Anudeep

నందమూరి కళ్యాణ్ రామ్ నటించిన లేటెస్ట్ మూవీ అమిగోస్.. డిఫ‌రెంట్ చిత్రాలు, విలక్ష‌ణ‌మైన పాత్ర‌ల్లో న‌టిస్తూ త‌న‌కంటూ ఓ ప్ర‌త్యేక‌మైన గుర్తింపు సంపాదించుకున్న నంద‌మూరి క‌ళ్యాణ్ రామ్. ఇటీవలే బింబిసార సినిమాతో సూపర్ హిట్ అందుకున్నారు కళ్యాణ్ రామ్. పిరియాడికల్ డ్రామాగా తెరకెక్కిన బింబిసార సినిమాలో డ్యూయల్ రోల్ లో ఆకట్టుకున్న కళ్యాణ్ రామ్. కాగా ఇప్పుడు అమిగోస్ సినిమాలో త్రిపాత్రాభినంలో నటించి ప్రేక్షకులను మెప్పించారు. ప్ర‌పంచ వ్యాప్తంగా ఫిబ్ర‌వ‌రి 10న గ్రాండ్ లెవ‌ల్లో సినిమా రిలీజ్ అయ్యింది.

అయితే ఈ చిత్రానికి అంచనాలకు తగ్గట్టే ప్రపంచ వ్యాప్తంగా రూ. 11.30 కోట్లు మేర బిజినెస్ జరిగినట్లు ట్రేడ్ వర్గాలు తెలిపాయి. దీంతో బ్రేక్ ఈవెన్ టార్గెట్ రూ. 12.00 కోట్లుగా నమోదైంది. తాజాగా ఈ చిత్రం ఆరు రోజులను పూర్తి చేసుకుంది. ఈ చిత్రానికి మిక్స్డ్ టాక్ రావడం తో కలెక్షన్స్ లో గ్రోత్ ఏ మాత్రం లేదు. 6వ రోజుకి వచ్చే సరికి బాక్స్ ఆఫీస్ దగ్గర 16 లక్షల రేంజ్ లో షేర్ ని సొంతం చేసుకోగా వరల్డ్ వైడ్ గా 19 లక్షల షేర్ ని అందుకుంది అమిగోస్.

అలాగే ఆరు రోజులకు గాను అమిగోస్ చిత్రానికి రూ. 6.11 కోట్లు షేర్‌తో పాటు రూ. 10.70 కోట్లు గ్రాస్ వసూలైంది. అంటే మరో రూ. 5.89 కోట్లు రాబడితేనే ఈ సినిమా క్లీన్ హిట్‌ స్టేటస్‌ను చేరుకుంటుంది. కానీ పరిస్థితిని చూస్తుంటే సినిమా టార్గెట్ ని రీచ్ అయ్యేలా కనిపించడం లేదు. అలాగే కొత్త సినిమాలు కూడా విడుదల అవుతుండటం తో అమిగోస్ ని నిరాశ తప్పేలా లేదు.

కొత్త దర్శకుడు రాజేంద్ర రెడ్డి రూపొందించిన చిత్రం ‘అమిగోస్’. డాపుల్ గ్యాంగర్ అనే కాన్సెప్టుతో వచ్చిన ఈ చిత్రంలో అషికా రంగనాథ్ హీరోయిన్‌గా నటించింది. ఈ మూవీని మైత్రీ మూవీ మేకర్స్ సంస్థ బ్యానర్‌పై నవీన్ యెర్నేని, రవిశంకర్‌లు నిర్మించారు. దీనికి గిబ్రాన్ సంగీతాన్ని అందించారు. బ్రహ్మాజీ, సప్తగిరి తదితరులు కీలక పాత్రల్లో కనిపించారు. అయితే మరో వైపు అమిగోస్ మూవీ ఓటీటీ కూడా ఫిక్స్ అయ్యింది. ఈ చిత్రం నెట్ ఫ్లిక్స్ లో స్ట్రీమింగ్ కానుంది. ఇక ఈ సినిమా నాలుగు వారాల తర్వాత స్ట్రీమింగ్ అయ్యే అవకాశం ఉందని తెలుస్తోంది. త్వరలోనే దీని పై క్లారిటీ వచ్చే ఛాన్స్ ఉంది.

