Off Beat

మనం రోజు వారి దినచర్యలో గమనించే చాలా విషయాలను పట్టించుకోకుండా ఉంటాం. తీరా దాని ఉపయోగం ఏంటో తెలిసాక ఆశ్చర్యపోతూ ఉంటాం. అలాంటిదే ఇది కూడా. మీరెప్పుడైనా గమనించారా..? చాలా వరకు వచ్చే రెడీ మేడ్ షర్ట్ ల వెనకాల ఇలాంటి లూప్ ఒకటి ఉంటుంది.

ఇది ఎందుకు ఇస్తారో..? దీని వలన ఉపయోగం ఏంటో తెలుసా..? తెలియక పోతే ఈ ఆర్టికల్ చూసి తెలుసుకోండి. సాధారణంగా మనం ఆఫీస్ లేదా.. కాలేజీ కి వెళ్లి వచ్చిన తరువాత ఆ షర్ట్ ని హాంగర్ కి తగిలించి జాగ్రత్త పెడతాం.

అలా ఉంచడం వలన షర్ట్ కి ఉన్న ఇస్త్రీ మడతలు పోకుండా ఉంటాయి. మరో సారి ఆ షర్ట్ ని ధరించాలని అనుకుంటే ఆ షర్ట్ నీట్ గా ఉంటుంది. అయితే ఈ లూప్ అనేది షర్ట్ వెనకాల ప్లీట్.. యోక్‌కి కలిసే చోట ఇస్తారు. ఇది చూడడానికి డిజైన్ లాగా అనిపిస్తుంది. కానీ డిజైన్ అనుకుంటే పొరపాటే. ఇది డిజైన్ కాదు. వార్డ్ రోబ్ లు, హ్యాంగర్లు లేని రోజుల్లో ఈ లూప్ వల్ల చాలా ఉపయోగం ఉండేది.

ఆ రోజుల్లో చొక్కాలకు ముడతలు పడకుండా ఈ లూప్ తో మేకులకు తగిలించి వారు. అప్పుడు ఆ చొక్కాలకు నీట్ గా ఉండేవి. 1960 లలో US-తయారైన ఆక్స్‌ఫర్డ్ బటన్-డౌన్ చొక్కాలతో ఈ ట్రెండ్ మొదలైంది. మొదట దీనిని లాకర్ లూప్ అని పేరు పెట్టారు. ఆ తరువాత కాలంలో  ఫెయిరీ లూప్, ఫాగ్ ట్యాగ్ లేదా ఫ్రూట్ లూప్ అని కూడా పిలవడం మొదలు పెట్టారు. చాలా బ్రాండ్స్ ఈ ట్రెండ్ ని అనుసరిస్తున్నాయి. హ్యాంగర్లకు తగిలించుకునే ఫెసిలిటీ ఉన్నప్పటికీ ఈ లూప్ ఒక డిజైన్ లా బాగుండడంతో ఈ ట్రెండ్ నేటికీ కొనసాగుతోంది. హ్యాంగర్స్ లేని టైములో ఈ లూప్ సాయంతో ఎంచక్కా మీ చొక్కాని మడతలు లేకుండా తగిలించేసుకోవచ్చు.

మద్యం తాగితే నిజాలు బయటకొస్తాయన్నది బహిరంగ రహస్యమే. కొంతమంది రోజూ తాగుతారు. కొంతమంది వారానికోసారి తాగుతారు. కొంతమంది చుట్టూ పది మంది చేరినప్పుడు తాగుతుంటారు. ఏది ఏమైనా.. ఈ తాగుడు మాత్రం పూర్తిగా లేకుండా పోవడం అంటూ లేదు. కానీ, తాగుతున్నప్పుడు.. తాగిన తరువాత జరిగేదే కొన్నిసార్లు ఇబ్బందులకు గురి చేయచ్చు..మన పరువు తీయచ్చు కూడా.

కానీ, కొంతమంది మాత్రం నిజాలు చెప్పడానికి ధైర్యం కోసం తాగుతుంటారు. దీనికి కారణం ఏంటంటే.. మందు తాగగానే ఒకరకమైన ఆత్మవిశ్వాసం వచ్చేస్తుందట. తాము ఏమైనా చేయగలమని.. అన్ని తమ కోసమే జరుగుతున్నట్లు.. అన్ని తమవే అన్నట్లు ఓ రాజు లా ఫీల్ అయిపోతూ ఉంటారట. అందుకే.. ఓ పది మంది కలిసి సిట్టింగ్ వేసినపుడు మందు ఎక్కువైన వారు ఇష్టం వచ్చినట్లు మాట్లాడుతూ ఉంటారు. కొందరు బ్రేక్ అప్ ఐన వారు అయితే వారి లవ్ స్టోరీ ని గుర్తు చేసుకోవడమో లేక లవర్ ని తిట్టడం లేదా పొగడడం చేస్తూ ఉంటారు. ఇలా వారి మనసులో ఏమి ఉందొ అదే మాట్లాడతారు.

