Mythology

భారతదేశం మత సామ్రాస్యానికి ప్రతీక హిందువులు, ముస్లింలు, క్రిస్టియన్లు సోదర భావంతో మెలుగుతూ ఉంటారు. అయితే మన భారతదేశంలో తమిళనాడులో ఉన్న వేళంకని మాత చర్చ్ తర్వాత అంతటి ప్రసిద్ధి ఉన్న చర్చ్ ఆంధ్రప్రదేశ్ లోని విజయవాడ వద్ద గుణదల చర్చ్.

ఇంకా చెప్పాలంటే, ఎవ‌రి విశ్వాసాల‌కు అనుగుణంగా వారు పూజ‌లు నిర్వహించుకోవ‌టం ఇక్కడ ప్రత్యేక‌త‌గా చెబుతుంటారు. క్రిస్మస్, జనవరి ఫస్ట్, గుడ్‌ ఫ్రైడే, ఈస్టర్‌ పర్వదినాల్లో పెద్ద స్థాయిలో క్రైస్తవులు గుణ‌ద‌ల‌లోని మేరిమాత ఆల‌యానికి త‌ర‌లి వ‌స్తారు. దక్షిణ భారతదేశంలోని క్రైస్తవ క్షేత్రాల్లో రెండో అతి పెద్ద క్షేత్రం విజ‌య‌వాడ న‌గ‌రంలోని గుణదల మేరీమాత చ‌ర్చి.

ఫ్రాన్స్‌లోని లూర్థు నగరంలో సహజమైన గుహలో ఉన్న మేరీమాత విగ్రహం త‌రహాలోనే ఇక్కడ కూడా సహజమైన గుహలో మేరీ మాత విగ్రహం ఉండడం వల్ల ఈ క్షేత్రం బాగా ప్రసిద్ధి చెందింది. అంతే కాకుండా ప్రతి ఏటా ఫిబ్రవరి 9, 10, 11 తేదీలలో ఇక్కడ మేరిమాత ఉత్సవాలు జరుగుతాయి. దేశవ్యాప్తంగా లక్షల మంది భక్తులు ఈ ఉత్సవాలకు త‌ర‌లివ‌స్తుంటారు.

ఫ్రాన్సులో ఉన్న లూర్థు నగరంలో ఉన్న కొండ అడవిలో సోబిరస్‌ అనే 14 ఏళ్ల బాలిక వంట కోసం కలప ఏరుకునేందుకు వెళ్లగా అక్కడ మేరీ మాతను పోలి ఉన్న ఒక మ‌హిళ కనిపించి ఆమెతో మాట్లాడిందని ఆ అమ్మాయి వచ్చి తల్లికి చెప్పింది. ఆ తేదీ ఫిబ్రవరి 11… ఆ తేదీన మరియమాత భక్తులకు కనిపించిడం తో అక్కడ ఉత్సవాలు జరుగుతాయి. దీంతో ఇక్కడ‌ గుణదలలో కూడా అదే ఫిబ్రవరి 11న ఉత్సవాలు నిర్వహించడం ఆనవాయితీగా వస్తోంది.

గుణ‌ద‌ల కొండ అన‌గానే అంద‌రికి మేరిమాత పేరు గుర్తుకు వ‌స్తుంది. కానీ ఇక్కడ మత సామరస్యం ఉంటుంది.ఇక్కడ ఎవ‌రి విశ్వాసాల‌కు అనుగుణంగా వారు ప్రార్థన‌లు చేసుకోవ‌చ్చు. కొండ‌కు వ‌చ్చే భ‌క్తులు ఏ మ‌తానికి చెందిన వారైనా వారి మ‌తాల‌కు అనుగుణంగా ప్రార్థన‌లు చేసుకునే వీలుంటుంది. భ‌క్తులు త‌ల‌నీలాలు స‌మ‌ర్పించ‌టం, అగ‌ర్బత్తీలు, కొవ్వొత్తులు వెలిగించి పూజ‌లు చేసుకోటం, వాహ‌నాలకు పూజ‌లు చేసుకోవ‌టం ఇలా ఎవ‌రి విశ్వాసాల‌కు అనుగణంగా వాళ్లు ప్రార్థనలు చేసుకొని స్వస్థత చేకూర్చుకుంటార‌ని మ‌త పెద్దలు చెబుతున్నారు

