Politics

తెలంగాణ ఎన్నికల్లో పాలకుర్తి అసెంబ్లీ నియోజకవర్గ నుండి మామిడాల యశస్విని రెడ్డి విజయం సాధించారు. ఆరుసార్లు ఎమ్మెల్యేగా గెలిచిన ఎర్రబెల్లి దయాకర్ రావును ఓడించి ఆమె విజయం సాధించి దేశవ్యాప్తంగా సంచలనమయ్యారు.

ఒకసారి ఆమె బ్యాక్ గ్రౌండ్ గురించి చూస్తే… యశస్విని రెడ్డి 1997 సంవత్సరంలో హైదరాబాదులో జన్మించారు. ఈమె తల్లిదండ్రులు తిరుపతిరెడ్డి, మాధవి. యశస్విని రెడ్డికి ఒక చెల్లెలు కూడా ఉంది. టెన్త్ క్లాస్ వరకు ఎల్బీనగర్ శ్రీ చైతన్య స్కూల్లో చదివారు.

2018 లో హైదరాబాదులోని శ్రేయస్ ఇన్స్టిట్యూట్ ఆఫ్ ఇంజనీరింగ్ అండ్ టెక్నాలజీ నుండి బిటెక్ పూర్తి చేశారు.  తర్వాత 2019 సంవత్సరంలో ఝాన్సీ రెడ్డి రాజేందర్ రెడ్డి ల కుమారుడు రాజా రామ్మోహన్ రెడ్డి తో వివాహం జరిగింది. వీరి పెళ్లి సంగీత కార్యక్రమంలో బాహుబలి సినిమాలోని అనుష్క ప్రభాస్ గెటప్పులు వేసి వీరు డాన్స్ కూడా చేశారు. అయితే యశస్విని రెడ్డి రాజకీయ ప్రవేశం అనూహ్యంగా జరిగింది. ఆమె అత్త ఝాన్సీ రెడ్డి పాలకుర్తి టికెట్ పౌరసత్వం విషయంలో చిక్కుల రావడంతో ఆ టిక్కెట్ యశస్విని రెడ్డికి దక్కడం ఆమె ఎమ్మెల్యే గా నెగ్గడం జరిగింది.

యశస్విని రెడ్డి భర్త అమెరికాలో రియల్ ఎస్టేట్ వ్యాపారం చేస్తూ ఉంటారు. యశస్విని రెడ్డి మామయ్య కార్డియాలజిస్ట్. కొంత కాలం క్రితం ఇచ్చిన ఒక ఇంటర్వ్యూలో యశస్విని రెడ్డి తన పెళ్లి చూపులు ఎలా జరిగాయి అనే విషయాన్ని తెలిపారు. పక్కనే అత్తగారు ఝాన్సీ రెడ్డి కూడా ఉన్నారు. ఈ విషయంపై ఝాన్సీ రెడ్డి మాట్లాడుతూ తన భర్త తరపు వాళ్ళు యశశ్విని రెడ్డి బిల్డింగ్ లో ఉండేవారు అని, అలా వీరి సంబంధం వచ్చింది అని చెప్పారు.

తర్వాత బయోడేటాలు మార్చుకున్నారు అని, అప్పుడు ఫేస్ టైం లో ముందు కుటుంబాలు మాట్లాడుకున్నాక, ఆ తర్వాత యశశ్విని రెడ్డి, రాజారామ్మోహన్ రెడ్డి మాట్లాడుకున్నారు అని చెప్పారు. వాట్సాప్ లో కాంటాక్ట్ లో ఉన్న తర్వాత కొన్నాళ్ళకి డైరెక్ట్ పెళ్లిచూపులు జరిగాయి అన్నారు. యశశ్విని రెడ్డిని చూడంగానే తన చిన్న కోడలు కుడా ఇంకొక ఝాన్సీ రెడ్డి అనిపించింది అని ఝాన్సీ రెడ్డి తెలిపారు. అయితే తన కొడుకుకి తెలుగు రాదు అని, అక్కడే ఉండడం కారణంగా తెలుగు అంత పెద్దగా రాదు అని ఝాన్సీ రెడ్డి తెలిపారు. అలా వీరి పెళ్లిచూపులు జరిగాయి అన్నారు.

watch video :

ALSO READ : 36 సంవత్సరాల కిందటి “రాయల్ ఎన్‌ఫీల్డ్” బైక్ బిల్ చూశారా..? అప్పట్లో బైక్ ధర చూస్తే షాక్ అవ్వాల్సిందే..!

