Sports Adda

ఇవాళ మొహాలీలో శ్రీలంకతో టీమిండియా మొదటి టెస్ట్ మ్యాచ్ జరగనుంది. ఇది విరాట్ కోహ్లీకి ఒక ప్రత్యేకమైన మ్యాచ్ అవ్వనుంది. అందుకు కారణం, విరాట్ కోహ్లీ టెస్టుల్లో సెంచరీ పూర్తి చేయడమే. మొహాలీలో విరాట్ కోహ్లీ 100వ టెస్ట్ మ్యాచ్ ఆడబోతున్నారు. కోహ్లీ కంటే ముందు 11 మంది క్రికెటర్లు ఈ ఘనతని సాధించారు. విరాట్ కోహ్లీ 99 టెస్ట్ మ్యాచ్‌లలో 27 సెంచరీలు చేశారు.

50.39 యావరేజ్ తో 7962 పరుగులు చేశారు. 99 టెస్ట్ ల తర్వాత మరి కొంతమంది ఇండియన్ బ్యాట్స్‌మెన్‌ల యావరేజ్ ఎంత, వారు ఎన్ని పరుగులు చేశారో ఇప్పుడు చూద్దాం.

#1 వీరేంద్ర సెహ్వాగ్

సెహ్వాగ్ 50.84 యావరేజ్ తో 8,448 పరుగులు చేశారు. అందులో 23 సెంచరీలు, 32 అర్ధ సెంచరీలు సాధించారు.

#2 రాహుల్ ద్రవిడ్

99 టెస్ట్ మ్యాచ్ తర్వాత రాహుల్ ద్రావిడ్ యావరేజ్ 58.16 ఉంది. ద్రవిడ్ 8492 పరుగులు చేశారు. అందులో 22 సెంచరీలు, 41 హాఫ్ సెంచరీలు ఉన్నాయి.

#3 సునీల్ గవాస్కర్

99 టెస్ట్ మ్యాచ్‌లలో సునీల్ గవాస్కర్ 53.46 యావరేజ్‌తో 8394 పరుగులు చేశారు. అందులో 30 సెంచరీలు ఉన్నాయి.

#4 సౌరవ్ గంగూలీ

గంగూలీ 43.17 యావరేజ్ తో 6346 పరుగులు చేశారు. అందులో 15 సెంచరీలు, 30 హాఫ్ సెంచరీలు ఉన్నాయి.

#5 దిలీప్ వెంగ్‌సర్కార్

దిలీప్ వెంగ్‌సర్కార్ 99 టెస్ట్ మ్యాచ్ ల తర్వాత 46.21 యావరేజ్ తో 6331 పరుగులు చేశారు. ఇందులో 17 సెంచరీలు, 31 అర్ధ సెంచరీలు సాధించారు.

#6 వివిఎస్ లక్ష్మణ్

వివిఎస్ లక్ష్మణ్ 1999 టెస్ట్ మ్యాచ్ ల తర్వాత 45.41 యావరేజ్ తో 6313 పరుగులు చేశారు. అందులో 13 సెంచరీలు, 36 హాఫ్ సెంచరీలు ఉన్నాయి.

#7 సచిన్ టెండూల్కర్

సచిన్ టెండూల్కర్ 99 టెస్ట్ మ్యాచ్ ల తర్వాత 57.99 యావరేజ్ తో 8351 పరుగులు చేశారు. అందులో 30 సెంచరీలు, 33 హాఫ్ సెంచరీలు సాధించారు.

క్రికెట్, సినిమా.. ఈ రెండిటికి భారత్ లో అత్యంత సముచిత స్థానం ఉంది. ఈ రెండు రంగాల్లోని సెలెబ్రిటీల సంగతి ఇక ప్రత్యేకంగా చెప్పక్కర్లేదు. క్రికెట్ రంగంలో అత్యంత ప్రజాదరణ పొందిన క్రికెటర్ కపిల్ దేవ్ గురించి ప్రత్యేకంగా పరిచయం చేయాల్సిన అవసరం లేదు.

అయితే.. కపిల్ దేవ్ కు బాలీవుడ్ స్టార్ హీరోయిన్ సారికతో లవ్ స్టోరీ ఉందన్న సంగతి తెలిసిందే. సారిక కమల్ హాసన్ మాజీ భార్య అన్న సంగతి తెలిసిందే. కానీ, వీరిద్దరూ పెళ్లి చేసుకోక ముందే సారిక, కపిల్ దేవ్ లు సన్నిహితంగా ఉండేవారు.

