Anudeep

విజయ్ దేవరకొండ హీరోగా నటించిన లైగర్ సినిమా ట్రైలర్ ఇవాళ విడుదల అయ్యింది. ఈ సినిమాకి పూరి జగన్నాధ్ దర్శకత్వం వహించారు. అనన్య పాండే ఈ సినిమాలో హీరోయిన్ గా నటించారు. పూరి కనెక్ట్స్ తో కలిసి కరణ్ జోహార్ ఈ సినిమాని నిర్మించారు. ఈ సినిమా పాన్ ఇండియన్ సినిమాగా విడుదల అవుతోంది. ట్రైలర్ చూస్తూ ఉంటే హీరో ఒక ఎంఎంఏ ఫైటర్ పాత్రలో నటిస్తున్నారు అని అర్థమవుతోంది. ఇందులో రమ్య కృష్ణ హీరో తల్లి పాత్రలో నటిస్తున్నారు.

శ్రీను వైట్ల దర్శకత్వంలో రాంచరణ్, రకుల్ ప్రీత్ జంటగా నటించిన బ్రూస్ లీ అందరికీ తెలిసిందే. ఈ చిత్రంలో మెగా స్టార్ చిరంజీవి అతిధి పాత్రతో అదరగొట్టేసాడు. ఇందులో చిరు కనిపించేది కాసేపే అయినా థియేటర్లు ఫ్యాన్స్ విజిల్స్ తో దద్దరిల్లిపోయాయి. అప్పుడే ఫ్లైట్ దిగి షూటింగ్ కోసం వచ్చిన చిరు, రకుల్ ప్రీత్ కష్టాల్లో ఉందని తెలిసి ఆమెను రక్షిస్తాడు.

ఆ సమయంలో మెగాస్టార్ చెప్పే డైలాగ్స్ అన్నీ అందరినీ ఆకట్టుకున్నాయి. “జస్ట్ టైం గాప్ అంతే.. టైమింగ్ లో గాప్ ఉండదు” అంటాడు చిరంజీవి. అయితే ప్రస్తుతం లైగర్ ట్రైలర్ లో టైసన్ ను చూస్తుంటే.. బ్రూస్ లీ లో మెగాస్టార్ చిరంజీవి గుర్తొస్తున్నాడు అంటూ సోషల్ మీడియాలో నెటిజన్లు కామెంట్ చేస్తున్నారు. లైగర్ లో కూడా విజయ్ దేవరకొండ ఏదో గొడవ పడుతుంటే..

అప్పుడు ఎంటర్ అవుతాడు మైక్ టైసన్. నేను ఫైటర్ ని అని విజయ్ అంటే.. “నువ్వు ఫైటర్ అయితే.. మరీ నేనేంటి” అంటాడు టైసన్. మొత్తానికి ఒక్క ట్రైలర్ లోనే ఇన్ని సినిమాలు కనిపిస్తుంటే, ఒక సినిమా చూస్తే ఇంకెన్నీ సినిమాలు చూపిస్తాడో అని నెటిజన్ల సెటైర్లు వేస్తున్నారు. పూరీ జగన్నాథ్ దర్శకత్వంలో రౌడీ హీరో విజయ్ దేవరకొండ కథానాయకుడిగా పాన్ ఇండియా మూవీ లైగర్ ని తెరకెక్కిస్తున్నారు.

లైగర్ తెలుగు ట్రైల‌ర్‌ను మెగాస్టార్ చిరంజీవి, పాన్ ఇండియా స్టార్ ప్ర‌భాస్‌ రిలీజ్ చేశారు. “ఒక లయన్ కి, టైగర్ కి పుట్టిండాడు. క్రాస్ బ్రీడ్ సార్ నా బిడ్డ” అంటూ రమ్యకృష్ణ చెప్పే డైలాగ్ తో ట్రైలర్ మొదలవుతుంది. ట్రైలర్ లో విజయ్ దేవరకొండ రఫ్ లుక్ లో కనబడుతున్నారు. చాన్నాళ్లుగా విజయ్ సినిమాలు కూడా ఏం రాకపోవడంతో రౌడీ ఫ్యాన్స్ నెల రోజుల ముందు నుంచే సంబరాల్లో మునిగిపోయారు. పూరీ కూడా ఇస్మార్ట్ శంకర్ హిట్ జోష్ లో పాన్ ఇండియా మూవీని తెరకెక్కించాడు.