అయోధ్యలో శ్రీరామ ప్రాణప్రతిష్ట వేడుక ఎంతో ఘనంగా జరిగింది. ఈ వేడుకకి ఎంతో మంది ప్రముఖులు హాజరయ్యారు. సినీ ప్రముఖులతో పాటు, రాజకీయ రంగానికి చెందిన ప్రముఖులు, క్రీడా రంగానికి చెందిన ప్రముఖులు కూడా ఈ వేడుకలో పాల్గొన్నారు.

ఇంకా ఎంతో మంది వ్యాపారవేత్తలు కూడా అయోధ్య రామ మందిరానికి హాజరయ్యారు. రాజకీయ రంగానికి చెందిన ఎంతో మంది ప్రముఖులని ఈ వేడుకకి ఆహ్వానించిన సంగతి తెలిసిందే. అందులో, తెలుగు రాష్ట్ర ప్రముఖులు కూడా ఉన్నారు.

తెలుగుదేశం పార్టీ అధినేత చంద్రబాబు నాయుడు గారు ఈ వేడుకకి వెళ్లారు. పవన్ కళ్యాణ్ కూడా అయోధ్య రామ మందిరానికి వెళ్లారు. అయితే ఇప్పుడు ఒక ప్రశ్న మాత్రం నెలకొంది. అదేంటంటే, వైయస్ జగన్మోహన్ రెడ్డి దంపతులు ఈ వేడుకకి వెళ్ళలేదు. వారికి ఆహ్వానాలు అందలేదు అని అంటున్నారు. అయితే, “అసలు వైయస్ జగన్మోహన్ రెడ్డి దంపతులు ఈ వేడుకకి వెళ్ళకపోవడానికి కారణం ఏంటి?” అని అంటున్నారు. దీనిపై పలు సమాధానాలు వస్తున్నాయి. జగన్ ప్రస్తుతం వచ్చే ఎన్నికల కోసం అభ్యర్థుల జాబితాన్ని ఖరారు చేసే పనిలో చాలా బిజీగా ఉన్నారు.

అయితే మరొక పక్క వైసీపీ నాయకులు విజయసాయిరెడ్డితో పాటు, మరి కొంత మంది నేతలు, రామ మందిర ప్రారంభోత్సవానికి శుభాకాంక్షలు తెలుపుతూ పోస్ట్  లు చేయడంతో జగన్మోహన్ రెడ్డికి కూడా ఆహ్వానం అందింది అని చాలా మంది అనుకున్నారు. అంతే కాకుండా కాంగ్రెస్ చీఫ్ అయిన రాహుల్ గాంధీకి, సోనియా గాంధీకి కూడా ఆహ్వానాలు అందాయి. అయినా కూడా వాళ్ళు వెళ్లలేదు. జగన్ దంపతులు కూడా రామ మందిరానికి వెళ్లలేదు. “జగన్ క్రిస్టియానిటీ మతాన్ని నమ్ముతారు కాబట్టి, ఈ వేడుకకి వెళ్ళలేదు” అని కొంత మంది అంటున్నారు.

“ఈ ఆహ్వానాలు కేవలం బీజేపీకి మద్దతు తెలిపిన వారికి మాత్రమే అందాయి” అని కూడా అన్నారు. మరి కొంత మంది అయితే, “జగన్ బీజేపీకి దూరంగా ఉండాలి అని నిర్ణయించుకొని ఈ వేడుకకి వెళ్ళలేదు” అని అంటున్నారు. మరి ఇందులో ఎంత వరకు నిజం ఉంది అనేది తెలియదు. అసలు జగన్ కి ఆహ్వానం అందిందా లేదా అనే విషయం కూడా ఇంకా ప్రశ్నగానే ఉంది. ఒకవేళ ఆహ్వానం అంది ఉంటే వెళ్లలేకపోవడానికి కారణాలు ఇవి అయ్యుండొచ్చు అని రాజకీయ విశ్లేషకులు చెప్తున్నారు.

ALSO READ : రామ్ చరణ్ ని అలా అన్నప్పుడు ఉపాసన లేకపోవడమే వెలితి… ఆహ్వానం అందినా కూడా ఆమె ఎందుకు వెళ్ళలేదు.!

