Author

Mounika Singaluri

Mounikasingaluri is a Senior Content Editor who Works at the Teluguadda Website. She has more than 5 years of experience, and she has also worked at various Telugu news websites. She Publishes Latest Telugu Updates and Breaking News in Telugu, Movies Updates and Other Viral News.

“మహాత్మా గాంధీ” ఆహార అలవాట్లు ఎలా ఉండేవో తెలుసా..? రోజు ఏం తినేవారంటే..?

by Mounika Singaluri March 8, 2024

written by Mounika Singaluri

దేశ స్వాతంత్య్ర సంగ్రామంలో పాల్గొని.. ఉవ్వెత్తున ఉద్యమాన్ని ముందుకు తీసుకెళ్లడంలో కీలక పాత్ర పోషించారు మహాత్మా గాంధీ. శాంతియుత మార్గంలో యుద్ధ తంత్రాన్ని ముందుకు తీసుకెళ్లారు. రక్తం చుక్క నేల రాలకుండా దేశానికి స్వాతంత్ర్యం తీసుకొచ్చేందుకు తన వంతు కృషి చేశారు. అందుకే మనకి ఇప్పటికీ ఆయనపేరు తలచుకోగానే సత్యం, అహింస‌ మాత్రమే గుర్తొస్తాయి. కానీ గాంధీజీ నుంచి మనం నేర్చుకోవాల్సిన విషయాలు చాలానే ఉన్నాయి.

గాంధీజీ జీవితం, ఆయన జీవనశైలి మ‌న‌కు అమూల్య‌మైన సూత్రాలను బోధిస్తాయి. వీటిని మనం మన జీవితంలో అవ‌లంబించి ఆరోగ్యవంతులుగా మార‌వ‌చ్చు. గాంధీ గారు మానవ శరీరాన్ని దేవాలయంగా విశ్వసించేవారు. అందుకే దేహాన్ని పవిత్రంగా ఉంచుకోవాలని తరచూ సూచించేవారు. రకరకాల ఆహార పదార్థాలను కడుపులో వేసి పొట్టను చెత్త కుండీలా మార్చుకోవద్దని గాంధీజీ తరచూ చెప్పేవారు. ఇప్పుడు గాంధీజీ పాటించిన ఆరోగ్యకరమైన అలవాట్లు ఏవో చూద్దాం ..

#1 నడక

గాంధీజీ ఎక్కువగా నడిచేవారు. గాంధీజీ తన జీవితంలో 79000 కిలోమీటర్లు నడిచారు.అంటే ప్రతిరోజూ 18 కిలోమీటర్లు నడిచేవారు.

#2 ఉపవాసం

బాపూజీ రోజూ ఒక పూట మాత్రమే భోజనం తినేవారు. అలాగే ఉపవాసాలు ఎక్కువగా చేసేవారు. ఉపవాసం వాళ్ళ జీర్ణ వ్యవస్థకు విశ్రాంతి లభిస్తుందని ఆయన నమ్మేవారు.

#3 శాకాహారం

గాంధీ తన జీవితకాలంలో ఒక్కసారి కూడా మాంసాహారం తినలేదు. 1888లో న్యాయశాస్త్రం చదవడానికి ఇంగ్లండ్‌కు వెళ్లేముందు మాంసం తిననని, మద్యం ముట్టుకోనని తన తల్లికి ప్రమాణం చేశారు. శాకాహారం దొరకడం కష్టమైనా, ఎప్పుడూ ఆకలితో ఉన్నా ఆయన తన మాట నిలబెట్టుకున్నారు. మాంసాహారం ఆరోగ్యానికి మంచిది కాదని గాంధీ దృఢంగా విశ్వసించారు.

#4 తేనే, బెల్లం

గాంధీజీ చక్కెర కు దూరంగా ఉండేవారు. దానికి బదులుగా బెల్లం లేదా తేనెను వాడేవారు.

#5 పోలిష్డ్ ఆహారపదార్దాలు

గాంధీజీ ఏ విధమైన పాలిష్ ఆహార ధాన్యాల‌ను తీసుకొనేవారు కాదు.

#6 ఆహార నియమాలు

గాంధీజీ ఆహారంతో చేసిన ప్రయోగాల ఆధారంగా కొన్ని నియమాలను పాటించేవారు.ప‌లు ధాన్య‌పు గింజలు కలిపి తినకూడదని చెప్పేవారు. పాలతో చపాతీ, రోటీ తినకూడదని గాంధీ చెబుతుండేవారు. భోజనంలో చపాతీ మరియు కూరగాయలు ఉండాలని సూచించేవారు. తృణ ధాన్యాలు, వరి, జొన్న, రాగులు వంటివి కూడా శరీరానికి బలం ఇస్తాయని గాంధీజీ నమ్మేవారు.

#7 వ్యక్తిగత పరిశుభ్రత

గాంధీజీ వ్యక్తిగత పరిశుభ్రతకు అధిక ప్రాధాన్యత ఇచ్చేవారు. మితాహారం, వ్యక్తిగత పరిశుభ్రత వల్ల అనేక ఆరోగ్య ప్రయోజనాలు ఉంటాయని నమ్మారు.

#8 పానీయాలు

టీ, కాఫీ మరియు కోకో మానవ శరీరానికి పూర్తిగా అవసరం లేదని గాంధీజీ దృఢంగా విశ్వసించారు. వాటికి బదులుగా తేనె, వేడినీరు, నిమ్మకాయలతో కూడిన పానీయాన్ని తాగాలని సూచించేవారు. ఆయన ఆల్కహాల్ కి దూరంగా ఉండేవారు.

#9 ధ్యానం

మనిషి తన మానసిక ప్రశాంతతతో పాటు శారీరక ప్రశాంతతను పెంపొందించుకోవడం కోసం ధ్యానం చేయడం అలవాటు చేసుకోవాలన్నది గాంధీ సిద్ధాంతం. ఆయన ప్రతీ రోజు ధ్యానం చేసేవారు.

