Anudeep

సీనియర్ నటి తులసి బాలనటిగా వెండి తెరపై అడుగు పెట్టింది. శంకరాభరణం సినిమాలో మంజుల కొడుకుగా.. శంకర శాస్త్రి శిష్యుడిగా తులసి నటన ఇప్పటికీ సినీ అభిమానుల మనసులో ముద్రించుకుంది. తర్వాత కొన్ని సినిమాల్లో హీరోయిన్ గా చేసినా కాలక్రమంలో చెల్లెలు, అక్క, వదిన, అమ్మ వంటి క్యారెక్టర్లకు షిప్ట్ అయ్యింది. ఏ పాత్ర అయినా సినీ ప్రేక్షకులను తన నటనతో ఆకట్టుకుంటుంది.

మూడు నెలల పాప గా ఉన్నప్పుడు భార్య అనే చిత్రంలో ఓ పాపగా తెరంగేట్రం చేసింది తులసి. తర్వాత చైల్డ్ ఆర్టిస్ట్ గా మగపిల్లాడి పాత్రలో దాదాపుగా వంద చిత్రాల్లో ఆమె నటించారు. అయితే తాజాగా ఆమె తన వివాహం, తన భర్త వివరాలు ఒక ఇంటర్వ్యూ లో చెప్పుకొచ్చారు.

ఈమె తన 28వ ఏట కన్నడ డైరెక్టర్ శివమణిని వివాహం చేసుకుంది. ఒకే రోజులో అతన్ని చూడడం, ప్రేమించడం, సాయంత్రానికి పెళ్లి చేసుకోవడం జరిగిపోయిందట. “‘1995 లో ‘మదర్ ఇండియా’ మూవీలో నటించడానికి చెన్నై వెళ్ళాను. అప్పుడు కన్నడ దర్శకుడు శివమణితో పరిచయం ఏర్పడింది. శివమణిని షూటింగ్ లో చూసినప్పుడు నాకు ప్రేమ ఫీలింగ్ కలిగింది. అయితే పెళ్లి చేసుకుందాం అని అడిగింది మాత్రం నేను కాదు శివమణినే..! అదే నాకు ఆశ్చర్యం కలిగించింది. దాంతో ఆరోజు సాయంత్రమే గుడికి వెళ్లి పెళ్లి చేసుకున్నాం. మా ప్రేమ..పెళ్లి కేవలం ఒక్కరోజులోనే జరిగిపోవడం ఎప్పటికీ ఓ మెమొరబుల్ మూమెంట్.” అని తులసి చెప్పారు.

కానీ తన పెళ్లి అయ్యేటప్పటికి తన భర్త చాలా పేదవారని, తన అత్తగారు పాచి పని చేసేదని.. తను కోడలిగా అడుగుపెట్టాకే ఆ కుటుంబం ఆర్థిక పరిస్థితి మెరుగయ్యిందని తులసి చెప్పుకొచ్చింది. ఆయన తీసిన కొన్ని సినిమాలు ఫెయిల్‌ కావడంతో.. వారి ఆర్థిక పరిస్థితి అంతలా దిగజారింది. అప్పలుపాలయ్యారు అని ఆమె వెల్లడించారు.

అయితే పెళ్లి తర్వాత చాలా గ్యాప్ తీసుకున్న ఆమె ఆ తర్వాత 3 కన్నడ చిత్రాల్లో మదర్ పాత్రలను చేసింది.ఇకపోతే ఆమె చేసిన ఆ మూడు సినిమాలు పెద్ద హిట్టయ్యాయి. కాగా ఆ తర్వాత తమిళంలో కూడా సపోర్టింగ్ రోల్స్ చేసి మెప్పించింది. తెలుగు లో డార్లింగ్ సినిమాతో సెకండ్ ఇన్నింగ్స్ స్టార్ట్ చేసిన తులసి పలు సహాయక పాత్రల్లో నటించి మెప్పిస్తున్నారు. అయితే ఆమె కొడుకు సాయి తరుణ్ ని కూడా హీరో చేయాలని భావిస్తోంది.

