Politics

శివ లాంటి కల్ట్ క్లాసిక్ సినిమాలను ఇచ్చిన డైరెక్టర్ రామ్ గోపాల్ వర్మ. అప్పటి వరకు తెలుగు సినిమా ఇండస్ట్రీ అంటే ఒక రకమైన అభిప్రాయం ఉన్న వాళ్ళందరినీ కూడా తెలుగు సినిమా ఇండస్ట్రీ వైపు చూపు తిప్పుకునేలా చేశారు.

రామ్ గోపాల్ వర్మ సినిమాలో హీరోల పాత్రల రూపొందించే విధానం కూడా చాలా డిఫరెంట్ గా ఉండేది. అప్పట్లో చాలా మంది హీరోలు రామ్ గోపాల్ వర్మ దర్శకత్వంలో నటించాలి అని అనుకునేవారు. అయితే ఇప్పుడు ఆర్జీవి ఇంటర్వ్యూలు కూడా ఇస్తూ ఉంటారు.

ఆర్జీవిని ఇంటర్వ్యూ చేసి ఫేమస్ అయిన యాంకర్లు చాలా మంది ఉన్నారు. వారిలో కొంత మంది బిగ్ బాస్ వంటి ప్రోగ్రామ్ లకి వెళ్లి సెలబ్రిటీలుగా మారిపోయారు. ఇప్పుడు రామ్ గోపాల్ వర్మని ఇంటర్వ్యూ చేసిన మరొక యాంకర్ రాజకీయాల్లోకి వెళ్లిపోయారు. ఆమె పేరు శ్వేతా వర్మ. శ్వేతా వర్మ కొంత కాలం క్రితం రామ్ గోపాల్ వర్మతో ఒక ఇంటర్వ్యూ చేశారు. ఆ సమయంలో చాలా ఫేమస్ అయ్యారు. తర్వాత కొద్ది రోజులు కనిపించలేదు. ఇప్పుడు శ్వేతా వర్మ ఎంపీగా పోటీ చేస్తున్నారు.

image credits: friday poster

వైసీపీ పార్టీ తరఫున శ్వేతా వర్మ పోటీ చేస్తున్నారు. వైసీపీ పార్టీ నుండి నర్సాపురం నియోజకవర్గానికి ఎంపీగా శ్వేతా వర్మని పోటీ చేయించాలి జగన్మోహన్ రెడ్డి నిర్ణయం తీసుకున్నారు అనే వార్త వినిపిస్తోంది. శ్వేతా వర్మ రఘురామ కృష్ణంరాజుకి పోటీగా నిలబడబోతున్నారు. ఈసారి జగన్మోహన్ రెడ్డి కొత్త వారికి అవకాశం ఇవ్వాలి అని అనుకున్న విషయం తెలిసిందే. వారిలో శ్వేతా వర్మ పేరు కూడా ఉంది. అయితే నర్సాపురం నియోజకవర్గం ప్రతిష్టాత్మకంగా తీసుకున్న జగన్మోహన్ రెడ్డి, రఘురామ కృష్ణంరాజుకి పోటీగా అదే వర్గానికి చెందిన శ్వేతా వర్మని పోటీ చేయించాలి అని అనుకుంటున్నారు అని సమాచారం.

watch interview:

కాంగ్రెస్ నుండి కనుమూరి బాపిరాజు కూడా నరసాపురం లోక్ సభ బరిలో దిగుతున్నారు. కనుమూరి బాపిరాజుకి రఘురామ కృష్ణంరాజు స్వయాన అన్న కొడుకు. బాబాయి అబ్బాయి మధ్య పోరు జరుగుతున్న క్రమంలో ఒక యువనేతను దింపాలి అని వైసీపీ అనుకుంటున్నట్టు సమాచారం. అక్కడ క్షత్రియ డామినేషన్ ఎక్కువగా ఉంటుంది కాబట్టి అదే వర్గానికి చెందిన నేతని బరిలోకి దింపాలి అనుకుంటున్నారు.

watch video :

ALSO READ : రెండు గంటల పాటు సాగిన సునీత-షర్మిల భేటీ…. ఏం మాట్లాడుకున్నారు.?

