Author

Anudeep

Anudeep

Maintaining Teluguadda website since 2017 and have 7 years of experience in managing various million fan based Facebook pages.

రష్యన్ మిలిటరీ వాహనాలపై కనిపించే ఈ మిస్టీరియస్ “Z” సింబల్ కి అర్ధం ఏంటో తెలుసా?

by Anudeep March 4, 2022

written by Anudeep

రష్యా సేన దాడికి దిగడంతో ఉక్రెయిన్ అల్లాడిపోతోంది. ఈ యుద్ధం వల్ల ఉక్రెయిన్ ప్రజలు నానా అవస్థలు పడుతున్నారు. ప్రాణాలు కాపాడుకోవడం కోసం పరుగులు పెడుతున్నారు. మరోవైపు పిల్లలు ఉన్న వారి పరిస్థితి మరింత ఇబ్బందికరంగా ఉంది. నానా తిప్పలు పడీ ప్రాణాలు కాపాడుకుంటే.. తిండి తిప్పలకి వెతుక్కోవాల్సిన పరిస్థితి ఉంది.

అక్కడి పరిస్థితి పై యావత్ ప్రపంచం ఆందోళన చెందుతోంది. మరో వైపు ఈ యుద్ధ వాతావరణం కొన్ని దేశాలలో నిత్యావసర సరుకుల ధరలపైనా ప్రభావం చూపనుంది.

ఇది ఇలా ఉంటె.. ఉక్రెయిన్ లో ఎక్కడ చూసినా రష్యన్ మిలిటరీ వాహనాలు దర్శనం ఇస్తున్నాయి. అన్ని రష్యన్ మిలిటరీ వాహనాలపైనా కామన్ గా కనిపిస్తున్నది ఏమిటంటే “Z” అనే చిహ్నం. ఈ మిలిటరీ వాహనాలపై ఈ చిహ్నం ఎందుకు ఉంది అనేది మిస్టరీగా మారింది. ఈ చిహ్నానికి అర్ధం ఏంటో ఇప్పుడు ఈ ఆర్టికల్ లో తెలుసుకుందాం. ఉక్రేనియన్ సరిహద్దు నుండి 20 మైళ్ల (32కిమీ) కంటే తక్కువ దూరంలో ఉన్న రష్యాలోని బెల్గోరోడ్ నగరానికి సమీపంలో, కొన్నిసార్లు త్రిభుజం లేదా చతురస్రం లోపల, సైనిక వాహనాల శ్రేణిపై కూడా ఈ చిహ్నం గుర్తించబడింది. ఈ వాహనాలకు సంబంధించిన వీడియోలు, ఇమేజ్ లు నెట్టింట్లో కనిపిస్తున్నాయి.

ఈ వాహనాలపై “Z” సింబల్ ఉండడాన్ని నెటిజన్స్ గుర్తిస్తున్నారు. ఈ Z సింబల్ తెలుపు త్రిభుజం, చతురస్రం లేదా వృత్తంతో జతచేయబడి ఉంటోంది. ఇరువైపులా రెండు రేఖలు కలిగిన తెల్లని త్రిభుజం, ఎరుపు త్రిభుజాలు, తెల్లని వృత్తాలు, తెల్లని త్రిభుజాలు మరియు తెల్లని స్లాష్‌లు వంటివి కూడా కొన్ని వాహనాలపై ఉంటున్నాయి. చాలా మంది పరిశీలకులు ఈ గుర్తులు స్నేహపూర్వక కాల్పులకు గురికాకుండా ఉండటానికి తోటి రష్యన్ దళాలకు సంకేతాలను పంపడం కోసం ఈ చిహ్నాన్ని ఎంచుకున్నారని పేర్కొన్నారు. వాహనాలు ఏ కంపెనీకి చెందినవో లేదా దాడి జరిగినప్పుడు అవి ఎక్కడికి వెళ్లాలో గుర్తులు గుర్తించగలవని మరికొందరు చెప్పుకొచ్చారు.

ప్రొఫెసర్ మైఖేల్ క్లార్క్ మాట్లాడుతూ.. రెండవ ప్రపంచ యుద్ధం సమయంలో, యునైటెడ్ స్టేట్స్ సైన్యం గుర్తింపు ప్రయోజనాల కోసం సాయుధ వాహనాలు మరియు జీపులపై ఇలాంటి గుర్తులను ఉపయోగించింది. “అవి విభిన్నంగా ఉన్నాయనే వాస్తవం మీకు మరింత తెలియజేస్తుంది – ఉదాహరణకు, జిల్లా యొక్క ఈశాన్య లేదా వాయువ్య దిశలో ఏ యూనిట్లు వెళ్తున్నాయో తెలిపే సంకేతాలు అవి కావచ్చు.” ఈ గుర్తులు సాధారణంగా దాడికి కొద్దిసేపటి ముందు మాత్రమే వర్తిస్తాయని, శత్రు దళాలు వాటిని కాపీ చేయలేవని ఆయన అన్నారు. మొదటి గల్ఫ్ యుద్ధంలో కువైట్‌ను విముక్తి చేయడానికి బలగాలు పంపబడినప్పుడు UK మరియు US వ్యూహాలకు ఈ చిహ్నాలు అద్దం పట్టాయి.