హిందువుల పండుగలో అత్యంత ప్రాధాన్యత ఉన్న పండుగలో ఒకటి ముక్కోటి ఏకాదశి. ఈరోజు విష్ణు ఆలయాలు ఎక్కడ చూసినా భక్తులతో రద్దీగా కనిపిస్తూ ఉంటాయి. ఉత్తర ద్వారం గుండా స్వామివారిని భక్తులు దర్శనం చేసుకుంటూ ఉంటారు.ఇది మార్గశిర మాసంలో శుక్లపక్షంలో వచ్చిన ముక్కోటి ఏకాదశి. దీన్నే మోక్షదా ఏకాదశి అని అంటారు. చాలా మంచి రోజు.

ఇవాళ విష్ణు ఆలయాల్లో వైకుంఠధామంలో ఉన్న శ్రీమన్నారాయణుడిని ఉత్తర ద్వారం నుంచి వెళ్లి భక్తులు దర్శించుకుంటారు.వైష్ణవ సంబంధ గ్రంథాల్లో సంహితా గ్రంథాలు అనేవి చాలా ప్రత్యేకమైనవి. వాటిలో శ్రీప్రశ్న సంహిత అనే గ్రంథంలో ముక్కోటి ఏకాదశి, వైకుంఠ ఏకాదశికి సంబంధించిన నియమాలు ఉన్నాయి. ఆ నియమాల ప్రకారం స్వామిని దర్శించుకోవడం ద్వారా మోక్షప్రాప్తి లభిస్తుంది అని పండితులు తెలిపారు.

అసలు ఉత్తర ద్వారం నుంచి ఎందుకు దర్శించుకోవానేది చాలామందికి తెలియదు. పురాణాల ప్రకారం మధుకైటభులు అనే ఇద్దరు రాక్షసుల విష్ణువుతో యుద్ధం చేస్తారు. కానీ గెలవలేని పరిస్థితి వస్తుంది. అప్పుడు మీకు ఏం వరం కావాలో కోరుకోమని స్వామి వారిని కోరతారు. వారు గర్వంతో నిండి మాకు నువ్వు వరం ఇచ్చేదేంటి, మేమే నీకు వారం ఇస్తాం…ఏం కావాలో కోరుకో అని అంటారు. దాంతో స్వామి వారిద్దరినీ తన చేతిలో చనిపోవాల్సిందిగా వరం కోరతారు.

అందుకు ఆ రాక్షసులు ఒప్పుకొని చనిపోతారు. అలా మాట నిలబెట్టుకున్నందుకు వారిని ఉత్తర ద్వారం ద్వారా వైకుంఠధామంలోకి పంపిస్తారు. అలా లోపలికి వెళ్లిన వారు రాక్షసుల నుండి మంచి వారిగా మారిపోతారు. దాంతో తమకు కలిగిన భాగ్యాన్ని అందరికీ కల్పించాలని ఆ రాక్షసులు కోరతారు.అందుకు స్వామి ఒప్పుకుంటారు.

ఉత్తర ద్వారం నుంచి విష్ణులోకానికి వెళ్లి మధుకైటభులు ఎలాగైతే మారిపోయారో అలా ఉత్తర ద్వారం ద్వారా ఇవాళ శ్రీమన్నారాయనుణ్ని దర్శించుకున్న ప్రతి ఒక్కరికి కూడా ఇహలోకంలో సర్వ సంపదలు,పరలోక మోక్షప్రాప్తి లభిస్తుందని పండితులు తెలిపారు. అయితే ఇందుకు కొన్ని నియమాలు పాటించాలని ఉందని తెలిపారు.