తెలుగు సినీ పరిశ్రమలో టాప్ హీరో ఎవరు? అంటే దానికి టక్కున సమాధానం చెప్పడం చాలా కష్టం. ఎందుకంటే మన తెలుగు సినీ పరిశ్రమలో ఉన్నంత మంది హీరోలు మరో సినీ పరిశ్రమలో లేరు అనడంలో ఎలాంటి సందేహం లేదు. ఎవరికి వారే సపరేట్ ఫ్యాన్ బేస్ తో, సపరేట్ ఇమేజ్ తో సూపర్ క్రేజ్ తెచ్చుకున్న మన హీరోలు ఇప్పుడు ప్రపంచమంతా తమ వైపు తిప్పుకునే పనిలో పడ్డారు. ఈ మధ్యకాలంలో వరుసగా బాక్స్ ఆఫీస్ సక్సెస్ లను అందుకుంటూ అంతర్జాతీయ స్థాయిలో కూడా క్రేజ్ అందుకుంటున్నారు.

అయితే తాజాగా టాలీవుడ్ ఇండస్ట్రీలో ఇటీవల అత్యధిక స్థాయిలో క్రేజ్ అందుకున్న వారి లిస్ట్ ను ఆర్మాక్స్ రిలీజ్ చేసింది. ఇండియాలో మోస్ట్ పాపులర్ సర్వే కంపెనీ ఆర్మాక్స్ మీడియా ప్రతి నెల మోస్ట్ పాపులర్ తెలుగు స్టార్స్ సర్వే నిర్వహిస్తోంది. అలాగే జనవరి నెలలో డిజిటల్ మీడియా శాటిలైట్ ఆధారంగా సర్వే చేసి ఎక్కువగా పాపులర్ అయిన టాప్ టెన్ హీరోల ర్యాంక్స్ ను విడుదల చేశారు. ఆ వివరాలు ఇప్పుడు చూద్దాం..

#1 ప్రభాస్

గత కొంత కాలంగా ఈ లిస్ట్ లో మొదటిగా నిలుస్తున్న ప్రభాస్ ఈ సారి కూడా తన స్థానాన్ని నిలబెట్టుకున్నాడు. రాధే శ్యామ్ లాంటి డిజాస్టర్ వచ్చినప్పటికీ కూడా ప్రభాస్ రేంజ్ అయితే అసలు తగ్గలేదు. ఏదో ఒక సినిమా గాసిప్స్ తో అయితే అతని పేరు వైరల్ గానే మారుతుంది.

#2 ఎన్టీఆర్

ఈ లిస్టులో ఎన్టీఆర్ రెండవ ర్యాంకు అందుకున్నాడు. ఇటీవల నాటు నాటు పాట ద్వారా అతనికి కూడా మంచి గుర్తింపు లభించింది.

#3 రామ్ చరణ్

ఆ తర్వాత మూడో స్థానం లో రామ్ చరణ్ ఉన్నాడు. ఇటీవల నాటు నాటు పాట ద్వారా చరణ్ కి కూడా అంతర్జాతీయ గుర్తింపు లభించింది.

#4 అల్లు అర్జున్

ఇక ఈసారి అల్లు అర్జున్ నాలుగవ స్థానంలో నిలిచాడు. పుష్ప సెకండ్ పార్ట్ కు సంబంధించిన లుక్కు ద్వారా సోషల్ మీడియాలో బన్నీ ఎక్కువగా వైరల్ అయ్యాడు.

#5 మహేష్ బాబు

మహేష్ బాబు త్రివిక్రమ్ సినిమా ద్వారానే ఎక్కువగా వార్తల్లో నిలుస్తున్నాడు. అలాగే అతని లేటెస్ట్ లుక్ కూడా సోషల్ మీడియాలో బాగా వైరల్ అయింది. దీంతో మహేష్ అయిదవ స్థానం లో నిలిచాడు.

