Mohana Priya

మన ఇండస్ట్రీలో చాలా మంది హీరోలు ఉన్నారు. తమదైన స్టైల్ లో ప్రతి ఒక్కరూ రాణిస్తున్నారు. మన హీరోల భార్యలు కూడా హీరోలకి ధీటుగానే వాళ్ల ప్రొఫెషన్ లో దూసుకుపోతున్నారు.

వాళ్ళలో కొంత మంది ఎవరో ఇప్పుడు తెలుసుకుందాం.

#1 అల్లరి నరేష్ – విరూప కంఠంనేని

అల్లరి నరేష్ భార్య అయిన విరూప ఒక ఆర్కిటెక్ట్. అంతే కాకుండా ఒక ఈవెంట్ మేనేజ్మెంట్ కంపెనీ కూడా రన్ చేస్తున్నారు.

#2 రామ్ చరణ్ – ఉపాసన

ఉపాసన గురించి ప్రత్యేకంగా చెప్పాల్సిన అవసరం లేదు. ఆటు అపోలో బాధ్యతలు చూసుకుంటూనే, ఇటు రామ్ చరణ్ వ్యాపార బాధ్యతలు కూడా నిర్వహిస్తున్నారు. ఇవన్నీ మాత్రమే కాకుండా ఎన్నో విషయాలపై అవగాహన కల్పిస్తూ, అలాగే తమ వంతు సహాయం చేస్తూ సామాజిక సేవలో కూడా ముందుంటున్నారు.

#3 మహేష్ బాబు – నమ్రత శిరోద్కర్

మహేష్ బాబు వ్యాపార వ్యవహారాలు, అలాగే వృత్తికి సంబంధించిన విషయాలు అన్ని నమ్రత చూసుకుంటున్నారు.

#4 నాని – అంజన యలవర్తి

అంజన ఆర్కా మీడియాలో ఉద్యోగం చేస్తున్నారు. అలాగే బాహుబలి సినిమా కాస్ట్యూమ్స్ డిపార్ట్మెంట్ లో కూడా పనిచేశారు.

#5 రాహుల్ రవీంద్రన్ – చిన్మయి శ్రీపాద

అటు సింగింగ్ తో పాటు, ఇటు డబ్బింగ్ కూడా మేనేజ్ చేస్తున్న చిన్మయి ఐల్ ఆఫ్ స్కిన్ (isle of skin) అనే ఒక బ్యూటీ ప్రొడక్ట్స్ కు సంబంధించిన వెబ్ సైట్ బాధ్యతలు కూడా వ్యవహరిస్తున్నారు.

#6 నందు – గీత మాధురి

గీతా మాధురి ప్లేబాక్ సింగింగ్ తో పాటు, ఎంటర్టైన్మెంట్ షోస్ ద్వారా కూడా ప్రేక్షకులని పలకరిస్తూ ఉంటారు.

#7 నితిన్ – షాలిని కందుకూరి

నితిన్ భార్య షాలిని ఎంబీఏ చదివారు. ఒక కంపెనీలో హెచ్ఆర్ గా పని చేస్తున్నారు.

#8 నాగ శౌర్య – అనూష శెట్టి

నాగశౌర్య భార్య అనూష శెట్టి ఒక ఆర్కిటెక్ట్. అలాగే ఇంటీరియర్ డిజైనింగ్ కి సంబంధించి వ్యాపారం కూడా చేస్తున్నారు.

#9 రాజీవ్ కనకాల – సుమ 

ఇటు సినిమాలు, సీరియల్స్ తో రాజీవ్ కనకాల మనల్ని అలరిస్తూ ఉంటే, అటు టీవీలో తన యాంకరింగ్ ద్వారా అందరినీ ఎంటర్టైన్ చేస్తున్నారు సుమ.

#10  అల్లు అర్జున్ – స్నేహ రెడ్డి

స్నేహ సైంట్ ఇన్స్టిట్యూట్ ఆఫ్ టెక్నాలజీ కాలేజ్ మ్యాగజిన్ స్పెక్ట్రమ్ కి చీఫ్ ఎడిటర్ గా చేస్తున్నారు, అంతే కాకుండా కాలేజ్ బాధ్యతలు కూడా చూసుకుంటున్నారు. ఇవి మాత్రమే కాకుండా స్టూడియో పికాబూ పేరుతో ఒక ఫోటోగ్రఫీ స్టూడియో కూడా స్థాపించారు.

