Harika Page 77
Author

Harika

Hi, This is Harika. I have been working as a web content writer in Telugu Adda from the past one year and am experienced in writing articles in cinema, sports, inspiring stories and flash news categories.

NewsPolitics

2024.. జగనన్న వన్స్ మోర్.. కూత పెట్టి కబడ్డి ఆడిన మంత్రి రోజా!

by Harika
written by Harika

ఆడదాం ఆంధ్ర కార్యక్రమం ముగింపు సందర్భంగా మంత్రి రోజా కబడ్డీ ఆడి అందరినీ కనువిందు చేసింది. అంతకంటే ఎక్కువగా ఆమె పెట్టిన కూత అందరిని ఆకర్షించింది. 2024.. జగనన్న వన్స్ మోర్ అంటూ కూత పెట్టి రోజూ బరిలోకి దిగితే అందరూ హర్షద్వానాలతో మంత్రి రోజాను ఎంకరేజ్ చేశారు. మామూలుగానే రోజా సీఎం జగన్మోహన్ రెడ్డికి వీరాభిమాని.

అవకాశం వచ్చిన ప్రతిసారి తన అభిమానాన్ని ప్రదర్శించేందుకు ప్రయత్నిస్తూ ఉంటుంది రోజా. అయితే కబడ్డీ బరిలో దిగిన మంత్రి రోజా కబడ్డీ కబడ్డీ అని కూత పెట్టకుండా 2024.. జగనన్న వన్స్ మోర్ అంటూ కూత పెట్టారు. అనంతరం కూతకు వచ్చిన ప్రత్యర్ది ని క్యాచ్ పట్టి మురిసిపోయారు. మధ్యలో ఒకసారి వెనక్కి తిరిగి కాలెత్తి లెగ్ టచ్ కోసం ప్రయత్నం చేశారు. ఇప్పుడు ఈ వీడియో సామాజిక మాధ్యమాలలో తెగ వైరల్ అవుతుంది.

ఆ తర్వాత మీడియాతో మాట్లాడిన రోజా షర్మిల టైంపాస్ రాజకీయాలు చేస్తోందంటూ షర్మిల పై ఫైర్ అయ్యారు. షర్మిల మాట్లాడే ప్రతి మాట చంద్రబాబు స్క్రిప్ట్టేఅని చురక అంటించారు. వైయస్సార్ పంచలు ఊడదీసి కొడతా అన్నా పవన్ కళ్యాణ్ ఇంటికి వెళ్లి పెళ్ళికి ఆహ్వానించి వచ్చిందని ఆగ్రహించారు. టీడీపీ కోవర్ట్ అన్న రేవంత్ రెడ్డి తో ఏ మొహం పెట్టుకొని పొత్తు పెట్టుకున్నారు అని ఫైర్ అయ్యారు.

ప్రతిపక్షాలు దుమ్మెత్తి పోయటం, విమర్శలు చేయడం తప్పితే ఏం చేస్తుంది అంటూ ప్రతిపక్షాలపై విరుచుకుపడ్డారు రోజా. ఆడదాం ఆంధ్ర కార్యక్రమం ప్రారంభంలో కూడా రోజా కబడ్డీ ఆడి ప్లేయర్లందరినీ ఉత్సాహపరిచారు రోజా అప్పుడు కూడా వెరైటీగా కోత పెడుతూ చెట్టు మీద కొంగ.. చంద్రబాబు దొంగ అంటూ కూతకు వెళ్ళటం జరిగింది. ఆరోజు ఆ వీడియో కూడా సోషల్ మీడియాలో తెగ వైరల్ అయింది.

News

సామాన్యులకు భారీ ఊరట.. ప్రధానమంత్రి సూర్యోదయ యోజన పథకం!

by Harika
written by Harika

కరెంట్ బిల్లులు మోత మోగుతున్న ఈ కాలంలో ఉచితంగా కరెంటు పొందే అవకాశాన్ని కేంద్రం కల్పిస్తుంది. జీవితాంతం ఉచితంగా విద్యుత్ పొందేలా అద్భుతమైన స్కీం ని తీసుకొచ్చింది. ప్రధానమంత్రి నరేంద్ర మోదీ ఇటీవల ప్రారంభించిన ప్రధానమంత్రి సూర్యోదయ యోజనకు సంబంధించి ఇప్పుడు అంతటా చర్చ జరుగుతుంది. ఈ పథకం ద్వారా దేశంలోని కోటి ఇండ్లకు ప్రతినెల 300 యూనిట్ల కరెంటు ఉత్పత్తి చేసే సౌరఫలకాలను ఏర్పాటు చేయబోతున్నారు.

ఇళ్ల పైకప్పుల పై సోలార్ ప్యానల్స్ ని అమర్చుకోవడానికి కేంద్ర ప్రభుత్వం భారీగా సబ్సిడీ ఇస్తుంది. గతంలో 40% సబ్సిడీ ఇస్తే ఇప్పుడు దానిని 60 శాతానికి పెంచారు, మిగిలిన 40 శాతం మొత్తాన్ని ప్రజలు రుణంగా తీసుకోవచ్చు. ఆర్థికంగా వెనుకబడిన వారు పీఎంఎస్ పథకం ద్వారా గరిష్ట ప్రయోజనాలను పొందేలా చేయటం అనేది ప్రభుత్వ లక్ష్యమని కేంద్ర నూతన, పునరుత్పాదక ఇంధన శాఖ మంత్రి ఆర్కే సింగ్ తెలిపారు.

