Mythology

దసరా.. హిందువులకు అత్యంత ప్రీతిపాత్రమైన పెద్ద పండుగల్లో ఒకటి. దుర్గాదేవి మహిషాసురుడు అనే రాక్షసుడిని సంహరించిన రోజును మనం దసరా పండుగ గా జరుపుకుంటాం.

శ్రీ రాముడు తొమ్మిది రోజులు దుర్గను పూజించి.. ఆ తరువాత రావణుడిపై యుద్ధం లో గెలిచాడని చెబుతుంటారు. అందుకే చెడు పై మంచి చేసే యుద్ధానికి ప్రతీకగా దసరా పండుగను వేడుక లా చేసుకుంటారు.

భారత దేశమంతా తొమ్మిది రోజుల పాటు.. తొమ్మిది అవతారాలలో దుర్గాదేవిని పూజిస్తారు. చివరి రోజైన దశమిని “విజయ దశమి” గా జరుపుకుంటారు. ఆ రోజే పాండవులు కూడా తమ ఆయుధాలను శమీ చెట్టు పైనుంచి దింపి పూజ చేసుకుని యుద్ధం చేసారని.. వారు కూడా విజయం సాధించారని చెబుతుంటారు. అందుకే విజయ దశమి రోజున ఎవరి ఆయుధాలను వారు పూజించుకుని ఏ కార్యం తలపెట్టినా విజయం సాధిస్తారని చెబుతారు.

పురాణం లో చెప్పబడ్డ మహిషాసుర వధ కథను తెలుసుకుందాం. పూర్వం మహిషాసురుడు అనే రాక్షసుడు మానవులను, ఋషులను, దేవతలను సైతం హింసించేవాడట. మహిషం అంటే దున్నపోతు అని అర్ధం. ఈ రాక్షసుడి తల కూడా దున్నపోతు తలలా ఉండేదట. అతన్ని సంహరించడం కోసమే.. దేవతలంతా కలిసి దుర్గాదేవిని సృష్టించారట. అయితే.. ఆమె అందాన్ని చూసి మహిషాసురుడు మోహిస్తాడట. తనను పెళ్లి చేసుకోవాలని కోరతాడట.

అందుకు ఆ అంబ కొన్ని షరతులు పెడుతుంది. తనతో యుద్ధం చేసి గెలవాలని కోరుతుంది. గెలిస్తే.. పెళ్లాడతానని మాటిస్తుంది. అలా మొదలైన యుద్ధం తొమ్మిదిరోజుల పాటు సాగుతుంది. తొమ్మిదవరోజున, అమ్మ మహిషాసురుడిని అంతం చేస్తుంది. అతని తలని నరికేస్తుంది. ఆరోజు ప్రజలంతా పండగ చేసుకుంటారు. అందుకే నేటికీ.. కొన్ని ప్రాంతాలలో దున్నపోతు తలను నరికి అమ్మకు బలిస్తుంటారు. ఈ తొమ్మిది రోజుల పాటు తొమ్మిది రూపాలలో దుర్గాన్ని కొలిచి.. ఆమెను ప్రసన్నం చేస్తారు.

మరో కథ కూడా ప్రచారం లో ఉంది. అమ్మ వారు పరమేశ్వరుడి దగ్గర ఓ వరం పొందుతుంది. అదేంటంటే..ప్రతి ఏటా తొమ్మిది రోజుల పాటు ఆమె తన తల్లి అయిన భూమి వద్ద ఉండడానికి శివుడు ఆమెకు వరమిస్తాడు.  అందుకే ప్రతి ఏడాది ఆమె వచ్చే తొమ్మిది రోజులను మనం నవరాత్రులుగా జరుపుకుని ఆమెను సంతుష్టపరుస్తాం. దసరా రోజున, చాలా ప్రాంతాల్లో ఆయుధ పూజలు చేస్తారు. తమ కార్యాలు విజయవంతం కావాలని అమ్మవారిని వేడుకుంటారు.

మహాభారతం లో ఒక్కో పాత్ర కి ఒక్కో విశిష్టత ఉంది. పాండవులను వివాహమాడిన ద్రౌపది గురించి పరిచయం అవసరం లేదు. కానీ ఆమె గురించిన చాలా విషయాలు మనకు తెలియవు.

