Sainath Gopi

సినీ నేపథ్యం లేకుండా ఇండస్ట్రీకి వచ్చిన వారు అంటే మొదటిగా గుర్తొచ్చే వ్యక్తి చిరంజీవి. సుప్రీం హీరో నుండి మెగాస్టార్ స్థాయికి చిరంజీవి ఎదిగారు. ఇన్ని సంవత్సరాల జర్నీలో చిరంజీవి ఎన్నో ఒడిదుడుకులు ఎదుర్కొన్నారు. అవన్నీ కూడా దాటుకొని ఇప్పుడు తెలుగు సినిమా ఇండస్ట్రీ గర్వపడే స్థాయికి ఎదిగారు. ఇప్పుడు కూడా యంగ్ హీరోలకి పోటీగా సినిమాలు చేస్తూ వస్తున్నారు. ప్రస్తుతం చిరంజీవి విశ్వంభర సినిమాలో నటిస్తున్నారు. ఈ సినిమా కోసం చిరంజీవి స్పెషల్ ట్రైనింగ్ కూడా తీసుకుంటున్నారు. ఎక్ససైజ్ పరంగా కూడా చాలా జాగ్రత్తలు తీసుకుంటున్నారు.

త్రిష ఈ సినిమాలో చిరంజీవి పక్కన హీరోయిన్ గా నటిస్తున్నారు. ఈ సినిమా షూటింగ్ దశలో ఉంది. చిరంజీవి ఇన్ని సంవత్సరాల తన జర్నీలో ఎన్నో పాత్రలు చేశారు. ఒక సమయంలో కమర్షియల్ సినిమాలు చేశారు. కానీ మరొక పక్క నటనకి ఆస్కారం ఉన్న పాత్రలు కూడా చేశారు. చిరంజీవి తనలో ఒక గొప్ప నటుడు ఉన్నారు అనే విషయాన్ని నిరూపించుకున్నారు. సినిమా కోసం తనని తాను మార్చుకునేవారు. ఇప్పటికి కూడా సినిమా కోసం చాలా కష్టపడతారు.

అందుకే ఎంత మంది హీరోలు వచ్చినా కూడా చిరంజీవి తమకి ఇన్స్పిరేషన్ అని చెప్తూ ఉంటారు. అయితే చిరంజీవి ఒక సినిమాకి కొరియోగ్రాఫర్ గా వ్యవహరించారు అనే సంగతి చాలా తక్కువ మందికి తెలుసు ఏమో. అది కూడా సినిమాల్లోకి వచ్చాక, తను నటించిన ఒక సినిమాకే ఒక పాటకి కొరియోగ్రఫీ చేశారు. మరణ మృదంగం సినిమాలోని గొడవే గొడవమ్మ పాటకి చిరంజీవి కొరియోగ్రఫీ చేశారు. ఈ పాటలో చిరంజీవి, సుహాసిని కనిపిస్తారు. 1988 లో వచ్చిన మరణం మృదంగం సినిమాకి కోదండరామిరెడ్డి గారు దర్శకత్వం వహించారు.

ఇళయరాజా సంగీతం అందించారు. క్రియేటివ్ కమర్షియల్స్ బ్యానర్ మీద కేఎస్ రామారావు గారు ఈ సినిమాని నిర్మించారు. యండమూరి వీరేంద్రనాథ్ గారు రాసిన నవల ఆధారంగా ఈ సినిమా రూపొందించారు. ఈ సినిమాలో పాటలు చాలా పెద్ద హిట్ అయ్యాయి. ఇందులో ఈ పాటకి చిరంజీవి కొరియోగ్రాఫర్ గా వ్యవహరించారు. పాట చూస్తూ ఉంటే ఒక ప్రొఫెషనల్ కొరియోగ్రాఫర్ చేసినట్టే ఉంటుంది. ఇది చూస్తే చిరంజీవి మంచి డాన్సర్ మాత్రమే కాదు. మంచి కొరియోగ్రాఫర్ కూడా అనే విషయం అర్థం అవుతుంది.