సింహ, లెజెండ్ తర్వాత బాలకృష్ణ, బోయపాటి శ్రీను కాంబినేషన్‌లో వచ్చిన మూడవ సినిమా అఖండ. దాంతో ప్రేక్షకుల్లో భారీగా అంచనాలు నెలకొన్నాయి. అసలు ముందే రావాల్సిన అఖండ సినిమా కరోనా కారణంగా వాయిదా పడింది. ఈ సినిమాతో వారిద్దరూ హ్యాట్రిక్ విజయం సాధిస్తారేమో అని అందరూ ఎదురుచూశారు. అనుకున్నట్టుగానే సినిమా సూపర్ హిట్ అయ్యింది. గత సంవత్సరం విడుదలైన సినిమాల్లో ఎక్కువ కలెక్షన్స్ వచ్చిన సినిమాల్లో ఒకటిగా అఖండ నిలిచింది.

సినిమాకి ముఖ్య హైలెట్ మాత్రం బాలకృష్ణ. రెండు పాత్రల్లో, అది కూడా ముఖ్యంగా అఖండ పాత్రలో బాలకృష్ణ చాలా పవర్ ఫుల్ పెర్ఫార్మెన్స్ ఇచ్చారు. అఖండ మొదటి షో అయిన తర్వాత నుండే హిట్ టాక్ తెచ్చుకుంది. బాలకృష్ణ – బోయపాటి కాంబినేషన్‌లో వచ్చిన ఈ సినిమాతో వారిద్దరు హ్యాట్రిక్ విజయం సాధించారు అని అంటున్నారు.

అఖండ సినిమాలో మురళీ కృష్ణగా, అఖండగా రెండు పాత్రల్లో నటించారు బాలకృష్ణ. ఈ సినిమాలో ప్రగ్యా జైస్వాల్ హీరోయిన్ గా నటించారు . అఖండ సినిమాకి తమన్ అందించిన మ్యూజిక్, బ్యాక్ గ్రౌండ్ స్కోర్ ఎంత పెద్ద ప్లస్ పాయింట్స్ అయ్యాయో ప్రత్యేకంగా చెప్పాల్సిన అవసరం లేదు. అయితే అఖండ సినిమాలోని ఒక పొరపాటు ప్రస్తుతం వైరల్ అవుతోంది. అదేంటంటే, సినిమాలో హీరోయిన్ పాత్ర పోషించిన ప్రగ్యా జైస్వాల్ జిల్లా కలెక్టర్ గా బాధ్యతలు తీసుకున్న తర్వాత ఒక విషయంపై పోలీస్ ని నంబర్ అడిగి ఆ నంబర్ కి ఒక ఫోటో వాట్సాప్ లో పంపించాను అని చెప్తుంది.

కానీ ఒకసారి సరిగ్గా ఆమె డయల్ చేసిన కీప్యాడ్ గమనిస్తే, అక్కడ పోలీస్ చెప్పిన నంబర్ ఒకటి, ఆమె డయల్ చేసిన నంబర్ ఒకటి ఉంటుంది. అది మాత్రమే కాకుండా “కీప్యాడ్ లో డైరెక్ట్ గా నంబర్ టైప్ చేస్తే వాట్సాప్ కి ఎలా మెసేజ్ వెళుతుంది? ముందు నెంబర్ సేవ్ చేసుకోవాలి కదా? తర్వాత వాట్సప్ ఓపెన్ చేసి ఫోటో పంపించాలి కదా? ఇంత చిన్న లాజిక్ కూడా ఎలా మర్చిపోతున్నారు?” అని ట్రోల్ చేస్తున్నారు.

watch video :

https://www.instagram.com/tv/CZUDAeLv7OJ/?utm_source=ig_web_copy_link

ఎంతో మంది తమ కెరీర్ ని చైల్డ్ ఆర్టిస్ట్ గా మొదలుపెడతారు. తర్వాత కొద్ది సంవత్సరాలు బ్రేక్ తీసుకొని మళ్ళీ హీరోగా లేదా హీరోయిన్ గా ఎంట్రీ ఇస్తారు.

