News

భారత మాజీ క్రికెటర్ యశ్ పాల్ శర్మ ఇక లేరు. కార్డియాక్ అరెస్ట్ కారణం గా ఆయన మంగళవారం తిరిగి రాని లోకాలకు వెళ్లిపోయారు. 1983 లో జరిగిన వరల్డ్ కప్ మ్యాచ్ లో భారత్ మొదటిసారిగా కప్ గెలిచింది. ఈ మ్యాచ్ లో క్రికెటర్ యశ్ పాల్ శర్మ కూడా పాలుపంచుకున్నారు.

ప్రస్తుతం ఆయన వయసు 66 సంవత్సరాలు. ఆయనకు భార్య, ఇద్దరు కుమార్తెలు, ఒక కుమారుడు ఉన్నారు. ఈరోజు ఉదయం మార్నింగ్ వాక్ కి వెళ్లి వచ్చిన యశ్ పాల్ శర్మ ఉన్నట్లుండి కుప్పకూలిపోయారు. హఠాత్తుగా గుండెపోటు రావడం తో ఆయన మనందరికీ దూరం అయ్యారు. ఇప్పటి వరకు ఆయన తన కెరీర్ లో 37 టెస్టులు ఆడారు. వాటిలో 1,606 పరుగులు చేసారు. అలాగే.. 42 వన్డేల్లో అతను 883 పరుగులు చేశారు. అతను ఓల్డ్ ట్రాఫోర్డ్‌లో 1983 లో జరిగిన ప్రచారంలో ఇంగ్లండ్‌తో జరిగిన సెమీఫైనల్‌లో ఆయన చేసిన అర్ధ సెంచరీ ఇప్పటికీ క్రికెట్ అభిమానులకు గుర్తుండే ఉంటుంది.

రోజు రోజుకు పెట్రోల్ ఖర్చు ఎంత పెరుగుతుందో చూస్తూనే ఉన్నాం. కానీ.. జనగాం లో నివసించే కూరపాటి విద్యా సాగర్ కి మాత్రం అవేమి పట్టడం లేదు. రోజుకు పది రూపాయల ఖర్చుతో ధూమ్ ధామ్ గా తిరిగేస్తున్నారు. అదెలా అంటే.. పెట్రోల్ వాహనాలు.. పెట్రోల్ అవసరం లేకుండా బాటరీ తోనే నడిచే ప్రత్యామ్నాయాన్ని విద్యాసాగర్ కనుక్కున్నాడు. ఆ ప్రయోగం తన బండి పైనే చేసుకుని ఇప్పుడు ఎంచక్కా బాటరీ ఛార్జ్ చేసుకుని చక్కర్లు కొట్టేస్తున్నారు.

విద్యాసాగర్ తన బైక్ కి నాలుగు 30ఏహెచ్ బ్యాటరీ లను అమర్చుకున్నాడు. ఇలా తన బండి కి బాటరీ ని కొని అమర్చుకోవడానికి అతనికి 7500 ల రూపాయలు ఖర్చు అయిందట. కానీ.. ఇలా అరెంజ్ చేసుకున్నప్పటినుంచి ఒక్కసారి ఛార్జ్ చేసుకుంటే 50 కిలోమీటర్ల మైలేజి ఇస్తోంది. ఇలా ఒకసారి ఛార్జ్ చేసుకోవడానికి ఒక యూనిట్ విద్యుత్ మాత్రమే అవసరం అవుతుందట. గతం లో బండిపైన తిరగాలంటే.. రోజుకు 200 ల రూపాయలు ఖర్చు అయ్యేదని.. ఇప్పుడు పది రూపాయల కరెంటు సరిపోతుందని చెబుతున్నాడు. ఐడియా అదుర్స్ కదా..

