Mohana Priya

ప్రస్తుతం ఎక్కడ చూసినా నడుస్తున్న ఒకే ఒక్క టాపిక్ ఆస్కార్. రాజమౌళి లాంటి ఎంతో ప్రతిభ ఉన్న దర్శకుడు రూపొందించిన ఆర్ఆర్ఆర్ సినిమాని ఆస్కార్ కి పంపలేదు. ఈ విషయంపై చాలా కామెంట్స్ వస్తున్నాయి. రెండు తెలుగు రాష్ట్రాల ప్రజలు అయితే ఆస్కార్ అంటేనే మండిపడుతున్నారు.

ఇంత మంచి సినిమాని వదిలేసి అదేదో సినిమా అని ఆస్కార్ కి పంపారు అంటూ కామెంట్స్ చేస్తున్నారు. కేవలం రెండు తెలుగు రాష్ట్రాల్లో ప్రజలు మాత్రమే కాదు ఎంతోమంది ఈ విషయంపై పెద్ద ఎత్తున ఆర్ఆర్ఆర్ సినిమాకి మద్దతు తెలుపుతూ కామెంట్స్ చేస్తున్నారు.

బాలీవుడ్ కి చెందిన ఎంతో మంది ప్రముఖులు కూడా ఈ సినిమా ఆస్కార్ కి వెళ్లాల్సింది అని అంటున్నారు. చాలా సోషల్ మీడియా పేజెస్ అయితే ఏదో రాజకీయం జరిగింది అని, ఎప్పుడు సౌత్ సినిమాని ఇలానే తొక్కేస్తారు అంటూ కామెంట్స్ చేస్తున్నారు. అయితే ఇలా అవ్వడం కొత్త ఏమీ కాదు. అంతకుముందు సూర్య నటించిన రెండు సినిమాల విషయంలో ఇలాగే జరిగింది. సూర్య హీరోగా నటించిన ఆకాశమే నీ హద్దురా, జై భీమ్ సినిమాలు కూడా ఆస్కార్ నామినేషన్ వరకు వెళ్లి అక్కడ వెనక్కి వచ్చేసాయి. ఒకసారి మూడు సినిమాలని పోల్చి చూస్తే, ఆర్ఆర్ఆర్ గ్రాఫిక్స్ పరంగా హైలైట్ అయిన సినిమా.

సినిమాలో ఎలివేషన్స్ బాగుంటాయి. అంత పెద్ద హీరోలు ఇద్దరూ కలిసి నటించడం అనేది చాలా మంచి విషయం. ఆ హీరోల పాత్రలు కూడా చాలా బాగా రూపొందించారు. స్వాతంత్రం వచ్చిన సమయానికి సంబంధించిన సినిమా ఇది. చరిత్రలో ఎంతో గుర్తింపు పొందిన ఇద్దరు వ్యక్తుల గురించి, ఒకవేళ వారిద్దరూ కలుసుకుంటే ఎలా ఉంటుందో అనే ఒక కథపై ఈ సినిమా రూపొందించారు. కానీ కంటెంట్ పరంగా చూసుకుంటే మాత్రం ఈ సినిమాలో కథ అంత పెద్దగా చెప్పుకోదగ్గ స్థాయిలో లేదేమో అని అనిపిస్తుంది. ఆస్కార్ కి వెళ్ళాలి అంటే వీటన్నిటితో పాటు బలమైన కథ ఉండడం కూడా చాలా ముఖ్యమైన విషయం.

సూర్య నటించిన ఆకాశమే నీ హద్దురా, జై భీమ్ సినిమాలు ఈ విషయంలో ముందు వరసలో ఉన్నాయేమో అనిపిస్తుంది. ఆకాశమే నీ హద్దురా కూడా నిజ జీవిత కథ ఆధారంగా రూపొందించిన సినిమా. కానీ ఈ సినిమా ఎంతోమంది ప్రేక్షకుల ప్రశంసలు పొందింది. చాలా స్ఫూర్తినిచ్చే కథతో ఈ సినిమా రూపొందించారు. ఈ సినిమా చూశాక నిజంగానే జీవితంలో ఏదైనా సాధించవచ్చు అనే నమ్మకం కలిగేలాగా ఈ సినిమా కథని రాసుకున్నారు. మరొక సినిమా జై భీమ్ విషయానికి వస్తే ఆలోచించే అంశం ఉన్న సినిమా ఇది.

