Mythology

పుట్టిన వారు మరణించక తప్పదని భగవద్గీత ద్వారా శ్రీ కృష్ణుడు ఎప్పుడో బోధించాడు. అయితే, మన నుంచి ప్రాణాన్ని వేరు చేసేది మాత్రం యమ ధర్మరాజు అన్న సంగతి మనకు తెలిసిందే. మనలో చాలా మందికి ఆయన పట్ల భయము, భీతి ఉంటుంది.

ఆయన మన ప్రాణాలను తీసుకెళ్ళిపోతాడన్న భావన కలిగి ఉంటాము. కానీ.. ఇది సృష్టిధర్మం లోని భాగం మాత్రమే. యమధర్మరాజు కూడా మన ప్రాణాలను తీసుకెళ్లే ముందు మనకు నాలుగు సంకేతాలను పంపుతారట. అవేంటో..మనం చూద్దాం..

ఆ సంకేతాలను తెలియచెప్పే కథ ఒకటి ఉంది. యమునా నదీ తీరం లో అమృతుడు అనే వ్యక్తి నివసిస్తూ ఉండేవాడట. అతనికి ఎపుడు చూసినా తాను చనిపోతానేమో అని.. ఎపుడు చనిపోతానో అని ఒక దిగులు గా ఉండేదట. ఈ విషయం లో దిగులు పోగొట్టుకోవడం కోసం యమ ధర్మ రాజుని ఉద్దేశించి తపస్సు చేసాడట. అతని తపస్సుకి మెచ్చి యమధర్మ రాజు ప్రత్యక్షం అయి ఏమి వరం కావాలో కోరుకోమన్నాడట. అయితే, ఆ వ్యక్తి తనకి మరణం ఎప్పుడు వస్తుందో ముందుగానే తెలియచేయమన్నాడట. ఆ విషయం ముందే తెలిస్తే తన బాధ్యతలన్నీ మరొకరికి అప్ప చెప్పేయాలనేది అతని ఆలోచన.

అయితే, యమధర్మ రాజు మరణం ఎప్పుడు వస్తుందో చెప్పలేనని, అయితే అందుకు గుర్తు గా కొన్ని సంకేతాలను మాత్రం పంపగలనని తెలిపాడట. వాటిని బట్టి మరణం వచ్చే విషయం తెలుసుకోవాలని యమధర్మరాజు సూచించారు. ఆ తరువాత ఈ విషయాన్నీ అమృతుడు మర్చిపోతాడు. పెళ్లి చేసుకోవడం, పిల్లలని కనడం, వారికి కూడా పెళ్లిళ్లు అవ్వడం కాలక్రమం లో జరిగిపోతుంటుంది. అయితే, ఓ రోజు అమృతుడికి యమధర్మరాజు తో జరిగిన సంభాషణ గుర్తుకు వస్తుంది.

కానీ, ఆయన చెప్పిన సూచనలు ఏవి కనిపించకపోవడం తో తనకు ఇంకా ఆయువు ఉందని అమృతుడు అనుకుంటాడు. కాలక్రమం లో అతని చర్మం ముడతలు పడుతుంది, వెంట్రుకలు తెల్లబడతాయి. పళ్ళు కూడా ఊడిపోతాయి. పక్షవాతం సోకి మంచానికే పరిమితం అవుతాడు. ఓ రోజున యమధర్మరాజు అతని ప్రాణాలు తీసుకుని పోవడానికి వస్తాడు. అయితే, అమృతుడు ఆశ్చర్యం తో నాకు సూచనలు చేస్తానని మాటిచ్చావు. కానీ, ఎలాంటి సూచనలు ఇవ్వకుండా తీసుకెళ్ళిపోతున్నావు. నువ్వు నాకిచ్చిన వరం మాటేమిటి? అని అడుగుతాడు.

నేను నీకు నాలుగు సార్లు సూచనలు చేసినప్పటికీ, నువ్వు గ్రహించలేదు అని చెబుతాడు. ఆ సూచనలేమిటని అమృతుడు యముడిని అడగ్గా, వెంట్రుకలు తెల్లబడడం, చర్మం ముడుచుకోవడం, పళ్ళు ఊడిపోవడం, పక్షవాతం వంటి అనారోగ్యాలను తానూ పంపిన సూచనలు గా యముడు వివరిస్తాడు. అప్పుడు అమృతుడుకి కి విషయం అర్ధం అవుతుంది. అమృతుడు నిజాన్ని ఒప్పుకున్నతరువాత యమధర్మరాజు అతని ప్రాణాలను తీసుకెళ్ళిపోతాడు.

