Anudeep

ఈ కొత్త జంట ఐదు నెలల క్రితం తెగ వైరల్ అయ్యారు. వీరిద్దరూ ప్రేమించి పెళ్లి చేసుకున్నారు. వీరు ఇంతలా వైరల్ అవ్వడానికి కారణం వారి మధ్య ఉన్న వయసు వ్యత్యాసమే. ఈ 45 వెడ్స్ 25 స్టోరీ చాలా మందికి తెలిసినదే. వీరిద్దరూ పెళ్లి చేసుకున్న ఫోటోలు సోషల్ మీడియాలో తెగ వైరల్ అయ్యాయి.

తాజాగా.. ఆ వరుడు ఆత్మహత్య చేసుకోవడంతో.. ఈ కథ విషాదాంతమైంది. కర్ణాటక తుమకూరు జిల్లాలోని అక్కిమరిద్య గ్రామంలో ఈ దుర్ఘటన చోటు చేసుకుంది.

పూర్తి వివరాలలోకి వెళితే, కర్ణాటకకు చెందిన 45 సంవత్సరాల శంకరప్పకు పెళ్లి కాలేదు. అయితే కొన్ని సంబంధాలు వచ్చినప్పటికీ ఏవీ పెళ్లి పీటల వరకు వెళ్ళలేదు. ఆ క్రమంలో ఓ సారి 25 సంవత్సరాల మేఘనను కలిసాడు. అయితే ఆమె అప్పటికే వివాహం అయ్యి, భర్తతో విడిపోయి ఉంటోంది. వారి పరిచయం ప్రేమగా మారడంతో శంకరప్ప మేఘనను 2021 లో పెళ్లి చేసుకున్నాడు.

అప్పట్లోనే వీరి పెళ్లి ఫోటోలు సోషల్ మీడియాలో చాలా వైరల్ అయ్యాయి. అయితే.. పెళ్లి జరిగిన తరువాత శంకరప్ప చాలా ఒత్తిడిని ఎదుర్కోవాల్సి వచ్చింది. శంకరప్ప పేరు మీద ఉన్న రెండున్నర కోట్ల భూమిని అమ్మేసి బెంగుళూరుకు వెళ్లాలని మేఘన శంకరప్పపై ఒత్తిడి తెచ్చేది. కానీ, ఇందుకు శంకరప్ప తల్లి ఒప్పుకోలేదు. తల్లి మాటని కాదనలేక శంకరప్ప చాలా సతమతమయ్యాడు. ఈ క్రమంలో వారిద్దరి మధ్య తరచూ గొడవలు అవుతుండేవి. ముసలి తల్లిని వదిలేసి బెంగుళూరుకు రాలేనని శంకరప్ప చెప్పినప్పటికీ మేఘన వినిపించుకోకపోవడంతో మనస్థాపం చెందిన శంకరప్ప చెట్టుకు ఉరి వేసుకుని ఆత్మహత్య చేసుకున్నాడు.

ఏప్రిల్ 1 వ తేదీ నుంచి కొత్త ఆర్థిక సంవత్సరం మొదలు కానున్న సంగతి తెలిసిందే. అయితే.. ఈ రాబోతున్న 2022-23 ఆర్థిక సంవత్సరం నుంచి ఆదాయపు పన్నులో కొత్త నిబంధనలు అమలు లోకి రాబోతున్నాయి.

ఈ ఏడాది ఫిబ్రవరి లో ప్రవేశ పెట్టిన బడ్జెట్ లో కేంద్ర ప్రభుత్వం ఆదాయపన్నుపై అనేక మార్పులను సూచించింది. ఈ లెక్కన ఆదాయపు పన్ను నిబంధనలతో అనేక మార్పులు రానున్నాయి. అవేంటో చూద్దాం.

