Sainath Gopi

గత ఐదు సంవత్సరాల్లో తెలుగు సినిమా ఇండస్ట్రీలో ఎన్నో సినిమాలు వచ్చాయి అందులో ఎన్నో బ్లాక్ బస్టర్ కూడా అయ్యాయి. కానీ సెన్సేషన్ క్రియేట్ చేసినవి మాత్రం మూడు సినిమాలు. మొదటిది బాహుబలి ద బిగినింగ్, రెండవది బాహుబలి ద కంక్లూషన్, మూడవది అర్జున్ రెడ్డి.

బాహుబలి 2 భాగాలు తెలుగు సినిమాని అంతర్జాతీయ స్థాయిలో గర్వపడేలా చేస్తే, అర్జున్ రెడ్డి సినిమా అప్పటివరకు తెలుగు సినిమాల్లో ఫాలో అయిన ఎన్నో రూల్స్ ని బ్రేక్ చేసింది. తమ కథని ధైర్యంగా ప్రజెంట్ చేయడానికి ఎంతో మంది డైరెక్టర్లకు స్ఫూర్తినిచ్చింది.

సినిమా రిలీజ్ అయినప్పుడు మనలో ఎంతమంది అసలు సినిమా ఎలా ఉంటుందో తెలుసుకోవడానికి ఫస్ట్ డే ఫస్ట్ షో కోసం ఎదురు చూసిన వాళ్లు ఉండే ఉంటారు. ఆగస్టు 25వ తేదీ తో అర్జున్ రెడ్డి విడుదల అయ్యి నాలుగు సంవత్సరాలు అయింది.

గతంలో ఓ ఇంటర్వ్యూ లో క్రిటిక్ భరద్వాజ్ రంగన్ తో సందీప్ రెడ్డి వంగా మాట్లాడుతూ ఈ సినిమా గురించి ఎన్నో విషయాలు చెప్పారు. ఈ సినిమా కట్ లేకుండా ఫైనల్ వెర్షన్ చూస్తే దాదాపు 4 గంటల పైనే వచ్చిందని, అది చూసి ఇంత చెత్త సినిమా తీశాను నేను అని అనుకున్నారట సందీప్ రెడ్డి. తర్వాత ఇంకొక వర్షన్ మూడు గంటలకి పైగా వచ్చిందట. అర్జున్ రెడ్డి విడుదల అయ్యి ఐదు సంవత్సరాలు పూర్తి అయినప్పుడు ఆ ఫైనల్ వెర్షన్ విడుదల చేస్తారట.

అంతేకాకుండా ఈ సినిమా గురించి ఇంకొక ఆసక్తికరమైన విషయం కూడా చెప్పారు సందీప్ రెడ్డి. సినిమా స్టార్టింగ్ లో అర్జున్ రెడ్డి నాయనమ్మ పాత్ర పోషించిన సీనియర్ నటి కాంచనమాల వేసుకునే కాస్ట్యూమ్, ఇంకా సినిమా ఎండింగ్ లో ప్రీతి పాత్ర పోషించిన షాలిని పాండే వేసుకునే డ్రెస్ సేమ్ పాటర్న్ లో ఉంటాయట.

ఇది ఇలా చూపించడానికి గల ముఖ్య కారణం ఏంటి అంటే అర్జున్ రెడ్డి జీవితంలో ఇద్దరు ఆడవాళ్లు ముఖ్య పాత్ర పోషించారు. వాళ్ళిద్దరి ఇంపార్టెన్స్ చూపించడానికి సందీప్ రెడ్డి వంగా ఇలా ఆలోచించారట.

ఈ సినిమా పెళ్లిచూపులు తర్వాత మొదలైంది. కానీ షూటింగ్ సమయంలో ఎన్నో ఇబ్బందులు వచ్చాయి. దర్శకుడు సందీప్ రెడ్డి వంగా మాట్లాడిన టెడ్ టాక్స్ యూట్యూబ్ లో ఉంది. ఆ వీడియో ఒకసారి చూస్తే ఎన్ని కష్టాలతో ఈ సినిమా బయటికి వచ్చిందో మీకే అర్థమవుతుంది.

అర్జున్ రెడ్డి సినిమా తో విజయ్ దేవరకొండ మాత్రమే కాకుండా హీరోయిన్ గా నటించిన షాలిని పాండే, హీరో ఫ్రెండ్ శివ పాత్రలో నటించిన రాహుల్ రామకృష్ణ కూడా మంచి గుర్తింపును పొందారు. అర్జున్ రెడ్డి సినిమా లో హీరో గా ముందు శర్వానంద్ ని అనుకున్నారట.

కారణం తెలియదు కానీ ఈ సినిమా శర్వానంద్ రిజెక్ట్ చేశారని వార్తలు వచ్చాయి. అర్జున్ రెడ్డి సినిమా షూటింగ్ కోసం లోకేషన్స్ సెలెక్ట్ చేయడానికి 4 నెలల సమయం పట్టిందట. సినిమా తీసేంత వరకు ఒక రకమైన ఇబ్బందులు ఎదుర్కొంటే, సినిమా తీసిన తర్వాత విడుదల సమయంలో ఇంకొక రకమైన సమస్యలు ఎదుర్కొన్నారు.