నెలవారీ విద్యుత్ వినియోగం 300 యూనిట్లు కంటే తక్కువ ఉన్న వారికి ప్రాధాన్యత ఇస్తారు. ప్రధానమంత్రి సూర్యోదయ యోజన పథకాన్ని అమలు చేసేందుకు ప్రభుత్వం స్పెషల్ పర్సన్ వెహికల్ ని రూపొందిస్తుంది. ప్రతి రాష్ట్రానికి ప్రత్యేక ఎస్ పి వి లను ఏర్పాటు చేస్తారు. ప్రభుత్వం నుంచి పొందే 60% సబ్సిడీ కాకుండా మిగిలిన 40 శాతం ఎస్పీవీ నుంచి రుణంగా తీసుకోవచ్చు.గత నెలలో అయోధ్య రామ మందిర ప్రారంభోత్సవం అనంతరం ప్రధాని నరేంద్ర మోడీ ఈ పథకాన్ని ప్రకటించారు.

ఫిబ్రవరి 1న లోక్ సభలో బడ్జెట్ ని సమర్పిస్తూ ఆర్థిక మంత్రి నిర్మల సీతారామన్ కూడా దీని గురించి మాట్లాడారు. బడ్జెట్లో పథకానికి పదివేల కోట్లు కేటాయించారు. దేశంలో సౌరశక్తితో 100 గిగావాట్ల విద్యుత్ను ఉత్పత్తి చేయాలని ప్రభుత్వం లక్ష్యంగా పెట్టుకుంది. 2019 -20 ఆర్థిక సంవత్సరంలో సౌరశక్తితో దాదాపు 35 గిగావాట్ల విద్యుత్ ఉత్పత్తి చేశారు. ఈ పథకంలో ఉత్పత్తిదారులు ఖర్చు చేయగా మిగిలిన విద్యుత్ని ఎస్ పి వి కొనుగోలు చేస్తుంది.

Mythology

ఇంటి టెర్రస్ పై ఈ వస్తువులు పెట్టకండి.. లక్ష్మీదేవి ఆగ్రహానికి గురికాకండి!

by Harika
written by Harika

మానవ ప్రయత్నం ఎంత చేసినప్పటికీ ఇంట్లో గాని, వ్యక్తిలో గాని అభివృద్ధి కనిపించకపోతే కచ్చితంగా మానవతీత శక్తి ఒకటి మనకి అవరోధంగా ఉందని ఆలోచించాలి. మన కష్టానికి దైవానుగ్రహం తోడైతేనే మన అభివృద్ధి బాగుంటుంది. మనం ఎంత ప్రయత్నించినప్పటికీ మన చేతిలో డబ్బులు నిలవక పోవటం, మన కుటుంబంలో శాంతి లేకపోవటం, మన జీవితంలో అభివృద్ధి సాధించలేకపోవడం వంటివి జరుగుతున్నాయంటే కచ్చితంగా ఎక్కడో ఏదో దోషం ఉన్నట్లు లెక్క.

ముందుగా మీ ఇంట్లో వాస్తు దోషాలు ఉన్నాయేమో పరిశీలించండి. మీ ఇంటి టెర్రస్ పై ఈ వస్తువులు ఉంచినట్లయితే లక్ష్మీదేవి ఆగ్రహానికి గురవుతారు. టెర్రస్ పై ఈ వస్తువులు లేకుండా చూడండి. అవేమిటో చూద్దాం. ఇంటి టెర్రర్స్ ఎప్పుడూ పరిశుభ్రంగా ఉండాలి. పరిశుభ్రంగా లేని టెర్రస్ లక్ష్మీదేవికి ఆగ్రహం తెప్పిస్తుంది. టెర్రస్ ఎప్పుడూ మొక్కలు, పచ్చని చెట్లతో కళకళలాడుతూ ఉంటే ఆ ఇల్లు సుఖ సంతోషాలతో నిండి ఉంటుంది.

నీలం పువ్వులు ఉన్న మొక్కలను ఉత్తర దిశలో, పడమర దిశలో తెల్లని పువ్వులతో కూడిన మొక్కలను నాటడం వలన పిల్లలలో సృజనాత్మక శక్తి పెరుగుతుందని పెద్దలు చెప్తారు. అలాగే టెర్రస్ పై వాటర్ ట్యాంక్ ని పెట్టినట్లయితే దానిని నైరుతి దిశలో ఉండేలాగా చూసుకోండి. అలాగే ఎట్టి పరిస్థితులలోనూ టెర్రస్ పై తుప్పు పట్టిన ఇనుము లేదా వెదురు వస్తువులను ఉంచకండి, దీనివల్ల రాహు దోషం పెరుగుతుంది. అలాగే టెర్రస్ లేదా ఇంటి పైకప్పు ఎప్పుడూ శిధిలమై ఉండకూడదు.

వాస్తు విశ్వాసాల ప్రకారం పైకప్పు పగుళ్లు, వర్షాకాలంలో తేమ కారణంగా ఇంట్లో తీవ్రమైన వాస్తు దోషాలు ఏర్పడుటమే కాకుండా లక్ష్మీదేవి ఆగ్రహానికి కూడా గురి కావాల్సి వస్తుంది.అలాగే చీపురు కట్ట ఇంటిపై కప్పు పై ఉంచకూడదు. చీపురు ఇంటి టెర్రస్ పై ఉంటే దొంగతనాల భయం నెలకొంటుంది. జాగ్రత్తలు పాటిస్తూనే లక్ష్మీదేవిని నిత్యం ప్రసన్నం చేసుకున్నట్లయితే లక్ష్మీదేవి అనుగ్రహం తో పాటు జీవితంలో అభివృద్ధి మానసిక ప్రశాంతత కూడా లభిస్తుంది.

