News

అన్నా , సాయం అని అడిగితే వెంటనే స్పందించే వాళ్లల్లో కెటిఆర్ ముందుంటారు..అటువంటిది తనే స్వయంగా సాయం చేస్తా అని మాట ఇచ్చాక ఎలా సాయం చేయకుండా ఉంటారు..ఇటీవల మరణించిన హోంగార్డు కుటుంబాన్ని ఆదుకుంటామని ఇచ్చిన మాటను నిలబెట్టుకున్నారు మంత్రి కెటిఆర్..మరణించిన హోంగార్డు కూతురికి ఉద్యోగం ఇప్పించి ఆ కుటుంబంలో తిరిగి సంతోషం నింపారు.

రాజన్న సిరిసిల్లా జిల్లా తంగళ్లపల్లి మండలం బద్దెనపల్లికి చెందిన హోంగార్డు సిలువేరి దేవయ్యా.. లాక్ డౌన్ విదుల్లో వడదెబ్బ తగిలి ఏప్రిల్ 15న మరణించాడు..  తర్వత ఏప్రిల్ 24వ తేదీన దేవయ్య కుటుంబాన్ని పరామర్శించారు మంత్రి కెటిఆర్.. ఆ కుటుంబానికి అండగా ఉంటానని భరోసానిచ్చారు.. 5లక్షల రూపాయల ఆర్ధిక సహాయంతో పాటు దేవయ్య కూతురు నవ్యకి ఉద్యోగం కల్పిస్తామని మాటిచ్చారు.

screenshot from etv telangana youtube video

అప్పుడు ఇచ్చిన మాటని నిలబెట్టుకుని దేవయ్య కూతురు సిలివేరు నవ్యకి  వేముల వాడ రూరల్ మండల్ పరిషత్ కార్యలయంలో ఈజిఎస్ కంప్యూటర్ ఆపరేటర్ గా ఉద్యోగం ఇప్పించారు. దేవయ్య కుటుంబసభ్యులు కెటిఆర్ కి కృతజ్ణతలు తెలుపారు..నవ్య మాట్లాడుతూ ఇంటికి పెద్ద దిక్కు నాన్న చనిపోవడంతో అంతా ఆగమాగం అయింది. కెటిఆర్ అన్న మాట ఇచ్చినంక కొంచెం ధైర్యం వచ్చింది. కెటిఆర్ నాకు దేవుడిచ్చిన అన్న..అన్న చూసిన కొలువు చేసుకుంటూ కుటుంబాన్ని చూస్కుంటా అని నవ్య కన్నీటి పర్యంతమవుతూ చెప్పింది.

ఇప్పటికి ఎప్పటికి ప్రేమకు చిహ్నం గా తాజ్ మహల్ అని చెప్తూ ఉంటారు.అయితే తాజాగా ఉత్తరప్రదేశ్ లో ఉరుములతో కూడిన వర్షం పడడం వలన తాజ్ మహల్ లో కొన్ని పిల్లర్లు ,గేట్ లు ,ప్రధాన స్మారక చిహ్నం మరియు కొన్ని చెట్లు దెబ్బతిన్నాయి.వివరాల్లోకి వెళ్తే ..

గత శుక్రవారం రాత్రి ఉత్తరప్రదేశ్ అంతటా కూడా భారీగా ఉరుములతో కూడిన వర్షం పడింది.దీనివలన తాజ్ మహల్ పడమర ద్వారం దగ్గర ఉండే చెక్కతో కూడిన టికెట్ కౌంటర్,ప్రధాన ద్వారం వైపు ఉండే తొమ్మిది అడుగుల పాలరాయి పిల్లర్,యమునా నది వైపుగా ఉండే ప్రధాన చిహ్నం మరియు తాజ్ మహల్ చుట్టూ ఉండే చాలా చెట్లు దెబ్బతిన్నాయి.ఆర్కియాలజీ సిస్టం అఫ్ ఇండియా ప్రధాన అధికారి వివి విద్యావతి తాజ్ మహల్ ను సందర్శించి నష్ట తీవ్రతను అంచనా వేశారు.అయితే తాజ్ మహల్ లో దెబ్బతిన్న చిహ్నాలను ,పిల్లర్లను మరియు తదితర వాటిని బాగుచెయ్యాలంటే 20 లక్షల వరకు ఖర్చు అవుతుంది అని వివి విద్యావతి వెల్లడించారు.