తెలంగాణ అసెంబ్లీ ఎన్నికలు ఇటీవల ముగిశాయి. ఇప్పుడు ఆంధ్రప్రదేశ్ ఎన్నికలకు సిద్ధం అవుతోంది. జనసేన పార్టీ కూడా ప్రచారంలో జోరు పెంచింది. జనసేన పార్టీ అధ్యక్షుడు పవన్ కళ్యాణ్ ఇప్పటికే ప్రచార పనుల్లో యాక్టివ్ గా పాల్గొంటున్నారు. ఇందులో భాగంగానే జనసేన పార్టీలోకి చేరడానికి ఆసక్తి చూపిస్తున్న నాయకులని పార్టీలోకి ఆహ్వానిస్తున్నారు.

కే ఎల్ పి మూవీస్ సంస్థ అధినేత, IQ మూవీతో నిర్మాతగా మారిన బిజినెస్ మాన్ కాయగూరల లక్ష్మీపతి గారు సోమవారం నాడు జనసేన పార్టీలో చేరారు. లక్ష్మీపతి తండ్రిగారు నారాయణస్వామి గారు టిడిపి పార్టీ ఆవిర్భావం నుండి పార్టీ మనుగడకై, ప్రజాసేవకై కృషి చేసారు. గతంలో లక్ష్మీపతి గారు ఆర్టిఏ (RTA) బోర్డు మెంబర్ గా, టెలికాం అడ్వైజరీ కమిటీ మెంబర్ గా ఉన్నారు. అనంతపురం లో ప్రభుత్వ స్థలములో శాశ్వత ఆర్ టి ఓ కార్యాలయము నిర్మించుటకు కృషిచేసి నిర్మాణం పూర్తి చేశారు. అంతేకాదు కె ఎస్ ఎస్ చారిటబుల్ ట్రస్ట్ ద్వారా తన సొంత ఖర్చులతో పేదలకు దుప్పట్లు, చేతి కర్రలు పంచడమే కాదు… నీళ్ల ట్యాంకు నిర్మాణం కూడా చేయించారు. అఖిలభారత కాపు సమాఖ్య నందు ప్రధాన కార్యదర్శిగా చేసారు ఆయన.

సోమవారం రోజు జనసేన పార్టీ నాయకుడు పవన్ కళ్యాణ్ కండువా కప్పి పార్టీలోకి ఆహ్వానించారు. అనంతపురం అర్బన్ నియోజకవర్గంలో జనసేన గెలుపు కోసం ప్రజాసేవ కోసం కృషి చేయాలని పవన్ కళ్యాణ్ లక్ష్మీపతి గారికి సూచించారు. ఈ సందర్భంగా కాయగూరలు లక్ష్మీపతి మాట్లాడుతూ… పవన్ కళ్యాణ్ గారు మీద అభిమానంతో గతంలో పలు సేవా కార్యక్రమాల్లో ఆయనతో పాల్గొన్నాను. సినిమాలు అంటే ఇష్టం ఉండడంతో IQ సినిమా ద్వారా నిర్మాతగా మారాను. సినీ ఇండస్ట్రీ నుండి చాలామంది సపోర్ట్ చేస్తున్నారు. వారు అందరికి కృతజ్ఞతలు. పవన్ కళ్యాణ్ గారు నాపై ఉంచిన నమ్మకాన్ని వమ్ము చేయకుండా జనసేన నుంచి ప్రజలకు ఎంత సేవ చేయాలో అంత చేయడానికి సిద్ధంగా ఉన్నాను. పార్టీ టికెట్ కేటాయిస్తే ఎమ్మెల్యేగా కానీ ఎంపీగా కానీ పోటీ చేసేందుకు సిద్దమే”…అని అన్నారు.

సాధారణంగా రోడ్డు వెడల్పు చేసే పనిలో భాగంగా, చుట్టుపక్కల ఉన్న ఇళ్లను కానీ, లేదా షాపులను కానీ కూల్చివేయడం అనేది జరుగుతుంది. కానీ ఈ ఎమ్మెల్యే మాత్రం రోడ్డు వెడల్పు పనిలో భాగంగా తన సొంత ఇంటిలో కూల్చేశారు. ఆయన మరెవరో కాదు. కామారెడ్డి ఎమ్మెల్యే కాటిపల్లి వెంకట రమణారెడ్డి.