March 4, 2022

మకరరాశిలో కలవనున్న 5 గ్రహాలు.. మార్చిలో ఈ 4 రాశులకి దశ తిరగబోతోంది.. అవి ఏవంటే?

by Anudeep March 4, 2022

written by Anudeep

ప్రతి సంవత్సరము కూడా గ్రహాల స్థితిగతులు మారుతూ ఉంటాయి. అయితే రాశుల ఆధారంగా మనం జీవితంలో ఎలాంటి మార్పులు చోటు చేసుకోనున్నాయి అనేది తెలుసుకోవచ్చు. ఒకవేళ కనుక ముందుగానే మనం తెలుసుకుంటే దానికి తగిన పరిష్కారం కూడా చూసుకోవచ్చు.

ఒక్కోసారి మన గ్రహాల బలం బాగుంటే మనకి అదృష్టం పట్టి మహర్దశ నడుస్తూ ఉంటుంది. అయితే.. ఇలాంటివి ముందే తెలుసుకోవడం వలన అవసరమైన జాగ్రత్తలు తీసుకోవచ్చు.

ఈ ఏడాది మార్చి నెలలో అరుదైన పంచ గ్రహాలు ఏర్పడనున్నాయి. ఇది ఎంతో యాదృచ్చికంగా జరిగే పవిత్ర కలయిక. దీనివలన పలు రాశుల వారికి శుభం జరగబోతోంది. ఏ ఏ రాశుల వారికి మార్చి నెలలో అదృష్టం పట్టబోతోందో ఇప్పుడు చూద్దాం.

# మేష:

మార్చి నెల పంచగ్రహ యోగంతో ప్రారంభం కానున్న నేపథ్యంలో మేష రాశి వారికి కెరీర్ పరంగా అద్భుతమైన ప్రయోజనాలు కలుగనున్నాయి. అలాగే ఉద్యోగం ఉన్నవారికి కొత్త ఉద్యోగం, లేదా ఉన్న ఉద్యోగంలోనే ఇంక్రిమెంట్లు వచ్చే అవకాశం ఉంది.

# వృషభ:

వీరికి ఏ పని తలపెట్టినా అందులో విజయం లభించనుంది. వీరికి కూడా కెరీర్ లో ప్రమోషన్స్ వచ్చే అవకాశాలు ఉన్నాయి. ధనలాభాలు కలిగే అవకాశాలు ఉన్నాయి. సుదీర్ఘ ప్రయాణాలు చేసే అవకాశం ఉంది.

# తులా:

ఈ రాశి వారికి జీవితంలో వస్తు సౌఖ్యాలు పెరుగుతాయి. ధనలాభం కలుగుతుంది. ఎప్పటినుంచో రావాల్సిన డబ్బు చేతికి అందుతుంది. నిలిచిపోయిన పనులు పూర్తి అవుతాయి.

# వృశ్చిక :

vruschika-raasi-phalithalu-ee-vaaram-raasi-phalalu

వీరికి కూడా ఈ నెల చాలా లాభాలు కలగనున్నాయి. వీరి ఆదాయం పెరుగుతుంది. ధైర్యం, విశ్వాసం పెరుగుతుంది. ప్రతి పనిని సులభంగా పూర్తి చేయగలుగుతారు. వీరి కుటుంబ సభ్యులతో కూడా వీరికి సమయం బాగా గడుస్తుంది.

March 4, 2022

సన్ ఫ్లవర్ ఆయిల్ రేట్ ఒక్కసారిగా ఎందుకు పెరగబోతోంది..? రష్యా-ఉక్రెయిన్ వార్ కి, ఈ రేట్ పెరగడానికి సంబంధం ఏంటో తెలుసా?

by Anudeep March 4, 2022

written by Anudeep

సన్ ఫ్లవర్ ఆయిల్ భారతీయుల నిత్యావసర సరుకుల్లో భాగం. నూనె లేకుండా ఏ వంట చేసుకోలేము. అంతలా మన జీవితాల్లో భాగం అయిన నూనె ఖరీదు పెరుగుతూనే ఉంటోంది. తాజాగా.. మరో వార్త వచ్చింది. సన్ ఫ్లవర్ ఆయిల్ ధర మరొకసారి పెరిగే అవకాశం ఉందని.. లీటర్ 180 రూపాయల వరకు ఉండొచ్చు అనేది ఈ వార్తల సారాంశం.

ఇప్పటి వరకు నూనె ఖరీదు అసలు ధరకి 10 నుంచి 20 రూపాయల చొప్పున పెరుగుతూ వచ్చేది. ఇప్పుడు ఏకంగా లీటర్ 180 రూపాయలకు చేరిపోయింది.

