Anudeep

కొన్ని సినిమాలపై భారీ అంచనాలు ఉంటాయి. కానీ అంచనాలకు తగ్గట్టు లేకపోతే ప్రేక్షకులు నిరాశ పడటమే కాకుండా అసలు మళ్లీ ఆ సినిమా ఊసే ఎత్తరు. అలాంటి కోవకు చెందిందే బ్రో సినిమా. ఎన్నో ఆశలతో పవన్ కళ్యాణ్ మూవీ కోసం వెళితే చాలా వరకు అభిమానులకు నిరాశే మిగిలిందని చెప్పొచ్చు.

అయినా సినిమా కలెక్షన్స్ మాత్రం పెద్ద ఎత్తునే లాభాలు రాబడుతోంది. దానికి ఏకైక కారణం కూడా పవర్ స్టార్ పవన్ కళ్యాణ్ మాత్రమే అని కచ్చితంగా చెప్పొచ్చు. కానీ ఈ సినిమాకి మొదట పవన్ కళ్యాణ్, సాయి ధరమ్ తేజ్ ను అనుకోలేదట.

అయితే నటుడు, దర్శకుడు సముద్రఖని దర్శకత్వంలో… పవన్ కళ్యాణ్ సాయి ధరమ్ తేజ్ కలయికతో తేరకెక్కిన బ్రో చిత్రం జూలై 28న ఘనంగా విడుదల అయ్యింది. ఈ సినిమాలో సాయి ధరమ్ తేజ్ సరసన కేతిక శర్మ నటించగా… రోహిణి, ప్రియా ప్రకాష్ వారియర్, వెన్నెల కిషోర్, తనికెళ్ళ భరణి కీలక పాత్రలు పోషించారు. ఇక ఈ సినిమా విడుదల అయిన మొదటి రోజే 30 కోట్ల లాభాలను రాబట్టింది. ఇదంతా పవన్ కళ్యాణ్ పేరుకు ఉన్న క్రేజ్ అనడంలో ఎలాంటి అతిశయోక్తి లేదు.

నిజానికి ఈ సినిమా కోసం మొదట ప్రభాస్, అక్కినేని అఖిల్ తో తీయాలని దర్శకుడు సముద్రఖని ఆలోచన. కానీ ప్రభాస్ బిజీ షెడ్యూల్ తో కనీసం కలవడం కూడా కుదరక పోవడంతో… అక్కడే ఆగిపోకుండా సూర్య, కార్తీ లను అనుకున్నారట. కానీ వారి నుండి పెద్దగా స్పందన రాకపోవడంతో…సీన్ లోకి మాటల మాంత్రికుడు త్రివిక్రమ్ ఎంటర్ అయ్యారు.

ఈ పాత్రలకు పవన్ కళ్యాణ్, సాయి ధరమ్ తేజ్ ఎందుకు ఉండకూడదు. వాళ్లైతే ఈ పాత్రలకు సరిగ్గా సరిపోతారని సముధ్రఖనికి చెప్పడంతో వెంటనే ఓకే చెప్పేశారట. అంతే ఇక ఆలస్యం చెయ్యకుండా సినిమా పూర్తి చేశారు. వాస్తవానికి ప్రేక్షకులు కూడా ఈ కథకు వీళ్ళే కరెక్ట్ అని, అసలు సాయి ధరమ్ తేజ్ రియల్ లైఫ్ లో జరిగిన సంఘటన ఈ కథకు సరిగ్గా సరిపోతుందని అభిప్రాయాలను వ్యక్తం చేశారు. ఈ పాత్రకు సాయి ధరమ్ తేజ్ అయితేనే సరిగ్గా సరిపోయాడని మెచ్చుకున్నారు.

ఏదేమైనా కథ బాగుండటం, డైలాగులు బాగుండటం, సాయి ధరమ్ తేజ్ నిజ జీవితంలో జరిగిన సంఘటనకు ఈ సినిమా కథ దగ్గరగా ఉండటం… ఇవన్నీ కలిపి ఒక ప్లస్ అయితే… సినిమా మంచి కలెక్షన్స్ అందుకోవడానికి పవన్ కళ్యాణ్ ఏ ముఖ్య కారణమని, ఆయన కాకుండా ఎవరు చేసిన కచ్చితంగా ఇది ఫ్లాప్ అయ్యి ఉండేదని ప్రేక్షకులు అభిప్రాయపడుతున్నారు.

ALSO READ : 2023 లో వచ్చిన 12 “వరస్ట్ సినిమాలు” ఇవే..! ఏవి ఉన్నాయంటే..?

