Author

Mounika Singaluri

Mounikasingaluri is a Senior Content Editor who Works at the Teluguadda Website. She has more than 5 years of experience, and she has also worked at various Telugu news websites. She Publishes Latest Telugu Updates and Breaking News in Telugu, Movies Updates and Other Viral News.

Filmy Adda

అదిరిపోయే ఫోజులతో సుమ ఫోటోషూట్.. షాకింగ్ రియాక్షన్ తో రాజీవ్ కనకాల!

by Mounika Singaluri January 22, 2024

written by Mounika Singaluri

వయసు పెరుగుతున్న కొద్దీ సుమ లో అందంతో పాటు ఎనర్జీ కూడా పెరుగుతున్నట్లు కనిపిస్తుంది. 24/7 వర్క్ చేసినా కూడా ఎంతో యాక్టివ్ గా ఉంటూ చుట్టూ ఉన్నవాళ్లను కూడా యాక్టివ్గా ఉంచుతుంది సుమ. ఆమె వేసే ఆన్ స్క్రీన్, ఆఫ్ స్క్రీన్ జోకులకు, పంచ్ లకు అందరూ ఫిదా అవ్వాల్సిందే. అయితే ఈ మధ్యనే కొడుకు రోషన్ ని టాలీవుడ్ కి హీరోగా పరిచయం చేసిన సుమ ఆ సినిమా యొక్క ప్రమోషన్స్ ని తన భుజాలపై వేసుకుంది.

గత డిసెంబర్ లో రిలీజ్ అయిన ఈ సినిమా యూత్ ని అట్రాక్ట్ చేయడంలో అంతగా ఫలితాన్ని సాధించలేకపోయింది. అయితే రోషన్ యాక్టింగ్ మాత్రం పలువురు ని ఆకట్టుకుంది. సినిమా ఆశించినంతగా విజయాన్ని దక్కించుకోలేకపోయింది కానీ ప్రమోషన్స్ మాత్రం సూపర్ డూపర్ హిట్ అయ్యాయి. వెరైటీ ప్రమోషన్స్ తో చిత్ర యూనిట్ ఆకట్టుకుంది ఇక సుమ కూడా తన స్టైల్ లో ప్రమోషన్స్ చేసింది.

https://www.instagram.com/p/C11F3zoJ9v2/

ఇలా బబుల్ గమ్ డ్రెస్లతో సుమ ఫోటోషూట్ చేసి ఫోటోలు వదిలిన సంగతి తెలిసిందే. ఇప్పుడు ఆ ఫోటోషూట్ వెనుక ఉన్న నవ్వుల్ని చూపించింది. ఆ వింత ఫోటో షూట్ జరుగుతుంటే రాజీవ్ కనకాల ఎంతగా నవ్వుకున్నాడో చూపించింది. భర్త రియాక్షన్లు ఇలాగే ఉంటాయి అన్నట్లుగా వీడియోని సోషల్ మీడియాలో పోస్ట్ చేసింది. ఇందులో సుమ రకరకాల ఫోజులు పెడుతుంటే రాజీవ్ కనకాల జడుచుకున్నట్లుగా ఉన్నాడు.

అమ్మో.. వాయమ్మో అంటూ దండం పెట్టేసాడు. ఇక రాజీవ్ కనకాల కామెంట్రీ కి, సెటైర్లకు సుమ తెగ నవ్వేసింది ప్రస్తుతం ఈ వీడియో సోషల్ మీడియాలో తెగ వైరల్ అవుతుంది. ఈ వీడియో చూసిన నెటిజెన్లు సైతం క్రేజీ కామెంట్స్ పెడుతున్నారు. సుమ రాజీవ్ కాంబో చాలా ఫన్నీగా ఉంటుందని, సుమ కామెడీ టైమింగ్, రాజీవ్ కనకాల సెటైర్లు బాగుంటాయని కామెంట్స్ రూపంలో తమ అభిప్రాయాలను తెలియజేశారు నెటిజన్స్.

https://www.instagram.com/reel/C2M6h-Gp6W4/

January 22, 2024

Filmy Adda

ఎవరి మనోభావాలను దెబ్బతీయాలనుకోవడం లేదు.. వైరల్ అవుతున్న నయనతార క్షమాపణ లేఖ!

by Mounika Singaluri January 22, 2024

written by Mounika Singaluri

నయనతార హీరోయిన్ గా నటించిన తాజా సినిమా అన్నపూరణి ఎంత వివాదాస్పదమైందో అందరికీ తెలిసిందే. ఆ సినిమాలోని కొన్ని సీన్లు హిందువుల మనోభావాలు, సాంప్రదాయాలు కించపరిచేలాగా ఉన్నాయని, శ్రీరాముడిని అగౌరవ పరిచేలా ఉన్నాయని,లవ్ జీహాద్ ని ప్రచారం చేశారంటూ మూవీ దర్శకుడు, నిర్మాత, నటీనటులపై మధ్యప్రదేశ్ లోని జబల్పూర్ లో హిందూ సేవా పరిషత్ అనే సంస్థ కేసు వేసింది. ఈ క్రమంలో జబల్పూర్ నగరంలోని ఓమ్టి ప్రాంతానికి చెందిన పోలీసులు ఎఫ్ఐఎన్ నమోదు చేశారు.

