Off Beat

సాధారణంగా మనిషికి ఓర్పు తక్కువగా ఉంటుంది. ఒకవేళ ఓర్పు ఎక్కువగా ఉన్నా కూడా ఎప్పుడో ఒకసారి తగ్గిపోతుంది. కానీ కొన్ని విషయాల్లో మాత్రం ఓపికగా ఎదురు చూడాలి. అందులో ఒకటి ఏటీఎం. ఏటీఎం కి వెళ్లి డబ్బులు తీసుకురావడం ఒక్కొక్కసారి సులభంగా అయిపోయినా కూడా ఒక్కొక్కసారి చాలా సమయం పడుతుంది. దానికి కారణం జనాలు ఎక్కువ మంది ఉండటం అవ్వచ్చు. లేదా ఎటిఎం పని చేయకపోవడం లాంటి సమస్య వచ్చినప్పుడు వేరే ఎటిఎం కి వెళ్లాల్సి రావచ్చు.

ఇలా చాలా కారణాల వల్ల ఏటీఎం లో క్యాష్ విత్ డ్రా చేసుకోవడానికి, డిపాజిట్ చేయడానికి ఎక్కువ సమయం పడుతుంది. ఏదేమైనా పని ముఖ్యం కాబట్టి కచ్చితంగా పని అయ్యేంత వరకు ఎదురు చూడాల్సిందే. అయితే మనలో చాలా మంది డబ్బులు డ్రా చేసుకున్న తర్వాత చేసే ఒక పని ఏంటంటే, రిసిప్ట్ ని పడేయడం. కానీ ఆ రిసిప్ట్ ని పడకుండా జాగ్రత్తగా దాచుకోవాలట. ఎందుకంటే.

కొన్ని కొన్ని సార్లు మనం డబ్బులు డ్రా చేసే ప్రాసెస్ అంతా అయిన తర్వాత డబ్బులు మన చేతికి రావు. కానీ మన అకౌంట్ లో బ్యాలెన్స్ కట్ అవుతుంది. అలాంటప్పుడు సమస్య పరిష్కరించుకోవడానికి బ్యాంకు కి వెళ్ళినప్పుడు మన దగ్గర ఉన్న ఈ రిసిప్ట్ తో మనం కంప్లైంట్ ఇవ్వచ్చు.

డబ్బులు డ్రా చేసిన తర్వాత వచ్చే రిసిప్ట్ మీద మన బ్యాంక్ డీటెయిల్స్ తో పాటు మన అకౌంట్ డీటెయిల్స్, మనం ఎంత డ్రా చేశాము, ఇంకా మన ఎకౌంట్ లో ఎంత డబ్బులు ఉన్నాయి అనే వివరాలు కూడా ఉంటాయి. ఒకవేళ ఎప్పుడైనా ఎక్కువ డబ్బులు డ్రా చేసిన తర్వాత మనం రిసిప్ట్ ఎక్కడైనా పడేస్తే ఎవరైనా దొంగలు చూసి మన దగ్గర ఉన్న డబ్బు కోసం ఫాలో అయ్యే అవకాశాలు ఉంటాయి.

ప్రస్తుతం ఉన్న టెక్నాలజీ ఉపయోగించి ఎక్కడి నుంచైనా ఇన్ఫర్మేషన్ తీసుకుంటారు హ్యాకర్స్. ఒకవేళ ఈ రిసిప్ట్ హ్యాకర్స్ కి దొరికితే, అందులో ఉన్న సమాచారాన్ని డీకోడ్ చేసి బ్యాంక్ ఎకౌంట్ కి సంబంధించిన వివరాలు అన్నీ తెలుసుకొని డబ్బులు తీసుకునే ప్రమాదం ఉంది. అందుకే రిసిప్ట్ ని పడేయకుండా జాగ్రత్తగా పెట్టుకోవాలి.

అంతే కాకుండా ఇప్పుడు బ్యాంక్ అకౌంట్ కు మొబైల్ నెంబర్ లింక్ చేసే సౌకర్యం వచ్చింది కాబట్టి. పేపర్ రిసిప్ట్ ప్రిఫర్ చేయకుండా, మొబైల్ నెంబర్ ని ఎకౌంట్ కి లింక్ చేసుకుంటే బ్యాంక్ ఎకౌంట్ కి సంబంధించిన పనులు అంటే డబ్బులు విత్ డ్రా చేయడం, లేకపోతే డిపాజిట్ చేయడం లాంటివి చేసినప్పుడు ఆ వివరాలు అన్నీ మీ మొబైల్ కి వస్తాయి. వాటిని జాగ్రత్తగా పెట్టుకోవాలి.