తక్కువ బడ్జెట్ తో, పెద్దగా ఫేమస్ కాకపోయినా మోస్తరుగా ఫాలోవర్స్ ఉన్న నటులతో… సాయి రాజేష్ దర్శకత్వం వహించిన సినిమా బేబీ. విడుదలైన మొదటి రోజే వావ్ అనిపించిన కలెక్షన్స్ రాబట్టింది. కేవలం రెండు వారాల్లోనే 70 కోట్ల గ్రాస్ కలెక్షన్స్ రాబట్టి అందరినీ ఆశ్చర్యానికి గురి చేసింది.

ఈ సినిమా ఇంత హిట్ అవ్వడానికి కారణం ఆనంద్ దేవరకొండ, వైష్ణవి చైతన్య, విరాజ్ అశ్విన్ ల నటన ఒక కారణమైతే… ఈ సినిమాలోని కథ కీలకం అని చెప్పొచ్చు. అందుకే చాలా మందిని ఎడ్పించి మెప్పించింది.

అయితే ఈ బేబీ కథకు సంబంధించి కొన్ని సంచలన నిజాలు బయట పడ్డాయి. వాటిని సాయి రాజేష్ ఏ స్వయంగా బయట పెట్టారు. ఈ కథ కాపీ చేశారని… అది నిజానికి నా నిజ జీవితంలో జరిగిన సంఘటన ఆధారంగా ఈ కథ రాసుకున్నాను కానీ దానిని కాపీ చేశారని ఓ వ్యక్తి సోషల్ మీడియాలో పోస్ట్ చేశాడు. తన లైఫ్ లో 2012 లో రియల్ గా జరిగిన ప్రేమ కథను ట్రయంగిల్ లవ్ స్టోరీగా రాసి… 2018 లో పూర్తి కథను పూర్తి చేసుకున్నాని, ఈ కథను ఎన్నో చోట్ల ఎంతో మందికి చెప్పానని… కొందరికి స్క్రిప్ట్ కూడా ఇస్తే…చివరికి ఇప్పుడు తెలుగులో నా కథను కాపీ చేసి బేబీ సినిమా తీశారని దినేష్ కుమార్ డీకే అనే వ్యక్తి సోషల్ మీడియాలో పోస్ట్ చేశాడు.

దీనిని ఓ తమిళ క్రిటిక్ రిపోస్ట్ చేసి సాయి రాజేష్ ను ట్యాగ్ చేయగా… దానిని షాట్ తీసి ఇంకేముంది దీని మీద వార్తలు రాసుకోండి అంటూ సాయి రాజేష్ ట్వీట్ చేశారు. ఏదైనా సినిమా బాగా హిట్ అయినప్పుడు తొందరగా ఫేమస్ అవ్వడానికి ఇలాంటి ట్రిక్స్ వాడతారని…ఇది అలానే ఉందని అన్నారు. బహుశా బేబీ సినిమాలో జరిగినట్టే అనేకమంది అటువంటి అనుభవం ఎదుర్కొని ఉండొచ్చు… యాదృచ్ఛికంగా ఇలాంటివి చాలానే జరుగుతాయి. మరి ఈ పోస్ట్ ఏ కోవకు చెందినదో తెలియదంటూ పోస్ట్ చేశారు.

కాకపోతే ఈ కథ తమిళనాడులో చోటు చేసుకున్న రియల్ ఇన్సిడెంట్ ఆధారంగా ఈ సినిమా తీసినట్టు సాయి రాజేష్ అప్పటికే చెప్పడం గమనార్హం. దీంతో నిజంగానే ఈ కథ కాపీనా అనే అనుమానాలు కొందరిలో మొదలయ్యాయి. ఏదేమైనా మూవీ టీం సక్సెస్ ని ఎంజాయి చెయ్యడంలో మునిగి పోయారు.

ALSO READ : కరణ్ జోహార్, రణవీర్ సింగ్ ను దులిపేసిన కంగనా రనౌత్… కారణం ఏంటో తెలుసా??

హీరోయిన్లలో ముక్కుసూటిగా మొహం మీద మాట్లాడే వాళ్ళు ఎవరు అంటే మొట్ట మొదట గుర్తొచ్చేది కంగనా రనౌత్. తనకంటూ ప్రత్యేక గుర్తింపు తెచ్చుకున్న సినిమాలు చేస్తూ స్పెషల్ ప్లేస్ క్రియేట్ చేస్తుంది. కానీ దానికంటే కూడా ఎక్కువగా తన ముక్కుసూటితనంతో ఎక్కువ ట్రెండ్ లో ఉంటుంది. ఇక తాజాగా కరణ్ జోహార్, రన్వీర్ సింగ్ పై సంచలన వ్యాఖ్యలు చేసింది.