ఇవాళ ఉత్తర ద్వారం దర్శనం చేసేవారు అబద్ధం చెప్పకూడదు, కోపం రాకూడదు,రోజంతా ఉపవాసం చెయ్యవచ్చు లేదా పాలు, పండ్లు తీసుకోవచ్చు లేదా ఉడకబెట్టని పదార్థాలు తీసుకోవచ్చు లేదా పగలు అంతా ఉపవాసం ఉండి రాత్రికి గోధుమ రవ్వతో చేసిన పదార్థాలు తినవచ్చు. ఐతే పిల్లలు, ముసలి వాళ్లు ఉపవాసం ఉండాల్సిన అవసరం లేదని పండితులు తెలిపారు.

ఉత్తర ద్వార యోగ శాస్త్ర రహస్యం అనేది ఒకటుంది. అంటే మానవ శరీరంలో ముఖం అనేది తూర్పు దిక్కు,సహస్రారం అనేది ఉత్తర దిక్కును చూపిస్తుంది. శరీరం అనేది దేవాలయం లాంటిది. ఉత్తర దిక్కు ద్వారా స్వామిని దర్శిస్తే మానవ శరీరంలో కుండలినీ శక్తి ప్రేరేపితం అవుతుంది. తద్వారా ఆధ్యాత్మికత భావన పెరుగుతుంది.

విష్ణు కృపకు పాత్రులు అవుతారు అని పండితులు తెలిపారుఇవాళ ఉత్తర దిక్కున స్వామిని దర్శించుకునే వారు ఓం నమో నారాయణాయ అనే మంత్రాన్ని జపిస్తూ ఉండాలి. అలాగే విష్ణు సహస్ర నామంలో చెప్పిన అమృతాం శూద్భవో భానుః శశిబిందు సురేశ్వరః జౌషధం జగతః సేతుః సతృధర్మ పరాక్రమః అనే శ్లోకం చదువుకుంటే మంచిదని పండితులు చెబుతున్నారు

విఘ్నేశ్వరుడు అందరికి ప్రీతిపాత్రుడు. ఎటువంటి కార్యం తలపెట్టినా విఘ్నాలు ఎదురవకుండా కాపాడాలని గణపతిని కోరుతుంటాం. విఘ్నాలకు అధిపతి ఐన గణపతి కూడా భక్త సులభుడే. భక్తుల కోరికలను మన్నిస్తాడు. ఆయన విఘ్నాధిపతి కాబట్టి ఏ పనికి ఐన, పూజకు అయినా ముందు ఆయననే పూజిస్తాం. ఏ దేవుడిని పూజించాలన్నా.. ముందు గణపతిని తలచుకుని.. విఘ్నాలు రాకుండా చూడమని ప్రార్ధించి ఆ తరువాత పూజ చేసుకుంటాం.

ఇక గణపతి విగ్రహాలు కానీ, చిత్రపటాలు కానీ లేని భక్తుల ఇల్లు ఉండదంటే అతిశయోక్తి కాదు. అయితే.. పూజ మందిరం లో మాత్రం ఒక్క గణపతి విగ్రహం కంటే ఎక్కువ ఉండకూడదట. అలా ఉంచితే సిద్ధి, బుద్ధి లకు చాలా ఆగ్రహం కలుగుతుందని పెద్దలు చెబుతుంటారు. అందుకే పూజా మందిరం లో మాత్రం ఒక్క గణపతి విగ్రహమే ఉండాలని చెబుతుంటారు.

ఇక.. గణపతి విగ్రహాలలో చాలా రకాలు ఉన్నాయి. ఒక్కో రకమైన విగ్రహం వలన ఒక్కో ఫలితం ఉంటుందట. అవేంటో కూడా ఇప్పుడు చూసేద్దాం.

పని చేసే ప్రదేశం:
వ్యక్తులు తాము ఉద్యోగం చేసే చోట.. పని చేసుకునే చోట నిలుచుని ఉన్న గణేష్ విగ్రహాలను పూజిస్తూ ఉంటె వారికి ఒత్తిడి తొలగిపోతుంది. ఎంతటి పని ఉన్నా సరే ప్రశాంతం గా చేసుకుంటూ ఉంటారట.