అలా మన హీరోయిన్లు కొంత మంది చిన్నప్పుడు సినిమాల్లో నటించి తర్వాత మళ్లీ హీరోయిన్ గా గుర్తింపు సంపాదించుకున్నారు. అలా చైల్డ్ ఆర్టిస్ట్ గా నటించిన హీరోయిన్లు ఎవరో ఇప్పుడు చూద్దాం.

#1 కీర్తి సురేష్

కీర్తి సురేష్ పైలెట్స్ అనే ఒక మలయాళం సినిమాతో, పాటు ఇంకొక రెండు సినిమాల్లో చైల్డ్ ఆర్టిస్ట్ గా నటించారు.

#2  మంజిమా మోహన్

మంజిమా మోహన్ చాలా మలయాళ సినిమాల్లో చైల్డ్ ఆర్టిస్ట్ గా నటించారు. 2015 లో వచ్చిన ఒరు వడక్కన్ సెల్ఫీ అనే మలయాళ సినిమాతో హీరోయిన్ గా కెరీర్ మొదలు పెట్టారు. ఈ సినిమా తెలుగులో మేడ మీద అబ్బాయి పేరుతో రీమేక్ అయ్యింది.

#3 నిత్యా మీనన్

నిత్యా మీనన్ ద మంకీ హూ న్యూ టూ మచ్ అనే సినిమాలో చైల్డ్ ఆర్టిస్ట్ గా నటించారు.

#4 షామిలి

షామిలి తెలుగు, తమిళ్, కన్నడ, మలయాళంలో ఎన్నో సినిమాల్లో, అలాగే హిందీలో కూడా కొన్ని సినిమాల్లో చైల్డ్ ఆర్టిస్ట్ గా నటించారు. ఓయ్ సినిమాతో హీరోయిన్ గా కెరీర్ మొదలు పెట్టారు.

#5 శ్రావ్య

శ్రావ్య, సందడే సందడి సినిమాలో జగపతి బాబు, ఊర్వశి కూతురుగా నటించారు. ఆ తర్వాత లవ్ యూ బంగారం సినిమాలో హీరోయిన్ గా నటించారు.

#6 మంచు లక్ష్మీ ప్రసన్న

మంచు లక్ష్మీ తన తండ్రి మోహన్ బాబు గారు హీరోగా నటించిన పద్మవ్యూహం సినిమాలో ఒక పాత్రలో కనిపిస్తారు.

#7 షాలిని

షాలిని కూడా ఎన్నో సినిమాల్లో చైల్డ్ ఆర్టిస్ట్ గా నటించారు. సఖి సినిమాతో హీరోయిన్ గా కెరీర్ ని మొదలు పెట్టారు.

#8 టబు

టబు, దేవానంద్ గారి హమ్ నౌజవాన్ సినిమాలో ఒక టీనేజర్ గా నటించారు.

#9 కావ్య కళ్యాణ్ రామ్

గంగోత్రి సినిమాతో చాలా ఫేమస్ అయిన కావ్య ఇప్పుడు మసూద సినిమాలో హీరోయిన్ గా నటించారు.

#10 నిత్య శెట్టి

నిత్య శెట్టి దేవుళ్ళు సినిమా చైల్డ్ ఆర్టిస్ట్ గా ఎంతో గుర్తింపు తెచ్చుకున్నారు. తర్వాత ఓ పిట్ట కథ తో పాటు ఇంకా కొన్ని సినిమాల్లో హీరోయిన్ గా నటించారు.

#11 గ్రీష్మ నేత్రిక 

గ్రీష్మ నేత్రిక మల్లీశ్వరి సినిమాలో నరేష్ గారి కూతురు పాత్రలో నటించారు. ఆ తర్వాత ఎన్టీఆర్ మహానాయకుడు సినిమాలో యుక్త వయసులో ఉన్నప్పుడు బసవతారకం గారి పాత్రలో నటించారు.