సమాజంలో జరిగే చాలా విషయాలు, ఇప్పటికి కూడా జరుగుతున్న విషయాలపై ఈ సినిమా రూపొందించారు. ఇది కూడా నిజ జీవిత సంఘటన ఆధారంగా రూపొందించిన సినిమా. కానీ సమాజంలో జరిగిన ఒక సంఘటనపై ఈ సినిమా తీశారు. సినిమాలో ఎంచుకున్న పాయింట్ కానీ, చూపించిన విధానం కానీ ప్రేక్షకులని ఆలోచింపచేసేలాగా ఉంది. అంతేకాకుండా ఆర్ఆర్ఆర్ సినిమాలో కమర్షియల్ అంశాలు ఎక్కువగా ఉన్నాయి. అసలు ఒక కమర్షియల్ సినిమా ఆస్కార్ కి వెళ్ళాలి అనుకోవడం కూడా పొరపాటే అవుతుందేమో.

అంతకుముందు బాలీవుడ్ నుండి గల్లీ బాయ్ సినిమాని ఆస్కార్ నామినేషన్ కి పంపించారు. ఆ సినిమా చూసుకుంటే అది కమర్షియల్ సినిమా కాదు. ముంబైలోని స్లమ్ ఏరియాలో తిరిగే ఒక యువకుడు ర్యాపర్ ఎలా అవుతాడు అనే అంశాన్ని చూపించారు. వాళ్లు ఆర్థికంగా ఎదుర్కొనే సమస్యలు ఏవి? అలాగే సమాజంలో వారిని ఎలా చూస్తారు? అనే అంశాలను కూడా ఈ సినిమాలో చూపించారు. ఆకాశమే నీ హద్దురా, అలాగే జై భీమ్ సినిమాలు కూడా కమర్షియల్ సినిమాలు కావు. చాలా బలమైన కంటెంట్ ఉన్న సినిమాలు.

కానీ ఈ సినిమాలు ఆస్కార్ కి వెళ్ళనప్పుడు ఇంత పెద్ద చర్చ జరగలేదు. ఇప్పుడు మాత్రం ఆర్ఆర్ఆర్ వెళ్లకపోతే గొడవలు అవుతున్నాయి. ట్రోలింగ్ జరుగుతోంది. “మా సినిమాలు అంటే మీకు చిన్న చూపు” అంటూ కామెంట్స్ చేస్తున్నారు. దాంతో చాలా మంది, “అంత బలమైన కంటెంట్ ఉన్న సినిమాలు ఆస్కార్ కి వెళ్ళనప్పుడు ఏం మాట్లాడలేదు కానీ, ఒక కమర్షియల్ అంశాలు ఉన్న సినిమా వెళ్ళనప్పుడు మాత్రం ఇంత రియాక్ట్ అవ్వల్సిన అవసరం ఏంటి?” అంటూ కామెంట్స్ చేస్తున్నారు.

చాలా రోజులు ఎదురు చూసిన తర్వాత విజయ్ దేవరకొండ హీరోగా నటించిన లైగర్ సినిమా ఇటీవల విడుదల అయ్యింది. ఈ సినిమా గురించి ఇప్పుడు కాదు దాదాపు రెండు సంవత్సరాల నుండి ప్రేక్షకులు అందరూ ఎదురు చూస్తున్నారు. సినిమా ప్రకటించినప్పటి నుండి కూడా ఈ సినిమా విడుదల అయిన తర్వాత పూరి జగన్నాధ్ కి పాన్ ఇండియన్ స్థాయిలో గుర్తింపు వస్తుంది అని, అలాగే విజయ్ దేవరకొండ కూడా పాన్ ఇండియన్ స్టార్ అవుతారు అని అందరూ అన్నారు.