వారిద్దరిమధ్య ప్రేమ నడుస్తోందని, వారిద్దరూ త్వరలోనే పెళ్లి పీటలు ఎక్కనున్న అప్పట్లోనే మీడియా కోడై కూసింది. వీరిద్దరూ మొట్టమొదటి సారి కలుసుకున్నప్పుడే చాలా సేపు మాట్లాడుకున్నారు. వీరిద్దరూ సన్నిహితంగా మెలగడం చూసిన మీడియా వీరి గురించి చాలా గాసిప్ లు రాసేది. హిందూస్థాన్ టైమ్స్‌లోని ఒక నివేదిక ప్రకారం, ఆ రోజుల్లో, ఇద్దరూ త్వరలో పెళ్లి చేసుకోబోతున్నందున కపిల్ సారికను పంజాబ్‌లోని తన తల్లిదండ్రులను కలవడానికి తీసుకెళ్లాడని పేర్కొంది.

అయితే, ఆ తరువాత వీరిద్దరూ తమ బంధానికి ముగింపు పలికారు. దీనికి కారణం కపిల్ దేవ్ కి సారిక కి మధ్య మనస్పర్థలు రావడం కాదు. సారిక కంటే ముందే కపిల్ దేవ్ కు రోమి భాటియా తో పరిచయం ఉంది. అయితే.. సారిక గురించిన వార్తలు న్యూస్ పేపర్స్ లో వస్తుండడంతో రోమి మనసు నొచ్చుకుని కపిల్ దేవ్ కి దూరంగా ఉన్నారు. రోమి దూరం అవ్వడం వల్లే కపిల్ దేవ్ సారికకి దగ్గరయ్యారని చెబుతుంటారు. ఆ తరువాత రోమితో మనస్పర్థలు సర్దుమణగడంతో తిరిగి కపిల్ దేవ్ రోమితో తన బంధాన్ని కొనసాగించారని చెబుతుంటారు.

ఇటీవల జరిగిన రంజీ ట్రోఫిలో క్రికెటర్ విష్ణు సోలంకి బరోడా తరపున ఆడాడు. చండీగఢ్‌పై సెంచరీ కొట్టి విమర్శకుల ప్రశంసలు సైతం అందుకుంటున్నాడు. ఎన్నో కష్టాలని అధిగమించి క్రికెటర్ అయిన విష్ణు.. గుండెలలో ఎంతో బాధని అదిమిపెట్టుకుని ఈ మ్యాచ్ ను ఆడారు.

అందుకే ఆయనను యావత్ క్రికెట్ అభిమానులు, నెటిజన్లు ప్రశంసిస్తున్నారు. ఇటీవలే ఆయనకు కూతురు పుట్టింది.

కానీ, ఆమె అనారోగ్యంగా కారణంగా ఆమె ఈ లోకాన్ని వీడింది. అంత బాధని విష్ణు గుండెల్లో దాచుకుని ఆమెకు అంత్యక్రియలు చేసాడు. అంత్య క్రియలు పూర్తి అవ్వగానే విష్ణు సోలంకి మైదానంలో అడుగుపెట్టి రంజీ మ్యాచ్ ను ఆడాడు. అంత బాధని అదిమిపెట్టుకుని తన జట్టు తరపున సెంచరీ చేసాడు.

చండీఘడ్ పై 12 ఫోరులు కొట్టి.. ఏకంగా 104 పరుగులు చేసాడు. బరోడా క్రికెట్ అసోసియేషన్ విష్ణుని రియల్ హీరోగా పేర్కొంటోంది. సౌరాష్ట్ర తరపున రంజీ ఆడుతున్న బ్యాట్స్‌మెన్ షెల్డన్ జాక్సన్ విష్ణు గురించి ట్వీట్ చేసారు. “విష్ణు, మరియు అతని కుటుంబానికి నమస్కారాలు.. విష్ణు బ్యాట్ నుంచి మరిన్ని సెంచరీలు రావాలని కోరుకుంటున్నట్లు” ట్వీట్ చేసారు. విషాదకరమైన విషయం ఏమిటంటే.. కూతురుని కోల్పోయిన మరుసటిరోజే విష్ణు తండ్రిని కూడా కోల్పోయాడు. 29 ఏళ్ల వయసులోనే విష్ణు ఇలాంటి ఇబ్బందులను ఎదుర్కోవాల్సి వస్తోంది.