#1 క్రిప్టో పన్ను: ఈ ఆర్థిక సంవత్సరం నుంచి క్రిప్టో కరెన్సీ పై కూడా పన్ను అమలుకానుంది. క్రిప్టో ఆస్తులపై సుమారుగా ముప్పై శాతం పన్నుని వచ్చే ఆర్ధిక సంవత్సరం నుంచి చెల్లించాల్సి ఉంటుంది. అయితే.. ఈ ఏడాది జులై నుంచి ఒక శాతం టీడీఎస్‌ ను మాత్రం చెల్లించాల్సి ఉంటుంది.

#2 లాభ నష్టాలు: డిజిటల్ ఆస్తుల విషయంలో వచ్చిన కొత్త నిబంధనల ప్రకారం క్రిప్టో హోల్డర్లకు మరో వెర్షన్ లో ఉండే నష్టాలను డిజిటల్ ఆస్తులలో అనుమతించకూడదని పేర్కొంది. ఉదాహరణకి ఒక వ్యక్తికీ బిట్ కాయిన్ పై రూ. 1000 లాభం, మరో క్రిప్టో కరెన్సీ లో రూ 700 నష్టం వస్తే.. అతనికి మొత్తం మీద 300 రూ. లాభం వచ్చినట్లు అర్ధం. కానీ కొత్త నిబంధనల ప్రకారం సదరు వ్యక్తి బిట్ కాయిన్ కరెన్సీ లో లాభం వచ్చిన రూ. 1000 రూపాయలకు పన్ను చెల్లించాల్సి ఉంటుంది. ఇదే సూత్రం స్టాక్ మార్కెట్స్, రియల్ ఎస్టేట్స్, మ్యూచువల్ ఫండ్స్ వంటి ఇతర ఆస్తుల విషయంలో కూడా లాభ నష్టాలకు తావు లేకుండా పన్ను కట్టాల్సి ఉంటుంది.

#3 ఐటి రిటర్న్స్: ఆదాయపు పన్ను రిటర్న్స్ లలో తప్పులను సరిదిద్దుకోవడం కోసం కొత్త నిబంధనలను తీసుకొచ్చింది. ఇప్పుడు వీటిని సరిదిద్దుకోవడానికి రెండేళ్ల కాల పరిమితిని ఇచ్చింది.

#4 ప్రభుత్వ ఉద్యోగులకు ఎన్‌పీఎస్‌ మినహాయింపు:
రాష్ట్ర ప్రభుత్వ ఉద్యోగులకు ఈ నిబంధన వర్తిస్తుంది. వీరు సెక్షన్ 80CCD(2) కింద వారి బేసిక్ జీతంతో పాటు, డియర్ నెస్ అలోవెన్సు లో 14 శాతం దాకా ఎన్‌పీఎస్ కంట్రిబ్యూషన్ కింద క్లెయిమ్ చేసుకోవచ్చు. గతం లో ఈ వెసులు బాటు కేవలం కేంద్ర ప్రభుత్వ ఉద్యోగులకు మాత్రమే ఉండేది.

#5 పిఎఫ్ ఖాతాలకూ పన్ను:
ఏప్రిల్ ఒకటవ తేదీ నుంచి సెంట్రల్ బోర్డ్ ఆఫ్ డైరెక్ట్ టాక్సెస్ కొత్త నిబంధనలను అమలు పరచనుంది. ఈ నిబంధనల ప్రకారం ఉద్యోగుల ప్రావిడెంట్ ఫండ్‌ రూ. 2.5 లక్షల రూపాయలు దాటితే పన్ను కట్టాల్సి ఉంటుంది.

#6 కోవిడ్ చికిత్స ఖర్చులపై పన్ను మినహాయింపు:
కోవిడ్ వైద్య చికిత్సల కోసం అందిన డబ్బుపై పన్ను మినహాయింపు ఉంటుంది. కోవిడ్ కారణంగా కుటుంబంలోని ఒక వ్యక్తి మరణిస్తే.. ఆ కుటుంబానికి అందే పది లక్షల డబ్బుపై కూడా పన్ను మినహాయింపు ఉంటుంది. ఈ డబ్బు సదరు వ్యక్తి మరణించిన 12 నెలల లోపు అందితే ఎటువంటి పన్ను ఉండదు.

