నుండి ఉంది..ఇప్పుడు స్వదేశీ-(వోకల్ ఫర్ లోకల్ ) అనే కామెంట్ దీనికి మరింత ఆజ్యం పోసింది..టిక్ టాక్ వర్సెస్ మిత్రోన్ యాప్ యుద్దంలో మిత్రోన్ యాపే గెలిచేటట్టుంది..చూడాలి..

Android >> Download Here
iOS >>> Download Here (available soon)

May 27, 2020

Health Adda Information News

రానున్న తొమ్మిది నెలల్లో 2 కోట్ల మంది జన్మించనున్నారంట..! భారత్ కి యునిసెఫ్ హెచ్చరిక!!

by Anudeep May 26, 2020

written by Anudeep

కరోనా కేసులు రోజురోజుకి పెరుగుతున్నాయి.. కరోనాతో సహజీవనం తప్పదని ప్రభుత్వాలు లాక్ డౌన్లో సడలింపులు ప్రకటించాయి..దీంతో ప్రజలు ఎవరికి వారే అప్రమత్తం అవ్వాల్సిన పరిస్థితి..ఈ పరిస్తితుల్లో గర్భిణులు ప్రత్యేక జాగ్రత్తలు తీసుకోవాలని ఐక్యరాజ్యసమితి అనుభంద సంస్థ యునిసెఫ్ హెచ్చిరికలు జారీచేసింది..మే 10వ తేదీన జరిగిన అంతర్జాతీయ మాతృదినోత్సవం సంధర్బంగా ఒక ప్రకటణ విడుదల చేసింది.

లాక్ డౌన్ సడలించినంత మాత్రానా కరోనా ప్రభావం తగ్గిందని కాదు.. మరో ఏడాది పాటు కరోనా ప్రభావం ఉంటుందని ముందు నుండి వింటూనే ఉన్నాం.. చిన్నపిల్లలు,వయసు పైబడినవారు, రకరకాల అనారోగ్యాలతో బాధపడేవారే కరోనా మెయిన్ టార్గెట్ అనే విషయం తెలిసిందే..ఈ క్రమంలో గర్భిణులు మరింత అప్రమత్తంగా ఉండాల్సిన సమయం ఇదే.. తాజాగా యునిసెఫ్ జారీ చేసిన ప్రకటణ ప్రకారం “ రానున్న తొమ్మిది నెలలకాలంలో భారత్ లో సుమారు 2కోట్ల మంది శిశువులు జన్మించనున్నారని,వారకి కరోనా ప్రమాదం పొంచి ఉందని వివరించింది.

గర్భిణులు, నవజాత శిశువులు కోవిడ్ -19భారిన పడే ప్రమాదం ఉంది. నవజాత శిశువుల మరణాలు అధికంగా ఉన్న దేశాల్లో కరోనా ముప్పు ఉందని యునిసెఫ్ హెచ్చిరించింది..ఈ జాబితాలో భారత్ ప్రధమ స్థానంలో ఉందని, తర్వాత చైనా,నైజీరియా,పాకిస్తాన్, ఇండోనేషియా వరుసక్రమంలో ఉన్నాయి. తల్లినుండి బిడ్డకు కరోనా సోకుతుందా లేదా అనే దానిపై స్పష్టత లేదు..కానీ గర్భిణులు తమకు కరోనా సోకకుండా జాగ్రత్తలు తీసుకోవాల్సిన అవసరం ఎంతైనా ఉంది..

ఇప్పటికే లాక్ డౌన్ ప్రకటించినప్పటి నుండి గర్భిణులు రెగ్యులర్ చెకప్స్ కి హాస్పిటల్స్ కి వెళ్లిన దాకలాలు తక్కువ..అత్యవసరం అయితే తప్ప హాస్పిటల్స్ వైపు వెళ్లట్లేదు.ఒకవైపు ఇన్ఫెక్షన్లు సోకుతాయనే భయం, మరోవైపు గర్భదారణ దగ్గర నుండి ప్రసవం, ఆ తర్వాత అనేక సమస్యలను ఎదుర్కోవాల్సి ఉంటుంది..వాటన్నింటిని ఎదుర్కోవడానికి ఆయా దేశాల ప్రభుత్వాలు ఇప్పటినుండే సన్నాహాలు చేసుకోవాలని యునిసెఫ్ విజ్ణప్తి చేసింది..లాక్ డౌన్ లాంటి కార్యక్రమాల వలన ఎక్కువగా సఫర్ అయింది గర్భిణులే అని, ఇకపై అలాంటి సమస్యలు రాకుండా చూస్కోవాల్సిన బాద్యత ఆయా దేశాలపై ఉందని ప్రకటించింది.

