Off Beat

పెళ్లి అనగానే ఎక్కడలేని సందడి వచ్చేస్తుంది. పెళ్లి కూతురు, పెళ్లి కొడుకు.. ఇద్దరినీ ఇరు కుటుంబాల వారు అందం గా ముస్తాబు చేస్తారు. అసలు కళ అంత వారి కళ్ళలోనే ఉందా అన్నట్లు ఉంటుంది. పెళ్లి ఘడియల ముందు.. పెళ్లికూతురు మోములో సిగ్గు.. అబ్బాయి కళ్ళలో ఆనందం.. ఇవే కదా అసలు పెళ్లి వేడుకకు సందడి తీసుకొచ్చేది.

ఇప్పుడంటే.. కరోనా కారణం గా పెళ్లి కి ఎక్కువ మంది హాజరు అవ్వడం లేదు. అంతగా సందడి కూడా ఉండడం లేదు. కానీ.. మొన్నటి వరకు పెళ్లి అంటే… వందలమంది గెస్ట్ లు గా వచ్చేవారు. నూతన వధూవరులను మనస్పూర్తి గా ఆశీర్వదించేవారు. ఇంతమంది తమ కళ్ళను వధూవరులవైపే ఉంచుతారు. ఏర్పాట్లను సంతృప్తి చెందినా.. వాటిపైన కంటే ఎక్కువ ఫోకస్ వధూవరులపైనే ఉంటుంది. అందుకే.. వధూవరులకు దిష్టి తగలకుండా బుగ్గన చుక్క పెడతారు.

అలాగే.. ఈ దృష్టి దోషాన్ని నివారించడం కోసం.. తోడు పెళ్లి కూతురు, తోడు పెళ్లి కొడుకులను కూడా ముస్తాబు చేసి పక్కన కూర్చోబెడతారు. అయితే.. తోడు పెళ్ళికొడుకు, పెళ్లికూతుర్లను మాత్రం చిన్న వయసు వారిని ముస్తాబు చేస్తుంటారు. అలాగే.. పెళ్లికూతురు గా చేసిన తరువాత.. వారు ఎక్కడకి కదలడానికి ఉండదు. అందుకే వీరికి తోడుగా కూర్చోపెట్టిన వారు వీరికి తోడు గా ఉండడం తో పాటు..వీరికి కావాల్సిన అవసరాలను కూడా చూడడానికి వీలుంటుంది అన్న ఉద్దేశ్యం లో ఈ సంప్రదాయాన్ని తీసుకొచ్చారు.

మనుషులు అన్నాక ఆరోగ్య సమస్యలు వస్తూనే ఉంటాయి. అయితే కొన్ని సమస్యలకి డాక్టర్ల దగ్గరికి వెళ్తాం. కానీ కొన్ని సమస్యలు మాత్రం ఇంట్లోనే పరిష్కరించుకోవచ్చు. వంటింట్లో ఉండే వంట సామాన్లు కేవలం తినడానికి మాత్రమే కాదు. ఔషధాలుగా కూడా పనిచేస్తాయి.

అందుకే దగ్గు, జలుబు, జ్వరం వంటి ఆరోగ్య సమస్యలు కొన్ని రకమైన ఆహార పదార్థాలు తీసుకున్న తర్వాత వెంటనే నయం అయిపోతాయి. అయితే మన ఇంట్లో ఉండే ఇతర సమస్యలని నివారించడానికి కూడా వంట రూమ్ లో ఉండే కొన్ని వస్తువులు, కొన్ని పదార్థాలు ఉపయోగిస్తారు.

సాధారణంగా దోమల బెడద ప్రతి ఇంట్లో ఎక్కువగానే ఉంటుంది. ప్రతి కాలంలోనూ దోమలు ఉంటాయి. కానీ కొన్ని కాలాల్లో మాత్రం దోమలు మరీ విపరీతంగా ఉంటాయి. ముఖ్యంగా చలికాలంలో ఫ్యాన్ లేకుండా ఉండడం ఒక కష్టమైన విషయం అయిపోయింది. ఎందుకంటే, ఫ్యాన్ వేసుకుంటే చలి వేస్తుంది. కానీ ఫ్యాన్ వేసుకోకపోతే దోమలు చుట్టు తిరుగుతూనే ఉంటాయి. దాని బదులు ఫ్యాన్ వేసుకోవడమే నయం అనుకుంటారు. కేవలం చలికాలంలో మాత్రమే కాదు. ప్రతి కాలంలోనూ దోమలు వస్తూనే ఉంటున్నాయి.