అయోధ్యలోని రామ మందిరంలో రాముడి విగ్రహ ప్రాణప్రతిష్ట ఎంతో ఘనంగా జరిగింది. ఎంతో మంది ప్రముఖులు ఈ వేడుకకి హాజరు అయ్యారు. దేశం మొత్తం రామ నామ స్మరణతో నిండిపోయింది. ప్రాణప్రతిష్ట సమయంలో ఇళ్ళలో పూజలు చేసుకున్న వాళ్లు కూడా చాలా మంది ఉన్నారు.

నిన్నటి రోజు ఒక పండగ లాంటిదే. ఎన్నో దశాబ్దాల కష్టం ఫలితం ఇది. కాబట్టి ఆ రోజుని ఒక పండుగలాగానే జరుపుకున్నారు. సినీ, రాజకీయ, క్రీడా రంగాలకు చెందిన ప్రముఖులు అయోధ్యలోని రామ మందిరంకి వెళ్లి రాముడి ప్రాణప్రతిష్ట వేడుకలో పాల్గొన్నారు.

అయితే, ఈ వేడుకకి హాజరు కాని వాళ్ళు కూడా ఉన్నారు. ఆహ్వానాలు అందినా కూడా కొంత మంది కొన్ని కారణాల వల్ల ఈ వేడుకకి వెళ్లలేకపోయారు. అయోధ్యకి వెళ్లలేని వారిలో ఎల్కే అద్వానీ ఒకరు. చాలా మంది వస్తారు అని అనుకున్నారు. కానీ గత నెలలో శ్రీరామ్ జన్మభూమి తీర్థక్షేత్ర ట్రస్ట్ వాళ్ళు, “ఎల్కే అద్వానీ, మురళి మనోహర్ జోషి ఈ వేడుకకి హాజరు అవ్వలేరు” అని చెప్పారు. అందుకు కారణం, “చలికాలం కాబట్టి చలి ఎక్కువగా ఉంటుంది” అని, “వారి వయసు వాతావరణంనికి సహకరించకపోవచ్చు” అని చెప్పారు.

మరొక పక్క విశ్వహిందూ పరిషత్ కి చెందిన ఒక వ్యక్తి మాత్రం, ఒక సమయంలో మీడియాతో మాట్లాడుతూ, “ఎల్కే అద్వానీ వస్తారు” అని, “అందుకు తగ్గ ఏర్పాట్లు కూడా చేశారు” అని చెప్పారు. కానీ నిన్నటి వేడుకకి ఎల్కే అద్వానీ హాజరు కాలేదు. కొంత మంది, “వయసు వల్ల అవ్వచ్చు” అని అంటున్నా కూడా, మరి కొంతమంది మాత్రం, “ఆయన రాకపోవడానికి బలమైన కారణం ఉంది” అని అంటున్నారు. అసలు రామ మందిరం నిర్మాణానికి కృషి చేసిన వారిలో ఎల్కే అద్వానీ ఒకరు. 1990 ల్లో రామ్ జన్మభూమి ఉద్యమాన్ని మొదలు పెట్టింది ఎల్కే అద్వానీ.

1992 లో బాబ్రీ మసీదు గొడవ సమయంలో ఎల్కే అద్వానీ రామ మందిరానికి మద్దతుగా నిలబడి, “మందిర్ వహీ బనాయేంగే (అక్కడే గుడి కడతాం)”అనే ఒక నినాదంతో రామ మందిరం కోసం పోరాడారు. అలాంటి వ్యక్తి గురించి ఎక్కడా చెప్పట్లేదు. ఇప్పుడు ప్రాణప్రతిష్టకి ముందు మీడియాతో ఈ విషయం మీద ఎన్నో సార్లు మాట్లాడారు. వారిలో ఒక్కరు కూడా ఎల్కే అద్వానీ చేసిన కృషిని తలుచుకోలేదు. దాంతో ఈ విషయం మీద ఎల్కే అద్వానీ బాధపడి ఈ వేడుకకి హాజరు అవ్వలేదు అని అంటున్నారు. ఏదేమైనా సరే ఎల్కే అద్వానీ వస్తారు అనుకున్న వారు ఆయన రాకపోవడంతో కాస్త నిరాశ చెందారు.

ALSO READ : AYODHYA RAM MANDIR PRASADAM BOX: అయోధ్యలో VVIP లకి ఇచ్చిన ఆ స్పెషల్ బాక్స్ లో ఉన్న 8 ఐటమ్స్ ఇవే.!