ఎక్కడైనా:
ఏ ప్రదేశం లో అయినా సరే వ్యక్తులు కూర్చుని ఎడమ వైపు తొండం ఉన్న గణేష్ విగ్రహాన్ని పెట్టుకుంటే వారికి సకల విజయాలు లభిస్తాయట.

ఇంట్లో :
తెలుపు రంగులో ఉండే గణేష్ విగ్రహాలను ఇంట్లో ఉంచుకోవడం శుభసూచకమట. ఆ ఇంట్లో ఉండే చికాకులు తొలగిపోయి.. అభివృద్ధి నెలకొంటుంది.

ఎరుపు రంగు గణపతి:
ఎరుపు రంగు గణపతిని పూజిస్తే.. భక్తులు కోరుకున్న కోరికలన్నీ సిద్ధిస్తాయట. ఆ గణనాధుడు ఎల్లప్పుడూ వారిని కష్టాల నుంచి గట్టెక్కిస్తాడట.

లడ్డు, ఎలుక ఉన్న గణేష్ విగ్రహాలు:
లడ్డుని పట్టుకుని ఉన్న గణేష్ విగ్రహం, కింద చిన్న ఎలుక ఉన్న విగ్రహాన్ని పూజిస్తే ఇంట్లో సంతోషం వెల్లివిరుస్తుంది.

స్వస్తిక్ గణేష్:
స్వస్తిక్ గుర్తు ఉన్న గణేష్ విగ్రహాన్ని ఇంట్లో ఉత్తర దిక్కు గా పెట్టుకుంటే.. ఆ ఇంట్లో ఉన్న వాస్తు దోషాలన్నీ తొలగిపోయి.. ఆ ఇంట్లో ని వారు సుఖశాంతులతో ఉంటారట.

హిందూ ధర్మం ప్రకారం గంగానది స్నానానికి చాలా ప్రాధాన్యత ఉంది. గంగా నది తీరాన హిందూ సంప్రదాయ ప్రకారం ఎన్నో కార్యక్రమాలు జరుగుతూ ఉంటాయి. వాటిలో ముఖ్యంగా గంగానది తీరంలో జరిపించే దహన సంస్కారాలకు చాలా ప్రాముఖ్యత ఉంది.

హిందూ సంప్రదాయం ప్రకారం దహన సంస్కారాల తరువాత అస్థికలను గంగా నదిలో నిమజ్జనం చేస్తారు. ఇది ఇప్పటిది కాదు తరతరాలుగా ఈ సంప్రదాయాన్ని పాటిస్తూ వస్తున్నారు. అయితే హిందువులు మరణించిన వారి అస్థికలను ఎందుకు గంగానదిలో నిమజ్జనం చేస్తారనే విషయన్ని ఇప్పుడు చూద్దాం.. భారతదేశంలో ఉన్న జీవనదుల్లో ప్రధానమైన నది గంగా నది. హిందువులు గంగానదిని చాలా పవిత్రంగా పూజిస్తారు. హిందువుల మతపరమైన విశ్వాసాలకు మరియు స్వచ్ఛతకు గంగానది ముఖ్యమైన సూచిక. వేద కాలం నుండి పవిత్రమైన, మతపరమైన కార్యక్రమాలకు గంగా జలాన్ని ఉపయోగిస్తున్నారు. గంగా జలాన్ని సేవిస్తే పాపాలు చేసిన వారికి సైతం మోక్షం కలుగుతుంది. ఆఖరి ఘడియలు సమీపించినవారికి గంగాజలాన్ని తులసితో కలిపి తాగిస్తే స్వర్గ ప్రాప్తి కలుగుతుందని పూర్వీకుల నుండి గంగాజలాన్ని సేవిస్తారు.
అగ్ని పురాణంలో 110 అధ్యాయంలో గంగా నది మహత్యాన్ని అగ్నిదేవుడే స్వయంగా వివరించాడని చెబుతారు. అగ్ని పురాణంలో చెప్పిన ప్రకారం, ఎల్లప్పుడు గంగను సేవిస్తూ ఉండాలట. గంగానది భుక్తి ముక్తి ప్రదాయని. భుక్తి ఇస్తుంది, ముక్తిని కూడా ఇస్తుంది. అంటే ఈ జన్మలో ఎంతో పుణ్యఫలాన్నీ అందిస్తుంది. మరణానంతరం కూడా ముక్తిని ప్రసాదిస్తుంది. ఏయే ప్రాంతాల నుండి గంగ ప్రవహిస్తుందో ఆ ప్రదేశాలన్నీ పావనాలే అని అగ్నిదేవుడు చెప్పాడు.దివ్యాంగులు గంగానది స్నానం చేస్తే వారు దేవతలతో సమానంగా భాసిల్లుతారట. గంగానది సేవించిన వారి మాతృ వంశం మరియు పితృ వంశం కూడా తరింపబడతాయి. ఒక  వ్యక్తి  మరణించిన తరువాత ఆ వ్యక్తి దహన సంస్కారాలు పూర్తి చేసిన తరువాత అస్థికలను గంగానదిలో నిమజ్జనం చేస్తారు. ఒక వ్యక్తి అస్థికలు గంగానదిలో ఉన్నంతవరకు ఆ జీవి స్వర్గం లోనే నివసిస్తారని అగ్ని పురాణంలో చెప్పబడింది. అందుకోసమే గంగానదిలో అస్థికలు కలుపుతారు.