మ్యూజిక్ డైరెక్టర్ జీవీ ప్రకాష్ కుమార్. తెలుగులో కూడా చాలా సుపరిచితులు. చాలా సినిమాలకు సంగీత దర్శకత్వం వహించారు. తెలుగులో డార్లింగ్ సినిమాతో గుర్తింపు సంపాదించుకున్నారు. ఆ తర్వాత ఇటీవల వచ్చిన ఆదికేశవ సినిమాకి కూడా సంగీతం అందించారు. జీవీ ప్రకాష్ కుమార్ ఏఆర్ రెహమాన్ కి బంధువు అవుతారు అనే సంగతి తెలిసిందే. ఈమధ్య జీవీ ప్రకాష్ హీరోగా కూడా నటిస్తున్నారు. గత కొద్ది సంవత్సరాల నుండి మ్యూజిక్ డైరెక్టర్ గా చేస్తూనే, హీరోగా కూడా చేస్తున్నారు. ఇటీవల జీవీ ప్రకాష్ కుమార్ హీరోగా నటించిన డియర్ అనే సినిమా విడుదల అయ్యింది. ఈ సినిమాకి మంచి రెస్పాన్స్ వచ్చింది.

ఇదే పేరుతో ఈ సినిమాని తెలుగులో కూడా డబ్ చేసి విడుదల చేశారు. అయితే జీవీ ప్రకాష్ 2013 లో సింగర్ సైంధవిని పెళ్లి చేసుకున్నారు. వీళ్ళిద్దరూ చిన్నప్పటినుండి ఒకరికి ఒకరు తెలుసు. స్కూల్ సమయం నుండి వీళ్ళిద్దరూ ప్రేమించుకున్నారు. దాదాపు పది సంవత్సరాలు వీళ్లు ప్రేమలో ఉన్నారు. ఆ తర్వాత వాళ్ళ ఇళ్లల్లో చెప్పి వాళ్ళని ఒప్పించి ఆనందంగా పెళ్లి చేసుకున్నారు. తర్వాత చాలా ఇంటర్వ్యూలలో జీవీ ప్రకాష్ కుమార్ సైంధవి గురించి గొప్పగా చెప్పారు. వీళ్ళిద్దరికీ 2020 లో ఒక పాప పుట్టింది. అందరూ వీళ్లు చాలా ఆనందంగా ఉన్నారు అని అనుకున్నారు.

View this post on Instagram

A post shared by G.V.Prakash Kumar (@gvprakash)

కానీ ఇవాళ సోషల్ మీడియా వేదికగా వాళ్ళిద్దరూ విడిపోతున్నట్టు ప్రకటించారు. అందుకు కారణాన్ని కూడా చెప్తూ, తమ మానసిక ప్రశాంతత కోసం వాళ్ళిద్దరూ ఇలాంటి నిర్ణయం తీసుకున్నట్లు చెప్పారు. ఈ విషయం మీద చర్చలు ఎక్కువగా జరుగుతున్నాయి. “మానసిక ప్రశాంతత లేనప్పుడు ముందే విడిపోవాలి కానీ పిల్లలు పుట్టాక విడిపోవడం ఏంటి?” అంటూ కామెంట్స్ చేస్తున్నారు. సెలబ్రిటీలు విడిపోవడం అనేది కొత్త కాదు. కానీ వీళ్లు చిన్నప్పటినుండి ఒకరికి ఒకరు తెలుసు. 10 సంవత్సరాలు ప్రేమలో ఉన్నారు. ఒక మనిషిని అర్థం చేసుకోవడానికి ఇంతకంటే ఎక్కువ కాలం అవసరం లేదు.