దోమలని నివారించడానికి ఆల్ అవుట్ వంటి మెషిన్లు, మస్కిటో కాయిల్స్ వాడతాము. కానీ మస్కిటో కాయిల్స్ వల్ల వచ్చే పొగ కొందరికి పడదు. అయితే ఇంట్లోనే ఉండే కొన్ని సామాన్లు తీసుకొని ఈ దోమలను నివారించవచ్చు. అందులో మొదటిగా నిమ్మకాయ, లవంగాలు. నిమ్మకాయని సగానికి కోసి కొన్ని లవంగాలని గుచ్చి, ఆ నిమ్మకాయ చెక్కని రూమ్ లో కానీ, హాల్ లో కానీ పెట్టాలి. ఒక ఆరు, ఏడు లవంగాలు వాడితే ప్రభావం ఎక్కువగా ఉంటుంది. ఇలా చేయడం వల్ల దోమలు రావు. అయితే రోజు నిమ్మకాయని, లవంగాలని మారుస్తూ ఉండాలి. వెల్లుల్లితో కూడా దోమలని తగ్గించవచ్చు.

కొన్ని వెల్లుల్లి రెబ్బలు తీసుకొని, వాటిని నీటిలో నానబెట్టి, ఆ తర్వాత ఆ నీటిని తీసి, వాటిని ఒక పేస్ట్ లాగా చేసి, దాన్ని నీళ్లల్లో కలిపి, దోమలు ఉన్న ప్రదేశంలో స్ప్రే చేయాలి. వెల్లుల్లిలో సల్ఫర్ ఉంటుంది. దీని కారణంగా దోమలు మాత్రమే కాకుండా, ఈగలు, ఇంకా ఎటువంటి పురుగులు కూడా రావు. ఇది మాత్రమే కాకుండా కర్పూరం కూడా దోమలని, ఈగలని దూరం చేయడానికి ఉపయోగిస్తారు. ఒక గిన్నెలో నీళ్లు పోసి, కర్పూరం బిళ్ళలు వేసి, ఏదైనా గదిలో లేదా హాల్ లో పెడితే ఆ వాసనకి దోమలు బయటికి వెళ్లిపోతాయి. ఇలా ఇంట్లో ఉండే పదార్థాలను ఉపయోగించి దోమలని దూరం చేయవచ్చు.

ALSO READ : ఈ అమ్మాయిని చెత్తబుట్టలో నుంచి ఒక స్టార్ హీరో తెచ్చి పెంచాడు…ఇప్పుడు హీరోయిన్ లా ఎలా ఉందో చూడండి.!

దృష్టి సరిగా లేనపుడు కళ్ళ పెట్టుకోవడం అనేది సహజమే. ఈ మధ్య కాలం లో చాలా మంది కళ్ళ జోళ్ళు పెట్టుకుంటున్నారు. అయితే.. కళ్ళ జోడు పెట్టుకునే వారికి కొన్ని అదనపు బాధ్యతలు ఉంటాయి. ఎక్కడకి వెళ్లినా.. వారు తమతో పాటు కళ్ళ జోడులను కూడా తీసుకెళ్లాల్సి ఉంటుంది.

అలాగే.. వాటిని ధరించే ముందు మెత్తని క్లాత్ తో శుభ్రం చేసుకోవాలి. అంతే కాదు.. దానికోసం ప్రత్యేకం గా క్లాత్ ని ఉంచుకోవాలి. చాలా మంది తమ డ్రెస్ కి లేదా దుపట్టా కి.. అబ్బాయిలయితే షర్ట్ కి తుడిచేసి పెట్టుకోవడం వంటివి చేస్తూ ఉంటారు. ఇలా చేయడం వలన వాటిపై ఉండే కంటికి కనిపించని దుమ్ము ధూళి గ్లాసెస్ పైకి చేరే అవకాశం ఉంటుంది.

అలా.. మనకు తెలియకుండానే ఈ దుమ్ము ధూళి కంట్లోకి చేరతాయి. మరికొందరేమో చాలా సేపు తుడుస్తూ ఉంటారు. ఈ అతిజాగ్రత్త కూడా అవసరం లేదు. కనీసం ఇరవై సెకెన్ల పాటు తుడిస్తే సరిపోతుంది. అలాగే.. కళ్ళద్దాలను ఉపయోగించే ముందు చేతులని శుభ్రపరుచుకోవాలి. అప్పుడు చేతులపై సూక్ష్మ కణాలు అద్దాలపై చేరకుండా ఉంటాయి.