తమిళ్ సినిమాలు ఎప్పుడూ టాలీవుడ్ కి దగ్గరే కానీ కన్నడ సినిమాలు మాత్రం అంతగా టచ్ లేదు తెలుగు ప్రజలకు. తమిళ్ సినిమాలు రీమేక్ లు, డబ్బింగ్ వెర్షన్ లు హిట్ అవుతూనే ఉన్నాయ్ టాలీవుడ్ లో.. అలాగే నటీనటులు కూడా అక్కడి వారు ఇక్కడ.. ఇక్కడి వారు అక్కడ చేయడం పరి పాటి. కానీ కన్నడ సినిమాకు ఎప్పుడు దూరంగానే ఉంది టాలీవుడ్.

కానీ కొన్నాళ్ల నుంచి సినీ వ్యాపారపరంగా చిన్న పరిశ్రమగా ముద్రపడ్డ కన్నడ చిత్రసీమ క్రమంగా తన పరిధుల్ని విస్తరిస్తోంది. పాన్‌ ఇండియా కథాంశాలతో దేశవ్యాప్తంగా తన ప్రభావాన్ని చాటుతోంది. ‘కేజీఎఫ్‌’ సిరీస్‌ చిత్రాలు అందుకు నాంది పలికాయి. ఇప్పుడు అదే నిర్మాణ సంస్థ హోంబలే ఫిల్మ్స్‌ నుంచి వచ్చిన ‘కాంతారా’ కన్నడనాట సంచలనాల్ని సృష్టించి తెలుగులో కూడా అదే ఒరవడిని కొనసాగిస్తోంది.

కన్నడ సినిమాలతో పెద్దగా పరిచయం లేని తెలుగు ఆడియన్స్ ని కంటెంట్ తో సర్ ప్రైజ్ చేస్తున్నాయి. అంతకుముందు డబ్ అయినా కూడా పెద్దగా ఇంట్రస్ట్ చూపించని కన్నడ సినిమాలపై తెలుగు ఆడియన్స్ ఇప్పుడు మనసు పారేసుకుంటున్నారు.

ఈ నేపథ్యం లో తెలుగులో విడుదలై సూపర్ హిట్ కొట్టిన కన్నడ సినిమాలేంటో చూద్దాం..

#1 కేజీఎఫ్ సిరీస్

కన్నడ స్టార్ హీరో యష్ హీరోగా ప్రశాంత్ నీల్ తెరకెక్కించిన ఈ రెండు చిత్రాలు బాక్స్ ఆఫీస్ వద్ద బ్లాక్ బస్టర్ హిట్ గా నిలిచింది. ఇది కన్నడ చలనచిత్ర పరిశ్రమ చరిత్రలో 100 కోట్ల మార్కును దాటిన మొదటి చిత్రం.

#2 కాంతారా

లేటెస్ట్ గా రిషబ్ శెట్టి హీరో, డైరెక్టర్ గా తెరకెక్కిన కాంతారా మూవీ ఇప్పుడు తెలుగులో కూడా హాట్ టాపిక్ అయ్యింది.
పుష్ప, కేజిఎఫ్ రేంజ్ యాక్షన్ మూవీస్ తో కంపేర్ చేస్తూ ఎక్స్ పెక్టేషన్స్ క్రియేట్ చేస్తున్న కాంతారా ఆల్రెడీ కన్నడ లో సూపర్ హిట్ అయ్యింది. ఈ శుక్రవారం తెలుగులో కూడా రిలీజ్ అయి మంచి విజయం సాధించింది.

#3 చార్లీ 777

కన్నడ లో సూపర్ హిట్ అయిన మరో కన్నడ మూవీ చార్లీ 777 కూడా తెలుగులో మంచి సక్సెస్ సాధించింది.