సంవత్సరంలోనే మనిషి గురించి అంతా తెలిసిపోతుంది. ఇన్ని సంవత్సరాలు కలిసి జీవించాక ఇప్పుడు విడిపోవడం ఏంటి? అసలు విడిపోయేంత నిర్ణయం తీసుకోవడానికి ఏ కారణం ఉంది? అంటూ కామెంట్స్ వస్తున్నాయి. మరి కొంత మంది అయితే 2020 నుండి ఇద్దరికీ మధ్య మనస్పర్ధలు ఉన్నాయి అని అంటున్నారు. ఈ కారణంగానే ఒకరి గురించి ఒకరు బయట ఎక్కువగా చెప్పుకోవట్లేదు అని, అసలు వీళ్ళిద్దరూ విడిపోతారని ముందే అనుకున్నట్టు కొంత మంది కామెంట్స్ కూడా చేస్తున్నారు.

కోలీవుడ్ హీరో ఉదయనిధి స్టాలిన్ నటించిన చిత్రం ‘మామన్నన్’. ఈ చిత్రానికి డైరెక్టర్ మారి సెల్వరాజ్ దర్శకత్వం  వహించాడు. ఫహద్ ఫాజిల్, వడివేలు ముఖ్యమైన పాత్రలలో నటించారు. కీర్తి సురేష్ హీరోయిన్ గా నటించింది.

పరియేరుమ్ పెరుమాళ్, కర్ణన్ చిత్రాలతో హిట్స్ అందుకున్న మారి సెల్వరాజ్ ‘మామన్నన్’  మూవీని అదే పంథాలో రూపొందించాడు. ఈ చిత్రం గత సంవత్సరం జూన్ 29 నాడు విడుదల అయ్యింది. ఈ మూవీకి పాజిటివ్ టాక్ రావడమే కాకుండా, ఉదయనిధి స్టాలిన్ కెరీర్ లోనే భారీ ఓపెనింగ్ కలెక్షన్స్ సాధించింది.

ఉదయనిధి స్టాలిన్, కీర్తి సురేష్ నటించిన ‘మామన్నన్’ మూవీ బాక్సాఫీస్ వద్ద భారీ వసూళ్లను రాబట్టింది. అటు  విమర్శకుల ప్రశంసలతో పాటు ఆడియెన్స్ ప్రశంసలు అందుకుంటూ దూసుకెళ్లింది. పోస్టర్స్ తోనే మూవీ పై అందరి దృష్టి పడేలా చేశాడు డైరెక్టర్ మారి సెల్వరాజ్. హాస్యనటుడు వడివేలుని ఈ చిత్రంలో చూపించిన తీరు ఆకట్టుకుంటుంది.
ఇక ఈ సినిమా స్టోరి ఏమిటంటే కాశీపురం అనే ఊరిలో మామన్నన్ (వడివేలు) ఎమ్మెల్యేగా కొనసాగుతుంటాడు. మామన్నన్ కుమారుడు అయిన ఆదివీరన్ (ఉదయనిధి స్టాలిన్) అభ్యుదయ భావాలు ఉన్న వ్యక్తి. పేద విద్యార్థుల కోసం లీల (కీర్తి సురేష్) ఉచిత కోచింగ్ సెంటర్ ను నడుపుతూ ఉంటుంది. రూలింగ్ పార్టీ లీడర్ రత్నవేలు (ఫహద్ ఫాజిల్) వల్ల లీలకు సమస్యలు ఏర్పడతాయి. ఆ సమయంలో లీలకు అండగా ఆదివీరన్, మామన్నన్ లు ఉంటారు.  వాళ్ళిద్దరు రత్నవేల్ ని ఎలా అడ్డుకున్నారు అనేది మిగతా కథ.
దర్శకుడు మారి సెల్వరాజ్ చిత్రాలన్ని దాదాపు పేద ధనిక అనే కాన్సెప్ట్ తో తెరకెక్కుతాయి. మామన్నన్ సినిమా కూడా అలాంటి స్టోరీతోనే వచ్చింది. ఈ సినిమాలో పొలిటికల్ టచ్ కూడా ఇచ్చాడు. ప్రధమార్ధంలో క్యారెక్టర్ల పరిచయం, స్క్రీన్ ప్లే ఆకట్టుకుంటుంది. ఇక ద్వితీయార్ధం రొటీన్ ఫీల్ ను కలగచేస్తుంది. ఇంటర్వెల్ బ్లాక్ బాగుంది. ద్వితీయార్ధం ఇంకొంచెం బెటర్ గా తీసి ఉంటే మూవీ ఫలితం మరో రేంజ్ లో ఉండేది. రెహమాన్ అందించిన సంగీతం ఈ చిత్రానికి ప్లస్ అయ్యింది. ఫహద్ ఫాజిల్, వడివేలు నటన ఆకట్టుకుంటుంది. తెలుగులో నాయకుడు పేరుతో ఈ సినిమా విడుదల అయ్యింది. ఈ సినిమా నెట్‌ఫ్లిక్స్‌లో స్ట్రీమ్ అవుతోంది. అందులో చూసిన వాళ్ళందరూ కూడా ఈ సినిమాని పొగుడుతున్నారు.