MythologyNews

మేడారం జాతరలో.. వీరి సంపాదన ఏ రేంజ్ లో ఉంటుందో తెలుసా.? ఈ లెక్కలు చూడండి.!

by Harika
written by Harika

శివశక్తుల పూనకాలు, డప్పు చప్పుళ్ళు, బంగారమెత్తుకొని బయలుదేరిన భక్తులు. కనుచూపుమేలలో ఇసుకేస్తే రాలనంత జనంతో తెలంగాణ కుంభమేళా అదేనండి ప్రపంచంలోనే అతిపెద్ద గిరిజన జాతర సమ్మక్క సారలమ్మ జాతర కనువిందుగా జరుగుతుంది. ఈ జాతరకు సమ్మక్క సారలమ్మలకు అత్యంత ప్రియమైన బంగారాన్ని( బెల్లం) నెత్తిన పెట్టుకొని మొక్కులు చెల్లించుకునేందుకు పోటు ఎత్తుతున్నారు భక్తజనం. ఆసియాలోనే అతిపెద్ద గిరిజన జాతరకు దేశంలోని వివిధ రాష్ట్రాలతో పాటు వివిధ దేశాల నుంచి భక్తులు పాల్గొని మొక్కులు చెల్లించుకుంటారు. అమ్మవార్లకు మొక్కు చెల్లింపుల్లో ప్రధానమైనది బెల్లం.

medaram jathara 4

కోరిన కోరికలు తీరితే ఎత్తు బంగారం( బెల్లం) సమర్పించుకుంటామని మొక్కుకున్నవారు సమ్మక్క పున్నం( పౌర్ణమి) నుంచి మొదలుకొని జాతర వరకు బెల్లాన్ని సమర్పించుకుంటూ ఉంటారు. మేడారం జాతరకు నెలరోజులు ముందు నుంచే బెల్లం వ్యాపారం జోరు అందుకుంటుంది. వరంగల్ ప్రాంతానికి భారీగా బెల్లం దిగుమతి జరుగుతుంది వరంగల్ జిల్లాకు పాత బీట్ బజార్ నుంచి అత్యధికంగా బెల్లం రవాణా అవుతుంది. ఉమ్మడి వరంగల్లోని వివిధ ప్రాంతాలకు టోకుగా కూడా ఇక్కడి నుంచే వ్యాపారులు తీసుకువెళ్తారు.

ఇటీవల జనగాం, మహబూబాబాద్, పరకాల, వర్ధన్నపేట, స్టేషన్ ఘనపూర్, గోపాలపల్లి, ములుగు ఇతర పట్టణాల్లో కూడా బెల్లం వ్యాపారం జోరుగా సాగుతుంది. మామూలు రోజుల్లో సుమారు పది టన్నుల వరకు వ్యాపారం జరిగితే జాతర సమయంలో 35 నుంచి 40 టన్నుల వ్యాపారం జరుగుతుందని వ్యాపారులు చెబుతున్నారు. టోకువర్తకమే 14 కోట్ల వరకు అవుతుంది. చిల్లర ధరతో దాదాపుగా జాతర పేరిట 20 కోట్ల విక్రయాలు జరుగుతాయని వ్యాపారులు చెబుతున్నారు.

ఈ జాతర బంగారం( బెల్లం) వ్యాపారులకు జాక్పాట్ అనే చెప్పాలి. ఈ రోజుల్లో వీరి ఆదాయం మామూలుగా ఉండదు. కొందరు వ్యాపారులు సిండికేట్ గా మారి బెల్లం రేట్ ను నియంత్రిస్తారని సమాచారం. అయితే వారికి ఎక్సైజ్ శాఖ అధికారులు అండగా ఉంటారని ఆరోపణలు కూడా ఉన్నాయి. హోల్ సేల్ మార్కెట్ లో బెల్లం 30 నుంచి 35 రూపాయలు ఉండగా సిండికేట్ వ్యాపారులు మాత్రం పది రూపాయల వరకు ధర ఎక్కువ పెంచి విక్రయిస్తారని తెలిసింది.

News

పిల్లలతో భిక్షాటన చేయించి… 45 రోజుల్లో 2.5లక్షల రూపాయలు సంపాదించిన తల్లి..! చివరికి?

by Harika
written by Harika

భిక్షాటన చేస్తూ రోడ్ల పై తిరిగేవారిని చూస్తే ఎవరికైనా దయ కలుగుతుంది. అందులోనూ  చిన్న పిల్లలు రోడ్డుపై భిక్షటన చేస్తుంటే  చూసేవారి కడుపు తరుక్కుపోతుంది. ఆ పిల్లల పరిస్థితి చూడలేక అటువైపుగా వెళ్ళే ప్రయాణికులు తోచినంత వారి చేతిలో పెడుతుంటారు.

