Mohana Priya

భారత దేశంలో కరోనా వైరస్ పాజిటివ్ కేస్ మొట్టమొదటిగా రిజిస్టర్ అయిన రాష్ట్రం కేరళ. దాంతో వైరస్ వ్యాప్తి చెందకుండా జాగ్రత్తలు తీసుకుంది కేరళ ప్రభుత్వం. దీనిపై కేరళ సిఎం పినరయి విజయన్ గత వారం మాట్లాడుతూ ” కమ్యూనిటీ ట్రాన్స్మిషన్ చూసిన మొదటి రాష్ట్రం కేరళ. కరోనా వైరస్ మొదటి పాజిటివ్ కేస్ జనవరిలో నమోదు అయింది.

రెండవ లాక్ డౌన్ సమయం లో వైరస్ వ్యాప్తి చెందకుండా ఆపడానికి మేము ఎంతో జాగ్రత్తలు తీసుకున్నాం. కానీ లాక్ డౌన్ ఎత్తివేసిన తర్వాత కేరళ స్వస్థలం అయిన ప్రజలు వందే భారత్ ఫ్లైట్ ల ద్వారా కేరళ కి తిరిగి వచ్చారు. దాంతో కేరళ లో ఉన్న పట్టణ ప్రాంతాలే కాకుండా గ్రామాలలో కూడా ఈ వైరస్ వ్యాపించడం మొదలైంది. అంతేకాకుండా కేరళలోని తీర ప్రాంతం పూంతురా లో కూడా వైరస్ విస్తరిస్తోంది” అని అన్నారు.

కేరళ సీఎం సలహాదారులు ఐఏఎస్ రాజీవ్ సదానందన్ మాట్లాడుతూ ” కేరళ చుట్టూ ఉన్న ప్రదేశాల్లో కరోనా వైరస్ పాజిటివ్ ఉన్న వాళ్ల సంఖ్య ఎక్కువగా ఉంది. వాటిలో త్రివేండ్రం, కన్యాకుమారి కూడా ఉన్నాయి. ఎవరి నుండి వ్యాప్తి చెందుతుందో కూడా తెలియకుండా వైరస్ అంతటా పాకుతోంది. పాజిటివ్ వచ్చిన వ్యక్తులు కూడా పెరిగిపోతుండటంతో ప్రభుత్వం అసలు వైరస్ మొదలైన స్థానాన్ని గుర్తించలేకపోయింది. దాంతో ఈ పరిస్థితిని కమ్యూనిటీ ట్రాన్స్మిషన్ గా ప్రకటించింది.

ఎవరి నుంచి అయినా వైరస్ అనేది వ్యాప్తి చెందే అవకాశం ఉంది అని ప్రజలకు మేము చెప్పాలి అని అనుకుంటున్నాం. మనుషులు ఎక్కువగా కలవడం వల్ల వైరస్ వ్యాప్తి చెందుతుంది అని కేరళ ప్రభుత్వం లాక్ డౌన్ ని పొడిగించింది. ఐసోలేషన్ పాటించినా కూడా 13000 పాజిటివ్ కేసులు 44 మరణాలు చోటుచేసుకున్నాయి. లాక్ డౌన్ పొడిగించడం వల్ల పాజిటివ్ కేసులు తగ్గాయి అంతేకాకుండా వైద్య సేవలను కూడా మెరుగు పరచగలిగాము” అని చెప్పారు.

కమ్యూనిటీ ట్రాన్స్మిషన్ సమస్యను పరిష్కరించడానికి కేరళ ప్రభుత్వం తీసుకున్న చర్యలు ఇవే.

#1 కేరళ మెడికల్ ఆర్మీకి 8వేల మందిని అదనంగా చేర్చారు.

#2 క్వారంటైన్ లో ఉన్న వాళ్లని పర్యవేక్షించడానికి డ్రోన్స్ ఏర్పాటు చేశారు.

#3 ఫేస్ మాస్క్ వాడడం పై కఠిన నియమాలను విధించారు.

#4 సీల్ వేసిన ప్రాంతాల్లో ఎక్కువ మంది పోలీసులను నియమించారు.

#5  ప్రతి ఇంటికి వెళ్లి సర్వే చేయాలి అని కేరళ ప్రభుత్వం వారు      నిర్ణయించుకున్నారు.

#6 కంటోన్మెంట్ జోన్ లో ఉన్న ప్రదేశాల్లో కి ఎవరు వెళ్లకుండా వార్నింగ్ బోర్డులు పెట్టడం లేదా సెక్యూరిటీ పెంచడం లాంటివి చేస్తున్నారు.

#7 ప్రైవేట్ ఆసుపత్రులలో 20% బెడ్ లను కోవిడ్ పేషెంట్లకు అందించాలి అని కోరారు.

రాజీవ్ సదానందన్ మాట్లాడుతూ ” కరోనా వైరస్ వ్యాప్తిని ఆపడానికి మేము చేసే చర్యను మూడు భాగాలుగా విభజించాం. కమ్యూనిటీ ట్రాన్స్మిషన్ ద్వారా కరోనా సోకిన వారిని తీసుకుంటాం వాళ్ల వల్ల ఏ ప్రదేశాల్లో వైరస్ వ్యాప్తి చెందే అవకాశం ఉందో కనుక్కుంటాం. ఆ ప్రదేశాల్లో భద్రతను పెంచి మిగిలిన వాళ్ళకి వ్యాప్తి చెందకుండా ఆపుతాం.