ఉన్నట్లుండి ఇంతలా ధర పెరగబోవడానికి కారణం ఏంటో ఇప్పుడు తెలుసుకుందాం. రష్యా-ఉక్రెయిన్ యుద్ధం కారణంగా భారత్ కు రావాల్సిన 3 లక్షల 80 వేల టన్నుల సన్ ఫ్లవర్ ఆయిల్ షిప్ మెంట్ ఆగిపోయింది. నల్ల సముద్రం పరిధి వద్ద ఉన్న షిప్పుల్లో ఈ వంట నూనె నిలిచిపోయింది. ఈ నిలిచిపోయిన ఆయిల్ ప్యాకెట్స్ ధర 570 మిలియన్ డాలర్ల వరకు ఉండే అవకాశం ఉంది. ఈ రవాణా నిలిచిపోవడం వలన ప్రజలు మార్చి, ఏప్రిల్ నెలల్లో అవసరాల కోసం పామాయిల్ లేదా సొయా ఆయిల్ ను వాడాల్సి వస్తుంది.

ప్రపంచం మొత్తంలోనే సన్ ఫ్లవర్ ఆయిల్ ఉత్పత్తిలో నల్ల సముద్రం ప్రాంతం 60 శాతం వాటిని కలిగి ఉంది. అలాగే ఎగుమతుల్లో 76% వాటా కలిగి ఉంది. భారత్ ప్రపంచంలోనే ఎక్కువ సన్ ఫ్లవర్ ఆయిల్ ను ఎగుమతి చేసుకుంటోంది. మరో వైపు నల్ల సముద్రం ప్రాంతం నుంచి భారత్ కు 5.10 లక్షల టన్నుల సన్ ఫ్లవర్ ఆయిల్ రావాల్సి ఉంది. అయితే ఇప్పటివరకు వీటిల్లో 1.30 లక్షల టన్నుల సన్ ఫ్లవర్ ఆయిల్ మాత్రమే రవాణా అయ్యింది.

భారత్ పామాయిల్ ను ఇండోనేషియా, మలేషియా నుంచి దిగుమతి చేసుకుంటుంది. అలాగే సొయా ఆయిల్ ను అర్జెంటీనా, బ్రెజిల్ నుంచి చేసుకుంటుంది. సన్ ఫ్లవర్ ఆయిల్ ను మాత్రం ఉక్రెయిన్, రష్యా నుంచి దిగుమతి చేసుకుంటుంది. ఇప్పటివరకు ఆయిల్ ధర భారత్ లో ఎక్కువగానే ఉంది. ఇప్పుడిప్పుడే ఈ ధర తగ్గిందనుకునేలోపే.. యుద్ధం కారణంగా ఆయిల్ ధర మరింత భారం కాబోతోంది.

March 4, 2022

శ్రీశాంత్ ఆడిన ఆ మ్యాచే అతనికి ఆఖరుది కాబోతోందా..? ఆ పోస్ట్ చేయడం వెనుక అర్థమేంటి..?

by Anudeep March 4, 2022

written by Anudeep

వెటరన్ పేసర్ శ్రీశాంత్ తన గత మ్యాచ్ లో కేరళ తరఫున ఆడారు. ఇటీవలే ఆయన తన 9 ఏళ్ల విరామం తర్వాత ఆడుతున్న సంగతి తెలిసిందే. 39 ఏళ్ల శ్రీశాంత్ మేఘాలయతో జరిగిన కేరళ ప్రారంభ ఎలైట్ గ్రూప్ A మ్యాచ్‌లో తొమ్మిదేళ్ల విరామం తర్వాత రంజీ ట్రోఫీకి తిరిగి వచ్చారు.

కాగా.. తాజాగా మంగళవారం ఆయన తాను ఆసుపత్రి బెడ్ పై ఉన్న ఫోటోను షేర్ చేసారు. గతవారం గుజరాత్‌తో కేరళ ఆడిన రెండో గేమ్‌ లో శ్రీశాంత్ తాను గాయపడినట్లు పోస్ట్ లో పేర్కొన్నారు.

ఈ మ్యాచ్‌లో కేరళ ఎనిమిది వికెట్ల తేడాతో విజయం సాధించగా, రేపు (గురువారం) రాజ్‌కోట్‌ లో చివరి గ్రూప్ మ్యాచ్ జరగాల్సి ఉంది. ఈ మ్యాచ్ లో కేరళ మధ్య ప్రదేశ్ తో తలపడాల్సి ఉంది. మరోవైపు శ్రీశాంత్ ‘1 మార్చి 2022న చాలా ముఖ్యమైన ప్రకటన చేస్తానంటూ’ ట్వీట్ చేసారు. ఇది ఇలా ఉంటె.. శ్రీశాంత్ గాయానికి సంబంధించి కేరళ జట్టు మేనేజ్‌మెంట్ లేదా కేరళ క్రికెట్ అసోసియేషన్ (కెసిఎ) అధికారికంగా ఎలాంటి ప్రకటన చేయకపోవడం గమనార్హం.