అవేంటో.. ఆమె తన ఐదుగురు భర్తలతోను ఎలా కాపురం చేసేదో.. ఎలాంటి జాగ్రత్తలు తీసుకునేదో ఈరోజు తెలుసుకుందాం.

అర్జునుడు స్వయంవరం లో ద్రౌపదిని గెలుస్తాడన్న సంగతి తెలిసిందే. ఆ తరువాత అర్జునుడు ఆమెను కుంతి వద్దకు తీసుకెళ్తాడు.. తాను గెలిచిన బహుమానాన్ని చూడాలని కోరగా.. కుంతి పరధ్యానం లో ఉండి తల తిప్పకుండానే ఐదుగురిని పంచుకోమని చెబుతుంది. దీనితో.. తల్లి మాట ప్రకారం పాండవులు ఐదుగురు ద్రౌపది ని పెళ్లాడుతారు. ఆ తరువాత కుంతి బాధపడుతుంది. జరిగింది జరిగిపోయినా.. ద్రౌపది మాత్రం తన భర్తలతో సఖ్యత గా మెలిగేది.

వారి మధ్య గొడవలు రాకుండా ఉండేది. ఇందుకోసం పాండవులు కూడా ఓ నియమం పెట్టుకున్నారు. ద్రౌపది కొన్ని నెలలపాటు ఒక్కొక్కరి దగ్గరా ఉంటూ వచ్చేది. ఆ సమయం లో మరొకరు ద్రౌపది ఉన్న చోటుకు వెళ్లకూడదని.. అలా వెళితే నియమం తప్పినందుకు అరణ్యవాసం చేయాల్సి ఉంటుందని నియమం పెట్టుకున్నారు. ఓసారి.. ఓ వ్యక్తి అర్జునుడు వద్దకు వచ్చి కొందరు తన పశువుల్ని దొంగిలించారని తనని రక్షించాలని కోరతాడు. అయితే.. అర్జునుని విల్లు ధర్మరాజు వద్ద ఉంటుంది. ఆ సమయం లో ద్రౌపది ధర్మ రాజు వద్ద ఉంటోంది.

నియమం తప్పుతుందని తెలిసినా.. అర్జునుడు ధర్మరాజు వద్దకు వెళ్లి విల్లు తీసుకుని సమస్యను పరిష్కరించి ఆ తరువాత అరణ్యవాసం చేస్తాడు. అందుకే.. ద్రౌపది కి ఐదుగురు భర్తలున్నా ఏనాడు వారి మధ్య గొడవలు రాలేదు. ద్రౌపది గురించి చాలా మందికి తెలియని విషయం ఏమిటంటే.. ఆమె అందరిలా పసిపిల్లలా తల్లి కడుపున పుట్టలేదు. యుక్తవయసు ఉన్న స్త్రీ గా అగ్ని నుంచి పుట్టింది. అందుకే ఆమెని యజ్ఞసేని అని పిలుస్తారట.

ఆమె శ్రీకృష్ణుడిని తప్ప.. తన భర్తలతో సహా ఎవరిని అంతగా నమ్మేది కాదట. ఎందుకంటే.. శ్రీ కృష్ణుడు ఆమెను వస్త్రాపహరణం నుంచి చీరలు ఇచ్చి రక్షిస్తాడు. అప్పటినుంచి ఆమె శ్రీకృష్ణుడిని సోదరుడిగా భావించి ఆరాధిస్తుంది. విరాట రాజు కొలువులో కీచకుల వలన, నిండుసభలో కౌరవులు కూడా ఆమెను అపహాస్యం చేయడం తో ఆమెకు తమ భర్తలపై నమ్మకం పోయిందట.