#4 అతడే శ్రీమన్నారాయణ

రక్షిత్ శెట్టి హీరోగా వచ్చిన అతడే శ్రీమన్నారాయణ కూడా తెలుగు ప్రేక్షకులను బాగా ఆకట్టుకుంది.

#5 విక్రాంత్ రోనా

కన్నడ స్టార్ సుదీప్ యాక్షన్ ఎంటర్ టైనర్ విక్రాంత్ రోణ కూడా టాలీవుడ్ ని ఆకట్టుకుంది.

#6 జేమ్స్

దివంగత నటుడు పునీత్ రాజ్ కుమార్ నటించిన జేమ్స్ కూడా తెలుగులో మంచి ఆదరణ దక్కించుకుంది.

#7 ఉపేంద్ర

కేజీఎఫ్ కు ముందు తెలుగు ప్రేక్షకులకు తెలిసిన కన్నడ నటుడు ఎవరంటే ఉపేంద్ర మాత్రమే. వైవిధ్యమైన కథలు ఎంచుకొనే ఆయన ఉపేంద్ర అనే చిత్రం కూడా తెలుగులో మంచి ఆదరణ దక్కించుకుంది.

#8 పహిల్వాన్

రాజమౌళి తీసిన ఈగ సినిమాలో విలన్ గా టాలీవుడ్ కి ఎంట్రీ ఇచ్చిన కిచ్చా సుదీప్ హీరోగా నటించిన పహిల్వాన్ చిత్రం తెలుగు లో సూపర్ హిట్ అయ్యింది.

#9 రాబర్ట్

కన్నడ స్టార్ దర్శన్ హీరోగా, యాక్షన్ ఎంటర్టైనర్ గా తెరకెక్కిన రాబర్ట్ చిత్రం కూడా తెలుగులో పోసిటివ్ టాక్ తెచ్చుకుంది.

#10 పోలీస్ స్టోరీ

డైలాగ్ కింగ్ సాయి కుమార్ కి నటుడిగా మంచి పేరు తెచ్చిన పోలీస్ స్టోరీ చిత్రం కూడా కన్నడ చిత్రమే. ఇది తెలుగులో సూపర్ హిట్ అయ్యింది.

#11 బెల్ బాటమ్

కరోనా సమయం లో ఓటీటీ లో విడుదలైన బెల్ బాటమ్ చిత్రం కూడా తెలుగు ప్రేక్షకుల ఆదరణ దక్కింది. తాజాగా కన్నడ సినిమాల క్రేజ్ ని పీక్స్ కి తీసుకెళ్లిన రిషబ్ శెట్టి ఈ చిత్రం లో హీరో.

#12 కోటిగొబ్బ
కన్నడ లో సూపర్ హిట్స్ గా నిలిచిన కోటిగొబ్బ సిరీస్ తెలుగులో కూడా ప్రేక్షకుల ఆదరణను సంపాదించాయి.

#13 ఏ
వైవిధ్యమైన కథలు ఎంచుకొనే ఉపేంద్ర నటించిన మరో చిత్రం ‘ఏ’ కూడా తెలుగులో హిట్ అయ్యింది.

#14 యువరత్న

పునీత్ రాజ్ కుమార్ నటించిన యువరత్న కూడా తెలుగులో మంచి ఆదరణ దక్కించుకుంది.

ఫిల్మ్ ఇండస్ట్రీకి ఎంతోమంది వస్తుంటారు పోతుంటారు. కానీ కొందరిని మాత్రమే అందరూ గుర్తుంచుకుంటారు. కళామతల్లి కూడా తన బిడ్డల్ని చూసి గర్వపడే స్థాయిలో కొందరుంటారు. అందులో ముందు వరుసలో ఉంటారు. నందమూరి తారాక రామారావు, మెగాస్టార్ చిరంజీవి.