ఇందులో హీరోయిన్ నయనతార, సినిమా దర్శకుడు నీలేష్ కృష్ణ, నిర్మాతలు జతిన్ సేథి, ఆర్. రవీంద్రన్, నెట్ఫ్లిక్స్ ఇండియా కంటెంట్ హెడ్ మౌనిక షేర్గిల్ సహా ఏడుగురి పేర్లను నిందితులుగా చేర్చారు. ఈ సినిమా డిసెంబర్ 1న థియేటర్లలో విడుదలై డిసెంబర్ 29 నుంచి నెట్ఫ్లిక్స్ లో ప్రసారం అవుతుంది. అయితే ఈ సినిమా పై వస్తున్న విభేదాల కారణంగా నెట్ఫ్లిక్స్ నుంచి ఈ సినిమాను అర్ధాంతరంగా తీసేసారు ఆ తరువాత నయనతార సోషల్ మీడియా ద్వారా క్షమాపణలు కూడా చెప్పింది.

తను, తన మూవీ టీం ఎవరి మనోభావాలను దెబ్బతీయాలని అనుకోవడం లేదని చెప్పింది. ఈ మేరకు తన ఇంస్టాగ్రామ్ ద్వారా జైశ్రీరామ్ అనే హెడ్డింగ్ తో ఓం అని రాసి ఉన్న మాస్టర్ హెడ్ పై తన క్షమాపణలు తెలియజేస్తూ ఒక పోస్ట్ పెట్టింది. ఆ పోస్టులో మేము అనుకోకుండా కొందరిని బాధ పెట్టొచ్చు గతంలో థియేటర్లలో ప్రదర్శించబడిన సెన్సార్ అయిన చిత్రాన్ని ఓటీటీ ప్లాట్ ఫామ్ నుంచి తీసివేస్తారని మేము ఊహించలేదు. దృఢ సంకల్పంతో పోరాడితే ఏదైనా సాధించవచ్చు అనే ఆలోచనతోనే ఈ సినిమా చేసాం.

https://www.instagram.com/p/C2QAYrwP69S/

కేవలం ఈ సినిమా ద్వారా సానుకూల సందేశాన్ని అందించాలని భావించాము. భగవంతుడిని పూర్తిగా విశ్వసించే వ్యక్తిగా, దేశంలోని దేవాలయాలను తరచుగా సందర్శిస్తున్న వ్యక్తిగా చెబుతున్నాను ఎవరి మనోభావాలనైనా మేము కించపరిస్తే వారికి నా హృదయపూర్వక క్షమాపణలు తెలియజేస్తున్నాను అంటూ ఇంస్టాగ్రామ్ లో పోస్ట్ పెట్టింది.

January 22, 2024

serials

ఈ రోజు నుంచి మీ ఇంట్లోకి వస్తానంటున్న.. ఏమండోయ్ శ్రీమతి గారు కొత్త సీరియల్!

by Mounika Singaluri January 22, 2024

written by Mounika Singaluri

రెండు జంటల కథని కొత్తగా ఆవిష్కరించి మన ముందుకి తీసుకొస్తుంది జెమినీ టీవీ. ఆ సీరియల్ పేరు ఏవండోయ్ శ్రీమతి గారు. జనవరి 22 నుంచి మీ ఇంట్లోకి వస్తానంటున్న ఈ సీరియల్ కధా నేపథ్యం కూడా కుటుంబ ప్రేక్షకులను ఆకట్టుకుంటుందని అంటున్నారు. ఇక కథ విషయానికి వస్తే గౌరవ మర్యాదలు కలిగిన గ్రామ సర్పంచ్ సుబ్బారాయుడు కుమార్తె మిధున. కథానాయకురాలు మిధున పెళ్లి పీటల మీద నుంచి లేచిపోయి గౌతమ్ తో వెళ్ళిపోతుంది.

మిధున అక్క కూడా ఇలాగే చేయడంతో సుబ్బారాయుడిని ఊర్లో వాళ్ళందరూ అవమానిస్తారు. అవమానం తో తల ఎత్తుకోలేక పోతాడు సుబ్బారాయుడు. అయితే కొన్ని సంవత్సరాల తర్వాత సిటీలో అక్క చెల్లెలు ఇద్దరు తమ పిల్లలతో కలిసి ఒక ఇంట్లోనే అద్దెకి దిగుతారు. ఆ అక్క చెల్లెలు ఇద్దరు మాట్లాడుకుంటారా లేక విడిపోతారా అనేది సీరియల్ లో చూసి తెలుసుకోవాల్సిందే. నాలుగు జీవితాలు రెండు కథలు ఒకే ఇల్లు.