మున్సిపాలిటీ అధికారులు ఇళ్లను కూల్చివేయమని ఆదేశం ఇవ్వడంతో, శనివారం రోజు తన ఇంటిని కూల్చేశారు. ఇదే రోడ్డు మీద ప్రస్తుత ప్రభుత్వ సలహాదారు, కాంగ్రెస్ మాజీ మంత్రి అయిన షబ్బీర్ అలీ ఇల్లు కూడా ఉంది. మరి ఈ విషయం మీద ఆయన ఎలా స్పందిస్తారో అని చూస్తున్నారు.

అయితే మరొక పక్క రోడ్డు వెడల్పుకి అడ్డుగా ఉంది అని సొంత ఇంటిని కూల్చివేసిన బీజేపీ ఎమ్మెల్యే కాటిపల్లి వెంకట రమణారెడ్డి మాత్రం ఇచ్చిన మాట నిలబెట్టుకున్నారు అని అంటున్నారు. అంతే కాకుండా రోడ్డు విస్తరించడం కోసం ఇల్లు కూల్చివేసేందుకు ఆ ఇళ్ల యజమానులు సహకరించాలి అని వారిని కోరారు. అప్పటి ప్లాన్ ప్రకారం కామారెడ్డి జిల్లా కేంద్రంలోని పాత బస్టాండ్ నుండి రైల్వే గేట్ వరకు 80 అడుగుల విస్తీర్ణంలో రోడ్ నిర్మించాలి అని అనుకున్నారు.

అయితే, ప్రస్తుతం 30 అడుగుల రోడ్డు ఉంది. రోడ్డు విస్తరించడానికి వీలు లేకుండా చాలా మంది ఇళ్లు నిర్మించుకున్నారు. ఇళ్ళ ముందు షెడ్లు వంటివి కూడా ఏర్పాటు చేసుకున్నారు. అందుకే రోడ్ విస్తరించడానికి ప్రజలు స్వచ్ఛందంగా వారే ముందుకు రావాలి అని వెంకట రమణారెడ్డి ఈ నిర్ణయం తీసుకున్నారు. శనివారం ఉదయం నాడు ఆర్ అండ్ బి, మున్సిపల్, విద్యుత్ శాఖ అధికారుల ఆధ్వర్యంలో తానే జేసీబీ దగ్గరుండి తన సొంత ఇంటిని కూల్చివేశారు.

పంచముఖి హనుమాన్ దేవాలయం కూడా ఇదే దారిలో ఉంది. ఆ ఆలయానికి ఇబ్బంది కలగకుండా రోడ్డు విస్తీర్ణం చేసే పనులు చేపట్టాలి అని నిర్ణయం తీసుకున్నారు. వారం రోజుల లోపు రోడ్డు మీద ఉన్న కుళాయి గుంటలు, షెడ్లని వారే స్వచ్ఛందంగా తొలగించి, రోడ్డు అభివృద్ధి కోసం సహకరించాలి అని ప్రజలని కోరారు. ప్రస్తుతం ఉన్న రోడ్డుకు మరొక 24 అడుగుల రోడ్డు అదనంగా నిర్మించాలి అని, ఈ పనులన్నీ కూడా నెల రోజుల్లో పూర్తి కావాలి అని అధికారులని ఆదేశించారు. కాటిపల్లి వెంకట రమణారెడ్డి చేసిన పనికి చాలా మంది ఆయనని అభినందిస్తూ కామెంట్స్ చేస్తున్నారు.

రోడ్డు విస్తరణలో భాగంగా ఈ రోజు మొదటగా తన ఇంటినే కూల్చి వేసిన కామారెడ్డి శాసనసభ్యులు కాటిపల్లి వెంకటరమణారెడ్డి గారు pic.twitter.com/kVz38wpA19

— Katipally Venkata Ramana Reddy BJP (@kvr4kamareddy) January 27, 2024

ALSO READ : గుడిలోకి వెళ్తే వేల ఖర్చు.. చర్చ్ కు, దర్గాకు వెళ్తే రూపాయి ఖర్చు రాదు ఎందుకు..?