హీరో పుట్టిన రోజు అని అతను నటించిన పాత బ్లాక్ బస్టర్ మూవీస్ రీ రిలీజ్ చేయడం ఈ మధ్య కొత్తగా ట్రెండ్ లో ఉంది. మామూలుగా పండుగలు అంటే రిలీజ్ అయిన కొత్త సినిమాల సందడి కనిపించేది. కానీ ఈసారి వినాయక చవితికి మాత్రం కొత్త వాటి కన్నా పాత బ్లాక్ బస్టర్ హవానే నడిచింది. పవన్ కళ్యాణ్ పుట్టినరోజు సందర్భంగా వేసిన తమ్ముడు, జల్సా ప్రీమియర్లకు కొత్త సినిమాలు షేక్ అయ్యాయి.

పవర్ స్టార్ పవన్ కళ్యాణ్ జల్సా ఆయన పుట్టిన రోజు సందర్భంగా సెప్టెంబర్ 2న దేశీయ మరియు అంతర్జాతీయ మార్కెట్లలో కొన్ని ఎంపిక చేసిన థియేటర్లలో తిరిగి విడుదల చేయబడింది. చాలా షోలు హౌస్‌ఫుల్‌గా ఉన్నాయి, మరియు పవన్ అభిమానులు ఈ సందర్భంగా సంబరాలు చేసుకుంటున్నారు. సినిమాలో పవన్ ఎంట్రీ సీన్, ఫైట్లు, పాటలపై అభిమానులు బ్రహ్మరథం పట్టిన వీడియోలు సోషల్ మీడియాలో హల్ చల్ చేశాయి.

ఈ రీ రిలీజ్ సినిమాల కోసం ఎప్పుడు ఖాళీగా ఉండే బెంగళూరు తిరుమల థియేటర్ హౌస్ ఫుల్ అవడం, వినాయక చవితి అయినప్పటికీ ఇంట్లో హడావిడిగా పూజలు ముగించుకొని మరి జనాలు సుదర్శన్ 35 ఎంఎంకు పరిగెత్తుకు రావడం అంతా విచిత్రంగా ఉంది అని ప్రస్తుతం టాక్ నడుస్తుంది. గతంలో ఆది, మగధీర, చెన్నకేశవరెడ్డి లాంటి హిట్ సినిమాలు క్రాస్ రోడ్స్ కే పరిమితమైతే ఇప్పుడు రీ రిలీజ్ సినిమాల తాకిడి రెండు తెలుగు రాష్ట్రాలను దాటి ఓవర్సీస్ వరకు చేరుకుంది.

ఈ రకం సినిమాలకు నాంది ఎప్పటినుంచో ఉన్న అవి పూర్తిగా ఊపునందుకుంది మాత్రం ఈ మధ్య రిలీజ్ అయిన ఒక్కడు, పోకిరి సినిమాల తర్వాతే. ఇదే క్రమంలో అక్టోబర్ 23న ప్రభాస్ పుట్టినరోజు సందర్భంగా బిల్లా 4K ప్రింట్ ని రీ రిలీజ్ చేశారు. అంతే కాకుండా ఇటీవల ప్రభాస్ హీరోగా నటించిన వర్షం సినిమా, అలాగే ఇప్పుడు జూనియర్ ఎన్టీఆర్ హీరోగా నటించిన బాద్షా సినిమా కూడా మళ్లీ రిలీజ్ చేశారు.

దీంతో ఫ్యాన్స్ అందరూ సోషల్ మీడియా అంతా, “మా హీరోల సినిమాలు మళ్లీ విడుదల అవుతున్నాయి. ఈ సారి థియేటర్లలో మామూలుగా ఉండదు” అంటూ కామెంట్స్ చేస్తున్నారు. అంతా బాగానే ఉంది కానీ పాపం ఈ రీ రిలీజ్ సినిమాల ప్రభావం ఆల్రెడీ రన్నింగ్ లో ఉన్న కొత్త సినిమాలు మీద భయంకరంగా పడుతుంది. అది మరీ పండగ సెలవులు అయితే ఇంక చెప్పక్కర్లేదు.