సరికొత్త కథతో సరికొత్త ధారావాహిక సీరియల్ తో జెమినీ టీవీలో ఏమండోయ్ శ్రీమతి గారు ఈనెల 22న సాయంత్రం 6:30 గంటలకు ప్రసారం కానుంది. పల్లవి గౌడ, హర్షిత్ శెట్టి, మమ్ముట్టి శ్రీనివాస్, శాంతి, గుత్తికొండ భార్గవ, దేవిశ్రీ, చైత్ర రాయ్, కృష్ణ తదితరులు నటించారు. ఇప్పటికే ఈ సీరియల్ తాలూకా ప్రోమో చూసిన నెటిజన్స్ జగపతిబాబు హీరోగా నటించిన మామిడాకులు సినిమా గుర్తొస్తుంది అని కామెంట్లు పెడుతున్నారు.

కొందరు పల్లవి గౌడ నటన చాలా బాగుంది అని, మరి కొందరు ఇది బెంగాలీ సీరియల్ కి రీమేక్ అని కామెంట్స్ పెడుతున్నారు. పల్లవి గౌడ ఫ్యాన్స్ మాత్రం ఈ సీరియల్ ఎప్పుడు వస్తుందా అని ఎదురుచూస్తున్నారు. ఈ సీరియల్ టాప్ సీరియల్స్ కి పోటీగా నిలబడుతుందో లేదో తెలియాలంటే జనవరి 22 వరకు వెయిట్ చేయాల్సిందే.

January 22, 2024

Mythology News

ఈ రోజు రెండు రామ మందిరాలు ప్రారంభం… ఇంకోటి ఎక్కడో తెలుసా…?

by Mounika Singaluri January 22, 2024

written by Mounika Singaluri

అయోధ్యలో నిర్మించిన శ్రీరాముని మంత్రి ప్రారంభోత్సవ కార్యక్రమం జనవరి 22 తారీకు అనగా సోమవారం అత్యంత వైభవంగా ప్రారంభోత్సవ కార్యక్రమాన్ని జరుపుకొనుంది .ఈ కార్యక్రమానికి దేశ నలుమూలల నుండి ప్రజలందరూ కూడా రామ నామ కీర్తనతో మద్దతు తెలియజేయనున్నారు. దేశంలో ఉన్న అన్ని రామాలయంలోనూ రేపు ప్రత్యేక పూజలు జరగనున్నాయి.

ఇక్కడ మరో విశేషం ఏంటంటే రేపు అయోధ్య రామ మందిరంతో పాటు మరొక రామాలయం ప్రారంభోత్సవం కూడా జరగనుంది. ఒరిస్సా రాష్ట్రంలోని నయాగఢ్ జిల్లాలోని ఫతేగఢ్ గ్రామంలో ఈ మందిరాన్ని నిర్మించారు.రేపు విశిష్టమైన రోజు కావడంతో ఈ కార్యక్రమాన్ని కూడా నిర్వహించాలని ఆలయ నిర్వాహకులు దానికి తగిన ఏర్పాటు చేశారు.
ఈ ఆలయ నిర్మాణం 2017లో ప్రారంభమైంది. ఫతేఘర్‌లో సముద్ర మట్టానికి 1,800 అడుగుల ఎత్తులో ఉన్న ఈ ఆలయం ఓ కొండపైన ఉంది. ఈ ఆలయం ఎత్తు 165 అడుగులు. బౌలమాల అనే ప్రత్యేకమైన రాయిని ఉపయోగించి దఈ ఆలయం నిర్మించడం జరిగింది. ఈ మందిర నిర్మాణంలో 150 మందికి పైగా కార్మికులు ఏడేళ్లుగా పాల్గొన్నారు. ఈ ఆలయాన్ని నిర్మాణం వెనుక ఒక చరిత్రాత్మక ప్రాధాన్యత ఉంది. ఈ పర్వతంపై గోవర్ధనుడు కొన్ని దశాబ్దాలుగా పూజలు అందుకుంటున్నాడు. అలాగే 1912లో జగన్నాథుడి నవకళేబర సమయంలో సుదర్శన్ చెట్టును ఫతేఘర్ నుండి సేకరించారు. దీనిని స్మరించుకునేందుకు గ్రామస్తులు ముందుకు వచ్చి శ్రీరామ సేవా పరిషత్‌ అనే కమిటీని ఏర్పాటు చేశారు.

Ram Mandir

ఈ కమిటీకి సోషల్ యాక్టివిస్ట్ అయిన భాపూర్ బ్లాక్ వైస్-చైర్‌పర్సన్ అధ్యక్షునిగా నియమితులైన తర్వాత ఈ రామ మందిర పనులను ప్రారంభించారు. జనవరి 21వ తేదీ నుంచి ఈ రామమందిర ప్రారంభోత్సవ ప్రక్రియ ప్రారంభమవుతుందని తెలిసింది. ఈ ఆలయ మహోత్సవానికి హాజరు కావాల్సిందిగా పూరీ శంకరాచార్య, మహారాజుకు ఆహ్వానం అందింది. అంతేకాదు పూరీలోని ప్రముఖ జగన్నాథ ఆలయంలో ఉన్న వారితో పాటు వివిధ ఆలయాల అధికారులకు ఆహ్వానాలు పంపబడ్డాయి.
ఈ ఆలయాన్ని కూడా అయోధ్యలో జరుగుతున్నంత వైభవంగా ప్రారంభోత్సవాన్ని జరుపుతున్నట్లు నిర్వాహకులు తెలిపారు.

