Mohana Priya

జూనియర్ ఎన్టీఆర్ మరొకసారి హోస్ట్ గా మన ముందుకు వచ్చారు. జెమినీ టీవీలో టెలికాస్ట్ అవుతున్న ఎవరు మీలో కోటీశ్వరులు అనే ప్రోగ్రామ్ కి హోస్ట్ గా వ్యవహరిస్తున్నారు జూనియర్ ఎన్టీఆర్. ప్రోగ్రామ్ కూడా ఎప్పుడో మొదలవ్వాల్సి ఉంది. కానీ కరోనా కారణంగా వాయిదా పడింది.

అయితే ఇప్పుడు ఈ ప్రోగ్రాం మొదలయ్యింది. ఈ ప్రోగ్రాం మొదలైనప్పటి నుంచి కూడా మంచి హిట్ టాక్ తో దూసుకుపోతోంది. అయితే, ఈ ప్రోగ్రాంకి మహేష్ బాబు అతిథిగా రాబోతున్నారు అనే వార్త ఎప్పుడో బయటికి వచ్చింది. ఆ ఎపిసోడ్ షూటింగ్ కి సంబంధించిన ఒక ఫోటో కూడా సోషల్ మీడియాలో వైరల్ అయింది.

దాంతో మహేష్ బాబు ఎపిసోడ్ ఎప్పుడు వస్తుందా అని ప్రేక్షకులు ఆసక్తిగా ఎదురు చూస్తున్నారు. జెమినీ టీవీ బృందం ఇటీవల మహేష్ బాబు ఎపిసోడ్ త్వరలో రాబోతోంది అని ఒక ప్రోమో విడుదల చేసింది. అందులో మహేష్ బాబు, జూనియర్ ఎన్టీఆర్ సరదాగా మాట్లాడుకోవడం మన ప్రోమో లో చూడొచ్చు. అయితే ఈ ప్రోగ్రాం లో మహేష్ బాబు ఎంత గెలుచుకున్నారు అని ఒక ఆసక్తి నెలకొంది. ఈ ప్రోగ్రాంలో మహేష్ బాబు 25 లక్షలు గెలుచుకున్నట్లు సమాచారం. ఆ మొత్తాన్ని కూడా మహేష్ బాబు చారిటీకి ఇవ్వబోతున్నారు. ఈ ఎపిసోడ్ ఎప్పుడు ప్రసారం అవుతుందో ఇంకా జెమినీ టీవీ యాజమాన్యం ప్రకటించాల్సి ఉంది.

ప్రముఖ కొరియోగ్రాఫర్ శివశంకర్ మాస్టర్‌కి కరోనా పాజిటివ్ రావడంతో హాస్పిటల్‌లో చేరారు. హైదరాబాద్ లో ఉన్న ఏఐజి హాస్పిటల్ లో శివ శంకర్ మాస్టర్ ట్రీట్మెంట్ పొందుతున్నారు. ఆయన ఆరోగ్య పరిస్థితి సీరియస్ గా ఉంది అనే వార్తలు వస్తున్నాయి. డాక్టర్లు 75% లంగ్స్ కి ఇన్ఫెక్షన్ సోకింది అని చెప్పారు.

శివ శంకర్ మాస్టర్ పెద్ద కొడుకుకి కూడా కోవిడ్ పాజిటివ్ వచ్చింది. ఆయన పరిస్థితి కూడా సీరియస్ గా ఉంది అని సమాచారం. శివ శంకర్ మాస్టర్ చికిత్స కోసం ఆయన కుటుంబ సభ్యులకి ఆర్థిక సహాయం అందించవలసిందిగా కోరుతున్న ఎన్నో పోస్ట్ లు సోషల్ మీడియాలో వైరల్ అయ్యాయి. ఈ విషయం తెలుసుకున్న సోనూ సూద్ స్పందించి వారికి సహాయం చేయడానికి ముందుకు వచ్చారు.

సోషల్ మీడియా వేదికగా సోను సూద్ ఈ విధంగా రాశారు. “నేను ఇప్పటికే వారి కుటుంబ సభ్యులతో మాట్లాడాను. ఆయనని కాపాడటానికి నా వంతు సహాయం నేను చేస్తాను” అని అన్నారు. శివ శంకర్ మాస్టర్ చిన్న కొడుకు అజయ్ కృష్ణ ప్రస్తుతం వారి కుటుంబాన్ని చూసుకుంటున్నారు.