అయితే ఇలాంటి స్థితిని ఆసరాగా చేసుకుని ఒక స్త్రీ తను కన్న పిల్లలతోనే బలవంతంగా భిక్షాటన చేయించి, లక్షల్లో ఆర్జించడం  ప్రారంభించింది. ఆ విధంగా  45 రోజుల్లో 2.5 లక్షల రూపాయలను సంపాదించింది. ఈ షాకింగ్ ఘటన ఇండోర్‌లో తాజాగా వెలుగులోకి వచ్చింది. ఆ వివరాలు ఇప్పుడు చూద్దాం..

రాజస్థాన్‌కు చెందిన ఇంద్రాబాయికి ఐదుగురు పిల్లలు. వీరిలో ముగ్గురిని ఆమె యాచన వృత్తిలోకి దింపింది.  ఆమె  తన పిల్లలను బలవంతంగా యాచక వృత్తిలోకి దింపినందుకు అరెస్టు చేయబడింది. ఆమె కేవలం 45 రోజులలో ఆశ్చర్యకరంగా రూ. 2.5 లక్షలు సంపాదించింది. పోలీసులు ఇందిరను అదుపులోకి తీసుకున్నారు. అయితే ఆమె భర్త పరారీలో ఉన్నాడు. అతని ఆచూకీ కోసం పోలీసులు ప్రయత్నాలు ముమ్మరం చేశారు.

ఇంద్రాబాయి వ్యూహాత్మకంగా తన పిల్లలో పెద్ద వారిని లువ్-కుష్ స్క్వేర్ వద్ద , మహాకాల్ దేవాలయం ఉన్న ఉజ్జయినికి వెళ్లే దారిలో భిక్షాటనకు పెట్టింది. ఉజ్జయినీకి వెళ్లే ప్రయాణికులు పిల్లలుకు తమకు తోచినంత ఇస్తుండేవారు.  అక్కడికి పెద్ద ఎత్తున జనాలు వస్తుండడంతో ఆమె ఆదాయం పెరుగుతూ వెళ్ళింది.  ప్రత్యేకించి మహాకాల్ లోక్ నిర్మాణం తర్వాత, రోజుకు 1.75 లక్షలకు చేరుకుంది. యాచక రహిత నగరంగా మార్చేందుకు అక్కడి ప్రభుత్వం చేపట్టిన పైలట్‌ ప్రాజెక్టులో భాగంగా పనిచేస్తున్న  ప్రవేశ్‌ అనే స్వచ్ఛంద సంస్థ ఆ స్త్రీ  బండారాన్ని బయట పెట్టింది.

సంస్థ ప్రెసిడెంట్ రూపాలీ జైన్‌ పోలీసులకు సమాచారం ఇవ్వడంతో  ఇండోర్‌-ఉజ్జయిని రోడ్ లువ్-కుశ్‌ కూడలిలో తన 8 ఏళ్ళ కుమార్తె, ఇద్దరు కొడుకులతో కలిసి భిక్షాటన చేస్తుండగా అరెస్ట్‌ చేశారు. ఆమె భర్త పిలల్లను భిక్షాటనకు దింపివెళతారని, 45 రోజుల్లో పిల్లల ద్వారా సంపాదించిన 2.5 లక్ష రూపాయాల్లో  లక్షను తన  అత్తామామలకు పంపినట్టు, 50 వేల రూపాయలు బ్యాంకులో జమ చేసినట్టు, 50 వేల రూపాయలు తన బిడ్డ పేరు పైన డిపాజిట్‌ చేసనట్టు దర్యాప్తులో వెల్లడించింది.

Also Read: ఆ ఊరి రైల్వే స్టేషన్ లో టికెట్లు కొనడమే.. కానీ రైలు ఎక్కరు.. ఎందుకో తెలుసా..?

 

Filmy Adda

వాలెంటైన్స్ డే రోజు కాబోయే భర్తకు బ్రేకప్ చెప్పిన జబర్దస్త్ నటి…ఆ పోస్ట్ లో ఏముందంటే.?

by Harika
written by Harika

జబర్దస్త్ షో లేడీ కమెడియన్ పవిత్ర గురించి తెలుగు ప్రేక్షకులకు ప్రత్యేకంగా పరిచయం చేయాల్సిన అవసరం లేదు. ఈ మధ్యకాలంలోనే  జబర్దస్త్ కామెడీ షోలో అడుగుపెట్టిన పవిత్ర చాలా తక్కువ టైమ్ లోనే తనదైన శైలిలో హాస్యం పండిస్తూ  కమెడియన్ గా ప్రత్యేకమైన గుర్తింపు, పాపులారిటీని సొంతం చేసుకుంది.

సోషల్‌ మీడియాలో యాక్టీవ్‌గా ఉండే పవిత్ర ఎప్పటికప్పుడు తన లేటస్టే ఫోటోలతో పాటు వీడియోలను షేర్ చేస్తుంటుంది.  ప్రేమికుల రోజు అయిన వాలెంటైన్స్ డే నాడు ఒక షాకింగ్‌ వార్తను సోషల్ మీడియా వేదికగా చెప్పి, ఆడియెన్స్ కి షాక్ ఇచ్చింది. ఆ వివరాలు ఇప్పుడు చూద్దాం..