కానీ.. ఒక భర్త నుంచి మరో భర్త వద్దకు వెళ్ళేటపుడు ఆమె కన్య గానే వెళ్ళేది. అదెలా అంటే.. ఆమెకో వరం ఉంది. ఒక భర్త నుంచి మరో భర్త వద్దకు వెళ్లే సమయం లో ఆమె అగ్ని లోంచి నడిచేది. ఆ తరువాత తిరిగి కన్య గా అయ్యాక.. మరో భర్త వద్దకు వెళ్ళేది. ద్రౌపది తన ఇంట్లో సామాన్లను ఎప్పుడు నిండుగా ఉంచుకునేదట. ఎవరు వచ్చినా వండిపెట్టి కడుపునిండా భోజనం పెట్టేది.

చాలామంది హిందువులు ముఖ్యమైన రోజుల నాడు ప్రత్యేక పూజలు చేస్తూ ఉంటారు పండుగ పర్వదినాలప్పుడు భగవంతుని పూజించే మిగిలిన పనులు చేసుకుంటారు. ధూపం దీపం నైవేద్యం ఇలా పూజా విధానంతో భగవంతుడికి పూజలు చేసి అంతా బాగుండాలి అందరూ బాగుండాలి అని కోరుకుంటూ ఉంటారు. అలానే చాలామంది పుష్య పూర్ణిమ రోజు కూడా భగవంతుడిని ఆరాధించి పలు పద్ధతుల్ని అనుసరిస్తూ ఉంటారు.

ఇక మరి మనం పుష్య పౌర్ణమి ఎప్పుడు వచ్చింది..?, ఆ రోజు ఎటువంటి పనులను చేయాలి..?, ఎలాంటివి ఆచరిస్తే మంచి జరుగుతుంది అనే విషయాలను ఇప్పుడు చూద్దాం.

తెలుగు పంచాంగం ప్రకారం చూసుకున్నట్లయితే పుష్య పూర్ణిమ ఈ నెల ఆరవ తేదీ, శుక్రవారం నాడు వచ్చింది. చంద్రునితో పాటుగా లక్ష్మీనారాయణను ఈ రోజున పూజిస్తే మంచిది. చాలామంది రోజంతా ఉపవాసం ఉండి సత్యనారాయణ స్వామి వ్రతం చేసుకుంటారు ఇలా చేయడం వలన ఎలాంటి ఇబ్బందులు కలగవని నమ్ముతారు. శాకంబరి పూర్ణిమ అని కూడా ఈ పుష్య పూర్ణిమను పిలుస్తారు.

శాకంబరి పూర్ణిమ లేదా పుష్య పూర్ణిమ నాడు వీటిని మరచిపోవద్దు:

#1. బ్రహ్మ ముహూర్తంలో నిద్ర లేచి గంగానదిలో స్నానం చెయ్యాలి. అప్పుడు సకల పాపాలు పోతాయి. నదిలో స్నానం చేయడం కుదరకపోతే గంగా జలం వేసి స్నానం చెయ్యాలి.
#2. పూజకి పసుపు రంగు పువ్వులను తీసుకువచ్చి పెడితే మంచిది.
#3. తియ్యటి పదార్థాలని నైవేద్యంగా పెట్టడం, పంచామృతాలతో లక్ష్మీనారాయణను పూజించడం మంచిది.

#4. ఈరోజు పాలల్లో పంచదార వండిన అన్నం కలిపి చంద్రుడికి నైవేద్యం పెడతారు. నైవేద్యం పెట్టాక లక్ష్మీదేవిని పూజిస్తే చాలా మంచిది.
#5. ఈరోజున శంఖంలో గంగాజలం, కుంకుమ వేసి విష్ణుమూర్తికి అభిషేకం చేస్తే చాలా మంచి కలుగుతుంది.
#6. మంచి జరగాలన్నా విజయం సాధించాలన్నా ఈరోజు చీమలకు పిండిలో పంచదార వేసి పెట్టడం మంచిది.
#7. లక్ష్మీ దేవికి ఎర్రటి పూలతో లేదంటే గులాబీ పూలతో పూజ చేస్తే మానసిక ఒత్తిడి తొలగిపోతుంది.

