News

కాలం ఏ క్షణాన్న ఎలా ఉంటుందో ఎవరు ఊహించలేము. ఒక్కొక్కసారి ఒక్కొక్క లాగ కాలం మారిపోతూ ఉంటుంది. అయితే రాత్రికి రాత్రి ధనవంతులు అవ్వాలని ఎవరికి ఉండదు..? ఎంత డబ్బు ఉన్నా సరే ఎవరికైనా ఆశ ఉంటుంది. అయితే అందరికీ అదృష్టం వెతుక్కుంటూ వస్తుందని చెప్పలేము.

కానీ ఒక అంబులెన్స్ డ్రైవర్ కి మాత్రం అదృష్టం దానంతట అదే వెతుక్కుంటూ వచ్చింది. లాటరీ టికెట్ కొన్న కొద్ది గంటలకే కోటి రూపాయలు అతను గెలుచుకున్నాడు. బెంగాల్ లోని తూర్పు బర్ధమాన్ జిల్లాకు చెందిన షేక్ హీరా ఆంబులెన్స్ డ్రైవర్ గా పని చేస్తున్నాడు. 270 రూపాయలు పెట్టి ఒక లాటరీ టికెట్ కొన్నాడు.

ఇంకేముంది హఠాత్తుగా మధ్యాహ్నానికి కోటి రూపాయలు జాక్ పాట్ తగిలింది. అతనికి ఏం చేయాలో తోచక పోలీస్ స్టేషన్ కి వెళ్ళాడు. ఆ తర్వాత పోలీసులు అతన్ని జాగ్రత్తగా ఇంటికి తీసుకెళ్లారు. తనకి చాలా డబ్బులు కావాలని తన తల్లి అనారోగ్యంతో బాధపడుతూ ఉందని.. చికిత్స చేయించాలని అనుకున్నాడు.

అలాగే ఒక ఇల్లు కూడా కొనుక్కోవాలని వుంది. ఈ లాటరీ అమ్మిన వ్యక్తి లాటరీ లో కోటి రావడంతో ఆశ్చర్యం వ్యక్తం చేశాడు. ఎన్నో ఏళ్లుగా ఈ వ్యాపారం చేస్తున్నాను కానీ కోటి రూపాయలు జాక్ పాట్ రావడం ఇదే మొదటిసారి అంటూ ఆనందాన్ని వ్యక్తపరిచాడు.

న్యూజిలాండ్ ప్రభుత్వం సిగరెట్ స్మోకింగ్ విక్రయాలపై ఒక సంచలన నిర్ణయం తీసుకుంది. 2027 నుండి 14 సంవత్సరాలలోపు పిల్లలకు సిగరెట్ల అమ్మకాన్ని నిషేధించబోతోంది. ఇప్పటికే పొగాకుపై కఠిన ఆంక్షలు విధిస్తున్న దేశాల్లో ఒకటిగా న్యూజిలాండ్ నిలిచింది.

భవిష్యత్తులో కూడా వీటిని అడ్డుకునేందుకు ఇతర ప్రయత్నాలు చేస్తోంది. నికోటిన్ లెవెల్ తక్కువగా ఉన్న పొగాకు ఉత్పత్తులు మాత్రమే విక్రయించాలి అని, లేదంటే తగిన చర్యలు తీసుకుంటాము అని గురువారం న్యూజిలాండ్ ప్రభుత్వం రిటైల్ వ్యాపారులకి హెచ్చరిక జారీ చేసింది.

న్యూజిలాండ్ ఆరోగ్య శాఖ సహాయ మంత్రి అయేషా వెర్రాల్ మాట్లాడుతూ, “యువత ఏనాడు సిగిరెట్లు తాగకుండా చూడాలన్నది మా కోరిక. యువతకి సిగరెట్ సరఫరా చేసినా, విక్రయించినా కూడా అది మేము నేరంగానే పరిగణిస్తాము” అని తెలిపారు. వచ్చే జూన్ లో పార్లమెంటులో బిల్లును ప్రవేశపెట్టబోతున్నారు. వచ్చే సంవత్సరం చివరికల్లా పొగాకు ఉత్పత్తుల విక్రయ నిషేధ చట్టం అమల్లోకి తీసుకురాబోతున్నారు. 2024 నుండి దశలవారీగా అంశాలను అమల్లోకి తెస్తారు. ఆథరైజ్డ్ విక్రేతలని భారీగా తగ్గించబోతున్నారు. 2025 లో నికోటిన్ స్థాయి తగ్గించాలనే నిబంధనలు అమలు చేస్తారు.

2027 కి న్యూజిలాండ్ స్మోక్ ఫ్రీ జనరేషన్ గా మార్చాలి అన్నదే వారి ఉద్దేశం. న్యూజిలాండ్ లో ప్రస్తుతం సంవత్సరానికి 5000 మంది స్మోకింగ్ అలవాటు కారణంగా మరణిస్తున్నారు. అక్కడ 18 సంవత్సరాలలోపు వయసున్న వారిలో ప్రతి ఐదుగురిలో నలుగురికి స్మోకింగ్ అలవాటు ఉంది. ఆరోగ్య శాఖ అధికారులు ప్రభుత్వ నిర్ణయాన్ని ఒప్పుకున్నా కూడా, రిటైలర్లు మాత్రం వారి వ్యాపారాలకి ఈ నష్టం జరిగే అవకాశాలు ఉన్నాయి అని ఆందోళన వ్యక్తం చేస్తున్నారు.

