Anudeep

ప్రస్తుతం ఉన్న పరిస్థితుల్లో అన్నిటికంటే ఖరీదైనది వైద్యమే. మాములుగా వచ్చే జ్వరం వంటి జబ్బులకే అయ్యే ఖర్చుని లెక్కలేసుకునే రోజులు ఇవి. ఇక కరోనా అంటే ఆ ఖర్చు మామూలుది కాదు. అలాంటి పరిస్థితుల్లో ఓ డాక్టర్ రూ. 10కె వైద్యం అందిస్తున్నారు. తన దగ్గరకు వచ్చే నిరుపేదలకు కేవలం ఒక కప్పు టీ తాగే ఖర్చు తోనే వైద్యం అందేలా చేస్తున్నాడు. మందుల్లో పది శాతం, టెస్ట్ లలో మరో ముప్పై శాతం రాయితీ వచ్చేలాగా చేస్తున్నాడు.

డా. విక్టర్ ఇమ్మాన్యుయేల్ హైదరాబాద్ లోని పీర్జాదిగూడ లో నివాసం ఉంటున్నారు. ఆయన గత నాలుగేళ్లుగా ప్రజ్వల క్లినిక్ ను నిర్వహిస్తూ వస్తున్నారు. ఆయన క్లినిక్ కి వచ్చే నిరుపేదలకు కేవలం పది రూపాయలకే చికిత్స చేస్తారు. డబ్బులు ఇవ్వగలిగిన వారివద్ద కన్సల్టేషన్ కింద కేవలం 200 రూపాయలను తీసుకుంటారు. బయట ఆసుపత్రిలలో డాక్టర్లను కలవడానికి 500 నుంచి 1500 చెల్లించాల్సిన పరిస్థితి ఉంది. కానీ, ఈరోజుల్లో ఇలా వైద్యం అందిస్తున్న ఇమ్మాన్యుయేల్ ను అందరు ప్రశంసిస్తున్నారు.

ప్రస్తుతం దేశం లో పలు చోట్ల వ్యాక్సినేషన్ కార్యక్రమం జోరు గా సాగుతోంది. కొన్ని చోట్ల వాక్సిన్ లు అందుబాటులో లేవు.. మరికొన్ని చోట్ల ప్రజలకోసం వాక్సిన్ లు ఏర్పాటు చేసినా.. వారు వేసుకోవడానికి ముందుకు రావడం లేదు. దీనితో.. రాష్ట్ర ప్రభుత్వాల్లో నయానో భయానో వారికి వాక్సిన్ ను వేయించే పనికి పులుముకున్నాయి. ఇటీవల తమిళనాడు ప్రభుత్వం కూడా వాక్సిన్ వేయించుకున్న వారికి బహుమతులు ఇస్తున్నట్లు ప్రకటించిన సంగతి తెలిసిందే.

నార్త్ కి చెందిన మరో రాష్ట్రము లో మాత్రం పరిస్థితి ఇందుకు భిన్నం గా ఉంది. యూపిలోని కన్నౌజ్ వద్ద ప్రజలు టీకాలు తీసుకోవడానికి ముందుకు రావడం లేదు. దీనితో అదనపు కలెక్టర్ రంగం లోకి దిగి.. టీకా వేయించుకోకపోతే వారి ఇళ్లకు కరెంటు కట్ చేస్తామంటూ చెప్పారు. దీనితో అక్కడి ప్రజలు వాక్సిన్ వేయించుకోవడానికి బారులు తీరుతున్నారు. మరో వైపు ఈ విషయం వైరల్ అవడంతో ఆయన అలా అనలేదని చెప్పారు. కేవలం కరెంటు బిల్ కట్టనివారికి మాత్రమే కరెంటు కట్ చేస్తున్నామని చెప్పారు. అయితే.. ఏది ఐతే అది అయిందని చాలామంది వాక్సిన్ వేయించుకోవడానికి ముందుకొచ్చారు.

కరోనా కారణం గా ఎక్కడ లేని ఘోరాలని చూడాల్సి వస్తోంది. ఓ భర్త తన భార్యకు కరోనా సోకడం తో ఆమెను చిత్ర హింసలకు గురి చేసాడు. ఆమెకు కరోనా వచ్చిందన్న కారణం తో ఆమెను బాత్ రూమ్ లోకే పరిమితం చేసాడు. లక్సెట్టిపేటలోని గోదావరి రోడ్ గోపాలవాడ లో ఈ ఘటన చోటు చేసుకుంది. నర్సమ్మ కు కరోనా రావడం తో ఆమె భర్త పెద్దయ్య ఇంట్లో సరిపడా గదులు ఉన్నప్పటికీ ఆమెను ఇంట్లోకి రానివ్వలేదు. అంతే కాదు.. ఆమెను మరుగుదొడ్డి కూడా ఉపయోగించనివ్వకుండా.. ఇంటికి సమీపం లో ఓ గొయ్యి తవ్వి అందులోనే మల మూత్రాది కార్యక్రమాలు చేసుకోవాలని ఆంక్షలు విధించాడు.