#6 పవన్ కళ్యాణ్

గతంలో టాప్ ప్లేస్ లో నిలిచిన పవన్ కళ్యాణ్ ర్యాంక్ ఈసారి మరి కొంత తగ్గింది. ఇక ఫైనల్ గా అతను మహేష్ బాబు తర్వాత ఆరవ స్థానానికి పరిమితం అయ్యాడు.

#7 చిరంజీవి

అలాగే సీనియర్ హీరో మెగాస్టార్ చిరంజీవి కూడా ఆర్మాక్స్ సర్వేలో మంచి ర్యాంకును అందుకుంటూ వస్తున్నారు. వాల్తేరు వీరయ్య సినిమా బాక్స్ ఆఫీస్ వద్ద సంచలన విజయాన్ని అనుకోవడంతో ఇప్పుడు ఆయన జనవరిలో ఏడో స్థానంలో నిలిచాడు.

#8 నాని

ఆ తర్వాతి స్థానం లో నేచురల్ స్టార్ నాని దసరా మూవీ అప్డేట్ ల ద్వారా వైరల్ అవుతున్నారు.

#9 రవితేజ

మాస్ మహారాజ రవితేజ కూడా కొన్నిసార్లు అగ్ర హీరోల తరహాలో క్రేజ్ అందుకుంటూ వస్తున్నాడు. వాల్తేరు వీరయ్య సినిమాలో కూడా రవితేజ ఒక ప్రత్యేకమైన పాత్రలో కనిపించాడు. ఇక ఇప్పుడు ఈ సర్వేలో అతను 9వ స్థానంలో నిలిచాడు.

#10 విజయ్ దేవరకొండ

ఇక చివరగా పదవ స్థానంలో విజయ్ దేవరకొండ స్థానం సంపాదించుకున్నాడు. జనవరిలో అతనికి సంబంధించిన మూవీ అప్డేట్స్ అయితే పెద్దగా రాలేదు. అయినప్పటికీ కూడా అతను సోషల్ మీడియాలో హాట్ టాపిక్ గా నిలుస్తున్నాడు.

ఫాల్గుణ మాసం చతుర్ధశి తిథి కృష్ణ పక్షం నాడు మహాశివరాత్రిని జరుపుకుంటారు. ఈ ఏడాది శివరాత్రి ఫిబ్రవరి 18న వచ్చింది. ఈ రోజున శివుడి భక్తులంతా ఉపవాసం ఉంటారు. రాత్రంతా జాగారం చేస్తారు. అయితే శివరాత్రి రోజున వివిధ హీరోల చిత్రాలను రాత్రి పూట ప్రదర్శిస్తారన్న విషయం తెలిసిందే. ఈ నేపథ్యం లో రీ రిలీజ్ ట్రెండ్ లో భాగంగా తమ అభిమాన హీరోల సూపర్ హిట్ సినిమాలను ఒక స్పెషల్ డే రోజున థియేటర్లలో మళ్లీ ప్రదర్శిస్తున్నారు.

ఇప్పుడు హైదరాబాద్ మొత్తం లో ఏ ఏ చిత్రాలు ఎక్కడ ప్రదర్శిస్తున్నారో తెలుసుకుందాం..

#1 అఖండ

నందమూరి నటసింహ బాలకృష్ణ-బోయపాటి శ్రీను కాంబినేషన్ గురించి ప్రత్యేకంగా చెప్పనవసరం లేదు. వీళ్ల కాంబినేషన్ లో గతేడాది వచ్చిన అఖండ సూపర్ హిట్ కొట్టింది. అయితే ఈ సినిమాను మహా శివరాత్రి సందర్భంగా ఫిబ్రవరి 18న హైదరాబాద్ లోని సుదర్శన్ 35 ఎమ్ఎమ్ థియేటర్ లోఅర్ధ రాత్రి 12.15 గంటలకు, సుష్మ 70 ఎమ్ఎమ్ థియేటర్ లో రాత్రి 11.49 గంటలకు ప్రదర్శించనున్నారు.