శ్రావణ మాసం లో వచ్చే పౌర్ణమి కి ఎంతో విశిష్టత ఉంది. ఆరోజునే నూలి పౌర్ణిమ అని, జంధ్యాల పౌర్ణమి అని కూడా అంటుంటారు. ఉపనయనం చేసుకున్న వారు ఈరోజున కచ్చితం గా వారి జంధ్యాన్ని మార్చుకుంటారు. దీనినే ఉపాకర్మ అని పిలుస్తారు. అలాగే.. ఈరోజున సోదరీమణులు తమ సోదరులకు రాఖీలను కడుతూ ఉంటారు.

సోదర, సోదరిల బంధాన్ని మరింత పటిష్టం చేసుకోవాలని గుర్తు చేసే పండగ రాఖి పండగ. ఈరోజున సోదరుల సుఖ సంతోషాలను కోరుకుంటూ చెల్లెల్లు, అక్కలు తమ సోదరులకు రాఖీలను కడతారు. ఆ తరువాత మిఠాయి తినిపించి ఆశీర్వాదం తీసుకుంటారు. సోదరులు తమ సోదరికి ఏదైనా చిరు కానుకలు ఇవ్వడం ఎప్పటినుంచో ఆనవాయితీ గా వస్తోంది. అయితే శ్రావణ పౌర్ణమి రోజునే ఎందుకు రాఖి కడతారో తెలుసుకుందాం.

ఈరోజున సోదరీమణులు రాఖి కట్టే సమయం లో “యేన బద్ధో బలీరాజా దానవేంద్రో మహాబలః తేన త్వామభి బధ్నామి రక్షమాచల మాచల” అనే మంత్రాన్ని చదువుతారు. అంటే.. బలి చక్రవర్తి తన సోదరిని ఎల్లవేళలా కంటికి రెప్పలా కాపాడారు. అలాగే.. నీవు కూడా నన్ను పట్టుకుని విడవకుండా ఉండు అని చెబుతూ రాఖీ కడతారు.

అసలు రక్షా బంధనం కట్టడం వెనుక ఉద్దేశ్యమేమిటంటే.. జీవితాంతం విడువకుండా రక్ష కలిగించు అని కోరుకోవడం. ఇది అన్న చెల్లెళ్ళ పండుగ గానే ప్రాశస్త్యం పొందినా.. రాజుల కాలం లో ఈ రక్ష కట్టడం అనేది ఆనవాయితీ గా ఉండేదట. రాజు యుద్ధానికి వెళ్తున్నప్పుడు.. అతను విజయం సాధించి రావాలని.. భార్య నుదిటి తిలకం దిద్ది రక్ష కట్టి పంపేదట.

భారతదేశంలో ముఖ్యమైన పండుగల్లో రాఖీ ఒకటి. ప్రతి సోదరి తన సోదరుడు బాగుండాలి అని, జీవితంలో ఎంతో ఎత్తుకు ఎదగాలి అని ఆశిస్తూ రాఖీ పండుగ రోజు రాఖీ కడుతుంది. సోదరుడు కూడా తన సోదరి బాగుండాలి అని కోరుకుంటూ, రాఖీ కట్టినందుకు బహుమతి ఇస్తాడు. ఇది ఎన్నో సంవత్సరాల నుండి వస్తున్న సాంప్రదాయం.

పురాణాల నుండి రాఖీ పండుగను జరుపుకునేవారు. కానీ పురాణాల ప్రకారం రాఖీ మొదట ఒక భార్య తన భర్తకు కట్టిందట. పూర్వం దేవతలకు రాక్షసులకు మధ్య పెద్ద యుద్ధం అయింది. అంత భీకర పోరాటంలో ఓడిపోతానేమో అన్న భయం తో దేవతలకు రాజు అయిన దేవేంద్రుడు యుద్ధానికి వెళ్లకుండా ఇంట్లో ఉండిపోతాడు.

దేవేంద్రుడిని చూసిన ఆయన భార్య శచీదేవి ఒక శ్రావణ పౌర్ణమి నాడు శివుడు పార్వతులను, లక్ష్మీ నారాయణులను పూజించి తన భర్త విజయం సాధించాలని దేవేంద్రుడు చేతికి ఒక రక్ష ను కడుతుంది. దీంతో దేవేంద్రుడు యుద్ధంలో పాల్గొని విజయం సాధిస్తాడు. అలా శచీదేవి ప్రారంభించిన రక్షాబంధనం ఇప్పుడు రాఖీ గా జరుపుకుంటున్నారు అని పురాణాలు చెబుతున్నాయి.