#7 వికలాంగులకు మినహాయింపు:
అంగవైకల్యం ఉన్న వ్యక్తులకు, సంరక్షకులు అంగవైకల్యం కలిగిన వారు అయినప్పుడు వారికి పన్ను నుంచి మినహాయింపు లభిస్తుంది. వీరు భీమా పధకాన్ని తీసుకోవచ్చు. దీనిపై పన్ను మినహాయింపు ఉంటుంది.

ప్రస్తుతం రోజులు అస్సలు బాలేవు అనడానికి నిదర్శనంగా రోజుకో సంఘటన చోటు చేసుకుంటూనే ఉంటోంది. తాజాగా జరిగిన ఈ సంఘటన కూడా అందుకు ఉదాహరణే. ఈ ఫొటోలోని మహిళా టీచర్ గా పని చేస్తోంది. పాఠాలు చెప్పాల్సిన ఈ టీచర్ స్టూడెంట్ పై ప్రేమని ఒలకబోసింది.

మాయమాటలు చెప్పి ఆ స్టూడెంట్ ని ఏకంగా పెళ్లి చేసేసుకుంది. తమిళనాడులో జరిగిన ఈ సంఘటన ఆలస్యంగా వెలుగు చూసింది. తిరుచిరాపల్లి జిల్లా తురాయూర్ కు చెందిన ఓ ప్రైవేట్ స్కూల్ లో ఈమె టీచర్ గా పని చేస్తోంది.

అదే స్కూల్ లో 11వ తరగతి చదువుతున్న ఓ స్టూడెంట్ మార్చి 5 వ తేదీన ఆదుకోవడం కోసం అని వెళ్లి తిరిగి రాలేదు. దీనితో పేరెంట్స్ కంగారు పడ్డారు. పోలీసులను ఆశ్రయించి మిస్సింగ్ కేసును నమోదు చేసారు. ఈ క్రమంలో పోలీసులు ఆ ప్రైవేట్ స్కూల్ కు వెళ్లి ఎంక్వైరీ మొదలు పెట్టారు. ఈ క్రమంలో అదే పాఠశాలలో టీచర్ గా పని చేస్తున్న, 26 సంవత్సరాల వయసు ఉన్న షర్మిల కూడా కనిపించడం లేదన్న విషయం పోలిసుల నోటీసుకు వచ్చింది.

అయితే పోలీసులు షర్మిల ఇంటికి వెళ్లి విచారించగా.. ఆమె గత కొన్ని రోజులుగా ఓ స్టూడెంట్ తో ఫోన్ లో మాట్లాడుతోందని.. తప్పని చెప్పినా వినడం లేదని ఆమె పేరెంట్స్ తెలిపారు. దీనితో.. పోలీసులు షర్మిల ఫోన్ ను ట్రేస్ చేసారు. ఆమె తిరుచిరాపల్లి జిల్లాలోని ఎడమలపట్టి పుత్తూర్​లో ఉన్నట్లు తెలియడంతో వెంటనే అక్కడకు చేరుకున్నారు. ఆమె తన స్నేహితురాలితో ఇంట్లో స్టూడెంట్ తో కలిసి ఉండగా పట్టుకున్నారు. స్టూడెంట్ ను అతని పేరెంట్స్ కు అప్ప చెప్పారు. ఆమెపై పోక్సో చట్టం కింద కేసు పెట్టి అరెస్ట్ చేసారు. ఆ తరువాత మేజిస్ట్రేట్ ముందుకు తీసుకెళ్లి, విచారణ జరిపిన తరువాత రిమాండ్ కు తరలించారు.