మనం తాగే వాటర్ బాటిల్ ఖరీదు ఎంత..? ఇరవై రూపాయలు కదా.. మహా అయితే పాతిక రూపాయలు. అయినా సరే, మనం అస్తమానం బాటిల్ ను కొనం. ఎక్కడికైనా వెళ్ళేటప్పుడు ఇంట్లోంచి వాటర్ బాటిల్ ని కూడా తీసుకుని వెళ్తాము. మరీ అవసరం అయితే తప్ప వాటర్ బాటిల్ ని మనం కొనము. మరి అలాంటిది.. సెలెబ్రిటీలు మాత్రం వేలకు వేలు పోసి వాటర్ బాటిల్స్ కొనుక్కుంటారు. అంత ఖరీదు పెట్టి వారు ఆ వాటర్ నే ఎందుకు తాగుతారో మనం ఇప్పుడు తెలుసుకుందాం.

విరాట్ కోహ్లీ గురించి పరిచయం అవసరం లేదు. విరాట్ తాగే లీటర్ వాటర్ బాటిల్ ఖరీదు ఎంతో తెలుసా..? ఆరువందల రూపాయలు. “ఎవియన్” బ్రాండ్ వాటర్ ని మాత్రమే విరాట్ తాగుతాడు. మ్యాచ్ కోసం ఏ కంట్రీ కి వెళ్లినా, ఏ హోటల్ కి వెళ్లినా అతనితో పాటు “ఎవియన్” బ్రాండ్ వాటర్ బాటిల్ ఉండాల్సిందే. విరాట్ మాత్రమే, కాదు చాలా మంది సెలెబ్రిటీలు, స్పోర్ట్స్ మెన్లు వేల రూపాయలు ఖర్చు పెట్టి వాటర్ తాగుతుంటారు. అసలు అవి ఏమిటో..?వాటికి అంత ప్రత్యేకత ఎందుకొచ్చిందో తెలుసుకుందాం.

#1 హవాయి కోనా నిగరి వాటర్..

ఇవి ప్రపంచం లోనే అత్యంత ఖరీదైనవి. ఈ వాటర్ తాగడం వలన మన ఆరోగ్యం మెరుగుపడుతుంది. అంతే కాదు, బరువు తగ్గి చర్మం కూడా నిగారింపు ను సంతరించుకుంటుందట. అలాగే మానసిక ఒత్తిడి కూడా దూరం అవుతుందని నమ్ముతారు. హవాయికి దగ్గర్లో ఉండే పసిఫిక్ సముద్ర తీరం వద్ద రెండు వేల అడుగుల లోపలకి తవ్వి నీటిని వెలికితీస్తారు. అందుకే ఈ నీరు అంత కాస్ట్లీ. కొన్ని ప్రత్యేక పద్ధతుల ద్వారా ఈ నీటిలో ఉండే లవణాన్ని పోగొట్టి తాగే నీటిగా మార్చి బాటిల్స్ లో నింపుతారు. ఈ నీరు స్వచ్ఛం గా ఉండడమే కాదు.. ఎన్నో ఖనిజ లవణాలు కూడా ఈ నీటిలో నిక్షిప్తమై ఉంటాయి. ఈ నీటికి జపాన్ లో బాగా డిమాండ్ ఉంది. అక్కడ రోజుకు ఎనభై వేలకు పైగా కోనా నిగరి వాటర్ బాటిల్స్ దిగుమతి అవుతాయట.

#2 బ్లింగ్ హెచ్ టు ఓ..!

ఈ బాటిల్ లోని వాటర్ మాత్రమే కాదు., బాటిల్ కూడా చాల ఖరీదైనది. ఎంతో ఆకర్షణీయం గా ఈ బాటిల్ ని తీర్చిదిద్దారు. టేనేస్సి దగ్గర ఉండే నీటి బుగ్గల నుంచి నీటిని సేకరించి ఈ బాటిల్స్ లో నింపుతారు. ఈ బాటిల్స్ ను స్వరోవ్స్కి రాళ్లతో తీర్చిదిద్ది అందం గా డిజైన్ చేసారు. ఈ బాటిల్ లో వాటర్ ధరకి బాటిల్ ధర అదనం గా పడుతుంది.