శ్రావణ పౌర్ణమి నాడు రాఖీ పండగ ను జరుపుకుంటారు. ఒక్కొక్క ప్రాంతంలో రాఖీ పండుగ ను ఒక్కొక్క పేరుతో పిలుస్తారు. కొన్ని చోట్ల రాఖీ అని, కొన్ని చోట్ల ఉపకర్మ లేదా అవని అవిత్తం అని, కొన్ని చోట్ల రక్షాబంధన్ అని, మరికొన్ని ప్రాంతాల్లో రాఖీ పౌర్ణిమ అని, ఛత్తీస్ గఢ్, బీహార్, మధ్యప్రదేశ్ ప్రాంతాల్లో కజరీ పూర్ణిమ అని, పవిత్రోపాన, గుజరాత్, గోవా, మహారాష్ట్ర ప్రాంతాల్లో నరాలీ పూర్ణిమ, లేదా నారియల్ పూర్ణిమ అని పిలుస్తారు.

అన్నా చెల్లెలు ఎంతో అనుబంధంతో జరుపుకునే పండగ రాఖీ పౌర్ణమి. ఎల్లవేళలా ఎటువంటి పరిస్థితుల్లో తనకి అండగా నిలబడి రక్షణ ఇస్తాడు అన్న నమ్మకాన్ని పవిత్రమైన దారం రూపంలో తన అన్న చేతికి ప్రతి చెల్లి కట్టేది రాఖీ.
అలాంటిది ఈ సంవత్సరం రాఖీ పౌర్ణిమ భద్ర తిథి తో కలిపి వస్తుంది.

మరి భద్ర తిధితో కలిసి వచ్చిన ఈ రాఖీ పౌర్ణిమ ఈ సంవత్సరం జరుపుకోవడం కుదురుతుందా…రాఖీ కట్టడానికి అనువైన సమయం లేదు……అనే విషయం తెలుసుకోవడానికి ముందు అసలు భద్ర తిథి అంటే ఏంటో తెలుసుకుందాం.
మన హైందవ సాంప్రదాయం ప్రకారం భద్ర తిథి అనేది ఎటువంటి శుభకార్యాలు చేయడానికి ఉపయోగపడదు. అంతేకాకుండా ఈ భద్ర తిథి లో చేసే ఎటువంటి శుభకార్యాలకైనా అశుభ ఫలితాలు ఉంటాయి అనేది పెద్దల నమ్మకం.

ఈ భద్రా ముహూర్తంలో ఎటువంటి శుభకార్యాలు చేసిన అశుభాలు కలుగుతాయని సాక్షాత్ బ్రహ్మహే శపించాడు. రావణుడి సోదరుడు సూపర్ అక్క ఈ భద్రా ముహూర్తంలో అతనికి రాఖీ కట్టడం వల్లే రావణుడి వంశం నాశనమైందని పురాణ గాధ.
మన పురాణాల ప్రకారం సూర్యదేవుడికి ఛాయాదేవికి జన్మించిన పుత్రిక ఈ భద్రా మాత. ఎంతో కఠినమైన స్వభావం కలిగిన ఈ భద్రా మాత ఒకసారి సమస్త విశ్వాన్ని తన గుప్పెట్లోకి తెచ్చుకోవాలి అనుకున్నప్పుడు ఇది తప్పు అని వివరించిన బ్రహ్మ ఆమెకు ఏడవకరణ విస్టిగా కరణాలలో ఆమెకు స్థానం కల్పించాడు.

శ్రీ మహావిష్ణువు జన్మ నక్షత్రమైన శ్రవణా నక్షత్రంతో కూడిన మాసాన్ని శ్రావణ మాసం అని పిలుస్తారు, ఈ మాసంలో వచ్చే పౌర్ణమి నాడు రాఖీ పౌర్ణిమ జరుపుకోవడం అనాదిగా వస్తున్న ఆనవాయితీ. అయితే ఈ సంవత్సరం శ్రావణ పౌర్ణమి యొక్క సమయం ఆగస్ట్ 11 ఉదయం 10 గంటల 38 నిమిషాల నుండి ఆగస్టు 12వ తేదీ ఉదయం 7 గంటల 5 నిమిషాల వరకు ఉంది. కాగా భద్ర తిథి మాత్రం 11 వ తారీకు రాత్రి 8 గంటల 51 నిమిషాల వరకు ఉంది. కాబట్టి ఈ సంవత్సరం రాఖీ పౌర్ణిమ చేసుకోదగ్గ శుభ సమయం 11వ తేదీ రాత్రి 81 నిమిషాల తరువాత ఆగస్టు 12వ తారీకు ఉదయం 7 గంటల 5 నిమిషాల లోపల.

ఇది ఇలా ఉండగా ఆగస్టు 12వ తారీకు ఉదయం పౌర్ణమి ఘడియలు ఉన్నాయి కాబట్టి ఆ రోజు అంతటినీ కూడా రాఖీ పౌర్ణమి గా జరుపుకోవాలని మన వేద పండితులు చెబుతున్నారు. అందునా ప్రత్యేకించి ఆగస్టు 12వ తారీకు మధ్యాహ్నం 12 గంటల 13 నిమిషాల నుంచి 3గంటల 22 నిమిషాల మధ్య కాలం రాఖీ పండుగ జరుపుకోవడానికి శుభప్రదంగా ఉంది. ఈ పండుగ ఆగస్టు 12వ తారీకు నిరభ్యంతరంగా జరుపుకోవచ్చు కానీ ఆ రోజు ఉన్న రావు కాలాలు యమగండాలు జాగ్రత్తగా చూచుకొని పైన చెప్పిన శుభముహూర్తంలో జరుపుకోవడం మంచిది.