January 22, 2024

Filmy Adda News

అయోధ్య రామ మందిరానికి విరాళాలు అందించిన సెలబ్రిటీలు వీరే….!

by Mounika Singaluri January 22, 2024

written by Mounika Singaluri

జనవరి 22 తారీఖున అయోధ్య రామ మందిర ప్రారంభోత్సవ కార్యక్రమం అట్టహాసంగా జరగనుంది ఈ కార్యక్రమానికి ఇప్పటికే అన్ని ఏర్పాట్లు పూర్తి అయ్యాయి. దేశ నలుమూలల నుండి 7000 మందిపైగా ప్రముఖులు ఈ కార్యక్రమానికి విచ్చేయనున్నారు.ఇందులో తెలుగు రాష్ట్రాలకు చెందిన సెలబ్రిటీలు కూడా హాజరుకానున్నారు. అయితే తెలుగు సినిమా ఇండస్ట్రీ నుంచి పలువురు అయోధ్య రామ మందిరానికి విరాళాలు అందించారు.

I’m making a humble initial pledge of Rs 1 lakh for the Ayodhya Ram Mandir nidhi samarpana abhiyaana. Requesting all of you to come join hands and be a part of this historic movement #RamMandirNidhiSamarpan pic.twitter.com/1mpTGan9q8

— Pranitha Subhash (@pranitasubhash) January 12, 2021

విదే విరాళాలు అందించిన సెలబ్రిటీల లిస్టును ఒకసారి పరిశీలిస్తే ఇందులో ముందుగా జనసేన అధ్యక్షుడు పవన్ కళ్యాణ్ ఉన్నారు. 2021 లోని అయోధ్య రామ మందిరం కోసం పవన్ కళ్యాణ్ 30 లక్షల రూపాయల విరాళాన్ని ఆలయ నిర్మాణ కమిటీకి అందించారు. అలాగే తనతో పాటు పనిచేసే నిర్మాతలతో కూడా ఆలయానికి విరాళాలు ఇప్పించారు. మొత్తంగా జనసేనాని తరఫునుండి అయోధ్య ఆలయానికి 80 లక్షల రూపాయలు విరాళం అందింది. ఇక హీరోయిన్ ప్రణీత కూడా అయోధ్య రామ మందిర నిర్మాణానికి లక్ష రూపాయలు విరాళాలని అందించింది.
ఇక తెలుగు బిగ్ బాస్ కంటెస్టెంట్ ఆదిరెడ్డి కూడా ఈ ఆలయ నిర్మాణానికి లక్ష రూపాయలు అందించాడు.

అయోధ్య రామమందిర నిర్మాణానికి ₹30 లక్షల విరాళం ప్రకటించిన జనసేనాని శ్రీ పవన్ కళ్యాణ్ గారు.

JanaSena Chief Sri @PawanKalyan donated 30 Lakhs for Ram Mandir.#RamMandir #RamMandirNidhiSamarpan pic.twitter.com/H3EPeK9EvN

— JanaSena Party (@JanaSenaParty) January 22, 2021

పలువురు బాలీవుడ్ సెలబ్రిటీలు కూడా విరాళాలు అందించిన వారిలో ఉన్నారు. అక్షయ్ కుమార్, హేమమాలిని, అనుపమ్ ఖేర్, ముఖేష్ కన్నా,గుర్మీత్ చౌదరి, క్రికెటర్ గౌతమ్ గంభీర్ కూడా విరాళాలు అందించిన వారిలో ఉన్నారు.

January 22, 2024

Mythology

అయోధ్య రామ మందిరం ఆహ్వాన పత్రిక చూసారా..? ఇందులో ఏం రాసి ఉందంటే..?

by Mounika Singaluri January 21, 2024

written by Mounika Singaluri

అయోధ్య రాముడు ఆలయ ప్రారంభోత్సవానికి ఏర్పాట్లు పూర్తి అయ్యాయి. దేశ విదేశాల్లో ఉన్న 7000 మంది ప్రముఖులకు ఆలయ ప్రారంభోత్సవం శ్రీ రాముని ప్రాణ ప్రతిష్టకు ఆహ్వానాలు ఉన్నాయి. రామన్మందిర నిర్మాణ ట్రస్ట్ స్వయంగా వెళ్లి ఆహ్వానాలు అందించింది.