Also Read: ARTHAMAYYINDHA ARUN KUMAR : “ఆహా” లో రిలీజ్ అయిన ఈ సిరీస్ అలరించిందా..? స్టోరీ, రివ్యూ & రేటింగ్.!

అశ్విన్ బాబు హీరోగా గంగా ఎంటర్టైన్మంట్స్ మహేశ్వర్ రెడ్డి మూలి నిర్మాణంలో తెరకెక్కుతున్న చిత్రం ‘శివం భజే’.ఈ చిత్ర దర్శకుడు అప్సర్. ఇటీవల విడుదలైన టైటిల్ ‘శివం భజే’ అందరి దృష్టిని ఆకర్షించగా ఈరోజు చిత్రం నుండి హీరో అశ్విన్ బాబు ఫస్ట్ లుక్ విడుదల చేసారు.

ఫస్ట్ లుక్ లో ఒంటి కాలి మీద నిలబడి ఒంటిచేత్తో మనిషిని ఎత్తేసి రౌద్ర రూపంలో అశ్విన్ కనపడుతున్నారు. అఘోరాలు, త్రిశూలాలు, చీకట్లో కాగడాలు, ఆ వెనక దేవుడి విగ్రహం చూస్తుంటే చిత్రంపై అంచనాలు పెరుగుతున్నాయి.బాలీవుడ్ నటుడు అర్బాజ్ ఖాన్, హైపర్ ఆది, సాయి ధీన, మురళీ శర్మ, బ్రహ్మాజీ, తులసి ముఖ్య పాత్రలు పోషిస్తున్న ఈ చిత్రంలో దిగంగనా సూర్యవంశీ కథానాయికగా నటిస్తుంది.

ఈ సందర్భంగా చిత్ర నిర్మాత మహేశ్వర్ రెడ్డి మాట్లాడుతూ ”ఒక వైవిధ్యమైన కథతో మా సంస్థ గంగా ఎంటర్టైన్మంట్స్ నిర్మాణంలో అశ్విన్ బాబు హీరోగా తెరకెక్కుతున్న చిత్రం ‘శివం భజే’. కొత్త కథ, కథనాలతో అప్సర్ దర్శకత్వంలో రూపొందుతున్న న్యూ ఏజ్ సినిమా ఇది. టైటిల్ కంటే ఫస్ట్ లుక్ కి అద్భుతమైన స్పందన లభిస్తుంది. అర్బాజ్ ఖాన్, సాయి ధీనా, హైపర్ ఆది, మురళీ శర్మ, బ్రహ్మాజీ, తులసి లాంటి నటులు మా చిత్రంలో ప్రధాన పాత్రలు పోషించారు. దాదాసాహెబ్ ఫాల్కే ఫిల్మ్ ఫెస్టవల్-24 ‘బెస్ట్ సినిమాటోగ్రఫీ’ అవార్డు గ్రహీత దాశరథి శివేంద్ర ఈ చిత్రంలో అదిరిపోయే విజువల్స్ అందించారు. ఇటీవల షూటింగ్ పూర్తవడంతో నిర్మాణాంతర కార్యక్రమాలు వేగంగా జరుగుతున్నాయి. సాంకేతికంగా ఎక్కడా తగ్గకుండా వినూత్నంగా తెరకెక్కిస్తున్న ఈ చిత్రాన్ని ప్రపంచవ్యప్తంగా జూన్ లో విడుదల చేయడానికి సిద్ధమవుతున్నాం. చిత్రానికి సంబంధించిన మరిన్ని వివరాలు త్వరలో వెల్లడిస్తాం” అని అన్నారు.