పవిత్ర తనదైన కామెడీ టైమింగ్‌తో పాపులర్ అయ్యింది. జబర్దస్త్ తో పాటుగా శ్రీదేవి డ్రామా కంపెనీ, మా టీవీ, జీ తెలుగు వంటి ఛానెల్స్ లో ఈవెంట్లలో సందడి చేస్తూ సంపాదిస్తోంది. ఆమెకు సొంత యూట్యూబ్‌ చానెల్‌ ఉంది. ఆ యూట్యూబ్ ఛానల్ లో  తనకు సంబంధించిన సంగతులను ఎప్పటికప్పుడు షేర్  చేసుకుంటుంది. వీడియోలు షేర్ చేస్తూ అభిమానులను అలరిస్తోంది.

గత ఏడాది నవంబర్ లో పవిత్ర తన లవర్ ను పరిచయం చేస్తూ, ఎంగేజ్మెంట్ అయిన విషయాన్ని కూడా సోషల్ మీడియాలో పంచుకున్నారు. సంతోష్ అనే వ్యక్తిని ఏడాది  పాటు ప్రేమించిన పవిత్ర, నవంబర్ లో నిశ్చితార్థం జరుపుకుంది. ఆ తరువాత ఈ జంట డాన్స్ లు చేస్తూ నెట్టింట్లో సందడి చేశారు. అతనితో కలిసి చేసిన పలు ప్రాంక్ వీడియోలను తన యూట్యూబ్ ఛానల్ లో  షేర్ చేసింది. ఆమె  ఎంగేజ్మెంట్ ఫోటోలు వైరల్ అయ్యాయి.

తాజాగా లవర్స్ డే నాడు పవిత్ర ఫ్యాన్స్ కి షాక్ ఇచ్చింది. ఇన్ స్టాగ్రామ్ లో ఓ పోస్ట్ షేర్ చేశారు. అందులో ‘సంతోష్, తాను  విడిపోవాలని నిర్ణయించుకున్నాము. మా దారులు వేరుగా అయినా, మేము పంచుకున్న క్షణాలు ఎంతో ప్రత్యేకం” అంటూ రాసుకొచ్చారు.  ఈ పోస్ట్ కి కామెంట్స్ బాక్స్  ని ఆమె ఆఫ్ చేశారు. తన ఇన్‌స్టాలో ఉన్న సంతోష్ ఫోటోలను మరియు వీడియోలను  తొలగించారు.  ప్రస్తుతం పవిత్ర పెట్టిన ఈ పోస్ట్ సోషల్ మీడియాలో  వైరల్ గా మారింది.

Also Read:  OORU PERU BHAIRAVAKONA MOVIE PREMIERE REVIEW : “సందీప్ కిషన్” హీరోగా నటించిన “ఊరి పేరు భైరవకోన” ఆకట్టుకుందా..? స్టోరీ, రివ్యూ & రేటింగ్.!

 

 

Filmy Adda

సినిమా వచ్చిన 20 ఏళ్ళ నుండి ఈ అమ్మాయి కోసం వెతుకుతూనే ఉన్నారు..! ఎవరంటే..?

by Harika
written by Harika

సెన్సిబుల్ దర్శకుడు శేఖర్ కమ్ముల దర్శకత్వంలో వచ్చిన సినిమాలన్నీ ఆడియెన్స్ ను ఆకట్టుకుంటున్నాయి.  శేఖర్ కమ్ముల తెరకెక్కించిన ఆనంద్, మంచి కాఫీలాంటి మూవీ. ఈ మూవీలో రాజా, కమిలిని ముఖర్జీ హీరోహీరోయిన్లుగా నటించారు. ఈ మూవీ సంచలన విజయాన్ని సాధించింది.

ఈ సినిమాలో నటించిన వారందరికీ మంచి గుర్తింపు లభించింది. ఈ మూవీలో ఒక చైల్డ్ ఆర్టిస్ట్ సమత పాత్రలో నటించింది. ఆమె పేరు బఖితా. ఈ మూవీలోని నటనకు గాను ఉత్తమ బాల నటి అవార్డు అందుకుంది. అయితే ఆ తర్వాత సినిమాలకు దూరంగా ఉంది. ఆమె ప్రస్తుతం ఏం చేస్తుందో? ఎక్కడ ఉందో ఇప్పుడు చూద్దాం..
ఆనంద్ మూవీలో సమత అనే అల్లరి పిల్ల పాత్రలో నటించిన బాలనటి అసలు పేరు బఖితా ఫ్రాన్సిస్. 2004లో ఈ  మూవీ  ద్వారా ఇండస్ట్రీలో అడుగుపెట్టిన బఖితా ఫ్రాన్సిస్ ఉత్తమ బాల నటిగా నంది అవార్డు అందుకుంది. అయితే ఆమె ఈ మూవీ తరువాత మళ్ళీ వెండితెర పై కనిపించలేదు. ప్రస్తుతం ఆమె అమెరికాలో స్థిరపడినట్లు తెలుస్తోంది. బఖితాకు నటిగా మంచి ప్రతిభ ఉన్నప్పటికీ యాక్టింగ్ తన ఫ్యాషన్ కాదట. శేఖర్ కమ్ముల కోసమే సరదాగా ఆనంద్ మూవీలో నటించిందట.
బఖితా వయసు 26 ఏళ్ళు. ఆమె సమాజ సేవలో ప్రస్తుతం బిజీగా ఉంది. 17 ఏళ్ళ వయసు నుండే బఖితా ఫ్రాన్సిస్ మహిళల హక్కుల కోసం, సొసైటీలో మహిళలకు మగాళ్లతో సమనంగా హక్కులు కల్పించాలని పోరాడుతుంది. అలాగే అమ్మాయిల పై దాడులు గాని, అ-త్యా-చా-రా-లు జరగకుండా కఠిన చట్టాలను తీసుకురావాలని పోరాటం చేస్తోంది. సొసైటీకి ఉపయోగపడేలా ఏదైనా చేయాలనే ఉద్దేశ్యం తనను ఇలా ఆలోచించేలా చేసిందని అని వెల్లడించింది.
సోషల్ మీడియాలో యాక్టివ్ గా ఉండే బఖితా, తరచూ తన ఫోటోలను ఇన్ స్టాగ్రామ్ లో షేర్ చేస్తుంటుంది. ఈ ఫోటోలను చూసిన కొందరు చాలా అందంగా ఉన్నారు. మళ్ళీ సినిమాల్లో నటించొచ్చు కదా అని అడిగితే, అది తనకు ఇష్టం లేదని బఖితా ఫ్రాన్సిస్ చెప్పారట.