భారతదేశంలో సంస్కృతికి పెద్ద పీట వేస్తారు అనే సంగతి చెప్పాల్సిన అవసరం లేదు. భారతదేశమంటే ముందుగా గుర్తొచ్చేది ఇక్కడ సంస్కృతి, సాంప్రదాయాలు. భారతదేశం అంటే ఆలయాలకు కూడా ప్రసిద్ధి. ఎన్నో ఆలయాలు ఇక్కడ ఉన్నాయి.

విదేశాల నుండి ఎంతో మంది ఈ ఆలయాలకి వచ్చి దేవుడిని దర్శించుకొని వెళ్తారు. ఇంక పండగల సమయంలో అయితే ఆలయాల రద్దీ గురించి ఎంత చెప్పినా తక్కువే అవుతుంది. అలాంటి ప్రత్యేక రోజుల్లో దేవుడిని దర్శించుకోవడానికి ఎంతో మంది భక్తులు వస్తూ ఉంటారు. అయితే, ఆలయాల్లో దేవుడిని దర్శించుకునే ముందు పూజలకి డబ్బులు కట్టాలి. టికెట్ తీసుకోవాలి.

ఇలా దేవుడు దర్శనానికి కొంత మొత్తాన్ని చెల్లించాలి. కానీ చర్చికి, దర్గాకి వెళ్తే అక్కడ ఒక రూపాయి కూడా చెల్లించాల్సిన అవసరం ఉండదు. దీనికి కారణం ఏంటి అని మీకు ఎప్పుడైనా అనిపించిందా? ఇదే విషయాన్ని బీజేపీ స్పోక్స్ పర్సన్ అయిన రాణి రుద్రమని ఇటీవల ఒక ఇంటర్వ్యూలో సిగ్నేచర్ స్టూడియోస్ అనే ఒక ఛానల్ యాంకర్ అడిగారు. ఈ విషయం మీద రాణి రుద్రమ తనదైన శైలిలో జవాబు ఇచ్చారు. ముందుగా యాంకర్ అడిగిన ప్రశ్న సరైనది అని అన్నారు.

తర్వాత ఈ విషయం మీద రాణి రుద్రమ మాట్లాడారు. ఇటీవల కరీంనగర్ లో బండి సంజయ్ గారు కట్టించిన మహాశక్తి ఆలయానికి వెళ్లారు అని, అక్కడ ఒక్క రూపాయి కూడా చెల్లించాల్సిన అవసరం రాలేదు అని అన్నారు. ఇందుకు కారణం ఏంటి అని బండి సంజయ్ ని అడగగా, “మేము అలాంటి పద్ధతులకు వ్యతిరేకం” అని చెప్పారు. ప్రభుత్వం కొంత మొత్తాన్ని గుళ్ళ డెవలప్మెంట్ కి ఇవ్వాలి అని అన్నారు.

డెవలప్మెంట్ కోసం ఇదంతా కమర్షియల్ అయిపోయింది కానీ, ఇదంతా ప్రభుత్వం చూసుకోవాలి అని ఈ విషయం మీద వివరంగా చెప్పారు రాణి రుద్రమ. ఇది మాత్రమే కాకుండా, ఆడపిల్లల మీద ఎలాంటి అన్యాయం జరిగినా కూడా వెంటనే స్పందించాలి అని అన్నారు. ఇటీవల జరిగిన ఒక సంఘటన గురించి మాట్లాడుతూ, బీజేపీ ఇలాంటి వాటికి తొందరగా స్పందిస్తుంది అని, అలా ప్రతి ఒక్క పార్టీ కూడా ఇలాంటి సమస్యల మీద వెంటనే స్పందించాలి అని అభిప్రాయపడ్డారు.

watch video :

తెలంగాణ ఎన్నికల్లో పాలకుర్తి అసెంబ్లీ నియోజకవర్గ నుండి మామిడాల యశస్విని రెడ్డి విజయం సాధించారు. ఆరుసార్లు ఎమ్మెల్యేగా గెలిచిన ఎర్రబెల్లి దయాకర్ రావును ఓడించి ఆమె విజయం సాధించి దేశవ్యాప్తంగా సంచలనమయ్యారు.

