News

తెలంగాణలో కాంగ్రెస్ ప్రభుత్వం అధికారంలోకి వచ్చింది. నిన్న ఎల్బీ స్టేడియంలో తెలంగాణ ముఖ్యమంత్రిగా రేవంత్ రెడ్డి ప్రమాణస్వీకారం చేసి బాధ్యతలు చేపట్టారు. ఆయనతోపాటు క్యాబినెట్ మంత్రులుగా పలువురు ప్రమాణ స్వీకారం చేశారు.

ఈ ప్రమాణస్వీకారం కార్యక్రమానికి కాంగ్రెస్ నాయకులు సోనియా గాంధీ, ప్రియాంక గాంధీ, రాహుల్ గాంధీ తదితరులు హాజరయ్యారు. ఈ ప్రమాణ స్వీకార కార్యక్రమానికి వేలాది మంది జనం హాజరయ్యారు. గవర్నర్ తమిళసై సీఎం చేత, మంత్రుల చేత ప్రమాణ స్వీకారం చేయించారు.
ఒక క్యాబినెట్ లో మంత్రులు వివరాలు చూస్తే…

1.మల్లు భట్టి విక్రమార్క:

రేవంత్ క్యాబినెట్ లో డిప్యూటీ సీఎంగా మల్లు భట్టి విక్రమార్క ప్రమాణ స్వీకారం చేశారు. భట్టి విక్రమార్క కాంగ్రెస్ పార్టీలో సీనియర్ నాయకుడు. పాదయాత్ర చేసి కాంగ్రెస్ పార్టీ విజయంలో కీలక పాత్ర పోషించారు.

2. ఉత్తమ్ కుమార్ రెడ్డి:

మాజీ పీసీసీ చీఫ్ ఉత్తంకుమార్ రెడ్డి రేవంత్ క్యాబినెట్ లో మంత్రిగా ప్రమాణస్వీకారం చేశారు. గతంలో ఉమ్మడి ఆంధ్రప్రదేశ్ లో హౌసింగ్ మినిస్టర్ గా కూడా పనిచేశారు.

3. కోమటిరెడ్డి వెంకటరెడ్డి:

కోమటిరెడ్డి వెంకటరెడ్డి రేవంత్ క్యాబినెట్ లో మంత్రిగా ప్రమాణ స్వీకారం చేశారు. గతంలో వైయస్ క్యాబినెట్ లో ఐటీ మినిస్టర్ గా కూడా పనిచేశారు.

4. ధనసరి అనసూయ సీతక్క:

నక్సలైట్ బ్యాక్ గ్రౌండ్ నుంచి వచ్చిన సీతక్క ములుగు నుండి వరుసగా ఎమ్మెల్యేగా ఎన్నికయ్యారు. ఈసారి రేవంత్ క్యాబినెట్ లో సీతక్కకు మంత్రి పదవి దక్కింది. సీతక్క మంత్రిగా ప్రమాణ స్వీకారం చేసేటప్పుడు స్టేడియం దద్దరిల్లింది.

5. పొన్నం ప్రభాకర్:

పొన్నం ప్రభాకర్ కాంగ్రెస్ పార్టీలో చాలా కాలం నుండి ఉన్నారు. కాంగ్రెస్ పార్టీ వర్కింగ్ కమిటీలో కూడా పనిచేశారు. ఈసారి ఆయనకు రేవంత్ క్యాబినెట్ లో మంత్రిగా అవకాశం దక్కింది.

6. దామోదర రాజనర్సింహ:

దామోదర రాజనర్సింహ కూడా కాంగ్రెస్ పార్టీలో సీనియర్ నాయకుడు. ఉమ్మడి ఆంధ్రప్రదేశ్ లో విద్యాశాఖ, వ్యవసాయ శాఖ మంత్రిగా పనిచేశారు. రేవంత్ క్యాబినెట్ లో కూడా మంత్రిగా అవకాశం దక్కింది.

7. శ్రీధర్ బాబు:

శ్రీధర్ బాబు కూడా కాంగ్రెస్ పార్టీలో సీనియర్ నాయకుడు. ఏఐసీసీ లో వర్కింగ్ మెంబర్ గా ఉన్నారు. ఉమ్మడి ఆంధ్రప్రదేశ్ లో సివిల్ సప్లై మినిస్టర్ గా కూడా పనిచేశారు. ఈసారి రేవంత్ క్యాబినెట్ లో మంత్రిగా అవకాశం దక్కించుకున్నారు.

