Harika

అయోధ్యలో రాముని ప్రాణ ప్రతిష్ట వేడుక ఎంతో ఘనంగా జరిగింది. ఎంతో మంది ప్రముఖుల మధ్య, ఎంతో మంది భక్తుల మధ్య ఈ వేడుక జరిగింది. ఎన్నో దశాబ్దాల కృషికి ఇప్పుడు ఫలితం వచ్చింది. రామ మందిరం నిర్మాణం కోసం ఎంతో మంది పోరాడారు.

అలాంటి పోరాట ఫలితం ఇది. ఇది నిజంగా భారత దేశంలో మరొక పండుగ రోజు అని అన్నారు. రాముని ప్రాణ ప్రతిష్ట జరుగుతున్నప్పుడు భారతదేశంలో ఎన్నో మందిరాల్లో, ఎంతో మంది తమ ఇళ్లలో పూజ చేసుకున్నారు. భద్రాద్రిలో కూడా ఎన్నో ప్రత్యేక పూజా కార్యక్రమాలు నిర్వహించారు.

మామిడి ఆకుల తోరణాలు కట్టి, ఎన్నో రకాల పూలతో ఆలయాన్ని ఎంతో అందంగా అలంకరించారు. నిత్య కళ్యాణ మండపంలో ఆరోజు ఉదయం సీతారాములకు సువర్ణ పుష్పార్చన చేశారు. ఆ తర్వాత సీతారాములను పట్టణ పురవీధుల్లో శోభాయాత్రకి తీసుకువెళ్లారు. ఆరోజు శ్రీరామ ప్రచార రథంతో శోభాయాత్ర చేసిన తర్వాత సాయంత్రం సుందరాకాండ దీపోత్సవం నిర్వహించారు. ఆరోజు రామాలయంలో భక్తుల రద్దీ ఎక్కువగా ఉంది. ఆరోజు పూజలతో పాటు ఎన్నో సాంస్కృతిక కార్యక్రమాలు కూడా నిర్వహించారు.

భద్రాచలం అనేది తెలంగాణ లో ఎంతో పేరు పొందిన పుణ్యక్షేత్రం. తెలంగాణలో మాత్రమే కాదు. భారతదేశంలో ఉన్న గొప్ప పుణ్యక్షేత్రాల్లో భద్రాచలం కూడా ఒకటి. అలాంటిది భద్రాచలానికి వెళ్లడానికి కనీస ట్రైన్ సౌకర్యం కూడా బలంగా లేదు అనేది ఆలోచించాల్సిన విషయం. భద్రాచలంకి వెళ్లడానికి కేవలం ఒక ట్రైన్ మాత్రమే ఉంది. అంత గొప్ప పుణ్యక్షేత్రానికి వెళ్లడానికి సరైన ట్రైన్ సౌకర్యం లేకపోవడం అనేది గమనార్హం.

భద్రాచలంకి వెళ్ళాలి అంటే డైరెక్ట్ ట్రైన్స్ అందుబాటులో లేవు. డోర్నకల్ లో దిగి అక్కడనుండి వెళ్ళాలి. మరొక విషయం ఏంటంటే ఇక్కడ సౌకర్యాలు కూడా మిగిలిన పుణ్యక్షేత్రాలతో పోల్చి చూస్తే అంత బాగా అందుబాటులో ఉండవు. తిరుమల లాంటి పుణ్యక్షేత్రానికి కల్పించిన వసతులు భద్రాచలానికి ఎందుకు లేవు? తిరుమలకి వెళ్లడానికి ట్రైన్లు ఎక్కువగా ఉంటాయి. అక్కడికి వెళ్లాక వసతులు కూడా బాగుంటాయి. అన్ని అందుబాటులో ఉంటాయి. యాదాద్రి విషయంలో కూడా ఇంతే. అన్ని సౌకర్యాలు ఉంటాయి.