కొందరికి సినిమా అవసరం. కానీ కొందరు సినిమాకి అవసరం. వీరిద్దరూ తెలుగు సినిమా స్థాయిని పెంచి గొప్ప నటులు. అంతకు మించి మనసున్న మనుషులు.

తెలుగు సినిమా చరిత్రలో హీరోలని మూడు తరాలుగా విభజిస్తారు తెలుగు సినీ ప్రేక్షకులు. ఒకటి ఎన్. టి.ఆర్ తరం, రెండు చిరంజీవి తరం, మూడు నేటి తరం. ఏ.ఎన్. ఆర్, శోభన్ బాబు, కృష్ణ, కృష్ణంరాజు,మోహన్ బాబు లాంటి హీరోలందరిని ఎన్. టి.ఆర్ తరం హీరోలు గా గుర్తిస్తారు. ఎందుకంటే ఆ కాలంలో ఎంతమంది హీరోలు ఉన్నప్పటికీ ఇండస్ట్రీకి సరికొత్త రికార్డ్ లు పరిచయం చేసిన ఘనత ఎన్. టి.ఆర్ దే. కమర్షియల్ మూవీస్ తో పాటు, రాముడు, కృష్ణుడు, కర్ణుడు, రావణాసురుడు మొదలైన పౌరాణిక పాత్రలకు ఎన్. టి.ఆర్ కేరాఫ్ అడ్రస్ గా నిలిచేవారు. ఆ పాత్రలతో తెలుగు సినీ ప్రేక్షకుల్లో చెరగని ముద్ర వేశారు.

ఇక యమగోల, అడవి రాముడు, వేటగాడు, జస్టిస్ చౌదరి, సర్ధార్ పాపారాయుడు, బొబ్బిలి పులి,మేజర్ చంద్రకాంత్ లాంటి కమర్షియల్ హిట్స్ కి కూడా ఆయన కెరీర్ లో లోటు లేదు. అందువలనే ఆయన ఆ తరం హీరోలలో అగ్రగామిగా నిలబడగలిగారు. ఎన్. టి.ఆర్ తరువాత తెలుగు సినిమా ఇండస్ట్రీ పైన తన జెండా బలంగా నాటిన వ్యక్తి చిరంజీవి. ఈయన ఎన్. టి.ఆర్ గారిలా పౌరాణిక పాత్రలు చేయకపోయినా, మాస్ ఆడియెన్స్ లో చిరు పేరు చెబితే పూనకం వచ్చేలా డాన్స్ లతో, ఫైట్స్ తో అప్పటి వరకు ఒక పాత ధోరణిలో ఉన్న తెలుగు సినీ పరిశ్రమకి కొత్త రంగులు అద్దడం జరిగింది.

చిరు రాకతో తెలుగు సినీమా ఖ్యాతి భారతీయ సినీ ప్రపంచం లో మరింత పెరిగింది. ఖైదీ సినిమా తో ఇండస్ట్రీ లో తన స్ధానాన్ని ఖాయం చేసుకున్న చిరు, తర్వాత.. అడవి దొంగ, కొండవీటి దొంగ, కొండవీటి రాజా, గ్యాంగ్ లీడర్, ఘరానా మొగుడు, ముఠామేస్త్రీ, జగదేక వీరుడు, అతిలోకసుందరి,ఇంద్ర, ఠాగూర్ లాంటి సూపర్ హిట్ సినిమాలతో టాప్ హీరో కుర్చీని తన సొంతం చేసుకున్నారు. చిరంజీవి కాలంలో బాలకృష్ణ, నాగార్జున, వెంకటేష్, సుమన్, రాజశేఖర్ లాంటి హీరోలు పోటీ పడినప్పటికి వారందరి కంటే చిరు కెరీర్ లోనే అత్యధిక హిట్ సినిమాలు ఉండడం, మరియు అభిమానుల్లో తనకంటూ ప్రత్యేక స్ధానాన్ని సంపాదించుకోవడం తో చిరునే ఆ తరం గ్యాంగ్ లీడర్ గా అభిమానులు భావిస్తారు.