#2 టెంపర్

యంగ్ టైగర్ జూనియర్ ఎన్టీఆర్, డ్యాషింగ్ అండ్ డేరింగ్ డైరెక్టర్ పూరి జగన్నాథ్ వంటి క్రేజీ కాంబినేషన్ వచ్చి.. ఎన్టీఆర్ కి బంపర్ కం బ్యాక్ ఇచ్చింది టెంపర్ మూవీ. ఈ చిత్రాన్ని మహా శివరాత్రి సందర్భంగా దేవి 70 ఎమ్ఎమ్ లో అర్థరాత్రి 12.15 గంటలకు, సంధ్య 35 ఎమ్ఎమ్ లో అర్థరాత్రి 12.30 గంటలకు షో వేయనున్నారు.

#3 వాల్తేరు వీరయ్య

బాబీ కొల్లి-చిరంజీవి-మాస్ మహారాజా రవితేజ వంటి క్రేజీ కాంబినేషన్ లో వచ్చి సూపర్ హిట్ కొట్టిన చిత్రం వాల్తేరు వీరయ్య. సంక్రాంతి కానుకగా విడుదలైన ఈ సినిమాను మహా శివరాత్రి సందర్భంగా చిరు, రవితేజ అభిమానుల కోసం మళ్లీ ప్రదర్శించనున్నారు. ఫిబ్రవరి 18న సంధ్య 70 ఎమ్ఎమ్ లో అర్థ రాత్రి 12.15 నిమిషాలకు, అలాగే ఉదయం 3 గంటలకు ప్రదర్శించనున్నారు.

#4 పుష్ప: ది రైజ్

స్టైలిష్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్ లో వచ్చి బ్లాక్ బస్టర్ హిట్ కొట్టిన మూవీ పుష్ప. ఈ చిత్రాన్ని మహా శివరాత్రి రోజును పురస్కరించుకుని ఫిబ్రవరి 18న హైదరాబాద్ లోని సుష్మ 70 ఎమ్ఎమ్ థియేటర్ లో ఉదయం 3 గంటలకు షో వేయనున్నారు.

#5 రెబల్

ప్రముఖ కొరియోగ్రాఫర్ రాఘవ లారెన్స్ దర్శకత్వం వహించిన ఈ సినిమాలో ప్రభాస్ తో పాటు దివంగత నటుడు కృష్ణంరాజు కూడా నటించారు. అయితే ఈ సినిమా బాక్సాఫీస్ వద్ద భారీ పరాజయం చవిచూసింది. అయితే ఇప్పుడు ప్రభాస్ అభిమానుల కోసం ఫిబ్రవరి 18న హైదరాబాద్ లోని సంధ్య 35 ఎమ్ఎమ్ లో ఉదయం 3 గంటలకు ప్రదర్శించనున్నారు.

#6 కాంతార

హీరో రిషబ్ శెట్టి స్వీయ దర్శకత్వంలో వచ్చిన కాంతార సినిమాను కేజీఎఫ్ నిర్మాణ సంస్థ హోంబలే ఫిలీంస్ నిర్మించింది. సప్తమి గౌడ హీరోయిన్ గా నటించిన ఈ సినిమాను మహా శివరాత్రి సందర్భంగా ఫిబ్రవరి 18 న హైదరాబాద్ లోన సప్తగిరి 70 ఎమ్ఎమ్ థియేటర్ లో అర్థరాత్రి 12 గంటలకు, ఉదయం 3 గంటలకు స్క్రీనింగ్ చేయనున్నట్లు సమాచారం.

#7 సరిలేరు నీకెవ్వరు

సూపర్ స్టార్ మహేష్ – రష్మిక జంటగా అనిల్ రావిపూడి తెరకెక్కించిన ఈ చిత్రం కూడా శివరాత్రి కి విడుదల కానుంది. ఇంకా ఏ థియేటర్ అన్నది తెలియాల్సి ఉంది.

