Mohana Priya

చైనా పేరు చెప్తే మిగిలిన దేశాలన్నింటికీ కోపం వచ్చేలా తయారయ్యింది పరిస్థితి. మరీ ముఖ్యంగా భారతదేశానికి. కరోనా, గాల్వాన్ ఘటన వల్ల చైనాతో భారతదేశానికి గొడవలు ఇంకా ఎక్కువగా ఉన్నాయి. అందుకే ఇటీవల భారతదేశ ప్రభుత్వం చైనా తయారుచేసిన 59 అప్లికేషన్లను గూగుల్ ప్లే స్టోర్ లో నుండి తొలగించింది. ఇందులో 58 అప్లికేషన్లు ఒక ఎత్తైతే, జనాలకి మత్తు మందు లాగా ఎక్కిన టిక్ టాక్ యాప్ మరొక ఎత్తు.

టిక్ టాక్ కి భారత దేశ ప్రజలు ఎంతగా అడిక్ట్ అయ్యారో అందరికీ తెలుసు. దాంట్లో ఒక వీడియో చేసి అప్లోడ్ చేస్తే ఎన్నో లైక్స్ వస్తాయి. వాటిని జనాలు అంతే సీరియస్ గా తీసుకుంటారు. అలా కొన్నివేల లైకులు, ఫాలోవర్లు వచ్చిన ఎంతోమంది తాము ఎంతో కష్టపడి పైకి వచ్చిన స్టార్ల లాగా ఫీల్ అవుతూ ఉంటారు.టిక్ టాక్ వాడుతున్న వాళ్లలో చాలామంది భారతదేశం వాళ్లే. ఇది తెలిసి టిక్ టాక్ సంస్థాపకుడు భారత దేశ ప్రజలు అంత పని పాట లేకుండా ఉన్నారు అని ఎగతాళి చేశాడు. అతని మాటకి తిరిగి సమాధానం చెబుతూ ఆప్ కి ప్లే స్టోర్ లో తక్కువ రేటింగ్ ఇచ్చారు భారత దేశ ప్రజలు.

వాళ్ల యాప్ ని వాడుతున్నా వాళ్లకు బాధే వాడకుండా బ్యాన్ చేసినా కూడా బాధే. మొన్నటి వరకూ టిక్ టాక్ వాడినందుకు ఎగతాళి చేశారు ఇవాళ బ్యాన్ చేసినందుకు ఎగతాళిగా మాట్లాడుతున్నారు. ప్లే స్టోర్ లో యాప్లు అన్నీ బ్యాన్ చేసినందుకు ఒక చైనా పత్రిక ఎడిటర్ ట్విటర్లో ఈ విధంగా స్పందించాడు.

Well, even if Chinese people want to boycott Indian products, they can't really find many Indian goods. Indian friends, you need to have some things that are more important than nationalism. pic.twitter.com/6zauhqYbXH

— Hu Xijin 胡锡进 (@HuXijin_GT) June 29, 2020

“భారతదేశం చైనా వస్తువులు అన్నిటిని బ్యాన్ చేసింది. అందుకని చైనా వాళ్లు కూడా భారతదేశం నుండి వచ్చేవి బ్యాన్ చేయాలి. కానీ ఒకవేళ అలా చేయాలి అని అనుకున్నా కూడా భారతదేశం నుండి వచ్చే వస్తువులు ఎక్కువగా ఏం లేవు. మీరు నేషనలిజం కంటే ఎక్కువగా పట్టించుకోవాల్సిన విషయాలు ఇంకా చాలా ఉన్నాయి” అని ఆ ట్వీట్ సారాంశం.దానికి బిజినెస్ దిగ్గజం ఆనంద్ మహీంద్రా ఈ విధంగా స్పందించారు.

I suspect this comment might well be the most effective & motivating rallying cry that India Inc. has ever received. Thank you for the provocation. We will rise to the occasion…🙏🏽 https://t.co/LZbQhS8xVW

— anand mahindra (@anandmahindra) June 30, 2020

“నాకు తెలిసి ఇప్పటివరకు భారతదేశం అందుకున్న కామెంట్ల లో చాలా ప్రభావితం చేసే, ప్రేరేపించే కామెంట్ ఇదే. ఇలా మమ్మల్ని రెచ్చగొట్టినందుకు ధన్యవాదాలు. చాలా తొందరలో మేము ఆ స్థాయికి ఎదుగుతాం” అని ఆనంద్ మహీంద్రా ట్వీట్ లో పేర్కొన్నారు.

I hadn’t ever downloaded TikTok but I have just downloaded Chingari… More power to you… https://t.co/9BknBvb8j3

— anand mahindra (@anandmahindra) June 28, 2020

స్వదేశీ వస్తువులని, టెక్నాలజీని ప్రోత్సహించడానికి ఆనంద్ మహీంద్రా ఎప్పుడూ ముందుంటారు. టిక్ టాక్ లాగానే ఉండే చింగారి అనే యాప్ భారతదేశంలో తయారు చేశారు అని తెలిసి ఆయన వంతు ప్రోత్సహించడానికి ఆ ఆప్ ను ఇన్స్టాల్ చేసుకున్నారు. తాను అసలు టిక్ టాక్ వాడలేదు అని కానీ ఇది భారతదేశం ది కాబట్టి ఈ ఆప్ ను డౌన్లోడ్ చేశాను అని ట్విట్టర్లో పోస్ట్ చేశారు.