కానీ సినిమాకి సంబంధించి పోస్టర్స్, టీజర్, ట్రైలర్, పాటలు ఇలా మెల్లగా ఒకొక్కటి చూసిన తర్వాత ఇది “అసలు తెలుగు సినిమానేనా?” అని అనుమానం కూడా వచ్చింది. అయితే ఈ సినిమాలో చాలా విషయాలు ప్రేక్షకులకి చెప్పలేదు. ఇదే విషయాన్ని యూట్యూబ్ లో ఒక వ్యక్తి కామెంట్ రూపంలో పోస్ట్ చేశారు. అలా ఈ సినిమా చూసిన తర్వాత ప్రేక్షకులకి వచ్చే ప్రశ్నలు ఏంటో ఇప్పుడు చూద్దాం.

#1 అసలు హీరో తండ్రి ఎవరు? పేరు చెప్తారులే కానీ, ఆ వ్యక్తి ఎవరు అనేది చెప్పరు.

#2 హీరో తండ్రి బలరాంని చంపింది ఎవరు? ఆయన చనిపోయాడు అని చెబుతారు. అసలు ఆయన ఎలా చనిపోయాడు అని మాత్రం చెప్పరు.

#3 అసలు లైగర్ ఫైటింగ్ చేయడం ఎలా నేర్చుకున్నాడు? మామూలుగా స్పోర్ట్స్ డ్రామా అంటే అసలు హీరో ఇలాంటి ఏదైనా ఒక స్పోర్ట్స్ నేర్చుకునేటప్పుడు ఎలాంటి పరిస్థితులు ఎదుర్కొంటాడు అని చెప్తారు. కానీ ఇందులో మాత్రం అసలు అది చూపించలేదు. సినిమాలో ముఖ్యమైన విషయం ఇదే కాబట్టి ఇందులో కొంచెం జాగ్రత్త తీసుకోవాల్సింది ఏమో అనిపిస్తుంది.

#4 హీరో చాయ్ బండి ఎక్కడ ఉంటుంది? ఎప్పుడో సినిమా మొదట్లో ఒక సారి కనిపిస్తుంది. మళ్లీ తర్వాత అసలు ఎక్కడ ఉందో, అసలు వాళ్లు ఆ చాయ్ బండి మీద చాయ్ అమ్ముతున్నారో లేదో అనే విషయం కూడా సినిమాలో ఒక్కసారైనా చూపించరు.

#5 అసలు ఫైనల్ మ్యాచ్ చూడడానికి డబ్బులు కట్టిన ఆడియన్స్ ఎక్కడున్నారు? వారి పరిస్థితి ఏమయ్యింది?

#6 ఫైనల్ అప్పోనెంట్ కి ఏమయ్యింది?

#7 సినిమా మొత్తం దేశం కోసం కొట్లాడదాం అని అంటారు. కానీ చివరికి అసలు ఫైనల్ మ్యాచ్ కి రారు? ఇదెక్కడి లాజిక్?

ఇవన్నీ మాత్రమే కాకుండా అసలు సినిమా క్లైమాక్స్ ఎవరికీ అర్థం కాలేదు. ఇంకా సీన్ ఉందేమో అని ఎదురు చూస్తున్న వారందరూ పాట రావడంతో అసలు చివరికి ఏమయింది తెలియక అయోమయంలో థియేటర్ నుంచి బయటికి వచ్చారు.

సినిమాల తర్వాత ప్రేక్షకులని అంతగా అలరించేది టెలివిజన్. ఇందులో కూడా ఎంతో మంది వ్యక్తులు ఎన్నో కొత్త కాన్సెప్ట్ ఉన్న ప్రోగ్రామ్స్ తో ఒక కొత్త ట్రెండ్ సృష్టించారు. వారిలో ఒకరు ఓంకార్. ఎన్నో సంవత్సరాల నుండి డిఫరెంట్ కాన్సెప్ట్ ఉన్న ప్రోగ్రామ్స్ ని ప్రోత్సహించడంలో ఓంకార్ ముందు ఉంటారు.