స్మితా సబర్వాల్. ఈ పేరు తెలియని తెలుగువారు ఉండరు ఏమో. కేసీఆర్ ప్రభుత్వంలో రాష్ట్రం అభివృద్ధి అవ్వడానికి తన వంతు సహాయం చేసి, ఇప్పుడు కూడా తెలంగాణ రాష్ట్రం కోసం కృషి చేస్తున్నారు. అయితే స్మితా సబర్వాల్ సోషల్ మీడియాలో కూడా చాలా యాక్టివ్ గా ఉంటారు.

విధి నిర్వహణలో ఎంత నిబద్ధతతో ఉంటారో, వ్యక్తిగత జీవితంలో అంతే చలాకీ మనిషి. వీకెండ్స్ వస్తే స్నేహితులతో సరదాగా బయటికి వెళ్లడం వంటివి కూడా చేస్తూ ఉంటారు.

అలా స్నేహితులతో, కుటుంబంతో సరదాగా గడిపిన విషయాలు అన్నీ కూడా సోషల్ మీడియాలో షేర్ చేస్తూ ఉంటారు. స్మితా సబర్వాల్ కి సోషల్ మీడియాలో కూడా చాలా మంది ఫాలోవర్స్ ఉన్నారు. అంతే కాకుండా, చేనేత వస్త్రాలని కూడా స్మితా సబర్వాల్ ప్రమోట్ చేస్తూ ఉంటారు. స్మితా సబర్వాల్ బయట కూడా ఎక్కువ చేనేత చీరల్లోనే కనిపిస్తూ ఉంటారు.

తెలంగాణ చేనేత అభివృద్ధి కోసం ఈ రకంగా కూడా మన వస్త్రాలని ప్రమోట్ చేస్తున్నారు. అయితే ఇదిలా ఉండగా స్మితా సబర్వాల్ ఇటీవల సోషల్ మీడియాలో ఒక పోస్ట్ షేర్ చేశారు. తన ఫోటోని షేర్ చేసి, “మనం నిప్పుల్లో ఎలా నడిచాం అనేది చాలా ముఖ్యమైన విషయం. తల పైకెత్తి ధైర్యంగా నడవండి. హ్యాపీ సండే” అంటూ స్మితా సబర్వాల్ ఒక పోస్ట్ షేర్ చేశారు. అందుకు ఒక వ్యక్తి ఎంతో క్రియేటివ్ గా సమాధానం చెప్పారు. అందుకు స్మితా సబర్వాల్ రిప్లై కూడా ఇచ్చారు.

మృత్యుంజయ దీక్షిత్ అనే ఒక ఫాలోవర్ ఈ విధంగా రాశారు. స్మితా సబర్వాల్ పోస్ట్ కి కామెంట్ చేస్తూ, “మీ వయసు ఎప్పటికి పెరగదు. మీరు నక్షత్రం లాగా మెరుస్తూనే ఉంటారు. మీరు ఒక దేవత లాంటివారు. బాలీవుడ్ హీరోయిన్ తో కానీ, హాలీవుడ్ హీరోయిన్ తో కానీ మీకు అసలు పోలిక లేదు. మీరు ఇలాగే అభివృద్ధి చెందాలి. ఎంతో గౌరవంతో ఇది చెప్తున్నాను” అని రాశారు. అందుకు స్మితా సబర్వాల్ హార్ట్ ఎమోజితో రిప్లై ఇచ్చారు. ఈ వ్యక్తి రాసిన కవితని కొంతమంది మెచ్చుకున్నారు కూడా.

What matters most is how we walk through the fire.
Chin up n walk strong🔥
#HappySunday guys! pic.twitter.com/XAUqo8N5nc

— Smita Sabharwal (@SmitaSabharwal) January 21, 2024

ALSO READ : “ముఖ్యమంత్రి వెళ్తేనే పది కార్లు..మరి?” అంటూ… రామమందిరానికి ఇంత ఆర్భాటం ఎందుకు అనేవాళ్ళకి గరికిపాటి స్ట్రాంగ్ కౌంటర్!

సాధారణంగా కొంత మందికి కొన్ని సెంటిమెంట్స్ ఉంటాయి. ఒక విషయం పదే పదే జరుగుతూ ఉంటే దాన్ని సెంటిమెంట్ అని అంటారు. ఎంతో మంది ప్రముఖులకు కూడా ఇలా కొన్ని సెంటిమెంట్స్ ఉన్నాయి.