మరికొందరు ఏమో ఊరకనే ఇంగ్లీష్ లో ఇరగదీసేస్తు ఉంటారు. మాములుగా ఉన్నపుడు ఇంగ్లీష్ లో మాట్లాడమంటే తడపడేవాళ్లు కూడా రెండు పెగ్గులు పడేసరికి బాస్ లెవెల్ లో ఇంగ్లీష్ లో దంచేస్తూ ఉంటారు. దీనిపై పరిశోధనలు కూడా జరిగాయట. సైకో ఫార్మాలజి జర్నల్ ప్రకారం రెండు పెగ్గుల ఆల్కహాల్ మనలో ఉండే మొహమాటాన్ని, భయాన్ని పోగొడుతుందట. అందుకే ఆల్కహాల్ తీసుకున్న వారికి ఎక్కడ లేని ధైర్యం, తెగువ వచ్చేసి ఏది అనుకుంటే అది చేసేసారట. కానీ అతి సర్వత్రా వ్యర్జయేత్ అన్న విషయాన్నీ కూడా గుర్తుంచుకోవాలి. ఎక్కువ గా తీసుకుంటే.. ఆల్కహాల్ కూడా ఆరోగ్య సమస్యలను కలిగిస్తుంది.

పెళ్లి అనేది ఒక వ్యక్తి పర్సనల్ ఛాయిస్. అందరికీ ఒక పర్టిక్యులర్ వయసులోనే పెళ్లి చేసుకోవాలని అనిపించదు. కొంత మందికి పెళ్ళికంటే ముఖ్యమైనవి చాలా ఉంటాయి. కెరీర్ లో ఒక స్టేజ్ కి వచ్చి, వాళ్ళు అనుకున్నది సాధించిన తర్వాత పెళ్లి చేసుకుందాం అనుకునేవాళ్లు చాలా మంది ఉంటారు. అయితే 30 సంవత్సరాలు దాటిన తర్వాత పెళ్లి చేసుకుంటే కొన్ని ఇబ్బందులు వచ్చే అవకాశాలు ఉన్నాయి అని నిపుణులు చెబుతున్నారు. అవేంటంటే.

# ఈ ఏజ్ గ్రూప్ లో జీవితం పై పూర్తి స్పష్టత వస్తుంది. వీలైనంత వరకు కెరియర్ పై ఫోకస్ చేసి డబ్బు సంపాదించాలి అని అనుకుంటారు. దాంతో వైవాహిక జీవితంపై శ్రద్ధ పెట్టడం కష్టం అయ్యే అవకాశాలు ఉన్నాయి.

# ఒకరిపై ఒకరికి ఆకర్షణ తగ్గిపోతుంది. దాంతో వైవాహిక జీవితం చాలా డల్ గా సాగుతుంది అని నిపుణులు అంటున్నారు.

# వేరే విషయాల మీదకి, అంటే ఉద్యోగం, డబ్బు సంపాదించడంలో బిజీ అయిపోవడంతో ఒకరిపై ఒకరికి శ్రద్ధ పెట్టే సమయం చాలా తక్కువగా ఉంటుంది. దాంతో వేరే రిలేషన్ షిప్ వైపు ఫోకస్ వెళ్లే అవకాశాలు ఉంటాయట.

# సమాజం నుండి వచ్చే ఒత్తిడి గురించి మనందరికీ తెలుసు. ఎవరినైనా సరే తొందరగా జడ్జ్ చేయడంలో చాలా మంది ముందుంటారు. దాంతో ఒకవేళ మైండ్ కొంచెం సున్నితంగా ఉన్న వాళ్ళు అయితే సమాజం నుండి వచ్చే ఒత్తిడిని సీరియస్ గా తీసుకునే అవకాశాలు ఉంటాయి. దాని వల్ల మానసికంగా ఇబ్బందులు ఎదురు అవుతూ ఉంటాయి.

# భవిష్యత్తు ఎలా ఉండాలి ? జీవితం ఎలా ప్లాన్ చేసుకోవాలి ? అనే విషయంలో పడి ప్రస్తుతం ఉన్న మూమెంట్ ని ఎంజాయ్ చేసే అవకాశాలు కూడా తక్కువగా ఉంటాయి.

ఏదేమైనా సరే ఇందాక పైన చెప్పినట్టుగా పెళ్లి అనేది ఒక వ్యక్తి పర్సనల్ ఛాయిస్. ఒక వ్యక్తికి తన జీవితంలో ఎప్పుడు ఏం చేయాలి అనే విషయంపై క్లారిటీ ఉంటుంది. దాన్ని బట్టి వాళ్ళు వారి నిర్ణయాలు తీసుకుంటారు. కాబట్టి ఎవరిని కూడా జడ్జ్ చేయలేము.