ఉదాహరణకు తమ్ముడు,జల్సా రీ రిలీజ్ లేకపోతే బింబిసార, కార్తికేయ 2, సీతారామంలకు మరింత కలెక్షన్స్ ఉండేవి. ఒక ఐమ్యాక్స్ లో తమ్ముడు, జల్సాలకు కలిపి రెండు రోజుల్లో సుమారు 30 దాక షోలు వేశారు అంటే ఈ రీ రిలీజ్ హవా ఎంత స్ట్రాంగ్ గా ఉందో ఊహించండి. ఇప్పుడు కూడా కొత్తగా విడుదలైన సినిమాల మీద అందులోనూ ముఖ్యంగా చిన్న సినిమాల మీద ఈ మళ్లీ రిలీజ్ అయిన సినిమాల ప్రభావం పడుతోంది. ఇదే ట్రెండ్ కంటిన్యూ అయితే మాత్రం మీడియం బడ్జెట్ ఉన్న చిన్న చిత్రాల కు చిక్కులు తప్పవు అని విమర్శకుల అభిప్రాయం. మరి ఈ కొత్త మోజు ఎంత కాలం కొనసాగుతుందో వేచి చూడాలి.

చాలా రోజులు ఎదురు చూసిన తర్వాత మెగాస్టార్ చిరంజీవి హీరోగా నటించిన గాడ్ ఫాదర్ సినిమా ఇటీవల థియేటర్లలో విడుదల అయిన సంగతి తెలిసిందే. చిరంజీవికి ఒక మంచి హిట్ వచ్చి చాలా కాలం అయ్యింది. కథపరంగా, నటనపరంగా చిరంజీవి నటించిన సైరా నరసింహారెడ్డి సినిమా చాలా కొత్తగా ఉన్నా కూడా సినిమా ఫలితం ఆశించిన విధంగా రాలేదు.

కానీ గాడ్ ఫాదర్ ఫ్యాన్స్ ని మాత్రం నిరాశ పరచలేదని చెప్పాలి. దీని ముందు వచ్చిన ఆచార్య సినిమా మాత్రం ప్రేక్షకులని నిరాశపరిచింది. దాంతో ఆశలన్నీ ఈ సినిమా మీదే ఉన్నాయి.

ఈ సినిమా మలయాళం సినిమా లూసిఫర్ కి రీమేక్. ప్రస్తుతం ఈ సినిమాకు హిట్ టాక్ వస్తోంది. చిరంజీవి ఫ్యాన్స్ అందరు ఖుష్ అయ్యిపోతున్నారు. ఇక ఇదిలా ఉంటే మెగాస్టార్ చిరంజీవి హీరోగా భోళా శంకర్ సినిమాలో నటిస్తున్నారు.

ఈ సినిమా ఫస్ట్ లుక్ పోస్టర్ ని కూడా మనం చూసేసాం. ఈ సినిమా తమిళ్ లో అజిత్ కుమార్ హీరోగా నటించిన వేదాళం సినిమా రీమేక్. ఈ సినిమాకి మెహర్ రమేష్ దర్శకత్వం వహిస్తున్నారు. తమన్నా హీరోయిన్ గా నటిస్తున్నారు. కీర్తి సురేష్ చిరంజీవికి చెల్లెలి పాత్రలో నటిస్తున్నారు.

ప్రముఖ సంగీత దర్శకుడు మణిశర్మ గారి కొడుకు మహతి స్వర సాగర్ సంగీతం అందిస్తున్నారు. ఇదిలా ఉంటే మెగా పవర్ స్టార్ రామ్ చరణ్ తేజ్ భీష్మ పర్వం సినిమా రైట్స్ తీసుకున్నారు. ఇది మలయాళం సినిమా. అయితే మెగాస్టార్ చిరంజీవి మొత్తం నాలుగు రీమేక్ చిత్రాలలో నటిస్తున్నారు. మరి ఆ సినిమాల గురించి ఇప్పుడు చూసేద్దాం.