అతను బ్యాంకు లో ఉద్యోగి. అతని భార్య గృహిణి. ఎంతో అన్యోన్యంగా ఉండే ఆ భార్య భర్తలు భవిష్యత్ కోసం చాలానే కలలు కన్నారు. వారి జీవితానికి ఏమైందో ఏమో.. ఉన్నట్లుండి ఆత్మహత్య చేసుకోవాలనే నిర్ణయం తీసుకున్నారు. మమ్మల్ని కొత్త దంపతుల్లా అలంకరించి అంత్య క్రియలు చేయండి అంటూ ఓ లేఖ రాసి భార్యాభర్తలిద్దరూ ఆత్మహత్య చేసుకున్నారు. మధ్యప్రదేశ్ లో ఇండోర్ ఈ ఘటన చోటు చేసుకుంది. ఈ ఘటన స్థానికంగా కలకలం రేపుతోంది.

వివరాల్లోకి వెళ్తే,  ఆంధ్రజ్యోతి కథనం ప్రకారం ఇండోర్ కి చెందిన మోను అలియాస్ సూర్య ప్రకాష్ గుప్తా అనే వ్యక్తి బ్యాంకు లో ఉద్యోగం చేస్తున్నారు. అతనికి అంజలి అనే అమ్మాయితో గతంలోనే వివాహం జరిగింది. వీరు గ్రీన్ వ్యూ కాలనీలోని ఆయుష్మాన్ అపార్ట్‌మెంట్‌లో నివసిస్తున్నారు. అన్యోన్యంగా జీవనం సాగిస్తున్న వీరు మంగళవారం ఊహించని నిర్ణయం తీసుకున్నారు.

ఆత్మహత్య చేసుకుంటున్నట్లు లేఖ రాసి.. విషం తాగి ఆత్మహత్యకి పాల్పడ్డారు. కాగా.. విషయం తెలియగానే ఆ దంపతుల కుటుంబ సభ్యులు వారిని ఆసుపత్రికి తరలించారు. అయితే.. ఆసుపత్రికి తరలిస్తుండగానే మోను చనిపోయాడు. ఆసుపత్రిలో చికిత్స తీసుకుంటున్న అంజలి బుధవారం చనిపోయింది. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. “మేము బాగా అలిసిపోయాం.. బ్రతికే ధైర్యం , కష్టాలను ఎదుర్కునే శక్తీ మాకు లేదు. నా పేరుపై ఉన్న భూమి నా తల్లి పేరుమీదకి రాయండి..” అంటూ మోను రాసాడు.

అంజలి కూడా సూసైడ్ నోట్ రాసింది. “నా పెళ్ళికి ఇచ్చిన వెండి, బంగారు నగలను.. నా చెల్లి సాక్షికి ఇవ్వాలి. మా అంత్యక్రియలు చేసేటపుడు నన్ను బాగా అలంకరించండి. మా ఇద్దరినీ కొత్త వధూవరుల్లా అలంకరించి అంత్యక్రియలు చేయండి.. అమ్మా.. నాన్న నా చావుకి కారణం అత్తా మామ అని అనుకోవద్దు. మా ఇష్టానుసారమే చనిపోతున్నాం..మా చావుకి ఎవరు కారణం కాదు.. కష్టాలను ఓర్చుకుని, ఎదుర్కొనే శక్తీ మాకు లేదు.. మమ్మల్ని క్షమించండి.. లవ్ యు మమ్మీ, డాడి, లల్లి..” అంటూ లేఖ లో పేర్కొన్నారు.

తమిళనాడు పరిసర ప్రాంతాల్లో భారీ హెలికాప్టర్ ప్రమాదం చోటు చేసుకున్న సంగతి తెలిసిందే. రక్షణ దళాల ప్రధాన అధిపతి బిపిన్ రావత్, ఆయన కుటుంబ సభ్యులు, ఇతర అధికారులతో కలిసి ప్రయాణిస్తున్న హెలికాప్టర్ కూలిపోయింది.

ఈ వార్తతో యావత్ దేశం షాక్ లో మునిగిపోయింది. బిపిన్ తన చివరి కోరిక తీరకుండానే మరణించారు. బిపిన్ తన స్వస్థలమైన ఉత్తరాఖండ్ లోని సైనాలో ఇల్లు కట్టుకోవాలని అనుకున్నారు. బిపిన్ మేనమామ భరత్ మాట్లాడుతూ, “2018లో బిపిన్ చివరిసారిగా తన సొంతూరుని సందర్శించారు” అని చెప్పారు. “2018 లో బిపిన్ వచ్చినప్పుడు కుల దేవత పూజ చేశారు. రిటైర్ అయిన తర్వాత ఇక్కడ ఇల్లు నిర్మించుకుంటారు అని చెప్పారు.”