అయితే ఈ ఆహ్వాన పత్రిక కిట్ లో ఏమేమి ఉన్నాయో అంటూ పలువురు ఆసక్తిగా చూస్తున్నారు…! వాటి వివరాలు మీకోసం…

ఈ ఆహ్వాన పత్రిక మీద ఒన్స్ ఇన్ ఏ లైఫ్ టైం ఆపర్చునిటీ అంటూ రాసి ఉంది. ఈ ఆహ్వాన పత్రిక హిందీ ఇంగ్లీష్ భాషలలో ముద్రించి ఉంది.ఈ ఆహ్వాన పత్రికలో డికరేటివ్ పేపర్లు, బుక్లెట్లు,రాముడి చిత్రపటం ఉన్నాయి. ఇంక మెయిన్ ఇన్విటేషన్ కార్డులో ప్రాణ ప్రతిష్ట కార్యక్రమ వివరాలు… అలాగే రామ మందిరం ఫోటో ముద్రించి ఉన్నాయి.

ఆ ఫోటో కింద శ్రీరామ ధాం ..అయోధ్య అని ముద్రించారు.అలాగే కార్డ్ మీద ఇన్విటేషన్ ఎక్స్ట్రా ఆర్డినైర్ అని ఇంగ్లీషులో అపూర్వ అనందిక్ నిమంత్రన్ అని హిందీలో ఉన్నాయి.అలాగే ఆహ్వాన పత్రిక లోపల బాల రాముని ఫోటో ముద్రించి ఉంది.అలాగే ప్రధాన ఆహ్వాన పత్రిక తర్వాత పేజీలో ఆలయ ప్రారంభ ముఖ్యమైన తేదీలు, ఇతర వివరాలు ఉంచారు.

ఇది కాకుండా మెమొరి ఆఫ్ హానర్ అంటూ ఇంకో ప్రత్యేకమైన బుక్ లేట్ ఉంది.ఆ బుక్ లేట్ లో రామ మందిరం పోరాట సంబంధిత వివరాలు పొందుపరిచారు. అలాగే ఈ పోరాటంలో కీలకంగా వ్యవహరించిన విశ్వహిందూ పరిషత్ సభ్యుల వివరాలను కూడా ముద్రించారు.

అలాగే ఆహ్వాన పత్రిక అందించిన వారికి ప్రత్యేకమైన బహుమతులు కూడా ఇచ్చారు.
ఒక బాక్స్ లో శ్రీరాముని ప్రసాదమైనా 100 గ్రాముల మోతిచుర్ లడ్డు ఉంచారు. అలాగే ఇంకో బాక్స్ లో రామ మందిరం నిర్మాణ స్థలం మట్టిని, ఒక బాటిల్ సరయు నది నీటిని, అలాగే భగవద్గీతకు సంబంధించిన ఒక పుస్తకాన్ని పెట్టారు. ఈ ఆహ్వాన పత్రికను దేశ విదేశాల్లో ఉన్న 7 వేల మంది విశిష్ట అతిథులకు అందించారు

January 21, 2024

Mythology News

అయోధ్య రామునికి బంగారు చీర.. బాల రామునికి కానుకగా సిరిసిల్ల చేనేత కార్మికుడి కానుక!

by Mounika Singaluri January 20, 2024

written by Mounika Singaluri

అయోధ్య శ్రీరామచంద్రునికి సిరిసిల్ల నుంచి బంగారు చెరువు కానుకగా పంపించనున్నారు సిరిసిల్లకు చెందిన హరి ప్రసాద్ స్వయంగా చేసిన బంగారు చీరను ఈనెల 26న ప్రధాని నరేంద్ర మోడీకి అందించనున్నారు ప్రధాని చేతుల మీదుగా శ్రీరాముడి పాదాల చెంత ఈ చీరను ఉంచబోతున్నారు ఈ క్రమంలో నేతన్న హరిప్రసాద్ నివాసానికి ఇన్ బిజెపి ప్రధాన కార్యదర్శి ఎం.పి బండి సంజయ్ వెళ్లి బంగారు చీరను పరిశీలించారు.

చీరను పరిశీలించిన బండి సంజయ్ మాట్లాడుతూ సిరిసిల్లలో అద్భుతమైన చేనేత కళాకారులు ఉన్నారు గతంలో అగ్గిపెట్టెలో పట్టే చీరలు తయారు చేసిన చరిత్ర సిరిసిల్ల జిల్లాకు ఉంది ఇంతటి గొప్ప నైపుణ్యాన్ని సొంతం చేసుకున్న చేనేత రంగాన్ని ప్రోత్సహించాల్సిన అవసరం ఉందన్నారు చేనేత కార్మికులను ఆదుకునేందుకు తన వంతు కృషి చేస్తానని హామీ ఇచ్చారు. ఈ చీరను ఎనిమిది గ్రాముల బంగారం 20 గ్రాముల వెండితో రూపొందించారు.