8. తుమ్మల నాగేశ్వరరావు:

ఎన్టీ రామారావు, చంద్రబాబు నాయుడు, కేసీఆర్ లాంటి ముగ్గురు ముఖ్యమంత్రిలతో పనిచేసిన అనుభవం తుమ్మల నాగేశ్వరరావుకు ఉంది. మొన్నటి వరకు బిఆర్ఎస్ లో ఉన్న తుమ్మల కాంగ్రెస్ పార్టీలో చేరి ఎమ్మెల్యేగా నెగ్గి ఇప్పుడు రేవంత్ క్యాబినెట్ లో మంత్రిగా అవకాశం దక్కించుకున్నారు.

9. పొంగులేటి శ్రీనివాస్ రెడ్డి:

బిఆర్ఎస్ నుండి సస్పెండ్ అయిన పొంగలేటి కాంగ్రెస్ పార్టీలో చేరారు. ఎమ్మెల్యే ఇప్పుడు రేవంత్ క్యాబినెట్ లో మినిస్టర్ గా అవకాశం పొందారు.

10. కొండా సురేఖ:

కాంగ్రెస్ పార్టీలో ఉన్న సీనియర్ నాయకురాలు. వైయస్ క్యాబినెట్ లో స్త్రీ సంక్షేమ శాఖ మంత్రిగా పనిచేశారు. తర్వాత వైఎస్ఆర్సిపి, బీఆర్ఎస్ లో కూడా చేరారు. మళ్లీ సొంత గుటి కాంగ్రెస్ పార్టీకి వచ్చి ఎమ్మెల్యే గారికి ఇప్పుడు మినిస్టర్ గా అవకాశం దక్కించుకున్నారు.

11. జూపల్లి కృష్ణారావు:

వైయస్ క్యాబినెట్, కిరణ్ కుమార్ రెడ్డి క్యాబినెట్ లో మినిస్టర్ గా పనిచేసిన అనుభవం ఉంది. ఎలక్షన్స్ కి ముందు కాంగ్రెస్ పార్టీలో చేరి ఎమ్మెల్యే గారికి ఇప్పుడు రేవంత్ క్యాబినెట్ లో మంత్రిగా అవకాశం పొందారు.

కాంగ్రెస్ పార్టీ అధికారంలోకి వస్తే హామీలను నెరవేరుస్తామని రేవంత్ రెడ్డి ఎన్నికల ప్రచారం ఇచ్చిన మాట ప్రకారం ఒక్కోటి నెరవేర్చుకుంటూ వస్తున్నారు. అయితే కాంగ్రెస్ అధికారంలోకి వచ్చిన వెంటనే ఒక దివ్యంగురాలికి ఉద్యోగం ఇస్తామని రేవంత్ రెడ్డి ఎన్నికల ప్రచారం అప్పుడు చెప్పారు.

చెప్పిన విధంగానే నిన్న ప్రమాణ స్వీకారం చేసిన తర్వాత దివ్యంగురాలకి ఉద్యోగం నియమక పత్రాలు అందించారు. పూర్తి వివరాల్లోకి వెళితే…

ఈ అక్టోబరు 17న కాంగ్రెస్ పార్టీ ప్రచారం సమయంలో గాంధీ భవన్‌లో రేవంత్‌ రెడ్డిని ఆమె కలిశారు.తనకు ఉద్యోగం లేదన్న ఆవేదనను రేవంత్‌కు చెప్పుకున్నారు. ఆ సమయంలో కాంగ్రెస్ అధికారంలోకి వస్తే తప్పకుండా మొదటి ఉద్యోగం ఆమెకే ఇస్తామని రేవంత్ హామీ ఇచ్చారు. ఆమె పేరు, ఫోన్ నంబర్ వంటి వివరాలు రాసుకుని కాంగ్రెస్ పార్టీ విడుదల చేసిన ఆరు గ్యారెంటీలకు సంబంధించిన పత్రంపై రేవంత్ రెడ్డి సంతకం చేసి ఆమెకు అందించారు.