చిరంజీవి గారు రాజకీయ రంగ ప్రవేశం చేసినప్పటికీ ఆ టాప్ హీరో కుర్చీ ని ఎవరు తమ సొంతం చేసుకోలేకపోయారు. గబ్బర్ సింగ్,అత్తారింటికి దారేది లాంటి బ్లాక్ బస్టర్ హిట్స్ తో పాటు, అమోఘమైన ఫ్యాన్ బేస్ తో పవన్ కళ్యాణ్ గారు ఆ స్ధాయిలో కనిపించినప్పటికి, రాజకీయాల మీద ఆసక్తి తో ఆయన సినిమాల మీద పూర్తిగా దృష్టి పెట్టలేదని అనిపిస్తుంది. పవన్ తో పాటు, మహేష్, ప్రభాస్, అల్లు అర్జున్, రామ్ చరణ్, జూనియర్ ఎన్. టి.ఆర్ లాంటి కొత్త తరం హీరోలు వచ్చినప్పటికీ వారెవరు కూడా ఆ టాప్ హీరో కుర్చీని సొంతం చేసుకోలేకపోయారు. వారంతా కూడా ఇప్పటికి చిరునే తెలుగు ఇండస్ట్రీ లో నెంబర్ వన్ హీరో అని చెప్పడం కొసమెరుపు.

మరి ఎన్. టి.ఆర్,చిరు తరువాత ఆ టాప్ హీరో కుర్చీని దక్కించుకుని, వెండితెర మీద తన సామ్రాజ్యాన్ని నిర్మించుకునే నయా నవాబ్ ఎవరో కాలమే నిర్ణయించాలి.

టాలీవుడ్‌ అంటేనే రీమేక్స్ అడ్డా. వేరే ఇండస్ట్రీస్‌లో సూపర్ హిట్టైన సినిమాలను ఇక్కడ రీమేక్‌ చేస్తుంటారు. ప్రస్తుతం చిరు మాలీవుడ్ బ్లాక్ బస్టర్ లూసీఫర్ ను తెలుగులో గాడ్ ఫాదర్ గా రీమేక్ చేస్తున్నాడు. అలాగే వేదాళం చిత్రాన్ని భోళాశంకర్ పేరుతో రీమేక్ చేస్తున్నాడు.
మెగాస్టార్ చిరంజీవి ఈ వయసులో కూడా ఎంతో ఫిట్ గా ఉంటూ వరుస ప్రాజెక్ట్స్ చేస్తూ కుర్ర హీరోలకే సవాల్ విసురుతున్నాడు.అయితే చిరు చేసే సినిమాలు వరుసగా రీమేక్ సినిమాలే కావడం ఈయనకు మైనస్ అవుతుంది.

నిజానికి లూసిఫర్ సినిమా డబ్బింగ్ చిత్రంగా మన తెలుగులో కూడా రిలీజ్ అయ్యింది.కానీ ఎప్పుడు వచ్చిందో ఎప్పుడు పోయిందో కూడా తెలియదు.అయితే ఎప్పుడైతే మెగాస్టార్ ఈ సినిమాను తెలుగులో రీమేక్ చేస్తున్నట్టు ప్రకటించారో అప్పుడు మన తెలుగు ప్రేక్షకులు ఓటిటిలో ఈ సినిమాను చూడడం మొదలు పెట్టారు.ఒక్కొక్కరు రెండు మూడు సార్లు చూసిన వారు కూడా ఉన్నారు.