March 8, 2024

Mythology

“మహా శివరాత్రి” గురించి… ఎవరికీ తెలియని 5 కథలు..!

by Mounika Singaluri March 8, 2024

written by Mounika Singaluri

ఫాల్గుణ మాసం చతుర్ధశి తిథి కృష్ణ పక్షం నాడు మహాశివరాత్రిని జరుపుకుంటారు. ఈ ఏడాది శివరాత్రి ఫిబ్రవరి 18న వచ్చింది. ఈ రోజున శివుడి భక్తులంతా ఉపవాసం ఉంటారు. రాత్రంతా జాగారం చేస్తారు. ఈ రోజున అర్థరాత్రి శివుడికి పూజలు చేస్తారు. ఆవుపాలు, ఆవు పాలతో తయారైనపెరుగు, తేనె, నెయ్యి, పంచదార అనే పంచామృతాల తోనూ, చెరకు రసంతోనూ శివ లింగాన్ని అభిషేకించాలి. ఆవుపాలతో చేసిన పాయసాన్ని నైవేద్యంగా సమర్పించాలి. శివుడికి చేసే పూజ, అభిషేకాలన్నీ ఓంకారాన్ని జపిస్తూ చెయ్యాలి. ఈ పదార్థాలే కాక ఇంకా ఒక్కో కామ్య సిద్ధికి ఒక్కో పదార్థంతో అభిషేక నివేదనలున్నట్టు శివ, లింగ పురాణాలు పేర్కొంటున్నాయి.

అయితే శివరాత్రికి సంబంధించి అనేక కథలు ఉన్నాయి. ఆ కథలను ఇప్పుడు తెలుసుకుందాం..

#1 నీలకంఠుడు

పురాణాల ప్రకారం క్షీర సాగర మథనం జరిగినపుడు విషం ఆవిర్భవించింది. ఆ సమయం లో దాని ప్రభావంటి తో లోకం మొత్తం ఇబ్బంది పడింది. అప్పుడు శివుడు ఆ గరళాన్ని స్వీకరించి గొంతులో నిలుపుకున్నాడు. అందుకే శివుడ్ని నీలకంఠుడు, గరళా కంఠుడు అంటారు. ఈ సందర్భంగా శివ రాత్రి పర్వదినాన్ని జరుపుకుంటామని కొందరి నమ్మకం.

#2 బ్రహ్మ – విష్ణు సంవాదం

పురాణాల్లో ఇదే రోజు బ్రహ్మ – విష్ణు ఆధిపత్యం కోసం గొడవ పడ్డారట. ఇది శివునికి కోపం తెప్పించింది. దీంతో వారిద్దరికీ తన మొదలుని తెలుసుకోమని పోటీ పెట్టాడట. ఆ రోజు కూడా మహా శివ రాత్రే.

#3 శివ – శక్తి వివాహం

మహాశివరాత్రి పండుగకు సంబంధించిన అత్యంత ముఖ్యమైన పురాణాలలో శివుడు మరియు శక్తి వివాహానికి సంబంధించిన పురాణం ఒకటి. ఈ కథలో శివుడు తన భార్య అయిన శక్తిని రెండవసారి ఎలా వివాహం చేసుకున్నాడో తెలుపుతుంది. శివుడు, శక్తి పురాణాల ప్రకారం, శివుడు పార్వతిని వివాహం చేసుకున్న రోజును శివరాత్రిగా జరుపుకుంటారు.

#4 బిల్వ పత్రాలు

శివరాత్రి రోజున ఒక వేటగాడిని సింహం వెంబడించింది. సింహం దాడి నుండి తనను తాను రక్షించుకోవడానికి వేటగాడు బిల్వ చెట్టు ఎక్కాడు. సింహం ఆ చెట్టు కింద రాత్రంతా ఎదురుచూసింది. వేటగాడు చెట్టు మీద నుండి పడిపోకుండా మెలకువగా ఉండేందుకు బిల్వ వృక్షం ఆకులను కోసి క్రింద పడేస్తూనే ఉన్నాడు.

చెట్టు కింద ఉన్న శివలింగంపై ఆ ఆకులు పడ్డాయి. బిల్వ పత్రాలు సమర్పించినందుకు సంతోషించిన శివుడు, పక్షులను చంపి వేటగాడు చేసిన పాపం ఎంత చేసినా వేటగాడిని రక్షించాడు. ఈ కథ శివరాత్రి నాడు బిల్వ పత్రాలతో శివుని పూజించడం వల్ల కలిగే శుభాన్ని తెలియజేస్తుంది.

#5 శివ లింగోద్భవం

పురాణాల ప్రకారం బ్రహ్మకి, విష్ణువుకి సంవాదం జరిగినపుడు శివుడు వారికి తన ఆది, అంతం కనుగొనమని చెబుతాడు. బ్రహ్మ, విష్ణువుకి సమాధానం దొరకదు. అయితే అప్పుడు ఫాల్గుణ మాసం కృష్ణ పక్షం రోజులలో 14వ రోజున, శివుడు మొదట లింగ రూపంలో ప్రత్యక్షమయ్యాడని నమ్ముతారు. అప్పటి నుండి ఈ రోజు చాలా పవిత్రమైనదిగా పరిగణించబడుతుంది.

March 8, 2024

Filmy Adda

“అపరిచితుడు” సినిమాలో ఈ సీన్ గమనించారా..? ఈ లాజిక్ ఎలా మిస్ అయ్యారు..?

by Mounika Singaluri March 8, 2024

written by Mounika Singaluri

ఇండియా గర్వించదగ్గ దర్శకుల్లో శంకర్ ఒకరు. ఎన్నో అద్భుతమైన చిత్రాలకు దర్శకత్వం వహించి శంకర్ టాప్ డైరెక్టర్ గా ఎదిగాడు. హీరోలతో సంబంధం లేకుండా పోస్టర్ పైన ఈయన పేరు కనబడితే ప్రేక్షకులు థియేటర్లకు పరుగులు తీసేవారు. శంకర్ తాను తీసే ప్రతి సినిమాలోనూ ఎంటర్టైన్మెంట్ తో పాటు ఒక సోషల్ మెసేజ్ కూడా ఉండేలాగా చూస్తారు.