#3 వీన్:

ఈ బాటిల్ లో నీటిని తాగినప్పుడల్లా సుతిమెత్తనిదేదో నాలుకపై తగిలినట్లు అనిపిస్తుంది. ఈ నీరు అంత స్వచ్ఛం గా ఉంటాయట. కాలుష్యం లేకుండా, స్వచ్ఛమైన ప్రాంతాల్లోని నీటి బుడగలు సేకరించి ఈ నీటిని తయారు చేస్తుంది వీన్ కంపెనీ. ఈ కంపెనీ ఫిన్లాండ్ కు చెందినది. అలా హిమాలయ ప్రాంతాలనుంచి, లాప్ ల్యాండ్ నుంచి, ప్రపంచం లోనే ప్రకృతి సంపద ఎక్కువ గా ఉన్న భూటాన్ దేశం నుంచి కూడా ఈ కంపెనీ నీటిని సేకరిస్తుంది.

#4 10 థౌజండ్ కంపెనీ :

కెనడా లోని వాంకోవర్ సిటీ నుంచి ఒక రెండొందల కిలోమీటర్ల దూరం వెళ్తే, అక్కడ జనసంచారం ఉండదు. జంతువులు కూడా ఉండవు. అక్కడ హిమనీ నదాలు ఉంటాయి. దాదాపు ఆరువేల అడుగుల లోతు వరకు ఈ నదాలు ఉన్నాయి. వాటిని కరిగించి ఆ నీటిని బాటిల్స్ లో వివిధ దేశాలకు ఎగుమతి చేస్తున్నారు. ఈ చోటుకు ఎవరు వెళ్ళలేరు, జంతువులు కూడా ఉండవు. అందుకే అక్కడి నీరు స్వచ్ఛం గా ఉంటుంది. పైగా, ఈ నీటిని తాగడం వలన చర్మ సంబంధిత రోగాలు రావని ఈ కంపెనీ చెబుతోంది. ఈ హిమానీ నదాలు పద్దెనిమిది వేల సంవత్సరాలక్రితం ఘనీభవించాయట. ఈ వాటర్ కు కెనడా కు చెందిన “ఆక్వా డెకో” ఉత్తమ నాన్ కార్బోనేటేడ్ స్ప్రింగ్ వాటర్ గా పేర్కొంది.

#5 ఎవియన్ :

ఎవియన్ కంపెనీ నీరు కూడా చాలా స్వచ్ఛమైనది. శరీరం లో రోగాలను నయం చేస్తుందని నమ్ముతారు. 1789 వ సంవత్సరం లోనే మార్కిస్ అనే వ్యక్తి రోజు వాకింగ్ కి వెళ్లేవాడట. అలా వెళ్తూ, ఎవియన్ లెస్ బెయిన్స్ వద్ద ఉండే నీటిబుడగల్లోని నీటిని తాగేవాడట. క్రమం గా అతనికి ఉన్న కిడ్నీ, లివర్ సమస్యలు తగ్గిపోయాయని రుజువైంది. ఈ సంగతి అందరికి ప్రచారం అవడం తో, క్రమం గా ఆ నీటిని అమ్మడం ప్రారంభించారు. ప్రస్తుతం ఈ నీరే ఎవియన్ బ్రాండ్ గా మార్కెట్ లో అందుబాటులో ఉంది. చాలామంది సెలెబ్రిటీలు ఈ నీటిని ప్రత్యేకించి తెప్పించుకుని తాగుతారు. భారత్ లో కూడా ఆన్ లైన్ అమ్మకాలు సాగుతున్నాయి.

#6 లాక్వెన్ మినరల్ వాటర్:

ఇవికూడా భూమి అడుగుల్లోంచి తవ్వి తీయబడ్డాయి. దక్షిణ అమెరికా లో, ఆండెస్ పర్వతాల సమీపం లో ఎలాంటి జనసంచారం లేని,కాలుష్య రహిత ప్రాంతం లో పదిహేనొందల అడుగుల లోపలికి తవ్వి నీటిని వెలికితీశారు. ఈ నీరు బాటిల్ లో నింపేవరకు గాలి కూడా తగలనంత స్వచ్ఛం గా ఉంటాయట.

ఆర్టిసి బస్ సర్వీసెస్ కి కొంచెం శ్రమ తగ్గించడానికి మెట్రో సర్వీసెస్ వచ్చాయి. మెట్రో వచ్చిన తర్వాత ప్రయాణాలు ఎంత సులభం అయ్యాయో మనందరికీ తెలుసు. మెట్రోలో కూడా పైన చెప్పిన పొద్దున, సాయంత్రం సమయానికి ఎక్కువ మంది జనాలు ఉంటారు. కానీ ట్రాఫిక్ ఉండదు కాబట్టి ప్రయాణికులు వాళ్ల స్టాప్ కి తొందరగా రీచ్ అవుతారు.