కొన్ని సెంటిమెంట్స్ వాళ్ళకి ఉంటే, కొన్ని సెంటిమెంట్స్ మాత్రం చూస్తున్న ప్రజలకే తెలిసాయి. సినిమా రంగంలో ఉన్న ప్రముఖులకు ఇలాంటి సెంటిమెంట్స్ ఉండడం సహజమే.

వారి సినిమాలు విడుదల అవుతున్నప్పుడు ప్రేక్షకులు కూడా వారి పాత సినిమాల గ్రాఫ్ పరిశీలించి, చూసి అక్కడ ఏదైనా సెంటిమెంట్ ఉంటే అది కనిపెట్టి, ఆ సెంటిమెంట్ ప్రకారం ఇప్పుడు ఈ సినిమా ఫలితం ఇలా ఉంటుంది అంటూ కామెంట్స్ చేస్తూ ఉంటారు. అయితే, రాజకీయ ప్రముఖులకు కూడా ఇలాంటి ఒక సెంటిమెంట్ ఉంది. వైయస్ షర్మిల సెంటిమెంట్ ప్రకారం నెక్స్ట్ జరగబోయేది ఇదే అంటూ కొంత మంది కామెంట్స్ చేయడం మొదలు పెట్టారు.

వివరాల్లోకి వెళితే, వైయస్ షర్మిల ఇటీవల కాంగ్రెస్ పార్టీలో చేరిన విషయం తెలిసిందే. గతంలో వైయస్ షర్మిల రాజకీయాల్లోకి ఎంట్రీ ఇచ్చినప్పుడు ఉమ్మడి ఆంధ్రప్రదేశ్ కి అధికార పార్టీగా కాంగ్రెస్ ఉంది. అప్పుడు రాష్ట్ర విభజన తర్వాత, అధికారంలో ఉన్న కాంగ్రెస్ పార్టీ రాష్ట్రం నుండి కనుమరుగు అయిపోయింది. అప్పుడు షర్మిల తన అన్న కోసం కాంగ్రెస్ పార్టీ మీద పోరాడారు. అప్పుడు ఈ ప్రభావం అధికార పార్టీ మీద తీవ్రంగా పడింది. కాంగ్రెస్ ఓడిపోవడం ప్రతిపక్ష పార్టీ అయిన తెలుగుదేశం గెలవడం జరిగాయి.

అయితే, ఇప్పుడు వస్తున్న సెంటిమెంట్ ఏంటి అంటే షర్మిల రాజకీయంలో ముందు అడుగు వేసిన ప్రతిసారి అధికారిక పార్టీ మీద అది ప్రభావం చూపుతుంది. ప్రతిపక్ష పార్టీకి మాత్రం అది వరం అవుతుంది. 2019 లో జరిగిన మరొక సంఘటన కూడా దీనికి నిదర్శనంగా నిలిచింది. ఈ సెంటిమెంట్ కారణంగా తెలుగుదేశం ఓడిపోవడం, జగన్ ముఖ్యమంత్రి కావడం జరిగింది. ఆ తర్వాత తెలంగాణలో రాజకీయం మొదలు పెట్టారు షర్మిల. ఈ సెంటిమెంట్ కి ఉదాహరణగా ఇంకొక విషయం కూడా జరిగింది. అధికారం పార్టీ అయిన భారత రాష్ట్ర సమితి ఓడిపోయింది.

తను గెలవకపోయినా కూడా, అధికారిక పార్టీ అయిన బీఆర్ఎస్ ని గద్దె దించారు. ప్రతిపక్ష పార్టీ అయిన కాంగ్రెస్ గెలిచింది. అయితే, ఇప్పుడు ఈ సెంటిమెంట్ కానీ రిపీట్ అయితే ఆంధ్రప్రదేశ్ లో జగన్మోహన్ రెడ్డి ఓడిపోవడం, తెలుగుదేశం పార్టీ గెలవడం జరుగుతుంది అంటూ కామెంట్స్ చేస్తున్నారు. రాజకీయ విశ్లేషకుల పరిశీలన మాత్రం ఇదే. మరి ఇందులో సెంటిమెంట్ అనేది ఎంత వరకు నిజం, అది ఎంత వరకు వర్కౌట్ అవుతుంది తెలియాలి అంటే 2024 ఎలక్షన్స్ ఫలితాలు వచ్చే వరకు ఆగాల్సిందే.

ALSO READ : ఎవరి మనోభావాలను దెబ్బతీయాలనుకోవడం లేదు.. వైరల్ అవుతున్న నయనతార క్షమాపణ లేఖ!