ఎప్పుడైనా అద్దాలకు దుమ్ము పట్టి వదలకపోతే.. తడిగుడ్డతో తుడవడం కాకుండా.. గోరువెచ్చని నీటిని అద్దాలపై పోయాలి. ఆ తరువాత పొడిగా ఉన్న మెత్తని మైక్రో ఫైబర్ క్లాత్ తో తుడవాలి. కేవలం అద్దాలపైనే ఫోకస్ చేయడం కాకుండా.. ఫ్రేమ్ పై కూడా శ్రద్ధ వహించాలి. లేదంటే అవి తుప్పు పట్టే అవకాశం ఉంటుంది. కొందరు కళ్లద్దాలు శుభ్రం చేసేందుకు నెయిల్ పాలిష్ రిమూవర్ ఉపయోగిస్తూ ఉంటారు.

ఇది అస్సలు చేయకూడదు. ఎందుకంటే.. నెయిల్ పోలిష్ రిమూవర్ లో అసిటోన్ ఉంటుంది. ఇది లెన్స్ లను పాడుచేస్తుంది. దీనిపెట్టి క్లీన్ చేసిన అద్దాలను ఉపయోగించడం వలన కళ్ళు స్ట్రైన్ అవుతాయి తప్ప ఉపయోగం ఉండదు. చాలా మంది కళ్ళద్దాలను జేబులోను, టేబుల్స్ పైన ఎక్కడపడితే అక్కడ పెట్టేస్తూ ఉంటారు. వాటికోసం ప్రత్యేకం గా కేటాయించిన బాక్స్ లలో మాత్రమే వాటిని ఉంచాలి. ఇలా కళ్ళద్దాల పట్ల శ్రద్ధ వహిస్తేనే.. మన కళ్ళు పదిలం గా ఉంటాయి.

మన శరీరానికి గాలి, ఆహారం అనేవి ఎంత ముఖ్యమో తాగే నీరు అంతే ముఖ్యం అని చెప్పవచ్చు. కానీ పర్యావరణ కాలుష్యం, సహజ వనరుల క్షీణత వల్ల స్వచ్ఛమైన నీరు దొరకడం కష్టంగా మారింది. అందుకే స్వచ్ఛమైన తాగునీటి కోసం ప్రస్తుతం చాలా మంది తమ ఇళ్లల్లో వాటర్ ప్యూరిఫైయర్‌లను వినియోగిస్తున్నారు. వాటర్ ప్యూరిఫైయర్ అనేది ప్రస్తుతం అనివార్యంగా మరిందని చెప్పవచ్చు.

ఈ వాటర్ ప్యూరిఫైయర్లలో కూడా RO, UV మరియు UF వంటి చాలా రకాలు మార్కెట్ లో అందుబాటులో ఉన్నాయి. అసలు RO, UV మరియు UF వాటర్ ప్యూరిఫైయర్లు అంటే ఏమిటి? వీటిలో ఏ వాటర్ ప్యూరిఫైయర్ నీరు తాగితే మంచిది? ఆ వివరాలు ఇప్పుడు చూద్దాం..
RO వాటర్ ప్యూరిఫైయర్:

దీనిలో మొదట నీటిని ro ఛాంబర్లోకి పంపిస్తారు. ఈ ఛాంబర్లో ఉండే మెంబ్రేన్ ఫిల్టర్స్ లోకి నీటిని హై ప్రెజర్ తో పంపిస్తారు. స్వచ్చమైన నీరు మాత్రమే మెంబ్రేన్ ఫిల్టర్స్ నుండి బయటకు వస్తుంది. నీటిలో ఉండే బాక్టీరియా మరియు వైరస్ లు, క్లోరిన్, ఫ్లోరైడ్ లాంటి కెమికల్స్ ఈ మెంబ్రేన్ దగ్గరే ఆగిపోయి, స్వచ్చమైన నీరు మాత్రమే బయటికి వస్తుంది. ఇలా నీటిలో ఉన్న కెమికల్స్ ను, సాల్ట్స్ ను కేవలం RO టెక్నాలజీ మాత్రమే తొలగించగలదు.ఈ RO వాటర్ ప్యూరిఫైయర్ ద్వారా వచ్చే నీరు ఎలాంటి స్మెల్, బాక్టీరియా మరియు వైరస్ లు లేకుండా 99% స్వచ్చంగా ఉంటుంది.
UV వాటర్ ప్యూరిఫైయర్:

ఈ ప్యూరిఫైయర్ నీటిని శుభ్రపరచడానికి UV రేడియేషన్ ఉపయోగిస్తారు. దీనిలో కూడా RO మాదిరిగానే UV ఛాంబర్ ఉంటుంది. ఈ ఛాంబర్ కి రెండు హోల్స్ ఉంటాయి. నీరు ఒక హోల్ నుండి ఛాంబర్ లోకి వెళ్ళగానే uv లైట్ UV కిరణాలను నీటిలోకి విడుదల చేస్తుంది. నీటిలో ఉన్న బాక్టీరియా, మరియు వైరస్ లను UV కిరణాలను చంపేస్తాయి. ఈ టెక్నాలజీ వల్ల 99% బాక్టీరియా, వైరస్ లు చనిపోతాయి. కానీ నీటిలోని కెమికల్స్ ను, సాల్ట్స్ ను తొలగించలేదు. అలాగే నీటిలోని మినరల్స్ ను కూడా తొలగించలేదు.UF వాటర్ ప్యూరిఫైయర్:

ఈ వాటర్ ప్యూరిఫైయర్ కి కరెంట్ అవసరం లేదు. ఈ ప్యూరిఫైయర్ లో చిన్న చిన్న మెంబ్రేన్స్ ఉంటాయి. వీటికి ఉండే హోల్స్ వెంట్రుక కన్నా 30 రేట్లు చిన్నగా ఉంటాయి. అందువల్ల బాక్టీరియా, వైరస్ లు బయటికి వెళ్లలేవు. కానీ బాక్టీరియా, వైరస్ కంటే చిన్నవిగా ఉండే సాల్ట్స్, కొన్ని రకాల కెమికల్స్, బాక్టీరియా యొక్క గుడ్లను మాత్రం ఆపలేవు.ఇక వీటిలో ఏది ఉపయోగించాలి అనేది మనం వాడే వాటర్ క్వాలిటీ మీద ఆధారపడి ఉంటుంది. మీరు ఏ వాటర్ ప్యూరిఫైయర్ ఉపయోగించాలో తెలుసుకోవాలంటే మీ వాటర్ యొక్క TDS అంటే టోటల్ డిసాల్వ్డ్ సాలీడ్స్ యొక్క వాల్యూని తెలుసుకోవాలి. మీ వాటర్ TDS 100 – 300 ఉంటే UV, UF వాటర్ ప్యూరిఫైయర్ వాడొచ్చు. TDS 300 – 500 ఉంటే UV, UF వాటర్ ప్యూరిఫైయర్ వాడొచ్చు. ఇక TDS  500- 2000 ఉంటే తప్పనిసరిగా RO వాటర్ ప్యూరిఫైయర్ ఉపయోగించాలని చెబుతున్నారు. పూర్తి వివరాల కోసం ఈ వీడియో చూడండి.

watch video: 

Also Read: భారతదేశపు మొదటి AC రైలు చూశారా..? ఇందులో చల్లదనం రావడానికి ఏం చేసేవారో తెలుసా..?

చంద్రముఖి సినిమాలో రజనీకాంత్ గారు ఒక డైలాగ్ చెప్తారు. భోజనం. మితంగా తింటే అమృతం. అమితంగా తింటే విషం. సినిమాలో భోజనం గురించి మాత్రమే చెప్పినా కూడా నిజ జీవితంలో ఇది చాలా విషయాలకి వర్తిస్తుంది. దాంట్లో సోషల్ మీడియా కూడా ఒకటి.

సోషల్ మీడియా వల్ల ఫేమస్ అయిన వాళ్ళు చాలా మంది ఉన్నారు. వాళ్ళు ఎందుకు ఫేమస్ అయ్యారు కూడా తెలియదు. ఏదో మాట్లాడి ఫేమస్ అయిపోతారు అంతే. సోషల్ మీడియా వల్ల ఎంతో మంది వెలుగులోకి కూడా వచ్చారు. అయితే ఏదైనా ఒక పాయింట్ తర్వాత లిమిట్ దాటినట్టు అనిపిస్తుంది.

దాని వల్ల సమస్యలు ఎదురవుతాయి. యూట్యూబ్ లో కానీ, లేదా ఇంకా ఏదైనా ఇంటర్వ్యూలో కానీ ఏదైనా ఒక వ్యక్తి కాస్త డిఫరెంట్ గా మాట్లాడితే దాన్ని వీడియో క్లిప్ కట్ చేసి సోషల్ మీడియాలో పోస్ట్ చేయడం, దాని మీద రీల్స్ చేయడం, దానికి డీజే మిక్స్ కూడా చేయడం, వాళ్లని ఫేమస్ చేయడం, శ్రీదేవి డ్రామా కంపెనీ లాంటి ప్రోగ్రామ్స్ కి వారిని తీసుకురావడం, ఇదంతా జరుగుతూనే ఉంది. మంచు విష్ణు హీరోగా నటించిన జిన్నా సినిమా ఆడియో రిలీజ్ వేడుకలో ఒక వ్యక్తి, “నేను జడేస్తాను చూడు” అంటూ పాట పాడారు. ఆమె ఆ ఈవెంట్ లో పాట పాడినప్పుడు నిజంగా ఎవరు చూడలేదు.