రామాయణ ఇతివృత్తం తెలియజేసే చిత్రాలతో ఈ చీరను చేనేత కళాకారుడు హరిప్రసాద్ ఆయన సతీమణి రేఖతో కలిసి చేనేత మగ్గంపై 20 రోజులపాటు శ్రమించి నేశారు. దీని ప్రత్యేకత ఈ చీర అంచులో అయోధ్య రామ మందిరం, శ్రీ రామ పట్టాభిషేకం, జై శ్రీరామ్, శ్రీరామ్ అంటూ తెలుగులో వచ్చే విధంగా మరోవైపు బార్డర్ కు జైశ్రీరామ్ అని హిందీలో వచ్చే విధంగా చీరకొంగులో సీతారాముల ప్రతిబింబం, చీరలో రామాయణంలోని ఇతర ఘట్టాలు నేయడం జరిగింది.

తెలంగాణలోని సిరిసిల్ల పట్టణానికి చెందిన వెల్డి హరి ప్రసాద్ చేనేత కళాకారుడు అనునిత్యం నేత వృత్తిలో ఎన్నో అద్భుతాలు చేసి సిరిసిల్ల పేరు ప్రఖ్యాతలు దేశమంతా చర్చించేలాగా ప్రయోగాలు చేశాడు. అయోధ్యలో రామ్ లల్లా ప్రాణప్రతిష్ట వేళ మరొకసారి తన కళా దృష్టికి పని చెప్పారు. సీతమ్మ వారి కోసం బంగారు చీరను రెడీ చేసి ప్రధాని చేతుల మీదుగా అందిస్తానని చెప్తున్నారు.

January 20, 2024

Mythology Off Beat

“రాహుల్ గాంధీ” తో పాటు… “అయోధ్య రామ మందిర ఆహ్వానాన్ని” తిరస్కరించిన 7 మంది ప్రముఖులు..!

by Mounika Singaluri January 20, 2024

written by Mounika Singaluri

జనవరి 22వ తారీఖున అయోధ్యలో రామ మందిర ప్రారంభోత్సవ కార్యక్రమం అట్టహాసంగా జరగనుంది. ఈ కార్యక్రమానికి రామ మందిరం నిర్మాణ ట్రస్ట్ అన్ని ఏర్పాట్లు పూర్తి చేసింది. దేశ విదేశాల నుండి 7000 మంది విశిష్ట అతిధులు ఈ కార్యక్రమానికి హాజరుకానున్నారు. ఇప్పటికే దేశం మొత్తం అయోధ్య రామ మందిరం ప్రారంభోత్సవ వేడుకల్లో మునిగిపోయి ఉంది. జనవరి 22వ తారీఖున కేంద్ర ప్రభుత్వ సంస్థల అందరికీ కూడా ఒక పూట సెలవు ప్రకటించారు.

దేశంలోని హిందువులందరూ ఆ రోజు పండుగ రోజుగా జరుపుకోవాలని ప్రధాని మోడీ పిలుపునిచ్చారు. ఇప్పటికే పలు రాష్ట్రాల్లో రామనామస్మరణతో పూజలు మొదలయ్యాయి. అయితే రామ మందిరం నిర్మాణ ట్రస్టు స్వయంగా వెళ్లి చాలామంది అతిధులకు ఆహ్వానాల అందించగా చాలా మంది ఆహ్వానాన్ని మన్నించి ప్రారంభోత్సవానికి రావడానికి సుముఖత చూపించారు.అయితే వీరిలో కొందరైతే మందిర ప్రారంభోత్సవాన్ని తిరస్కరించారు. ఒకసారి ఆహ్వానాన్ని తిరస్కరించిన వారి లిస్టును పరిశీలిస్తే.

1. రాహుల్ గాంధీ:

జాతీయ కాంగ్రెస్ పార్టీ నాయకుడు రాహుల్ గాంధీకి రామ మందిర ప్రారంభోత్సవానికి ఆహ్వానించగా ఆయన రావడానికి సుముఖత చూపించలేదని తెలిసింది.

2. శరధ్ పవర్:

దేశ రాజకీయాల్లో కీలక నేతైన శరధ్ పవర్ కూడా రామ మందిర ప్రారంభోత్సవానికి హాజరు కావడం లేదు. ఈ కార్యక్రమం పూర్తయిన తర్వాత దర్శనానికి వెళ్తానని తెలియజేశారు.

3. లాలూ ప్రసాద్ యాదవ్:

ఆర్ జె డి పార్టీ అధినేత లాలూ ప్రసాద్ యాదవ్ కూడా రామ మందిరం ప్రారంభోత్సవ ఆహ్వానాన్ని తిరస్కరించిన వారిలో ఉన్నారు.

4. మల్లికార్జున్ ఖర్గే:

కాంగ్రెస్ పార్టీ అధ్యక్షుడు మల్లికార్జున్ ఖర్గే కూడా రామ మందిర ప్రారంభోత్సవానికి వెళ్లడం లేదు.

5. సీతారాం ఏచూరి:

సిపిఐ నాయకుడు సీతారాం ఏచూరి కూడా రామ మందిర ప్రారంభోత్సవ ఆహ్వానం తిరస్కరించిన వారిలో ఉన్నారు.