ప్రకృతి యొక్క స్వభావాన్ని మనుషులు కనిపెట్టక ముందే జంతువులు పక్షులు కనిపెట్టేస్తాయి. అయితే సాధారణంగా మన పెద్దలు కూడా అంటూ ఉంటారు కాకి అరుస్తుంటే చుట్టాలు వస్తారని. ఇలాంటివి ఏదో ఒకటి మనం వింటూనే ఉంటాం. అయితే చీమలు, కాకులు పదేపదే వస్తున్నాయంటే దాని వెనక ఉండే అర్థం గురించి ఇప్పుడు మనం చూద్దాం.

కాకులు పదేపదే మన ఇంటి దగ్గరికి వచ్చి అరుస్తున్నాయి అంటే దానివల్ల మంచి కలుగుతుందా చెడు కలుగుతుందా..? అలానే చీమలు ఎక్కువగా వస్తున్నాయి అంటే దాని వల్ల ఏమవుతుంది వంటి ఆసక్తికరమైన విషయాలను ఇప్పుడు చూద్దాం.

ఎక్కువగా మన ఇంటికి చీమలు వస్తున్నాయి అంటే లక్ష్మీదేవి అనుగ్రహం మనకి కలిగిందని తెలియజేసే సంకేతం అది. లక్ష్మీదేవి మన ఇంటికి వచ్చే ముందు చీమలు ఎక్కువగా మన ఇంటికి వస్తూ ఉంటాయి. ముఖ్యంగా నల్ల చీమలు ఎక్కువగా మన ఇంట్లో తిరుగుతున్నాయి అంటే తప్పకుండా లక్ష్మీదేవి మన ఇంటికి రాబోతోంది అని మనం తెలుసుకోవాలి.

ఇలా చీమలు కనుక మన ఇంట్లో తిరుగుతున్నాయి అంటే ఈశాన్యం వైపు శివుడు పార్వతి యొక్క చిత్రపటాన్ని ఈశాన్యంలో పెట్టి పూజించడం మంచిది. అదే ఒకవేళ కాకి పదే పదే అరుస్తోంది అంటే పితృదేవతలు అనుగ్రహం కలుగబోతోందని మనం తెలుసుకోవాలి. పురాణాల ప్రకారం రావణుడు నవగ్రహాలని బంధించడానికి వచ్చినప్పుడు రావణుడిని చూసి యమధర్మరాజు భయపడతాడు.

తప్పించుకునే ప్రయత్నంలో అక్కడ ఉండే ఒక కాకిని దారి చూపమని అడుగుతాడు. అప్పుడు కాకి తన శరీరంలోకి ప్రవేశింమని చెబుతుంది. యమధర్మరాజు వెంటనే కాకి శరీరంలోకి ప్రవేశిస్తాయి. రావణాసురుడికి అందకుండా దూరంగా వెళ్ళిపోతాడు. ఈ కారణం చేత యమధర్మరాజు కాకికి ఒక వరమిస్తాడు. ఎవరైతే అమావాస్య రోజు కానీ బంధువులు చనిపోయిన తిధి రోజు కానీ ఆహారాన్ని కాకికి ఇస్తే.. పితృదేవతల ఆత్మ శాంతిస్తుంది అని చెప్పారు.

అందుకే హిందూ సాంప్రదాయం ప్రకారం కాకికి ఆహారం పెడతారు. అలాగే శనివారం మధ్యాహ్నం పూట కాకులకి కుండలో నీళ్లు పోసి ఆహారం కూడా పెడితేవాళ్ళు ఏలినాటి శని ఈ ప్రభావం నుండి బయటపడడానికి అవుతుంది. బయటికి వెళ్ళేటప్పుడు కాకి మనకు ఎదురు పడితే అప్పుడు తప్పకుండా ఆ పని పూర్తవుతుంది. అదే ఒకవేళ కాకి కుండలో నీళ్లు తాగుతూ మధ్యలో మీ వైపు చూసింది అంటే ధనవంతులు కాబోతున్నారని సంకేతం.

