News

ఐదు శతాబ్దాలు, అంటే 500 ఏళ్ల సుదీర్ఘ నిరీక్షణ తర్వాత అయోధ్యలోని రామ మందిరంలో రాముడు కొలువుతీరాడు. శ్రీరాముడి విగ్రహాన్ని నరేంద్ర మోడీ ప్రతిష్టించారు. ఈ విగ్రహ ప్రతిష్ట వేడుకకి ఎంతో మంది ప్రముఖులు హాజరు అయ్యారు.

తెలుగు నుండి సినీ నటులు చాలా మంది ఉన్నారు. చిరంజీవి, రామ్ చరణ్ మాత్రం ఈ వేడుకలో హాజరు అయినట్టు కనిపించారు. తమిళ్ నుండి రజినీకాంత్ హాజరు అయ్యారు. హిందీ నుండి మాత్రం చాలా మంది ఈ వేడుకకి వెళ్లారు.

రాజకీయ ప్రముఖులతో పాటు హిందీ నటీనటులు అయిన రణబీర్ కపూర్, అలియా భట్, విక్కీ కౌశల్, కత్రినా కైఫ్, మాధురి దీక్షిత్, ఆయుష్మాన్ ఖురానా వంటి ప్రముఖులు కూడా హాజరు అయ్యారు. వీరితో పాటు ఎంతో మంది వ్యాపారవేత్తలు కూడా ఇందులో పాల్గొన్నారు. విగ్రహ ప్రతిష్టాపన నేపథ్యంలో అయోధ్య నగరాన్ని ఎంతో సుందరంగా ముస్తాబు చేశారు. లైట్లతో, పూలతో నగరాన్ని అలంకరించారు. విగ్రహ ప్రతిష్టాపన తర్వాత హెలికాప్టర్ లో నుండి పూల వర్షం కూడా కురిసింది. అయితే అందరూ ఆనందంగా ఉన్నా కూడా, మరి కొంత మంది మాత్రం ఈ విషయంపై ఇంకొక రకమైన అభిప్రాయాన్ని వ్యక్తం చేస్తున్నారు.

“రామాలయ ప్రారంభానికి ఇంత హడావిడి చేయడం అవసరమా?” అని అంటున్నారు. ఈ విషయంపై పద్మశ్రీ అవార్డు గ్రహీత అయిన గరికిపాటి నరసింహారావు గారు మాట్లాడారు. రాముడికి ఆర్భాటాలు అవసరమే అని, ఎందుకంటే ఆయన రాజు అని గరికిపాటి నరసింహారావు గారు చెప్పారు. “రాముడి గుడికి అంత హడావిడి ఆరాటం ఎందుకు అని కొంతమంది అంటున్నారు. మామూలుగా చేయొచ్చు కదా అని చెప్తున్నారు. కానీ అలా చేయకూడదు. శివుడికి, కృష్ణుడికి అంటే మామూలుగా చేయొచ్చు. కానీ రాముడు విషయంలో మాత్రం ఇలా కుదరదు. శివుడు త్యాగి, కృష్ణుడు యోగి. కానీ రాముడు భోగి”.

“అంటే ఆయన రాజు. సాధారణంగా ఒక ముఖ్యమంత్రి వెళుతూ ఉంటే వెనకాల అధికారులు ముందు ఒక పది కారులు వెళుతూ ఉంటాయి. అలాంటిది ఒక మహారాజు వెళ్తే ఎలా ఉంటుంది? దానికి ఇలా ఆర్భాటం అని అంటే ఎలా?” అంటూ గరికిపాటి గారు ఒక స్ట్రాంగ్ కౌంటర్ ఇచ్చారు. అంతే కాకుండా, “అయోధ్యలో ప్రతిష్టిస్తోంది బాల రాముడిని కానీ పెళ్లి కాని కానీ రాముడిని కాదు” అని అన్నారు. “ఆయన ఒక వీరత్వంతో నిలబడ్డారు. రాముడు అంటే ధనుష్కుడు. అలాంటి యోధుడు భారత యుగంలో అర్జునుడు” అని గరికిపాటి గారు చెప్పారు.

watch video :

ALSO READ : అయోధ్య రామ మందిరం చూసి దేశమంతా గర్విస్తుంటే…కొంతమంది తమిళ్ వాళ్ళు ఈర్షతో ఇలా చేస్తున్నారేంటి.?

అయోధ్యలో రామ మందిరంలో శ్రీరాముడి విగ్రహ ప్రాణప్రతిష్ఠ ఎంతో ఘనంగా జరిగింది. ఎంతో మంది ప్రముఖులు ఈ వేడుకకి హాజరు అయ్యారు. రామనామ స్మరణతో అయోధ్య అంతా మారుమ్రోగుతోంది. రామ మందిరం అంతా పూల వర్షం కురిసింది.

నరేంద్ర మోడీ శ్రీరాముడికి పూజలు చేశారు. ప్రముఖ శిల్పి అరుణ్ యోగిరాజ్ శ్రీరాముని ప్రతిమని రూపొందించారు. భారతదేశం అంతా కూడా జైశ్రీరామ్ అంటూ ఈ వేడుకని జరుపుకుంటుంది. ఎంతో మంది సోషల్ మీడియా ద్వారా తమ ఆనందాన్ని వ్యక్తం చేస్తున్నారు.

