Mohana Priya

సూపర్ స్టార్ మహేష్ బాబుకి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. మహేష్ బాబు మన రెండు తెలుగు రాష్ట్రాల్లో మాత్రమే కాకుండా ఇతర రాష్ట్రాల్లో కూడా చాలా గుర్తింపు పొందారు. స్పైడర్ సినిమాతో డైరెక్ట్ తమిళ్ సినిమాలో కూడా నటించారు. ఈ సినిమా తెలుగు, తమిళ్ భాషలో రూపొందింది. మహేష్ బాబు సోషల్ మీడియాలో కూడా యాక్టివ్ గా ఉంటారు. తన వ్యక్తిగత జీవితానికి సంబంధించిన విషయాలని చాలా తక్కువగా షేర్ చేస్తారు.

అయితే మహేష్ బాబు అంటే సాధారణంగా చాలా బాగుంటారు అని ఎంతోమంది అంటూ ఉంటారు. ఇలాంటి ఎన్నో జాబితాల్లో మహేష్ బాబు చోటు సంపాదించుకున్నారు. మహేష్ బాబు మంచి నటుడు మాత్రమే కాకుండా చూడడానికి కూడా చాలా బాగుంటారు అనే పేరు గుర్తింపు దక్కించుకున్నారు. అయితే మహేష్ బాబు అప్పటికీ, ఇప్పటికీ ఒకేలాగా ఉన్నారు అని కూడా చాలామంది అంటూ ఉంటారు. ఇదే ప్రశ్నని కోరాలో ఒక యూజర్ అడిగారు. అందుకు ఒకరు, “మహేష్ బాబు ఎప్పుడు యంగ్ గా ఎలా ఉంటారు?” అనే ప్రశ్నకు ఈ విధంగా సమాధానం చెప్పారు.

#1 మహేష్ బాబు ప్రతిరోజు రెండు గంటలు వ్యాయామం చేస్తారు. రోజుకి 7 సార్లు తక్కువ పరిణామంలో కేవలం విటమిన్లు, ప్రోటీన్లు ఉండే భోజనం మాత్రమే తింటారు.

#2 ధూమపానంకి దూరంగా ఉంటారు. అలాగే మందు కూడా మానేశారు. అందుకే తన సినిమాల్లో కూడా ఎవరికి చెడు సందేశం ఇవ్వద్దు అని ఉద్దేశంతో మద్యపానం, ధూమపానం లాంటి సీన్స్ ఎంత తక్కువ వీలైతే అంత తక్కువగా చేస్తుంటారు.

#3 కుటుంబం ప్రతి ఒక మనిషికి బలం అని అంటారు. మహేష్ బాబు తన కుటుంబంతో ఎంత ఎక్కువ వీలైతే అంత ఎక్కువ సమయం గడుపుతూ ఉంటారు. వారిని తీసుకొని ఎక్కడికైనా వెళ్లడం, వారితో సరదాగా సమయం గడపడం, అలాగే తన సినిమా షూటింగ్ లకి కూడా వారిని తీసుకురావడం చేస్తుంటారు. ఎంత బిజీగా ఉన్నా కూడా కుటుంబానికి మాత్రం ఎంతో ప్రాముఖ్యత ఇస్తారు అని అర్థం అయిపోతుంది. అందుకే ఒత్తిడి నుండి కూడా దూరంగా ఉంటారు.

#4 అన్నిటికంటే ముఖ్యమైన విషయం మహేష్ బాబు స్వతహాగానే అందగాడు. ఎంతోమంది, “హాలీవుడ్ హీరోలా ఉన్నారు” అని అంటూ ఉంటారు. మహేష్ బాబుకి సినిమా తప్ప మరొక ప్రపంచం తెలియదు. తను చేసే పనిపై పూర్తి శ్రద్ధ పెట్టి చేస్తారు. అందుకే ఎన్నో ఇంటర్వ్యూలలో సినిమాల గురించి చాలా ఎక్కువగా మాట్లాడుతుంటారు. అలాగే తన దృష్టంతా కేవలం తెలుగు సినిమా పైనే అని, తెలుగు సినిమాని జాతీయ స్థాయికి తీసుకెళ్లాలి, అప్పుడే ప్రాంతీయ సినిమాకి మంచి గుర్తింపు లభించినట్టు అని చెప్తూ ఉంటారు.