భువనేశ్వర్ లో ఇటీవల జరిగిన ఒక ఘటన చర్చలకు దారి తీసింది. వివరాల్లోకి వెళితే, న్యూస్ 18 తెలుగు కథనం ప్రకారం ఒరిస్సాలోని భువనేశ్వర్ లో ప్రియదర్శిని సాహూ అనే ఒక వివాహిత హత్యకు గురయ్యారు. ఆమె కాలేజీలో ఉన్నప్పుడు జగన్నాథ్ అనే వ్యక్తితో ప్రేమలో ఉన్నారు. తర్వాత విభేదాలు వచ్చి వారిద్దరు విడిపోయారు. 2015 లో ప్రియదర్శిని రాకేష్ అనే వ్యక్తిని పెళ్లి చేసుకున్నారు.

అయితే ఇటీవల జగన్నాథ్ ప్రియదర్శిని ఇంటికి వెళ్లి ఆమెను చంపి తాను కూడా చనిపోవాలని, అలాగే ప్రియదర్శిని మూడు సంవత్సరాల కొడుకుని కూడా చంపేయాలి అని ప్లాన్ వేశాడు. కానీ ఆ బాబు అప్పుడు వేరే వ్యక్తుల దగ్గర ఉన్నాడు. రాకేష్ కూడా ఆఫీస్ లో ఉన్నారు. దాంతో జగన్నాథ్ “నేను చంపుతాను. చేస్తాను” అని ఒక సూసైడ్ నోట్ రాసి, ప్రియదర్శినిని చంపి, తాను తన చేతిని కోసుకున్నాడు.

ప్రియదర్శినిని చంపే ముందు జగన్నాథ్, రాకేష్ కి వీడియో కాల్ చేశాడు. కానీ రాకేష్ ఆఫీస్ పనిలో బిజీగా ఉండి ఫోన్ రిసీవ్ చేసుకోలేదు. ఆ కోపంలో జగన్నాథ్ ప్రియదర్శిని డెడ్ బాడీ ఫోటోలను రాకేష్ కి పంపాడు. ఆ ఫోటో చూసిన రాకేష్ తన పక్క ఫ్లాట్ లో ఉండే ఇండియన్ ఓవర్సీస్ బ్యాంక్ రిటైర్డ్ ఉద్యోగి అయిన మహారాణా కి కాల్ చేసి తన ఇంటికి వెళ్ళమని కోరగా, ఇంటికి వెళ్లిన మహారాణా ఫ్లాట్ డోర్ లోపల నుండి లాక్ చేసి ఉంది అని మహారాణా పోలీసులకి కాల్ చేశారు.

వాళ్ళు వచ్చి తలుపు తీసి చూసినప్పుడు ప్రియదర్శిని చనిపోయి ఉండగా జగన్నాథ్ మృత్యువుతో పోరాడుతూ కనిపించాడు. దాంతో ప్రియదర్శిని మృతదేహాన్ని పోస్టుమార్టానికి తరలించారు. జగన్నాథ్ ని ఆస్పత్రికి తరలించి, డాక్టర్ల సమక్షంలో జగన్నాథ్ నుండి స్టేట్మెంట్ తీసుకున్నారు.

ప్రియదర్శినిని తను 12 సంవత్సరాలుగా ప్రేమిస్తున్నట్టు జగన్నాథ్ తెలిపాడు. ఎన్నో సార్లు ఆమె ఇంటికి వెళ్ళాను అని, రాకేష్ కి విడాకులు ఇచ్చి తనని పెళ్లి చేసుకోవాలి అని జగన్నాథ్ కొన్ని సార్లు అడిగాను అని, అయినా సరే ప్రియదర్శిని స్పందించలేదు అని దాంతో చంపడమే సరైన పరిష్కారం అని భావించి అలా చేశాను అని పోలీసులకు తెలిపాడు.

కరోనా మహమ్మారి తగ్గింది అని అనుకుంటూనే ఉన్న సమయం లో కేసులు పెరుగుతూనే వస్తున్నాయి. సెకండ్ వేవ్ ఉద్ధృతం ఇంకా తగ్గలేదని.. గత 24 గంటలలో నమోదైన కేసులే చెబుతున్నాయి. గత 24 గంటలలో దేశవ్యాప్తం గా 32,906 కొత్త కేసులు నమోదయ్యాయి. నిన్న ఒక్కరోజులోనే దాదాపు 2,020 మంది కరోనా కారణం గా ప్రాణాలు వదిలారు.

