Ads
నాచురల్ స్టార్ నాని హీరోగా, కీర్తి సురేష్ హీరోయిన్‌గా నటిస్తున్న చిత్రం ‘దసరా’. శ్రీ లక్ష్మీ వెంకటేశ్వర సినిమాస్ పతాకంపై సుధాకర్ చెరుకూరి నిర్మిస్తున్న ఈ సినిమాతో శ్రీకాంత్ ఓదెల దర్శకుడిగా పరిచయం అవుతున్నాడు. సముద్రఖని, సాయికుమార్‌, జరీనా వహాబ్‌ తదితరులు ఈ చిత్రంలో కీల‌క పాత్రలు పోషిస్తున్నారు. మార్చి 30న ప్రపంచవ్యాప్తంగా తెలుగు, తమిళం, కన్నడ, మలయాళ, హిందీ భాషల్లో ఈ మూవీ విడుద‌ల కానుంది.
Video Advertisement
దసరా చిత్రం కోసం నాని తన లుక్స్ ని పూర్తిగా మార్చుకున్నాడు. కంప్లీట్ మాస్ హీరోగా మారిపోయాడు. తన తొలి పాన్ ఇండియా చిత్రం అయిన ఈ మూవీ లో నాని తన గత చిత్రాలకు భిన్నంగా కనిపించనున్నాడు. ఇక తాజాగా ఈ సినిమా ట్రైలర్ విడుదలై అందర్నీ ఆకట్టుకుంది. నాని గతంలో ఎన్నడూ లేని విధంగా ఈ ట్రైలర్ లో కనిపించాడు. నాని ఇందులో ధరణిగా పూర్తి డీ గ్లామర్‌ లుక్‌లో కనిపిస్తున్నారు. రా అండ్‌ రస్టిక్‌గా ఈ ట్రైలర్ సాగింది.
ఇక తాజాగా ఈ చిత్రం సెన్సార్ కార్యక్రమాలను పూర్తి చేసుకుంది. దీనికి U /A సర్టిఫికెట్ జారీ చేసింది సెన్సార్ బోర్డు. ఈ విషయాన్ని మేకర్స్ వెల్లడించారు. అయితే సెన్సార్ టాక్ ని బట్టి ఈ చిత్రం హిట్ అయ్యేలా ఉందని సమాచారం. సెన్సార్ సభ్యులు మూవీ పట్ల పాజిటివ్ గా స్పందించినట్లు సమాచారం. దసరా చిత్రంలో హీరో నాని, కీర్తి సురేష్ ల నటన ప్రధాన హైలెట్స్ అంటున్నారు. అలాగే ఈ మూవీ లో కొన్ని డైలాగ్స్ కి మ్యూట్ వేశారని తెలుస్తోంది. అలాగే ఈ సినిమా రన్ టైం కూడా లాక్ అయ్యింది. ఈ చిత్రం రెండు గంటల, 29 నిమిషాల నిడివి ఉన్నట్లు తెలుస్తోంది.
పాన్ ఇండియా మూవీగా విడుదలవుతున్న నేపథ్యంలో నాని దేశవ్యాప్తంగా తిరిగి ప్రమోషన్స్ లో పాల్గొంటున్నారు. చెన్నై, బెంగుళూరు వెళ్లిన టీం నెక్స్ట్ నార్త్ ఇండియాలో ప్రమోషన్స్ ప్లాన్ చేశారు. ఈ రెండు వారాలు సినిమాను పెద్ద మొత్తంలో ప్రమోట్ చేయనున్నారు. మలయాళ నటుడు షైన్ టామ్ విలన్ గా నటిస్తున్నారు.
End of Article