6.అఖిలేష్ యాదవ్:

సమాజ్ వాది పార్టీ అధ్యక్షుడు అఖిలేష్ యాదవ్ కూడా రామ మందిరం ప్రారంభోత్సవానికి వెళ్లడం లేదని తెలిపారు.

7. శంకరాచార్య:

ప్రముఖ ఆచార్యులు దిశంకరాచార్య కూడా రామ మందిర ప్రారంభోత్సవానికి వెళ్లడం లేదని తెలిపారు.

January 20, 2024

Filmy Adda

“నాన్నకు ప్రేమతో” సినిమాతో పాటు… నెగిటివ్ టాక్ తో కూడా సంక్రాంతి కారణంగా హిట్ అయిన 11 సినిమాలు..!

by Mounika Singaluri January 20, 2024

written by Mounika Singaluri

ఒక సినిమా హిట్ అవ్వాలంటే టెక్నికల్ ప్రమోషన్స్ కన్నా మౌత్ పబ్లిసిటీ ఎక్కువ ప్రాధాన్యత కలిగి ఉంటుంది. ఒకసారి ఒక సినిమా బాగోలేదు అని గాని, బాగుంది అనిగానిఎవరి దగ్గర నుంచి అయినా టాక్ వచ్చిందంటే దాని ప్రభావం ఆ పరిసర ప్రాంతాల్లో కచ్చితంగా ఉంటుంది. అయితే ఒక్క సీజన్లో మాత్రం ఈ పబ్లిసిటీ ఏ మాత్రం పని చేయదు.

అదే సంక్రాంతి సీజన్. ఈ సీజన్లో సినిమా ఎలా ఉన్నప్పటికీ చూసి తీరాలనే ఉత్సాహంతో ఉంటారు ప్రేక్షకులు. కేవలం సినిమాలో కంటెంట్ లేకపోయినా సీజన్ వలన మాత్రమే సినిమాలు హిట్ అయినా సందర్భాలు చాలా ఉన్నాయి అలాంటి సినిమాలు ఏవో ఇప్పుడు చూద్దాం.

#1 గుంటూరు కారం : పండగలో విడుదలైన ఈ సినిమా చూసిన వాళ్ళు రెండో రోజు ఈ సినిమా థియేటర్లలో ఉంటుంది అని ఎవరు ఎక్స్పెక్ట్ చేయలేదు కానీ సీజన్ పుణ్యమా అని బాక్సాఫీస్ వద్ద నెల తొక్కుకుంది. నెగిటివ్ టాక్ ఉన్నప్పటికీ కలెక్షన్ల పరంగా అబవ్ యావరేజ్ సినిమాగా నిలబడింది.

#2 శతమానం భవతి : 2017 సంక్రాంతి టైంలో రిలీజ్ అయిన ఈ సినిమా మొదటి రోజు మిక్స్డ్ టాక్ ని మూట కట్టుకుంది కానీ సీజన్ కలిసి వచ్చి బాగానే క్యాష్ చేసుకుంది.

#3 సరిలేరు నీకెవ్వరు : 2020 సంక్రాంతి కానుకగా రిలీజ్ అయిన ఈ సినిమా డివైడ్ టాక్ తో వచ్చినప్పటికీ సీజన్ కలిసి రావటం హీరోకి దర్శకుడికి ఉన్న క్రేజ్ వలన బ్లాక్ బస్టర్ రిజల్ట్ ని సొంతం చేసుకుంది.

#4 మాస్టర్: తమిళ్ హీరో విజయ్ నటించిన ఈ సినిమా కూడా సంక్రాంతి సీజన్ కలిసి రావటం అలాగే లోకేష్ కనకరాజ్ క్రేజ్ కలిసి ఈ సినిమాని బ్లాక్ బస్టర్ గా నిలబెట్టింది.

#5 ఐ: మొదటి రోజు ఈ సినిమా నెగిటివ్ టాక్ ని మూట కట్టుకుంది సంక్రాంతి సీజన్ కలిసి వచ్చి బాగానే క్యాష్ చేసుకొని యావరేజ్ మూవీ గా నిలిచింది.

#6 నాన్నకు ప్రేమతో: ఎన్టీఆర్ 25వ సినిమాగా వచ్చిన ఈ సినిమా కూడా ముందు నెగిటివ్ టాక్ మూటకట్టుకుంది కానీ సీజన్ పుణ్యమా అని యావరేజ్ టాక్ ని తెచ్చుకోగలిగింది.

#7 నాయక్: ఈ సినిమా కూడా సంక్రాంతి సీజన్ కలిసి రావటము, వి వి వినాయక్ ట్రాక్ రికార్డు కలిసి వచ్చి సక్సెస్ ని సొంతం చేసుకుంది.

#8 బిజినెస్ మాన్ : ఈ సినిమా కూడా కేవలం మహేష్ బాబు క్రేజ్ వలన సంక్రాంతి సీజన్ వలన మాత్రమే బాక్స్ ఆఫీస్ వద్ద సక్సెస్ సాధించింది.