శంకర్ తెరకెక్కించిన అద్భుతమైన చిత్రాల్లో ‘అపరిచితుడు’ ఒకటి. ఈ చిత్రం సౌత్ లోని అన్ని భాషల్లో విడుదలై ఘన విజయం సాధించింది. ఈ చిత్రం విక్రమ్ హీరోగా నటించగా, సదా ఆయనకు జోడీగా నటించింది. ఈ చిత్రం లో స్క్రీన్ ప్లే , టేకింగ్, పాటలు అన్ని నెక్స్ట్ లెవెల్లో ఉంటాయి. అలాగే ఈ చిత్రానికి విక్రమ్ నటన పెద్ద అసెట్. ఈ చిత్రం లో విక్రమ్ తన నట విశ్వరూపాన్ని చూపించాడు. మూడు పాత్రల్లో విక్రమ్ తన నటనతో ప్రేక్షకులను అలరించాడు. అప్పట్లో ఈ చిత్రం చాలా రికార్డులను క్రియేట్ చేసింది.

ఈ సినిమా క‌థ‌ను శంక‌ర్ మొద‌ట ర‌జినికాంత్‌కు వినిపించాడ‌ట‌. కానీ ర‌జిని ఈ క‌థ‌ను రిజెక్ట్ చేశాడ‌ట‌. దాంతో విక్ర‌మ్‌ వ‌ద్ద‌కు అప‌రిచితుడు స్క్రిప్ట్ వెళ్ళింది. విక్ర‌మ్ కెరీర్‌లోనే ఈ చిత్రం ఓ మైలురాయిలా నిలిచిపోయింది. నిర్ల‌క్ష్యం, లేజినెస్‌, అవినీతి , క‌ల్తీ వ‌ల‌న దేశం ఎలా అభివృద్ధి చెంద‌కుండా అలానే ఉండిపోతుందో అనే కాన్సెప్ట్‌తో శంక‌ర్ ఈ మూవీని తెర‌కెక్కించాడు. ఈ చిత్రం లో విక్రమ్ రాము, రెమో, అపరిచితుడు పాత్రల్లో నటించారు. వీరిలో రెమో లవర్ బాయ్, అపరిచితుడు అన్యాయం చేసే వాళ్ళ అంతు చూస్తాడు. అలాగే రాము చాలా సౌమ్యుడు, చాలా రూల్స్ మాట్లాడతాడు, చిన్న తప్పుని కూడా భరించలేడు.

అయితే రాము లాయర్ కావడం తో ఓ సారి బైక్ వైర్ తెగితే ఆ కంపెనీ ని కోర్ట్ కి లాగుతాడు. కానీ ఈ సినిమాలో రాము చాలా సార్లు బండి నడుపుతాడు కానీ ఒక్కసారి కూడా హెల్మెట్ పెట్టుకోడు. అప్పుడు సినిమాలో ఎవరు గమనించలేదు. కానీ.. అన్ని రూల్స్ మాట్లాడే రాము హెల్మెట్ పెట్టుకోలేదు అంటూ నెటిజన్స్ ట్రోల్ చేస్తున్నారు. ప్రస్తుతం ఆ ఫోటో నెట్టింట వైరల్ అవుతోంది.

March 8, 2024

Politics

ఈ ఫోటోలో సీనియర్ ఎన్టీఆర్ పక్కన ఉన్న వ్యక్తి ఎవరో తెలుసా…? ఇప్పటి ఎమ్మెల్యే.!

by Mounika Singaluri March 7, 2024

written by Mounika Singaluri

ప్రస్తుత తరానికి ఎన్టీఆర్ అనగానే సినిమా నటుడు జూనియర్ ఎన్టీఆర్ గుర్తు వస్తారు. అయితే పాత తరానికి ఎన్టీఆర్ అంటే ఎప్పటికీ సీనియర్ ఎన్టీఆర్ నే. సినిమా నటుడిగా తెలుగు వారి ఆత్మ గౌరవాన్ని ప్రపంచ ప్రఖ్యాతిగాంచి తర్వాత రాజకీయాల్లోకి వచ్చి తెలుగువారికి ఒక గుర్తింపు తెచ్చిన నాయకుడు సీనియర్ ఎన్టీఆర్. సీనియర్ ఎన్టీఆర్ ఏ పాత్ర వేసిన అందులోకి పరకాయ ప్రవేశం చేసేవారు. తెలుగువారికి రాముడు అన్న, కృష్ణుడు అన్న ఎన్టీఆర్ యే. తర్వాత రాజకీయాల్లోకి వచ్చి కొత్త చరిత్రనే సృష్టించారు. తెలుగుదేశం పార్టీ స్థాపించి తెలుగువారి ఆత్మగౌరవం నినాదంతో ప్రజల్లోకి వెళ్లారు. నేటికీ ఆయన స్థాపించిన తెలుగుదేశం పార్టీ ఆంధ్రప్రదేశ్ లో కీలకంగా ఉంది.

అయితే సీనియర్ ఎన్టీఆర్ కి సంబంధించిన ఫోటోలు అప్పుడప్పుడు ఇంటర్నెట్ లో హల్చల్ చేస్తూ ఉంటాయి. అయితే ఇప్పుడు ఎన్టీఆర్ కి సంబంధించిన ఒక ఫోటో సోషల్ మీడియాలో వైరల్ అవుతుంది. ఆ ఫోటోలో ఎన్టీఆర్ పక్కన ఒక వ్యక్తి నిలబడి ఫోటో దిగారు. ఆ ఫోటోలో ఉన్న వ్యక్తి ఎవరు అంటూ ఆరాల తీస్తున్నారు ప్రజలు. ఇంతకీ ఆ వ్యక్తి ఎవరంటే హైదరాబాద్ ప్రాంతంలోని అత్యధిక ధనికులు ఉండే ప్రాంతం జూబ్లీహిల్స్ ఎమ్మెల్యే మాగంటి గోపీనాథ్.

మాగంటి గోపీనాథ్ తెలంగాణ రాష్ట్రంలోని హైదర్ గూడా లో జన్మించారు. ఉస్మానియా యూనివర్సిటీ నుండి బిఎ పూర్తిచేసి 1983లో తెలుగుదేశం పార్టీలో చేరి రాజకీయ ప్రవేశం చేశారు. 1985 నుండి 92 వరకు తెలుగు యువత రాష్ట్ర అధ్యక్షుడిగా ఉన్నారు.