అయితే.. ఇలాంటి సెంచరీలు సచిన్ టెండూల్కర్, విరాట్ కోహ్లీల జీవితంలో కూడా ఉన్నాయి. సచిన్ టెండూల్కర్ కూడా 1999 ప్రపంచ కప్ టైములో ప్రొఫెసర్ రమేష్ టెండూల్కర్ మరణించిన వెంటనే మ్యాచ్ ఆడాల్సి వచ్చింది. ఆ మ్యాచ్ లో కూడా సచిన్ సెంచరీ కొట్టారు. విరాట్ కోహ్లీకి కూడా ఇలానే జరిగింది. రంజీ మ్యాచ్ లో ఢిల్లీ జట్టుకు ఆడుతున్న టైములో ఆయన తండ్రి హఠాత్తుగా మరణించారు. ఆ టైములో కూడా విరాట్ హాఫ్ సెంచరీ కొట్టి జట్టుని ఓటమినుంచి కాపాడాడు. ఆ తరువాత తండ్రి అంత్యక్రియలలో పాల్గొన్నాడు.

మహేంద్ర సింగ్ ధోనీ. పరిచయం అక్కర్లేని వ్యక్తి. ధోని క్రికెట్ జీవితానికి, అలాగే వ్యక్తిగత జీవితానికి సంబంధించిన అన్ని విషయాలు మనందరికీ తెలుసు. కానీ ధోనీ గురించి చాలా మందికి అంత పెద్దగా తెలియని విషయాలు కూడా ఉన్నాయి. క్రిక్ ట్రాకర్ కథనం ప్రకారం ధోనీ గురించి అందరికీ తెలియని కొన్ని విషయాలు ఏంటో ఇప్పుడు చూద్దాం.

# 2007 లో సౌతాఫ్రికాలో వరల్డ్ కప్ గెలిచిన తర్వాత అదే సంవత్సరంలో ధోనీ ODI కి నాయకత్వ బాధ్యత వహించారు. ఆ తర్వాత సిడ్నీలో జరిగిన సిరీస్ లో ధోనీ సేన ఘన విజయం సాధించింది. ఇది నేషనల్ కెప్టెన్ గా ధోనీ మొదటి వన్డే సిరీస్. అప్పుడు ధోనీ రాంచీలోని ఆలయంలో ఒక మేకని బలి ఇచ్చారు అనే వార్తలు వచ్చాయి. ఈ విషయంపై దేశం మొత్తం ఎంతో చర్చ జరిగింది. తర్వాత ఇలాంటి విషయాలను ధోనీ మళ్లీ పునరావృతం కాకుండా చూసుకున్నారు.

# అదే ట్రై నేషనల్ సిరీస్ లో సిడ్నీలో ఆస్ట్రేలియాతో జరిగిన మ్యాచ్ లో ధోనీ వేసుకున్న గ్లోవ్స్ ఇల్లీగల్ అని క్రికెట్ బోర్డ్ ఐడెంటిఫై చేసింది. మళ్ళీ తర్వాత ఆ గ్లోవ్స్ వాడితే పెనాల్టీ వేస్తామని బోర్డ్ పేర్కొంది.

# 2013 లో ఐపీఎల్ లో చెన్నై సూపర్ కింగ్స్ మ్యాచ్ ఫిక్సింగ్ వివాదంలో ఇరుక్కుంది. కిట్టీ అనే ఒక బుకీ గురునాథ్ మీయప్పన్, ధోనీ మ్యాచ్ ఓడిపోవడానికి అంగీకరించారు అని , ఆ విషయాన్ని తనకి చెప్పారని పేర్కొన్నారు. ఇదంతా ఎస్పీ కుమార్ తన దర్యాప్తులో పేర్కొన్నారు. ఈ విషయం అప్పుడు చర్చ లో నిలిచింది.

# ధోనీ చెన్నై సూపర్ కింగ్స్ కెప్టెన్ గా ఉన్నప్పుడు ఇండియా సిమెంట్స్ లో ఉద్యోగం చేస్తున్నప్పుడు ఐపీఎల్ ఫ్రాంచైజీ ని ఇండియా సిమెంట్స్ సొంతం చేసుకోవడంతో చర్చ మొదలైంది. మాజీ ఏఎంసీ చైర్మన్ బీసిసిఐ అధ్యక్షుడు ఎన్.శ్రీనివాసన్ ఇండియా సిమెంట్స్ కంపెనీ యొక్క మేనేజింగ్ డైరెక్టర్. ఒకసారి శ్రీనివాసన్ సిఫారసు చేసి ధోనీ కెప్టెన్సీ ని తిరిగి నిలుపుకోవడానికి సహాయం చేశారు.