సాధారణంగా నిద్ర వచ్చినప్పుడు కానీ, బాగా అలసిపోయినప్పుడు గాని ఆవలింతలు వస్తాయి. మరి పూజ చేసేటప్పుడు ఆవలింతలు రావడం దేనికి సంకేతం అనేది ఇప్పుడు చూద్దాం. కొంతమంది పూజ చేసేటప్పుడు ఆవలింతలు వస్తూ ఉంటాయి. దీని వెనుక చాలా అభిప్రాయాలు వున్నాయి. కొందరు వారిలో ఉండే శక్తులు పోతాయని నమ్ముతారు. మరి కొందరైతే వారి దృష్టి మళ్లుతోంది అంటారు. ఇంకొందరు మత్తులో పడిపోతున్నాం అని భావిస్తారు. కానీ ఇలా ఆవలింతలు వచ్చినప్పుడు తిరిగి దృష్టిని మార్చుకుని పూజ చేస్తూ ఉంటాం.

ఎక్కువగా జపాలు చేసేవారికి ఆవలింతలు వస్తూ ఉంటాయి. కొన్ని సార్లు దేవునికి కొబ్బరికాయ కొట్టినప్పుడు కుళ్లిపోయి ఉంటుంది. అలా అని మనం పాపం చేసినట్టు కాదు. ఎందుకంటే కావాలని ఎవరు కూడా కుళ్ళిన కొబ్బరికాయ కొట్టరు కదా. అదే విధంగా ఎప్పుడైతే శ్రద్ధగా పూజ చేస్తున్నామో చాలా ప్రశాంతంగా మనం భావిస్తాము. అందువల్లనే ఆవలింతలు వస్తూ ఉంటాయి. చాలా మందికి ఆవలింతలు రావు అని కూడా మనం గమనించాలి.

చాలా మందికి పురాణాలు వింటున్నప్పుడు, పూజలు చేస్తున్నప్పుడు మరియు మొదలగు దైవ కార్యక్రమాలలో పాల్గొన్నప్పుడు నిద్ర వస్తుంది. అంతే కానీ చెడ్డ పనులు చేస్తున్నప్పుడు నిద్ర రాదు. దానికి కారణం ఏమిటంటే దైవ కార్యక్రమంలో పాల్గొన్నప్పుడు భగవంతుని దీవెనలు మీపై పడుతున్నాయి అని అర్థం మరియు అందువల్లనే ఆ స్థితిలో ఉంటున్నారు అని పెద్దలు చెబుతారు.

అంతేకాక త్యాగరాజులు కూడా ఇదే మనకు తెలియజేశారు, ఎప్పుడైతే శాంతా భావం మనలో ఉంటుందో అప్పుడే ఆవలింతలు వస్తాయని పైగా తిరిగి మనం దైవం పూజ చేస్తున్నప్పుడు చేయడం వల్ల ఎటువంటి కీడు లేదు అని అన్నారు. కాబట్టి పూజ చేసేటప్పుడు ఆవలింతలు రావడం వల్ల ఎటువంటి దోషాలు మీకు ఉండవు.

శ్రావణ మాసం అనగానే ముందు గుర్తొచ్చే స్త్రీలు పాటించే నోములు, పూజలే. మహాలక్ష్మి దేవి కి అత్యంత ప్రీతిపాత్రమైన ఈ మాసం లో వారు తమ సౌభాగ్యం కోసం నోములు, వ్రతాలూ చేసుకుంటూ ఉంటారు. అయితే.. ఈ మాసం శివుడికి, నారాయణుడికి కూడా అత్యంత ప్రీతికరమైన మాసమట. చాంద్రమానం ప్రకారం వచ్చే ఐదవ మాసాన్ని శ్రావణ మాసం అని పిలుచుకుంటాం.

అయితే.. శ్రావణ మాసం రాగానే అతివలందరు అమ్మవారి పూజల్లో మునిగిపోతుంటారు. శ్రావణ మాసంలో వచ్చే రెండవ శుక్రవారం రోజు చాలా విశేషమైనది. ఆరోజున వరలక్ష్మి వ్రతాన్ని ఆచరిస్తూ ఉంటారు. అయితే.. కొందరు మహిళలకు ఈ వ్రత విషయమై సందేహాలు ఉన్నాయి. ఈ వ్రతాన్ని అందరు ఆచరించుకోవచ్చా? లేక ఆనవాయితీ ఉన్న వారికి మాత్రమేనా? అన్న సందేహాలు చాలా మందికి కలుగుతూ ఉంటాయి.

నిజానికి.. ఆనవాయితీ అన్న పదానికి అర్ధం గురించి ఆలోచిస్తే.. అది కుటుంబంలోని పూర్వీకుల నుంచి వచ్చేదని అర్ధం. కుటుంబంలోని పూర్వీకులు కూడా ఈ వ్రతాన్ని ఆచరించి ఉంటె వారికి ఆనవాయితీ ఉందని భావిస్తుంటారు. కానీ.. ఈ వ్రతాన్ని ఎవరైనా ఆచరించవచ్చు. అమ్మవారి అనుగ్రహం కోరుకునే ప్రతి మహిళా ఈ వ్రతాన్ని నిస్సంకోచంగా చేసుకోవచ్చు. వరాలు ఇచ్చే తల్లిగా అమ్మవారిని కొలుస్తారు. అమ్మ అనుగ్రహం కోసమే కదా ఎవరు పూజ చేసుకున్నా.. అందుకే, ఈ వ్రతాన్ని ఆచరించుకోవడానికి ఆనవాయితీ అనేది అవసరం లేదు.