కానీ భద్రాద్రి విషయంలో మాత్రం ఇంకా కొంచెం జాగ్రత్తలు తీసుకోవాలి ఏమో. మరి కొన్ని ట్రైన్లు ఏర్పాటు చేస్తే భద్రాచలానికి వెళ్లే భక్తుల సంఖ్య ఇంకా పెరుగుతుంది. ఇంకా ఎంతో మంది భక్తులకి రాముడిని దర్శించుకునే అవకాశం కలుగుతుంది. ఇదే విషయానికి సంబంధించి సోషల్ మీడియాలో ఒక వీడియో వైరల్ అవుతోంది. భద్రాద్రి కుర్రాడు అనే పేజ్ లో ఈ వీడియో షేర్ చేశారు.  ఈ వీడియోపై ఎంతో మంది నెటిజన్లు తమ అభిప్రాయాన్ని వ్యక్తం చేస్తున్నారు

watch video :

https://www.instagram.com/p/C2Y4gcapqbU/

ALSO READ : ఇది కదా గెలుపంటే… 32 ఏళ్ల కింద “నరేంద్ర మోడీ” శపథం… ఇప్పుడు చేసి చూపించారు.!

అయోధ్యలోని రామ మందిరంలో రాముడి ప్రాణప్రతిష్ఠ అంగరంగ వైభవంగా జరిగింది. ఎంతో మంది ప్రముఖులు ఈ వేడుకకి హాజరు అయ్యారు. ప్రపంచవ్యాప్తంగా ఎంతో మంది ఈ వేడుకని యూట్యూబ్, సోషల్ మీడియా ద్వారా చూసారు.

డిసెంబర్ 22, 1949 లో బాబ్రీ మసీద్ లో రాముడి విగ్రహం కనిపించింది. యాదృచ్చికంగా ఆ విగ్రహం మసీద్ లో కనిపించింది అని చెప్తారు. ఈ కారణంగా ఎన్నో సంవత్సరాలు అక్కడ గుడి కట్టాలి అనే విషయం మీద పోరాటం జరిగింది. ఇది ఎన్నో దశాబ్దాలు నడిచింది.

ఇప్పుడు మైసూరుకి చెందిన అరుణ్ యోగిరాజ్ రూపొందించిన రాముడి విగ్రహాన్ని గుడిలో ప్రతిష్టించారు. అయితే ఇప్పుడు పాత విగ్రహాన్ని ఏం చేస్తారు అనే సందేహం నెలకొంది. ఆలయ నిర్మాణ కమిటీ చైర్మన్ నృపేంద్ర మిశ్రా ఎన్‌డిటివికి ఈ విషయం మీద స్పష్టత ఇస్తూ చెప్పారు. పాత విగ్రహం కూడా అదే రామ మందిరంలో ఉంటుంది అని చెప్పారు. కొత్త రాముడి ప్రతిమకు ఆపోజిట్ గా ఈ విగ్రహాన్ని సింహాసనం మీద ప్రతిష్టిస్తారు అని చెప్పారు.

రెండు రాముని ప్రతిమలని సింహాసనం మీద ప్రతిష్టించారు అని చెప్పారు. ఈ రామ మందిరాన్ని 70 ఎకరాల కాంప్లెక్స్ లో దాదాపు 2. 67 ఎకరాల విస్తీర్ణంలో నిర్మించారు. ప్రస్తుతానికి ఒక ఫేజ్ కట్టడం పూర్తి అయ్యింది. డిసెంబర్ 2025 నాటికి రెండవ ఫేజ్ కూడా పూర్తి చేస్తారు. ఇంక ఈ వేడుకకి చాలా మంది ప్రముఖులు హాజరు అయ్యారు. తెలుగు సినిమా ఇండస్ట్రీ నుండి మెగాస్టార్ చిరంజీవి, రామ్ చరణ్ వెళ్లారు. అంతే కాకుండా పవన్ కళ్యాణ్ కూడా హాజరు అయ్యారు.

రజనీకాంత్ కూడా ఈ వేడుకకి వెళ్లారు. చాలా మంది ప్రముఖులకి ఆహ్వానాలు అందాయి. కానీ వారిలో కొంత మంది మాత్రం వెళ్లలేదు. మరి అందుకు కారణాలు ఏంటి అనేది తెలియదు. విరాట్ కోహ్లీ, అనుష్క శర్మకి కూడా ఆహ్వానం అందించారు. ఆ ఫోటో కూడా సోషల్ మీడియాలో పోస్ట్ చేశారు. కానీ వారిద్దరూ ఆ వేడుకకి వెళ్ళలేదు.