#5 అంతేకాకుండా మహేష్ బాబు ఎటువంటి కాంట్రవర్సీల జోలికి వెళ్ళరు. మహేష్ బాబు స్వచ్ఛంద సేవా కార్యక్రమాల్లో కూడా పాల్గొంటూ ఉంటారు. ఎంతో మంది పిల్లలకి గుండె ఆపరేషన్లు చేయించారు. ఎంతోమందికి ఆర్థికంగా సహాయం చేశారు. అలాగే రెండు ఊర్లని దత్తత తీసుకొని వాటిని అభివృద్ధి కూడా చేస్తున్నారు.

#6 ఇవన్నీ మాత్రమే కాకుండా మహేష్ బాబు తన తోటి నటులతో కూడా చాలా స్నేహపూర్వక వాతావరణం ఉండేలాగా చూసుకుంటారు. ఏ హీరో సినిమా అయినా విడుదల అయితే వారికి విషెస్ చెబుతూ లేదా విడుదల అయిన తర్వాత సినిమా బాగుంది అంటూ ప్రశంసిస్తూ ఆ సినిమా గురించి పోస్ట్ చేస్తారు.

అలాగే తన సినిమా ఈవెంట్లకు కూడా ఇతర హీరోలని అతిథిగా పిలుస్తూ ఉంటారు. భరత్ అనే నేను సినిమా సమయంలో జూనియర్ ఎన్టీఆర్ ఆ సినిమా ఈవెంట్ కి అతిధిగా రావడం అప్పట్లో ఒక సెన్సేషన్ క్రియేట్ చేసింది. ఇది ఒకటే కాకుండా ఇతర హీరోల పుట్టినరోజులకి కూడా విషెస్ చెప్తూ ఉంటారు.

మహేష్ బాబు సహజంగా తొందరగా బరువు పెరుగుతారు. చిన్నప్పుడు కొంచెం బొద్దుగానే ఉండేవారు. వన్ నేనొక్కడినే సినిమా టైంలో ప్రముఖ ఫిట్‌నెస్ ట్రైనర్ క్రిస్ గెతిన్ నుండి మహేష్ బాబు ట్రైనింగ్ తీసుకోవడం మొదలుపెట్టారు. ఆయన ఎంతోమంది బాలీవుడ్ సెలబ్రిటీలకు కూడా ట్రైన్ చేస్తారు. నెలకి దాదాపు 50 లక్షలు ఫీజు తీసుకుంటారు. డ్రామాటిక్ ట్రాన్స్ఫర్మేషన్ ప్రిన్సిపల్ అనే ఒక డైట్ ఫార్ములా 2014లో మహేష్ బాబు మొదలుపెట్టి ఇప్పటివరకు కూడా అదే పాటిస్తున్నారు.

ఇవన్నీ మాత్రమే కాకుండా ఆహార విషయంలో కూడా ఎన్నో జాగ్రత్తలు తీసుకుంటారు. ఆగకుండా మహేష్ బాబు అరగంటసేపు పరిగెత్తగలుగుతారు. మనసు, మెదడు కూడా ప్రశాంతంగా ఉండేలా చూసుకుంటారు. అంత ప్రశాంతంగా, అందరినీ నవ్విస్తూ, తాను కూడా నవ్వుతూ సరదాగా ఉంటారు కాబట్టే అంత అందంగా కనిపిస్తూ ఉంటారు.

సూపర్ స్టార్ మహేష్ బాబు ఎన్నో కొత్త కొత్త కాన్సెప్ట్స్ తో అభిమానులను ఎప్పటికప్పుడు ఉత్తేజపరుస్తూనే ఉంటారు. ఎంతో మంది గొప్ప గొప్ప దర్శకులతో లెక్క లేనన్ని హిట్ సినిమాలు తీశారు. ఇక రాజమౌళి మహేష్ బాబు కాంబినేషన్ లో రాబోయే సినిమా గురించి… మహేష్ కొన్ని సంచలన వ్యాఖ్యలు చేసారు.