ఆట డాన్స్ షో ఒక సమయంలో ఎంత పెద్ద సెన్సేషన్ క్రియేట్ చేసిందో ప్రత్యేకంగా చెప్పాల్సిన అవసరం లేదు. ఒక డాన్స్ షో ఇలా కూడా ఉంటుందా అని ప్రేక్షకులు ఆశ్చర్యపోయేలా చేసింది. ఆ తర్వాత ఎన్నో సీజన్స్ వచ్చాయి. తర్వాత ఆట షో ఆపేశారు. అదే సమయంలో మాయాద్వీపం, ఇంకా ఎన్నో షోస్ ఓంకార్ చేశారు. ఒక సమయంలో ఎక్కడ చూసినా ఓంకార్ షోస్ కనిపించేవి. ఆ తర్వాత చాలెంజ్ కూడా చేశారు. అది కూడా ఇలాంటి డ్యాన్స్ షో అవడంతో దానికి కూడా ఒక క్రేజ్ వచ్చింది.

కొంతకాలం టెలివిజన్ కి దూరం అయ్యి మళ్ళీ ఇస్మార్ట్ జోడి వంటి ప్రోగ్రామ్స్ తో ప్రేక్షకుల ముందుకి వచ్చారు. అలాగే సిక్స్త్ సెన్స్ ప్రోగ్రామ్ కూడా చేశారు. ఇప్పుడు ఓంకార్ డాన్స్ ఐకాన్ అనే మరొక డాన్స్ షో చేస్తున్నారు. అయితే ఓంకార్ షోస్ బాగున్నా కూడా చాలావరకు ట్రోలింగ్ కి కూడా గురవుతాయి. అందుకు కారణం ప్రోగ్రామ్స్ లో కంటెస్టెంట్స్ కి చాలా కష్టాలు ఉన్నాయి అంటూ చెప్పడం. సాధారణంగా కష్టపడి పైకొచ్చే వాళ్ళందరి జీవితంలో ఇలాంటి సంఘటనలు ఉంటాయి కానీ అక్కడ టాలెంట్ కంటే ఇలాంటి కష్టాలు ఇలాంటి విషయాలు చెప్పి సింపతితో షో పాపులర్ అవుతూ ఉంటుంది.

ఇప్పుడు డాన్స్ ఐకాన్ విషయంలో కూడా ఇలాగే జరుగుతుంది. వచ్చే ప్రతి ఒక్క కంటెస్టెంట్ కి ఏదో ఒక స్టోరీ ఉంది అన్నట్టు చెప్తున్నారు. ఒకరు ఆర్థికంగా అంత ఉన్నవారు కాదు అని, ఒకరికి ఇంట్లో ఒప్పుకోలేదు అని, ఒకరు డాన్స్ కూడా నేర్చుకోవడానికి డబ్బులు లేక ఇబ్బంది పడ్డారు అని, ఒకరికి తిండి కూడా సరిగ్గా దొరకలేదు అని, ఒకరి దగ్గర వేసుకోవడానికి మంచి బట్టలు లేవు అని ఇలా చాలా కథలు చెప్పారు. అవన్నీ నిజమే. కానీ ప్రతి షోలో ఇలాంటి విషయాలని చెప్పి సింపతితో వాళ్లు గుర్తింపు తెచ్చుకోవాలి అని ఎంతకాలం ప్రయత్నిస్తారు.

“ఇలా కష్టపడి వచ్చిన వాళ్ళు ఎంతోమంది ఉంటారు కదా? వాళ్ళందరూ కూడా ఇలాగే చెప్పుకుంటూ ఉంటారా? ఒకరికి ఇద్దరికీ అంటే ఓకే. ప్రతి ఒక్క కంటెస్టెంట్ కి ఇలా ఏదో ఒక స్టోరీ ఉంది అన్నట్టు చెప్తూ ఉంటే చూడాలి అనిపించే వారికి ఆసక్తి ఉంటుందా?” అంటూ కామెంట్స్ చేస్తున్నారు. అప్పట్లో ఆట షో కూడా ఇలాగే చేశారు. సరే ఒకసారి అంటే బానే ఉంది. తర్వాత కూడా వచ్చే ప్రతి షోలో ఇలాంటి విషయాలు చెప్తూ ఉంటే ఎలా? “ఒక స్టేజ్ కి రావాలి అంటే ఇలాంటి కష్టాలు సాధారణమే కదా? ఎందుకు వారి ప్రతిభ అంత బాగున్నప్పుడు ఇలాంటివి హైలైట్ అయ్యేలా చేస్తున్నారు?” అంటూ చాలా కామెంట్స్ వస్తున్నాయి.