ఇచ్చిన మాట ప్రకారం, పార్టీ గెలిచిన తరువాత ప్రమాణ స్వీకారోత్సవానికి రజనిని ఆహ్వానించారు రేవంత్ రెడ్డి. దీంతో ఆమెకు ఉద్యోగ నియామక ఉత్తర్వులు తీసుకురావల్సిందిగా దివ్యాంగుల సంక్షేమ శాఖను ఆదేశించారు. రేవంత్ రెడ్డి ఆదేశాలు మేరకు ఉత్తర్వులు సిద్ధం చేసిన అధికారులు ప్రమాణ స్వీకారం అయిన వెంటనే ముఖ్యమంత్రి రేవంత్ కు అందివ్వగా, ఆయన వాటిపై సంతకం చేసి, రజనికి శాలువా కప్పి, ఆ పత్రాలను ఆమె చేతికిచ్చారు. ఈ కార్యక్రమంలో ఆమె కుటుంబ సభ్యులు కూడా పాల్గొన్నారు.

ఆమెకు తెలంగాణ స్టేట్ సీడ్ అండ్ ఆర్గానిక్ సర్టిఫికేషన్ ఏజెన్సీ (టీఎస్‌ఎస్ఓసీఏ)లో ప్రాజెక్టు మేనేజర్‌గా కాంట్రాక్ట్ ప్రాతిపదికన ఉద్యోగం కల్పించారు. ఆమెకు నెలకు రూ.50,000 వేతనం అందుతుందని ప్రభుత్వ ఉత్తర్వుల్లో పేర్కొన్నారు. రజని ఉద్యోగంపై చేసింది రెండవ సంతకం కాగా, మొదటి సంతకం ఆరు గ్యారెంటీల అమలుకు సంబంధించిన ఫైలుపై పెట్టారు సీఎం రేవంత్.
ఇచ్చిన మాట ప్రకారం రజనీకి ఉద్యోగం అందించినందుకు ఆమె కుటుంబ సభ్యులు రేవంత్ రెడ్డికి కాంగ్రెస్ పార్టీకి కృతజ్ఞతలు తెలియజేశారు.

ప్రస్తుతం తెలంగాణ రాజకీయాలలో ఎక్కువగా వినిపిస్తున్న పేరు రేవంత్ రెడ్డి. ఈ పేరు ఏపీ రాజకీయాలలో కూడా ఎక్కువగా వినిపిస్తున్న విషయం తెలిసిందే. ఇటీవల తెలంగాణలో జరిగిన ఎన్నికలలో భారీ మెజారిటీతో గెలుపొందారు రేవంత్ రెడ్డి. దీంతో అప్పటినుంచి కాంగ్రెస్ పార్టీలో అంబరాలు సంబరాలు అంటుతున్నాయి. ఇది ఇలా ఉంటే తాజాగా తెలంగాణ ముఖ్యమంత్రిగా రేవంత్ రెడ్డి ప్రమాణస్వీకారం చేశారు. అనంతరం ఎల్బీ స్టేడియంలో నిర్వహించిన బహిరంగ సభలో చాలా సేపు ప్రసంగించారు. ఈ సందర్భంగా రేవంత్ రెడ్డి మాట్లాడుతూ.. తెలంగాణ ప్రభుత్వంలో ప్రజలే భాగస్వామ్యులు.

మేము పాలకులం కాదు. ప్రజా సేవకులం. ప్రజలు ప్రగతి భవన్ కు రావచ్చుఅని తెలిపారు రేవంత్ రెడ్డి. ప్రజాభవన్ లో ప్రజా పరిపాలన అందిస్తాము. ప్రజాభవన్ కు ప్రజలు ఎప్పుడైనా రావచ్చు. కాంగ్రెస్ సమిధిగా మారి తెలంగాణ ఇచ్చింది. అమరవీరుల ఆకాంక్షలను నెరవేరుస్తాం అని సీఎం రేవంత్ రెడ్డి తెలిపారు. ప్రసంగం ముగిసిన తర్వాత రేవంత్ రెడ్డి ముందుగా మాట ఇచ్చిన ప్రకారం ఆరు గ్యారెంటీల అభయ హస్తం అమలు ఫైలుపై తొలి సంతకం చేశారు. అనంతరం రజిని అనే దివ్యాంగురాలికి ఉద్యోగాన్ని కల్పిస్తూ సంతకం చేశారు.

