Anudeep

ప్రభాస్ ని సినీ ఇండస్ట్రీ లో డార్లింగ్ అని పిలుస్తారన్న సంగతి తెలిసిందే. నిజంగానే ప్రభాస్ ఇండస్ట్రీలో అందరితో సన్నిహితంగా మెలుగుతూ ఉంటారు. దర్శకుడు పూరితో కూడా ప్రభాస్ స్నేహంగానే ఉంటారట. వీరిద్దరి కాంబోలో ఏక్ నిరంజన్, బుజ్జిగాడు సినిమాలు వచ్చిన సంగతి తెలిసిందే.

పూరి జగన్నాధ్ గురించి అందరికి తెలుసు.. కానీ, పూరి భార్య లావణ్య గురించి మాత్రం ఎవరికీ పెద్దగా తెలియదు. ఆమె గురించి ప్రభాస్ ఆసక్తికర వ్యాఖ్యలు చేసారు. బుజ్జిగాడు షూటింగ్ టైములో ప్రభాస్, పూరి, లావణ్య కలిసి భోజనం చేస్తున్నారట. ఆ టైములో పక్కనే మరో మహిళా కూడా భోజనం చేస్తుండగా.. ఆమె ఎవరు అని ప్రభాస్ అడిగారట. ఆమె తమ పని మనిషి అని చెప్పడంతో ప్రభాస్ కొంచం ఆశ్చర్య పడ్డారట. తమ ఇంట్లో పనిమనిషి కి కూడా తమతో పాటే కూర్చోపెట్టుకుని భోజనం పెట్టె మంచి తనం లావణ్యది అంటూ పూరి భార్య లావణ్యను ప్రశంసించారు.

దాదాపు రెండు సంవత్సరాల తర్వాత అఖిల్ అక్కినేని మళ్లీ తెరపై కనిపించారు. ఈ సినిమా ట్రైలర్ లో చూపించిన విధంగానే ఒక ఫ్యామిలీ ఎంటర్టైనర్. అఖిల్ కి ఈ రోల్ బాగా సూట్ అయింది. తన ముందు సినిమాల కంటే ఈ సినిమాలో నటనలో కూడా మెరుగయ్యారు. పూజా హెగ్డే ఇప్పటివరకు తన కెరియర్ లో పోషించని పాత్ర ఈ సినిమాలో చేశారు. ముందు సినిమాలతో పోలిస్తే ఈ సినిమాలో పూజా హెగ్డే నటన విషయంలో కూడా జాగ్రత్త వహించారు అని తెలుస్తుంది.

సినిమా ఫస్ట్ హాఫ్ మొత్తం సరదాగా సాగుతుంది. ఈ ఫస్ట్ హాఫ్ లోనే హీరో అక్కినేని అఖిల్ ఓ పెళ్లి చూపులకు వెళ్తాడు. ఈ పెళ్లి చూపుల్లో జరిగిన సీన్ చాలా సరదాగా ఉంటుంది. పెళ్లి చూపుల్లో ఓ అమ్మాయి, అఖిల్ ఇద్దరు బయట కూర్చుని మాట్లాడుకుంటూ ఉంటారు. అక్కడే వారి పనమ్మాయి ఫోన్ లో మాట్లాడుతూ ఉంటుంది. ఆమెను చూసిన అఖిల్, పనమ్మాయికి ఐఫోనా అని అడుగుతాడు..

అందుకు ఆ అమ్మాయి ఆ ఫోన్ తనదేనని.. కొత్త ఐఫోన్ కొనుక్కున్నాను కాబట్టి.. పాత ఫోన్ ని పనమ్మాయి కి ఇచ్చేసినట్లు చెప్తుంది. పాతబడితే.. నన్ను కూడా పనమ్మాయికి ఇచ్చేస్తారా..? అంటూ అఖిల్ అడగడంతో ఆ అమ్మాయి షాక్ అవుతుంది. ఈ సన్నివేశం తెరపై చూడడానికి చాలా సరదాగా ఉంటుంది. కానీ థియేటర్ లో మాత్రం ఈ సన్నివేశం లేదు. ఈ డిలీటెడ్ సీన్ రీసెంట్ గా గీతాఆర్ట్స్ సంస్థ పోస్ట్ చేసింది. ఈ సీన్ ఇంత బాగుంది కదా.. ఎందుకు డిలీట్ చేసారు? అంటూ నెటిజన్లు ప్రశ్నిస్తున్నారు. ప్రస్తుతం ఈ డిలీటెడ్ వీడియో సోషల్ మీడియాలో వైరల్ అవుతోంది.

Watch Video:

టాలీవుడ్ లో పవన్ కళ్యాణ్ కి ఉన్నంత ఫ్యాన్ బేస్ మరే ఇతర హీరోకి లేదు. ఓ వైపు రాజకీయాలతో బిజీగా ఉంటున్న పవన్ మరోవైపు సినిమాలను కొనసాగిస్తున్నారు. ప్రస్తుతం క్రిష్ దర్శకత్వంలో పవన్ కళ్యాణ్ ఓ సినిమాలో నటిస్తున్నారు. “హరి హర వీరమల్లు” అనే టైటిల్ తో ఈ సినిమా రూపొందనుంది.