మలయాళం స్టార్ దుల్కర్ సల్మాన్ తెలుగులో నటించిన సినిమా సీతా రామం. ఈ సినిమా డైరెక్ట్ తెలుగు సినిమా అయినా కూడా తమిళ్, మలయాళం భాషల్లో డబ్ అయ్యింది. ఈ సినిమాకి హను రాఘవపూడి దర్శకత్వం వహించారు. ఇందులో రష్మిక మందన్న, నటుడు సుమంత్ కుమార్, భూమిక చావ్లా, ప్రకాష్ రాజ్, తరుణ్ భాస్కర్, సచిన్ ఖేడేకర్ ఇంకా ఎంతో మంది నటులు ముఖ్య పాత్రలు పోషించారు.

సినిమా ఒక ప్రేమకథగా రూపొందింది. మృణాల్ ఠాకూర్ ఈ సినిమాతో హీరోయిన్ గా తెలుగు ఇండస్ట్రీకి పరిచయం అయ్యారు. ఈ సినిమా హిందీలో కూడా డబ్ అయ్యింది. అక్కడ కూడా హిట్ అయ్యింది. మంచి సినిమాని ఎక్కడైనా ఆదరిస్తారు అనడానికి ఈ సినిమా ఒక ఉదాహరణగా నిలిచింది.

యుద్ధ నేపథ్యంలో సాగే ఈ సినిమాకి పాటలు కూడా ఒక హైలైట్ అయ్యాయి. అయితే ఇది ఇలా ఉండగా ఇప్పుడు ఈ సినిమా బృందానికి సంబంధించి ఒక వార్త వైరల్ అవుతోంది. అదేంటంటే డైరెక్టర్ హను రాఘవపూడి మళ్లీ దుల్కర్ సల్మాన్, మృణాల్ ఠాకూర్ తో సినిమా రూపొందించబోతున్నారు. సీతా రామం సినిమాని నిర్మించిన వైజయంతి మూవీస్ సంస్థ ఈ సినిమాని కూడా నిర్మిస్తారు. ఈ విషయంపై మాత్రం ప్రస్తుతం చాలా కామెంట్స్ వస్తున్నాయి. అందుకు కారణం ఈ సినిమా కూడా ప్రేమకథగా రూపొందడమే. ఒక రకంగా చూస్తే సీతా రామం సినిమా కథ కొత్తగా ఏమీ లేదు.

ఇలాంటి కాన్సెప్ట్ మీద వచ్చిన కథలు అంతకుముందు చూశాం. కానీ చూపించిన విధానం బాగుండడంతో, అది కూడా ఇలాంటి ప్రేమకథ వచ్చి చాలా సంవత్సరాలు అవ్వడంతో ఈ సినిమా హిట్ అయ్యింది. సినిమా అంత బాగున్నా కూడా ఈ సినిమాపై నెగిటివ్ కామెంట్స్ కూడా బాగానే వచ్చాయి. సినిమా చాలా స్లోగా ఉంది అని, అందరికీ నచ్చే అవకాశం లేదేమో అని అన్నారు. అది కూడా కొంత వరకూ నిజమేనేమో అనిపిస్తుంది.

ఎందుకంటే సినిమా బాగున్నా కూడా చాలా చోట్ల స్లో గా ఉంటుంది. కానీ ప్రేమ కథ ఇలాగే ఉంటుంది కాబట్టి హిట్ అయ్యింది. ఇప్పుడు కూడా మళ్లీ అదే హీరో హీరోయిన్లు, అదే డైరెక్టర్ అదే జానర్ లో సినిమా అనేటప్పటికి చాలా మంది, “ఒక్కసారి అంటే పర్వాలేదులే కానీ, మళ్లీ రెండో సారి కూడా ప్రేమకథ తీయడం అవసరమా?” అని అంటున్నారు. కొంత మంది ఇలా అంటూ ఉంటే, మరి కొంతమంది మాత్రం, “ప్రేమకథ అయితే ఏమైంది? అలా కాకుండా ఈసారి కొత్తగా తీస్తారు ఏమో చూద్దాం” అని అంటున్నారు. ఈ సినిమాపై ఇంకా అధికారిక ప్రకటన రావాల్సి ఉంది.

