Anudeep

ఇటీవల కాలం లో ప్రేమ వివాహాలు ఎక్కువ గా జరుగుతున్నాయి. దురదృష్టం ఏమిటంటే.. ప్రేమ పెళ్లి దాకా రావడమే గగనం అయితే.. పెళ్ళి చేసుకున్న జంటలు కలిసి ఉండడం కూడా కష్టం గానే మారింది. ఈ క్రమం లో.. కోలార్ కు చెందిన అరభికొత్తనూర్‌ గ్రామం లో విస్తుపోయే ఘటన చోటు చేసుకుంది. ఈ గ్రామానికి చెందిన అంబిక, మహేష్ లు పదేళ్ల కాలం గా ప్రేమించుకుంటున్నారు. ఒకరిపై ఒకరికి నమ్మకం కలగడం తో పెళ్లి కూడా చేసుకోవాలనుకున్నారు.

మహేష్ నే సర్వస్వము అని భావించిన అంబిక శారీరకం గా కూడా తనని తాను అర్పించేసుకుంది. ఇద్దరు ఇంట్లో ఒప్పించి పెళ్లి చేసుకోవాలని అనుకున్నారు. ఈ క్రమం లోనే శారీరకం గా కలవడానికి అంబిక అడ్డు చెప్పలేదు. కానీ.. కొంతకాలం గడిచేసరికి మహేష్ మోజు తీరిపోవడం తో ఇంట్లో పెద్దలు చూసిన అమ్మాయిని పెళ్లి చేసుకోవడానికి ఓకే చెప్పాడు. మార్చి 15 వ తేదీన నిశ్చితార్ధం కూడా చేసేసుకున్నాడు. దీనితో.. అంబిక అతనిని నిలదీసింది.

తనకిచ్చిన మాటేమిటని ప్రశ్నించింది. ఇన్నాళ్లు ప్రేమించి ఇలా చేయడానికి మనసెలా వచ్చింది అంటూ నిలదీసింది. అంబిక కుటుంబ సభ్యలు కూడా పోలీసులను ఆశ్రయించి మహేష్ పై కేసు నమోదు చేసారు. మార్చి 23 న మహేష్ ను పోలీసులు అరెస్ట్ చేసారు. పోలీసులు కలగచేసుకోవడం తో మహేష్ వెనక్కి తగ్గి మే 9 న అంబికను పెళ్లి చేసుకున్నాడు. అయితే.. పెళ్లి జరిగిన తరువాత నుంచి మహేష్ కనిపించకుండా పోయాడు.

కేసు నుంచి తప్పించుకోవడానికే మహేష్ అంబికను పెళ్లి చేసుకున్నాడని అంబిక తండ్రి ఆరోపిస్తున్నాడు. తన కుటుంబానికి, తన కూతురుకి అన్యాయం జరిగిందని ఆ తండ్రి విలపిస్తున్నారు. పోలీసులు కూడా మహేష్ కుటుంబం ఇచ్చిన డబ్బుల వలనే ఈ కేసు పట్టించుకోవడం లేదని అంబిక ఆరోపిస్తోంది. మరోవైపు మహేష్ కుటుంబం రహస్యం గా మరో పెళ్లి చేయడానికి యోచిస్తోందని.. అదే జరిగితే తాను, తన కూతురికి ఆత్మహత్య తప్ప మరో మార్గం లేదని అంబిక తండ్రి విలపిస్తున్నారు.

పెళ్లి కానీ యువకులనే ఆ యువతి టార్గెట్ చేస్తోంది. తన అందం తో వారిని ప్రేమలో పెట్టి.. తానూ అనాధనంటూ అబద్ధం చెప్పి.. నువ్వు తప్ప ఇంకెవరు లేరు అంటూ వారిని తన చుట్టూ తిప్పుకుంటోంది. వారు ప్రేమలో పడ్డాకా పెళ్లి చేసుకొమ్మని అడుగుతోంది. పెళ్లి చేసుకోమని అడిగేసరికి.. వారు కూడా ఆమె వలలో పడి ఆమెను పెళ్లి చేసుకుంటున్నారు.ఆ తరువాత ఆమె వారి నగలు, డబ్బు తీసుకుని పారిపోతోంది. తాజాగా చిత్తూరు జిల్లా విజయపురం మండలం లో ఈ ఘటన చోటు చేసుకుంది.

చిత్తూర్ జిల్లా కు చెందిన సునీల్ కుమార్ తిరుపతి లో ఓ సంస్థ లో మార్కెటింగ్ విభాగం లో పని చేస్తున్నారు. అదే ఆఫీస్ లో పనిచేస్తున్న సుహాసిని కి సునీల్ తో పరిచయం ఏర్పడి ప్రేమ గా మారింది. సుహాసిని తనను తాను అనాధనని చెప్పుకుని సునీల్ ను ముగ్గులోకి దింపింది. సునీల్ కూడా తల్లితండ్రులను ఒప్పించి పెళ్లి చేసుకున్నాడు. ఆమెకు పెళ్లి లో పది తులాల బంగారం కూడా పెట్టాడు. ఆ తరువాత తనను పెంచిన వారికి కొంత డబ్బు అవసరమైనదని చెప్పి ఆమె సునీల్ నుంచి ఆరు లక్షల రూపాయలు తీసుకుంది.

కొన్నాళ్ల తరువాత సునీల్ మరియు అతని తల్లితండ్రులు డబ్బుల గురించి సుహాసిని ని అడిగారు. దీనితో.. ఆమె చెప్పాపెట్టకుండా పారిపోయింది. అనుమానం తో సునీల్ పోలీసులను ఆశ్రయించాడు. ఆమె ఆధార్ నెంబర్ ను ట్రేస్ చేసి పోలీసులు ఆమె గురించి తెలుసుకోవడానికి ప్రయత్నించారు. ఆమె గతం లో కూడా ఇలానే చేసిందని తెలుస్తోంది. ఆమెకు తన మేనమామ తో అంతకుముందే పెళ్లి అయిపొయింది. ఇద్దరు పిల్లలు కూడా ఉన్నారు.

ఇది కాక, ఆమె భద్రాద్రి కొత్తగూడెం లో వినయ్ అనే వ్యక్తిని కూడా ప్రేమించి, పెళ్లి చేసుకుని ఇలానే మోసం చేసిందని తేలింది. భర్త సహకారం తోనే ఆమె ఇలాంటి పనులు చేస్తోందని పోలిసుల విచారణలో తేలింది. ఇలా సేకరించిన నగలు, డబ్బుని కూడా భర్తకే ఇస్తోందని తెలుస్తోంది. ఇలాంటి వారి మాయలో పడవద్దని పోలీసులు యువకులకు హితవు చెప్తున్నారు.