Also Read: “కలియుగం” ముగింపు ఎలా సంభవిస్తుందో తెలుసా..! గరుడ పురాణంలో ఏం చెప్పారంటే..?

2023 సంవత్సరం ఎంత వేగంగా వచ్చిందో అంత వేగంగా వెళ్ళిపోబోతుంది. ఇంకొక 15 రోజుల్లో మనం 2024 లోకి ఎంటర్ అవ్వబోతున్నాం. అయితే ఇప్పటికే ఈ సంవత్సరం ఎలా ఉంటుందా అని చాలామంది జాతకాలని చూసుకోవటానికి ఇంట్రెస్ట్ చూపిస్తారు. ఏ సంవత్సరం అయినా కొంతమందికి మంచిని తీసుకువస్తే కొంతమంది జీవితాల్లో చెడుని తీసుకువస్తుంది. అయితే 1995లో పుట్టిన వారికి మాత్రం 2024 సంవత్సరం పెను మార్పులు తీసుకువస్తుంది అంటున్నారు ప్రముఖ జ్యోతిష్యులు.

1995లో పుట్టిన వారికి 2024 లో 29 ఏళ్లు వస్తాయి. వీరు తమ కెరియర్ లో ఈ సంవత్సరం చాలా పెద్ద మార్పుని అనుభవిస్తారు. వారు ఈ సంవత్సరాన్ని జీవితంలో మరిచిపోలేనంతగా గుర్తుపెట్టుకుంటారు అంటున్నారు జ్యోతిష్యులు. ఇంత పెద్ద మార్పు ఎందుకు వస్తుందో కూడా వివరిస్తున్నారు. దీని వెనక సంఖ్యలు ఉన్నాయని శని దాదాపు రెండున్నరలో ఒక రాశి నుంచి మరొక రాశిలోకి వెళుతుంది.

అంటే శనిగ్రహం తన రాశిని మార్చుకోవడానికి దాదాపు రెండున్నర సంవత్సరాలు పడుతుంది. శని దేవుడు పూర్తిగా వెళ్ళటానికి 29 సంవత్సరాలు పడుతుంది. అందుకే వారి మీద ఈ ప్రభావం ఎక్కువగా ఉంటుంది. ప్రస్తుతం శని దేవుడు కుంభరాశిలో ఉన్నాడు. కర్మ ఫలితాలను ప్రసాదించే శనీశ్వరుడు 2025 వరకు కుంభ రాశి లోనే ఉంటాడు. గ్రహాలలో ఎటువంటి అన్యాయం లేకుండా తన పనిని చక్కగా చేయగల శనిదేముడు ఒక రాశిలో సంచరిస్తే రెండు నెలల వరకు ఆ రాశి ని విడిచిపెట్టడు.