1987 నుండి 88 వరకు హైదరాబాద్ అర్బన్ డెవలప్మెంట్ అథారిటీ డైరెక్టర్ గా ఉన్నారు. 2014లో జరిగిన ఎన్నికల్లో టిడిపి తరఫున ఎమ్మెల్యేగా ఎన్నికైన తర్వాత బిఆర్ఎస్ పార్టీలో చేరారు. మళ్లీ తిరిగి 2018 లో ఇదే నియోజకవర్గ నుండి ఎమ్మెల్యేగా ఎన్నికయ్యారు. తనకి ఎప్పుడూ కూడా ఎన్టీఆర్ అంటే ఆరాధ్య దైవం అని, రాజకీయ గురువు అని మాగంటి గోపీనాథ్ చెబుతూ ఉంటారు. తాజాగా 2023 ఎన్నికల్లో జూబ్లీహిల్స్ నియోజకవర్గం నుండి బీఆర్ఎస్ పార్టీ ఎమ్మెల్యే అభ్యర్థిగా పోటీ చేసి గెలిచారు మాగంటి గోపీనాథ్.

March 7, 2024

Mythology

శివుడి పూజలో సింధూరం, పసుపు ఎందుకు ఉపయోగించరు..? కారణం ఏంటంటే..?

by Mounika Singaluri March 7, 2024

written by Mounika Singaluri

ఈ ఏడాది మహా శివరాత్రి ఫిబ్రవరి 18 న వచ్చింది. మహా శివరాత్రి చాలా పెద్ద పండుగ. ప్రతి ఏటా ఫాల్గుణ మాసం కృష్ణపక్ష చతుర్దశి రోజున దీన్ని జరుపుకుంటారు. అభిషేక ప్రియుడు అయినటువంటి పరమేశ్వరుడికి నీటితో అభిషేకం చేసి పూజించిన ఆయన కరుణ కటాక్షాలు మనపై ఉంటాయని భావిస్తారు. ఈయనకు వివిధ రకాల పదార్థాలతో పెద్ద ఎత్తున అభిషేకాలు నిర్వహిస్తుంటారు. అలాగే స్వామివారికి వివిధ రకాల పుష్పాలతో కూడా పూజలు చేస్తుంటారు. అయితే శివుని ఆరాధనలో పసుపు, కుంకుమ, తులసి దళాలు ఉపయోగించరు. కేవలం చందనం, విభూతి మాత్రమే వాడతారు.

అయితే శివుని ఆరాధనలో పసుపు, కుంకుమ, తులసి దళాలు ఎందుకు నిషేధించారో ఇప్పుడు తెలుసుకుందాం..

#1 పసుపు

శివుడిని పసుపుతో పూజించకపోవడానికి గల కారణం ఏంటనే విషయానికి వస్తే…గ్రంధాల ప్రకారం.. శివలింగం పురుష మూలకానికి చిహ్నం. అయితే పసుపు అనేది స్త్రీలకు సంబంధించినది కనుక పరమేశ్వరుడి పూజలో పసుపును కూడా ఉపయోగించరు.

#2 కుంకుమ

భారతీయ సంస్కృతిలో కుంకుమను వివాహిత స్త్రీలకు ఆభరణాలుగా పరిగణిస్తారు. వివాహిత స్త్రీలు తమ భర్త దీర్ఘాయువు మరియు ఆరోగ్యవంతమైన జీవితం కోసం కుంకుమను వాడతారు. అలాగే దానిని దేవుడికి కూడా సమర్పిస్తారు. కానీ శివుడిని ఏకాంతంగా పరిగణిస్తారు అలాగే పరమేశ్వరుడు సంహారం చేసే ఒక అవతారం అందుకే ఆయనకు కుంకుమతో పూజ చేయరు.

#3 తులసి దళాలు

తులసి దళాలకు చాలా పవిత్రత ఉంది. అలాగే ప్రతి పూజ లోను వీటిని ఉపయోగిస్తారు. అయితే శివుని పూజలో వీటిని ఉపయోగించకూదదు. ఎందుకంటే తులసి గత జన్మలో రాక్షస వంశం లో పుట్టింది. ఆమె పేరు వృందా.. ఆమె మహా విష్ణువుకు పరమ భక్తురాలు. ఆమె భర్త రాక్షస రాజు జలంధరుడు. అతడిని శివుడు ఒక యుద్ధం లో వధించాడు దీంతో శివుని పూజలో తులసి దళాన్ని ఉపయోగించకూడదని ఆమె శపించింది.

అలాగే శివలింగానికి శంఖం తో నీటిని సమర్పించకూడదు. శివ పురాణం ప్రకారం శంఖచూడ్ అనే రాక్షసుడ్ని శివుడే వధించాడు. అందుకే శంఖం తో శివుడికి నీటిని సమర్పించారు. ఇలా వివిధ కారణాల వల్ల ఇవన్నీ శివుని ఆరాధనకు నిషిద్ధం అయ్యాయి.

March 7, 2024

Filmy Adda Mythology

“ఎన్టీఆర్” నుండి “చిరంజీవి” వరకు… సినిమాల్లో “శివుడి” పాత్రలో నటించిన 15 హీరోలు..!

by Mounika Singaluri March 7, 2024

written by Mounika Singaluri

హిందువులకు మహాశివరాత్రి పండుగ చాలా పవిత్రమైనదిగా పరిగణించబడుతుంది. శివరాత్రి రోజున శంకరుడిని నియమ నిబంధనల ప్రకారం పూజించిన భక్తులు దుఃఖాల నుండి విముక్తి పొందుతారని మరియు జీవితంలో ఆనందం మరియు శ్రేయస్సు లభిస్తుందని నమ్ముతారు. పురాణాల ప్రకారం, ఈ పవిత్రమైనే రోజునే శివపార్వతుల కళ్యాణం జరిగిందని చెబుతారు. అందుకే ఈ పర్వదినాన ఉపవాసం ఉండి, జాగరణ చేస్తూ శివయ్యను కొలిస్తే తమకు పరమేశ్వరుని అనుగ్రహం లభిస్తుందని చాలా మంది నమ్ముతారు. ఈ పవిత్రమైన రోజున బిల్వ పత్రాలతో శివయ్యను పూజించి, శివ మంత్రాలను జపించిన వారికి మోక్షం లభిస్తుందని చాలా మంది నమ్ముతారు.