అయితే.. ఆనవాయితీ లేకుండా పూజని ఆచరించుకుంటే అనర్ధాలు జరుగుతాయి అని చాలా మంది అపోహ పడుతూ ఉంటారు. కానీ.. పూజ చేసుకుంటే అమ్మ వారి అనుగ్రహిస్తారు తప్ప మరేమీ కాదు. కానీ.. శ్రావణ మాసంలో మంగళవారం నోములు చేసుకునే వారు ఉంటారు. మహిళలు ఎక్కువ గా ఆచరించే వ్రతాలలో మంగళ గౌరీ వ్రతం ఎంతో ప్రాముఖ్యత కలిగి ఉంది. కొత్త గా పెళ్లి అయిన ముత్తైదువులు ఐదేళ్ల పాటు ఈ వ్రతాన్ని ఆచరిస్తారు. నెలలో అన్ని మంగళవారాలు ఈ నోమును చేయడం తో పాటు.. శ్రావణ మాసం లో వచ్చే రెండవ శుక్రవారం రోజున వరలక్ష్మి వ్రతాన్ని కూడా ఆచరిస్తారు.

మంగళవారం నోములు నోచుకోవడానికి చాలా నియమాలు ఉంటాయి. ఈ నోములు నోచుకోవడానికి కుటుంబ నియమాలను పాటించినా.. వరలక్ష్మి వ్రతం చేసుకోవడానికి మాత్రం ఎటువంటి అభ్యంతరాలు ఉండవు. ఎటువంటి వారు అయినా.. భక్తి శ్రద్ధలతో ఈ వ్రతాన్ని చేసుకోవచ్చని.. ఈ వ్రత కథలోనే చెప్పబడింది. కాబట్టి ఈ వ్రత విషయంలో మాత్రం ఎటువంటి అనుమానాలు అవసరం లేదు.

Watch Video:

మనం ఎన్నో పద్ధతులను పాటిస్తాం. అందులో కొన్ని పద్ధతులు పాటించడానికి వెనుక ఉన్న కారణం మనకు తెలియకపోవచ్చు. మనం ఏదైనా కొత్త వెహికల్ కొంటే, ముందు చక్రాల కింద నిమ్మకాయలు పెట్టి పోనిచ్చిన తర్వాత బండి వాడడం మొదలు పెడతాము.

ఇలా చేయడానికి వెనకాల ఉన్న కారణం మనలో చాలా మందికి తెలియకపోవచ్చు. అసలు అలా కొత్త వాహనం కింద నిమ్మకాయలు ఎందుకు పెడతారో ఇప్పుడు తెలుసుకుందాం.

పూర్వకాలంలో మనకి ఎడ్ల బండ్లు, గుర్రపు బండ్లు ఉండేవి. ఎడ్లు, గుర్రాలు అనేక ప్రదేశాల్లో నడిచేవి. దారిలో రాళ్ళు, రప్పలు, బురద ఇలా ఎన్నో ఎదురవుతాయి. వాటన్నిటి మీద ఇవి నడుస్తాయి. అలా నడుస్తున్నప్పుడు కాళ్లలో ఏవైనా గుచ్చుకొని పుండ్లు పడతాయి. ఆ కాళ్ళ మీద బురద పడితే ఇన్ఫెక్షన్ అయ్యి పురుగులు వస్తాయి.

పురుగులు పడితే బండి సరిగ్గా నడవదు. బండి బాగా నడవడం కోసం, ఎడ్ల చేత, గుర్రాల చేత నిమ్మకాయలు తొక్కించే వారు. నిమ్మకాయలో ఉన్న సిట్రిక్ యాసిడ్ పుండులో ఉన్న బ్యాక్టీరియాను చంపుతుంది. పూర్వకాలం వాళ్లు వెళ్తూ వెళ్తూ బండిని నిమ్మకాయ పైకి ఎక్కించండి అని చెప్పారు. మనం కూడా ఆ పద్ధతిని పాటిస్తున్నాం.