అయితే జూలై 28న కరణ్ జోహార్ దర్శక నిర్మాతగా చిత్రీకరించిన రాకీ ఔర్ రాణీకి ప్రేమ్ కహానీ సినిమా విడుదల అయ్యింది. అయితే ఈ సినిమాకి 250 కోట్లు పెట్టి తీస్తే కేవలం 11 కోట్లు రాబట్టింది. దీంతో కంగనా కౌంటర్లు విసిరింది. నీకు పతనం మొదలయ్యింది కరణ్.

ఇంకా నైంటిస్(90’s) లో తీసినట్టే సినిమాలు తీసుకుంటూ కూర్తుంటే ఇలాంటి పిచ్చి సొల్లు సినిమాలు ఎవరు చూస్తారు? ప్రేక్షకులు పిచ్చోళ్లు కాదు అని 3 గంటలు ఉన్నా సరే వాళ్లకి ఓపెన్ హైమర్ లాంటి సినిమాలే నచ్చుతాయి అని విమర్శించింది. అయినా అత్తా కోడళ్ళ డ్రామాపై 250 కోట్లు అవసరమా. పాతకాలంలో తీసినట్టు తీసిన నీ సినిమాలను నువ్వే కాపీ చెయ్యడానికి నీకు సిగ్గు లేదా?? నీకు నువ్వేదో పెద్ద ఫిల్మ్ మేకర్ అని జబ్బలు చరుచుకుంటే సరిపోదు.

బయట ఎంతో ట్యాలెంట్ ఉండి కష్టాలు పడే వాళ్ళు ఉంటే ఇలాంటి చెత్త సినిమాలు తియ్యడానికి కోట్లు ఖర్చు చేసి డబ్బును వృధా చేస్తున్నారని,కాస్త కొత్త వాళ్ళకి అవకాశాలు ఇవ్వుమంటూ తిట్టిపోసింది. ఇక రణవీర్ సింగ్ ను కూడా తన వస్త్రాభరణంపై కామెంట్లు చేసింది. రణవీర్ నీకు ఓ రిక్వెస్ట్, కొంచం నీ డ్రెస్సింగ్ లుకింగ్ సెన్స్ మార్చు, సౌత్ హీరోలను చూసి కాస్తైనా నేర్చుకో… వాళ్ళు ఎలా కనిపిస్తుంటారు చూసి నేర్చుకో. పిచ్చి పిచ్చిగా తయారు అయ్యి మన సంస్కృతిని నాశనం చెయ్యకు అంటూ కౌంటర్లు వేసింది. ప్రస్తుతం కంగనా చేసిన పోస్టు సినీ వర్గాల్లో… ముఖ్యంగా బాలీవుడ్ వర్గాల్లో సెగ పెడుతోంది.

ALSO READ : ఇష్టం లేదు అంటే ఏం చేయలేం..! హీరో విశాల్ కామెంట్స్..!

నయనతార నిరంతరం వార్తల్లో వస్తూనే ఉంటారు. తన పెళ్లి కారణాల వల్ల కావొచ్చు, సరోగసీ ద్వారా పిల్లలని కన్న విషయంలో కావొచ్చు ఏదో ఒక కారణంగా నిరంతరం వార్తల్లో ట్రెండింగ్ లో ఉంటారు. ఇక ఓ ప్రమోషన్ ఈవెంట్ నయనతార గురించి విశాల్ మాట్లాడటం ఇప్పుడు నెట్టింట హాట్ టాపిక్ గా మారింది.

అయితే నటుడు విశాల్, నటి ప్రీతివర్మ, ప్రతినాయకుడిగా ఎస్ జే సూర్య నటించిన సినిమా మార్క్ ఆంటోనీ సినిమా ప్రమోషన్స్ పనిలో ఉన్నారు.

సెల్వరాఘవన్ ద్శకత్వంలో మినీ స్టూడియోస్ పతాకంపై వినోద్ కుమార్ నిర్మించగా… జీవీ ప్రకాష్ కుమార్ సింగీతం అందించారు, అలాగే అధిక్ రవిచంద్రన్ దర్శకత్వ బాధ్యతలను నిర్వహించారు. ఈ మేరకు సినిమా ప్రమోషన్స్ లో భాగంగా టీం ఉంటే… ఓ విలేఖరుడు విశాల్ ను నయనతార గురించి ఓ ప్రశ్న అడిగారు.