రేవంత్ రెడ్డి మాట ఇచ్చిన ప్రకారం,తొలి సంతకం అభయహస్తం ఫైలుపై చేయడంతో పాటు రజిని అనే దివ్యాంగురాలికి ఉద్యోగం కల్పిస్తూ సంతకం చేసి ఇచ్చిన మాట నిలబెట్టుకున్నారు. కాంగ్రెస్ పార్టీ ఎన్నికలకు ముందు మేనిఫెస్టోలో ఆరు గ్యారెంటీలను ప్రకటించింది. కాగా ఉద్యోగం కల్పించాలని రజిని అనే దివ్యాంగురాలు కొంతకాలం క్రితం గాంధీభవన్ లో కలిసి రేవంత్ ను కోరగా కాంగ్రెస్ ప్రభుత్వం అధికారంలోకి రాగానే ఉద్యోగం ఇస్తానని హామీనిచ్చారు. ఇచ్చిన మాట ప్రకారమే రజిని అనే దివ్యంగురాలికి ఉద్యోగం కల్పిస్తూ ఫైలుపై సంతకం చేశారు.

తాజాగా ఛత్తీస్‌గఢ్ లో జరిగిన శాసనసభ ఎన్నికల్లో బీజేపీ విజయం సాధించిన విషయం తెలిసిందే. దాదాపు ఐదేళ్ల తర్వాత తిరిగి అధికారాన్ని హస్తగతం చేసుకుంది. కానీ ఛత్తీస్‌గఢ్ విజయం సాధిస్తామని ఆత్మవిశ్వాసంతో ఉన్న కాంగ్రెస్ కు ఊహించని షాక్ ఎదురైంది. దాదాపు అన్ని ఎగ్జిట్‌ పోల్స్ కాంగ్రెస్‌కు అధికారం దక్కుతుందని అంచనా వేశాయి. కానీ ఫలితాలు మాత్రం తారుమారయ్యాయి. హస్తం పార్టీ నుంచి బరిలో నిలిచిన డిప్యూటీ సీఎం సహా పలువురు ప్రముఖులు పరాజయం చవిచూశారు. అంతే కాకుండా ఒక అనామకుడి చేతిలో ఏడుసార్లు ఎమ్మెల్యే, మంత్రి ఓడిపోవడం ఆశ్చర్య పోవాల్సిన విషయం.

ఆ సామాన్యుడి విజయం రాజకీయ వర్గాల్లో మరో సంచలనం సృష్టించింది. అయితే కొడుకును అలర్లి మూకలు పొట్టనబెట్టుకోవడంతో న్యాయం కోసం రోజు కూలీ అయిన ఈశ్వర్ సాహు పోరాటం చేశారు. తనకు న్యాయం దొరక్కపోవడంతో కడుపు మండి ఎన్నికల బరిలో దిగారు. అతడికి బీజేపీ టిక్కెట్ ఇవ్వడంతో ఏడుసార్లు ఎమ్మెల్యేగా గెలిచిన మంత్రి రవీంద్ర చౌబే పై విజయం సాధించి అందర్నీ ఆశ్చర్యానికి గురి చేశారు. అలాగే ఎమ్మెల్యే గా ఛత్తీస్‌గఢ్‌ అసెంబ్లీ లో అడుగుపెట్టి పెను సంచలనం సృష్టించారు. సాజా నియోజకవర్గం నుంచి ఈశ్వర్ సాహు 5,196 ఓట్ల మెజార్టీతో గెలుపొంది జెయింట్ కిల్లర్‌గా నిలిచారు. ఈ ఎన్నికల్లో సాహుకు 1,01,789 ఓట్లు, కాంగ్రెస్ మంత్రి రవీంద్ర చౌబేకు 96,593 ఓట్లు వచ్చాయి.

అయితే 2013 అసెంబ్లీ ఎన్నికల తప్ప 1985 నుంచి సాజా నియోజకవర్గం నుంచి చౌబే గెలుపొందుతూ వచ్చారు. భూపేశ్ బఘేల్ క్యాబినెట్‌లో శాసనసభ వ్యవహారల శాఖ మంత్రిగా పనిచేసిన రవీంద్ర చౌబే 2009 నుంచి 2013 వరకూ అసెంబ్లీలో ప్రతిపక్ష నేతగా ఉన్నారు. ఇక, ఎన్నికల ప్రచారంలో మంత్రి చౌబేపై పదే పదే ఎదురుదాడి చేసిన ఈశ్వర్ సాహు ప్రజాప్రతినిధిగా ఆయన తన కర్తవ్యాన్ని పూర్తిగా నిర్వర్తించలేకపోయారని దుయ్యబట్టారు. అలాగే తన కొడుకును చంపిన హం-తకులకు కొమ్ము కాశారని ఆరోపించారు.

