Anudeep

ఇటీవలి కాలంలో నైతిక విలువలు పూర్తిగా అంతరిస్తున్నాయి. పెళ్లి చేసుకున్న తరువాత జీవిత భాగస్వామితో జీవితంతో పాటు కష్ట సుఖాలను పంచుకోవడం తగ్గిపోయింది. చిన్న చిన్న గొడవలకే విడిపోవటం.. మరొకరిని పెళ్లి చేసుకోవడం సాధారణం అయిపోతోంది. అయితే.. ఇటీవల కొంతమంది ఒకరికి తెలియకుండా మరొకరితో సంబంధాలు నెరుపుతున్నారు.

తాజాగా.. మైసూరులో ఇటువంటి ఘటనే చోటు చేసుకుంది. మైసూర్ ఉదయగిరికు చెందిన నిధాఖాన్ టిండర్ లో పరిచయమైన వ్యక్తులతో ప్రేమ పేరుతొ దగ్గరై.. ఆ తరువాత పెళ్లి చేసుకుని కొన్నాళ్ళకి విడిపోతోంది.

ఆమె ఇదే విధంగా వరుసగా మూడు పెళ్ళిళ్ళను చేసుకుంది. మూడవ సారి 2019 వ సంవత్సరంలో బెంగళూరులో ఓ ప్రైవేటు ఆస్పత్రిలో పని చేసే ఆజామ్‌ఖాన్‌ ను వివాహం చేసుకుంది. ఆజామ్‌ఖాన్‌ కూడా టిండర్ ద్వారానే పరిచయం అయ్యాడు. అయితే పెళ్లి అయిన కొన్ని రోజులకే నిధాఖాన్ ప్రవర్తనలో మార్పు రావడంతో ఆజామ్‌ఖాన్‌ కు అనుమానం వచ్చింది.

ఆమె గురించి ఎంక్వైరీ చేయగా.. ఇంతకుముందే ఇద్దరిని పెళ్లి చేసుకుని విడిపోయిందని తెలిసిందే. పెళ్లి అయినా కూడా ఆన్ లైన్ లో ఇతర పురుషులతో చాట్ చేస్తోందని గమనించిన ఆజామ్‌ఖాన్‌.. ఆమె మరొకరితో ఉండగా రెడ్ హ్యాండెడ్ గా పట్టుకున్నాడు. ఈ మేరకు మైసూర్ లోని ఉదయగిరి పోలీసులకు ఫిర్యాదు చేసాడు. ఈ మేరకు పోలీసులు కేసు నమోదు చేసుకున్నారు.

క్షణికావేశాలలో చేసే పనులు ఎంతటి అనర్ధాలను తీసుకొస్తాయో ప్రత్యేకంగా చెప్పక్కర్లేదు. ఇటీవల మతం మార్చుకోని కారణంగా ఈ అమ్మాయిని కొందరు వ్యక్తులు దారుణంగా తుపాకీ తో కాల్చి చంపారు. ఈ దుర్ఘటన పాకిస్తాన్‌లోని సింధ్ ప్రావిన్స్‌ ప్రాంతంలో చోటు చేసుకుంది.

పాకిస్థాన్ లో మైనారిటీలకు రక్షణ లేదు అన్న విషయం వాస్తవమే. హిందూ, క్రిష్టియన్ మతస్తులను బలవంతంగా ముస్లింగా మారుస్తుంటారు. అలా ఒప్పుకొని వారిని సమయం చూసి హత్య చేస్తూ ఉంటారు.

వివరాల్లోకి వెళితే.. పాకిస్తాన్ కు చెందిన పూజా అనే హిందూ అమ్మాయిని మతం మార్చి పెళ్లి చేసుకోవాలని దుండగుడు భావించాడు. అయితే.. పూజా మతం మార్చుకోవడానికి ఎంతమాత్రం అంగీకరించలేదు. దీనితో ఆమెను కిడ్నాప్ చేసి బలవంతంగా మార్పించాలనుకున్నారు. అయితే.. పూజా తీవ్రంగా ప్రతిఘటించడంతో.. ఆమెను నడిరోడ్డుపైనే తుపాకీతో దారుణంగా కాల్చేశారు.