కుటుంబంలో ఒక ఎమర్జెన్సీ సమస్య రావడం కారణంగా వెళ్లలేదు అని అన్నారు. సచిన్ టెండుల్కర్, అనిల్ కుంబ్లే వంటి వారు రామ మందిరానికి వెళ్లారు. ముఖేష్ అంబానీ కూడా రామ మందిరానికి కుటుంబ సమేతంగా వెళ్లారు. రామ మందిరం వేడుకని పురస్కరించుకొని వారి భవనం అయిన ఆంటీలియాని కూడా దీపాలతో అలంకరించారు. జైశ్రీరామ్ అనే పదాలు కనిపించేలాగా ఆ దీపాలు ఉన్నాయి. వారి భవనం ముందు ఉన్న రోడ్ అంతా కూడా ఇలాగే అలంకరించారు.

ALSO READ : అయోధ్య వేడుకలో ఇదే వెలితి… రామమందిరం కోసం ఎంతో కష్టపడ్డారు..కానీ అద్వానీ గారు ఇప్పుడు ఎందుకు రాలేదు?

అయోధ్యలో రామ మందిరంలో శ్రీరాముడి విగ్రహ ప్రాణప్రతిష్ఠ ఇవాళ ఘనంగా జరగనుంది. దీని కోసం ఎంతో భారీగా ఏర్పాటు కూడా చేశారు. ఈ వేడుకకి ఎంతో మంది సినీ, రాజకీయ, క్రీడా ప్రముఖులు హాజరు అవుతున్నారు.

తెలుగు నుండి చిరంజీవికి, రామ్ చరణ్ కి, ప్రభాస్ కి, జూనియర్ ఎన్టీఆర్ కి ఆహ్వానాలు అందాయి. వీరిలో జూనియర్ ఎన్టీఆర్ తప్ప మిగిలిన వాళ్ళు అందరూ కూడా వేడుకకి వెళ్తున్నారు. సినిమా షూటింగ్ పనిలో బిజీగా ఉండడం వల్ల జూనియర్ ఎన్టీఆర్ ఈ వేడుకకి వెళ్లలేకపోతున్నారు. శ్రీరాముడి విగ్రహాన్ని అరుణ్ యోగిరాజ్ అనే వ్యక్తి ఎంతో భక్తి శ్రద్ధలతో రూపొందించారు.

గత శుక్రవారం నాడు శ్రీరాముడి విగ్రహాన్ని అయోధ్యకి తరలించారు. అయితే ఈ విగ్రహానికి ఒక ప్రత్యేకత ఉంది. ఇందులో విష్ణుమూర్తి యొక్క 10 అవతారాలు కూడా ఉండేలాగా ఈ విగ్రహాన్ని రూపొందించారు. ఆ వివరణ కూడా ఎంతో చక్కగా రూపొందించారు అని విగ్రహం చూస్తుంటే తెలుస్తోంది. శ్రీరాముడి విగ్రహం మీద రూపొందించిన 10 అవతారాలు ఏంటో ఇప్పుడు చూద్దాం.

కూర్మావతారం

కూర్మావతారం, అంటే తాబేలు లాగానే అసురులకి, దేవుళ్ళకి మధ్య యుద్ధం జరిగినప్పుడు, మహావిష్ణువు క్షీరసాగర మధనం సమయంలో మందర పర్వత బరువుని మోసారు.

వరాహవతారం

వరాహవతారంలో శ్రీ విష్ణువు భూమిని రక్షించడం కోసం హిరణ్యకశ్యపుడితో యుద్ధం చేశారు. భూమిని మునిగిపోకుండా తన దంతాలతో రక్షించారు. అందుకే వరాహవతారం భూమికి దగ్గరగా ఉంటుంది.

నరసింహావతారం

హిరణ్యకశిపుడు నుండి భక్త ప్రహ్లాదుడిని కాపాడటానికి విష్ణుమూర్తి నరసింహావతారం ఎత్తారు. భూమిపై ఎన్ని రకాల జీవరాసులు ఉంటాయో అనే విషయాన్ని నరసింహావతారం ద్వారా విష్ణుమూర్తి తెలియజేశారు.