కానీ వాళ్లు ఎడ్ల బండిని, లేదా గుర్రపు బండిని ఉద్దేశించి చెప్పారు. కానీ మనం మాత్రం మామూలు వాహనాలకి కూడా ఈ పద్ధతిని పాటిస్తున్నాం. అంటే రబ్బర్ టైర్లను కూడా నిమ్మకాయ మీదకి ఎక్కిస్తున్నాం. ఇప్పుడు తెలిసిందా వాహనాలను నిమ్మకాయల మీద నుంచి ఎందుకు పోనిస్తారో ?

watch video:

https://youtu.be/iKRzDAaTmBU?t=1681

హిందూ ధర్మ గ్రంథాలలో అత్యంత భయానక యుగంగా కలియుగం గురించి వివరించబడి ఉంది. కలియుగం అనేది ఒక కారాగారం వంటిదని, పూర్వజన్మలో పాపాలు చేసినవారు తమ పాప ఫలాన్ని అనుభవించడానికి కలియుగంలో పుడతారని హిందూ పురాణాలు చెబుతున్నాయి. కలియుగంలో దుఃఖం అనేది లేకుండా పరిపూర్ణంగా ఆనందంగా జీవించే ఒక్క మానవుడు కూడా కనిపించాడట.

రాబోయే కలియుగం రోజులతో పోలిస్తే మనం ఉన్న పరిస్థితులు వందరెట్లు మంచి స్థితిలో జీవిస్తున్నామని  చెప్పవచ్చు. అంటే రాబోయే ముందు ముందు రోజులు అంత భయంకరంగా ఉండబోతున్నాయి. మన భగవాన్ శ్రీ కృష్ణుడు మహాభారత కాలంలో రాబోయే కలియుగం ఎలా ఉండబోతుందో అన్నది అభివర్ణించారు. ఇప్పుడు కలియుగంలో రాబోయే రోజులు ఎలా ఉండబోతుందో అనేది మనం తెలుసుకుందాం..

కురుక్షేత్ర యుద్ధం ముగిసింది. పాండవులు హస్తినాపురాన్ని హస్తగతం చేసుకున్నారు. ఆ తర్వాత పాండవులు అందరికీ ఈ కలికాలం ఎలా ఉండబోతుందో కలుసుకోవాలనే ప్రశ్న తలెత్తింది. ధర్మరాజు లేని సమయంలో భీమ, అర్జున, నకుల సహదేవులు తమకు వచ్చిన సందేహాన్ని తీర్చుకోవడానికి కృష్ణభగవాన్ వద్దకు వెళతారు. కలియుగం ఎలా ఉండబోతుందో తెలియజేయండి అంటూ కృష్ణ భగవాన్ ని అడుగుతారు.

దానికి కృష్ణుడు ఒక చిరునవ్వు నవ్వి, నాలుగు బాణాలను సంధించి నాలుగు దిశలుగా వదిలి వాటిని తీసుకురమ్మని పాండవులతో ఆదేశిస్తారు. పాండవులు నలుగురు ఆ బాణాలు వెతుకుతూ అడవులలోకి వెళ్ళిపోతారు.

#1. మోసం చేయటం :

మొదటగా అర్జునుడి ఒక బాణం దొరుకుతుంది. ఆ బాణం తీసుకునే ప్రదేశంలో అర్జునుడికి ఒక మధురమైన గానం వినిపిస్తుంది. ఈ మధురమైన గానం ఎక్కడి నుంచి వస్తుందో అని అర్జునుడు వెనుతిరిగి చూస్తాడు. ఒక కోయిల మధురమైన గానం చేస్తూ జీవించి ఉన్న  కుందేలును పొడుచుకు తింటూ కనిపిస్తుంది.

అది చూసిన అర్జునుడు, “ఏంటి ఈ వింత దృశ్యం, సాక్షాత్తూ సరస్వతీ దేవినే మరిపించే ఆ కోయిల ఇంత వికృత చేష్టలు ఎలా చేయగలుగుతుంది?” అంటూ ఆశ్చర్యపోతాడు అర్జునుడు. వెంటనే తనకు కలిగిన సందేహాన్ని కృష్ణభగవాన్ వారి దగ్గర వ్యక్తం చేశాడు అర్జునుడు. అప్పుడు కృష్ణుడు ఈ విధంగా సమాధానమిచ్చారు. సరస్వతీ దేవిని మెప్పించి విద్యావంతులు అయిన విద్వాంసులు, తెలివైనవారు తమ జ్ఞానాన్ని సక్రమంగా సద్వినియోగం చేయకుండా  కాకుండా.. అమాయక ప్రజలను, చదువురాని పేదవారిని మాయ మాటలు చెబుతూ దోచుకుంటారు అని, రాబందుల్లా వాళ్లను పీక్కు తింటారు అని శ్రీకృష్ణుడు సమాధానమిచ్చాడు.