“సాధారణంగా, ఒక ఆటగాడు గాయపడితే కోచ్ లేదా KCA పరిశీలకుడు మాకు కమ్యూనికేట్ చేస్తారు” అని KCA అధికారి పేర్కొన్నారు. మేఘాలయపై తొలి ఇన్నింగ్స్‌లో ఇద్దరు టెయిలెండర్లను అవుట్ చేసిన శ్రీశాంత్, రెండో ఇన్నింగ్స్‌లో తొమ్మిది ఓవర్లలో 57 పరుగులిచ్చి ఒక్క వికెట్ కూడా తీయలేకపోయాడు. గుజరాత్‌తో జరిగిన ప్లేయింగ్ ఎలెవన్‌లో శ్రీశాంత్ స్థానంలో వచ్చిన ఎమ్‌డి నిధీష్, తొలి ఇన్నింగ్స్‌లో కేరళ బౌలర్లను ఎంపిక చేయడంతో ఆ అవకాశాన్ని పొందాడు.

ఫస్ట్-క్లాస్ స్థాయిలో నిధీష్ తన నాలుగో ఐదు వికెట్ల హాల్‌ను నమోదు చేయగా, మూడో మధ్యాహ్నం రెండో ఇన్నింగ్స్‌లో రెండు కీలక స్ట్రైక్‌లతో బాసిల్ గుజరాత్‌ను ప్రారంభంలోనే చిత్తు చేశాడు. ఇటీవల జరిగిన ఐపీఎల్ వేలంలో ఊహించినట్లుగానే శ్రీశాంత్ అమ్ముడుపోలేదు. రూ. 50 లక్షల బేస్ ప్రైస్ ఉన్న శ్రీశాంత్‌కు టేకర్లు కనిపించలేదు. బాసిల్ మరియు స్టేట్‌మేట్ కెఎమ్ ఆసిఫ్‌లను వరుసగా రూ. 30 లక్షలు మరియు రూ. 20 లక్షలకు ముంబై ఇండియన్స్ మరియు చెన్నై సూపర్ కింగ్స్ కైవసం చేసుకున్నాయి.

pic.twitter.com/uFwEhZWNDn

— Sreesanth (@sreesanth36) March 1, 2022

March 4, 2022

నటి శ్రియ భర్తకి ఏమైంది..? ఆండ్రీ కొశ్చివ్‌ హాస్పిటల్ లో ఇలా ఎందుకు ఉన్నారు..?

by Anudeep March 4, 2022

written by Anudeep

టాలీవుడ్ నటి శ్రియ శరణ్ ఇటీవల సోషల్ మీడియాలో షేర్ చేసిన ఫోటోలు తెగ వైరల్ అవుతున్నాయి. ఆమె భర్త హాస్పిటల్ దుస్తులలో ఉన్నారు. చేతికి బ్యాండేజ్ లు ఉన్నాయి. దీనితో ఈ ఫోటోలను చూసిన అభిమానులంతా కంగారు పడుతున్నారు. శ్రియ భర్తకి ఏమైంది అంటూ సందేహం వెలిబుచ్చుతున్నారు.

చాలా కాలం వరకు నటి శ్రియ టాలీవుడ్ లో టాప్ హీరోయిన్ గా కొనసాగిన సంగతి తెలిసిందే. దాదాపు అందరు స్టార్ హీరోల సరసన ఆమె నటించారు.

ప్రస్తుతం కూడా ఆమె పలు కీలక పాత్రలను, నటనకు ప్రాధాన్యత ఉన్న పాత్రలను ఎంచుకుని తెలుగు ప్రేక్షకులని అలరిస్తూనే ఉన్నారు. సినిమాలే కాకుండా.. ఆమె సోషల్ మీడియాలో కూడా ఎంతో ఆక్టివ్ గా ఉంటారు. ఫారినర్ ఆండ్రీ కొశ్చివ్‌ ను పెళ్లి చేసుకున్న శ్రియ ఒక పాపకి జన్మనిచ్చిన సంగతి తెలిసిందే. ఆ పాపకి ఏడాది నిండే వరకు శ్రియ తనకి ఓ కూతురు ఉందన్న సంగతి కూడా బయటకి తెలియనివ్వలేదు.

ఇది ఇలా ఉంటె.. తాజాగా శ్రియ సోషల్ మీడియాలో పంచుకున్న ఫోటోలు అందరిని ఆశ్చర్యంలో పడేశాయి. ఆమె భర్త హాస్పిటల్ లో ఉండగా వారు తీసుకున్న ఫోటోలను సోషల్ మీడియాలో పంచుకుంది. దీనితో.. ఆమె భర్తకి ఏమైందో అన్న కంగారు మొదలైంది. ఆమె భర్త “హెర్నియా” తో బాధపడుతున్నారట. ఇటీవలే అపోలో యాజమాన్యం ఆయనకు సర్జరీ చేసి చికిత్స అందించారట. అందుకని.. ఆమె సోషల్ మీడియా మాధ్యమం ద్వారా వారికి ధన్యవాదాలు తెలిపింది. అపోలో హాస్పిటల్ డాక్టర్ రజనీస్ రెడ్డి గారికి… అలాగే ఈ విషయంలో సాయం చేసినందుకు ఉపాసన కొణిదెలకు కూడా శ్రియ ధనువాదాలు చెప్పుకుంది.