అయితే రానున్న రోజుల్లో త్రివిక్రమ్ తో సినిమా తెరకెక్కించబోతున్న విషయం తెలిసిందే. అదే కాకుండా ఇప్పుడు రాజమౌళితో సినిమా చేయనున్నట్లు తెలియడంతో,అభిమానుల కంటే ఆయనకే ఎక్కువ ఆసక్తి ఉన్నట్లు తెలిపారు. ఈ సందర్భగా ఆయన మాట్లాడుతూ … రాజమౌళితో మొదటి సారి పని చేయబోతున్నాను అని చెప్పారు. అయితే రాజమౌళి ద్శకత్వంలో నటించడం అనేది, నా కల అని.. ఎట్టకేలకు అది నిజం అవుతుందని అన్నారు. అసలు ఆయనతో చేసిన ఒక్క సినిమా 25 సినిమాలతో సమానమి… కచ్చితంగా త్వరలో ప్యాన్ ఇండియా లెవెల్లో సినిమా విడులు కాబోతుందన్నారు.

కాగా రాజమౌళి గారి సినిమా అంటే కచ్చితంగా, ఫిజికల్ ఛాలెంజింగ్ ఉంటుంది.. అయినా దానికి నేను సిద్ధమే. నిజానికి ఈ విషయంలో నాకు కూడా చాలా కుతూహలంగా ఉంది అంటూ మహేష్ చెప్పుకొచ్చారు. మరోవైపు బాలీవుడ్ కి ధీటుగా నిలుస్తున్న KGF, RRR, PUSHPA వంటి ప్యాన్ ఇండియా సినిమాలు చుసాక… నాలోని నటనకు ఇది గట్టి సవాల్ లాంటిదని పేర్కొన్నారు. ఇవన్నీ చూస్తుంటే ఇకమీదట నార్త్, సౌత్ అనే తేడాలు లేకుండా, అందరం ఓకే ఫిలిం ఇండస్ట్రీకి చెందిన వాళ్ళమవుతున్నామని హర్షం వ్యక్తం చేశారు.

సూపర్ స్టార్ మహేష్ బాబు ఏ సినిమా తీసినా, మధ్య మధ్యలో ఫ్యామిలీతో ట్రిప్స్ బాగా ఎంజాయి చేస్తుంటారు. కుటుంబంతో సమయం గడపడానికి ఆయన బాగా ఇష్టపడతారు. ఈ నేపథ్యంలోనే తాజాగా ఆయన ఫ్యామిలీతో వెళ్లిన యూరోప్ ట్రిప్ ను ముగించుకుని వచ్చారు. ఇక అలా వచ్చారో లేదో వెంటనే పనిలో పడ్డారు. అంతే కాకుండా తదుపరి నటించబోయే సినిమాను త్రివిక్రమ్ దర్శకత్వంలో నిర్మించనున్నట్లు వెల్లడించారు. ఈ క్రమంలో ssmb 28 గురించి కొన్ని ఆసక్తికరమైన వ్యాఖ్యలు కూడా చేశారు.

ఈ సందర్భంగా మహేష్ మాట్లాడుతూ… “నేను త్రివిక్రమ్ ఎప్పుడు కలిసినా వాతావరణం చాలా ఆసక్తికరంగా మారుతుంది. అసలు ఇప్పటి వరకూ ఉన్న ప్రముఖ డైలాగ్ రైటర్స్ లో త్రివిక్రమ్ ఒకరు. ఆయన రాసిన ప్రతీ మాట చాలా అద్భుతంగా ఉంటుంది. అందరినీ ఆకట్టుకుంటుంది. అంతే కాదు ఆయన దర్శకత్వంలో నటులకి ఎటువంటి ఒత్తిడి ఉండదు. డైలాగ్స్ రాస్తే సహజత్వం ఉట్టిపడుతుంది” అంటూ మహేష్ చెప్పుకొచ్చారు.