స్టాప్ వచ్చేముందు మనకి ఒక రికార్డెడ్ అనౌన్స్మెంట్ వినిపిస్తుంది. ఆ అనౌన్స్మెంట్ తెలుగు, హిందీ, ఇంగ్లీష్ భాషల్లో వినిపిస్తుంది. దీనివల్ల ఏ భాష వాళ్ళు అయినా కూడా సులభంగా అర్థం చేసుకోవచ్చు. అయితే మనం వాడుక భాషలో ప్రదేశాల పేర్లు ప్రనౌన్స్ చేసే తీరుకి, మెట్రో అనౌన్స్మెంట్ లో ప్రనౌన్స్ చేసే తీరుకి కొంచెం తేడా ఉంటుంది.

చాలా మందికి అసలు “మెట్రోలో వినిపించే  ఆ గొంతు ఎవరిదో?” అనే ఒక ప్రశ్న వచ్చి ఉండొచ్చు. మెట్రోలో జాతీయ భాష హిందీలో అనౌన్స్మెంట్ వినిపించే గొంతు పేరు రిని సిమోన్ ఖన్నా. రిని సిమోన్ ఖన్నా ఒక ప్రముఖ న్యూస్ రీడర్, ఇంకా జర్నలిస్ట్. తనకి పదమూడేళ్లు ఉన్నప్పటినుంచి హోస్టింగ్ చేయడం, ఆల్ ఇండియా రేడియో ఇంటర్వ్యూలు చేయడం మొదలుపెట్టారు రిని సిమోన్ ఖన్నా.

తర్వాత ఢిల్లీ దూరదర్శన్ లో నేషనల్ న్యూస్ యాంకర్ గా కూడా చేశారు. ఎన్నో అడ్వర్టైజ్మెంట్స్ కి, డాక్యుమెంటరీ లకి, ఫీచర్ ఫిలిమ్స్ కి కూడా వాయిస్ ఓవర్ ఇచ్చారు. అలాగే ఎన్నో జాతీయ అంతర్జాతీయ కాన్ఫరెన్స్ లకి, కల్చరల్ షోస్, సెమినార్స్ కి కూడా యాంకరింగ్ చేశారు. మేల్ వాయిస్ ఆర్టిస్ట్ షమ్మీ నారంగ్ తో పాటు ఢిల్లీ మెట్రోలో, అలాగే హైదరాబాద్ మెట్రో లో రిని సిమోన్ ఖన్నా గొంతు వినిపిస్తుంది.

కొన్ని పనులు చిన్నవైనా కూడా ఎక్కువ టైం కేటాయించాల్సి వస్తుంది. అందులో ఒకటి టికెట్ బుకింగ్. ఇప్పుడు అంటే ఆన్లైన్ లో బుక్ చేసే సౌకర్యం వచ్చింది కాబట్టి చాలా వరకు సమయం ఆదా అవుతుంది. కానీ కొన్ని సంవత్సరాల క్రితం టికెట్ బుక్ చేసుకోవాలి అంటే ఒక మనిషి కచ్చితంగా ఆ ప్రదేశానికి వెళ్లి బుక్ చేసుకోవాల్సిందే. అది టికెట్ బుకింగ్ అయినా కావచ్చు లేదా ఇంకేదైనా కావచ్చు.

అంతకుముందు కూడా ఆన్లైన్ బుకింగ్ సౌకర్యం ఉండేది. కానీ ఇప్పుడు ఉపయోగించిన అంత బాగా అప్పుడు ఉపయోగించేవారు కాదు. ఇలా ఆన్లైన్ బుకింగ్ ఎక్కువగా ఉపయోగించే వాటిలో హోటల్ రూమ్స్ ఒకటి. ఈ ఆన్ లైన్ హోటల్ రూమ్ బుకింగ్ సౌకర్యాన్ని మరింత సులభం చేసింది ఓయో.

ఓయో వచ్చిన తర్వాత హోటల్ బుకింగ్ చాలా ఈజీ అయ్యింది. అందుకే ఓయో అప్లికేషన్ చాలా ఎక్కువ మంది వాడుతారు. ఓయో సంస్థ కూడా ప్రజలను ఆకర్షించడానికి అన్ని విధాలుగా ప్రయత్నిస్తున్నారు. అందులో చాలా వరకు సక్సెస్ కూడా అవుతున్నారు. అలా ఓయో సంస్థ ఉపయోగించే స్ట్రాటజీలు ఏంటో ఇప్పుడు చూద్దాం.

