Off Beat

తల్లిదండ్రులకు ఉండే ఆలోచనల్లో తమ పిల్లలను పెంచి పెద్ద చేసి తర్వాత వారికి మంచి భవిష్యత్తు అందించడం అనే ఆలోచన ముందు ఉంటుంది. తమ పిల్లల భవిష్యత్తు బాగుండాలని, తమ కూతురికి మంచి జీవితం ఏర్పరచాలి ప్రతి తల్లిదండ్రి కలగంటూ ఉంటారు. అలాగే భవిష్యత్తులో ఆర్థిక పరిస్థితి ఎలా ఉంటుందనే విషయంపై కూడా ఎక్కువగా ఆలోచిస్తూ ఉంటారు. ఆడపిల్లల కోసం ఎల్ఐసి ఒక కొత్త పాలసీ ప్రారంభించింది. దీని పేరు ఎల్ఐసి కన్యాదాన్ పాలసీ.

ఇందులో రోజుకి 121 రూపాయలు చెల్లిస్తే, పెళ్లి నాటికి 27 లక్షల రూపాయలు అందజేస్తారు. ఇది ఒక నాన్ లింక్డ్ ఎండోమెంట్ ప్లాన్. ఒకవేళ పాలసీ తీసుకున్న వ్యక్తి మరణిస్తే, నామినీకి ప్రతి సంవత్సరం బీమా డబ్బులలో 10 శాతం మొత్తం లభిస్తుంది. ఒకవేళ పాలసీ తీసుకున్న వ్యక్తి, పాలసీ మెచ్యూర్ అయిన తర్వాత జీవించి ఉంటే, బోనస్ తో కలిపి మొత్తాన్ని అందజేస్తారు. ఈ ప్లాన్ ని కనీసం లక్ష రూపాయలతో తీసుకోవాలి. మాక్సిమం లిమిట్ 13 లక్షల వరకు ఉంటుంది.

13 సంవత్సరాల నుండి 25 సంవత్సరాల వరకు పాలసీదారులు ప్రీమియం మొత్తాన్ని చెల్లించాలి. నెల, మూడు నెలలు, ఆరు నెలలు, ఏడాది ఇలా ఇన్స్టాల్మెంట్ గా మొత్తాన్ని చెల్లించవచ్చు. పాలసీదారులు తీసుకున్న టర్మ్ కంటే మూడు సంవత్సరాలు తక్కువగా ప్రీమియం చెల్లించాల్సి ఉంటుంది. ఈ పాలసీ తీసుకోవాలంటే కనీసం 30 సంవత్సరాలు నిండి ఉండాలి. కూతురికి ఒక సంవత్సరం వయసు అయినా ఉండాలి.

ఒకవేళ పాలసీ వ్యవధి 25 సంవత్సరాలు అయినా కూడా 22 సంవత్సరాల ప్రీమియం మొత్తాన్ని చెల్లించాలి. ఈ పాలసీ 25 సంవత్సరాలకి లేదా 13 సంవత్సరాలకి కూడా తీసుకోవచ్చు. ఈ పాలసీలో 10 లక్షలు, లేదా రూ. 12.25 లక్షలు బోనస్ గా వస్తాయి. అడిషనల్ బోనస్ గా ఎల్ఐసి 4.5 లక్షల రూపాయలను ఇస్తుంది. అంటే పాలసీదారులు రూ. 26.75 లక్షలు పొందుతారు అన్నమాట.

ఒకవేళ పాలసీ తీసుకున్న తర్వాత పాలసీదారులు చనిపోతే, ప్రీమియం మొత్తాన్ని కుటుంబ సభ్యులు చెల్లించాల్సిన అవసరం లేదు. ఒకవేళ పాలసీదారులు ప్రమాదవశాత్తు చనిపోతే, నామినీకి 10 లక్షల బీమా వస్తుంది. సహజ మరణం అయితే 5 లక్షల రూపాయల బీమా వస్తుంది.

మనం ఒకరికి పంపబోయిన మెసేజ్ మరొకరికి పంపుతూ ఉంటాం. ఒకవేళ అది మామూలు మెసేజ్ అయితే పెద్దగా కంగారు పడాల్సిన అవసరం లేదు. అదే ఏదైనా ముఖ్యమైన విషయం అయినా, లేదా ఏదైనా పర్సనల్ విషయం అయినా, పొరపాటున వేరే వాళ్ళకి వెళ్తే మాత్రం అంతే సంగతి. ఇలా ఒక అమ్మాయి, తన బాయ్ ఫ్రెండ్ కి చేయబోయిన మెసేజ్ మరొకరికి చేసింది. అసలు కథేంటో ఆ అమ్మాయి మాటల్లోనే చూద్దాం.