#1. భీష్మ పర్వం:

మెగా పవర్ స్టార్ రామ్ చరణ్ తేజ్ భీష్మ పర్వం సినిమా రైట్స్ తీసుకున్నారు. ఇది మలయాళం సినిమా. ఇందులో చిరు నటించనున్నారు అనే వార్తలు వస్తున్నాయి.

#2. భోళా శంకర్:

మెగాస్టార్ చిరంజీవి హీరోగా భోళా శంకర్ సినిమాలో నటిస్తున్నారు. ఈ సినిమా తమిళ్ లో అజిత్ కుమార్ హీరోగా నటించిన వేదాళం సినిమా రీమేక్. ఈ సినిమాకి మెహర్ రమేష్ దర్శకత్వం వహిస్తున్నారు. తమన్నా హీరోయిన్ గా నటిస్తున్నారు. కీర్తి సురేష్ చిరంజీవికి చెల్లెలి పాత్రలో నటిస్తున్నారు

#3. కొరియన్ సినిమా:

ఇది కూడా ఓ రీమేక్ సినిమా. ఈ సినిమాలో చిరంజీవి డాన్ లాగ కనపడనున్నారు.

#4. ఎన్నై అరిందాల్:

మెగాస్టార్ చిరంజీవి ఎన్నై అరిందాల్ రీమేక్ సినిమాలో కూడా నటించనున్నారు.

తెరపై తమ అభినయం తో కోట్లాది మంది అభిమానులను మెప్పించి.. వారిని అలరిస్తారు నటులు. వారిపై ఉన్న అభిమానంతో హీరోలను దేవుళ్ళలా కొలుస్తారు ప్రేక్షకులు.

అలాగే కొందరు హీరోలు తమకు ప్రజలు ఇచ్చిన పేరు ప్రఖ్యాతులు, డబ్బును తిరిగి ప్రజల బాగు కోసం వెచ్చించి నిజ జీవితం లో కూడా హీరో లుగా నిరూపించుకుంటున్నారు.. ఇప్పుడు వారెవరో చూద్దాం..

#1 చిరంజీవి – బ్లడ్ బ్యాంక్, ఐ బ్యాంక్
మెగాస్టార్ గా ఎనలేని క్రేజ్ సంపాదించుకున్న చిరంజీవి ..బ్లడ్ బ్యాంక్, ఐ బ్యాంక్ ల ద్వారా తన ఫాన్స్ తో బ్లడ్ డొనేషన్స్ చేయిస్తూ ఆపదలో ఉన్నవారికి అండగా నిలుస్తున్నారు.

#2 బాలకృష్ణ – బసవతారకం ఇండో-అమెరికన్ కాన్సర్ హాస్పిటల్

సీనియర్ ఎన్టీఆర్ గారి సతీమణి బసవతారకం గారు కాన్సర్ తో చనిపోవడం వల్ల ఎన్టీఆర్  గారు ఈ హాస్పిటల్ ని ప్రారంభించారు. ఇప్పుడు ఈ హాస్పిటల్ కి బాలయ్య బాబు చైర్మన్ గా ఉన్నారు.చిన్న పిల్లలు, మిడిల్ ఏజ్ , ముసలి వాళ్ళకి ఫ్రీ గా కాన్సర్ సర్జరీస్ చేయిస్తున్నారు బాల కృష్ణ.

#3 మహేష్ బాబు – ఉచితముగా చిన్న పిల్లలకు గుండె ఆపరేషన్లు

2016లో ఆంధ్రప్రదేశ్‌లోని తన తండ్రి స్వగ్రామమైన బుర్రిపాలెం, తెలంగాణ రాష్ట్రంలోని సిద్దాపురం గ్రామాలను దత్తత తీసుకొని ఆ గ్రామాల అభివృద్ధిలో కీలక పాత్ర పోషిస్తున్నాడు మహేష్. మహేష్ చేసే ముఖ్యమైన సేవా కార్యక్రమం చిన్నపిల్లలకి హార్ట్ ఆపరేషన్స్. ఇప్పటివరకు దాదాపు గుండె సంబంధిత సమస్యలు ఉన్న 1000 మందికి పైగా చిన్నారులకు ఉచితంగా హార్ట్ ఆపరేషన్స్ చేయించి ఎంతోమందికి ప్రాణదానం చేశారు. ఆ పిల్లల తల్లిదండ్రులు మహేష్ ని దేవుడిగా చూస్తారు.