# ఓయో ని రితేష్ అగర్వాల్ స్థాపించారు. ఓయో దాదాపు 300 సిటీలలో అందుబాటులో ఉంది.

# ఓయో స్ట్రాటజీ లో ఆన్లైన్ మార్కెటింగ్ మాత్రమే కాకుండా, ఎక్స్టర్నల్ మార్కెటింగ్ మీద కూడా బాగా దృష్టి పెట్టారు.

# హోటల్ బేస్ ప్రైస్ కంటే తక్కువ ధరకి రూమ్ లని అందిస్తూ ప్రజలని ఎట్రాక్ట్ చేసుకోవడం ఓయో స్ట్రాటజీ లలో ఒకటి.

# హోటల్ ని బట్టి, అందులో ఉండే సౌకర్యాలను బట్టి, ప్రదేశాన్ని బట్టి రూమ్ ధర 999 నుంచి 4 వేల రూపాయల వరకు ఉంటుంది.

oyo cup branding promotion

# ఓయో సోషల్ మీడియాలో కూడా యాక్టివ్ గా ప్రచారం చేస్తూ, ఎన్నో క్యాంపెయిన్ లను నిర్వహిస్తోంది.

# తమ కస్టమర్లకు సేవలను అందించడానికి ఓయో సంస్థ యో హెల్ప్ ని రూపొందించింది.

# ఓయో ఎయిర్టెల్ తో సహా జో రూమ్స్, థామస్ కుక్ లాంటి వివిధ సంస్థలతో టై అప్ అయ్యింది.

# ఓయో సంస్థ ఒక్క భారతదేశంలో మాత్రమే కాకుండా నేపాల్, యూఏఈ, మలేషియా లాంటి వివిధ దేశాలలో తమ సేవలను అందిస్తున్నారు.

ఇప్పుడున్న కాలం లో ఒక పెళ్లి చేసుకోవడానికే ఇంటరెస్ట్ లేక కొందరు, అమ్మాయి దొరక్క మరికొందరు.. ఇలా చాలా మంది అబ్బాయిలు ఇబ్బంది పడుతున్నారు. అలాంటిది ఆ ఊరిలో మాత్రం కచ్చితం గా రెండు పెళ్లిళ్లు చేసుకుంటారట. ఒకవేళ చేసుకోకపోయినా ఆ వ్యక్తి మొదటి భార్య దగ్గరుండి మరీ ఇంకొక అమ్మాయిని వెతికి పెళ్లి చేస్తుందట. అబ్బాయిలకి ఇంత అదృష్టం ఏ ఉళ్ళోనో అని ఆలోచిస్తున్నారా..? ఆ గ్రామం భారత్ లోనే ఉంది. రాజస్థాన్ లో దెరాసర్ గ్రామం లో ఈ ఆచారం ఉందట.

తెలుగు న్యూస్ కధనం ప్రకారం.. భారత్ లో రాజస్థాన్ రాష్ట్రము లో బార్మర్ జిల్లాలో దెరాసర్ గ్రామం లో గత కొన్ని దశాబ్దాలుగా ప్రతి అబ్బాయి ఇద్దరు అమ్మాయిలను పెళ్లి చేసుకోవడం ఆనవాయితీ గా వస్తోందట. ఆ గ్రామం లో జనాభా అంత ఎక్కువేమీ కాదు. ఓ ఆరొందలమంది వరకు వుంటారు. అయినా సరే, ప్రతి అబ్బాయి ఇద్దరు అమ్మాయిలను పెళ్లి చేసుకుంటారు.. ఎందుకో తెలుసా …? పిల్లల కోసం. వారు మొదటి భార్య ను పెళ్లి చేసుకున్న తరువాత రెండవ పెళ్లి చేసుకోక పొతే పిల్లలు కలగరట. ఇదేదో కేవలం ఒకళ్ళకో, ఇద్దరికో జరిగేది కాదు. ఆ ఊరంతా ఇలాగె జరుగుతోందట.

ఒక అబ్బాయి పెళ్లి చేసుకున్న తర్వాత రెండవ పెళ్లి చేసుకోకుండా.. ఎంత కాలం ఎదురు చూసినా వారికి పిల్లలు కలగరట. అదే రెండో పెళ్లి చేసుకోగానే, రెండో భార్యకు సంతానం కలిగి.. ఆ తరువాత మొదటి భార్య కి కూడా సంతానం కలుగుతుందట. అందుకే అక్కడి వారు తప్పని సరిగా రెండవ పెళ్లి చేసుకుంటారట. మొదటి భార్యే దగ్గరుండి మరీ పిల్లని చూసి పెళ్లి చేస్తుందట. ఒకళ్ళో ఇద్దరో కాదు, ఆ ఊరి వారందరికీ ఇలానే జరుగుతోంది. అందుకే అక్కడ రెండు పెళ్లిళ్లు తప్పనిసరిగా చేసుకోవడం ఆనవాయితీ గా వస్తోంది. కొన్ని కొన్ని సంప్రదాయాలు అంతే. ఎంత వింతగా అనిపిస్తాయి.. అవి పుట్టుకు రావడం వెనుక కారణాలు కూడా అంతే వింత గా ఉంటాయి.