కానీ అదే వీడియోని సోషల్ మీడియాలో పోస్ట్ చేస్తే లక్షల మంది ఆ వీడియో చూసి, అప్పుడు యూట్యూబ్ లోకి వెళ్లి ఆమె పాడిన పాట మొత్తం చూశారు. కొంత కాలం క్రితం మెగాస్టార్ చిరంజీవి హీరోగా నటించిన వాల్తేరు వీరయ్య సినిమాలో కూడా మెగాస్టార్ చిరంజీవి, “నేను లుంగీ వేస్తాను చూడు” అంటూ ఆమె పాడిన పాటకి ట్రెండ్ కి తగ్గట్టుగా పాడారు. అలాగే, ఒక బస్ కండక్టర్ పల్సర్ బైక్ అనే పాటకి డాన్స్ వేయడం, తర్వాత ఆ పాటని అందరూ యూట్యూబ్ లో చూడడం, ఆ పాట పాడిన సింగర్ రమణకి పేరు రావడం, అదే పాటని ధమాకా సినిమాలో కూడా వాడడం జరిగాయి.

ఇప్పుడు మొన్న రీసెంట్ గా ఎక్కడ చూసినా ఒక పాట మాత్రం గట్టిగా వినిపిస్తోంది. ముందు, ” అంత పెద్ద హీరో ఇలాంటి రిఫరెన్స్ వాడటం ఏంటి?” అని అన్నారు. కానీ ఇప్పుడు మాత్రం థియేటర్లలో ఆ పాటకి డాన్స్ కూడా చేస్తున్నారు. ఎవరో ఒక పెద్దాయన ఒక ఇంటర్వ్యూలో వాడిన కుర్చీ మడత పెట్టి అనే పదాన్ని పాటలాగా చేశారు. అది కూడా ఆ వ్యక్తి చెప్పిన మొత్తం సెంటెన్స్ వాడకుండా కేవలం కుర్చీ మడత పెట్టి అనే పదాన్ని వాడి, ఆ పదాన్ని ఒక డీజే మిక్స్ చేసిన వీడియో ఉంటే దాన్ని కూడా వాడి వాళ్ళని కూడా ఫేమస్ అయ్యేలాగా చేశారు.

ఒక రకంగా చెప్పాలంటే సోషల్ మీడియా వీళ్ళందరికీ వరంగా మారింది. కానీ ప్రతిసారి ఇలాగే జరగదు. అందుకు ఇటీవల జరిగిన ఫుడ్ స్టాల్ సంఘటన ఉదాహరణ. ఎన్నో సంవత్సరాల నుండి అక్కడే ఫుడ్ స్టాల్ పెట్టి నడుపుకుంటున్న సాయి కుమారి ఒక్కసారిగా ఫేమస్ అయ్యాక ఇప్పుడు రద్దీ పెరిగిపోయి, ట్రాఫిక్ జామ్ అయ్యి, పోలీసులు వచ్చి ఫుడ్ స్టాల్ ఆపేయాలి అనేంత వరకు వెళ్ళింది. ఆమె ఇంటర్వ్యూలు చూస్తూ ఉంటే సాయి కుమారి అమాయకురాలు అని తెలుస్తోంది. ఎన్నో సంవత్సరాల నుండి కష్టపడుతున్న వారికి గుర్తింపు వచ్చింది అంటే వారికి కూడా ఆనందంగానే అనిపిస్తుంది కదా? సాయి కుమారి విషయంలో కూడా ఇలాగే జరిగింది.

తన పనికి గుర్తింపు లభిస్తున్నందుకు సంతోషపడ్డారు. కొంత మందికి ఇంటర్వ్యూలు ఇచ్చారు. కానీ ఇది అక్కడితో ఆగకుండా, ప్రతివారు ఆమె దగ్గరికి వెళ్లి, అంతకుముందు ఇంటర్వ్యూలలో కొంత మంది వేసిన ప్రశ్నలు వేయడం మొదలు పెట్టారు. పబ్లిసిటీ కొంతవ రకు బాగానే ఉంటుంది. కానీ అది ఎక్కువ అవుతూ ఉంటే అప్పుడప్పుడు హ్యాండిల్ చేయడం కూడా కష్టమే. నిన్న సాయికుమారి ఒక పాయింట్ తర్వాత వాళ్ళకి అంత పబ్లిసిటీ ఇవ్వద్దు అని, దాని వల్ల ఇబ్బందులు కలుగుతున్నాయి అని చెప్పారు. ఆమె చెప్పింది నిజమే కదా? కొంత వరకు అంటే వాళ్లు కూడా సంతోషపడతారు? కానీ ఇంత ఇబ్బంది కలిగే అంతగా పబ్లిసిటీ జరిగితే ఇలాంటి సమస్యలు వస్తాయి కదా?