“ఆరోజు కాలేజ్ కి హాలిడే అవ్వడంతో, బయటికి వెళ్దాం అనుకున్నాం. కొత్త సినిమా రావడంతో టికెట్స్ బుక్ చేసుకున్నాం. అనుకున్నట్టుగానే సినిమాకి వెళ్ళాం. సినిమా చాలా బాగుంది. తర్వాత ఆకలిగా ఉండటంతో లంచ్ కి వెళ్ళాం. లంచ్ చేసిన తర్వాత కొంచెం సేపు మాట్లాడుకొని ఎవరి ఇంటికి వాళ్ళు వెళ్ళిపోయాం. మొన్నటి వరకు ఎగ్జామ్స్ టెన్షన్ ఉండడంతో సరిగ్గా మాట్లాడుకోలేకపోయాం. ఇవాళ ఎందుకో చాలా హాయిగా అనిపించింది.

representative image

ఇదే విషయాన్ని తనకు చెబుదాం అని వాట్సాప్ ఓపెన్ చేశాను. నేను వాట్సాప్ ఎక్కువగా వాడను. చాటింగ్ అయితే చాలా తక్కువ. ఎక్కువగా టెక్స్ట్ మెసేజెస్ వాడతాను. కాంటాక్ట్ వెతికి ఓపెన్ చేసి “Thank you for everything. You made my day so memorable. I love you” అని పంపించాను. మెసేజ్ డెలివరీ అయింది. తర్వాత కొంత సేపటికి నా ఫోన్ లో మెసేజ్ సౌండ్ వచ్చింది. చూస్తే “??” అని ఉంది.

ఇదేంటి రిప్లై ఇలా వచ్చింది? అని ఒకసారి కాంటాక్ట్ సరిగ్గా చెక్ చేశాను. అప్పుడు అర్థమైంది. నేను ఈ మెసేజ్ మా నాన్న వాళ్ళ ఫ్రెండ్ కూతురికి పంపాను అని. వీళ్ళిద్దరి పేరు A తోనే స్టార్ట్ అవ్వడంతో, కన్ఫ్యూజ్ అయ్యాను. కాంటాక్ట్ లిస్ట్ లో మొదటి పేరు తనది ఉంటుందనుకున్నాను. అందుకే A టైప్ చేయగానే ముందు వచ్చిన పేరుకి మెసేజ్ పంపించాను. కానీ లిస్ట్ లో మొదట ఈ అమ్మాయి పేరు ఉంది. నాకు ఏం చెయ్యాలో అర్థం కాలేదు.

representative picture

ఆ అమ్మాయి ఇంకా ఆన్లైన్లోనే ఉంది. నా రిప్లై కోసం ఎదురు చూస్తోందేమో. ఇంక నేను ఇలా టెన్షన్ పడుతూ కూర్చుంటే, అంతలోపు ఆ అమ్మాయి ఎవరికైనా చెప్తే కష్టం. అందుకే ఇలా రిప్లై ఇచ్చాను. “If you get reply for the above message, that means they are your best friend. I got the reply from you. So you are my best friend”  అని రిప్లై ఇచ్చాను. ఈ మెసేజ్ చూసి ఆ అమ్మాయి ఒక స్మైలీ ఎమోజీతో రిప్లై ఇచ్చింది”.

ఇలా ఒక అమ్మాయి పొరపాటున పంపిన మెసేజ్ ని తెలివిగా కవర్ చేసింది. కానీ ప్రతిసారి ఇలా కవర్ చేయలేం. ఇంకా, ఇది ఏదో సరదా సందర్భంలో జరిగింది. ఒకవేళ బ్యాంక్ అకౌంట్ కి సంబంధించిన వివరాలు లేదా ఇతర ఇంపార్టెంట్ విషయాలు ఒకరికి పంపబోయి వేరే వారికి పంపితే మాత్రం కష్టమే. అందుకే మెసేజ్ ఏదైనా సరే జాగ్రత్తగా చూసుకొని సెండ్ చేయాలి.