ఇప్పటివరకు 3,09,07,282 కరోనా కేసులు నమోదు కాగా, ప్రస్తుతం 4,32,778 ఆక్టివ్ కేసులు ఉన్నాయి. ఇప్పటి వరకు దేశ వ్యాప్తం గా 4,10,784 మంది కరోనా కారణం గా మృత్యువాత పడ్డారు. అత్యవసర పరిస్థితుల్లోనే, తగు జాగ్రత్తలు తీసుకుని బయటకు వెళ్ళండి.

ప్రముఖ క్రిటిక్, నటులు కత్తి మహేష్ గత శనివారం తన ప్రాణాలను కోల్పోయారు. ఈ సంవత్సరం జూన్ లో యాక్సిడెంట్ కి గురైన కత్తి మహేష్ చెన్నైలో అపోలో ఆస్పత్రిలో చికిత్స తీసుకుంటూ చివరి శ్వాస విడిచారు. కత్తి మహేష్ మృతిపై ఎంతో మంది సినీ ప్రముఖులు సంతాపం వ్యక్తం చేశారు. కత్తి మహేష్ అంత్యక్రియలు జులై 12వ తేదీన నిర్వహించారు. ఈ క్రమంలో ఎంతో మంది గ్రామస్తులు తరలివచ్చారు.

అంతిమయాత్రలో మాదిగ రిజర్వేషన్ పోరాట సమితి వ్యవస్థాపక అధ్యక్షుడు మందకృష్ణ మాదిగ కూడా పాల్గొన్నారు. కత్తి మహేష్ పాడె మోసి, ఆయన మృతదేహాన్ని ఖననం చేసే వరకు మందకృష్ణ అక్కడే ఉన్నారు. అయితే అంతకుముందు మందకృష్ణ మాదిగ మీడియాతో మాట్లాడుతూ కత్తి మహేష్ మృతిపై కొన్ని సంచలన కామెంట్స్ చేశారు. కత్తి మహేష్ మరణంపై ఆయనకి అనేక అనుమానాలు ఉన్నట్టు వ్యక్తం చేశారు.

సమయం కథనం ప్రకారం మందకృష్ణ మాదిగ మాట్లాడుతూ, “కారులో కత్తి మహేష్ తో పాటు ప్రయాణించిన సురేష్ అనే వ్యక్తికి ఒక గాయం కూడా కాకపోవడం అనుమానాలకు దారి తీస్తోంది అని అన్నారు. డ్రైవింగ్ సీట్ లో కూర్చున్న సురేష్ వైపుగానే కారు నుజ్జు నుజ్జు అవ్వగా, అతనికి చిన్న గాయం కూడా కాకపోవడం, సురేష్ పక్కన కూర్చున్న కత్తి మహేష్ కి అంత తీవ్రంగా గాయాలు కావడం వంటి పరిణామాలు అనుమానాలకు దారి తీస్తున్నాయి అని పేర్కొన్నారు.

అలాగే చెన్నై అపోలో ఆస్పత్రిలో చేర్పించినప్పటి నుంచి అంతా బాగానే ఉంది అని, కత్తి మహేష్ కొద్ది రోజుల్లోనే కోలుకుని డిశ్చార్జి అవుతారని ప్రకటించిన కొద్ది గంటల్లోనే ఆయన మరణించారు అని చెప్పడం అనుమానంగా ఉంది అని అన్నారు. కత్తి మహేష్ కి ప్రమాదం జరిగినప్పటి నుంచి, ఆయన మరణం వరకు సమగ్ర దర్యాప్తు జరిపించాలని ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డిని మందకృష్ణ కోరారు. 2019 ఎన్నికల సమయంలో వైసీపీకి ఎంతో మద్దతు తెలిపిన కత్తి మహేష్ అభివృద్ధిపై ఉన్న మిస్టరీని ఛేదించాల్సిన బాధ్యత జగన్మోహన్ రెడ్డిపై ఉంది అని పేర్కొన్నారు.

watch video :

video sourced from : Samayam Telugu