మీరెప్పుడైనా గమనించారా. కన్స్ట్రక్షన్ మెషీన్లు ఎప్పుడు పసుపు రంగులోనే ఉంటాయి. ఎక్కడైనా చూడండి. ఇవి పసుపు రంగులోనే ఉంటాయి. దీనికి కారణమేమిటంటే.. హెచ్చరిక సంకేతాలు తరచుగా పసుపు, పసుపు / నలుపు చారలు లేదా ఎరుపు రంగులో ఉంటాయి. పసుపు చాలా ప్రకాశవంతమైన రంగు. దూరం నుంచి కూడా ఈ రంగుని సులభం గా గుర్తించవచ్చు.

పరిసరాలలో ఈ రంగు ఎక్కువ గా ఉండదు కాబట్టి చూడగానే, మనం పసుపు రంగుని గుర్తించగలుగుతాము. సాధారణం గా నిర్మాణాలు జరుగుతున్న చోట్ల మనుషులు ఎక్కువ మంది తిరుగుతూ ఉంటారు. అలాంటి పరిస్థితిలో ఇలాంటి మెషీన్లు ఎక్కడ ఉన్న కనబడుతూ ఉండాలి. అందుకే వాటికి సులభం గా గుర్తించే పసుపు రంగు పెయింట్ ను వేస్తారు.

అయితే కచ్చితం గా ఓ రంగునే ఎంచుకోవడం అనేది వివిధ అంశాలపై ఆధారపడి ఉండొచ్చు. ఇది మొదట గా నిర్మాణ యంత్రాల రంగు తరచుగా సంబంధిత సంస్థ లేదా పరికరాల తయారీదారుపై ఆధారపడి ఉంటుంది. కొన్ని కంపెనీలు తమ యంత్రాలను పసుపు రంగుగా కాకుండా మరికొన్ని ఎరుపు రంగులో గుర్తించే చిహ్నంగా పెయింటింగ్ చేస్తున్నాయి. అయితే, కొన్ని సార్లు చట్టప్రకారం కూడా నిబంధనలను అమలు చేయాల్సి రావచ్చు.

అన్నిటికంటే వేగంగా ప్రయాణించే వాటిలో ఒకటి మనిషి మెదడు, ఇంకా ఆ మెదడులో వచ్చే ఆలోచనలు. ఒక మనిషి ఒకటే చోట కూర్చొని ప్రపంచం మొత్తం గురించి ఆలోచించగలరు. అందులో కొన్ని మామూలు ఆలోచనలు ఉంటే ఇంకొన్ని మాత్రం సందేహాలు ఉంటాయి. అలా చాలా మందికి వచ్చే సందేహాల్లో ఒకటి ఏంటంటే “వేడి చేసినప్పుడు పాలు ఎందుకు పొంగుతాయి? నీళ్లు ఎందుకు పొంగవు? “.

ఈ ప్రశ్నకి చాలా మందికి సమాధానం తెలిసి ఉండొచ్చు. కొంత మందికి సమాధానం తెలియకపోయి ఉండొచ్చు. వేడి చేసినప్పుడు పాలు ఎందుకు పొంగుతాయో, నీళ్లు ఎందుకు పొంగవో ఇప్పుడు తెలుసుకుందాం. నీళ్లు వేడి చేసినప్పుడు అది నీటి ఆవిరిగా మారి బయటికి వస్తుంది. కానీ పాలలో నీళ్ళు మాత్రమే కాకుండా వేరే పదార్థాలు కూడా ఉంటాయి.

పాలలో 87.3 శాతం నీళ్లు ఉండగా, 3.9 శాతం ఫ్యాట్ పదార్థాలు, 8.8 శాతం నాన్ ఫ్యాట్ సాలిడ్ పదార్థాలు, ప్రోటీన్స్, షుగర్స్ ఉంటాయి. మనం పాలను వేడి చేసినప్పుడు పాలలో ఉండే ఈ పదార్థాలు అన్నీ పాల నుండి విడిపోతాయి. అవి పాల కన్నా తేలికగా ఉంటాయి. దాంతో మరుగుతున్నప్పుడు పాల పైభాగానికి చేరుకొని, అక్కడ ఒక పొరలాగా ఫామ్ అవుతుంది.