రాజమౌళి దర్శకత్వం వహించిన ఆర్ఆర్ఆర్ సినిమా ఎప్పుడెప్పుడు విడుదల అవుతుందా అని రెండు తెలుగు రాష్ట్రాలు మాత్రమే కాదు భారతదేశం అంతా కూడా ఎదురు చూసింది. అందుకు మొదటి కారణం రాజమౌళి అయితే రెండో కారణం ఇద్దరు స్టార్ హీరోలు ఒకే తెరపై కనిపించడం. రాజమౌళి వారిద్దరిని కలిపి చూపించాలి అన్న ఆలోచనని ప్రేక్షకులు ఎలా రిసీవ్ చేసుకుంటారు?

వారిద్దరిలో ఒకరికి ప్రాముఖ్యత పెరిగి మరొకరికి ప్రాముఖ్యత తగ్గుతుందా? ఇలాంటి ప్రశ్నలు చాలా నెలకొన్నాయి? కానీ సినిమా ట్రైలర్ చూసిన తర్వాత ఇద్దరికీ సమానంగా ప్రాముఖ్యత ఉంటుంది అని అర్ధమైపోయింది. సినిమాలో ఇద్దరికీ సమానమైన పాత్రలు ఉంటాయి. అంత పెద్ద స్టార్ హీరోలని ఒకే తెరపై చూడటం కూడా ప్రేక్షకులకు చాలా కొత్తగా అనిపించింది.

ముఖ్యంగా వారి మధ్య వచ్చే సీన్స్ చాలా మందిని ఎమోషనల్ చేశాయి. వీరిద్దరూ మొదటిసారి కలుసుకునే సీన్ కూడా చాలా బాగా తీశారు. నిజంగానే వారిద్దరినీ చూస్తూ ఉంటే పెద్ద హీరోల్లాగా కాకుండా ఆ పాత్రల్లాగానే కనిపిస్తూ ఉంటారు. ఈ సినిమాలో పాటలు సినిమా విడుదల అవ్వకముందే విడుదల అయ్యాయి. అందులోనూ ముఖ్యంగా కొమరం భీముడో పాట అయితే విడుదల అయిన వెంటనే ప్రేక్షకులకు చాలా బాగా నచ్చింది. కీరవాణి గారు స్వరపరిచిన ఈ పాటని కాలభైరవ పాడారు. సినిమాలో ఈ పాట చూస్తున్నప్పుడు కూడా చాలా మంది ఎమోషనల్ అయ్యారు. అయితే ఈ పాటలోని సీన్స్‌ ఒక ఇంగ్లీష్ సినిమాలోని కొన్ని సీన్స్‌కి దగ్గరగా ఉన్నాయి.

ఈ పాటలోని సీన్స్ హాలీవుడ్ సినిమా అయిన ప్యాషన్ ఆఫ్ క్రైస్ట్ అనే ఒక సినిమాలోని సీన్స్ కొంచెం ఒకే లాగా ఉన్నాయి. ఈ సినిమాకి మెల్ గిబ్సన్ దర్శకత్వం వహించారు. మెల్ గిబ్సన్ రాజమౌళికి ఇష్టమైన దర్శకులలో ఒకరు. మెల్ గిబ్సన్ సినిమాల్లో ఎమోషన్స్ చూపించే విధానం రాజమౌళికి చాలా ఇష్టం. అందుకే ఈ సినిమాలో కూడా అలాగే చూపించడానికి ప్రయత్నించారు. ప్రస్తుతం ఈ సీన్ సోషల్ మీడియాలో వైరల్ అవుతోంది.

watch video :

https://www.instagram.com/reel/Cd8tReKlBnA/