రౌడీ హీరో విజయ్ దేవరకొండ, డేరింగ్ అండ్ డాషింగ్ పూరీ జగన్నాథ్ కాంబినేషన్ లో వస్తున్న పాన్ ఇండియా మూవీ లైగర్ గురించి అందరికీ తెలిసిందే. ఈ ఏడాది టాలీవుడ్ లో విడుదలైన ఏ సినిమా బ్లాక్ బస్టర్ టాక్ తెచ్చుకోలేదు. దీంతో ‘లైగ‌ర్‌’పై టాలీవుడ్ భారీ ఆశ‌లు పెట్టుకొంది.

టాలీవుడ్ లో వ‌రుస ప‌రాజ‌యాలకు `లైగ‌ర్‌` బ్రేక్ వేస్తుంద‌ని ఇండ‌స్ట్రీ వ‌ర్గాలు ఆశ‌లు పెట్టుకొన్నాయి. దానికి తగ్గట్టే చిత్ర బృందం విడుదల చేసిన పోస్టర్స్, సాంగ్, ట్రైలర్ కి మంచి రెస్పాన్స్ వచ్చింది. అయితే ట్రైలర్ చూసిన నెటిజన్లు ఈ చిత్రాన్ని అమ్మా నాన్న ఓ తమిళ అమ్మాయితో పోలుస్తున్నారు.

అందులోని రవితేజను విజయ్ దేవరకొండతో, జయసుధను రమ్యకృష్ణతో, ప్రకాష్ రాజ్ ను మైక్ టైసన్ తో, ఆసిన్ ని అనన్య పాండేతో పోలుస్తూ కామెంట్ చేస్తున్నారు. అమ్మా నాన్న ఓ ముంబై పోరి అని సెటైర్లు కూడా వేస్తున్నారు నెటిజన్లు. ఇది వ‌ర‌కు `అమ్మా నాన్న ఓ త‌మిళ అమ్మాయి`లో మ‌ద‌ర్ సెంటిమెంట్ చూపించాడు పూరీ. అది కూడా బాక్సింగ్ క‌థే. అందుకే ఈ రెండు సినిమాల‌కూ పోలిక తీసుకొస్తున్నారు.

చూడాలి ఇది ఎంత వరకు వర్కౌట్ అవుతుందో..!  ఆగస్ట్ 25న లైగర్ సినిమాను విడుదల చేయనున్నారు. ఇప్పటికే షూటింగ్ ముగించుకొని పోస్ట్ ప్రొడక్షన్, పబ్లిసిటీ పై దృష్టి పెట్టింది చిత్ర బృందం. పూరీ కనెక్ట్స్, ధర్మ ప్రొడక్షన్ సంయుక్తంగా ఈ చిత్రాన్ని నిర్మిస్తున్నాయి. సోషల్ మీడియాలో ట్రోల్ అవుతున్న ఓ మీమ్ కింద ఇవ్వబడింది.

https://www.instagram.com/p/CgQuVdPJhri/?igshid=YmMyMTA2M2Y=

మాస్ మసాలా చిత్రాలకు కేరాఫ్ ఎడ్రస్ గా మారి.. వాటితోనే సూపర్ స్టార్ గా ఎదిగిన రజనీకాంత్ మరోసారి అదే ఫార్ములాని నమ్మి లింగ మూవీ చేశారు. అడుగడుగుకీ మసాలాని, గ్లామర్ ని గుప్పించే ప్రయత్నం చేసినా సినిమా నేరేషన్ లో మాత్రం అంత స్పీడు లేదు.

రజనీకాంత్ కేఎస్ రవికుమార్ కాంబినేషన్ లో తెరకెక్కిన ముత్తు, నరసింహ సినిమాలు సక్సెస్ అయ్యాయి. అయితే ఈ కాంబినేషన్ లో వచ్చిన లింగ మూవీ మాత్రం బాక్సాఫీస్ వద్ద బోల్తా పడింది. డైరెక్టర్ రవికుమార్ వల్లే ఈ సినిమా ఫ్లాపైందని రజనీ అభిమానులు భావించారు. ఈ సినిమాలో కథ, కథనం రజనీకాంత్ రేంజ్ లో లేవని కామెంట్లు వ్యక్తమయ్యాయి.