సోషల్ మీడియాలో, న్యూస్ చానల్స్ లో ఎక్కడ చూసినా కూడా అర్జున్ రెడ్డి సినిమా గురించి రోజుకి ఒక్క నెగిటివ్ కామెంట్ అయినా వచ్చేది. సినిమా విడుదలయ్యే సమయంలో ఎంత క్రేజ్ వచ్చిందో, అంతే కాంట్రవర్సీస్ కూడా వచ్చాయి. అర్జున్ రెడ్డి సినిమా విడుదలైన తర్వాత తెలుగు ఇండస్ట్రీ నుంచి మాత్రమే కాకుండా ఇతర భాషలకి చెందిన సినిమా ఇండస్ట్రీ ప్రముఖులు కూడా అర్జున్ రెడ్డి సినిమాని ప్రశంసించారు.

ఇప్పటికే అర్జున్ రెడ్డి హిందీలో కబీర్ సింగ్ గా, తమిళ్ లో ఆదిత్య వర్మ గా రీమేక్ అయింది. రెండు రీమేక్స్ కూడా విజయాలను సాధించాయి. అర్జున్ రెడ్డి సినిమా కి విజయ్ దేవరకొండ ఉత్తమ నటుడిగా ఫిలింఫేర్ అవార్డును అందుకున్నారు. కానీ విజయ్ ఆ అవార్డు తీసుకొని, ఆక్షన్ వేసి, వచ్చిన డబ్బులను చీఫ్ మినిస్టర్ రిలీఫ్ ఫండ్ కి అందజేశారు.

watch video:

సినిమాల్లో హీరోయిన్ తర్వాత ముఖ్యమైన పాత్ర హీరో సోదరి పాత్ర. ఒక్కొక్కసారి హీరోయిన్ కంటే కూడా హీరో సోదరి పాత్రకు చాలా ప్రాముఖ్యత ఉంటుంది. చాలా సినిమాల్లో వాళ్ళ వల్లే కథ మలుపు తిరగడం, అప్పటివరకు ఒక లాగా ఉన్న హీరో సడన్ గా మారడం అవుతుంటాయి. హీరో సోదరి పాత్రల్లో నటించిన ఎంతోమంది ప్రస్తుతం ఇంకా నటిస్తున్నారు, మరికొంతమంది వేరే వృత్తుల్లో ఉన్నారు. అలా హీరో సోదరి పాత్రలో నటించిన కొంతమంది ఇప్పుడు ఏం చేస్తున్నారో చూద్దాం.

#1 సంధ్య – అన్నవరం

డబ్బింగ్ సినిమా ప్రేమిస్తే తెలుగు వాళ్లకి పరిచయమైన సంధ్య తర్వాత అన్నవరం సినిమాలో హీరో చెల్లెలిగా నటించారు. ఆ తర్వాత ఎన్నో తమిళం, మలయాళం సినిమాలు చేశారు. 2015లో చెన్నైకి చెందిన ఐటీ ఉద్యోగి వెంకట్ చంద్రశేఖర్ ని వివాహం చేసుకున్నారు. వాళ్లకి ఇప్పుడు ఒక పాప కూడా ఉంది. 2016 లో వచ్చిన మలయాళ సినిమా అవరుడే వీడు సినిమాలో కనిపించారు సంధ్య.

#2 మౌనిక – శివరామరాజు

శివరామరాజు లో ముగ్గురు అన్నల చెల్లి గా నటించిన మౌనిక తర్వాత మా అల్లుడు వెరీ గుడ్, కొడుకు సినిమాల్లో కూడా హీరోయిన్ గా నటించారు. ఎన్నో సినిమాల్లో నటించిన మౌనిక తర్వాత 2014 లో ఇస్లాం మతం తీసుకున్నారు. తన పేరుని రహీమా గా మార్చుకున్నారు. 2015 లో చెన్నైకి చెందిన వ్యాపారి మాలిక్ ని వివాహం చేసుకున్నారు.

#3 మంజూష – రాఖీ

రాఖీ లో ఎన్టీఆర్ చెల్లెలిగా నటించిన మంజూష తర్వాత ఎన్నో సినిమాల్లో నటించారు. ప్రస్తుతం యాంకరింగ్ కూడా చేస్తున్నారు.

#4 దీపా వెంకట్ – శ్రీరామ్

మనసిచ్చి చూడు, శ్రీరామ్ సినిమాల్లో, తర్వాత ఎన్నో తమిళ సీరియల్స్ లో కూడా నటించారు దీపా. దీపా నటి మాత్రమే కాకుండా మంచి డబ్బింగ్ ఆర్టిస్ట్ కూడా. ప్రస్తుతం తమిళ్ లో టాప్ డబ్బింగ్ ఆర్టిస్ట్ ల లో ఒకరు దీపా. జ్యోతిక, సౌందర్య, సిమ్రాన్, గజాలా, సంజన, విద్యాబాలన్, శ్రీయ వంటి ఎంతో మంది హీరోయిన్లకు తమిళంలో డబ్బింగ్ చెప్పారు.