సాధారణ ప్రజలు ఇలాంటివి ఎంతవరకు హ్యాండిల్ చేయగలరు? కానీ శ్రమ ఊరికే పోదు అన్నట్టు, రేవంత్ రెడ్డి వారి ఫుడ్ స్టాల్ నడుపుకోవడానికి అనుమతి ఇచ్చారు. ఏమైనా కూడా, దీనంతటికీ సోషల్ మీడియానే కారణం ఏమో. మొదట్లో కొన్ని ఇంటర్వ్యూ చేసి ఆపేస్తే వారి ఫుడ్ స్టాల్ అందరికీ తెలిసేది. వారికి కావాల్సినంత పబ్లిసిటీ వచ్చేది. ఇంత ఇబ్బంది కూడా అయ్యేది కాదు. కానీ ఇప్పుడు మరీ ఎక్కువగా రీల్స్ వంటివి కూడా చేయడం కారణంగా ఇలాంటి సమస్యలు వచ్చాయి. కానీ ఇప్పటికైనా సాయి కుమారికి ఈ పబ్లిసిటీ మంచి చేస్తుంది అనుకుందాం.

విలేజ్ కుకింగ్ ఛానల్ అనే ఒక ఛానల్ వాళ్ళని విక్రమ్ సినిమాలో ఒక సీన్ కోసం తీసుకున్నారు. దాంతో తమిళ్ ఛానల్ అయినా వాళ్లు దేశవ్యాప్తంగా ఫేమస్ అయిపోయారు. ఇప్పుడు ఇలాగే మన డైరెక్టర్ ఎవరైనా ఒక్క సీన్ కోసం సాయి కుమారిని తీసుకుంటే ఆమెకి మరింత ఫేమస్ చేసినట్టు అవుతుంది ఏమో. అలా అవ్వాలి అని కోరుకుందాం. ఎందుకంటే వారి కష్టానికి కూడా ఫలితం దక్కాలి కదా? అందుకే వాళ్లు కూడా ఇంకా అభివృద్ధి చెందాలి.

ALSO READ : కండక్టర్ అని కూడా చూడకుండా ఈ మహిళ వీరంగం..! ఇలా ప్రవర్తించడం ఏంటి..?

మనకి భారతదేశంలో రకరకాల స్వీట్లు దొరుకుతూ ఉంటాయి. ఒక్కొక్క చోట ఒక్కొక్క స్వీట్ బాగా స్పెషల్. అయితే మాడుగుల గ్రామంలో స్పెషల్ స్వీట్ ఏంటంటే హల్వా. మాడుగుల హల్వా అంటే చాలామందికి తెలుసు ఈ పేరు వినే  ఉంటారు. ఈ హల్వాను తినే ఉంటారు. అయితే మాడుగుల హల్వాను శోభనం స్పెషల్ హల్వా అంటారు. ఆ రాత్రి స్పెషల్ గా ఈ హాల్వాను ఆర్డర్ చేసుకొని మరి తెప్పించుకుంటారట.

అయితే ఒకసారి మాడుగుల హల్వా బ్యాక్ స్టోరీ కి వెళ్తే…దాదాపు 140 ఏళ్ల క్రితం మాడుగుల గ్రామానికి చెందిన దంగేటి ధర్మారావు అనే వ్యక్తి మిఠాయిల వ్యాపారాన్ని ప్రారంభించారు. దీంతో ఏదైనా కొత్తగా ఒక స్వీట్‌ తయారీ చేయాలనే ఆలోచన ఆయనకి వచ్చింది. ఆ ఆలోచనలో నుంచి పుట్టిందే ఈ మాడుగుల హల్వా. దీనిని తయారు చేసేందుకు 4 రోజుల సమయం పడుతుంది.

ముందుగా గోధుమలను  3 రోజులు నానబెట్టి రోటిలో రుబ్బి గోధుమ పాలు సేకరిస్తారు. గోధుమ పాలను ఒక రోజు పులియబెట్టి పంచదార, ఆవు నెయ్యి కలిపి దగ్గరకు మరిగే వరకు ఇనుప కళాయిలో తిప్పుతారు. ఆ పాకాన్ని దించి దానిపై బాదం, జీడిపప్పు వేస్తారు. ఇంత ప్రాసెస్ చేసాక వచ్చేది మాడుగుల హల్వా. ఇందులో అసలు సంగతి ఏంటంటే కట్టెల పొయ్యి మీద మాత్రమే ఈ  పాకం పడతారు. ఇలా చేసిన హల్వా నెల రోజుల వరకు పాడవకుండా ఉంటుందని నిర్వాహకులు చెప్తున్నారు. ముఖ్యం పాకం కరెక్ట్‌గా వచ్చింద లేదా అని చెప్పడమే ఈ హల్వా తయారీలో కీలకమంటున్నారు. చాలా అనుభవం ఉన్నవారు మాత్రమే ఈ పాకం దగ్గర ఉండాలంటున్నారు.