నవగ్రహాలలో శని దేవుడు నిదానంగా కదులుతున్న గ్రహంగా పరిగణించబడుతుంది. అలాగే 2024 లో తులారాశి వారికి శని దేవుడు అదృష్టాన్ని ప్రసాదించబోతున్నాడు. ఇన్నాళ్లుగా పెండింగ్లో ఉన్న పనులన్నీ ఈ సంవత్సరం పూర్తవుతాయి. చేతిలో నగదు ప్రవాహానికి లోటుండదు అలాగే ఇతరులలో గౌరవాన్ని కూడా తీసుకువస్తుంది. మరి మీరు 1995 సంవత్సరంలో పుట్టినట్లయితే రాబోయే సంవత్సరంలో పండగ చేసుకోవటానికి రెడీగా ఉండండి.

ఇల్లు కట్టుకోవడం అనేది ప్రతి మనిషి యొక్క సహజమైన కోరిక. అలాంటి అవకాశం వచ్చినప్పుడు ఎన్నో జాగ్రత్తలు తీసుకొని ఎందరో సలహాలు పాటిస్తూ ఇంటి నిర్మాణం చేపడతాం. అయితే చాలామంది వాస్తు ని కొట్టి పారేస్తారు కానీ వాస్తు అనేది ఇంటికి చాలా అవసరం. ఇంట్లో ఏమైనా వాస్తు దోషం ఉన్నట్లయితే అది మనిషి ఆరోగ్య మీద, సంపద మీద, సంబంధాల మీద తీవ్ర ప్రభావాలని చూపిస్తుందని వాస్తు నిపుణులు చెప్తున్నారు.

అందుకే వాస్తు ప్రకారం ఇంటిని ఎలా సర్దుకోవాలో వాస్తు నిపుణులు ఏం చెబుతున్నారో ఇప్పుడు చూద్దాం. వాస్తు శాస్త్రం ప్రకారం ఇంటికి దక్షిణ దిశలో ఫీనిక్స్ పక్షి ఫోటోని ఉంచడం చాలామంది అదృష్టంగా భావిస్తారు. ఇది ఇంటికి ఆనందాన్ని శాంతిని తీసుకువస్తుంది. అలాగే మంచం యొక్క తల భాగం కూడా దక్షిణం వైపు ఉండేలాగా చూసుకోవాలి.

అప్పుడే ధ్రువాల నుంచి వచ్చే అయస్కాంత తరంగాలు హాని చేయవని చెబుతారు. అలాగే డ్రాయింగ్ రూమ్లో, హాల్లో పచ్చని మొక్కని ఎప్పుడూ దక్షిణ దిశలో ఉంచాలి. దక్షిణ దిశలో ఉండే పచ్చని మొక్క వాస్తు శాస్త్రం ప్రకారం మాత్రమే కాకుండా ఆరోగ్యపరంగా కూడా చాలా మంచి చేస్తుంది. నిజానికి దక్షిణ దిశ ఇంటికి చాలా శుభప్రదం అని చెప్తారు. దక్షిణ దిశను పూర్వికుల దిక్కుగా చెప్తారు.

కాబట్టి వాస్తు శాస్త్రం ప్రకారం లక్ష్మీ స్వరూపమైన చీపురుని దక్షిణ దిశలో ఉంచడం చాలా మంచిది. చీపురు ని దక్షిణ దిశలో పెట్టడం వలన కుటుంబానికి ఐకమత్యం సమకూరడమే కాకుండా ఇంట్లో సంపద కూడా పెరుగుతుంది. చీపురు విషయంలో అశ్రద్ధ చూపిస్తే అలాంటి ఇంట్లో లక్ష్మీదేవి ఉండడానికి ఇష్టపడదని పెద్దలు సైతం చెప్పడం గమనార్హం. వీటిని కొట్టిపారేయటానికి లేదు ఎందుకంటే ఆనాటి వాస్తుని నేటి సైన్స్ కూడా ధ్రువీకరించింది. ప్రతి వాస్తు విషయంలోని సైంటిఫిక్ రీజన్ ఉన్నట్లు నేటితరం వాస్తు శాస్త్ర నిపుణులు చెప్తున్నారు.