పాలలో ఉండే నీరు వేడి చేసినప్పుడు ఆవిరిగా మారి బయటికి వెళ్లిపోవడానికి ప్రయత్నిస్తుంది. కానీ పై భాగంలో ఏర్పడిన పొర నీటిని బయటికి వెళ్లకుండా ఆపుతుంది. వేడి ఎక్కువవుతున్నకొద్దీ నీటి ఆవిరి పెరుగుతుంది. దాంతో ప్రెజర్ కూడా పెరుగుతుంది. అప్పుడు ఆ నీటి ఆవిరి బయటికి వెళ్లడానికి పై భాగంలో ఏర్పడిన పొరని దాటుకొని వెళ్తుంది. అప్పుడే పాలు పొంగుతాయి.

చాలా మంది పాలు కాగుతున్నప్పుడు మధ్య మధ్యలో పాలని గరిటతో తిప్పుతారు. అప్పుడు పొర పక్కకు జరుగుతుంది దాంతో లోపల ఏర్పడిన ఆవిరి బయటికి వెళ్లిపోతుంది. అప్పుడు పాలు పొంగవు. నీటిలో ఫ్యాట్ పదార్థాలు ఉండవు కాబట్టి లేయర్ ఏర్పడడం లాంటివి, ఆవిరి బయటికి వెళ్లకుండా ఆగడం లాంటివి జరగవు. అందుకే నీరు ఎప్పుడూ పొంగవు.

సాధారణంగా మనం టోల్ గేట్ దగ్గర ఫీజు చెల్లిస్తూ ఉంటాం. హైవే మీద వెళ్ళినప్పుడు ఈ ఫీజు చెల్లిస్తాం. అయితే ఇలాంటి షరతులు కేవలం నేల మీద తిరిగే వాహనాలకు మాత్రమే కాదు. గాలిలో ఎగిరే ఎరోప్లేన్స్ కి కూడా ఉంటాయి. వాటిని రూట్ నావిగేషన్ ఫెసిలిటీ ఛార్జెస్ (RNFC) అని అంటారు. ప్రతి విమానం ఈ ఛార్జ్ చెల్లించాల్సి ఉంటుంది.

భారతదేశంలో ఏవియేషన్ కి సంబంధించిన విషయాలను ఎయిర్ పోర్ట్స్ అథారిటీ ఆఫ్ ఇండియా (AAI) చూసుకుంటుంది. ఇంక ఆర్ఎన్ఎఫ్సి (రూట్ నావిగేషన్ ఫెసిలిటీ ఛార్జెస్) విషయానికి వస్తే, వీటిని ఈ కింద చూపించిన విధంగా క్యాలిక్యులేట్ చేస్తారు.

# ఒకవేళ ల్యాండ్ అయ్యే ఫ్లైట్స్ కి ఆర్ఎన్ఎఫ్సి క్యాలిక్యులేట్ చేయాలి అంటే, ఈ ఫార్ములా ఉపయోగిస్తారు.

RNFC = Rs.( R x D x W )

R = Rs.4620/-

D = √ (GCD/100) with GCD cap as 1200 NM

W = √ (AUW/50000) with AUW cap as 2,00,000 Kilograms

# ఒకవేళ ఓవర్ ఫ్లయింగ్ ఫ్లైట్స్ కి క్యాలిక్యులేట్ చేయాలి అంటే, ఈ ఫార్ములా ఉపయోగిస్తారు.

Rs.( R x D x W ) + Rs. 4,400/-

ఇందులో,
R అంటే సర్వీస్ యూనిట్ రేట్. 2019 – 2020 లో సర్వీస్ యూనిట్ రేట్ 5880 రూపాయలు ఉంది.
D అంటే డిస్టెన్స్ ఫ్యాక్టర్
W అంటే వెయిట్ ఫ్యాక్టర్
GCD అంటే ఒక్క నాటికల్ మైల్ (NM) కి గ్రేట్ సర్కిల్ డిస్టెన్స్
AUW అంటే ఆల్ అప్ వెయిట్ ఆఫ్ ఎయిర్ క్రాఫ్ట్ ఇన్ కిలో గ్రామ్స్.

# ఒకవేళ ఇండియాలో రిజిస్టర్ అయిన చిన్న ఎయిర్ క్రాఫ్ట్స్ కి క్యాలిక్యులేట్ చేయాలి అంటే, ఈ విధంగా కాలిక్యులేట్ చేస్తారు.

ఒకవేళ బరువు 10 వేల కేజీలు ఉంటే, పైన చెప్పిన వెయిట్ డిస్టెన్స్ ఫార్ములా వాడి, పది శాతాన్ని ఫీజుగా తీసుకుంటారు.