ఒక్కరోజులో జీవితం మారిపోవడం, ధనవంతులు అయిపోవడం అనేవి మీరు సినిమాల్లో చూసే ఉంటారు. కానీ నిజంగా ఒక వ్యక్తి కి అలానే జరిగింది. టాంజానియా కి చెందిన సానినీ లేజర్‌ కి ఆ దేశంలోనే అత్యంత విలువైన గని దొరకడంతో రాత్రికి రాత్రే అతని జీవితం మారిపోయింది.

సానినీ లేజర్‌ టాంజానియా లో గనులు తవ్వుతూ ఉంటాడు. ఒకరోజు అలానే తవ్వుతున్నప్పుడు రెండు విగ్రహాలు బయటపడ్డాయి. రెండు కలిపి దాదాపు 15 కిలోల దాకా ఉన్నాయి. అవి ఏంటి అని పరీక్షిస్తే టాంజానియా లోనే అతి ఖరీదైన ఖనిజం అని తెలిసింది. దాంతో సానినీ ఆ రెండు విగ్రహాన్ని తీసుకెళ్లి టాంజానియా ప్రభుత్వానికి అప్పగించాడు. అలా అప్పగించినందుకు ప్రభుత్వం సానినీ కి 34 లక్షల డాలర్లు అంటే భారత దేశ కరెన్సీ లో 25.7 కోట్ల రూపాయలు బహుమతిగా ఇచ్చింది.

ఆ ఖనిజాన్ని టాంజానైట్ ఖనిజం అంటారు. అది కేవలం ఉత్తర టాంజానియా లో మాత్రమే దొరుకుతుంది. దీన్ని భూమి మీద లభించే అరుదైన రత్నాలలో ఒకటిగా చెబుతారు. బహుశా 20 ఏళ్ల తర్వాత ఈ ఖనిజం అంతరించిపోతుంది అని శాస్త్రవేత్తలు చెబుతున్నారు. టాంజానైట్ ఖనిజం వైలెట్, ఎరుపు, ఆకుపచ్చ రంగులలో ఉంటుంది. ఖనిజం ఎంత స్పష్టంగా ఉంటే దాని ధర అంత ఎక్కువగా ఉంటుంది.

యాభై రెండేళ్ల సానినీ కి నలుగురు భార్యలు, 30 మందికి పైగా సంతానం ఉన్నారు. ఆ డబ్బులు ఎలా ఖర్చు పెట్టాలి అన్న దాని గురించి మాట్లాడుతూ ” ఈ ఆదాయాన్ని మాన్యారా ప్రాంతంలో సిమాంజిరో జిల్లాలో నివసించే మా సమాజ ప్రజలకోసం ఉపయోగించాలి అని ఆలోచిస్తున్నాను. మా ఇంటి దగ్గర చదివించే స్తోమత లేక తమ పిల్లలని స్కూలుకి పంపించే లేని కుటుంబాలు ఎన్నో ఉన్నాయి. వారి కోసం ఒక స్కూలు, ఒక షాపింగ్ మాల్ కట్టాలి అనుకుంటున్నాను.

నేను చదువుకోలేదు కానీ నాకు ఏదైనా పనిని చదువుకొని, దాని గురించి పూర్తిగా తెలుసుకొని, ప్రొఫెషనల్ గా చేయడం అంటే చాలా ఇష్టం. అందుకే నా పిల్లలు వ్యాపారంలో అడుగుపెట్టాలంటే ప్రొఫెషనల్ గా అని తెలుసుకొని అడుగు పెట్టాలి అని అనుకుంటున్నా.

నా దగ్గర 2000 ఆవులు ఉన్నాయి. నాకు డబ్బులు వచ్చినా కానీ నేను నా ఆవుల సంరక్షణ ని కొనసాగిస్తూనే ఉంటాను. ఇలా సడన్ గా డబ్బులు రావడం వల్ల నేను ఎక్కువగా జాగ్రత్త తీసుకోవాల్సిన అవసరం ఏమీ లేదు. ఎందుకంటే ఈ ప్రాంతం లో భద్రత చాలా ఎక్కువ.  రాత్రుళ్ళు కూడా ధైర్యంగా తిరగవచ్చు” అని చెప్పారు.

ఇదంతా తెలుసుకున్న టాంజానియా దేశ అధ్యక్షుడు జాన్ మగుఫులి సానినీకి ఫోన్ చేసి అభినందించారు. ఆయన మాట్లాడుతూ “మైనర్ ల తో కలిగే ప్రయోజనమే ఇది. ఇలా ఖనిజాలు దొరికిన చాలామంది వాటిని తమ స్వార్థం కోసం ఉపయోగించడం, లేదా అమ్మేయడం లాంటివి చేస్తుంటారు. కానీ ఇతను తీసుకొచ్చి ప్రభుత్వానికి అప్పగించాడు. దీంతో అతను ఎంతో నిజాయితీపరుడో తెలుస్తోంది, అదే కాకుండా టాంజానియా సంపన్నమైన దేశం అని మరో సారి రుజువైంది” అని అన్నారు.