నయనతార సినిమా ప్రమోషన్స్ లో ఎందుకు పాల్గొనరు? కారణం ఏంటని అడగ్గా… అది తన పర్సనల్ ఛాయిస్. ప్రమోషన్స్ కి రావాలా వొద్దా అన్నది తన ఇష్టం. అది తన హక్కు. దానిని ఎవరూ కాదనలేం. నిజానికి వస్తె బాగుంటుంది కానీ తనకి రావాలని లేనప్పుడు ఒత్తిడి చెయ్యలేం కదా. ఏదేమైనా అది తన వ్యక్తిగత నిర్ణయం అంటూ విశాల్ చెప్పుకొచ్చారు. దీంతో అటు సినీ వర్గాల్లో కూడా నయనతార ప్రమోషన్స్ కి రాకపోవడం పట్ల చాలా మందికి ఒకలాంటి నిరాశే ఉందని చెప్పొచ్చు.

ALSO READ : “మహేష్ బాబు – రాజమౌళి” కలిసి అంతకుముందే సినిమా చేశారా..? అది ఏంటో తెలుసా..?

మిల్క్ బాయ్ మహేష్ బాబు రోజు రోజుకు ఇంకా యంగ్ కుర్రాడిలా తయారు అవుతున్నారు. వరుసగా సినిమాలు చేసుకుంటూ తనదైన స్టార్ డమ్ క్రియేట్ చేసుకుని… ప్రస్తుతం మంచి మెసేజ్ ఇస్తూనే ఫ్యామిలీని ఎంటర్టేయిన్ చేసే విధంగా సినిమాలు చేస్తూ అందరి మెప్పును, ప్రేమాభమానాను పొందుతున్నారు.

ఇక జక్కన్న విషయానికి వస్తే అన్నీ హిట్ సినిమాలే తన ఖాతాలో ఉండాలని నిర్ణయించుకుంటారు. రాజమౌళి సినిమా అంటే కచ్చింతంగా ఒక ప్రత్యేక ముద్ర ఉండాలని నిశ్చయించుకుంటారు. అందుకే ఎక్కడా కాంప్రొమైజ్ అవ్వకుండా తనదైన స్టైల్లో అనుకున్నది అనుకున్నట్లు సినిమాలు తీస్తారు.

ఇక తాజాగా మహేష్ బాబుతో జక్కన్న భారీ సినిమా ప్లాన్ చేస్తున్న సంగతి తెలిసిందే. ఈ సినిమా ఒక పీక్ లెవెల్ లో ఉండబోతుందట. ఏకంగా హాలీవుడ్ ప్రేక్షకులను అట్రాక్ట్ చేసే విధంగా ఉండబోతుందట. ఈ సినిమాలో చాలా కొత్తదనం, ఇతర భాషా కళాకారులు, సన్నివేశాలు అదిరిపోయేలా ఉంటాయన్న టాక్ నడుస్తోంది. ఇదిలా ఉంటే మహేష్ బాబుతో రాజమౌళి తీసేది ఇదే తొలి చిత్రం కాదంట.

ఒకప్పుడు రాఘవేంద్ర రావు కాంబినేషన్ లో మహేష్ బాబు నటించిన రాజకుమారుడు మంచి కమర్షియల్ హిట్ అవ్వగా… ఈ సినిమాకి రాజమౌళి అసిస్టెంట్ డైరెక్టర్ గా చేశారట. అంతే కాదు కొన్ని సీన్స్ ని రాజమౌళినే తీశారని వార్త కూడా ఉంది. ఈ లెక్కన మహేష్ బాబుతో రాజమౌళి దాదాపు 25 ఏళ్ల తరువాత… ఇరువురికి ఒక స్టార్ ఇమేజ్ వచ్చాక కలిసి చేస్తున్న రెండో సినిమా అనే చెప్పొచ్చు. రాజమౌళి తీయబోయే చిత్రాలు ఖాతాలో ఎన్నో ఉండగా… ప్రస్తుతం మహేష్ బాబుతో తీసే సినిమాపై భారీగా ప్లాన్ చేస్తున్నారు. దీనికి సుమారు 3,4 ఏళ్ళు పట్టచ్చని తెలుస్తోంది.

ALSO READ : అల్లు అర్జున్ తో ఛాన్స్ వొద్దన్న శ్రీలీల..? ఎందుకో తెలుసా??