రెండవది ఏంటి అంటే పాజిటివ్ వచ్చిన వాళ్లకి అన్ని రకాల టెస్టులు చేయించి వారితో పాటు ఎవరెవరు కాంటాక్ట్ లో ఉన్నారో తెలుసుకొని, పాజిటివ్ వచ్చిన వ్యక్తికి ఎట్టి పరిస్థితుల్లోనూ క్వారంటైన్ లో ఉండమని సూచిస్తాం. మూడవది ఏంటంటే పాజిటివ్ వచ్చిన వాళ్లందరికీ ఉత్తమమైన చికిత్స అందిస్తాం. అంతేకాకుండా వృద్ధులకి, అనారోగ్యంతో ఉన్న వాళ్లకి అదనంగా జాగ్రత్తలు తీసుకొని తరచుగా పరీక్షలు చేయిస్తాం” అని అన్నారు.

ఇప్పుడు ఉన్న సమయంలో తినడం, పనులు చేసుకోవడం తో పాటు శానిటైజింగ్ కూడా రోజు వారి జీవితంలో ఒక భాగమైపోయింది. బయట నుండి వచ్చిన తర్వాత చేతులను శానిటైజర్ తో శుభ్రపరుచుకుంటున్నాం. కూరగాయలను పండ్లను వేడి నీళ్లలో వేసి కడగడం చేస్తున్నాం.

వీటన్నిటితో పాటు ఇంకొక ముఖ్యమైన పదార్థం శుభ్రపరుచుకోవాలి అన్న విషయం మర్చిపోయాం. అవే పాల ప్యాకెట్లు. పాలు ప్యాకెట్ లో పోసి ఆల్రెడీ సేఫ్ గానే ఉన్నాయి కదా. మళ్లీ శుభ్రం చేయాల్సిన అవసరం ఏంటి? అని మీ అందరికీ అనిపిస్తూ ఉండొచ్చు.

కానీ విషయం ఏంటంటే, పాల ప్యాకెట్ల కవర్లు ప్లాస్టిక్ తో తయారవుతాయి. కరోనా వైరస్ ప్లాస్టిక్ పై దాదాపు మూడు రోజుల పాటు బతికే ఉంటుందట. అందుకే ప్యాక్ చేసినా కూడా ఆ కవర్ ప్లాస్టిక్ కాబట్టి శానిటైజింగ్ ఖచ్చితంగా చేయాలట. ప్యాకెట్ పాలను ఎలా శానిటైజ్ చేయాలో చెబుతూ ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) ట్విట్టర్ ద్వారా ఈ విధంగా వివరించింది.

#1 పాల వాళ్ళ దగ్గర నుంచి పాలు తీసుకునేటప్పుడు సామాజిక దూరం పాటించండి. పాల అతను మాస్క్ వేసుకున్నాడా లేదా అనేది చూడండి. ఒకవేళ మాస్క్ వేసుకోకపోతే వేసుకోమని చెప్పండి.

#2 పాల ప్యాకెట్ ని నీళ్లతో శుభ్రంగా కడగండి.

#3 పాల పాకెట్ లో ఉన్న పాలను గిన్నెలో పోసే ముందు చేతులని శుభ్రంగా కడుక్కోండి.

#4 పాల ప్యాకెట్ ను కడిగిన వెంటనే కట్ చేసి పాలను గిన్నెలో పోసేయకండి. కొంచెం సేపు ఆ పాల ప్యాకెట్ ను ఆరనివ్వండి. లేకపోతే కడిగినప్పుడు ఆ పాల ప్యాకెట్ కు ఉన్న నీళ్ళు కూడా గిన్నెలో పడే అవకాశాలు ఉన్నాయి.

#5 అలా ఆరిన పాల ప్యాకెట్ ను కట్ చేసి పాలను ఒక గిన్నెలో పోసి వేడి చేయండి.

ఒకవేళ మీరు పాలు ప్యాకెట్ రూపంలో కాకుండా విడిగా తీసుకుంటున్నట్లయితే మీ గిన్నెను శుభ్రంగా కడిగి తీసుకు వెళ్ళండి. పాలు పోయించుకునేటప్పుడు కూడా సామాజిక దూరం పాటించడం మాత్రం మర్చిపోకండి.

ఒకవేళ పాల ప్యాకెట్ ఇంటికి సప్లై చేసేటట్లయితే మీరే వెళ్లి డైరెక్ట్ గా పాల ప్యాకెట్లు తీసుకోకుండా ఇంటి ముందు గేటు కి ఒక బుట్ట లేదా కవర్ కట్టి పాల ప్యాకెట్లను అందులో వెయ్యమని చెప్పండి. తర్వాత పైన చెప్పినట్లుగా పాల ప్యాకెట్లను శుభ్రపరుచుకోండి. పాల ప్యాకెట్లే కాకుండా ప్లాస్టిక్ కవర్ లో ప్యాక్ చేసిన ఏ వస్తువైనా లేదా ఏ తినే పదార్థమైనా సరే కవర్ ని మాత్రం ఖచ్చితంగా శానిటైజ్ చేయండి.