Viral

సుశాంత్ సింగ్ ఆత్మహత్య కేసు రోజుకొక మలుపు తిరుగుతుంది.తాజాగా నేషనల్ మీడియాలో సుశాంత్ సింగ్ ఆత్మహత్య పై ఒక కొత్త కోణం ప్రొజెక్ట్ అవుతుంది.అదేంటంటే ప్రముఖ దర్శకుడు శేఖర్ కపూర్ అందించిన సమాచారం మేర సుశాంత్ ఓ నెలలో 50 సార్లు తన ఫోన్ సిమ్ లు మార్చాడు.మరి వాటిని పోలీసులు రికవర్ చేశారా? అంటూ ఆ షో లో పార్టిసిపేట్ చేసిన లాయర్ ఇష్కరన్ పోలీసులను ప్రశ్నించారు.

ఇప్పటివరకు సుశాంత్ సింగ్ ఇంటినీ పోలీసులు ఎందుకు సీజ్ చేయలేదో పోలీసులు సమాధానం చెప్పాలని నెటిజన్స్ ప్రశ్నిస్తున్నారు..సుశాంత్ ఇంటి ముందు సీసీటీవీ కెమెరాలు ఎందుకు లేవో ఇప్పటివరకు ఇంటిని ఎందుకు సీజ్ చేయలేదంటూ హీరోయిన్ కంగనా రౌనత్ కూడా పలు అనుమానాలను వ్యక్తం చేస్తున్నారు.

ఇప్పటికే పోలీసులు సుశాంత్ సింగ్ ఆత్మహత్యకు సంబంధించి హీరోయిన్లు రియా చక్రవర్తి, సంజనా సంఘీ, భన్సాలీ, ఆదిత్యా చోప్రా వంటి పలువురును ప్రశ్నించారు.ఇప్పటివరకు పోలీసులు ఈ కేసుకు సంబంధించి మొత్తం 38 మందిని విచారించారు.

పోలీసులు వ్యవహరిస్తున్న తీరు ఏ మాత్రం సరిగ్గా లేదని ఈ కేసును సిబిఐ కు అప్పజెప్పాలని సుశాంత్ తల్లిదండ్రులు, బంధువులు,బీజేపీ సీనియర్ లీడర్ సుబ్రహ్మణ్యస్వామి మరియు సుశాంత్ గర్ల్ ఫ్రెండ్ రియా కేంద్ర ప్రభుత్వాన్ని కోరుతున్నారు.

గత కొద్దికాలంగా సినీ ఇండస్ట్రీలో నెపోటిజం,కాస్టింగ్ కౌచ్ పై చర్చ జరుగుతుంది.తాజాగా ఈ చర్చ సుశాంత్ సింగ్ మరణానంతరం పతాక స్థాయికి చేరింది.దీని పై పలువురు సినీ ప్రముఖులు స్పందిస్తున్నారు.ఈ జాబితాలోకి తాజాగా సుశాంత్ సింగ్ స్నేహితురాలు రిచా చద్దా కూడా చేరారు.ఈమె సోషల్ మీడియాలో బాలీవుడ్ లో ఉన్న చీకటి కోణాల పై ఆసక్తికర కామెంట్స్ చేశారు.

అవేంటో ఇప్పుడు చూద్దాం.ఇండస్ట్రీ రెండూ వర్గాలుగా విడిపోయింది…ఇందులో ఒక వర్గం జాలి ఉన్నవాళ్లు.. రెండవ వర్గం జాలి లేని వాళ్లు.. స్టార్ కిడ్స్ లో కూడా మంచివాళ్ళు ఉన్నారు.వారు అందరితో చాలా మంచిగా ఉంటారు. కానీ కొన్నేళ్లుగా సినీ పరిశ్రమలో పాతుకుపోయిన జాలిలేని వర్గం మాత్రం హీరోయిన్లను చాలా చులకనగా చూస్తారని ఆ వర్గంలో కొందరూ నీచులు సుశాంత్ మరణించిన తర్వాత సంతాపం వ్యక్తం చేశారని రిచా చద్దా చెప్పుకొచ్చారు.

ఆ దర్శకులు ముందుగా హీరోయిన్లుకు అవకాశాలు ఇచ్చి ఆ తర్వాత తమ గదికి రావాలని డిమాండ్ చేస్తారు.దానికి హీరోయిన్లు ఒప్పుకోకపోతే వారిపై తప్పుడు ప్రచారం చేసి.. తమ సినిమాల నుంచి తీసేస్తారు. ఇలాంటి సందర్భాలు బాలీవుడ్ లో చాలా జరిగాయని ఆమె వెల్లడించారు.ఇక సుశాంత్ తో ఉన్న తన అనుబంధాన్ని గుర్తు చేసుకుంటూ సుశాంత్ నన్ను బైక్ మీద థియేటర్ గ్రూప్ వర్క్ షాపుకు తీసుకెళ్లేవాడని రిచా చద్దా అన్నారు.