May 26, 2020

Information News Off Beat

కొత్త రూల్స్: హెల్మెట్, లైసెన్స్, ఆర్.సి, ఇన్సూరెన్స్ ఉంటే సరిపోదు…ఆ రెండు కూడా ఇప్పుడు తప్పనిసరి!

by Anudeep May 25, 2020

written by Anudeep

మొన్నటి వరకు ఇంట్లో ఉన్నవారంతా ఒక్కసారిగా లాక్ డౌన్ సడలించగానే రెక్కలొచ్చిన పక్షుల్లా రోడ్లపైకి చేరారు..అందుకు ప్రత్యక్ష ఉదాహరణ హైదరాబాద్ రోడ్లే.. రోడ్ల మీద ఎక్కడా ఖాళీ లేకుండా గతంలో మాదిరిగానే వాహనాల రాకపోకలు జరుగుతున్నాయి.. కరోనా భయం ఏ ఒక్కరిలోనూ లేదు.. సరే కరోనా కి భయపడకపోతే పోయారు..ట్రాఫిక్ చలానలకు మాత్రం భయపడాల్సిందే…ఎందుకు భయపడాలి మా దగ్గర ఆర్ సి , లైసెన్స్, పొల్యుషన్ చెక్ రిపోర్ట్ ఉన్నాయి..హెల్మెట్ కూడా పెట్టుకున్నాం అని అంటారా..ఇప్పుడు అవి మాత్రమే సరిపోవు.. మరేం కావాలి… హైదరాబాద్ ట్రాఫిక్ పోలీసులు కొత్త నిబంధనలు తీసుకొచ్చారు..అవేంటంటే..

ఎన్ని ప్రమాదాలు జరుగుతున్నా, ఎంతమంది మరణిస్తున్నా చాలామంది హెల్మెట్ పెట్టుకునే విషయంలో అశ్రద్ద వహిస్తుంటారు..గతంలో పెంచిన ట్రాఫిక్ చలాన్ల భయానికి అయినా హెల్మెట్స్ పెట్టుకునే వారి సంఖ్య పెరిగిందని చెప్పవచ్చు..కానీ ఇకపై బైక్ డ్రైవ్ చేసేవారు మాత్రమే హెల్మెట్ పెట్టుకుంటే సరిపోదు..వారితో పాటు వెనక కూర్చున్నవారు కూడా హెల్మెట్ పెట్టుకుని తీరాల్సిందే..లేకపోతే..ఫైన్..

బైక్ కొనుక్కోగానే అందరూ చేసే మొదటి పని సైడ్ మిర్రర్స్ తీసేయడం..సైడ్ మిర్రర్స్ ఉంటే బైక్ షో పోతుంది అని కొందరి వాదన..సైడ్ మిర్రర్స్ లో చూడకుండా కూడా మేం డ్రైవ్ చేయగలం అని కాలరెగరేసేవారు కొందరు.. ఇకపై అలాంటి వాదనలు చెల్లవు..సైడ్ మిర్రర్స్ లేకపోవడం వలనే ప్రమాదాలు జరుగుతున్నాయని..కాబట్టి ప్రతి వెహికిల్ కి సైడ్ మిర్రర్స్ ఉండాల్సిందే అనేది మరో కొత్త రూల్.. లేకపోతే ఫైన్..

వెహికిల్ డ్రైవ్ చేసే ప్రతి ఒక్కరికి లైసెన్స్ తప్పనిసరి..కానీ లైసెన్స్ లేకుండానే బండి తీసేవారు కూడా లేకపోలేదు..మరికొందరు మా దగ్గర లెర్నింగ్ లైసెన్స్ ఉందని వారికి ఇష్టం వచ్చినట్టు బండి నడిపిస్తుంటారు..ఇకపై అలాంటి పప్పులేం ఉడకవు..మీ దగ్గర లైసెన్స్ లేకపోతే అసలు బండి నడపడానికే అనర్హులు ..ఇక లెర్నింగ్ లైసెన్స్ ఉంటే వారి వెనుక ఖచ్చితంగా లైసెన్స్ ఉన్న మరో వ్యక్తి ఉండాల్సిందే..