#2 దోచుకోవటం :

అదేవిధంగా  భీముడు వెతికిన బాణం ఉన్నచోట భీమునికి ఐదు బావులు కనిపిస్తాయి. ఈ ఐదు బావులలో నాలుగింటిలో నిండుగా నీరు ఉంటుంది. కానీ ఈ మధ్యలో ఉన్న బావిలో ఒక్క చుక్క నీరు కూడా ఉండదు. కే నేలపై ఉన్న ఈ 5 బావుల్లో ఇదేం తేడా అంటూ దేవుడు తన సందేహాన్ని కృష్ణుడు తెలియజేస్తాడు. భీముని ప్రశ్నకు సమాధానంగా కలియుగంలో ఉన్నవాడు మరింత ధనవంతుడవుతాడు. పేదవాడు మరింత నిరుపేదగా మారి కటిక దరిద్రాన్ని అనుభవిస్తాడు శ్రీ  కృష్ణుడు వెల్లడిస్తాడు.

#3. అధిక ప్రేమ చూపటం :

ఇక నకులుడుకి బాణం దొరికిన చోట ఒక ఆవు దూడ పై అతి ప్రేమ చూపిస్తూ నాలుకతో నాకుతుంది. ఆవు ప్రేమ ఎలా ఉంది అంటే ఆ ఆవును నాకడం వల్ల ఆ దూడకు గాయాలు అయ్యి రక్తం కారిపోతుంది. దానితో నకులుడుకి, “ఏంటి ఈ విపరీతమైన ప్రేమ?” అని సందేహం మొదలవుతుంది. ఇదే ప్రశ్న శ్రీకృష్ణుని అడగగా, “యుగంలో రానురాను తల్లిదండ్రులకు పిల్లల మీద అధిక ప్రేమ ఎక్కువై ఆ పిల్లలు సోమరులుగా తయారుచేస్తుంది. వాళ్ళ చూపించిన అతి ప్రేమ వలన పిల్లలు అభివృద్ధి ఆగిపోయి సోమరులుగా తయారై భూమికి భారంగా మారతారు. జీవితంలో బాధ్యతల గురించి తెలుసుకోక ముందే వారికి చిన్న వయసులోనే పెళ్లి చేసేస్తారు.  ఈ కలియుగంలో కొడుకుపై తల్లిదండ్రులకు ఎలాంటి హక్కులు ఉండవు. కేవలం భార్య మాత్రమే పూర్తి హక్కులు ఉంటాయి” అని నకులుడుకు సమాధానమిస్తాడు శ్రీకృష్ణుడు..

#4. విచక్షణ కోల్పోవడం :

ఇక చివరివాడైన సహదేవుడుకి తనకు బాణం దొరికిన చోట ఒక పెద్ద పర్వతం నుండి ఒక భారీ బండరాయి దొర్లుకుంటూ కింద పడటం చూశాడు. ఆ బండరాయి బరువుకి వేగానికి అడ్డు వచ్చిన పెద్దపెద్ద వృక్షాలు సైతం నేలమట్టం అయిపోతున్నాయి. కానీ ఒక చిన్న మొక్క దగ్గరికి రాగానే ఆ బండరాయి తనంతట తాను ఆగిపోయింది. అది చూసి ఆశ్చర్యానికి లోనయ్యాడు సహదేవుడు. పెద్ద పెద్ద వృక్షాలకు ఆపడం సైతం కాని పని ఒక చిన్న మొక్కకు ఎలా సాధ్యం అయిందని ఆశ్చర్యపడుతూ ఏంటి ఈ వింత అనే తనకొచ్చిన సందేహాన్ని కృష్ణుడికి చెప్పాడు. ఆ దేవుడు ప్రశ్నకు కృష్ణుడు ఈ విధంగా  సమాధానమిచ్చాడు. కలియుగంలో మానవులు విచక్షణను కోల్పోతాడు. తన పతనానికి తానే కారణం అవుతాడు. మహావృక్షాలు వంటి అతని అధికార బలం ధన బలం ఇవేమీ అతని పతనానికి ఆపలేవు. కానీ చిన్న మొక్క వంటి భగవంతుని నామస్మరణ మానవుడు వినాశనం కాకుండా ఎల్లప్పుడు కాపాడుతుంది.

కలియుగంలో ఎవరైతే అధర్మాన్ని పాటిస్తారో వారు జాలి, దయ లేకుండా, అమాయకులను పీడించుకు తింటూ వాళ్ళు మాత్రమే సుఖంగా ఉంటారు. భగవంతునిని నమ్మే వారి సంఖ్య గణనీయంగా తగ్గిపోతుంది. నాస్తికులు పుట్టగొడుగుల్లా పెరుగుపోతుంటారు. మనిషి ఆయుర్దాయం అనేది 16 సంవత్సరాలకు పడిపోతుంది. ఎనిమిది సంవత్సరాల వయసులోనే ఆడవారు పిల్లలకు జన్మనిస్తారు. అంటూ కలియుగంలో జరగబోయే నాలుగు సత్యాలను పాండవులకు వివరిస్తాడు శ్రీకృష్ణుడు.