#4 పవన్ కళ్యాణ్ – పలువురికి ఆర్ధిక సాయం

పవన్ కళ్యాణ్ ఇండస్ట్రీ లో పావలా శ్యామల ,సర్దార్ గబ్బర్ సింగ్ టెక్నీషియన్ కి ఫైనాన్సియల్ గా చాలా హెల్ప్ చేసారు. ఇలా సినిమా వాళ్ళకే కాకుండా బయట చాలా సొసైటీస్, ఛారిటీలకు ఆర్ధిక సాయం చేసారు.

#5 అక్కినేని నాగార్జున, అమల – బ్లూ క్రాస్

అక్కినేని అమల, నాగార్జున ఇద్దరూ మూగ జంతువుల కోసం ‘బ్లూ క్రాస్ అఫ్ హైదరాబాద్ ’ ని స్టార్ట్ చేసి మూగ జీవాలను సంరక్షిస్తున్నారు.

#6 ప్రభాస్ – అంధుల పాఠశాలలకు విరాళం

ప్రభాస్ ఒక బ్లైండ్ స్కూల్ కి 10 లక్షలువిరాళం ఇవ్వడంతో పాటు అందులో కొందరు స్టూడెంట్స్ బాగోగులు అన్ని చూసుకుంటున్నారు.

#7 ప్రకాష్ రాజ్ – ఒక గ్రామం దత్తత

విలక్షణ నటుడు ప్రకాష్ రాజ్ తెలంగాణ లోని కొండారెడ్డి పల్లి గ్రామాన్ని దత్తత తీసుకొని అనేక సేవ కార్యక్రమాలు చేపడుతున్నారు.

#8 సుమన్ – ఒక గ్రామం దత్తత

సీనియర్ నటుడు సుమన్ తెలంగాణ లోని ఒక మరు మూల పల్లె అయిన సుద్దపల్లి అనే గ్రామాన్ని దత్తత తీసుకొని అభివృద్ధి కార్యక్రమాలు చేపడుతున్నారు.

#9 సూర్య – అగరం ఫౌండేషన్

తమిళ్ స్టార్ హీరో సూర్య మంచి నటుడే కాదు, మంచి మనసున్న వ్యక్తి అని కూడా చాలా సార్లు తెలియచేశాడు. తన భార్య జ్యోతికతో కలిసి అగరం ఫౌండేషన్ స్థాపించి ఎన్నో సేవా కార్యక్రమాలు చేస్తున్నారు సూర్య. కరోనా సమయంలోను పలు సేవా కార్యక్రమాల్లో పాల్గొన్నారు.

#10 రాఘవ లారెన్స్

లారెన్స్ సామజిక సేవల గురించి ప్రత్యేకంగా చెప్పాల్సిన అవసరం లేదు. ఓ అనాథ శరణాలయాన్ని నిర్వహించడంతో పాటు తన ట్రస్ట్ ద్వారా ఎందరికో ప్రాణదానం చేస్తున్నారు లారెన్స్.

#11 పునీత్ రాజ్ కుమార్

కన్నడ ఇండస్ట్రీకి చెందిన పునీత్ రాజ్ కుమార్ గత ఏడాది అకస్మాత్తుగా మరణించారు. పునీత్ తన 46 ఏళ్ల జీవితంలో 45 ఫ్రీ స్కూల్స్, 26 అనాధ శరణాలయాలు, 16 వృద్ధాశ్రమాలు, 19 గోశాలలను నిర్మించడంతో పాటు.. 1800 మంది స్టూడెంట్స్ కి ఉచిత విద్యను అందించారు. పునీత్ మరణానంతరం ఆ విద్యార్థుల బాధ్యత తాను తీసుకుంటా అని తమిళ నటుడు విశాల్ ప్రకటించారు.