దీంతో ఇప్పుడు మెగాస్టార్ తీసే గాడ్ ఫాదర్ సినిమాకు ఎక్కువ హోప్స్ లేవు. ఎలాగైనా మెగాస్టార్ సినిమా కాబట్టి ఓపెనింగ్స్ అయితే భారీగానే వస్తాయి కానీ ఈ సినిమా డైరెక్ట్ సినిమా కాకపోవడం. అందులోను కథ రివీల్ అవ్వడంతో ఇప్పుడు ఈ సినిమాపై అన్ని అంచనాలు పెట్టుకోలేదు.గాడ్ ఫాదర్ ప్రమోషన్స్ వల్ల, మెగాస్టార్ లుక్ వల్ల సినిమాపై అంచనాలు అయితే ఏర్పడ్డాయి కానీ సినిమాకు రావాల్సిన స్పందన మాత్రం రాలేదు అనే టాక్ నడుస్తుంది.

గతం లో పవన్ కళ్యాణ్ నటించిన ‘కాటమ రాయుడు’ చిత్రం కూడా ఈ పరిస్థితులనే ఎదుర్కొంది. మెగాస్టార్ చేస్తున్న సినిమాకే ఇలా ఉంటే ఇక మాములు హీరోలు రీమేక్ సినిమాలు చేస్తే ఖచ్చితంగా ఇబ్బందులు ఎదుర్కోవడం ఖాయం.మరి దీనంతటికి కారణం ఓటిటిలు రావడమే అంటున్నారు.

ఓటీటీ లు రావడంతో పరిస్థితి ఇలా మారింది. ప్రేక్షకులు ఈ మాధ్యమాలు వచ్చినప్పటి నుంచి భాషతో సంబంధం లేకుండా దేశవిదేశాల చిత్రాలు కూడా చూస్తున్నారు ప్రేక్షకులు. ఇలా అయితే రాను రాను రీమేక్స్‌లో నటించడం మన హీరోలకు పెద్ద రిస్క్‌గా మారే అవకాశాలు కనిపిస్తున్నాయి.

కొన్నేళ్ల క్రితం సినీ వ్యాపారపరంగా చిన్న పరిశ్రమగా ముద్రపడ్డ కన్నడ చిత్రసీమ క్రమంగా తన పరిధుల్ని విస్తరించుకుంటున్నది. పాన్‌ ఇండియా కథాంశాలతో దేశవ్యాప్తంగా తన ప్రభావాన్ని చాటుతున్నది. ‘కేజీఎఫ్‌’ సిరీస్‌ చిత్రాలు అందుకు నాంది పలికాయి. ఇప్పుడు అదే నిర్మాణ సంస్థ హోంబలే ఫిల్మ్స్‌ నుంచి వచ్చిన ‘కాంతారా’ కన్నడనాట సంచలనాల్ని సృష్టిస్తున్నది.

సెప్టెంబర్‌ 30న కర్ణాటకలో విడుదలైన ఈ చిత్రం బాక్సాఫీస్‌ వద్ద దూసుకుపోతున్నది. ఈ నేపథ్యంలో ఈ చిత్రాన్ని గీతా ఫిల్మ్‌ డిస్ట్రిబ్యూషన్‌ సంస్థ తెలుగులో ప్రేక్షకుల ముందుకు తీసుకొచ్చింది. ఇక్కడ కూడా కాంతారా అదే హవా కొనసాగిస్తుంది.

అదే విధంగా మనమంతా, జనతాగ్యారేజ్ వచ్చిన తర్వాత మోహన్ లాల్ ఇక్కడ తెలుగులో కూడా ఫేమస్ అయ్యిపోయారు. దాంతో ఆయన హిట్ చిత్రాలను డబ్బింగ్ చేసి వదలటం మొదలైంది. అయితే అవన్నీ ఒక ఎత్తు. తాజాగా మళయాళంలోనూ దాదాపు 125 కోట్లు వసూలు చేసి అక్కడ పరిశ్రమలో బాహుబలిని దాటిన రికార్డ్ ని క్రియేట్ చేసిన పులి మురుగన్ ఒకెత్తు.