కాగా ఉత్తరప్రదేశ్ లో సంభవించిన ఈ ఉరుములతో కూడిన వర్షం కారణంగా ముగ్గురు వ్యక్తులు మరణించగా పలు జంతువులు కూడా పెద్ద సంఖ్యలో మరణించాయి.ఇంకా కొంతమంది తీవ్రంగా గాయపడి ఆసుపత్రి లో చికిత్స పొందుతున్నారు.అయితే ఇప్పటికే ఈ ఘటనలో మరణించిన వారి ఒక్కో కుటుంబానికి నాలుగు లక్షల రూపాయల నష్ట పరిహారాన్ని ప్రకటించారు ఉత్తరప్రదేశ్ ముఖ్యమంత్రి యోగి ఆదిత్యనాథ్.

Agra: Thunderstorm in the city yesterday,damaged Taj Mahal’s wooden gate, marble railing & 2 red sandstone meshes. “Ticket area&pivot stone on western entry gate damaged. Many trees also uprooted,” says Vasant Swarnkar, Superintending Archaeologist, Archaeological Survey of India pic.twitter.com/hqh5EMDj0U

— ANI UP (@ANINewsUP) May 31, 2020

ఈ రోజుల్లో వివిధ పరిస్థితుల కారణంగా నేర ప్రవృతి బాగా పెరుగుతుంది.డబ్బులు ఈజీ గా సంపాదించడినికి దొంగతనాలు ,చోరీలకు పాల్పడుతున్నారు.కానీ పెరుగుతున్న టెక్నాలజీ కారణంగా ఇలా నేరాలకు పాల్పడినవాళ్లు వెంటనే పోలీసులకు దొరికిపోతున్నారు.అయితే తాజాగా రంగారెడ్డి జిల్లా యాచారం మండలం మంతెన గౌరెల్లి గ్రామంలో మంత్రాల ఎల్లమ్మ దేవాలయంలో చోరీ జరిగింది.ఈ ఘటనకు సంబందించిన వివరాలు ఇలా ఉన్నాయి.

లాక్ డౌన్ కారణంగా సామాజిక దూరాన్ని భంగం కలిగించే సినిమా థియేటర్స్ ,రెస్టారెంట్స్ ,మాల్స్ ,కాలేజీలు అలాగే దేవాలయాలను కూడా మూసివేసిన సంగతి తెలిసిందే.కాబట్టి ఈ సమయంలో దేవాలయానికి అర్చకులు ,భక్తులు కూడా రాకుండా కాలిగా ఉన్నాయి.ఇదే సరైన సమయం అనుకున్నారు ఇద్దరు వ్యక్తులు.దేవాలయంలోకి రహస్యంగా ప్రవేశించి హుండీని పగలకొట్టి అందులో ఉన్న డబ్బులు మరియు వివిధ కనుకులను దొంగలించారు.అయితే సమాచారం అందుకున్న పోలీసులు వెంటనే రంగంలోకి దిగారు.వెంటనే ఆలయానికి సంబందించిన సీసీ టీవీ ఫుటేజ్ ను పరిశీలించాగా అందులో చోరీ ఎలా జరిగింది ఏవరు చేసారు అనే విషయాలు వెలుగులోకి వచ్చాయి.

చోరీకి పాల్పడ్డ వ్యక్తులు మర్రిగూడ మండలం గుండ్లపల్లి గ్రామస్థులు అని అభిప్రాయపడుతున్నారు.అయితే నేరానికి పాల్పడిన వారిని త్వరలోనే గుర్తించి వారిపై కేసు నమోదు చేస్తామని స్థానిక సిఐ వెల్లడించారు.పవిత్ర స్థలములు ఐన దేవాలయాలను కూడా దోపిడీ చేసేవారు చాలామందే ఉన్నారని అలంటి వారిని కఠినంగా శిక్షించాలని మళ్ళీ ఇలా ఎవరూ దేవాలయాలను చోరీ చెయ్యకూడదని పలువురు నెటిజన్లు తమ అభిప్రాయాలను వ్యక్తం చేస్తున్నారు.