Also Read: “రెబల్” సినిమాలో ఈ సీన్ గమనించారా..? ఇలా ఎలా చేశారు..?

Filmy Adda

ఈ హీరో అక్క ఇప్పుడు టాలీవుడ్ లో పెద్ద హీరోయిన్..! ఆమె ఎవరంటే..?

by Harika
written by Harika

గుర్ఫతే సింగ్ పిర్జాదా బాలీవుడ్ నటుడు. పలు హిందీ చిత్రాలలో మరియు వెబ్ సిరీస్‌లలో నటించాడు. ఈ నటుడు 2018లో ఫ్రెండ్స్ ఇన్ లాతో సినీ కెరీర్ ను ప్రారంభించాడు. హమ్ భీ అకేలే తుమ్ భీ అకేలే, నెట్‌ఫ్లిక్స్ థ్రిల్లర్ మూవీ గిల్టీలో ప్రధాన పాత్ర పోషించాడు. ఈ ఏడాది నెట్‌ఫ్లిక్స్ లో వచ్చిన వెబ్ సిరీస్ క్లాస్‌లో నటించాడు.

గుర్ఫతే సింగ్ పిర్జాదా అక్క తెలుగు ఇండస్ట్రీలో హీరోయిన్ గా పలు సూపర్ హిట్ చిత్రాలలో స్టార్ హీరోలతో నటించి, స్టార్ హీరోయిన్ గా ఎదిగింది. తన అందంతో, నటనతో తెలుగు ఆడియెన్స్ ను అలరించి, ఎంతోమంది ఫ్యాన్స్ ను సంపాదించుకున్న ఆ హీరోయిన్ ఎవరో ఇప్పుడు చూద్దాం..
గుర్ఫతే సింగ్ పిర్జాదా అక్క మరెవరో కాదు. ‘హనీ ఈజ్‌ ది బెస్ట్‌’ అంటూ ‘ఎఫ్‌ 2’ మూవీలో సందడి చేసిన మెహ్రీన్ పిర్జాదా. అనిల్‌ రావిపూడి దర్శకత్వం వహించిన ఈ మూవీలో వరుణ్‌ తేజ్‌కి జంటగా మెహ్రీన్ నటించిన విషయం తెలిసిందే. ఆ మూవీ సీక్వెల్ ‘ఎఫ్‌ 3’ లో కూడా నటించి అలరించింది.
మెహ్రీన్ పిర్జాదా 1995లో పంజాబ్‌లో నవంబర్ 5న సిక్కు కుటుంబంలో జన్మించారు. ఆమె తమ్ముడు గుర్ఫతే సింగ్ పిర్జాదా అనే తమ్ముడు ఉన్నాడు. అతను మోడల్ మరియు నటుడు. మెహ్రీన్ ‘కృష్ణగాడి వీర ప్రేమ గాధ’ మూవీతో  తెలుగు ఇండస్ట్రీలో హీరోయిన్‌గా అడుగుపెట్టారు. ఆ మూవీ హిట్ అవడంతో టాలీవుడ్ లో ఆమెకు వరుసగా ఆఫర్స్  వచ్చాయి.
మహానుభావుడు, కవచం, రాజా ది గ్రేట్, చాణక్య, ఎఫ్ 2, మంచిరోజులొచ్చాయి, ఎఫ్‌ 3 లాంటి చిత్రాలలో మెహ్రీన్ పిర్జాదా నటించారు. ఆమె తెలుగులోనే కాకుండా తమిళం, పంజాబీ, హిందీ చిత్రాలలో నటించారు. సోషల్ మీడియాలో యాక్టివ్‌గా ఉండే మెహ్రీన్ తరచూ తన ఫోటో షూట్స్ ను ఇన్ స్టాగ్రామ్ లో పోస్ట్ చేస్తూ అభిమానులను అలరిస్తుంటారు. మెహ్రీన్ పెట్టే పోస్టులకు లైకుల, కామెంట్లు పెడుతుంటారు.

https://www.instagram.com/p/CnV9TzPvPXE/

Also Read: PEDDHA KAPU 1 REVIEW : “శ్రీకాంత్ అడ్డాల” కి ఈ సినిమాతో హిట్ పడినట్టేనా..? స్టోరీ, రివ్యూ & రేటింగ్.!