ఈ వయస్సులోనూ మోహన్ లాల్ చేసిన ఫైట్స్ కు అక్కడ ప్రేక్షకులు బ్రహ్మరధం పట్టారు. ముఖ్యంగా పులితో తీసిన సీక్వెన్స్ లు సినిమాకు హైలెట్ గా నిలిచాయి. డిఫరెంట్ బ్యాక్ డ్రాఫ్ తో వచ్చిన ఈ చిత్రం మాస్ ప్రేక్షకులను టార్గెట్ చేస్తే…అన్ని వర్గాలని ఆకట్టుకుంది.

అటవీ నేపథ్యం లో వచ్చిన ఈ రెండు సినిమాల గురించి ఇప్పుడీ ప్రస్తావన ఎందుకంటే.. ఈ రెండిటిలో ఒక కామన్ పాయింట్ ఉంది. దాని గురించి ప్రస్తుతం నెట్టింట మీమ్స్ వైరల్ అవుతున్నాయి.

ఇంతకీ ఆ పాయింట్ ఏంటంటే.. ఈ రెండు చిత్రాల్లో ఫారెస్ట్‌ రేంజ్‌ ఆఫీసర్‌ గా కిషోర్‌ కుమార్‌ ఏ నటించారు. రెండిటి లోను హీరో కి, కిషోర్ కుమార్ కి మధ్య పోరు జరుగుతూ ప్రేక్షకులను అలరిస్తుంది. దీంతో 2016 లో వచ్చిన మలయాళ చిత్రం మన్యం పులి కి, తాజాగా విడుదలైన కన్నడ చిత్రం కాంతారా కి ఈ కామన్ పాయింట్ చూసారా అంటూ సోషల్ మీడియా లో కామెంట్లు వెల్లు వెత్తుతున్నాయి.

స్టార్ హీరోయిన్ కీర్తి సురేష్ తెలుగు ఇండస్ట్రీ లో బాగా ఫేమస్ అయిన సంగతి తెలిసిందే. అలనాటి అందాల నటి సావిత్రి జీవిత కథను ఆధారంగా చేసుకుని తెరకెక్కించిన “మహానటి” సినిమాలో నటించిన కీర్తి సురేష్ సావిత్రిని మరిపించింది. ఆ సినిమా చూస్తున్నంతసేపు మనకి కీర్తి సురేష్ కనిపించదు. సావిత్రి గారే కనిపిస్తారు. అంతలా ఆమె నటించి మెప్పించింది.

ప్రస్తుతం కీర్తి సురేష్ పలు తెలుగు సినిమా ప్రాజెక్ట్స్ లో బిజీగా ఉంది. వాటిలో మెగాస్టార్ తో నటిస్తున్న సినిమా కూడా ఉంది. మెగాస్టార్ “భోళా శంకర్” సినిమాలో కీర్తి సురేష్ కూడా నటిస్తున్నారు.

ఈ సినిమాలో కీర్తి సురేష్ మెగాస్టార్ కు చెల్లెలిగా నటిస్తున్నారని టాక్ వినిపిస్తోంది. ఇది ఇలా ఉంటే.. కీర్తి సురేష్ తల్లి మేనక, మెగాస్టార్ చిరు తో కలిసి సినిమాల్లో స్టెప్పులేశారన్న సంగతి తెలుసా..? కీర్తి సురేష్ తల్లి గురించి చాలా మందికి తెలియదు. ఆమె కూడా గతంలో టాలీవుడ్ లో హీరోయిన్ గా నటించారు. మెగాస్టార్ చిరంజీవి సరసన స్టెప్పులు కూడా వేశారు. ఇంతకీ.. ఆమె ఏ సినిమాలో నటించారో తెలుసుకుందాం.