ఏపీ ముఖ్యమంత్రి వైఎస్ జగన్ శుక్రవారం నాడు విజయవాడలో డాక్టర్ బీఆర్ అంబేద్కర్ విగ్రహాన్ని  ఆవిష్కరించ బోతున్నారు. ఈ అంబేద్కర్ విగ్రహామే ప్రపంచంలో కెల్లా అతి ఎత్తయిన విగ్రహామని ఏపీ గవర్నమెంట్ చెబుతోంది.

125 అడుగుల ఎత్తు ఉన్న అంబేద్కర్ విగ్రహాం, 85 అడుగుల ఎత్తు ఉన్న పెడస్టల్ తో కలిపి 210 అడుగులు ఉన్నట్టు తెలుస్తోంది. స్టాచ్యూ ఆఫ్ సోషల్ జస్టిస్‌గా పిలుస్తున్న ఈ విగ్రహా  ఆవిష్కరణ నేపథ్యంలో అంబేద్కర్ స్మృతివనంను  తెలుగుదేశం పార్టీ దళిత నేతలు సందర్శించారు. అంబేద్కర్ విగ్రహాం పేరుతో వైసీపీ దోపిడీకి తెరలేపిందని ఆరోపించారు.  ఆ వివరాలు ఇప్పుడు చూద్దాం..
తెలుగు సమయం న్యూస్ కథనం ప్రకారం.. జనవరి 19న విజయవాడ స్వరాజ్ మైదానంలో సీఎం జగన్ మోహన్ రెడ్డి చేతుల మీదుగా డాక్టర్ బి.ఆర్. అంబేద్కర్ స్మృతివనం ప్రారంభం కానున్న విషయం తెలిసిందే. అంబేద్కర్ విగ్రహాంతో పాటు దాదాపు పందొమ్మిది ఎకరాల్లో స్మృతివనాన్ని స్వరాజ్ మైదానంలో ఏర్పాటు చేశారు. ఈ స్మృతి వనంలో డాక్టర్ బిఆర్ అంబేద్కర్ ఫొటో గ్యాలరీ మరియు అంబేద్కర్ జీవిత విశేషాలను, శిల్పాలను కూడా ఏర్పాటు చేశారు. ఇందులో కన్వెన్షన్ హాల్ మరియు ఫుడ్ కోర్టులు ఉంటాయి. అంబేద్కర్ స్మృతివనం ఏపీలో అతిపెద్ద పర్యాటక స్థలంగా మారుతుందని ప్రభుత్వం భావిస్తోంది.
విగ్రహాం కింది భాగంలో 3 ఫ్లోర్లు కలవు. గ్రౌండ్ ఫ్లోర్‌లో ఉన్న 4 హాళ్లను నాలుగు వేల చదరపు అడుగుల విస్తీర్ణం చొప్పున నిర్మించారు. వీటిలో ఒక సినిమా హాలు, మూడు హాళ్లలో డిజిటల్ మ్యూజియం ఏర్పాటు చేశారు. మొదటి  ఫ్లోర్‌లో 4 హాళ్లు, రెండవ ఫ్లోర్‌లో 4 హాళ్లు కలవు. అంబేద్కర్ విగ్రహం మరియు స్మృతివనంకోసం సుమారు 400 కోట్ల రూపాయలు ఖర్చు అయ్యాయి. అయితే తెలంగాణలో మాజీ సీఎం కేసిఆర్ 125 అడుగుల ఎత్తు ఉన్న అంబేద్కర్ విగ్రహాన్ని గత ఏప్రిల్ లో ఆవిష్కరించారు. అయితే ఆ ప్రభుత్వం 146 కోట్ల రూపాయలు ఖర్చు చేసింది.
తాజాగా విజయవాడలోని అంబేద్కర్ స్మృతివనంను టిడిపి దళిత నాయకులు సందర్శించారు. ఈ క్రమంలో తెలంగాణలో అంబేద్కర్ విగ్రహాన్ని రూ.150 కోట్ల రూపాయలలోపే ఏర్పాటు చేశారు. విజయవాడలో అంతే ఎత్తు అంబేద్కర్ విగ్రహాం ఏర్పాటుకు మాత్రం 400 కోట్ల రూపాయలు ఎందుకు ఖర్చు అయ్యిందని టీడీపీ ఏపీ ప్రభుత్వాన్ని  ప్రశ్నిస్తోంది.  నక్కా ఆనంద్ బాబు “తమ ప్రభుత్వం ఉన్నప్పుడే 137 కోట్ల రూపాయలతో స్మృతివనం ఏర్పాటుకోసం  పనులను మొదలుపెట్టామని, 26 శాతం వరకు పూర్తి చేశామని అన్నారు. అంబేద్కర్ స్టాచ్యూ పేరుతో దోపిడీకి తెరలేపారని ఆరోపించారు.

