టెలివిజన్ చరిత్ర చెప్పాలంటే చాలా కథే ఉంది. బ్లాక్ అండ్ వైట్ టీవీతో మొదలైన ప్రస్థానం.. స్మార్ట్ టీవీగా పరిణామం చెందింది. ఇది లేని ఇల్లు లేదంటే అతిశయోక్తి కాదు. ప్రతి కుటుంబం లో ఒక సభ్యుడిలా మారిపోయింది టీవీ. ప్రస్తుత కాలంలో ప్రతి ఒక్కరూ మంచి స్మార్ట్ టీవీని కొనాలని భావిస్తున్నారు. స్మార్ట్ టీవీ కొనేముందు మంచి ఫీచర్లు, పిక్చర్ క్వాలిటీ, మంచి సౌండ్ సిస్టమ్ ఇలా అన్నింటినీ పరిశీలిస్తారు. అన్నీ ఫర్ఫెక్ట్గా ఉంటే.. ఇంట్లో టీవీ షోలు, సినిమాలు చూస్తే థియేటర్లో చూసిన అనుభూతి కలుగుతుంది.
అయితే మంచి ఆఫర్స్ వస్తుండటం తో చాలా మంది తమ పాత టీవీలను మార్చేసి పెద్ద పెద్ద స్మార్ట్ టీవీ లను కొంటున్నారు. అయితే ఎలాంటి టీవీ కొనుగోలు చేయాలి, మన లివింగ్ రూమ్ లేదా డ్రాయింగ్ రూమ్ కి సరిపడా టీవీ కొంటున్నామా..?? అసలు ఎంత దూరానికి ఎంత సైజు టీవీ కావాలి అన్న విషయాలను ఇప్పుడు తెలుసుకుందాం..

సాధారణంగా టీవీ కొనేటప్పుడు అందరు చూసే విషయాలు ఏంటంటే..పిక్చర్ క్వాలిటీ బావుందా..? సౌండ్ సరిగ్గా వస్తుందా..? హార్డ్ డిస్క్ సపోర్ట్ ఉందా ..? వై-ఫై, మోషన్ సెన్సార్ వంటి ఫీక్చర్స్ ఉన్నాయా..? వంటి విషయాలను మాత్రమే చూస్తాం. కానీ వాటి తో పాటు చూడాల్సిన ఇంకో విషయం ఉంది.. అదే టీవీ సైజు.. మనం ఎంత దూరం నుంచి టీవీ చూస్తాం అన్న దాన్ని బట్టి టీవీ సైజు ని ఎంచుకోవాలి..

మీరు ఎల్ఈడి, అల్ట్రా హెచ్ డి లేదా ఓఎల్ఈడి టీవీని కొనుగోలు చేయడం గురించి ఆలోచించే ముందు.. మీరు టీవీని ఎక్కడ ఉంచాలనుకుంటున్నారో నిర్ణయించుకోవాలి. స్టాండ్ పై పెడతారా.. లేదా గోడకు ఫిట్ చేస్తారా అన్నది చూసుకోవాలి. తర్వాత వ్యూయింగ్ డిస్టెన్స్ ని కొలవాలి. ఉదాహరణకి మీకు, టీవీ కి మధ్య పది అడుగుల దూరం ఉంటే దాన్ని రెండుతో భాగిస్తే వచ్చేది 60 అంగుళాలు. ఇప్పుడు మీరు కొనాల్సిన టీవీ సైజు 60 అంగుళాలు. అది టీవీ రెండు మూలల్ని కొలిస్తే 60 అంగుళాలు రావాలి.

అలాగే ఆరు అడుగుల కన్నా తక్కువ దూరం ఉంటే 40 అంగుళాలు ఉన్న టీవీ ని ఎంచుకోవాలి. ఇలా దూరాన్ని బట్టి టీవీ సైజు నిర్ణయించుకోవాలి. ఇలా కాకుండా మనకు నచ్చినట్టు టీవీ ని కొంటె తల నొప్పి తో పాటు, పలు రకాల కంటి సమస్యలు వేధిస్తాయి. అంతే కాకుండా పలు రకాల అనారోగ్య సమస్యలు కూడా వస్తాయి.




రాష్ట్రపతి ద్రౌపది ముర్ము 1958లో జూన్ 20న ఒడిశాలోని రాయరంగ్పూర్ లో సాధారణ సంతాల్ గిరిజన కుటుంబంలో జన్మించారు. ఆమె భువనేశ్వర్లోని రమాదేవి మహిళా కళాశాలలో ఆర్ట్స్లో బ్యాచిలర్ డిగ్రీని పూర్తి చేసింది. ఆ తరువాత ఒడిశా ప్రభుత్వంలో నీటిపారుదల మరియు విద్యుత్ శాఖలో జూనియర్ అసిస్టెంట్గా పనిచేసింది. ఆమె రాయ్రంగ్పూర్లోని శ్రీ అరబిందో సమగ్ర విద్యా కేంద్రంలో గౌరవ సహాయ ఉపాధ్యాయురాలు.
ద్రౌపది ముర్ము శ్యామ్ చరణ్ ముర్ముని వివాహం చేసుకున్నారు. వారికి ముగ్గురు సంతానం. వీరిలో ఇద్దరు కుమారులు, ఒక కుమార్తె. పలు నివేదికల ప్రకారం, ఆమె కుమారులలో పెద్దవాడు లక్ష్మణ్ ముర్ము 25 ఏళ్ళ వయసులో 2009లో మరణించారు. కొన్ని సంవత్సరాల తర్వాత ఆమె రెండవ కుమారుడు 2012లో రోడ్డు ప్రమాదంలో చనిపోయాడు. రెండు ఏళ్ళ తరువాత, ముర్ము భర్త గుండెపోటు కారణంగా మరణించారు. 2009-2015 మధ్య కేవలం ఆరేళ్లలో ద్రౌపది ముర్ము భర్త, ఇద్దరు కుమారులు, తల్లి మరియు సోదరుడిని కోల్పోయింది.
ఆమె కూతురు ఇతిశ్రీ ప్రస్తుతం ఒడిశాలోని యూకో బ్యాంకులో పనిచేస్తోంది. ఆమె 2015లో రగ్బీ ప్లేయర్ గణేష్ హెంబ్రామ్ని వివాహం చేసుకుంది. వారికి ఒక కుమార్తె ఉంది. 2015లో మే 18న జార్ఖండ్ గవర్నర్గా ప్రమాణ స్వీకారం చేశారు. అంతకు ముందు ముర్ము ఒడిశాలోని బీజేడీ-బీజేపీ సంకీర్ణ ప్రభుత్వంలో రెండుసార్లు ఎమ్మెల్యేగా మరియు ఒకసారి మంత్రిగా పనిచేశారు. ఆమె ఒడిశా రాష్ట్రానికి మొదటి మహిళా గవర్నర్, దేశంలో గవర్నర్గా పనిచేసిన మొదటి మహిళా గిరిజన నాయకురాలు.




