ధోనీ కూడా శ్రీనివాసన్ గురించి చాలా బాగా మాట్లాడతారు. శ్రీనివాసన్ ఇతర క్రికెటర్లకు కూడా సహాయం చేస్తారు అని చెప్పారు. ధోనీ కి, శ్రీనివాసన్ కి మధ్య ఉన్న రిలేషన్ షిప్ గురించి జర్నలిస్ట్ రాజ్ దీప్ సర్దేశాయ్ తన డెమోక్రసీ’ స్ XI – ద గ్రేట్ ఇండియన్ క్రికెట్ స్టోరీ పుస్తకంలో రాశారు.

# ధోనీ తన స్నేహితురాలైన సాక్షిని పెళ్లి చేసుకున్నారు. కానీ ధోనీ అంతకుముందు దీపిక పదుకొన్ తో రిలేషన్ షిప్ లో ఉన్నట్టు రూమర్స్ వచ్చాయి. అలాగే 2009లో రాయ్ లక్ష్మీ కూడా తను, ధోనీ రిలేషన్ షిప్ లో ఉన్నాము అని అది కొన్ని నెలలు ఉన్న స్కార్ (మచ్చ)  లాంటిది అని చెప్పారు.

అలాగే కామెడీ నైట్స్ విత్ కపిల్ ప్రోగ్రాం ఫార్మర్ క్రియేటివ్ డైరెక్టర్ ప్రీతి సిమోస్ తో డేటింగ్ చేశారు అనే వార్తలు వచ్చాయి. అలాగే నటి అసిన్ తో కూడా రిలేషన్ షిప్ లో ఉన్నారు అనే వార్త అప్పుడు చర్చలో నిలిచింది.

వయసు చిన్నదైనా సాధించిన రికార్డు మాత్రం పెద్దదే. ఇండియన్ గ్రాండ్ మాస్టర్ ప్రజ్ఞా నంద అద్భుతమైన రికార్డును సృష్టించాడు. ప్రత్యర్థిని ఓడించి అద్భుతమైన విజయాన్ని అందుకున్నాడు. ప్రపంచ నంబర్ వన్ మాగ్నస్ కార్లసన్ ను ఓడించాడు ప్రజ్ఞ నంద. మరిక దీని కోసం పూర్తి వివరాల్లోకి వెళితే..

ఆన్లైన్ ర్యాపిడ్ చెస్ టోర్నీ అయిన ఎయిర్‌థింగ్స్ మాస్టర్స్ 8th రౌండ్ లో ప్రజ్ఞా నందా కార్ల్‌సెన్‌ ని ఓడించి నెగ్గాడు. కేవలం 39 ఎత్తుల్లోనే విజయాన్ని అందుకున్నాడు ఈ బాలుడు.

సోమవారం జరిగిన టర్రాష్ వేరియేషన్ గేమ్‌ లో ప్రజ్ఞా నందా బ్లాక్స్ ని ఎంచుకుని ఆట మొదలెట్టాడు. ఇంకేం వుంది 39 ఎత్తుల్లోనే మాగ్నస్‌ను ఓడేలా చేసాడు. ఈ బాలుడు వయసు కేవలం పదహారు ఏళ్ళు. అయితే ఆన్లైన్ ర్యాపిడ్ చెస్ టోర్నీ అయిన ఎయిర్‌థింగ్స్ మాస్టర్స్ 8th రౌండ్ లో 8 పాయింట్లతో 8 రౌండ్ల తర్వాత 12వ స్థానంలో నిలిచాడు.

దీనికి ముందు అనీష్ గిరి, క్వాంగ్ లీమ్ లేతో ఆడగా అవి డ్రా అయ్యాయి. ఇది ఇలా ఉంటే ఎరిక్ హాన్సెన్, డింగ్ లిరెన్, జాన్-క్రిజ్‌స్టోఫ్ డుడా, షాఖ్రియార్ మామెద్యరోవ్ తో మాత్రం ఓడిపోయాడు ప్రజ్ఞ. అలానే కొన్ని నెలల ముంది కార్ల్‌సెన్ చేతిలో ఓడిన రష్యన్ ప్లేయర్ ఇయాన్ నెపోమ్నియాచి 19 పాయింట్లతో ఫస్ట్ ప్లేస్ లో వున్నాడు. డింగ్ లిరెన్, హాన్సెన్ ఇద్దరూ కూడా 15 పాయింట్ల తో ఉన్నారు. ఇండియన్ గ్రాండ్ మాస్టర్ ప్రజ్ఞా నంద మాత్రం 8 రౌండ్ల తర్వాత 12వ స్థానం లో నిలిచాడు.