ఎన్నో దశాబ్దాల కల ఇప్పుడు నెరవేరింది అని ఆనందపడుతున్నారు. అయితే ఒకపక్క ఇంత జరుగుతుంటే, మరొక పక్క మరొక రకమైన విషయం చర్చనీయాంశం అయ్యింది. తమిళనాడు వాళ్లు మాత్రం ఈ వేడుకలో పాల్గొనట్లేదు అంటూ ఒక విషయం వార్తల్లో నిలిచింది. ట్విట్టర్ లో రావణుడికి మద్దతుగా ట్రెండ్ నడిచింది. ల్యాండ్ ఆఫ్ రావణ, తమిళ్ ప్రైడ్ రావణ అంటూ ఈ ట్రెండ్ ట్విట్టర్ లో నడుస్తోంది. అందుకు కారణం ఏంటో ఇప్పుడు చూద్దాం.

తమిళనాడుకు చెందినవారు రావణుడికి మద్దతు ఇస్తారు. రావణుడిని దైవంగా భావిస్తారు. ఇలా చేయడం వెనుక పలు రకాల కథనాలు ఉన్నాయి. అందులో ఒక కథనం ఏంటి అంటే, రావణ ద గ్రేట్ కింగ్ ఆఫ్ లంక అనే పుస్తకంలో ప్రొఫెసర్ పూర్ణ లింగం పిళ్ళై, రావణుడు ద్రవిడ వంశానికి చెందినవారు అని, అందులోనూ ముఖ్యంగా ఆయన తమిళులు అని పేర్కొన్నారు. ఈ భావం చేత రావణుడిని తమిళనాడుకు చెందినవారు సమర్థిస్తారు అని అంటారు. ఈ విషయంపై ఉన్న మరొక కథనం ఏంటి అంటే తమిళంలో రామాయణాన్ని కంబరామాయణ పేరుతో రాశారు.

ఇందులో రాసిన దాని ప్రకారం, రావణాసురుడు చాలా మంచి రాజు. ఆయన ప్రజలని ఎంతో బాగా చూసుకున్నారు. అలాగే మంచి సంగీత విద్వాంసుడు కూడా. సాక్షాత్తు ఆ పరమశివుడే రావణాసురుడి సంగీతాన్ని మెచ్చారు. ఆయన కొన్ని పొరపాట్లు చేశారు. సీత విషయంలో ఆయన చేసినది సరైన విషయం కాదు. అయితే దీనికి మరొక కోణం కూడా ఉంది అని అంటారు. తన చెల్లెలిని బాధపెట్టారు. కాబట్టి తన సోదరిని బాధ పెట్టిన ఆవేదన కూడా రావణుడికి ఉంది. కానీ మరొక పక్క ఆయన చాలా గొప్ప పరిపాలకుడు. తన ఊరిలో డబ్బుల్లేక ఇబ్బందులు ఎదుర్కొన్న పేదవారికి బంగారు పాత్రలు ఉపయోగించే అంత సౌభాగ్యం

తన రాజ్యం అంతా సంపదలతో, సుఖ సంతోషాలతో నిండిపోయే అంత గొప్పగా పాలించారు. అంతే కాకుండా రావణుడిని సంహరించిన తర్వాత ఒక సందర్భంలో లక్ష్మణుడికి, రాముడు రాజకీయాల గురించి, ఒక రాజు తన రాజ్యంలో ఎలా పాలించాలి అనే విషయం గురించి రావణుడిని చూసి నేర్చుకోమని చెప్తారు అని కూడా అంటారు. స్వచ్ఛమైన పాలని ఒక చిన్న విషం విషయం చుక్క కూడా పాడు చేయగలదు. అదేవిధంగా సీత విషయంలో జరిగిన దాని వల్ల రావణాసురుడు మీద అందరికీ మరొక రకమైన అభిప్రాయం ఏర్పడింది కానీ, రావణాసురుడు చాలా గొప్ప రాజు అని అంటారు.

ఈ కారణంగానే చాలా మంది తమిళులు రావణాసురుడిని ఆరాధిస్తారు. అయితే మరొక పక్క, అందరూ రావణాసురుడిని ఆరాధించరు. అందులోనూ ముఖ్యంగా తమిళనాడుకు చెందిన వాళ్లు అందరూ కూడా రావణుడిని ఏమీ అభిమానించరు. ఇది కేవలం రాజకీయాల వచ్చిన ఒక అపోహ మాత్రమే అనే మరొక కథ కూడా ఉంది. ఇలా ఈ విషయం మీద ఎన్నో రకాల కథనాలు ఉన్నాయి. ప్రస్తుతం అయితే మాత్రం సోషల్ మీడియాలో రావణాసురుడికి తమిళ వాళ్ళు మద్దతు పలుకుతూ ఒక ట్రెండ్ అయితే నడుస్తోంది.

ALSO READ : ఎవరి మనోభావాలను దెబ్బతీయాలనుకోవడం లేదు.. వైరల్ అవుతున్న నయనతార క్షమాపణ లేఖ!