#8 దూకుడు

మహేష్ – సమంత జంటగా శ్రీనువైట్ల తెరకెక్కించిన ఈ చిత్రం కూడా మహాశివరాత్రికి విడుదల కానుంది.

గత కొంతకాలం గా హీరో కళ్యాణ్ దేవ్, మెగా డాటర్ శ్రీజ ఇద్దరు దూరంగా ఉంటున్న విషయం తెలిసిందే. అయితే వీరిద్దరూ విడిపోయారని.. వేరే పెళ్లిళ్లకు సిద్ధమయ్యారని వార్తలు వస్తున్నాయి. కానీ వీరిద్దరూ విడిపోయినట్లు అధికారికంగా ఎక్కడా ప్రకటించలేదు. అయితే తాజాగా సోషల్ మీడియా వేదికగా ఆరోపణలు ప్రత్యారోపణలు చేసుకోవడం తో వారి కోల్డ్ వార్ బయటపడింది.

ఒకప్పుడు కళ్యాణ్ దేవ్ మామయ్య చిరంజీవి ఇంట్లో ఉండేవాడు. గొడవలు అయ్యాక ఆయన తన ఇంటికి వచ్చేశాడు. శ్రీజ-కళ్యాణ్ దేవ్ ల కూతురు నవిష్క తల్లి వద్దే పెరుగుతుంది. వారిద్దరూ ఎందుకు దూరంగా ఉంటున్నారన్న విషయాలు వ్యక్తిగతం కాబట్టి బయటకి రాలేదు. అయితే ఒకరిపై మరొకరు కోపంగా ఉన్నారని తెలుస్తుంది. వాలెంటైన్స్ డే నాడు వారి సోషల్ మీడియా పోస్ట్స్ అతిపెద్ద చర్చలు దారితీశాయి.

కళ్యాణ్ దేవ్… ‘ఒకరిని ఎంత ఇష్టపడ్డాం అనేది కాదు, ఎలా ట్రీట్ చేశాం అనేది ముఖ్యం..’ అని ఇంస్టాగ్రామ్ స్టేటస్ పోస్ట్ చేశాడు. దానికి కౌంటర్ గా శ్రీజా ‘ఒకరి ప్రేమించడం అంటే అర్థం మిమ్మల్ని ఎక్కువగా ప్రేమించేలా చేసుకోవడం కాదు. తమని తాము ఎక్కువగా ప్రేమించబడేలా చేయాలి. ప్రేమను గుర్తించాలి. ప్రతిచోటా దాని కోసం వెతక కూడదు’ అని శ్రీజా ఇంస్టాగ్రామ్ స్టేటస్ లో కామెంట్ పెట్టారు. కళ్యాణ్ దేవ్ స్టేటస్ ప్రకారం.. ఎవరో తన పట్ల సరిగా వ్యవహరించలేదు. గౌరవం ఇవ్వలేదని పరోక్షంగా చెబుతుంది. దానికి సమాధానం చెబుతున్నట్లు శ్రీజా పోస్ట్ ఉంది. నా ప్రేమను గుర్తించలేకపోయావు. ప్రతి విషయంలో నన్ను ప్రేమించడం లేదని విమర్శించావని చెబుతున్నట్లుగా ఉంది.

దీంతో వీరిద్దరి విబేధాలకు ఈ పోస్ట్ లు స్పష్టతనిచ్చాయి. 2016లో చిరంజీవి చిన్న కుమార్తె శ్రీజ కళ్యాణ్ దేవ్ ని వివాహం చేసుకున్నారు. శ్రీజకు ఇది రెండో వివాహం. ఓ ఐదేళ్లు వీరి ప్రయాణం సాఫీగానే సాగింది. వివాహమైనప్పటికీ శ్రీజ తండ్రి వద్దే ఉండేవారు. చిరంజీవి అల్లుడి హోదాలో కళ్యాణ్ దేవ్ హీరోగా మారాడు. 2021 నుంచి శ్రీజతో కళ్యాణ్ దేవ్ కి విభేదాలు తలెత్తాయి. శ్రీజ తన సోషల్ మీడియా అకౌంట్స్ నుండి కళ్యాణ్ దేవ్ పేరు తొలగించడంతో ఈ విషయం బయటకు వచ్చింది.