దర్శకుడు అప్సర్ మాట్లాడుతూ, “మా ‘శివం భజే’ టైటిల్ కి మించిన స్పందన ఫస్ట్ లుక్ కి రావడం చాలా సంతోషంగా ఉంది. మా నటీ నటులు, సాంకేతిక నిపణులు, మా నిర్మాత మహేశ్వర రెడ్డి గారి సహకారంతో అంచనాలకి మించి చిత్రం రూపొందింది. మా టీజర్, పాటలు విడుదల గురించి మరిన్ని వివరాలు త్వరలోనే తెలియజేస్తాం” అన్నారు.

నటీనటులు: అశ్విన్ బాబు, అర్బాజ్ ఖాన్, దిగంగనా సూర్యవంశీ, హైపర్ ఆది, మురళీ శర్మ, సాయి ధీన, బ్రహ్మాజీ, తులసి, దేవి ప్రసాద్, అయ్యప్ప శర్మ, శకలక శంకర్, కాశీవిశ్వనాధ్, ఇనాయ సుల్తాన తదితరులు.

ఎడిటర్ : ఛోటా కె ప్రసాద్,
ప్రొడక్షన్ డిజైనర్ : సాహి సురేష్,
మ్యూజిక్ డైరెక్టర్ : వికాస్ బడిస
ఫైట్ మాస్టర్: పృథ్వి, రామకృష్ణ
డీ ఓ పి: దాశరథి శివేంద్ర
పి ఆర్ ఓ: నాయుడు సురేంద్ర కుమార్ – ఫని కందుకూరి (బియాండ్ మీడియా)
మార్కెటింగ్: టాక్ స్కూప్
నిర్మాత : మహేశ్వర్ రెడ్డి మూలి
దర్శకత్వం : అప్సర్.

‘Rx100’, ‘మంగళవారం’ వంటి సినిమాలతో తనదైన గుర్తింపును సంపాదించుకున్న హీరోయిన్ పాయల్ రాజ్‌పుత్ ప్ర‌ధాన పాత్ర‌లో న‌టిస్తోన్న సినిమా ‘ర‌క్ష‌ణ‌’. రోష‌న్‌, మాన‌స్ త‌దిత‌రులు కీల‌క పాత్ర‌ల్లో న‌టించారు. క్రైమ్‌ ఇన్వెస్టిగేటివ్ థ్రిల్ల‌ర్‌గా రూపొందుతోన్న ఈ చిత్రంలో పాయ‌ల్ ప‌వ‌ర్‌ఫుల్ పోలీస్ ఆఫీస‌ర్ పాత్ర‌లో మెప్పించ‌బోతున్నారు. ఈ మూవీ శ‌ర‌వేగంగా రూపొందుతోంది.