ఒకసారి ఆమె బ్యాక్ గ్రౌండ్ గురించి చూస్తే… యశస్విని రెడ్డి 1997 సంవత్సరంలో హైదరాబాదులో జన్మించారు. ఈమె తల్లిదండ్రులు తిరుపతిరెడ్డి, మాధవి. యశస్విని రెడ్డికి ఒక చెల్లెలు కూడా ఉంది. టెన్త్ క్లాస్ వరకు ఎల్బీనగర్ శ్రీ చైతన్య స్కూల్లో చదివారు.

2018 లో హైదరాబాదులోని శ్రేయస్ ఇన్స్టిట్యూట్ ఆఫ్ ఇంజనీరింగ్ అండ్ టెక్నాలజీ నుండి బిటెక్ పూర్తి చేశారు.  తర్వాత 2019 సంవత్సరంలో ఝాన్సీ రెడ్డి రాజేందర్ రెడ్డి ల కుమారుడు రాజా రామ్మోహన్ రెడ్డి తో వివాహం జరిగింది. వీరి పెళ్లి సంగీత కార్యక్రమంలో బాహుబలి సినిమాలోని అనుష్క ప్రభాస్ గెటప్పులు వేసి వీరు డాన్స్ కూడా చేశారు. అయితే యశస్విని రెడ్డి రాజకీయ ప్రవేశం అనూహ్యంగా జరిగింది. ఆమె అత్త ఝాన్సీ రెడ్డి పాలకుర్తి టికెట్ పౌరసత్వం విషయంలో చిక్కుల రావడంతో ఆ టిక్కెట్ యశస్విని రెడ్డికి దక్కడం ఆమె ఎమ్మెల్యే గా నెగ్గడం జరిగింది.

యశస్విని రెడ్డి భర్త అమెరికాలో రియల్ ఎస్టేట్ వ్యాపారం చేస్తూ ఉంటారు. యశస్విని రెడ్డి మామయ్య కార్డియాలజిస్ట్. కొంత కాలం క్రితం ఇచ్చిన ఒక ఇంటర్వ్యూలో యశస్విని రెడ్డి తన పెళ్లి చూపులు ఎలా జరిగాయి అనే విషయాన్ని తెలిపారు. పక్కనే అత్తగారు ఝాన్సీ రెడ్డి కూడా ఉన్నారు. ఈ విషయంపై ఝాన్సీ రెడ్డి మాట్లాడుతూ తన భర్త తరపు వాళ్ళు యశశ్విని రెడ్డి బిల్డింగ్ లో ఉండేవారు అని, అలా వీరి సంబంధం వచ్చింది అని చెప్పారు.

తర్వాత బయోడేటాలు మార్చుకున్నారు అని, అప్పుడు ఫేస్ టైం లో ముందు కుటుంబాలు మాట్లాడుకున్నాక, ఆ తర్వాత యశశ్విని రెడ్డి, రాజారామ్మోహన్ రెడ్డి మాట్లాడుకున్నారు అని చెప్పారు. వాట్సాప్ లో కాంటాక్ట్ లో ఉన్న తర్వాత కొన్నాళ్ళకి డైరెక్ట్ పెళ్లిచూపులు జరిగాయి అన్నారు. యశశ్విని రెడ్డిని చూడంగానే తన చిన్న కోడలు కుడా ఇంకొక ఝాన్సీ రెడ్డి అనిపించింది అని ఝాన్సీ రెడ్డి తెలిపారు. అయితే తన కొడుకుకి తెలుగు రాదు అని, అక్కడే ఉండడం కారణంగా తెలుగు అంత పెద్దగా రాదు అని ఝాన్సీ రెడ్డి తెలిపారు. అలా వీరి పెళ్లిచూపులు జరిగాయి అన్నారు.

watch video :

ALSO READ : 36 సంవత్సరాల కిందటి “రాయల్ ఎన్‌ఫీల్డ్” బైక్ బిల్ చూశారా..? అప్పట్లో బైక్ ధర చూస్తే షాక్ అవ్వాల్సిందే..!