“తన స్వస్థలంతో బిపిన్ కి చాలా మంచి అనుబంధం ఉందని అన్నారు. “ఉపాధి కోసం ఈ గ్రామం ప్రజలు వేరే ఊరికి వలస వెళ్లడం తనని బాధిస్తోంది అని చెప్పేవారు. రిటైర్ అయిన తరువాత ఈ వూరి ప్రజల కోసం ఏదైనా చేస్తాను” అని చెప్పారు. “బిపిన్ నాతో ఫోన్లో మాట్లాడుతూ ఉండేవారు వచ్చేే సంవత్సరం ఊరికి వస్తాను” అని చెప్పారు. తన మేనల్లుడి కోరిక తీరకుండానే ఇలా జరుగుతుంది అని అనుకోలేదు అని అన్నారు భరత్.

బిపిన్ భార్య మధులిక సొంత ఊరు మధ్యప్రదేశ్ లో షాడోల్ జిల్లాలోని సొహాగ్‌పూర్. ప్రస్తుతం ఆమె కుటుంబ సభ్యులు అందరూ షాడోల్ లో ఉన్న వారి పూర్వీకుల ఇంట్లో నివసిస్తున్నారు. వచ్చే సంవత్సరం సొహాగ్‌పూర్‌ వచ్చి అక్కడ సైనిక పాఠశాల నిర్మాణ పనులు ప్రారంభిస్తారు అని బిపిన్ రావత్ బావమరిది యశవర్ధన్ చెప్పారు.

రోడ్డుపై వెళ్తున్నపుడు అనేక ప్రమాదాలు జరిగే అవకాశం ఉంటుంది. అందుకే ఎల్లప్పుడూ అప్రమత్తంతో ఉండాలి. ఎంత జాగ్రత్తగా ఉన్నా సరే ప్రమాదం చోటు చేసుకున్న సందర్భాలలో చుట్టూ ఉన్న వారు బాధితుడిని రక్షించే ప్రయత్నం చేయాలి. తాజాగా.. రోడ్డుపై ఓ యువకుడు కొన ఊపిరితో కొట్టుమిట్టాడుతుండగా ఓ మహిళ కాపాడిన ఘటన తమిళనాడు లో హెకోటు చేసుకుంది.

వివరాల్లోకి వెళితే, తమిళనాడులో తిరువారూర్‌లోని మన్నార్‌గుడి ప్రాంతంలో గత శుక్రవారం (డిసెంబర్ 3) రోజున ఈ ప్రమాదం జరిగింది. ఓ పాలిటెక్నిక్ విద్యార్థి వసంత్‌ బైక్ నడుపుకుంటూ వస్తున్నాడు.

అదే సమయంలో మన్నార్ గుడి జిల్లా ప్రధాన కేంద్రంలో కాంట్రాక్టు నర్స్ గా పని చేస్తున్న వనజ అనే నర్స్ కూడా కార్ లో వెళ్తోంది. వారాంతపు సెలవుల సందర్భంగా ఆమె మదుకూరు సమీపంలోని తమ చుట్టాల ఇంటికి కార్ లో వెళ్తోంది. అయితే.. ఆమె కార్ కి ముందుగా విద్యార్థి వసంత్‌ బైక్ నడుపుతూ వెళ్తున్నాడు. ఉన్నట్లుండి మేక అడ్డుగా రావడంతో బైక్ అదుపు తప్పి వసంత్ కింద పడిపోయాడు.

ఉన్నట్లుండి ఆక్సిడెంట్ జరగడంతో అతని పల్స్ పడిపోయింది. అయితే వెనకాలే కార్ లో వస్తున్న వనజ వెంటనే బండి దిగి అతనికి సిపిఆర్ ( కార్డియో పల్మనరీ రిససియేషన్ ) చేసారు. ఒక ముప్పై సెకండ్ల పాటు ఆమె కార్డియో పల్మనరీ రిససియేషన్ చేయగా ఆ యువకుడు స్పృహ లోకి వచ్చాడు. మరో రెండు నిమిషాల పాటు ఆమె కార్డియో పల్మనరీ రిససియేషన్ ను కొనసాగించింది. ఆ యువకుడు తిరిగి లేచి నడిచే స్థాయికి చేరుకున్నాడు.

వెంటనే ఆ యువకుడిని అంబులెన్సు ద్వారా తంజావూరు వైద్య కళాశాల ఆసుపత్రికి తీసుకెళ్లారు. కాంట్రాక్టు నర్స్ గా పని చేస్తున్న వనజ సకాలంలో ప్రాధమిక వైద్యం అందించడం వల్లనే ఆ యువకుడు ప్రాణాలతో క్షేమంగా బయటపడ్డాడు. కాగా.. వనజ కాపాడుతున్న టైం లో తీసిన ఫోటోలు సోషల్ మీడియా లో వైరల్ అవుతున్నాయి. నెటిజన్స్ ఆమెను ప్రశంసిస్తున్నారు. ఆమె ఉద్యోగాన్ని పర్మనెంట్ చేయాలనీ సూచిస్తున్నారు.