ఓ చెంబుడు జలంతో అభిషేకం చేసి.. మారేడు పత్రాలతో పూజచేస్తే పరవశించి పోతాడాయన.ఆ మహాదేవుని లీలలను కూడా ఎంతో మంది దర్శకులు వెండితెరపై ఆవిష్కరించారు.ఇక ఆయన ముఖ్యపాత్రలతో పాటు శివ దేవునిపై తెలుగులో చాలా చిత్రాలే వచ్చాయి.

అలా తెలుగు తెరపై మహాదేవుని పాత్రలో నటించి మెప్పించిన హీరోలెవరో ఇప్పుడు చూద్దాం..

#1 ఎన్టీఆర్

సీనియర్ ఎన్టీఆర్ అంటే మనకి ముందుగా రాముడు,కృష్ణుడు వేషాలే గుర్తుకు వస్తాయి. కానీ ఈయన ‘దక్షయజ్ఞం’,‘ ఉమా చండీ గౌరీ శంకరుల కథ’ సినిమాల్లో శివుడి వేషంలో మెప్పించారు.

#2 అక్కినేని నాగేశ్వర రావు

అక్కినేని నాగేశ్వరరావు శివుడిగా పౌరాణిక సినిమా చేయకపోయినా.. ‘మూగ మనసులు’ చిత్రం లో గౌరమ్మ నీ మొగుడెవరమ్మ పాటలోని రెండు మూడు సన్నివేశాల్లో శివుడిగా కనిపించి మెప్పించారు.

#3 శోభన్ బాబు

నట భూషణ శోభన్ బాబు కూడా ‘పరమానందయ్య శిష్యుల కథ’ చిత్రం లో శివుడిగా నటించారు.

#4 కృష్ణంరాజు

‘వినాయక విజయం’ చిత్రం లో రెబెల్ స్టార్ కృష్ణం రాజు శివుని పాత్రలో నటించారు.

#5 బాలయ్య

సీనియర్ నటుడు బాలయ్య చాలా చిత్రాల్లో శివుని పాత్రలో నటించారు. ఈయన ‘జగన్మాత’తో పాటు ‘భక్త కన్నప్ప’ తదితర చిత్రాల్లో మహా దేవుని పాత్రల్లో నటించారు.

#6 రామకృష్ణ

సీనియర్ హీరో రామ కృష్ణ ఎన్టీఆర్ హీరోగా నటించిన ‘మాయా మశ్చీంద్ర’ సినిమాలో పరమ శివుడి పాత్రలో మెప్పించారు.

#7 రంగనాథ్

కృష్ణ హీరోగా నటించిన ‘ఏకలవ్య’ చిత్రంలో రంగనాథ్ మహా దేవుని వేషంలో నటించారు.

#8 చిరంజీవి

రాఘవేంద్ర దర్శకత్వంలో తెరకెక్కిన ‘శ్రీ మంజునాథ’లో చిరంజీవి.. పరమ శివుడి వేషంలో మెప్పించారు. అంతకు ముందు చిరంజీవి ‘ఆపద్భాందవుడు’, పార్వతి పరమేశ్వరులు’ చిత్రాల్లో కాసేపు శివుడి వేషం లో కనిపించారు.

#9 బాలకృష్ణ

జంధ్యాల దర్శకత్వంలో తెరకెక్కిన ‘సీతా రామకళ్యాణం’ సినిమాలో ‘ఎంత నేర్చినా ఎంత చూసినా..’ అనే పాటలో శివుడిగా కాసేపు కనిపించారు.

#10 నాగార్జున

నాగార్జున అక్కినేని కూడా భారవి దర్శకత్వంలో తెరకెక్కిన ‘జగద్గురు ఆది శంకర’ చిత్రంలో నాగార్జున శివుడి మరో రూపమైన చండాలుడు పాత్రలో కాసేపు కనిపించారు.

#11 సుమన్

సుమన్ కూడా శ్రీ సత్యనారాయణ మహత్యం’ సినిమాలో సత్యనారాయణ స్వామితో పాటు శివుడిగా, బ్రహ్మాగా నటించారు.

#12 ప్రకాష్ రాజ్

‘ఢమరుకం’ సినిమాలో ప్రకాష్ రాజ్ శివుడి పాత్రలో ఒదిగిపోయారు. ఈ సినిమాలో నాగార్జున, అనుష్క శెట్టి హీరో, హీరోయిన్లుగా నటించారు.

#13 రాజనాల

టాలీవుడ్ లో ఒకనాటి విలన్ రాజనాల ‘ఉషా పరిణయం’ వంటి ఒకటి రెండు సినిమాల్లో పరమ శివుడిగా మెప్పించారు.

#14 రావు గోపాల రావు

తెలుగులో ఒకప్పుడు విలన్‌గా క్యారెక్టర్ ఆర్టిస్ట్‌గా తనకంటూ ప్రత్యేక గుర్తింపు తెచ్చుకున్న రావు గోపాల్ రావు ‘మావూళ్లో మహాశివుడు’ సినిమాలో మహాశివుడుగా మెప్పించారు.

#15 నాగ భూషణం

తెలుగులో వైవిధ్య నటుడిగా పేరు తెచ్చుకున్న నాగ భూషణం ‘భూకైలాస్‌’, ‘ఉమా సుందరి’, ‘నాగుల చవితి’ సినిమాల్లో శంకరుడిగా నటించారు.

March 7, 2024

Off Beat

ప్లాస్టిక్ సర్జరీలో ఏం వాడతారు..? అసలు షేప్ ఎలా మారుస్తారు..?

by Mounika Singaluri March 7, 2024

written by Mounika Singaluri

ప్లాస్టిక్ సర్జరీ గురించి అందరికి తెలుసు. కానీ, ఈ సర్జరీ లో ప్రాసెస్ ఏంటి అనేది చాలా మందికి తెలియదు. చాలామంది ఈ సర్జరీ లో ప్లాస్టిక్ వాడతారు అనుకుంటారు. కానీ, ఈ సర్జరీ లో ప్లాస్టిక్ ని అస్సలు వాడారు. మరో ఎలా చేస్తారో ఇప్పుడు తెలుసుకుందాం. గతం తో పోలిస్తే.. ప్రస్తుతం ప్రపంచం లో అందం పై అందరికి శ్రద్ధ పెరిగింది. అందం గా కనిపించడం కోసం ఒకప్పుడు ఫేస్ ప్యాక్ లు వేసుకోవడం, క్రీములు అవీ.. ఇవీ రాసుకునే వారు. ఈ ట్రెండ్ ఇప్పటికీ కొనసాగుతోంది.