హ‌రిప్రియ క్రియేష‌న్స్ బ్యాన‌ర్‌పై ప్ర‌ణ‌దీప్ ఠాకోర్ ద‌ర్శ‌క‌త్వం వ‌హిస్తూ ఈ చిత్రాన్ని నిర్మిస్తున్నారు. శ‌ర‌వేగంగా రూపొందుతోన్న ఈ సినిమాను త్వ‌ర‌లోనే ప్రేక్ష‌కుల ముందుకు తీసుకు రావ‌టానికి స‌న్నాహాలు చేస్తున్నారు ద‌ర్శ‌క నిర్మాత ప్ర‌ణ‌దీప్ ఠాకోర్‌. ఈ సినిమా టైటిల్ పోస్ట‌ర్‌ను మేక‌ర్స్ విడుద‌ల చేశారు. ఇప్ప‌టి వ‌ర‌కు పాయ‌ల్ రాజ్‌పుత్ చేసిన సినిమాల‌కు ఇది పూర్తి భిన్న‌మైన సినిమా. సీట్ ఎడ్జ్ థ్రిల్లింగ్ ఎలిమెంట్స్‌తో సినిమా ఆసాంతం క‌ట్టిప‌డేయ‌నున్న ఈ క్రైమ్ ఇన్వెస్టిగేటివ్ థ్రిల్ల‌ర్‌లో తొలిసారి పోలీస్ ఆఫీస‌ర్‌గా పాయ‌ల్‌ మెప్పించ‌బోతున్నారు. ఈ సంద‌ర్భంగా…

ద‌ర్శ‌క నిర్మాత ప్ర‌ణ‌దీప్ ఠాకోర్ మాట్లాడుతూ ‘‘ర‌క్ష‌ణ ఓ క్రైమ్‌ ఇన్వెస్టిగేటివ్ మిస్టరీ డ్రామా. పాయల్ రాజ్‌పుత్‌ను సరికొత్త కోణంలో చూపించే సినిమా. నటిగా ఆమెకు మంచి ఇమేజ్‌ను తీసుకొస్తుంది. ఒక పోలీస్ ఆఫీసర్ జీవితంలో జరిగిన సంఘటన స్పూర్తితో రాసిన కథతో సినిమా రూపొందింది. ఏ దశలోనూ రాజీ పడకుండా ఉన్నత నిర్మాణ విలువలతో సినిమాను తెరకెక్కించాం. నిర్మాణానంతర కార్యక్రమాలు జరుగుతున్నాయి. త్వ‌ర‌లోనే సినిమాను విడుదల చేయడానికి సన్నాహాలు చేస్తున్నాం” అన్నారు.

న‌టీన‌టులు:

పాయ‌ల్ రాజ్‌పుత్‌, రోష‌న్‌, మాన‌స్‌, రాజీవ్ క‌న‌కాల‌, వినోద్ బాల‌, శివ‌న్నారాయ‌ణ త‌దిత‌రులు

సాంకేతిక వ‌ర్గం:

దర్శకుడు: ప్రణదీప్ ఠాకోర్, నిర్మాత: ప్రణదీప్ ఠాకోర్ , నిర్మాణ సంస్థ: హరిప్రియ క్రియేషన్స్, ఛాయాగ్రహణం: అనిల్ బండారి, సంగీతం: మహతి స్వ‌ర‌ సాగర్, సౌండ్ డిజైనర్: జె.ఆర్. ఎతిరాజ్, ఎడిటర్: గ్యారి బి హెచ్, స్టంట్స్: వెంకట్ మాస్టర్, ప్రొడక్షన్ డిజైన్: రాజీవ్ నాయర్, రైటర్: తయనిధి శివకుమార్, స్టిల్స్:ఎ. దాస్, పబ్లిసిటీ డిజైనర్: రమాకాంత్, వీఎఫ్ఎక్స్: అలగర్‌సామి, ,మయాన్- ప్రదీప్ పుడి, కోడైరెక్టర్: రాఘవేంద్ర శ్రీనివాస, పి.ఆర్‌.ఒ: నాయుడు సురేంద్రకుమార్, ఫణి కందుకూరి (బియాండ్ మీడియా), ఎగ్జిక్యూటివ్ నిర్మాతలు: ప్రకాష్ జోసెఫ్, రమేష్ రెడ్డి, లైన్ ప్రొడ్యూసర్: శరద్ వాఘ్రే, ప్రొడక్షన్ కంట్రోలర్: శ్రీనివాస్ కమ్మెల, కాస్ట్యూమ్స్: శ్రీను కనుమోలు, మేకప్: కోటి లకావత్.