శోభనం రోజు రాత్రి ఈ హల్వాను తింటే పడక గదిలో రెచ్చిపోతారని అంటారు. అంతేకాకుండా బాలింతలకు కూడా ఈ హాల్వా చాలా మంచిదట.సాధారణ ప్రజల నుంచి  సెలెబ్రెటీలు, సినీరంగానికి చెందినవారు, రాజకీయనాయకుల ఈ మాడుగుల హల్వాను ఇష్టంగా తింటారు. దీని రేట్ కిలోకు రూ.400 నుంచి 600 ఉంటుంది. హైదరాబాద్, చెన్నై, బెంగళూరులాంటి ప్రధాన నగరాలతో పాటు విదేశాలకు కూడా ఈ హల్వాను పార్శిల్‌ చేస్తారు. 1500 కుటుంబాలు ఈ హల్వా తయారీపై ఆధారపడి ఉపాధి పొందుతున్నారు.

కేంద్ర  ప్రభుత్వం ఈ ఏడాది పద్మ పురస్కారాలను ప్రకటించింది. ఈ అవార్డులను సమాజంలో పలు రంగాలలో తమ పని ద్వారా  గుర్తింపును తెచ్చుకున్న వ్యక్తులకు అందచేస్తారు. ఈసారి ఐదుగురికి పద్మవిభూషణ్, పదిహేడు మందికి పద్మభూషణ్ ప్రకటించగా, 110 మందికి పద్మశ్రీ పురస్కారాలను ప్రకటించారు.

పద్మశ్రీ అవార్డులు ప్రకటించిన జాబితాలో శశి సోనీ కూడా ఉన్నారు. ఆమె కర్నాటకకు చెందిన  పారిశ్రామికవేత్త. 10,000 వేల రూపాయలతో ప్రారంభించిన ఆమె సంస్థ ఇప్పుడు 500 మిలియన్ల డాలర్లగా ఉంది.  గృహిణి నుండి  పారిశ్రామికవేత్తగా మారిన ఆమె గురించి ఇప్పుడు చూద్దాం..
69 ఏళ్ల శశి సోని భారత మహిళా వ్యాపారవేత్తల లిస్ట్ లో సుపరిచితమైన పేరు. మహిళా పారిశ్రామికవేత్త శశి సోనీ ఇజ్మో లిమిటెడ్ వ్యవస్థాపకురాలు. ఆమె కంపెనీ ప్రపంచంలోనే అతిపెద్ద ఆటోమొబైల్ సొల్యూషన్ ప్రొవైడర్. పద్మశ్రీ కన్నా ముందు, ఆమె అనేక అవార్డులతో గౌరవించబడింది. ఆమె 1990లో మహిళా గౌరవ్ అవార్డును అందుకుంది.శశి సోనీ పాకిస్తాన్‌లో 1941లో  ఏప్రిల్‌ 4న లాహోర్‌లో జన్మించారు. అయితే ఆమెకు 4 సంవత్సరాల వయసున్నప్పుడు ఆమె ఫ్యామిలీ ఢిల్లీకి వచ్చింది. అలా ఆమె విద్యాభ్యాసం అంతా ఢిల్లీలోనే సాగింది.
శశిసోనీ 1971లో 30 సంవత్సరాల వయసులో సొంతంగా బిజినెస్ మొదలుపెట్టారు. 10,000 రూపాయల పెట్టుబడితో ‘డీప్ ట్రాన్స్‌పోర్ట్‌’ను మొదలుపెట్టారు. ఆ వ్యాపారాన్ని 1975 వరకు కొనసాగించారు. ఆ తర్వాత అదే ఏడాది ముంబైలోని ములుంద్ ఏరియాలో  ‘దీప్ మందిర్ సినిమా’ అనే తొలి ఏసీ థియేటర్‌ను మొదలుపెట్టారు. దీనిని ఆమె 1980 వరకు నడిపించారు. వ్యాపారం ప్రారంభించిన మొదట్లో ఆమె అసమానతలతో పోరాడేలా చేసింది. డీప్ ఆక్సిజన్ ప్రైవేట్‌ లిమిటెడ్ సంస్థను స్థాపించే వరకు ఆమె పోరాటం కొనసాగింది.
మైసూర్‌లోని స్థాపించిన  పారిశ్రామిక గ్యాస్ తయారీ మరియు చిన్న తరహా గ్యాస్ తయారీతో ఆమె శ్రమ ఫలించి, ఆదాయం సమకూరింది. ఆ తరువాత సాంకేతిక రంగంలో ఆమె అడుగుపెట్టారు. ఇప్పుడు ఇంటరాక్టివ్ మార్కెటింగ్ సొల్యూషన్స్‌లో ప్రపంచ అగ్రగామి ఉన్న ఐజెడ్‌ఎంఓ లిమిటెడ్‌ కంపెనీని 2005లో స్థాపించారు.
ప్రస్తుతం ఈ కంపెనీ యూరప్, అమెరికా, ఆసియాలో హైటెక్ ఆటోమోటివ్, ఇ-రిటైలింగ్ సొల్యూషన్‌లను అందిస్తుంది. ఈ కంపెనీకి శశి సోనీ చైర్‌పర్సన్‌. ఈ కంపెనీ బీఎస్‌ఈ, ఎన్‌ఎస్‌ఈ లిస్ట్ లో చేరింది. ప్రస్తుతం ఈ కంపెనీ విలువ 4,150 కోట్ల రూపాయలకు చేరింది.శశి సోనీ డీప్ జనసేవా సమితి మెంబర్. వ్యవస్థీకృత ఉద్యోగాలు, మహిళలకు ఉద్యోగాలు, పెన్షన్ పథకాలు ప్రారంభించడం, శారీరక వికలాంగులకు నిధులు సమీకరించడం మొదలైన వాటి ద్వారా  సమాజానికి అపారమైన కృషి చేస్తోంది.