చాణక్య ఎంతటి మహాజ్ఞానో మనకి తెలిసిందే. ఆచార్య చాణక్య ఎన్నో ముఖ్యమైన విషయాలని చాణక్య నీతి ద్వారా చెప్పారు. చాణక్య చెప్పినట్లుగా మనం అనుసరిస్తే జీవితం లో వచ్చే ఏ సమస్య నుండి అయినా కూడా బయట పడొచ్చు. చాలా మంది ఆర్థిక బాధలతో ఇబ్బంది పడుతూ ఉంటారు. లక్ష్మీ దేవి ఆశీస్సులు కలగాలని వివిధ రకాలుగా ప్రయత్నం చేస్తూ ఉంటారు.

మీరు కూడా ఇదే సమస్య తో బాధ పడుతున్నారా…? అయితే కచ్చితంగా చాణక్య చెప్పినట్లు చేయాలి. ఇటువంటి వారి ఇంట లక్ష్మీ దేవి ఉండదని.. లక్ష్మీ దేవి కి ఆగ్రహం వచ్చి వెళ్ళి పోతుందని చాణక్య చెప్పారు మరి ఎటువంటి వారి ఇంట లక్ష్మీదేవి ఉండదు..? ఎటువంటి తప్పులు చేయకూడదు అనేది చూద్దాం.

#1. అందరితో గౌరవంగా ఉండాలి:

అందరితో గౌరవంగా ఉండాలి. ముఖ్యంగా పెద్దల పట్ల స్త్రీల పట్ల గౌరవం తో ఉండాలి ఇలా లేని ఇంట లక్ష్మీ దేవి కొలువై ఉండదు.

#2. అబద్దాలు, మోసం వద్దు:

చాలా మంది ఎక్కువగా అబద్ధాలు చెబుతూ ఉంటారు అలానే మోసాలు చేస్తూ ఉంటారు ఇలా కనుక ఉంటే వారి ఇంట లక్ష్మీ దేవి కొలువై ఉండదు ఎప్పటికీ పేదవాడి లానే మారిపోవాల్సి వస్తుంది.

#3. నిజాయితీగా ఉండడం, నిరాడంబరంగా ఉండడం:

నిజాయితీగా ఉండడం, నిరాడంబరంగా ఉండడం వలన లక్ష్మీదేవి అనుగ్రహం కలుగుతుంది.

#4. దాన గుణం:

దాన గుణం ఉన్న వారి ఇంట లక్ష్మీ దేవి కొలువై ఉంటుంది అలానే భవిష్యత్తుపై అవగాహన కూడా చాలా ముఖ్యం. భవిష్యత్తు పట్ల అప్రమత్తంగా వ్యవహరించే వారి ఇంట కచ్చితంగా డబ్బు ఉంటుంది. చూశారు కదా చాణక్య చెప్పిన విషయాలని మరి వీటిని గుర్తు పెట్టుకొని ఆచరించండి అప్పుడు మీ ఇంట కూడా లక్ష్మీ దేవి కొలువై ఉంటుంది ఆర్థిక బాధల నుండి బయట పడడానికి అవుతుంది.

ఇంట్లో చాలా రకాల సమస్యలు వస్తూ ఉంటాయి. మనం చేసే పనులు బట్టి మన ఇంటి వాతావరణం ఆధారపడి ఉంటుందని వాస్తు పండితులు చెప్తున్నారు. ఇంట్లో పాజిటివ్ ఎనర్జీ రావాలన్నా నెగటివ్ ఎనర్జీ తొలగిపోవాలన్నా కొన్ని రకాల చిట్కాలని అనుసరిస్తూ ఉండాలి పాజిటివిటీ రావాలంటే వంట గదిలో కచ్చితంగా వీటిని ఫాలో అవుతూ ఉండాలి.

మరి వంట గది లో ఎటువంటి తప్పులు చేయకుండా ఉండాలి..? ఎలాంటి వాటిని ఫాలో అవ్వాలి అనేది చూద్దాం.

#1. ముదురు రంగుల్ని ఉంచండి:

ఇంట్లో పాజిటివిటీ కలగాలంటే వంట గదిలో ముదురు రంగులు వేసుకోండి. పసుపు, ఎరుపు, ఆరెంజ్ వంటి వాటిని వేయడం వలన పాజిటివిటీ వస్తుంది నెగిటివిటీ దూరమైపోతుంది.