#9 జై సింహ: మొదటిరోజు నెగిటివ్ టాక్ ని సొంతం చేసుకున్న ఈ సినిమా సంక్రాంతి సీజన్ ను క్యాష్ చేసుకొని సక్సెస్ ని సాధించింది.

#10 రెడ్: రిలీజ్ అయిన రోజు నెగటివ్ టాక్ ని సొంతం చేసుకొని సంక్రాంతి సీజన్ వల్లే ఈ సినిమా గట్టెక్కింది.

#11 వీర సింహారెడ్డి : ఈ సినిమా కూడా కేవలం సంక్రాంతి సీజన్ వల్లనే బాక్స్ ఆఫీస్ వద్ద సక్సెస్ సాధించింది.

January 20, 2024

Filmy Adda

37 ఏళ్ల తర్వాత కూడా వీళ్ళకి అయోధ్యలో ఇంత గౌరవం ఇస్తున్నారు..! వీళ్ళు ఎవరో తెలుసా..?

by Mounika Singaluri January 20, 2024

written by Mounika Singaluri

1987- 1988 మధ్య డిడి నేషనల్ లో ప్రచారం చేయబడిన ధారవాహిక రామాయణం. ఇది ఆ రోజుల్లో ఎంతగా పాపులర్ అయిందంటే ప్రపంచంలోనే అత్యధికంగా వీక్షించబడిన టెలివిజన్ సిరీస్ గా మారింది. దీనికి 82% వీక్షకులు ఉన్నారు.

రిపీట్ టెలికాస్ట్ మొత్తం ఐదు ఖండాల్లో, 17 దేశాలలో 20 వేరు వేరు చానల్లో వేరు వేరు సమయాల్లో ప్రసారం చేయబడింది. ఈ సిరీస్ విజయాన్ని మీడియా చక్కగా నమోదు చేసింది. బీబీసీ ప్రకారం ఈ సీరియల్ ను 650 మిలియన్లకు పైగా వీక్షితులు వీక్షించారు.

సిరీస్ యొక్క ప్రతి ఎపిసోడ్ కి డిడి నేషనల్ 40 లక్షలు సంపాదించినట్లు నివేదించింది. ఈ ధారావాహికను సాగర్ ఆర్ట్స్ నిర్మించింది విష్ణువు యొక్క ఏడవ అవతారం అయిన రాముని కథ ఇది. రాక్షస రాజు రావణుడు నుంచి అతని భార్య సీతను రక్షించడానికి అతను చేసిన ప్రయాణాన్ని చిత్రీకరించింది. ఈ ధారవాహిక హిందూ మతంలోని పవిత్ర గ్రంథం అయిన వాల్మీకి రామాయణం యొక్క కథనాన్ని అనుసరించింది. ఇది రాముడు అతని సోదరుడు లక్ష్మణుడు అంకితభావం గల వానర దేవుడు హనుమంతుడు ఎదుర్కొన్న వివిధ సాహసాలు సవాళ్లను చిత్రీకరించింది.

ఈ కథలో రాముడు వనవాసం రావణుడు సీతను అపహరించడం లంకకు వంతెనను నిర్మించడం రాముడు రావణుడి మధ్య యుద్ధం చివరికి రాముడు తన రాజ్యమైన అయోధ్యకు విజయవంతంగా తిరిగి రావడం వంటి కథలను కలిగి ఉంటుంది. ఈ సీరియల్ లో రాముడిగా అరుణ్ గోవిల్, సీతగా దీపికా చికాలియా నటించారు. ఇక సునీల్ లహరి, అరవింద్ త్రివేది, ధారాసింగ్ వారి వారి పాత్రలకు తగ్గట్టు నటనతో సీరియల్ ని ఒక రేంజ్ కి తీసుకువెళ్లారు.

ఈ సీరియల్ కి డైరెక్టర్ రామానంద్ సాగర్ కాగా స్వరకర్త రవీంద్ర జైన్. నిర్మాతలుగా రామానంద సాగర్, ఆనంద్ సాగర్, మోతీసాగర్ వ్యవహరించారు. ఇక ఈ సీరియల్ లో రాముడిగా నటించిన అరుణ్ గోవిల్ ని అయితే ఆ రోజులలో సాక్షాత్తు దేవుడి గానే భావించేవారు జనాలు. ఎక్కడ కనిపించినా హారతులు బట్టి బ్రహ్మ రథం పట్టేవారు. అంతటి చరిత్ర కలిగిన వారు కాబట్టే ఆ నటీనటులని అయోధ్య రామ మందిర ప్రాణ ప్రతిష్టకి ఆహ్వానం లభించింది. అయోధ్యలో వారికి లభిస్తున్న ఆదరణ చూస్తుంటే ఇన్ని రోజుల తర్వాత కూడా వీళ్ళకి ఇంత గౌరవమా అని ఆశ్చర్యం కలగక మానదు.

watch video :

https://www.instagram.com/reel/C2OsqZORmEc/?igsh=NjZiM2M3MzIxNA==

January 20, 2024

Newer Posts

Older Posts