Also Read: “బడ్జెట్” అంటే ఏంటి.? ఆ పదం ఎలా వచ్చింది.?

చాలామంది అమ్మాయిలు ట్రైన్ లో ఒంటరిగా ప్రయాణం చేస్తూ ఉంటారు. ఒక్కొక్కసారి అనుకోకుండా సడన్ గా ప్రయాణాలు పెట్టుకోవాల్సి వస్తుంది. తల్లిదండ్రులు కుటుంబ సభ్యులు ఎవరూ లేకుండా చాలామంది అమ్మాయిలు ఒంటరిగానే వెళ్తుంటారు.

అయితే అందరు అమ్మాయిలు ధైర్యంగా ఉండకపోవచ్చు. ట్రైన్ లో ఒంటరిగా వెళ్లే సమయంలో అనుకొని ఆపదలు చుట్టుముట్టవచ్చు… అలాంటి అమ్మాయిలు ఈ విషయాన్ని ఖచ్చితంగా గుర్తు పెట్టుకోండి…మీకు చాలా ఉపయోగపడుతుంది…

ఒంటరిగా ఆడపిల్లలు కనిపిస్తే పోకిరి వెధవలు ఎక్కడైనా సరే అదునుగా చూసుకుని ఏడిపిస్తూ ఉంటారు. అలాంటిది ట్రైన్ లో ఒంటరిగా ప్రయాణిస్తున్నప్పుడు ఇలాంటి పరిస్థితి ఎదురైతే వాళ్ళు రెచ్చిపోతూ ఉంటారు. మీతో అసభ్యకరంగా ప్రవర్తిస్తూ ఇబ్బందులకు గురిచేస్తారు. మీ సీట్లలో కూర్చుని లేవకుండా ఇబ్బందులకు గురిచేసిన లేదా మీతో అసభ్య పదజాలంతో మాట్లాడిన ఇకపైన మీరు భయపడాల్సిన పనిలేదు. మీకోసమే రైల్వే డిపార్ట్మెంట్ రైల్వే సెక్యూరిటీ హెల్ప్ లైన్ నెంబర్ ను తీసుకువచ్చింది. ప్రతి ట్రైన్ బోగి లోను ఈ నెంబర్ ను అందుబాటులో ఉంచుతారు.

ఆ నంబరే 182. మీకు ఎటువంటి ఇబ్బందికర పరిస్థితి ఎదురైన ఈ నెంబర్ కి ఫోన్ చేసి కంప్లైంట్ చేస్తే ఖచ్చితంగా నెక్స్ట్ స్టేషన్ లో మీకు సహాయం దొరుకుతుంది. ఈ నెంబరు డివిజనల్ సెక్యూరిటీ కంట్రోల్ రూమ్ ఫర్ రైల్వే ప్రొటెక్షన్ ఫోర్స్ ద్వారా 24 గంటలు ఏడు రోజులు పనిచేస్తూనే ఉంటుంది. ఈ నెంబర్ మీ ఫోన్లలో సేవ్ చేసుకోవడం లేదా గుర్తుపెట్టుకోవడం ద్వారా మీకు ఎటువంటి ఇబ్బందికరమైన తక్షణ సహాయం అంది మీ ప్రయాణం సుఖంగా ఉంటుంది. ఒంటరిగా ప్రయాణించే ఆడవాళ్లు, మహిళలు, అమ్మాయిలు దీన్ని మీ దృష్టిలో పెట్టుకోండి.