తెలుగు ఇండస్ట్రీలో అడుగు పెట్టిన కొంత కాలంలోనే స్టార్ హీరోయిన్ అనే గుర్తింపు సంపాదించుకున్న నటి సాయి పల్లవి. శేఖర్ కమ్ముల దర్శకత్వంలో వచ్చిన ఫిదా సినిమాతో సాయి పల్లవి తెలుగు సినిమా ఇండస్ట్రీలోకి అడుగు పెట్టారు. మొదటి సినిమాతోనే సాయి పల్లవి తనకంటూ ఒక ప్రత్యేక స్థానాన్ని సంపాదించుకున్నారు. తర్వాత తెలుగుతో పాటు తమిళం మలయాళం సినిమాల్లో కూడా నటించారు.

నటించినవి కొన్ని సినిమాలే అయినా..అందరికీ భిన్నంగా, తన స్వభావానికి దగ్గరగా ఉండే సినిమాలు తియ్యడం సాయి పల్లవి నైజం. నటనలోనూ, నాట్యం లోనూ , పెద్ద హీరోలతో పోలిస్తే దేనికి తీసిపోదు. తను ఎంచుకునే కథలతోనే అందరి మనసులు దొచేస్తోంది. అయితే సాయి పల్లవి గత కొంతకాలంగా ఏ సినిమాకి సైన్ చెయ్యలేదు. తెలుగులో విరాట పర్వం తర్వాత ఆమె మరో చిత్రం లో నటించలేదు. దీంతో సాయి పల్లవి సినిమాల నుంచి తప్పుకోనుందని.. ఆమె డాక్టర్ వృత్తిలో స్థిరపడాలని చూస్తున్నట్లుగా వార్తలు వచ్చాయి.

కానీ అవేవి నిజం కాదని తాజాగా వచ్చిన ఒక అప్డేట్ చెప్తోంది. సాయి పల్లవి తాజాగా ఓ వెబ్ సిరీస్‌లో నటించేందుకు పచ్చజెండా ఊపినట్లుగా తెలుస్తోంది. ఫీల్ గుడ్ చిత్రాల దర్శకుడ శేఖర్ కమ్ముల శిష్యుడు డైరెక్ట్ చేయబోతున్న ఈ వెబ్ సిరీస్‌లో సాయి పల్లవి నటించేందుకు ఓకే చెప్పిందని సమాచారం. నెట్ ఫైల్స్ కోసం రూపొందుతున్న ఆ నాయికా ప్రధానమైన సిరీస్ కి సాయి పల్లవి అయితేనే కరెక్టుగా ఉంటుందని భావించి ఆమెను సంప్రదించినట్టు సమాచారం. సాయిపల్లవి గ్రీన్ సిగ్నల్ ఇచ్చినట్టేనని అంటున్నారు. దీనిపై అధికారిక సమాచారం రావాల్సి ఉంది.

సాయి పల్లవి చేసినవి వేళ్ళమీద లెక్కపెట్టే సినిమాలు. కానీ ఏళ్ళతరబడి గుర్తుండిపోతాయి. నటనకు ప్రాధాన్యం ఉన్న కథలను ఎంచుకుంటూ తనకంటూ ఒక గుర్తింపు సంపాదించుకుంది. ఇక ఈ మధ్య కాలంలో తన నుంచి ఒక ప్రాజెక్ట్ కూడా అనౌన్స్ కాలేదు. ఆమె నుంచి ఒక్క సినిమా కూడా రాలేదంటే కారణం అవకాశాలు రావడం లేదని కాదు.ఆమెకు నచ్చే కథలు ఆమె దగ్గరుకు వెళ్ళలేదని అర్థం. దీంతో ఆమె తదుపరి ప్రాజెక్టుల కోసం ఫాన్స్ ఆసక్తిగా ఎదురు చూస్తున్నారు.