జనాలు బస్సు ప్రయాణాల కంటే ట్రైన్ ప్రయాణం ఎక్కువ ఇష్టపడతారు. ఎందుకంటే ట్రైన్ వెళ్ళేటప్పుడు చుట్టూ ఉన్న పరిసరాలు ఎంతో ప్రశాంతతను ఇస్తాయి. జన సందోహం ఉన్న ప్రదేశాలలో ట్రైన్ వెళ్లదు కాబట్టి వాతావరణం కూడా ఆహ్లాదంగా అనిపిస్తుంది.

మనం ట్రైన్ లో ప్రయాణిస్తున్నప్పుడు లోకోమోటివ్ కోచ్ వెనకాల కుడి వైపు, ఎడమ వైపు రెండు రాడ్స్ నుండి, వాటికి సర్కిల్ షేప్ లో రెండు ప్లేట్స్ లాగా ఉన్న భాగాలను చూసే ఉంటాం.

మనలో చాలా మంది వీటిని చూసి రెండు కోచ్ లు అటాచ్ చేసి ఉండడానికి ఏర్పాటు చేసిన మ్యాగ్నెట్స్ అని అనుకుంటాం. కానీ కాదు. వాటిని సైడ్ బఫర్ అంటారు. సైడ్ బఫర్ ఏర్పాటు చేయడానికి ఒక కారణం ఉంది. అదేంటంటే. అసలు ముందు ఐసిఎఫ్ కోచ్ లను కనెక్ట్ చేయడానికి స్క్రూ కప్లింగ్ వాడేవాళ్ళు. కానీ స్క్రూలు టైట్ గా ఉంటాయి. కాబట్టి యాక్సిలరేట్ లేదా డీ – యాక్సిలరేట్ చేసినప్పుడు జెర్క్స్ ఎక్కువగా వచ్చేవి.

సైడ్ బఫర్, స్ప్రింగ్ మెకానిజం ద్వారా ఆపరేట్ అవుతుంది. వీటిని పుష్ చేసినప్పుడు లోపలి వైపుకి, బయటి వైపుకి తిరుగుతాయి. అందుకే ఒకవేళ ట్రైన్ స్పీడ్ పెంచినప్పుడు లేదా తగ్గించినప్పుడు లేదా ట్రైన్ టర్న్ అయినప్పుడు, స్ప్రింగ్ మెకానిజం ఉంది కాబట్టి సైడ్ బఫర్ ఉపయోగించడం వల్ల ట్రైన్ సేఫ్ గా నడుస్తుంది.

సైడ్ బఫర్ వాడడం వల్ల ఎలాంటి ఉపయోగాలు కలుగుతాయో, ఇప్పుడు తెలుసుకుందాం. ఒకవేళ ట్రైన్ ని యాక్సిలరేట్ లేదా డీ – యాక్సిలరేట్ చేసినప్పుడు, వాటిపై పడే ఇంపల్స్సెస్ ని తగ్గించడానికి సైడ్ బఫర్ ఉపయోగపడుతుంది. లేకపోతే జెర్క్స్ ఎక్కువగా వస్తాయి. అందుకే సైడ్ బఫర్ ఎనర్జీ ని అబ్జర్వ్ చేస్తూ ఉంటుంది.

ఒక కోచ్ ఇంకొక కోచ్ కి తగలకుండా ఉండేలా సైడ్ బఫర్ చూసుకుంటుంది. టర్నింగ్ వచ్చినప్పుడు, అంటే ట్రైన్ టర్న్ అవ్వాల్సి వచ్చినప్పుడు ఒక బఫర్ లోపలి వైపుకి వెళ్తుంది, ఇంకొక బఫర్ బయటి వైపుకి ఉంటుంది. దాని వల్ల మలుపు తిరిగేటప్పుడు ట్రైన్ కి స్ట్రెస్ తగ్గుతుంది. అప్పుడు ట్రైన్ సులభంగా తిరగగలుగుతుంది.

రెడ్ కలర్ కోచ్ లలో ఇలాంటి సైడ్ బఫర్ కనిపించదు. ఎందుకంటే వీటిలో సెంటర్ బఫర్ కప్లర్ వాడతారు. ఇది బఫర్ లాగా, కప్లర్ (కప్లింగ్) లాగా రెండు విధాలుగా పనిచేస్తుంది.