కేఎస్ రవికుమార్ తాజాగా ఒక ఇంటర్వ్యూలో.. లింగ సినిమాకు సంబంధించి సంచలన విషయాలను వెల్లడించారు. లింగ మూవీ క్లైమాక్స్ లో ఒక బెలూన్ ఫైట్ ఉంటుందని ఆ ఫైట్ ను ముందుగా అనుకోలేదని ఆయన తెలిపారు. హైదరాబాద్ లో లింగ మూవీ షూటింగ్ జరుగుతున్న సమయంలో అప్పటి వరకు షూట్ చేసిన సన్నివేశాలను చూడాలని రజనీకాంత్ తనను కోరారని ఆయన చెప్పుకొచ్చారు.

ఆ సన్నివేశాలను చూసిన తర్వాత రజనీకాంత్ కొన్ని సన్నివేశాలు చెప్పి ఆ సన్నివేశాలను యాడ్ చేయాలని కోరారని రవికుమార్ పేర్కొన్నారు. రజనీ చెప్పిన సీన్లు అసిస్టెంట్ డైరెక్టర్లకు కూడా నచ్చలేదని ఆయన అన్నారు. అంతేకాకుండా రజనీకాంత్ తన పుట్టినరోజున సినిమాను రిలీజ్ చేయాలని కోరడంతో హడావిడిగా సినిమా షూటింగ్ ను పూర్తి చేశామని రజనీకాంత్ వల్లే లింగ మూవీ ఫ్లాపైందని డైరెక్టర్ తెలిపారు.

2014 సంవత్సరంలో డిసెంబర్ 14వ తేదీన విడుదలైన ఈ సినిమాలో సోనాక్షి సిన్హా, అనుష్క శెట్టి హీరోయిన్లుగా నటించారు. లింగ విడుదలైన 8 సంవత్సరాల తర్వాత కేఎస్ రవికుమార్ రజనీకాంత్ పై ఆరోపణలు చేయడంపై  నెటిజన్ల నుంచి భిన్నాభిప్రాయాలు వ్యక్తమవుతున్నాయి. ప్రస్తుతం నెల్సన్ దర్శకత్వంలో సూపర్ స్టార్ రజినీకాంత్ జైలర్ అనే మూవీలో నటిస్తున్నాడు.

కిరణ్‌ అబ్బవరం టాలీవుడ్ లో సెల్ఫ్ మేడ్ హీరోగా గుర్తింపు తెచ్చుకున్నాడు. ఇంతకు ముందు విడుదలైనవి మూడు చిత్రాలే అయినా… ప్రస్తుతం పలు అగ్ర నిర్మాణ సంస్థలు అతనితో సినిమాలు నిర్మిస్తున్నాయి. ‘రాజాగారు రాణివారు’తో హీరోగా పరిచయమైన కిరణ్ రెండో సినిమా ‘ఎస్. ఆర్. కళ్యాణ మండపం’ చక్కని ఆదరణ పొందింది.

అయితే మూడో చిత్రం ‘సెబాస్టియన్’ నిరాశ పరిచినా.. అతని నాలుగో సినిమా ‘సమ్మతమే’ కి మంచి టాక్ వచ్చింది.
ఈ చిత్రానికి గోపీనాథ్ రెడ్డిని డైరెక్టర్ కాగా చాందిని చౌదరి హీరోయిన్ గా చేసింది. ఈ మూవీ ఇటీవల ఓటీటీలో కూడా విడుదలైంది. అక్కడ కూడా మంచి రెస్పాన్స్ వస్తుంది. ఇదిలా ఉండగా సినిమాలో హీరో, మొదటిసారి హీరోయిన్ ని చూసినప్పుడు ఆమె అందాన్ని వర్ణిస్త్తూ.. కట్టు, బొట్టు ఎలా ఉందో చెప్తుంటాడు.

ఇదే టైంలో “ఆ అమ్మాయి ముక్కు పడక అదేంటో తన పెదవికి అందం తెచ్చింది” అంటాడు హీరో. ముక్కు పడక ముక్కుకు అందం తెస్తుంది కానీ పెదవికి అందం తేవడం ఏంటని ఈ డైలాగ్ ను సోషల్ మీడియాలో తెగ ట్రోల్ చేస్తున్నారు నెటిజన్లు. ప్రస్తుతం కిరణ్ అబ్బవరం నేను మీకు బాగా కావాల్సిన వాడిని, వినరో భాగ్యం విష్ణు కథ, మీటర్, రూల్స్ రంజన్ చిత్రాలతో బిజీగా ఉన్నాడు. సమ్మతమేలో ట్రోల్ చేయబడిన ఆ వీడియో లింక్ కింద ఇవ్వబడింది.

Watch video :