ఇక ssmb28 గురించి ఎవ్వరూ ఊహించలేరని, గతంలో తాము ఇద్దరు కలిసి చేసిన సినిమాల కంటే కూడా.. ఒక వినూత్నమైన కథతో ముందుకు వస్తున్నామన్నారు. మరి దీని ఫలితం ఎలా ఉంటుందో! ప్రేక్షకుల ముందుకు ఎప్పుడెప్పుడు వస్తుందో! అని ఆసక్తిగా ఎదురు చూస్తున్నామని సూపర్ స్టార్ మహేష్ అన్నారు.

ఈ మధ్య రిలీజ్ అవుతున్న భారీ చిత్రాల కారణంగా హీరో హీరోయిన్లతో పాటు దర్శకుల రెమ్యూనరేషన్ కూడా ఆకాశాన్ని అంటుతుంది అన్న విషయం అందరికీ తెలిసిందే.

సినిమాకి హీరో క్యారెక్టర్ ఎంత ముఖ్యమో క్యారెక్టర్ ఆర్టిస్టులు కూడా అంతే ముఖ్యం. పెద్ద సినిమాలకైనా స్ట్రాంగ్ హీరో క్యారెక్టర్ సరిపోతుంది ఏమో కానీ చిన్న సినిమాలకు క్యారెక్టర్ ఆర్టిస్టులు చాలా అవసరం. రాజేంద్రప్రసాద్, ప్రకాష్ రాజ్,రావు రమేష్ ,మురళీ శర్మ ,నరేష్ తదితరులు ప్రస్తుతం టాలీవుడ్ లో క్రేజ్ ఉన్న క్యారెక్టర్ ఆర్టిస్టులు.

చిత్రం బడ్జెట్ లిమిటెడ్ గా ఉన్న పాపులర్ నటీనటులను తీసుకోవాలని దర్శకనిర్మాతలు ప్రయత్నిస్తుంటారు. ఈ నేపథ్యంలో క్యారెక్టర్ ఆర్టిస్టులు తమ పారితోషకాలనీ అమాంతం పెంచుతూపోతున్నారు. ఒక పెద్ద సినిమా కోసం రాజేంద్ర ప్రసాద్ లాంటి పవర్ఫుల్ క్యారెక్టర్ ఆర్టిస్ట్ కావాలంటే అయ్యే రెమ్యూనరేషన్ నిర్మాతకు చుక్కలు చూపిస్తుంది.ఇప్పుడు వీళ్ళు రోజువారీ పారితోషికాలు తీసుకుంటున్నారు…అది చాలదన్నట్టు ప్రతి క్యారెక్టర్ ఆర్టిస్ట్ కి అయిదు ఆరుగురు మంది పర్సనల్ సిబ్బంది ఉంటారు.

షూటింగ్ జరిగినంత కాలం వాళ్ల జీత భత్యాలతో పాటు తిండి ఖర్చు రోజు వారి బేటా కూడా నిర్మాతలే భరించాల్సి వస్తుంది.దానితో షూటింగ్ ముగిసే సరికి క్యారెక్టర్ ఆర్టిస్టులకు కేటాయించిన బడ్జెట్ తడిసి మోపెడవుతుంది. చిత్రం బాక్స్ ఆఫీస్ వద్ద సక్సెస్ఫుల్గా నడిస్తే ఈ ఖర్చులన్నీ బ్యాలన్స్ అవుతున్నాయి కానీ ఊహించిన దానికి భిన్నంగా మూవీ ఫ్లాప్ అయితే మాత్రం నిర్మాతలు ఇటువంటి ఖర్చుల వల్లే సగం దివాలా తీస్తున్నారు. ఈ నేపథ్యంలో క్యారెక్టర్ ఆర్టిస్టులు వల్ల పెరుగుతున్న ఇటువంటి ఖర్చులకు అడ్డుకట్ట వేయాలని నిర్మాతలు చేస్తున్న ప్రయత్నాలు ఎలా పలుస్తాయో వేచి చూడాలి.