 

 

Filmy AddaMovie Reviews

Ooru Peru Bhairavakona Movie Premiere Review : “సందీప్ కిషన్” హీరోగా నటించిన “ఊరు పేరు భైరవకోన” ఆకట్టుకుందా..? స్టోరీ, రివ్యూ & రేటింగ్.!

by Harika
written by Harika

Ooru Peru Bhairavakona Movie Premiere Review : యంగ్ హీరో సందీప్ కిషన్ హీరోగా నటించిన లేటెస్ట్ మూవీ ఊరి పేరు భైరవకోన. వీఐ ఆనంద్ దర్శకత్వంలో ఫాంటసీ అడ్వెంచర్ సినిమాగా తెరకెక్కింది. ఇప్పటికే ఈ సినిమా నుండి రిలీజ్ అయిన టీజర్‌, పాటలు, ట్రైలర్‌కు మంచి రెస్పాన్స్ వచ్చింది. ఈ చిత్రం ఫిబ్రవరి 14న పెయిడ్ ప్రీమియర్స్ వేశారు. మరి ఈ చిత్రం ఎలా ఉందో చూద్దాం..

  • చిత్రం : ఊరి పేరు భైరవకోన.
  • నటీనటులు : సందీప్ కిషన్, వర్ష బొల్లమ్మ, కావ్య థాపర్, తదితరులు..
  • నిర్మాత : అనిల్ సుంకర, రాజేష్ దండ.
  • దర్శకత్వం : వీఐ ఆనంద్
  • సంగీతం : శేఖర్ చంద్ర
  • విడుదల తేదీ : ఫిబ్రవరి 16, 2024Ooru Peru Bhairavakona Movie Premiere Review

స్టోరీ :

బసవ( సందీప్ కిషన్) జాన్ ( వైవా హర్ష) ఇద్దరు స్నేహితులు. ఇద్దరు ఓ  దొంగతనం చేసి వెళ్తూ, అనుకోకుండా ఒక ఊర్లో అడుగుపెడతారు.  ఆ ఊరి పేరు భైరవకోన.  వీరితో పాటుగా  గీత ( కావ్య థాపర్)  సైతం భైరవకోనలో ఎంటర్ అవుతుంది. అప్పటి నుండి ఈ ముగ్గురికి ఆ ఊర్లో విచిత్ర, భయానక పరిస్థితులు ఎదురవుతాయి. భైరవకోనలో జరిగే ఇన్సిడెంట్స్  భయంకరంగా అనిపిస్తాయి. ఈ టైమ్ లోనే  బసవ దొంగలించిన వస్తువును రాజప్ప తీసుకుంటాడు.

బసవ తిరిగి తీసుకోవడానికి ప్రయత్నించిన కుదరదు. ఆ భైరవకోనకి మిగిలిన ఊర్లకి ఉన్న  తేడా ఏంటి? గరుడ పురాణంలో తప్పిపోయిన నాలుగు పేజీలకు  భైరవకోనకు సంబంధం ఏమిటి? అందులో ఈ ఊరు గురించి ఏం  చెప్పారు. బసవ లవ్ చేసిన అమ్మాయి భూమి( వర్ష బోల్లమ్మ) కోసం దొంగగా ఎందుకు మారాడు? భైరవకోనలో బసవకు ఎదురైన పరిణామాలు ఏమిటి అనేది మిగిలిన కథ.

Ooru Peru Bhairavakona Movie Review రివ్యూ :

ఫాంటసీ సినిమాలుగా వచ్చిన ఆనాటి  పాతాళభైరవి నుండి భింబిసార వరకు ఎమోషనల్ మ్యాజిక్ ను క్రియేట్ చేసి, ప్రేక్షకులకు కనెక్ట్ అయ్యి విజయం సాధించాయి. అలా  చేయలేకపోయిన ఫాంటసీ సినిమాలు అంతగా విజయం సాధించిన దాఖలాలు లేవని చెప్పవచ్చు.  ఎక్కడికిపోతావు చిన్నవాడా సినిమాతో ఆకట్టుకున్న డైరెక్టర్ వి ఐ ఆనంద్ ‘ఊరు పేరు భైరవకోన’ సినిమాకు దర్శకత్వం వహించాడు.  ఈ సినిమాలో ఎంగేజింగ్ కంటెంట్,  సీటు అంచున కూర్చోబెట్టే సన్నివేశాలు ఉన్నాయి. అయితే లాజిక్ కి  దూరంగా, ఎమోషనల్ మ్యాజిక్ చేసే సీన్స్ మిస్ అయ్యాయి.

Ooru Peru Bhairavakona Movie Cast and Crew

Ooru Peru Bhairavakona Movie Cast and Crew

ప్రధమార్ధంలో బసవ, భూమి లవ్ ట్రాక్, వెన్నల కిషోర్, వైవా హర్షా కామెడీ ఆకట్టుకుంటుంది. మూవీ ట్విస్ట్ ఇంటర్వెల్ వరకు రీవీల్ కాకపోవడంతో మంచి ఫాంటసీ అడ్వెంచర్ సినిమా అనే భావన కలుగుతుంది. సెకండ్ ఆఫ్ ఇంట్రెస్టింగ్ గా ప్రారంభం అవడం, స్టోరీలోని ఒక్కో ట్విస్ట్ రివీల్ అవుతున్నా, వాటి వేటికీ ప్రేక్షకులకు అంతగా ఎంగేజ్ అయ్యే విధంగా కనిపించదు. మధ్యలో లవ్ ట్రాక్ సైతం విషాదాంతంతో ముగియడం.  క్లైమాక్స్ చాలా బలహీనంగా ఉండడం ఈ సినిమాకి మైనస్ అయ్యింది.  కొన్ని ట్విస్ట్స్ అలరిస్తాయి. సినిమాటోగ్రఫీ, సంగీతం, పాటలు, బీజీఎమ్ చక్కగా కుదిరాయి.