దుల్కర్ సల్మాన్ సీతా రామం మూవీతో ప్రేక్షకులను ఆకట్టుకుని, చాలా మంది ఫ్యాన్స్ ని సొంతం చేసుకున్నారు. ఈ మూవీతో దుల్కర్ తెలుగు హీరోగా మారడమే కాకుండా చాలా మంది తెలుగు ఆడియెన్స్ కు అభిమాన హీరో అయ్యారు. ఈ మూవీతో సంచలన విజయం సాధించిన దుల్కర్ ఆ తరువాత డిఫెరెంట్ కథతో ‘చుప్’ అనే బాలీవుడ్ మూవీలో  నటించారు.

ఈ మూవీకి ప్రముఖ డైరెక్టర్ ఆర్ భల్కి దర్శకత్వం వహించారు. సన్నీ డియోల్, శ్రేయా దంవర్తీ కీలక పాత్రల్లో నటించిన ఈ సినిమా గత ఏడాది ధియేటర్లలో రిలీజ్ అయ్యి, మంచి టాక్ తెచ్చుకుంది. ప్రస్తుతం జీ 5 ఓటీటీ లో స్ట్రీమింగ్ అవుతోంది. ఈ మూవీ ఎలా ఉందో ఇప్పుడు చూద్దాం.. దుల్కర్ సల్మాన్ సీతా రామం వంటి ప్రేమ కథ తరువాత థ్రిల్లర్ మూవీ గా తెరకెక్కిన ‘చుప్’ మూవీ ద్వారా ఆడియెన్స్ ను పలకరించారు. ఈ సినిమా కథ విషయానికి వస్తే, ముంబైలో వరుసగా మర్డర్స్ జరుగుతుంటాయి. హిందీ చిత్రాలకు తక్కువ రేటింగ్ ఇస్తూ రివ్యూలు రాసే క్రిటిక్స్‌ను లక్ష్యం చేసుకుని, వారు రివ్యూను ఏ స్టైల్‌లో రాశారో, ఒక సీరియల్ కిల్లర్ అదే స్టైల్‌లో వారిని హత్య చేస్తుంటాడు.దాంతో క్రిటిక్స్ ఆ సీరియల్ కిల్లర్ ను చంపేవరకు రివ్యూలు రాయమని అని చెప్పడంతో, కిల్లర్ ను పట్టుకోవడానికి పోలిస్ ఆఫీసర్ సన్నీ డియోల్ వస్తాడు. ఆ తర్వాత ఏం జరిగింది?  సీరియల్ కిల్లర్‌ను పట్టుకున్నారా? లేదా అనేది మిగిలిన కథ. సినిమాలకు రివ్యూలు రాసే క్రిటిక్స్ ను చంపడం, వాళ్ళ నుదుటి పై స్టార్స్ రేటింగ్ వేసే కిల్లర్ కాన్సెప్ట్ ఆసక్తికరంగా ఉంది. దర్శకుడు ఆర్ బాల్కీ కథ ఐడియా విషయంలో తన ప్రత్యేకత చాటుకున్నారు. అయితే దానిని  మూవీ మొత్తం చూపించలేకపోయారు.సినిమాటోగ్రఫీ, సంగీతం ఆకట్టుకుంటుంది. కానీ ఇంటర్వెల్ తర్వాత హంతకుడు ఎవరు అనే విషయం తెలిసిన తరువాత కథనం స్లోగా సాగుతుంది. సగటు థ్రిల్లర్ చిత్రాల తరహాలోనే ఈ మూవీ సాగింది. తిరిగి క్లైమాక్స్ లో ఇంట్రెస్ట్ వస్తుంది. దుల్కర్ సల్మాన్ ఈ మూవీలో మరోసారి అద్భుతమైన నటనతో పాత్రకు జీవం పోశారు. దుల్కర్ లేకపోతే మూవీ నిలబడేది కాదు. దుల్కర్ క్యారెక్టర్ లో మరొకరిని ఊహించలేము. శ్రేయా ధన్వంతరి, సన్నీ డియోల్ చక్కగా నటించారు. అమితాబ్ బచ్చన్ గెస్ట్ రోల్ లో ఒక్క సీన్ లో కనిపించారు. దుల్కర్ నటన కోసం చూడాల్సిన మూవీ ఇది.