ఈ సినిమాతోనే పవన్ వారసుడు అకిరా నందన్ కూడా టాలీవుడ్ ఎంట్రీ ఇవ్వబోతున్నారు అని సోషల్ మీడియాలో కధనాలు హోరెత్తుతున్నాయి. అకిరా నందన్ ఎంట్రీ కోసం క్రిష్ ఓ అదిరిపోయే పాత్రను క్రియేట్ చేశారట. తండ్రి సినిమాలోనే కొడుకు కూడా ఎంట్రీ ఇస్తున్నాడు అనే వార్తలు సోషల్ మీడియాలలో కనిపించడంతో ఫాన్స్ ఫుల్ ఖుష్ అయిపోతున్నారు. రేణు దేశాయ్ దర్శకత్వం వహించిన “ఇష్క్ వాలా లవ్” అనే సినిమాలో అకిరా బాల నటుడిగా కనిపించిన సంగతి తెలిసిందే. ఇది కాకుండా ఓ మరాఠి సినిమాలో కూడా అకిరా నటించాడు.

వెంకటేష్, పవర్ స్టార్ పవన్ కళ్యాణ్ నటించిన మల్టి స్టారర్ మూవీ “గోపాల గోపాల”. ఈ సినిమాపై అప్పట్లో భారీ అంచనాలే పెట్టుకున్నారు. ఈ సినిమా కూడా హిట్ టాక్ ని తెచ్చుకుంది. ఈ సినిమాలో విక్టరీ వెంకటేష్, శ్రియ శరణ్ భార్యా భర్తలుగా నటించిన సంగతి తెలిసిందే.

ఈ సినిమాలో శ్రియ దేవుడిపై నమ్మకం ఉన్న భక్తురాలిగా కనిపిస్తారు. మరో వైపు వెంకీ మామ నాస్తికుడిగా కనిపిస్తారు. వెంకటేష్ కు దేవుడు ఉన్నాడు అని భావిస్తాడు కానీ.. గుడ్డిగా ఆచారాలు పాటించే వాళ్లంటే గిట్టదు. కానీ, దేవుడి ఫోటోలు అమ్మే వ్యాపారం చేస్తూ ఉంటాడు. ఓ సారి పిడుగు పడి షాపు కాలిపోతుంది. ఆ సమయంలో వెంకటేష్ ఇబ్బందులు ఎదుర్కొంటాడు. కోర్ట్ లో కేసు వేసి తనకు జరిగిన నష్టానికి దేవుడే బాధ్యుడని.. ఇలాంటి నష్టాలకి ఇన్సూరెన్స్ ను హిందూ ధార్మిక సంస్థలే చెల్లించాలని ఫిర్యాదు లో పేర్కొంటారు.

అలాంటి కష్టాలు ఎదుర్కొంటున్న టైంలోనే శ్రీ కృష్ణుడిగా పవన్ కళ్యాణ్ ఎంట్రీ ఇస్తారు. ఏ దిక్కు లేని వాడికి దేవుడే దిక్కు అన్నట్లు.. వెంకటేష్ తో పాటు ఇంట్లోనే ఉంటూ వెంకటేష్ కు మార్గదర్శకం చేస్తాడు. ఈ టైములో ఓ సన్నివేశం ఉంటుంది. పవన్ కళ్యాణ్ టివి లో మాయాబజార్ సినిమాను చూస్తూ ఉంటాడు. అది మొదటి సీన్ లో బ్లాక్ అండ్ వైట్ లో ఉంటుంది. తరువాత సీన్ వచ్చేసరికి కలర్ లోకి వచ్చేస్తుంది. బహుశా.. ఈ సీన్ ను రెండు సార్లు షూట్ చేసి ఉండడం వల్ల ఇలా జరిగి ఉండొచ్చు.

ఇప్పటికే ఈ సినిమా టీవీ లో చాలా సార్లు వేశారు కూడా.. ఇప్పటికీ వేసినప్పుడల్లా చాలా మంది ఈ సినిమా ను చూస్తూనే ఉంటారు. ఈ సినిమా ను ఇన్ని సార్లు చూసినా మనం ఈ మిస్టేక్ ని గమనించలేదు. ఇవి సినిమా కి పెద్ద గా ఎఫెక్ట్ చేయకపోయినా.. కానీ డైరెక్ట్ చేసేటపుడు వీటిని అంతగా పట్టించుకోలేదని తెలుస్తుంది. దీనివల్ల సినిమా కథ లో ఎలాంటి ఇబ్బంది ఉండదు.. కాకపోతే కొన్ని పొరపాట్లు తెలియకుండా జరుగుతుంటాయంతే.