‘ఆర్ఆర్ఆర్’ సినిమా తో ఎన్టీఆర్ క్రేజ్ మరింత పెరిగిపోయింది. పాన్ ఇండియా స్టార్ అయిపోయారు. ఇప్పుడు యంగ్ టైగర్ ఎన్టీఆర్ స్టార్ డైరెక్టర్ కొరటాల శివ కాంబో లో ఇంకో సినిమా ఓకే చేసారు. అయితే సినిమా టైటిల్ ఇంకా ఫిక్స్ చెయ్యలేదు. ఇంతకు ముందు ఎన్టీఆర్, స్టార్ డైరెక్టర్ కొరటాల శివ కాంబో లో వచ్చిన జనతా గ్యారేజ్‌ బ్లాక్ బస్టర్ చిత్రం వచ్చిన నేపథ్యంలో ఎన్టీఆర్‌ 30పై భారీ అంచనాలు నెలకొన్నాయి. ఇప్పుడు ఈ తాజా చిత్రం ఈ నెల 24 నుంచి సెట్ మీదకు వెళ్లబోతోంది. పూజ కు డేట్ కూడా ఫిక్స్ అయింది.

ఎన్టీఆర్ ఆర్ట్స్, యువ‌సుధ ఆర్ట్స్ సంయుక్త భాగ‌స్వామ్యంలో ఎన్టీఆర్‌ 30 సినిమా ని తెర మీద కి తీసుకు వస్తున్నారు. అనిరుధ్ ర‌విచంద‌ర్ ఈ సినిమా కి మ్యూజిక్ ఇస్తున్నారు. అలానే ఎన్టీఆర్ 30కి ర‌త్న‌వేల్‌ సినిమాటోగ్రాఫ‌ర్‌గా పని చేస్తున్నారు. అయితే ఇప్పటికే వచ్చిన పోస్టర్స్, వీడియోస్ ని బట్టి ఈ చిత్రం సముద్రం, పోర్ట్, స్మగ్లింగ్ నేపథ్యంలో అల్లుకున్న కథ అని తెలుస్తోంది. అయితే తాజాగా ఈ చిత్రానికి సంబంధించిన ఒక అప్డేట్ వైరల్ గా మారింది.

ఈ మూవీ లో ఎన్టీఆర్ తండ్రీ కొడుకులుగా నటించబోతున్నట్లు తెలుస్తోంది. రివెంజ్ డ్రామాగా ఈ సినిమా తెరకెక్కనున్నట్లు సమాచారం. అయితే ఎన్టీఆర్ తో పాన్ ఇండియా సినిమా చేస్తూ దర్శకుడు కొరటాల ఇంత సింపుల్ కథ రాసుకుంటారు అని అనుకుంటే తప్పే అవుతుంది. కచ్చితంగా ఇప్పటి వరకు టచ్ చేయని విషయాలు కచ్చితంగా ఉంటాయి. కొరటాల సినిమా కథ ఇలా వుంటుంది అని లీక్ లు రావడం ఇదేం కొత్త కాదు. ఆచార్య విషయంలో కూడా ముందుగా ఇలాగే లీకులు వచ్చాయి. కానీ తీరా సినిమా వచ్చాక అవన్నీ కరెక్ట్ కాదని తెలిసింది.

అందుకే ఈ సినిమా కథ ఎలా ఉంటుందో సినిమా సెట్ మీదకు వెళ్లాక అయినా క్లారిటీ వచ్చే అవకాశం ఉంది. ఇక మరోవైపు ఇప్పటికే ఎన్టీఆర్ బర్త్ డే కానుకగా వచ్చిన ఒక మాస్ మోషన్ పోస్టర్ గ్లింప్స్ అందర్నీ ఆకట్టుకుంది. ఎన్టీఆర్ అభిమానుల్లో ఈ సినిమాపై ఓ రేంజ్ లో హైప్ ని ఇచ్చింది. దీంతో ఈ సినిమా ఎప్పుడెప్పుడు విడుదల అవుతుందా అని నందమూరి ఫ్యాన్స్ ఆసక్తిగా ఎదురు చూస్తున్నారు.