Iam already in touch with the family,
Will try my best to save his life 🙏 https://t.co/ZRdx7roPOl

— sonu sood (@SonuSood) November 25, 2021

ప్రస్తుతం ఎస్ ఎస్ తమన్ హవా మాములుగా లేదు. వరసగా టాప్ హీరోలతో సినిమాలు చేస్తున్నారు. తమన్ సంగీతం అందించిన సినిమాలు దాదాపుగా అన్నీ సూపర్ డూపర్ హిట్స్ అవుతున్నాయి.

టాలీవుడ్ లో వరసగా మహేష్ బాబు, పవన్ కళ్యాణ్, రామ్ చరణ్, చిరంజీవి, బాలకృష్ణ వంటి హీరోలతో సినిమాలు చేస్తున్నారు తమన్. ఇలా టాప్ సినిమాలతో పాటు మీడియం, స్మాల్ బడ్జెట్ చిత్రాలకు కూడా పనిచేస్తున్నారు ఈ టాప్ సంగీత దర్శకుడు.

ఈ నేపధ్యంలో తమన్ ఇటీవల ఒక ఇంటర్వ్యూ ఇచ్చారు. అందులో రెబల్ సినిమాకి సంబంధించి ఒక విషయాన్ని చెప్పారు. మొదటి రెబల్ సినిమాకి తమన్ సంగీత దర్శకత్వం అందించాలి. కానీ అనుకోని కారణాల వల్ల ఈ సినిమా నుండి తమన్ తప్పుకున్నారు. ఈ సినిమా నుండి తానే వాకౌట్ చేసాను అని చెప్పారు తమన్. ఏదో ఐడియా వచ్చిందని, తానే మ్యూజిక్ కంపోజ్ చేస్తాను అని లారెన్స్ చెప్పారు అని, దాంతో ఈ సినిమా నుండి బయటికి వచ్చేశాను అని తమన్ చెప్పారు. ప్రస్తుతం తమన్ మ్యూజిక్ కంపోజ్ చేసిన అఖండ సినిమా విడుదలకి సిద్ధంగా ఉంది.

హీరో, హీరోయిన్ల కాంబినేషన్ అనేది సినిమాకి చాలా ముఖ్యమైన విషయం. అందుకే దర్శకనిర్మాతలు కూడా హీరో, హీరోయిన్ విషయంలో జాగ్రత్తలు తీసుకుంటూ ఉంటారు. అలా మన హీరోలు ఎంతో మంది హీరోయిన్స్ తో ఒకటికంటే ఎక్కువ సార్లు నటించారు. ఇదే విధంగా ఒక హీరో ఒక నటితో 130 సినిమాల్లో నటించారు.

ఆయనే నటుడు ప్రేమ్ నజీర్. ప్రేమ్ నజీర్ ఒక మలయాళ నటుడు. ఎన్నో వైవిద్యమైన పాత్రలు పోషించి మలయాళ సినీ పరిశ్రమలో తనకంటూ ఒక ప్రత్యేక గుర్తింపు సంపాదించారు.

అయితే, ప్రేమ్ నజీర్ ఒక అరుదైన రికార్డ్ సృష్టించారు. షీలా అనే నటితో ఒకటి కాదు, రెండు కాదు, ఏకంగా 130 సినిమాల్లో నటించారు. ఇది మాత్రమే కాదు మరొక రికార్డ్ కూడా సాధించారు. 520 సినిమాల్లో ప్రధాన పాత్రలో నటించారు. ఈ రెండు అరుదైన ఘనతలకిగాను ప్రేమ్ నజీర్ రెండు సార్లు గిన్నీస్ రికార్డ్ సొంతం చేసుకున్నారు. ఇవి మాత్రమే కాకుండా, 80 మంది హీరోయిన్లతో నటించారు. అలాగే ప్రేమ్ నజీర్ నటించిన 30 సినిమాలు అన్నీ ఒకటే సంవత్సరంలో విడుదల అయ్యాయి. ఇలా మరో రెండు రికార్డ్ లని కూడా ప్రేమ్ నజీర్ సొంతం చేసుకున్నారు.