ఈ కాల్పులతో తీవ్ర గాయాలపాలు అయిన పూజా ఆసుపత్రిలో చికిత్స పొందుతూ మృతి చెందింది. పూజా మృతి తో ఆమె కుటుంబ సభ్యులు తీవ్రంగా విలపిస్తున్నారు. పాకిస్థాన్ లో ఇటువంటి ఘటనలు చోటు చేసుకోవడం కొత్తేమీ కాదని మానవ హక్కుల కార్యకర్తలు చెబుతున్నారు. సింధ్ ప్రాంతంలో హిందూ మైనారిటీ కి చెందిన మహిళలను అపహరించి బలవంతంగా మతమార్పిడి చేస్తున్న ఘటనలు చాలా చోటు చేసుకుంటున్నాయని చెబుతున్నారు. అక్కడి మహిళలు బలవంతపు వివాహాలు, మతమార్పిడులు ఎదుర్కోవాల్సి వస్తోందంటున్నారు.

పాకిస్థాన్ లోని సింధ్ ప్రాంతంలో హిందూ జనాభా 6.51 శాతంగా ఉంది. వీరు తరచుగా మాత మార్పిడిల విషయమై వేధింపులకు గురి అయినట్లు ఫిర్యాదులు చేస్తూ ఉంటారు. ముఖ్యంగా మైనారిటీ కమ్యూనిటీకి చెందిన అమ్మాయిలు బలవంతపు మతమార్పిడులు, వివాహాలను ఎదుర్కోవాల్సి వస్తోంది.

వారిద్దరూ ప్రేమించుకున్నారు. పెళ్లి చేసుకోవాలనుకున్నారు. కానీ, వీరి పెళ్ళికి పెద్దలు అడ్డు చెప్పారు. అయినా వారిని ఎదిరించి వీరిద్దరూ గుడిలో పెళ్లి చేసుకుని ఒక్కటయ్యారు. వీరి ప్రేమ గెలిచిందని మురిసిపోయారు. వీరి ప్రేమకి ప్రతీకగా ఆమె గర్భం దాల్చింది. తొందరలోనే ముగ్గురం కాబోతున్నామని మురిసిపోయారు.

కానీ, అంతలోనే దారుణం చోటు చేసుకుంది. ఆమె ప్రస్తుతం ఏడవ నెల గర్భంతో ఉంది. భర్తతో కలిసి బండిపై షికారుకు వెళ్లిన ఆమె అనూహ్య రీతిలో మృతి చెందింది. ఈ దారుణం కర్ణాటకలోని మైసూరు సిటీలో చోటు చేసుకుంది.

పూర్తి వివరాల్లోకి వెళితే, విజయనగర్‌కు చెందిన అశ్విని (23) మైదనహళ్లికి చెందిన ప్రమోద్‌ లు ప్రేమించి పెళ్లి చేసుకున్నారు. తొలుత వీరిద్దరూ బాగానే ఉన్నారు. ఇంట్లో ఒప్పుకోకపోయినా, వీరిద్దరూ జూన్ 13, 2021న స్థానిక గుడిలో ప్రేమ వివాహం చేసుకున్నారు. మొదట్లో వీరిద్దరూ సఖ్యం గానే ఉన్నా.. రాను రాను గొడవలు మొదలయ్యాయి.

ప్రస్తుతం అశ్విని గర్భిణీగా ఉంది. గత కొన్ని రోజులుగా వీరిద్దరి మధ్య గొడవలు మరింత పెరిగాయి. దీనితో అశ్విని పుట్టింటికి వెళ్ళిపోయింది. ఈ క్రమంలో ప్రమోద్ అత్తింటికి వెళ్లి తన అత్తా మామలతో మాట్లాడాడు. ఆరోజు మధ్యాహ్నం అశ్విని భర్తతో కలిసి షికారుకని బయటకు వెళ్ళింది. పొద్దు పోయినా వాళ్లిద్దరూ తిరిగి ఇంటికి రాలేదు. దీనితో తల్లి తండ్రులలో కంగారు మొదలైంది.

ఇంటికి రావాలంటూ పిల్లలకి ఫోన్ చేసారు. కానీ ఇద్దరు ఫోన్ లు ఎత్తకపోయేసరికి కంగారు ఎక్కువైంది. బంధువులంతా కలిసి వారిని వెతకడం కోసం ప్రయత్నించారు. రాత్రయినా వారిద్దరూ కనిపించకపోవడంతో వారు పోలీసులను ఆశ్రయించారు. ఈ జంటకు వెతుకుతుండగా మరుసటి రోజు ఉదయం బిళికెరె చెరువులో అశ్విని మృతదేహం లభ్యమైంది. ప్రమోద్ కనిపించకుండా పోయాడు. అశ్వినిని ప్రమోదే చంపి చెరువులో పడేసి ఉంటాడని అశ్విని తల్లితండ్రులు ఆరోపిస్తున్నారు. మరోవైపు పోలీసులు ప్రమోద్ ను వెతికే పనిలో పడ్డారు.