కీర్తి సురేష్ తల్లి మేనక.. మెగాస్టార్ సినిమాలో హీరోయిన్ గా నటించారు. గతంలో ఆమె స్టార్ హీరోల సరసన నటించి స్టార్ హీరోయిన్ గా వెలుగొందారు. 1980 ల కాలంలో వచ్చిన “పున్నమి నాగు” సినిమాలో మెగాస్టార్ పక్కన మేనక “పూర్ణిమ” అనే పాత్రలో నటించి మెప్పించారు. ప్రస్తుతం ఆమె కూతురు కీర్తి సురేష్ మెగాస్టార్ కు చెల్లెలిగా నటించబోతున్నారు. “భోళా శంకర్” సినిమాకు మెహెర్ రమేష్ దర్శకత్వం వహిస్తున్న సంగతి తెలిసిందే.

స్టార్ హీరోయిన్ కీర్తి సురేష్ తెలుగు ఇండస్ట్రీ లో బాగా ఫేమస్ అయిన సంగతి తెలిసిందే. అలనాటి అందాల నటి సావిత్రి జీవిత కథను ఆధారంగా చేసుకుని తెరకెక్కించిన “మహానటి” సినిమాలో నటించిన కీర్తి సురేష్ సావిత్రిని మరిపించింది. ఆ సినిమా చూస్తున్నంతసేపు మనకి కీర్తి సురేష్ కనిపించదు. సావిత్రి గారే కనిపిస్తారు. అంతలా ఆమె నటించి మెప్పించింది.

ప్రస్తుతం కీర్తి సురేష్ పలు తెలుగు సినిమా ప్రాజెక్ట్స్ లో బిజీగా ఉంది. వాటిలో మెగాస్టార్ తో నటిస్తున్న సినిమా కూడా ఉంది. మెగాస్టార్ “భోళా శంకర్” సినిమాలో కీర్తి సురేష్ కూడా నటిస్తున్నారు. ఈ సినిమాలో కీర్తి సురేష్ మెగాస్టార్ కు చెల్లెలిగా నటిస్తున్నారని టాక్ వినిపిస్తోంది.

ఇది ఇలా ఉంటె.. ప్రస్తుతం కీర్తి సురేష్ నటించిన “సర్కారు వారి పాట” సినిమా హిట్ టాక్ తో దూసుకెళ్తున్న సంగతి తెలిసిందే. “నేను శైలజ” సినిమాతో తెలుగు ప్రేక్షకులకు పరిచయం అయిన కీర్తి సురేష్ తెలుగు వారికి బాగా దగ్గరయ్యారు. ఆ తరువాత నేను లోకల్, మహానటి, రంగ్ దే, మిస్ ఇండియా, అజ్ఞాతవాసి, గుడ్ లక్ సఖి.. వంటి సినిమాలతో తెలుగు వారికి మరింత చేరువయ్యారు. తాజాగా విడుదల అయిన “సర్కారు వారి పాట సినిమా”తో మరో హిట్ ను తన ఖాతాలో జమ చేసుకున్నారు.

ప్రస్తుతం కీర్తి సురేష్ కెరీర్ ఫుల్ ఫామ్ లో నడుస్తోంది అని చెప్పొచ్చు. అయితే కీర్తి సురేష్ నటించిన ఓ మూడు సినిమాల్లో ఓ కామన్ పాయింట్ ఉంది. అదేంటో ఇప్పుడు చెప్పుకుందాం. కీర్తి సురేష్ నటించిన రంగ్ దే, మిస్ ఇండియా.. తాజాగా నటించిన సర్కారు వారి పాట సినిమాలలో కీర్తి సురేష్ మాస్టర్స్ చదవడం తన డ్రీం అని చెప్తూ ఉంటారు. మాస్టర్స్ చేయడమే లక్ష్యంగా పెట్టుకున్న అమ్మాయి పాత్రల్లో కనిపిస్తారు. దీనిపై సోషల్ మీడియాలో మీమ్స్ వస్తున్నాయి. మాస్టర్ చేసే అమ్మాయి రోల్ అని చెప్తే చాలు.. కీర్తి సురేష్ సినిమా ఒకే చేసేస్తారు అంటూ కొందరు నెటిజన్స్ సరదాగా కామెంట్స్ చేస్తున్నారు.