విజయవాడ అంబేద్కర్‌ విగ్రహం..
బెజవాడ స్వరాజ్‌ మైదానంలో నిర్మిస్తున్న అంబేడ్కర్‌ స్మృతి వనం పనులు తుది దశకు చేరుకున్నాయి. విజయవాడ నగరానికే సెంటరాఫ్‌ అట్రాక్షన్‌గా 125 అడుగుల భారీ అంబేడ్కర్‌ విగ్రహం నిలవనుంది.

డాక్టర్‌ బీఆర్‌ అంబేడ్కర్‌ విగ్రహాన్ని సీఎం వైఎస్‌ జగన్‌ చేతుల మీదుగా… pic.twitter.com/OwzuZNTcxt

— Sandeep (@LionYSJagan) January 12, 2024

Also Read: వైఎస్ షర్మిల కుమారుడి ఎంగేజ్మెంట్, పెళ్లి పత్రికలు చూసారా..? ఇందులో ఏం రాసారంటే..?

గురువారం నాడు ఆంధ్రప్రదేశ్ కాంగ్రెస్ చీఫ్ వైఎస్ షర్మిల కుమారుడు రాజారెడ్డి నిశ్చితార్థం హైదరాబాద్ లో గ్రాండ్ గా జరిగిన విషయం తెలిసిందే. ఈ వేడుకకు వైఎస్ఆర్ కుటుంబ సభ్యులు అంతా హాజరు అయ్యారు. ఈ నిశ్చితార్థం వేడుకలో అన్నా చెల్లెళ్ల మధ్య ఉన్న విభేదాలు బయటపడ్డాయని తెలుస్తోంది.

షర్మిల కుమారుడు రాజారెడ్డి ఎంగేజ్మెంట్ కు ఆమె అన్న ఏపీ ముఖ్యమంత్రి జగన్‌ హాజరు అయ్యారు. కానీ షర్మిల అన్నతో అంతగా మాట్లాడలేదని ఆ వేడుకకు హాజరైనవారు అంటున్నారు. జగనే స్వయంగా కల్పించుకుని ఆమెతో  మాట్లాడాలని ప్రయత్నించినప్పటికీ షర్మిల అంతగా రెస్పాండ్ కాలేదని చెబుతున్నారు.
వైఎస్ షర్మిల తనయుడి ఎంగేజ్మెంట్‌ ఆహ్వాన పత్రికలను గత పది రోజుల నుండి రెండు తెలుగు రాష్ట్రాల రాజకీయ ప్రముఖులను కలిసి అందచేసిన విషయం తెలిసిందే. వాటికి సంబంధించిన ఫోటోలు నెట్టింట్లో వైరల్ అవుతున్నాయి. అయితే షర్మిల అందరికన్నా ముందుగా ఆహ్వాన పత్రికను తన అన్న జగన్‌ కు అందచేశారు. కానీ  దానికి సంబంధించిన ఫోటో లేదా వీడియో ఎక్కడా కనిపించలేదు. అటు వైసీపీ కానీ ఇటు షర్మిల కానీ వాటిని రిలీజ్ చేయలేదు. అయితే తాజాగా నిశ్చితార్థంకు జగన్ హాజరైన ఫోటోలు, వీడియోలు సీఎంఓ ప్రతినిధులే రిలీజ్ చేశారు. ఇందుకు కారణం ఏపీ పీసీసీ ప్రెసిడెంట్ గా షర్మిల అవడమే అంటున్నారు.
ఇక కొడుకు నిశ్చితార్థంకు ఆహ్వానించిన షర్మిల,  వైఎస్ జగన్, భారతిలను పట్టించుకోలేదని, జగన్ వచ్చి, వెళ్లేంత వరకు అన్నా చెల్లెళ్ళు అంతగా కలవలేదని టాక్. ఫోటో దిగడం కోసం స్వయంగా జగన్ పిలిచినా షర్మిల, ఆమె భర్త అనిల్ కుమార్ పట్టించుకోలేదు. దాంతో జగన్, భారతి బొకే ఇచ్చి వెంటనే వేడుక నుండి వెళ్లిపోయారు. ఇదంతా చూసినవారు  జగన్ కలవాలని చూసినా షర్మిలే దూరంగా ఉంటున్నారని అక్కడికి వచ్చినవారు అంటున్నారు. జగన్ తన చెల్లిని ఆప్యాయంగా దగ్గరికి తీసుకోవాలని చూసినా ఆమె అన్న వైపు చూడలేదని ఇతర అతిథులు అంటున్నారు.
అయితే ఇదే వేడుకకు వచ్చిన జనసేన అధినేత పవన్ కళ్యాణ్‌ ను షర్మిల, బ్రదర్ అనిల్ కుమార్ స్వయంగా ఆహ్వానించారు. పవన్ కళ్యాణ్‌ అక్కడ ఉన్నంత సమయం ఆయనతో చాలా ఆప్యాయంగా మాట్లాడారు. అన్నతో ఫోటోకు దూరంగా ఉన్న షర్మిల, బ్రదర్ అనిల్, పవన్ కళ్యాణ్ పక్కన ఫోటో దిగడం. రాజకీయంగా జగన్ శత్రువు అయిన పవన్ కళ్యాణ్‌ కు షర్మిల ఇంతటి ఆదరం చూపడంతో అన్నాచెల్లెళ్ల మధ్య విబేధాలు పెరిగిపోయాయని అంటున్నారు.