https://www.instagram.com/p/CajIsALsrtw/

March 4, 2022

హోటల్స్ లో చెక్-ఇన్ టైం 11-12 గం.లకే ఎందుకు ఉంటుంది.. తెల్లవారు జామున సమయంలో ఎందుకు ఉండదు?

by Anudeep March 3, 2022

written by Anudeep

మనం ఏదైనా ట్రిప్ లేదా వర్క్ విషయమై వేరే ఊరు వెళ్లాలంటే.. ముందుగా మనం చేసే పని హోటల్స్ లో బుకింగ్ చేసుకోవడం. ఎందుకంటే మనది కానీ ఊరుకు వెళ్ళినప్పుడు మనకి ఫ్రెష్ అవడానికి, తిరిగి మన పనులు చేసుకోవడానికి మనకి ఒక రూమ్ అవసరం కచ్చితంగా ఉంటుంది.

అయితే.. మనందరికీ తెలిసిన విషయం ఏమిటంటే.. హోటల్స్ లో చెక్-ఇన్ టైం 11-12 గం.లకే ఉంటుంది. అయితే.. ఇలా ఎందుకు ఉంటుందో ఇప్పుడు తెలుసుకుందాం.

సాధారణంగా హోటల్స్ రూల్స్ ప్రకారం చెక్ ఇన్ టైం 11-12 గం.లకే ఉంటుంది. తెల్లవారు జామునే చెక్-ఇన్ టైం ఇవ్వాలంటే దాని వల్ల హోటల్ వారికి నష్టం ఎదురవుతుంది. వారికి ఎలా నష్టం వస్తుందో ఇప్పుడు చూద్దాం. ఉదాహరణకి ఓ వ్యక్తి ఉదయం 3.30 కి చెక్-ఇన్ చేస్తే, లెక్క ప్రకారం 24 గంటల తరువాత అంటే మరుసటి రోజు ఉదయం 3.30 కి చెక్-అవుట్ చేయాల్సి ఉంటుంది.

అప్పుడు ఆ రూమ్ ఖాళీ అయిపోతుంది. మరుసటి రోజు అదే టైం కి మరో కస్టమర్ వస్తారు అన్న గ్యారంటీ హోటల్ వారికి ఉండదు. పోనీ, అంతకంటే ముందే అంటే తెల్లవారు జామున రెండున్నర గంటలకి ఎవరైనా వచ్చి రూమ్ అడిగినా.. గంట ముందు చెక్-అవుట్ చేయాలనీ ముందు ఉన్న కస్టమర్ కి చెప్పలేరు. ఫలితంగా హోటల్ మేనేజ్మెంట్ కె లాస్ వస్తుంది. ఇలా ఇష్టం వచ్చిన టైం లో చెక్-ఇన్ మరియు చెక్-అవుట్ లు చేయడం వలన హోటల్స్ వారికి కస్టమర్స్ కి రూమ్స్ సర్దడం, వారి టైమింగ్స్ ని ఫాలో అవ్వడమే సరిపోతుంది.

అందుకే.. ఈ విధానాన్ని తీసేసి.. చెక్-ఇన్ మరియు చెక్-అవుట్ టైం ను పెట్టారు. ఈ 11-12 గం.ల కాన్సెప్ట్ వలన హోటల్ వారి పని సులువు అయింది. చెక్ ఇన్ చేసేవారు పదకొండు గంటలకే చేస్తారు. తిరిగి మరుసటి రోజు ఆ టైం కి చెక్-అవుట్ చేస్తారు. ఒకవేళ అంతకంటే ముందే చెక్-అవుట్ చేసినా.. ఆ మొత్తాన్ని కస్టమర్ చెల్లించుకోవాల్సి ఉంటుంది తప్ప హోటల్స్ ఓనర్ కి నష్టం రాదు.

March 3, 2022

ఆ సీరియల్ పూర్తయ్యి సంవత్సరాలు అవుతున్నా.. ఇంకా డబ్బులివ్వలేదట.. ఈ సీరియల్ హీరోయిన్ ఎవరో గుర్తుందా?

by Anudeep March 3, 2022

written by Anudeep

బుల్లితెర హీరోయిన్ సోనారిక బడోరియా అంటే ఎవరికీ తెలియకపోవచ్చు. కానీ, మహా దేవ్ సీరియల్ లో పార్వతి దేవి అనగానే అందరు ఆమెని గుర్తు పట్టేస్తారు. మహా దేవ్ సీరియల్ తో బాలీవుడ్ లోనే కాకుండా సోనారిక బడోరియా తెలుగు ప్రేక్షకులకు కూడా దగ్గరయ్యారు. ఈ సీరియల్ లో ఆమె శివుడి పక్కన పార్వతిగా కనిపించారు.