భారతీయ వివాహ సంప్రదాయం లో మంగళసూత్రాలు ఉన్న ప్రాముఖ్యత గురించి తెలిసిందే. ఎంతో పవిత్రమైన ఈ సంప్రదాయం ప్రపంచ దేశాలకు ఆదర్శం. కానీ,నేటి యువత పాశ్చాత్య సంస్కృతి మోజులో పడి భారత వివాహ వ్యవస్థ గొప్పదనాన్ని కించపరుస్తోంది. ఏ దేశం లోను లేని సంస్కృతి భారతీయుల సొంతం.

భారత వివాహాల్లో మంగళసూత్రాలదే ప్రధమ ప్రాధాన్యత. తాళి బొట్టుని కట్టిన తరువాతే వివాహమైనట్లు భావిస్తారు. ఆ తరువాత అగ్ని సాక్షి గా ఏడడుగులు నడిచి వివాహబంధాన్ని ప్రారంభిస్తారు.

మీరెప్పుడైనా గమనించారా..? ఆడవారికి మంగళ సూత్రాలలో రెండు బిళ్ళలు ఉంటాయి. ఇవి ఒకటి పుట్టింటి వారు పెట్టేది మరొకటి అత్తింటి వారు పెట్టేది. ఈ రెండు ఆడవారి వక్షస్థల భాగాలను పోలి ఉంటాయి. ఇలా ఎందుకు ఉంటాయి..? అన్న సందేహం మీకు ఎప్పుడైనా కలిగిందా..? అయితే.. సమాధానం తెలియాలంటే ఈ ఆర్టికల్ ను చదివేయండి.

ఒకప్పటి కాలంలో ఆడవారి రొమ్ము భాగాలను పవిత్రంగా భావించే వారు. అంతే కాదు.. వాటిని కప్పి ఉంచుకోవాలన్న నిబంధనలు లాంటివి ఏమీ ఉండేవి కాదు. ఆడువారు వాటిని కప్పుకోకుండానే తిరిగేవారు కూడా. ఎందుకంటే అప్పట్లో పిల్లలకు పాలు ఇవ్వడానికి రొమ్ము భాగం ఒక్కటే ఆధారంగా ఉండేది. ఇప్పటిలా రకరకాల పాల ప్యాకెట్లు, చిన్న పిల్లల కోసం పాలు ప్రత్యేకంగా దొరకడం అంటూ ఉండేది కాదు. అందుకే వాటిని గౌరవిస్తూ ఉండేవారు. అవి కనిపించినంత మాత్రాన పురుషులు స్త్రీలను ఇబ్బంది పెట్టడం వంటివి కూడా ఉండేవి కాదు.

మరో ముఖ్యమైన విషయమేమిటంటే భారత దేశంలో చాలా మంది మంగళ సూత్రాలను అమ్మ వారి రూపంగా భావిస్తూ ఉండేవారు. అందుకే తాళి బొట్టు పై కొందరు అమ్మవారి రూపుని కూడా వేయించుకుంటూ ఉంటారు. ఆడవారి రొమ్ముకి ఆ పవిత్రతని ఆపాదించడం కోసమే.. తాళి బొట్టుని కూడా ఆ షేప్ లో ఉండే విధంగా నియమం తీసుకొచ్చారు. మన పెద్దలు ఏది చెప్పినా.. దాని వెనుక ఓ అర్ధం, పరమార్ధం ఉంటుంది అనడానికి ఇదో ఉదాహరణ.

మనిషికి న్యూస్ పేపర్ తో ఒక విడదీయలేని అనుబంధం ఉంటుంది. చాలా మంది రోజు మొదలయ్యేది న్యూస్ పేపర్ తోనే. ఇంటర్నెట్ వచ్చినా కూడా న్యూస్ పేపర్ స్థానం అలాగే ఉంది. మనం రోజు న్యూస్ పేపర్ చదువుతాం కానీ న్యూస్ పేపర్ పై ఉండే కొన్ని ముఖ్యమైన అంశాలను అసలు గమనించం.

ఉదాహరణకి న్యూస్ పేపర్లో న్యూస్ అంటే అర్థం తెలుసా? నార్త్ ఈస్ట్ వెస్ట్ సౌత్ అని. ఇదే కాదు ఇంకా కొన్ని మనం గమనించని విషయాలు న్యూస్ పేపర్ పై ఉంటాయి. అందులో ఒకటి న్యూస్ పేపర్ చివర్లో ఉండే చుక్కలు.