Also Read: తన కొడుకు ఎంగేజ్మెంట్ కి వైఎస్ షర్మిల ప్రత్యర్ధులను కూడా ఎందుకు ఆహ్వానించారు..? కారణం ఇదేనా..?

ఏపీ కాంగ్రెస్‌ పార్టీ ప్రెసిడెంట్ వైఎస్‌ షర్మిల కుమారుడు రాజారెడ్డి వివాహం త్వరలో జరుగనున్న విషయం తెలిసిందే. . జనవరి 18న హైదరాబాద్ లోని గోల్కొండ రిసార్ట్స్‌లో రాజారెడ్డి నిశ్చితార్ధం వేడుక ఘనంగా జరిగింది. ఈ వేడుకకు షర్మిల సోదరుడు ఆంధ్ర ప్రదేశ్ సీఎం జగన్ ఆయన సతీమణి భారతి తో కలిసి వచ్చారు.తల్లి విజయమ్మను ఆప్యాయంగా హత్తుకుని మాట్లాడారు. తన మేనల్లుడు రాజారెడ్డికి విషెస్ తెలిపారు. కుటుంబమంతా కలిసి దిగిన ఆ ఫోటో ప్రస్తుతం సోషల్ మీడియాలో వైరల్ అవుతుంది. ఈ వేడుక ఫోటోలు ఓ లుక్ వేయండి.

సీఎం జగన్ తో సజ్జల రామకృష్ణ రెడ్డి, వైవీ సుబ్బారెడ్డి ఉన్నారు. జనసేన పార్టీ అధ్యక్షుడు పవన్ కల్యాణ్ కూడా ఈ నిశ్చితార్థ వేడుకకు విచ్చేశారు. అలాగే మంత్రి కోమటిరెడ్డి వెంకట్ రెడ్డి, మంచు మోహన్ బాబు, మంచు విష్ణు, ఎమ్మెల్యే అనిరుద్ రెడ్డి ఇంకా మరికొంతమంది ప్రముఖులు ఈ వేడుకకు హాజరయ్యారు.

ఇది ఇలా ఉంటే…రాజారెడ్డి ఎంగేజ్మెంట్ వేడుకలో ఇదే హైలైట్ అంటూ ఒక వార్త సోషల్ మీడియాలో వైరల్ అవుతుంది. అది ఏంటి అంటే…ఈ వేడుకలో దాదాపు 150 రకాలకు పైగా వంటకాలు పెట్టారంట. తెలుగు రాష్ట్రాల స్పెషల్ వంటకాలే కాకుండా విదేశీ అతిథులకు స్పెషల్ డిషెస్ కూడా చేయించారట. ఎంగేజ్మెంట్ లోనే ఇన్ని రకాలు పెట్టారంటే… ఇక పెళ్ళిలో విందు ఏ రేంజ్ లో ఉంటుందో అంటూ నెట్ ఇంట టాక్ నడుస్తుంది.