నిజంగా శివ పార్వతులని చూస్తున్నట్లే ఉంటుంది ఈ సీరియల్ చూస్తుంటే. అందుకే ఈ సీరియల్ అంత పాపులర్ అయ్యింది. తాజాగా.. ఈ నటి తనకు ఎదురైన చేదు సంఘటనని పంచుకుంది.

2018 లో సోనారిక ఓ సీరియల్ లో నటించారు. “సలీం అనార్కలీ..” పేరుతో ఈ సీరియల్ ను ఏడాది పాటు ప్రసారం చేసారు. ఈ సీరియల్ కూడా సోనారికకు మంచి పేరే తెచ్చి పెట్టింది. కానీ, ఈ సీరియల్ లో నటించినందుకు గాను సోనారికకు ఇప్పటివరకు రెమ్యూనరేషన్ ఇవ్వలేదట. ఈ సీరియల్ కోసం సీరియల్ నిర్మాతలు సోనారికకు రూ.70 లక్షల డబ్బును ఇవ్వాల్సి ఉందట.

ఈ సీరియల్ అయిపోయి ఇన్నేళ్లు అవుతున్నా ఇప్పటివరకు తనకు ఇవ్వాల్సిన రెమ్యునరేషన్ ఇవ్వలేదని సదరు నటి వాపోతోంది. కేవలం తనకే కాదు, ఆ సీరియల్ కోసం పనిచేసిన టెక్నిషన్స్ కి, ఇతర నటీనటులకు కూడా ఇప్పటివరకు పేమెంట్స్ ఇవ్వలేదట. కరోనా ఫస్ట్ వేవ్ లో చాలా ఇబ్బంది పడ్డామని.. రావాల్సిన డబ్బులు రాకుంటే ఇబ్బందులతో సతమతమవ్వుతున్నామని.. ఈ విషయమై చట్టపరంగా కూడా ప్రయత్నించామని చెప్పుకొచ్చారు. త్వరలోనే.. తనకు రావాల్సిన డబ్బు అందుతుందని భావిస్తున్నానని పేర్కొంది.

March 3, 2022

అల్ట్రా సౌండ్ స్కాన్ చేసేముందు స్కానర్ కు రాసే ఆ జెల్ పదార్ధం ఏంటో తెలుసా..? అది ఎందుకు రాస్తారంటే..?

by Anudeep March 3, 2022

written by Anudeep

మీరెప్పుడైనా అల్ట్రా సౌండ్ స్కానింగ్ చేయించుకున్నారా..? ఒకవేళ చేయించుకుని ఉంటె.. మీరు ఈ విషయాన్నీ గమనించే ఉంటారు. ఈ స్కానింగ్ చేసే ముందు స్కానర్ కు ఒక జెల్ లాంటి లిక్విడ్ ను పూస్తారు. ఆ తరువాత ఆ స్కానర్ ను స్కాన్ చేయాల్సిన ప్రదేశంలో పెట్టి స్కాన్ చేస్తారు.

ఇంతకీ ఇలా ఎందుకు స్కాన్ చేస్తారు. జెల్ అప్లై చేయకుండా స్కాన్ చేయకూడదా..? ఈ జెల్ ని ఎందుకు అప్లై చేస్తారు అనే విషయాలు ఈ ఆర్టికల్ లో తెలుసుకుందాం.

స్కాన్ చేయడానికి ఉపయోగించే ప్రోబ్ నుంచి ఉత్పన్నమయ్యే అల్ట్రాసోనిక్ తరంగాలు మన శరీరంపై ప్రతిబింబిస్తాయి. అలా ఉత్పన్నమయ్యే తరంగాల ద్వారానే ప్రోబ్ అల్ట్రా సౌండ్ పిక్చర్ ని గ్రహించగలుగుతుంది. అల్ట్రాసౌండ్ స్కాన్ చేసేటప్పుడు మీరు జెల్‌ను ఉపయోగించకపోతే, రోగి యొక్క చర్మం మరియు ప్రోబ్ మధ్య గాలి అకౌస్టిక్ ఇంపెడెన్స్‌ను పెంచుతుంది (తరంగాలను ఒక మాధ్యమం నుండి మరొక మాధ్యమానికి తరలించడానికి ఉపయోగపడుతుంది) మరియు తరంగాలు శరీరంలోకి చొచ్చుకుపోవు. ఇది బయటి నుండి ప్రతిబింబిస్తుంది, ఇది శరీరం లోపల నుండి ప్రతిబింబిస్తుంది. దాని వల్ల వచ్చే పిక్చర్ క్లారిటీ గా ఉండదు.

మీరు అల్ట్రాసౌండ్ స్కాన్ చేస్తున్నప్పుడు శరీరం మరియు ప్రోబ్ మధ్య జెల్ అప్లై చేస్తే, గాలి దానిలోకి ప్రవేశించే అవకాశాలు చాలా తక్కువగా ఉంటాయి మరియు అకౌస్టిక్ ఇంపెడెన్స్ కూడా తక్కువగా ఉంటుంది. కణజాలాన్ని తాకినప్పుడు, కొన్ని తరంగాలు ప్రోబ్‌లో ప్రతిబింబిస్తాయి మరియు కొన్నింటిని కొట్టిన తర్వాత అవి ముందుకు వెళ్లి, తదుపరి కణజాలం లేదా పరికరాలను కొట్టిన తర్వాత తిరిగి వస్తాయి. దీని కారణంగా, శరీరంలోని లోతైన భాగాలను కూడా మంచిగా కాప్చర్ చేయగలుగుతుంది. తద్వారా వచ్చే అల్ట్రా సౌండ్ పిక్చర్ క్లారిటీగా వస్తుంది.