Vivaha panchmi : వివాహ పంచమి అనేది శ్రీరాముడు సీతాదేవి యొక్క వైవాహిక బంధానికి అంకితం చేయబడిన పవిత్రమైన హిందూ పండుగ. ఇది హిందూ సంవత్సరం ప్రకారం మార్గశిర మాసం శుక్లపక్షం ఐదవ రోజున జరుపుకుంటారు. ఈ పవిత్రమైన రోజు శ్రీరాముని జన్మస్థలమైన అయోధ్యలోనూ సీతాదేవి జన్మస్థలమైన జనక్ పూ ర్ లోని అత్యంత వైభవంగా పూజలు వేడుకలు జరుపుకుంటారు.

రాముడి బారాత్ ఊరేగింపు అయోధ్య నుంచి వివాహ వేడుకలు జరిగే జనక్ పూర్ వరకు ఒక ఆలయం నుండి మరొక ఆలయానికి తీసుకు వెళ్ళబడుతుంది. ఈ కార్యక్రమం రామ్ వివాహ ఉత్సవంగా ప్రసిద్ధి చెందింది. రాముని అనుగ్రహం కోసం భక్తులు వివిధ భజనలు పాడతారు. సీతాదేవి జన్మస్థలమైన జనక్ పూర్ లో భక్తులు పెద్ద సంఖ్యలో తరలివస్తారు.అక్కడ ఉన్న వివిధ దేవాలయాలలో ప్రత్యేక పూజలు జరుగుతాయి. మిథిలాంచల్ లోని గంగాసాగర్, ధనుష్ సాగర్ మరియు అర్గాజా వంటి పవిత్ర సరస్సులలో ప్రజలు స్నానం చేస్తారు.

ప్రాణప్రతిష్ట ఆచారాల తర్వాత దేవతా విగ్రహాలను వధూవరుల వలె అలంకరించి ఊరేగింపుగా తీసుకువెళ్లి వారి వివాహాన్ని ప్రసిద్ధ జానకి ఆలయంలో నిర్వహిస్తారు.ఈ సంవత్సరం వివాహ పంచమి డిసెంబర్ 17 2023 ఆదివారం జరుపుకోనున్నారు. మార్గశిర మాసంలోనే శుక్లపక్షపంచమి తిధి డిసెంబర్ 16వ తేదీ రాత్రి 8 గంటలకు ప్రారంభమై మరుసటి రోజు డిసెంబర్ 17వ తేదీ సాయంత్రం 5:33 గంటలకి ముగుస్తుంది. కాబట్టి వివాహ పంచమి 17 డిసెంబర్2023 న మాత్రమే జరుపుకుంటారు.

పూజకు అత్యంత అనుకూలమైన సమయంగా ఉదయం 8: 24 నిమిషాల నుంచి మధ్యాహ్నం 12:1 నిమిషం వరకు ఒక ముహూర్తం. మధ్యాహ్నం 1: 34 నుంచి 2:52 వరకు మరొక ముహూర్తం సాయంత్రం 5:02 నుంచి 10: 34 వరకు మరొక శుభ ముహూర్తం ఉన్నాయి. అయితే కొసమేరుపు ఏమిటంటే ఇంత శుభప్రదంగా చేసుకునే ఈ వివాహ పంచమి రోజు ఏ తల్లిదండ్రులు తమ బిడ్డలకి పెళ్లి చేయాలని కోరుకోరు. ఎందుకంటే సీతారాముల కళ్యాణం తర్వాత ఆ దంపతులు సుఖపడలేదు సరి కదా నానా కష్టాలు పడ్డారు అటువంటి కష్టాలు తమ పిల్లలు పడకూడదని విశ్వాసంతో ఈరోజు ఏ తల్లిదండ్రులు వారి పిల్లలకు పెళ్లి చేయరు.