కాగా, ఈశ్వర్ సాహు కుమారుడు భువనేశ్వర్ సాహు ఈ ఏడాది ఏప్రిల్‌లో బెమెతార జిల్లా బిరాన్‌ పూర్ గ్రామంలో జరిగిన మతఘర్షణల్లో ప్రాణాలు కోల్పోయాడు. వేర్వేరు కమ్యూనిటీలకు చెందిన ఇద్దరు విద్యార్థుల మధ్య సైకిల్ ఢీకొట్టిన విషయంలో జరిగిన గొడవ రెండు వర్గాల మధ్య ఘర్షణగా మారిపోయింది. ఇది క్రమంగా ఆ ప్రాంతంలో మత ఘర్షణకు దారితీసింది. ముస్లిం సామాజిక వర్గానికి చెందిన వ్యక్తుల చేతుల్లో సాహు హ-త్యకు గురయ్యాడు. అతడ్ని ఇంటి నుంచి లాక్కెళ్లి అతి దారుణంగా క-త్తులతో పొ-డిచి చంపారు.

నచ్చావులే సినిమాతో హీరోయిన్ గా కెరీర్ మొదలు పెట్టి, తర్వాత ఎన్నో సినిమాలు చేసి గుర్తింపు తెచ్చుకున్న నటి మాధవి లత. గత కొన్ని సంవత్సరాల నుండి మాధవి లత సోషల్ మీడియాలో కూడా చాలా యాక్టివ్ గా ఉంటున్నారు. ఎన్నో విషయాలు పై స్పందిస్తూ తన అభిప్రాయాలని వ్యక్తం చేస్తున్నారు. తాజాగా తెలంగాణ ఎన్నికల్లో కాంగ్రెస్ గెలవడంపై కూడా ఆమె కామెంట్ చేసారు.

5 ఏళ్ల తర్వాత తెలంగాణ ఇలా ఉంటుంది అంటూ 5 పాయింట్స్ లిస్ట్ చేసారు.
1.. తిండి ఉండదు
2. జాబ్స్ ఉండవు
3. మహిళలకు భద్రత ఉండదు.
4. హిందూ పడగలు ఉండవు.
5. శాంతి ఉండదు

కాంగ్రెస్ పాలనను రావణ సామ్రాజ్యం అంటూ కూడా పోల్చారు మాధవి లత. కాంగ్రెస్ తో పోలిస్తే బీఆర్ఎస్ కి 99 మార్కులు ఇస్తాను అంటూ పోస్ట్ లో వ్యక్తం చేసారు.

https://www.instagram.com/p/C0YlpugJy4o/

మాధవి లత చేసిన ఈ పోస్ట్ పై విభిన్న కామెంట్స్ వస్తున్నాయి. కొందరు సమర్దిస్తుంటే. కొందరు వ్యతిరేకిస్తున్నారు.ఆ పోస్ట్ ఇప్పుడు వైరల్ గా మారింది.

ఇది ఇలా ఉంటె…తెలంగాణ ఎన్నికల పరిణామం ఎన్నడు ఎవరు ఊహించని విధంగా వచ్చింది. మార్పు కావాలి అంటూ ఒకపక్క అంటూ 6 గ్యారంటీల ఆశ చూపించి అధికారం చేజిక్కించుకుంది కాంగ్రెస్ పార్టీ. అయితే గ్రేటర్ హైదరాబాద్ లో మాత్రం గులాబీ వికాసం పై ఇవి ఏవి ప్రభావం చూప లేకపోయాయి. మొత్తం 119 నియోజకవర్గాలలో 64 స్థానాలు కాంగ్రెస్ హస్తగతమయ్యాయి. మరోపక్క గ్రేటర్ పరిధిలో ఉన్న 15 నియోజకవర్గాలలోని ఏడు స్థానాలలో కారు స్పీడ్ కొనసాగింది. కాంగ్రెస్ హై కమాండ్ రేవంత్ రెడ్డిని సీఎం గా ప్రకటించింది. డిసెంబర్ 7 న ప్రమాణ స్వీకారం చేయనున్నారు.