March 3, 2022

అర్ధరాత్రి ఉన్నట్లుండి అరుపులు.. తీరా చూస్తే కొడుకు శవం పక్కనే కోడలు.. గుండె తరుక్కుపోతున్న సంఘటన.. అసలేమైందంటే?

by Anudeep March 3, 2022

written by Anudeep

తప్ప తాగి తందనాలాడడం.. పిచ్చి కూతలు కూయడం.. ఆనక కొందరైతే.. ఏకంగా హత్యలు, మానభంగాలు చేయడం చూస్తూనే ఉన్నాం. కానీ.. ఎక్కువగా ఇలాంటి ఘటనలలో అమ్మాయిలే బలి అవుతూ ఉంటారు. అయితే.. రాజస్థాన్ లో మాత్రం ఓ విచిత్ర సంఘటన చోటు చేసుకుంది.

రాత్రంతా మద్యం సేవించిన భార్యాభర్తలకి మధ్యలో గొడవ వచ్చింది.. ఈ క్రమంలో అర్ధరాత్రి సమయంలో కొడుకు గదిలోంచి అరుపులు వినిపించడంతో కంగారుగా అతని తల్లి బెడ్ రూమ్ లోకి వెళ్లి చూసింది.

అక్కడ కొడుకు శవం పక్కనే ఉన్న కోడలిని చూసి షాక్ అయ్యింది. వివరాల్లోకి వెళితే.. రాజస్థాన్ రాష్ట్రం బార్మర్‌ పరిధి జాటియోలో మంజు, అనిల్ దంపతులు నివాసం ఉంటున్నారు. 6 ఏళ్ల క్రితం వీరికి వివాహం కాగా.. ముగ్గురు సంతానం కూడా ఉన్నారు. అనిల్ ప్రైవేట్ ఉద్యోగం చేస్తున్నారు. అనిల్, మంజు ఇద్దరికీ మద్యం సేవించే అలవాటు ఉంది. వీరికి వచ్చే జీతం ఇంటి ఖర్చులకే సరిపోయేది కాదు. ఈ క్రమంలో మద్యం తాగుతున్న సమయంలో వీరు గొడవ పడుతుండేవారు.

వీరి గురించి స్థానికులకు, తల్లి తండ్రులకు ముందే తెలుసు కాబట్టి వీరు గొడవ పడే టైం లో పెద్దగా పట్టించుకునేవారు కాదు. మంగళవారం కూడా ఇద్దరు మద్యం సేవించారు. ఈ క్రమంలోనే జీతం గురించి చర్చకి వచ్చి గొడవ పెరిగింది. నీ జీతం తక్కువ వస్తోంది.. ఇంటి ఖర్చులకి చాలటం లేదు అంటూ మంజు గొడవ చేసింది. అలా గొడవ పెద్దదైంది. అనిల్ కూడా ఆగ్రహంతో నానా మాటలు అన్నాడు.

దీనితో కోపగించిన మంజు బెల్ట్ తో అనిల్ మెడకు బిగించింది. ఊపిరి ఆడకపోవడంతో అనిల్ చాలా సేపు గింజుకుని ఆ తరువాత అపస్మారక స్థితిలోకి వెళ్ళిపోయాడు. అయితే.. అప్పటికే చాలా సేపటినుంచి అరుపులు విన్న అనిల్ తల్లి భయంతో అక్కడకి వెళ్లి చూడగా.. అప్పటికే అనిల్ మరణించాడు. పోలిసుల దర్యాప్తులో మంజు నిజం అంగీకరించింది. అయితే.. జీతం విషయంలో గొడవ వల్లే ఈ దారుణం జరిగిందా..? లేక మరేదైనా కారణం ఉందా అన్న కోణంలో కూడా పోలీసులు దర్యాప్తు చేస్తున్నారు.

March 3, 2022

ఆర్జీవీని అమ్మాయిల పిచ్చోడని అనుకుంటారు.. కానీ..9 ఏళ్ల వయసులో ఏమైందంటే? షాకింగ్ విషయాలు చెప్పుకొచ్చిన ఆర్జీవీ సోదరి..!

by Anudeep March 3, 2022

written by Anudeep

రామ్ గోపాల్ వర్మ గురించి పెద్ద గా పరిచయం అవసరం లేదు. ఒకప్పుడు ఆ సినిమా వస్తోందంటే.. సినిమా కి క్లాప్ కొట్టిన రోజునుంచి.. థియేటర్ లో రిలీజ్ అయ్యే దాకా ఎడతెగని ఉత్కంఠ ఉండేది. ఆర్జీవీ సినిమాలకు ఆ రేంజ్ లో ఫాలోయింగ్ ఉండేది. ఈ మధ్య ఆర్జీవీ లో వచ్చిన మార్పుని నెటిజన్లు గమనిస్తూనే ఉన్నారు. ఆయన సినిమా అంటే అదో రకమైన ఫీలింగ్ కలుగుతోంది.చాలా మంది కామెంట్స్ లో ఈ పాయింట్ ను లేవనెత్తకుండా ఉండరు.