#2. ఈ దిక్కులో అల్మారాలని ఉంచండి:

అల్మారాలని ఎప్పుడూ కూడా నైరుతి దిశ లో ఉంచడం మంచిది. నైరుతి వైపు ఉంచడం వలన అదృష్టం కలుగుతుంది.

#3. కిటికీలని ఉంచండి:

కిటికీలు తెరిచి ఉంచడం మంచిది. నెగటివ్ ఎనర్జీ తొలగిపోయి పాజిటివ్ ఎనర్జీ వస్తుంది.

#4. నీటి కోసం మంచి స్పేస్:

ఎప్పుడు కూడా మీరు నీటిని నిల్వ ఉండకూడదు బయటికి ఫ్రీగా వెళ్ళిపోతూ ఉండాలి. పైగా అగ్నికి నీరుకి మంచి స్పేస్ ఇవ్వాల్సి ఉంటుంది.

#5. ఫ్రిడ్జ్ ని ఈ దిశలో ఉంచండి:

ఇంట్లో పాజిటివ్ ఎనర్జీ ఉండాలంటే ఫ్రిడ్జ్ ని నైరుతి వైపు పెట్టండి ఇది కుటుంబ సభ్యుల మధ్య సమస్యలను కూడా తొలగిస్తుంది.

#6. ఈ దిక్కులో వంటగదిని ఉంచండి:

వంటగది ఎప్పుడు కూడా తూర్పు ఉత్తరం లేదంటే పడమర వైపు ఉండాలి.

#7. బియ్యం, పిండిని ఇలా ఉంచకండి:

బియ్యం, పిండిని అస్సలు ప్లాస్టిక్ డబ్బాలలో వేయకండి ఇది కూడా నెగిటివ్ ఎనర్జీ ని తీసుకువస్తుంది. అలానే ఇంట్లో సరైన వెల్తురు గాలి కూడా ప్రవేశిస్తూ ఉండాలి. ఇది కూడా పాజిటివ్ ఎనర్జీ ని తీసుకువస్తుంది చూశారు కదా పాజిటివ్ ఎనర్జీ ఇంట్లోకి ప్రవేశించాలంటే వంటగదిలో ఎటువంటి మార్పులు చేయాలి అని.. మరి ఈ మార్పులు కనుక చేశారంటే కచ్చితంగా నెగిటివ్ ఎనర్జీ తొలగిపోయి పాజిటివ్ ఎనర్జీ వస్తుంది.

అన్ని సార్లు అందరికీ ఒకేలాగ కాలం ఉండదు ఒక్కొక్క సారి ఒక్కొక్కలా నడుస్తూ ఉంటుంది ఏ రోజు ఎలా ఉంటుంది అనేది మనం చెప్పలేము. అయితే ఈ రాశుల వాళ్ళకి మాత్రం భద్ర రాజయోగం నడుస్తుందని తెలుస్తోంది. ఈ రాశుల వాళ్లకి పట్టిందల్లా బంగారమే. పైగా పెళ్లి అవ్వని వాళ్ళకి పెళ్లి అవుతుంది.. ఏదైనా సమస్య ఉంటే దాని నుండి బయట పడొచ్చు కూడా.

మరి ఏఏ రాశుల కి భద్ర రాజ యోగం ఉంది అనే విషయాన్ని ఇప్పుడు చూద్దాం. వేద జ్యోతిష శాస్త్రం ప్రకారం గ్రహాల కదలిక బట్టీ మంచి, చెడు అనేది ఉంటుంది.

2023లో ఈ ఐదు రాశుల వాళ్లకి కూడా ఎంతో మంచి కలుగుతుంది. అనుకున్నవి పూర్తి అవుతాయి. సమస్యలు అన్నీ కూడా తొలగి పోతాయి. కొత్త సంవత్సరంలో బుధ గ్రహం గమనాన్ని మార్చుకోనుంది. మేధస్సు, ప్రసంగం, సాంకేతికత, వ్యాపారానికి ఇది కారకం అవుతుంది. డిసెంబర్ 31, 2022న, బుధుడు తిరోగమనం లో ఉంటాడు. అప్పుడు బృహస్పతి అధిపతి అయిన ధనుస్సు రాశి లోకి వెళ్తాడు. దీనితో జనవరి 18, 2023న బుధుడు ప్రత్యక్ష మార్గం లోకి మార్చుకోవడం వలన ధనుస్సు రాశి వాళ్ళ కి చాలా మంచి కలుగుతుంది.