మరో వైపు సినీ తారలు అయితే.. ఏకం గా ప్లాస్టిక్ సర్జరీలు కూడా చేయించేసుకుంటూ ఉంటున్నారు. ముఖం పై ఉండే చిన్న చిన్న లోపాలను సైతం వారు సవరించుకోవడానికి వెనుకాడడం లేదు. ఇది నిజానికి రిస్క్ తో కూడుకున్న పనే. ఎందుకంటే.. సర్జరీ ఏ మాత్రం అటు ఇటు అయినా.. ఫేస్ పాడైపోతుంది. ఇది ఎంత రిస్క్ అయినా కూడా కొందరు సెలెబ్రిటీలు వెనుకాడకుండా సర్జరీ చేయించుకుని మరింత అందం గా మారారు.

లిప్స్, చీక్స్ వంటి ముఖ భాగాలు ఎంతో సెన్సిటివ్ గా ఉంటాయి. ఈ సర్జరీ చేసే సమయం లో ఫేస్ కి ఒక ఇంజక్షన్ ఇస్తారు. దీనివల్ల ముఖం వరకు స్పర్శ తెలియదు. ఏ భాగం అయితే అందాన్ని చెడగొడుతోందో.. ఆ భాగాన్ని తొలగించి మిగతా చర్మాన్ని కావాల్సినట్లు గా మౌల్డ్ చేస్తారు. ఇందులో ప్లాస్టిక్ ని అస్సలు ఉపయోగించారు. ప్లాస్టికో అనే గ్రీక్ పదం నుంచి ఈ సర్జరీ కి పేరు పెట్టారు. గ్రీకు భాషలో ప్లాస్టికో అంటే మౌల్డ్ చేయడం అని అర్ధం. అందుకే ఈ సర్జరీ కి ఆ పేరు వచ్చింది.

March 7, 2024

Filmy Adda

“ఖలేజా” లో హీరోయిన్ ఇచ్చే మొక్క అసలు పేరు ఏంటో తెలుసా..?? అస్సలు ఊహించలేదుగా..??

by Mounika Singaluri March 6, 2024

written by Mounika Singaluri

కొన్ని సినిమాలు విడుదల అయినప్పుడు హిట్ అవ్వవు. తర్వాత టీవీలో చూసినప్పుడు అందరికీ చాలా నచ్చుతాయి. “అరే! అసలు ఈ సినిమా ఎలా ఫ్లాప్ అయింది. అసలు ఎవరికి టేస్ట్ లేదు” అని అనుకుంటాం. ఇదే మాటని సోషల్ మీడియాలో ఆ సినిమాకి సంబంధించిన పోస్ట్ కింద కామెంట్స్ లో, అలాగే యూట్యూబ్ లో ఆ సినిమాకి సంబంధించిన వీడియోస్ కింద కామెంట్స్ లో పెడుతూ ఉంటాం. అలాంటి సినిమాల్లో ఒకటే మహేష్ – త్రివిక్రమ్ కాంబినేషన్ లో వచ్చిన ఖలేజా మూవీ.

ఈ సినిమా వచ్చి పదేళ్లు దాటింది. ఈ సినిమా బాక్సాఫీస్ దగ్గర పెద్దగా అలరించలేకపోయినా.. మహేష్’లో ఓ కొత్త కోణాన్ని చూపింది. ఈ సినిమాలో మహేష్ యాక్టింగ్, డైలాగ్ డెలివరీ చాలా కొత్తగా ఉంటాయి. మహేష్‌కు జోడిగా అనుష్క నటించింది. మహేష్, త్రివిక్రమ్ కలయికలో వచ్చిన రెండో సినిమాగా వచ్చిన ‘ఖలేజా’పై భారీ అంచనాలే ఉన్నాయి. కానీ ఈ చిత్రం వెండి తెరపై అలరించక పోయినా.. టీవీలో మాత్రం హైయ్యేస్ట్ టీఆర్ పీ రేటింగ్స్’తో అదరగొట్టింది.

ఖలేజాలో సినిమాలో కథ, కథనంతో పాటు అనేక విషయాల్లో వైవిధ్యం పుష్కలంగా ఉన్నప్పటికీ జనాలకు అప్పట్లో నచ్చలేదు. అయితే ఈ సినిమాకి ప్లస్ పాయింట్స్ లో ఒకటి అనుష్క కి, మహేష్ బాబు కి మధ్య వచ్చే సీన్స్. అమాయకంగా ఉండే అనుష్క తో మహేష్ చేసే కామెడీ అందరినీ అలరించింది. ఈ చిత్రం లో మహేష్ క్యాబ్ డ్రైవర్ గా నటించగా.. అనుష్క ఒక వృక్ష ప్రేమికురాలిగా నటించింది.

అయితే ఒక సీన్ లో అనుష్క వల్ల మహేష్ హాస్పిటల్ పాలవుతాడు. అప్పుడు మహేష్ ని పరామర్శించాడనికి అనుష్క వస్తుంది. మహేష్ త్వరగా కోలుకోవాలని కోరుతూ ఫైసా మొక్క ఇద్దామని వచ్చాను అని చెప్తుంది. మహేష్ కి అదేంటో అర్థం కాకపోతే ..” ఫైకాస్ రిలీజియోజ ఇవ్వడానికి వచ్చాను. ఇదంటే నాకెంతో ఇష్టం”. అని చెప్తుంది అనుష్క.

అయితే ఇంతకీ అనుష్క కి అంత ఇష్టమైన మొక్క ఏంటో తెలుసా.. రావి చెట్టు. ఫైకాస్ రిలీజియోజ అన్నది దాని శాస్త్రీయ నామం. అంత పెద్ద రావి చెట్టుని ఇంట్లో ఎవరు పెంచుకుంటారు అనుకుంటున్నారా.. అది బోన్సాయ్ మొక్క. ఆ మొక్కలు చిన్నగానే పెరుగుతూ ఇంట్లో పెంచుకోవడానికి అనువుగా ఉంటాయి. అసలు దాని పేరు వింటే అదొక రావి చెట్టు అని నమ్మ బుడ్డి కావడం లేదు కదా..!!