అయోధ్యలో శ్రీరామ ప్రాణప్రతిష్ట వేడుక ఎంతో ఘనంగా జరిగింది. ఈ వేడుకకి ఎంతో మంది ప్రముఖులు హాజరయ్యారు. సినీ ప్రముఖులతో పాటు, రాజకీయ రంగానికి చెందిన ప్రముఖులు, క్రీడా రంగానికి చెందిన ప్రముఖులు కూడా ఈ వేడుకలో పాల్గొన్నారు.

ఇంకా ఎంతో మంది వ్యాపారవేత్తలు కూడా అయోధ్య రామ మందిరానికి హాజరయ్యారు. రాజకీయ రంగానికి చెందిన ఎంతో మంది ప్రముఖులని ఈ వేడుకకి ఆహ్వానించిన సంగతి తెలిసిందే. అందులో, తెలుగు రాష్ట్ర ప్రముఖులు కూడా ఉన్నారు.

తెలుగుదేశం పార్టీ అధినేత చంద్రబాబు నాయుడు గారు ఈ వేడుకకి వెళ్లారు. పవన్ కళ్యాణ్ కూడా అయోధ్య రామ మందిరానికి వెళ్లారు. అయితే ఇప్పుడు ఒక ప్రశ్న మాత్రం నెలకొంది. అదేంటంటే, వైయస్ జగన్మోహన్ రెడ్డి దంపతులు ఈ వేడుకకి వెళ్ళలేదు. వారికి ఆహ్వానాలు అందలేదు అని అంటున్నారు. అయితే, “అసలు వైయస్ జగన్మోహన్ రెడ్డి దంపతులు ఈ వేడుకకి వెళ్ళకపోవడానికి కారణం ఏంటి?” అని అంటున్నారు. దీనిపై పలు సమాధానాలు వస్తున్నాయి. జగన్ ప్రస్తుతం వచ్చే ఎన్నికల కోసం అభ్యర్థుల జాబితాన్ని ఖరారు చేసే పనిలో చాలా బిజీగా ఉన్నారు.

అయితే మరొక పక్క వైసీపీ నాయకులు విజయసాయిరెడ్డితో పాటు, మరి కొంత మంది నేతలు, రామ మందిర ప్రారంభోత్సవానికి శుభాకాంక్షలు తెలుపుతూ పోస్ట్  లు చేయడంతో జగన్మోహన్ రెడ్డికి కూడా ఆహ్వానం అందింది అని చాలా మంది అనుకున్నారు. అంతే కాకుండా కాంగ్రెస్ చీఫ్ అయిన రాహుల్ గాంధీకి, సోనియా గాంధీకి కూడా ఆహ్వానాలు అందాయి. అయినా కూడా వాళ్ళు వెళ్లలేదు. జగన్ దంపతులు కూడా రామ మందిరానికి వెళ్లలేదు. “జగన్ క్రిస్టియానిటీ మతాన్ని నమ్ముతారు కాబట్టి, ఈ వేడుకకి వెళ్ళలేదు” అని కొంత మంది అంటున్నారు.

“ఈ ఆహ్వానాలు కేవలం బీజేపీకి మద్దతు తెలిపిన వారికి మాత్రమే అందాయి” అని కూడా అన్నారు. మరి కొంత మంది అయితే, “జగన్ బీజేపీకి దూరంగా ఉండాలి అని నిర్ణయించుకొని ఈ వేడుకకి వెళ్ళలేదు” అని అంటున్నారు. మరి ఇందులో ఎంత వరకు నిజం ఉంది అనేది తెలియదు. అసలు జగన్ కి ఆహ్వానం అందిందా లేదా అనే విషయం కూడా ఇంకా ప్రశ్నగానే ఉంది. ఒకవేళ ఆహ్వానం అంది ఉంటే వెళ్లలేకపోవడానికి కారణాలు ఇవి అయ్యుండొచ్చు అని రాజకీయ విశ్లేషకులు చెప్తున్నారు.

ALSO READ : రామ్ చరణ్ ని అలా అన్నప్పుడు ఉపాసన లేకపోవడమే వెలితి… ఆహ్వానం అందినా కూడా ఆమె ఎందుకు వెళ్ళలేదు.!