ఉరుమి సినిమాలో తమిళంలో పాటు తెలుగులో కూడా విద్యాబాలన్ కి దీపా డబ్బింగ్ చెప్పారు. నయనతార కి అయితే రాజా రాణి సినిమా నుండి దాదాపు ప్రతి సినిమాకి తమిళంలో దీపా నే చెబుతున్నారు. కాష్మోరా, వివేకం సినిమాల్లో తెలుగులో కూడా నయనతార కి డబ్బింగ్ చెప్పారు దీపా.

#5 శరణ్య మోహన్ – కళ్యాణ్ రామ్ కత్తి

మలయాళం సినిమా రంగంలో చైల్డ్ ఆర్టిస్ట్ గా తన కెరీర్ ని మొదలు పెట్టారు శరణ్య. తెలుగులో విలేజ్ లో వినాయకుడు, భీమిలి కబడ్డీ జట్టు, హ్యాపీ హ్యాపీగా సినిమాల్లో హీరోయిన్ గా నటించారు. కళ్యాణ్ రామ్ హీరోగా నటించిన కత్తి సినిమా లో కళ్యాణ్ రామ్ చెల్లెలిగా నటించారు.

2015 లో ముద్ర అనే తెలుగు సినిమాలో నటించారు. అదే సంవత్సరంలో తనకి ఎంతోకాలం నుండి స్నేహితులు అయిన అరవింద్ కృష్ణన్ ని పెళ్లి చేసుకున్నారు. ఇప్పుడు వారికి ఒక కొడుకు, ఒక కూతురు ఉన్నారు.

#6 వర్ష – వాసు

వాసు సినిమా లో హీరో చెల్లెలిగా నటించారు. అంతేకాకుండా నువ్వే కావాలి ఇంకా చాలా సినిమాల్లో సహాయ పాత్రల్లో కనిపించారు వర్ష. ఈటీవీ లో వచ్చిన కురుక్షేత్రం సీరియల్ లో హీరోయిన్ గా నటించారు. తర్వాత కొంతకాలం బ్రేక్ తీసుకొని మళ్ళీ ఇప్పుడు ఈటీవీ లో ఒక సీరియలో ముఖ్య పాత్ర లో నటిస్తున్నారు.

#7 మధుమిత – పుట్టింటికి రా చెల్లి

పుట్టింటికి రా చెల్లి సినిమా తో పాటు, మన్మధుడు, నువ్వే నువ్వే సినిమాల్లో నటించారు. స్వప్నమాధురి అనే పేరుతో యాంకరింగ్ ద్వారా ఇండస్ట్రీ లోకి అడుగుపెట్టారు. తర్వాత తన పేరుని మధుమిత గా మార్చుకున్నారు. నటులు, బిగ్ బాస్ వన్ విజేత అయిన శివబాలాజీ ని పెళ్లి చేసుకున్నారు. ప్రస్తుతం తన యూట్యూబ్ ఛానల్ ద్వారా అందరినీ అలరిస్తున్నారు.

#8 వాసుకి – తొలిప్రేమ

తొలిప్రేమ సినిమాలో పవన్ కళ్యాణ్ చెల్లెలిగా నటించిన వాసుకి మీకు గుర్తుండే ఉంటారు. అదే సినిమా కోసం తాజ్ మహల్ సెట్ క్రియేట్ చేసిన ఆర్ట్ డైరెక్టర్ ఆనంద్ సాయి ని పెళ్లి చేసుకున్నారు.

ఆనంద్ సాయి సైనికుడు, యమదొంగ, పులి, గుడుంబా శంకర్, నాని, బాలు, బృందావనం సినిమాలకు ఆర్ట్ డైరెక్టర్ గా వ్యవహరించారు. అంతేకాకుండా భువనగిరి దగ్గర ఉన్న లక్ష్మీ నరసింహ స్వామి గుడి కి కూడా చీఫ్ ఆర్కిటెక్ట్ గా బాధ్యతలు నిర్వహించారు. వాసుకి ప్రస్తుతం సినిమాలకు స్వస్తి చెప్పి గూగుల్ లో పనిచేస్తున్నారు.

#9 కీర్తి రెడ్డి – అర్జున్

అర్జున్ సినిమాలో మహేష్ బాబు కవల సోదరి గా నటించిన కీర్తి రెడ్డి మనకు కొత్త ఏమీ కాదు. అంతకుముందు గన్ షాట్, తొలిప్రేమ సినిమాల తో ఎంతో పాపులర్ అయ్యారు. ప్రస్తుతం కీర్తి రెడ్డి పెళ్లి చేసుకుని యూ ఎస్ లో సెటిల్ అయ్యారు. వాళ్లకి ఇద్దరు పిల్లలు ఉన్నారు.