March 6, 2024

Filmy Adda

ఊహ “ఆమె” నుండి సాయి పల్లవి “లవ్ స్టోరీ” వరకు… “ఆడవాళ్ళ” కి ఎదురయ్యే సమస్యలు చూపించిన 14 సూపర్ హిట్ సినిమాలు..!

by Mounika Singaluri March 6, 2024

written by Mounika Singaluri

సమస్యలకు లింగభేదం ఉండదు. అయితే సమస్యలను ఎదుర్కొనే ధోరణి మాత్రం అందరిలో ఒకేలా ఉండదు. మన సమాజంలో ఆడవాళ్లు, మగవాళ్లకు వేర్వేరు రకాల సమస్యలు ఎదురవుతాయనే మైండ్ సెట్‌ ముందు నుంచి ఉంది. కానీ అది తప్పు.

ఆ సమస్యలు ఎలా ఎదుర్కొంటారు అన్న దానిపైనే ఫలితం ఆధారపడి ఉంటుంది. అయితే సమాజంలో మహిళలు ఎదుర్కొంటున్న సమస్యలు అన్ని ఇన్ని కాదు. ఇంటా బయట కూడా వారికి ఇబ్బందులే ఎదురవుతున్నాయి.

కుటుంబసభ్యుల కోసం తన జీవితాన్ని త్యాగం చేసే మహిళలు చాలా మందే ఉన్నారు. మళ్లీ ఒకసారి తన జీవితాన్ని అనుభవించగలిగితే ఎంత బాగుండేది అని ఆలోచన ప్రతి ఒక్క అమ్మలోనూ, అమ్మాయిలోనూ ఉంటుంది. అలాగే అమ్మాయిలు ప్రధానంగా ఎదుర్కొంటున్న సమస్యలనే కథగా ఎంచుకుని కొందరు దర్శకులు సినిమాలు తీశారు. వాటి ప్రభావంతో ఎంత మంది మారారో తెలియదు కానీ.. ప్రతి అమ్మాయి మాత్రం అలాంటి మార్పునే కోరుకుంటుంది. అయితే ఆ చిత్రాలేవో ఇప్పుడు చూద్దాం..

#1 ఫిదా

శేఖర్ కమ్ముల గురించి ప్రత్యేకంగా చెప్పాలి. ఆయన తీసే ప్రతి సినిమాలోనూ అమ్మాయి పాత్రకు కచ్చితంగా విలువ ఉంటుంది. ఇక ఫిదా విషయానికి వస్తే.. ఈ చిత్రం లో ” ఓ చోట పుడతాము.. పెరుగుతాం.. పెళ్లి చేసుకుంటాం.. యాడికో వెళ్లిపోతాం. అంతే కదా నువ్వైనా నేనైనా.. అసలు అమ్మాయిలు ఎందుకు వెళ్లాలి నాన్న. ఈ రూల్ ఎవడు పెట్టాడో కానీ.. చాలా మోసం ఇది.” అనే డైలాగ్ ఉంది. ఈ డైలాగ్కి చాలా మంది అమ్మాయిలు కనెక్ట్ అయ్యారు. అవును నిజమే. అమ్మాయే ఎందుకు పెళ్లిచేసుకుని వేరే వాళ్ల ఇంటికి వెళ్లాలి అనే ఆలోచన ప్రతిఒక్కరిలోనూ మెదిలేలా చేసింది ఈ ప్రశ్న.

#2 డియర్ కామ్రేడ్

మంచి సున్నితమైన కంటెంట్ ఉన్న సినిమా. ఓ అమ్మాయి తనకు ఇష్టమైన క్రీడారంగంలో రాణించాలి అనుకుంటే.. అక్కడ తనకు ఎదురయ్యే సెక్సువల్ హెరాజ్మెంట్ల గురించి.. ఈ సినిమాలో చూపించారు.

#3 పెళ్లి చూపులు

చదువు పూర్తైన కూతుళ్లకు పెళ్లి చేయాలనే ఆలోచన తప్పా మరో ఆలోచన లేని తల్లిదండ్రులు ఎంతోమంది ఉన్నారు ఈ సమాజంలో. కూతురు ఉందనే సంతోషం ఏ మాత్రం లేకుండా.. కొడుకు లేడని బాధపడేవారికి ఓ చక్కని జవాబు ఈ సినిమా.

#4 సమ్మోహనం

అమ్మాయి తనకు నచ్చిన రంగంలో రాణించాలని చూస్తుంటే.. ఇంట్లో వాళ్లే అడ్డుపడటం సహజమే. ఎంకరేజ్ చేసే తల్లిదండ్రులు చాలా తక్కువ. పైగా సినిమాలు అంటే ఒప్పుకునే ప్రసక్తే లేదు. ఇదే కాన్సెప్ట్తో హీరోయిన్ పాత్రను తీర్చిదిద్దారు. పైగా నటన ఏదో తప్పు అన్నట్లు అమ్మాయిని కట్టడి చేస్తారు.

#5 ఓ బేబీ

కడుపున పుట్టిన బిడ్డతో ఒంటరి మహిళగా.. తన ఇష్టాలను చంపుకుని వాడి కోసమే తన జీవితం ధారబోసిన ఓ మహిళ కథ ఇది. భర్త తోడు లేకపోయినా.. భర్త లేడని దగ్గరకు వచ్చే రాబందుల్లాంటి మనుషుల నుంచి తప్పించుకుని.. ఎమోషనల్ పాత్ర ఇది.

#6 సైజ్ జీరో

ఒక అమ్మాయి ఎదుర్కొనే ప్రధాన సమస్య బరువు. అమ్మాయిలు ఏ కారణంతో అయినా బరువు పెరుగుతారు. అది ఒత్తిడి వల్ల కావొచ్చు, థైరాయిడ్ వల్ల కావొచ్చు, హర్మోనల్ ఇంబ్యాలెన్స్ వల్ల కూడా కావచ్చు. ఇలా చాలా సమస్యలతో బరువు పెరిగిపోతుంటారు. ఇదే వారి పాలిట శాపంలా భావిస్తారు ఇంట్లోని తల్లిదండ్రులు. అమ్మాయి లావు ఉంటే పెళ్లి కాదని భయపడుతూ.. అమ్మాయిని మెంటల్ టార్చర్ పెడ్తారు. అలాంటి వారికి ఈ సినిమా ఓ చక్కని సమాధానం ఇస్తుంది.