న్యూస్ పేపర్ చివరిలో దాదాపు నాలుగు చుక్కలు ఉంటాయి. అదికూడా ఒక్కొక్క చుక్క ఒక్కొక్క రంగులో ఉంటుంది. అలా ఉండడం వెనకాల కూడా ఒక అర్థం ఉంది. అది ఏంటంటే. ఆ చుక్కలు న్యూస్ పేపర్లో ప్రింట్ సరిగా ఉందో లేదో తెలుసుకోవడానికి ఒక సంకేతం. అప్పుడప్పుడు ఆ చుక్కలు సరిగ్గా ప్రింట్ అవ్వవు. అంటే ప్రతి చుక్క వెనకాల నీడ లాగ మరొక చుక్క ప్రింట్ అవుతుంది. దాని అర్థం న్యూస్ పేపర్ లో ప్రింటింగ్ అలైన్మెంట్ సరిగా లేదు అని. మీరు సరిగ్గా గమనిస్తే ఆ చుక్కలు ఎప్పుడూ ఒకటే ఆర్డర్లో ఉంటాయి.

ఆ ఆర్డర్ ని సీఎంవైకె (CMYK) సీక్వెన్స్ అంటారు. ఇందులో.

C – సియాన్ (నీలి రంగు)

M – మెజెంటా (గులాబీ రంగు)

Y – ఎల్లో (పసుపు)

K – బ్లాక్ (నలుపు)

రంగులు ఉంటాయి. మీరు ఒకసారి న్యూస్ పేపర్ తీసి గమనించండి. కింద చుక్కలు పైన చెప్పిన ఆర్డర్ ప్రకారమే ఉంటాయి. అలాగే పైన చెప్పిన విధంగా చుక్కల ని బట్టి ప్రింట్ ఎలా ఉంది అనే దాన్ని కూడా మీరు తెలుసుకోవచ్చు. కావాలంటే ఒకసారి ఇది కూడా ప్రయత్నించి చూడండి.

అన్నదమ్ముల మధ్య ఆస్తి తగాదాలు వస్తుండడం సహజమే. అయితే, ఈ రియల్ స్టోరీ లో తమ్ముడు మాత్రం అన్న పై కోపం తో నవ్వొచ్చే పని చేసాడు.

తమ్ముడి ఇంటి ఎదురుకుండా సముద్రం ఉండడం తో.. అన్న ఇంటికి ఎక్కువ వేల్యూ ఉంటుందని భావించి.. అన్నపై కోపం తో.. బీచ్ కి అన్న ఇంటికి మధ్యలో కేవలం రెండు అడుగుల వెడల్పు తో ఇల్లు కట్టేసాడు.

ప్రస్తుతం వీరి స్టోరీ నెట్టింట్లో వైరల్ అవుతోంది. ఇంతకీ అసలు కథ ఏంటో చూద్దాం.. లెబనాన్‌లోని బీరుట్‌కు సమీపం లో మనారా అనే సిటీ లో ఇద్దరు అన్నదమ్ములకు ఆస్తి పంపకాల విషయం లో గొడవలు వచ్చాయి. అన్న కు వచ్చిన ఆస్తి కంటే, తమ్ముడికి తక్కువ రావడం తో ఇద్దరికీ తగాదా వచ్చింది. ఈ క్రమం లో అన్న ఇల్లు కట్టుకున్నాడు.. తమ్ముడికేమో చాలా తక్కువ స్థలం వచ్చింది. దీనితో, తమ్ముడు అన్న పై అసంతృప్తి గా ఉన్నాడు. అన్న కట్టిన ఇల్లు బీచ్ కి ఎదురుగా ఉంది. ఆ ఇంట్లోంచి చూస్తే సముద్రం కనిపిస్తుంది.

దీనితో, ఆ ఇంటికి డిమాండ్ బాగా పెరిగింది. తన ఇంటికంటే అన్న ఇంటికే ఎక్కువ డిమాండ్ ఉండడం తో తమ్ముడు జెలస్ ఫీల్ అయ్యాడు. దీనితో, తమ్ముడు ఆ బీచ్ కి, అన్న ఇంటికి మధ్య లో ఉన్న కొద్దీ స్థలం లోనే ఇల్లు కట్టాడు. కేవలం రెండు అడుగుల వెడల్పు తో మరో వైపు 14 అడుగుల వెడల్పు తోనే ఇల్లు కట్టేసాడు. ఈ ఇల్లు చూడడానికి చాలా చిన్నగా ఉన్నప్పటికీ, అందులో అవసరమైన అన్ని సౌకర్యాలు ఏర్పాటు చేసాడు. ఈ ఇంటిని 1954 లో కట్టారని చెబుతున్నారు. అక్కడివారు ఆ ఇంటిని “విద్వేష భవనం” అని పిలుచుకుంటుంటారు. ఇంత సన్న గా ఉన్నా లెబనాన్ లో ఈ ఇల్లు బాగా పాపులర్ హౌస్ అట.