నటీనటుల పెర్ఫార్మన్స్  విషయానికి వస్తే, పెర్ఫార్మన్స్, స్క్రీన్ ప్రెజెన్స్ బాగుంది. హీరోయిన్ గా నటించిన వర్ష బొల్లమ్మ తన పాత్రలో ఒదిగిపోయింది.  కావ్య థాపర్ తగినంత స్క్రీన్ స్పేస్ లభించింది. వెన్నెల కిషోర్,  వైవా హర్ష కామెడీ ట్రాక్ అదిరిపోయింది. మిగిలిన నటీనటులు పాత్రల మేరకు నటించారు.

వర్ష బొల్లమ్మ

ప్లస్ పాయింట్స్ :

  • సందీప్ కిషన్, వర్ష బొల్లమ్మ,
  • సంగీతం,
  • బీజీఎమ్ ,
  • సినిమాటోగ్రఫీ,

మైనస్ పాయింట్స్:

  • సెకండాఫ్,
  • మిస్ అయిన ఎమోషన్
  • బలహీనమైన క్లైమాక్స్.

రేటింగ్ :

2.5/5

watch trailer :

Also Read: TRUE LOVER REVIEW : గుడ్ నైట్ హీరో “మణికందన్” హీరోగా నటించిన ట్రూ లవర్ ఆకట్టుకుందా..? స్టోరీ, రివ్యూ & రేటింగ్.!

 

Filmy Adda

తనతో కలిసి పనిచేసిన వాళ్లే… “ధనుష్” ని ఇంత ఘోరంగా అవమానించారా..?

by Harika
written by Harika

తమిళ స్టార్ హీరో, సింగర్ ధనుష్ తెలుగు ప్రేక్షకులకు కూడా సుపరిచితమే. ఇంతవరకు డైరెక్ట్ తెలుగు సినిమాల్లో నటించని ధనుష్ కేవలం డబ్బింగ్ సినిమాలతో మాత్రమే తెలుగు ప్రేక్షకులకు పరిచయం అయ్యారు.

2002లో తుళ్లువదో ఇలామైతో నటుడిగా అరంగేట్రం చేసిన ధనుష్, రెండు దశాబ్దాల కెరీర్‌లో ఎన్నో ఒడిదుడుకులను ఎదుర్కొన్నారు. ఇప్పుడు సౌత్ లో స్టార్ హీరోగా ఉన్న ధనుష్ మొదట్లో తన లుక్స్ వల్ల ఎలా ట్రోల్ అయ్యాడో మీకు తెలుసా? ఆఖరికి అతని స్వంత సిబ్బందే అతనిని బాడీ షేమ్ చేసేవారట.

2015లో విజయ్ సేతుపతి, అనిరుధ్ రవిచందర్ మరియు సతీష్‌లతో జరిగిన ఇంటరాక్షన్‌లో ధనుష్ ఈ విషయాన్ని వెల్లడించాడు. ఈ సంఘటనను గుర్తు చేసుకుంటూ.. మారన్ స్టార్ తన 2003లో విడుదలైన కాదల్ కొండేన్ సెట్స్‌లో ఉన్న సిబ్బంది తన రూపాన్ని ఎగతాళి చేశారని, తనను “ఆటో డ్రైవర్” అని హేళన చేసేవారని తెలిపాడు. దీంతో అతను  తన కారు వద్దకు వెళ్లి గట్టిగా అరిచాడట.

“కాదల్ కొండెన్ షూటింగ్ చేస్తున్నప్పుడు, హీరో ఎవరని నన్ను అడిగే వారని, అవమానాలు ఎదుర్కోవడానికి నేను సిద్ధంగా లేనందున నటీనటులలో వేరొకరికి చూపించాను. అయితే.. ఆ తర్వాత వారికి నిజం తెలియడంతో నేను హీరో అని సెట్స్‌లో ఉన్న వాళ్లంతా నన్ను చూసి నవ్వారు. ‘ఏయ్ ఆటో డ్రైవర్ చూడు.. అతనే హీరో’ అన్నారు.

నేను ఈ అవమానాన్ని తట్టుకోలేక గట్టిగా ఏడ్చాను. నన్ను ట్రోల్ చేసి బాడీ షేమ్ చేయని వ్యక్తంటూ లేడు అంటూ అప్పటి విషయాలు చెప్పుకొచ్చాడు ధనుష్. ప్రస్తుతం ధనుష్ తెలుగు డైరెక్ట్ మూవీ ‘సార్’ లో నటిస్తున్నారు. ఈ సినిమాకి వెంకీ అట్లూరి దర్శకత్వం వహిస్తున్నారు. ఇది తెలుగు తమిళ భాషల్లో రూపొందుతోంది. ప్రస్తుతం ఈ సినిమా షూటింగ్ జరుగుతోంది. ధనుష్ ఒక ముఖ్య పాత్రలో నటించిన హాలీవుడ్ సినిమా ద గ్రే మ్యాన్ ఇటీవల విడుదల అయ్యింది. ఇది మాత్రమే కాకుండా ధనుష్ ఇంకా కొన్ని తమిళ సినిమాల్లో కూడా నటిస్తున్నారు.

Newer Posts
Older Posts