వామనావతారం

బాలి అనే రాజు నుండి పృథ్వీ, దేవ, పాతాళ లోకాలని కాపాడటానికి శ్రీ విష్ణు వామనావతారంలో దర్శనం ఇచ్చారు. యజ్ఞం సమయంలో వామనావతారంలో వెళ్ళిన శ్రీ విష్ణువు, బాలి రాజుని తన పాదం ఉన్న స్థలాన్ని తనకి ఇవ్వమని అడిగారు. అందుకు బాలి రాజు అంగీకరిస్తారు. కానీ తర్వాత వామనావతారంలో వచ్చింది మరెవరో కాదు శ్రీ విష్ణువు అని అర్థం చేసుకుంటారు.

పరశురామ అవతారం

బ్రాహ్మణుడి, క్షత్రియుడి విధులు ఏంటో వివరించడానికి శ్రీ విష్ణువు పరశురామ అవతారంలో దర్శనం ఇచ్చారు. పరమశివుడి మహా భక్తుడు అయిన పరశురాముడికి ఒక గొడ్డలి వరంగా లభిస్తుంది. మనుషులు మొదట్లో అడవుల్లో బతికేవారు. వారి మొదటి ఆయుధం కూడా గొడ్డలి. ఇదే విషయాన్ని, అంటే మానవ జీవితం ఎలా మొదలయ్యింది అనే విషయాన్ని పరశురామ అవతారం ద్వారా తెలియజేశారు.

రామావతారం

రావణుడిని సంహరించడానికి త్రేతా యుగంలో శ్రీ విష్ణువు రామావతారంలో జన్మించారు. తనకంటే తన విధులు ఎంత ముఖ్యమో, ఒక వ్యక్తి తన విధులు ఎలా నిర్వహించాలో చెప్పడానికి శ్రీ విష్ణువు ఈ అవతారం ఎత్తారు.

బుద్దావతారం

ప్రపంచం సత్యంతో నడవడం అనేది ఎంత ముఖ్యం అనే విషయాన్ని తెలియజేయడానికి శ్రీ విష్ణువు బుద్ధుడి అవతారాన్ని ఎత్తారు.

కృష్ణావతారం

కంసుడిని సంహరించడానికి, మానవులు సమాజంతో పాటు ఎలా మెరుగుపడాలి అనే విషయాన్ని తెలియజేయడానికి శ్రీ విష్ణువు కృష్ణావతారం ఎత్తారు. అర్జునుడికి కురుక్షేత్ర సమయంలో గీతోపదేశం చేసి, శ్రీకృష్ణుడు వాస్తవికత అనే అంశం గురించి తెలియజేశారు. జీవితం అనే ప్రయాణం గురించి, అందులో మానవమేధస్సు ఎలా ఉండాలి అనే విషయం గురించి చాటి చెప్పడానికే కృష్ణావతారంగా దర్శనం ఇచ్చారు.

కల్కి అవతారం

కల్కి అనేది శ్రీ విష్ణువు యొక్క పదవ అవతారం. మానవులలో చీకటి కోణం బయటికి వచ్చినప్పుడు, ప్రపంచాన్ని అలాంటి వ్యక్తుల బారి నుండి కాపాడడానికి శ్రీ విష్ణువు కల్కి అవతారం ఎత్తారు. అధర్మాన్ని తొలగించి, మరొక కొత్త యుగానికి నాంది పలకడానికి శ్రీ విష్ణువు కల్కి అవతారంలో దర్శనం ఇచ్చారు.

ఈ విధంగా, శ్రీరాముడి ప్రతిమ మీద శ్రీ విష్ణువు పది అవతారాలు కూడా ఉండేలాగా అయోధ్యలోని రామ మందిరంలోని రాముడి విగ్రహాన్ని రూపొందించారు.

ALSO READ : HANUMAN FOR SRIRAM: టికెట్ కి 5 రూపాయల చొప్పున…”హనుమాన్ టీం” అయోధ్యకి మొత్తం ఎంత డొనేట్ చేసారో తెలుసా.?