Also Read: పవన్ కళ్యాణ్-సాయి ధరమ్ తేజ్ “బ్రో” సినిమాలో… మైనస్ అయిన 5 విషయాలు ఇవేనా..?

2006 లో శేఖర్ కమ్ముల దర్శకుడిగా చేసిన చిత్రం గోదావరి. దర్శకుడిగా అతడికి అది మూడో సినిమా. సుమంత్ హీరో. ఆనంద్ సినిమాలో హీరోయిన్ కమలిని ముఖర్జీని ఇందులో కూడా పెట్టాడు శేఖర్ కమ్ముల. ఈ సినిమాలో చాలా వరకు గోదావరిలో.. పడవ లోనే చిత్రీకరించారు. ఈ సినిమా తో సుమంత్ కి మంచి నటుడిగా గుర్తింపు వచ్చింది. శేఖర్ కమ్ముల మేకింగ్, మ్యూజిక్ అంతా ఈ చిత్రానికి మెయిన్ అసెట్ గా మారాయి.

ఆధునిక భావాలున్న, ఆత్మాభిమానం ఉన్న అమ్మాయిగా కమిలిని ముఖర్జీ సీత పాత్రలో జీవించేసింది. హీరోగా, రాజకీయాల్లో చేరి మంచి చేయాలనుకున్న యువకుడు రామ్ పాత్రలో సుమంత్ చాలా బాగా నటించాడు. రామ్ చిన్నప్పుడే తల్లిదండ్రులు చనిపోతే అమ్మమ్మ, మామయ్య దగ్గర పెరుగుతాడు. మరదలు రాజీ అంటే రాముకి అభిమానం. కానీ మేనల్లుడు ఉద్యోగం లేకుండా తిరుగుతున్నాడని అతనికి పిల్లనివ్వడానికి మేనమామ అంగీకరించడు. ఈ చిత్రం అంతా ఆ పెళ్లి చుట్టూ తిరుగుతుంది.

ఈ చిత్రం కమలిని ముఖర్జీ కి చెల్లెలిగా లలిత సింధూరి నటించింది. తన చలాకి నటనతో అక్కని అల్లరి పెట్టె చెల్లి గా లలిత ఆ చిత్రం లో నటించింది. సినిమాలో ఆమె కనిపించేది తక్కువ సమయమే అయినా అందర్నీ ఆకట్టుకుంది లలిత. ఆ తర్వాత ఆమె సినిమాలకు దూరం గా ఉంది. చిన్నప్పటి నుంచి కూచిపూడి నాట్యం లో ఆమెకు ప్రవేశం ఉంది. ఆమె ఉస్మానియా యూనివర్సిటీ నుంచి డాన్స్ లో పీహెచ్డి చేసింది.

సోషల్ మీడియా లో ఆక్టివ్ గా ఉండే లలిత సింధూరి ఎప్పటికప్పుడు తన ఫోటోలని పోస్ట్ చేస్తూ ఉంటారు. ప్రముఖ నాట్యకారిని అరుణ భిక్షు పర్యవేక్షణలో ఆమె తన పీహెచ్ది ని పూర్తి చేసారు. ఆమె ప్రస్తుతం డాన్స్ టీచర్ గా పని చేస్తున్నారు. అలాగే హైదరాబాద్ లోని గీతం యూనివర్సిటీ లో ఆమె డాన్స్ లో అసిస్టెంట్ ప్రొఫెసర్ గా పని చేస్తున్నారు.