ఆ తరవాత 07 ఫిబ్రవరి 2023 న మకరరాశి లోకి ప్రవేశించగా… సంవత్సరం ప్రారంభం లోనే బుధుడు భద్ర రాజయోగాన్ని తీసుకు వస్తాడు. ఇలా పలు రాశుల వాళ్ళకి ప్రయోజనం ఉంటుంది. ఈ ఏడాది మేష రాశి, మిథున రాశి, కన్య రాశి, ధనుస్సు రాశి, మీన రాశి వాళ్ళ కి భద్ర రాజయోగం శుభప్రదంగా ఉంటుంది. అనుకున్నవి పూర్తి అవుతాయి. వివాహం అవ్వని వారికి వివాహం అవుతుంది. సమస్యలు ఏమైనా ఉంటే కూడా తొలగిపోతాయి. ఈ ఐదు రాశుల వారు అదృష్టాన్ని కూడా పొందుతారు. వ్యాపారంలో కూడా సమస్యలు తొలగిపోతాయి.

మనం నిద్రపోయినప్పుడు కలలు రావడం సహజం. కల లో ఒక్కొక్క సారి మనకి ఉద్యోగం వచ్చినట్లు లేదంటే ఇల్లు కట్టుకున్నట్లు వంటి మంచి విషయాలు కనబడుతూ ఉంటాయి. కానీ ఒక్కొక్క సారి భయంకరమైన పీడ కలలు వస్తూ ఉంటాయి. ఏ సింహమో మనల్ని తరుముతున్నట్లు… పాము వెంబడిస్తున్నట్లు ఇలా భయంకరమైనవి కూడా కనబడుతూ ఉంటాయి.

ఒక్కొక్క సారి మన కలలో కనపడేవి నిజమేమోనని భయపడిపోతూ ఉంటాం చెమటలు పట్టేస్తుంటాయి కూడా.

అయితే నిద్రపోయినప్పుడు మనం చూసే విషయాలని బట్టి మన జీవితం లో ఎలాంటి మార్పులు రాబోతున్నాయి అనేది స్వప్న శాస్త్రం చెబుతోంది. కలలో కనుక పాము కాటు వేసినట్లు కనపడితే జీవితంలో ఇలాంటి మార్పులు వస్తాయని స్వప్న శాస్త్రం చెబుతోంది. అయితే మరి కలలో పాము కాటు వేసినట్లు కనపడితే ఏమవుతుంది అనే దాని గురించి చూద్దాం. నిజానికి పాము అంటే అందరికీ భయం వేస్తుంది. పాము బయట కనపడినా, కలలో కనపడినా సరే మనం చాలా భయపడిపోతూ ఉంటాం. కలలో కనుక నల్ల పాము కనబడితే అది అశుభం. నల్ల పాము కనుక కలలో కనపడితే భవిష్యత్తులో ఇబ్బందులు వస్తున్నాయని సంకేతం. కలలో పాముని కనుక చంపితే అది శుభ సూచకం. పైగా మీరు విజయం కూడా సాధించడానికి అవుతుంది.

అదే ఒకవేళ మీ కల లో పాము ముంగీస పోరు కనపడిందంటే అది చెడు సంకేతంగా భావించాలి. ఇలాంటి కలలు కనుక వస్తే సమస్యలు తప్పవు అని దానికి అర్థం. పైగా ఆ సమస్యలు నుండి బయటపడడం కూడా కష్టంగా ఉంటుంది. కలలో కనుక పామును పట్టుకున్నట్లు కనపడితే అది శుభ సూచికం. ఎప్పటి నుండో అవ్వని పనులు పూర్తయిపోతాయి. కలలో పాము మీకు కాటు వేసినట్టు కనపడితే వ్యాపారంలో ఉద్యోగంలో సమస్యలు వస్తాయని దానికి సంకేతం. పదేపదే పాములు కలలోకి వస్తే పితృ దోషం ఉన్నట్టు.