#7 మహానటి

ఈ చిత్రం లో జర్నలిస్ట్ గా నటించిన సమంత పాత్రకి ఆమె తండ్రి ఒక బైక్ ఇవ్వడానికి ఎన్నో ఆంక్షలు పెడుతూ ఉంటారు. పెళ్లి చేసుకొనే వాళ్ళకి ఎందుకమ్మా బైక్ లు. ఒక వేళ కింద పడితే పెళ్లి జరగదు అంటూ ఉంటారు. అమ్మాయిల జీవితానికి పెళ్లి తప్ప ఇంకో దారి లేదు అన్నట్లు చూపించారు.

#8 ఆనంద్

శేఖర్ కమ్ముల సూపర్ హిట్ చిత్రం ఆనంద్ లో కూడా హీరోయిన్ పాత్రకి ఎన్నో కష్టాలు ఉంటాయి. ఒక ఒంటరి ఆడపిల్లకి సమాజం లో ఎదురయ్యే సమస్యల గురించి ఇందులో చర్చించారు.

#9 అమ్ము

ఐశ్వర్య లక్ష్మీ, నవీన్ చంద్ర ప్రధాన పాత్రల్లో వచ్చిన అమ్ము చిత్రం లో ప్రధానంగా డొమెస్టిక్ వయోలెన్స్ గురించి చూపించారు.

#10 అమ్మ రాజీనామా

జీవితాంతం కుటుంబం కోసం కష్టపడే తల్లి తన విలువను గుర్తించని వారి మధ్య ఒక్కసారిగా తన బాధ్యతలు మానేస్తే ఏమవుతుందో తెలిపే కథ ఇది. మహిళల జీవితాలు ప్రధాన ఇతివృత్తంగా తీసుకుని దాసరి చేసిన సినిమాలలో ఇది తొలివరుసలో ఉంటుంది.

#11 9 నెలలు

ఒక సరోగేట్ మదర్ ఈ సమాజం లో ఎటువంటి సమస్యలు ఎదుర్కొంది అన్న విషయాలను ఈ చిత్రం లో చర్చించారు.

#12 కౌసల్య కృష్ణమూర్తి

ఒక పల్లెటూరి నుంచి వచ్చిన యువతీ తన కాలనీ నిజం చేసుకోవద్దని ఎన్ని కష్టాలు పడింది అన్న విషయాలను ఈ మూవీ లో వివరించారు.

#13 మహానటి

ఒక భార్య సక్సెస్ ని భర్త భరించలేక.. ఆమెని మోసం చేస్తే ఆ మోసాన్ని చరించలేక ఆమె ఎన్ని ఇబ్బందులు పడింది అన్న విషయాన్ని ఈ మూవీ లో చూపించారు.

#14 లవ్ స్టోరీ

చిన్నప్పుడే వేధింపులకు గురైన ఒక అమ్మాయి జీవితం పై దాని ప్రభావం ఎలా ఉంటుంది అన్న విషయాన్ని ఈ మూవీ లో చర్చించారు.

#15 ఆమె

చిన్న వయసులోనే భర్తని ని కోల్పోయిన ఒక యువతి ఎన్ని ఇబ్బందులు ఎదుర్కొంది అన్న విషయాన్ని ఈ చిత్రం లో చూపించారు.

March 6, 2024

Filmy Adda

రామానాయుడికి ఈ ఇద్దరు హీరోలు అంటే ఎందుకు ప్రత్యేకమో తెలుసా..?

by Mounika Singaluri March 6, 2024

written by Mounika Singaluri

ఎంతో మంది ప్రొడ్యూసర్స్ ఉన్నప్పటికీ డి రామా నాయుడు లెవెల్ వేరు. కేవలం మన తెలుగు భాష లోనే కాకుండా ఇండియా లో ఉన్న అన్ని భాషల్లో కూడా రామ నాయుడు సినిమాలు తీశారు. పైగా ఆయన నిర్మించిన సినిమాల్లో దాదాపు అన్ని సినిమాల్లో కూడా సక్సెస్ ని అందుకున్నాయి.

ఎప్పుడూ కూడా రామా నాయుడుగారు హీరోలని, హీరోలు యొక్క శక్తిని నమ్ముకుని సినిమాలు తీయలేదు. ఎప్పుడు కూడా కేవలం ఆయన కంటెంట్ ని నమ్ముకుని మాత్రమే సినిమాలకి ప్రొడ్యూసర్ గా వ్యవహరించే వారు.

ఇది ఇలా ఉంటే డి. రామ నాయుడు కి ఈ ఇద్దరి హీరోలు అంటే ఎంతో ప్రత్యేకం. మరి వారు ఎవరు..?, ఎందుకు ప్రత్యేకం అనేది చూస్తే.. రామా నాయుడు కి మాత్రం సీనియర్ ఎన్టీఆర్ మరియు పవన్ కళ్యాణ్ చాలా ప్రత్యేకం. రామా నాయుడు తీసిన మొట్ట మొదటి సినిమా కి హీరో ఎన్టీ రామారావు గారు. అందుకనే ఎన్టీ రామారావు గారు అంటే రామ నాయుడు గారికి ప్రత్యేకం.

అలానే రామా నాయుడు ఆఖరిగా తీసిన చిత్రం గోపాల గోపాల. ఈ సినిమా లో పవర్ స్టార్ పవన్ కళ్యాణ్ మరియు విక్టరీ వెంకటేష్ హీరోలుగా నటించారు. పవర్ స్టార్ పవన్ కళ్యాణ్ సినిమా ఆఖరి సినిమా అవ్వడం వలన పవన్ కళ్యాణ్ అంటే కూడా స్పెషల్. అందుకని ఈ ఇద్దరి నటులు కూడా రామా నాయుడికి ప్రత్యేకమని చెప్పవచ్చు.

ఇది ఇలా ఉంటే ఎప్పుడూ కూడా హీరోలను చూసుకుని సినిమా తీసే వారు కాదు రామానాయుడు. కేవలం సినిమా కథ చూసుకుని మాత్రమే ప్రొడ్యూసర్ గా వ్యవహరించే వారు. ఏది ఏమైనా రామా నాయుడు మరణం మనకి తీరని లోటు అని చెప్పాలి.

March 6, 2024

Newer Posts

Older Posts