అయితే, కొన్ని రోజులకు చుట్టూ పక్కల వారికి వాసన వస్తుండడం తో.. వారు పోలీసులకు ఫిర్యాదు చేసారు. పోలీసులు వచ్చి.. పరిస్థితి తెలుసుకుని నర్సమ్మ భర్తకు కౌన్సిలింగ్ ఇచ్చారు. ఆమెను ఐసోలేషన్ కు తరలించడానికి ప్రయత్నించగా.. ఆమె అందుకు అంగీకరించలేదు. అయితే.. వారు ఆమె భర్త పెద్దయ్య కు కౌన్సిలింగ్ ఇచ్చి.. ఇంట్లోనే ఓ గది ఏర్పాటు చేయించారు. దీనితో పరిస్థితి చక్కబడింది.

22 ఏళ్ల ఓ కుర్రాడికి ఉన్నట్లుండి వింత బుద్ధి పుట్టింది. తనకు పోలీసులతో అరెస్ట్ చేయించుకోవాలనిపించింది. అనుకున్నదే తడవుగా ఢిల్లీ పోలీసులకు ఫోన్ చేసాడు. తాను ప్రధాని మోడీ ని చంపేస్తానని బెదిరించాడు. ఫోన్ పెట్టేసాడు. పోలీసులు ఈ గుర్తు తెలియని ఫోన్ ఎక్కడిదో ట్రేస్ చేసారు.ఆ వ్యక్తి పేరు సల్మాన్ గా గుర్తించారు. ఇన్వెస్టిగేషన్ లో అప్పటికే సల్మాన్ పైన చాలా కేసులున్నాయని తేలింది.

ఓ కేసు కి సంబంధించి బెయిల్ పై ఉన్న సల్మాన్.. తిరిగి జైలు లోకే రావడానికి ఈ పని చేసాడని తెలిసింది. గతం లో కూడా ఇలానే ఓ 33 సంవత్సరాల వ్యక్తి పోలీస్ ఎమర్జెన్సీ నెంబర్ అయిన 100 కు ఫోన్ చేసి పీఎం మోడీ కి హాని చేస్తా అంటూ ఇలానే బెదిరించాడు. అప్పుడు కూడా ఇలానే ట్రేస్ చేసి.. ఆ వ్యక్తిని పట్టుకుని అరెస్ట్ చేసారు.

ఈ మధ్య ప్రకృతి వైపరీత్యాలు కాస్త ఎక్కువగానే జరుగుతున్నాయి. ఇటీవల మెక్సికో లో భూమి పై ఓ సింక్ హోల్ కనిపించింది. క్రమం క్రమం గా అది పెద్దదై స్థలాన్ని మింగేస్తోంది. భవనాలను కూడా మింగేసేలా స్థలాన్ని ఆక్రమించేసుకుంటోంది. దీనిని చూసి స్థానిక మెక్సికన్ ప్రజలు బెంబేలెత్తిపోతున్నారు. గత శనివారం ఇది కనిపించింది. ఇది కనిపించినప్పుడు కొన్ని మీటర్ల సైజులో మాత్రమే ఉంది. కానీ.. ఇప్పుడు 70 వేల స్క్వేర్ ఫీట్ పంటపొలాన్ని మింగేసింది.

అంతరిక్ష నౌక ఢీకొట్టడం వలన ఈ భారీ సింక్ హోల్ ఏర్పడి ఉండవచ్చని భావిస్తున్నారు. ప్యూబ్లా రాష్ట్రంలోని సింక్‌హోల్ 60 మీటర్ల వ్యాసానికి పెరిగింది. ఇంకా పెరగచ్చని తెలుస్తోంది. 60 అడుగుల లోతులో ఈ సింక్ హోల్ ఉండచ్చని అంచనా వేస్తున్నారు. పంటపొలాలను ఆక్రమించిన ఈ సింక్ హోల్ సమీపం లో ఉన్న ఇళ్లను కూడా మింగేసేలా ఉంది. అక్కడి ప్రజలను సేఫ్ గా ఉండే చోటు కు తరలించారు. దీనివలన పంట నష్టం జరిగింది. అయితే, ఎలాంటి ప్రాణ నష్టం జరగలేదు.