ఒకవేళ బరువు 20 వేల కేజీలు ఉంటే, అదే ఫార్ములా ఉపయోగించి, 40 శాతం మొత్తాన్ని ఫీజుగా తీసుకుంటారు.

జనాలు ఎక్కువ బస్సు ప్రయాణాల కంటే ట్రైన్ ప్రయాణం ఎక్కువ ఇష్టపడతారు. ఎందుకంటే ఆ ట్రైన్ వెళ్ళేటప్పుడు చుట్టూ ఉన్న పరిసరాలు ఎంతో ప్రశాంతతను ఇస్తాయి. జన సందోహం ఉన్న ప్రదేశాలలో ట్రైన్ వెళ్లదు కాబట్టి వాతావరణం కూడా ఆహ్లాదంగా అనిపిస్తుంది. అయితే రైల్వేకి సంబంధించిన కొన్ని విషయాలు మనకి తెలియవు. మన ఇండియన్ రైల్వేస్ గురించి కొన్ని ఆసక్తికరమైన విషయాలు ఇప్పుడు తెలుసుకుందాం.

# నిద్రపోయేటప్పుడు, లేదా విశ్రాంతి తీసుకునేటప్పుడు ఇబ్బంది పడకుండా ఉండటానికి ట్రైన్ డిజైనింగ్ సమయంలో కోచ్ యొక్క రేసోనన్స్ ఫ్రీక్వెన్సీ 72 బిపిఎమ్ లేదా 1.2 హెర్ట్జ్‌ కి దగ్గరలో ఉండేలాగా చూసుకుంటారు.

# జమ్మూ అండ్ కాశ్మీర్ లో రియాసి జిల్లాలో నిర్మాణంలో ఉన్న చెనాబ్ రైల్వే బ్రిడ్జ్ పూర్తిగా నిర్మించిన తర్వాత ప్రపంచంలోని ఎత్తైన రైలు వంతెనలలో ఒకటిగా నిలిచే అవకాశాలు ఉన్నాయి.

# నాగ్‌పూర్ ‌లోని డైమండ్ క్రాసింగ్ అని పిలవబడే ఒక రైల్వే ట్రాక్ మీద ట్రైన్లు అన్ని దిక్కుల్లో అంటే తూర్పు, పడమర, ఉత్తరం, దక్షిణం దిక్కుల్లో ప్రయాణం చేస్తాయి.

# 14 లక్షల మంది ఉద్యోగులతో భారత రైల్వే ప్రపంచంలోనే ఎనిమిదవ స్థానంలో ఉంది.

# డార్జిలింగ్ లో ఉన్న ఎంతో పేరుపొందిన టాయ్ ట్రైన్ ఇప్పటికీ కూడా స్టీమ్ ఇంజన్ తో నడుస్తుంది. దీనిని 1881 లో భారతదేశ బ్రిటిష్ కొలోనియల్ మాస్టర్ నిర్మించారు.

# భారతీయ రైల్వే ప్రతిరోజూ 19,000 రైళ్లను నడుపుతుంది. అందులో 12,000 రైళ్లు మనుషులు ప్రయాణం చేయడానికి మరియు 7,000 రైళ్లు వస్తువుల రవాణాకు కేటాయించబడ్డాయి.

# భారతీయ రైల్వే యొక్క ట్రాక్ పొడవు ఈక్వేటర్ (భూమధ్యరేఖ)ను ఒకటిన్నర సార్లు చుట్టేంత ఉంటుంది.

# నవపూర్ రైల్వే స్టేషన్ 2 రాష్ట్రాల్లో నిర్మించబడింది. అందులో ఒక సగం మహారాష్ట్రలో, మిగిలిన సగం గుజరాత్‌లో ఉంటుంది.

# భవానీ మండి అనే మరో స్టేషన్‌ను రాజస్థాన్, మధ్యప్రదేశ్ లో విభజించారు.

# ఐఆర్‌సిటిసి వెబ్‌సైట్ భారతదేశంలో అత్యధికంగా విజిట్ చేసిన రెండవ వెబ్‌సైట్.

# మహారాష్ట్రలోని అహ్మద్ నగర్ జిల్లాలో శ్రీరాంపూర్, బేలాపూర్ అనే రెండు వేరు వేరు స్టేషన్స్ ఉన్నాయి. కానీ ఆ స్టేషన్స్ రైల్వే రూట్ ఒకే ట్రాక్ మీద ఎదురెదురుగా ఉంటుంది.

# ఒక ప్రయాణికుడికి కోపం వచ్చి ఉత్తరం రాసేంత వరకు దాదాపు 50 సంవత్సరాల దాకా ఇండియన్ రైల్వేలో టాయిలెట్స్ లేవు.