ఎలా ఉండే ఆర్జీవీ.. ఎలా అయిపోయారు..? అంటూ అనుకుంటుంటారు. ఇవేమి ఆయన పట్టించుకోరు. కానీ ఆయన అభిమానులకు మాత్రం కొంత బాధ కలిగిస్తూనే ఉంటాయి. దానికి తోడు ఆర్జీవీ రిలీజ్ చేసే పోస్టర్లు, ఇంటర్వ్యూలలో ఆయన చేసే కామెంట్స్, సోషల్ మీడియాలో ఆయన పంచుకునే పోస్ట్లు.. ఇలా ఇవన్నీ కలిపి ఆయనని ఓ అమ్మాయిల పిచ్చోడు అనుకునేలా చేసాయి. కానీ.. ఆయన గురించి ఆయన సోదరి ఎన్నో ఆసక్తికరమైన విషయాలని పంచుకున్నారు.

ఆయన చిన్నతనంలో ఆయన ఎలా ఉండేవారో ఆయన సోదరి చెప్పుకొచ్చారు. ఆర్జీవీ కి విజయ లక్ష్మి గారు స్వయానా చెల్లెలు. ఇటీవల ఓ యూట్యూబ్ ఛానెల్ లో ఇంటర్వ్యూ ఇచ్చిన ఆమె ఆర్జీవీ గురించి చాలా విషయాలే చెప్పుకొచ్చారు. చిన్నప్పటి నుంచే ఆర్జీవీ లాజికల్ గా ఆలోచించడం, ప్రశ్నించడం వంటివి చేసేవారట. ఆయనని అర్ధం చేసుకోవడం ఎవ్వరి తరం అయ్యేదికాదట. ఓ సారి, ఆర్జీవీ, సోదరి విజయలక్ష్మి వారి మామయ్యతో కలిసి సినిమాకి వెళ్లారట.

అయితే.. సినిమా అయ్యి ఇంటికి వచ్చాక.. తన డౌట్ తీర్చాలని ఆర్జీవీ వాళ్ళ మామని అడిగాడట. ట్రైన్ పట్టాలపై బాంబు పెట్టి.. ఆ రైలు వచ్చే టైం కి బ్లాస్ట్ అయ్యేలా ఎలా సెట్ చేసారు..? ఎందుకంటే మన దేశంలో ట్రైన్స్ ఎప్పుడూ సరైన సమయానికి రావు. కానీ ఆ బాంబు మాత్రం సరిగ్గా ట్రైన్ వచ్చే టైం కి ఎలా పేలుతుంది? అని అడిగాడట. ఇది అడిగేసమయానికి ఆర్జీవీ వయసు కేవలం 9 సంవత్సరాలేనట. అప్పటినుంచే ఆయన లాజికల్ గా థింక్ చేయడం, ప్రశ్నించడం నేర్చుకున్నారట.

ఇక అమ్మాయిల పిచ్చి గురించి యాంకర్ అడిగిన ప్రశ్నకి కూడా విజయలక్ష్మి సమాధానం చెప్పారు. ఆర్జీవీకి అసలు అమ్మాయిల పిచ్చి ఏమి లేదని.. కేవలం అమ్మాయిలని సంతోష పెట్టె మాటలని మాత్రం చెప్తుంటారట. ఓసారి విజయలక్ష్మి గారి ఫ్రెండ్ ఇంటికి వచ్చినప్పుడు.. ఆమెని చూసిన ఆర్జీవీ మీ కళ్ళు చాలా బాగున్నాయి అని చెప్పారట. ఆ విషయాన్నీ ఆ ఫ్రెండ్ విజయలక్ష్మి తో చెప్తే.. ఆమె ఆర్జీవీని అడిగారట. ఆమెకి మెల్లకన్ను.. నీకు ఎలా నచ్చాయి అని అడిగేసరికి.. నేను అసలు ఆమెని చూడలేదు అని ఆర్జీవీ సమాధానం చెప్పారట. మరోసారి ఓ బ్యాంకు లో అమ్మాయితో కూడా మీ నవ్వు బాగుంది అంటూ కాంప్లిమెంట్ ఇచ్చారట. ఇలా.. అమ్మాయిలను సంతోష పెట్టె మాటలే తప్ప ఎప్పుడూ అమ్మాయిలతో మిస్ బిహేవ్ చేయలేదని ఆర్జీవీ సోదరి విజయలక్ష్మి చెప్పుకొచ్చారు.

Watch Video:

March 3, 2022

Newer Posts

Older Posts