ఇవండీ హైదరాబాద్ లో అమలు కాబోయే సరికొత్త ట్రాఫిక్ నిబంధనలు..కాబట్టి తస్మాత్ జాగ్రత్తా..

May 25, 2020

Featured Information News Off Beat

ఇకపై మొబైల్ ఫోన్లు పనిచేయకపోవచ్చంట..! బలహీనపడుతున్న భూ అయస్కాంత క్షేత్రమే కారణం!

by Anudeep May 25, 2020

written by Anudeep

2020 స్టార్టయినప్పటి నుండి దెబ్బ మీద దెబ్బ లా ఏదో ఒక నెగటివ్ న్యూస్ వస్తూనే ఉన్నాయి..ఇంకా కరోనా కలవరం పోనే లేదు..మరో షాకింగ్ న్యూస్ చెప్పారు శాస్త్రవేత్తలు..మన భూమి చుట్టూఅయస్కాంత క్షేత్రం ఉంటుంది కదా.. అది బలహీనంగా అయిపోయిందనేదే ఆ షాకింగ్ న్యూస్..అలా ఎందుకు జరిగింది అనే దానికి సరైన కారణాలు శాస్త్రవేత్తలకు కూడా అంతుబట్టడం లేదు..ఈ అయస్కాంత క్షేత్రం బలహీన పడడం వలన కలిగే నష్టాలేంటో తెలుసా..

సౌత్ అట్లాంటిక్ ఎనోమలీ అని పిలిచే ఏరియా.. కొన్నేళ్లుగా విస్తరిస్తూ ఉంది. అంటే అయస్కాంత క్షేత్రాల బలహీనత తగ్గుతుందని అర్థం. ఇంతకు ముందు 24000 నానోటెస్లాస్ ఉండే అయస్కాంత క్షేత్ర బలం.. ప్రస్తుతం 22000 నానోటెస్లాస్‌కి చేరిందని యూరోపియన్ స్పేస్ ఏజెన్సీ (ESA) సైంటిస్టులు పేర్కొన్నారు.ముఖ్యంగా ఆఫ్రికా, దక్షిణ అమెరికాల మధ్య భూమిలో ఉన్న అయస్కాంత క్షేత్రం బలహీనపడినట్లు శాస్త్రవేత్తలు చెబుతున్నారు.

ఎప్పటి నుంచో ఈ ఎనామలీపై పరిశోధనలు చేస్తున్న శాస్త్రవేత్తలు, తాజాగా నైరుతీ ఆఫ్రికాలో మరో కొత్త ఎనామలీ మొదలైందని, అది అంతకంతకూ పెరుగుతూనే పోతుందని గుర్తించారు.ఇక ఈ మార్పులతో భూమిలోపల ఎలాంటి చర్యలు చోటుచేసుకుంటాయో కనుగొనడం తమకు అతి పెద్ద సవాల్ అని నిపుణులు చెబుతున్నారు..7,80,000 సంవత్సరాల క్రితం ఉత్తరధృవం, దక్షిణ దృవం తిరగబడ్డాయని ఈ సందర్భంగా గుర్తుచేసుకున్నారు..మళ్లీ అలాంటి మార్పు జరగడానికి చాలా సమయం ఉందని అన్నారు.

టెలీకమ్యునికేషన్, శాటిలైట్లు పని చేయాలంటే భూ అయస్కాంత క్షేత్రంపైనే ఆధారపడి ఉంటుంది. ఇప్పుడు అయస్కాంత క్షేత్రం బలహీన పడడం వలన ప్రపంచ వ్యాప్తంగా శాటిలైట్ల కమ్యునికేషన్ కొంతవరకూ దెబ్బతింటుందని శాస్త్రవేత్తలు పేర్కొంటున్నారు. అలాటే టెలీకమ్యునికేషన్, మొబైల్ ఫోన్లు కూడా పనిచేయకపోవచ్చని అంచనా వేస్తున్నారు.

అలాగే ఆ రెండు ఎనామలీలు ఉన్న ప్రాంతాల్లో విమానాలకు కూడా టెక్నికల్ సమస్యలు ఎదురయ్యే ప్రమాదముందని అంటున్నారు..మరోవైపు అయస్కాంత క్షేత్రం తిరగబడడానికి చాలా సమయం ఉంది కావున ఈ ప్రమాదాలు సంభవించకపోవచ్చు అనే ఆశాభావం వ్యక్తం చేస్తున్నారు.. చూడాలి ఏం జరుగుతుందో…

May 25, 2020

Newer Posts

Older Posts