Megha Varna Page 105
Author

Megha Varna

Filmy Adda

ఈ వీడియో అప్పట్లో చాలా వైరల్ అయింది.. కానీ, దీని వెనక ఉన్న ఈ స్టోరీ ఏంటో తెలుసా..?

by Megha Varna
written by Megha Varna

విజయ్ దేవరకొండ హీరోగా పూరి జగన్నాథ్ దర్శకత్వంలో వస్తున్న సినిమా లైగర్. ఈ సినిమా విజయ్ దేవరకొండ మొదటి పాన్ ఇండియన్ సినిమా. అంతకు ముందు విజయ్ దేవరకొండ హీరోగా నటించిన డియర్ కామ్రేడ్, అలాగే వరల్డ్ ఫేమస్ లవర్ సినిమాలు తెలుగుతో పాటు తమిళం, కన్నడ, మలయాళం భాషల్లో కూడా విడుదలయ్యాయి. కానీ లైగర్ సినిమా మాత్రం పూర్తి స్థాయి పాన్ ఇండియా సినిమాగా రూపొందుతోంది.

పూరి కనెక్ట్స్ బ్యానర్ పై పూరి జగన్నాధ్, చార్మి, ధర్మ ప్రొడక్షన్స్ బ్యానర్ పై బాలీవుడ్ నిర్మాత కరణ్ జోహార్ ఈ సినిమాని నిర్మిస్తున్నారు. ఈ సినిమాలో విజయ్ దేవరకొండ సరసన అనన్య పాండే నటిస్తోంది. ఇదిలా ఉంటే ఈ సినిమా ఆగస్టు 25న విడుదల కానుంది. తాజాగా లైగర్ సినిమా టీం ‘అన్‌స్టాపబుల్‌ విత్‌ ఎన్‌బీకే’ షో కి వచ్చారు. పూరి తో పాటు విజయ్ దేవరకొండ చార్మి కూడా సందడి చేశారు.

ఈ షో లో బాలకృష్ణ విజయ్ దేవరకొండకి సంబంధించిన ఒక వీడియోని ప్లే చేయించారు. అందులో విజయ్ దేవరకొండ బాల నటుడిగా నటించాడు. ఈ వీడియో ప్లే చేసే సరికి పూరి జగన్నాథ్ ఆశ్చర్యపోయారు. విజయ్ ఇలా నటించడం తనకు తెలియదని పూరి చెప్పారు.

అప్పుడు విజయ్ దేవరకొండ ఆ వీడియో పుట్టపర్తి సాయిబాబా పై తీసిన సీరియల్ లోనిది అని చెప్పారు. అయితే అందులో నటించింది నేనే కానీ వాయిస్ నాది కాదు అని ఆ వీడియో వెనుక ఉన్న కధని మొత్తం చెప్పారు విజయ్. సోషల్ మీడియాలో ఈ వీడియో ఇప్పుడు వైరల్ గా మారింది.

 

News

కూతురు ప్రేమ పెళ్లి చేసుకుందని బతికుండగానే పిండం పెట్టేసిన తండ్రి.. కన్నీళ్లు పెట్టిస్తున్న స్టోరీ..!

by Megha Varna
written by Megha Varna

ఈ మధ్య కాలంలో ప్రేమ పెళ్లిళ్లు ఎక్కువైపోయాయి. ప్రేమలో పడటం ఆ తర్వాత ఇంట్లో వాళ్లని ఎదిరించి పెళ్లి చేసుకోవడం.. లేదు అంటే ఇంట్లో చెప్పకుండా వెళ్లిపోవడం లాంటివి చేస్తున్నారు. తరచూ మనం ఇలాంటివి చూస్తూనే ఉంటాం. తల్లిదండ్రుల ఇష్టాన్ని కూడా అస్సలు పట్టించుకోవడం లేదు ఈ కాలం పిల్లలు. అయితే ఇదే పరిస్థితి ఒక తండ్రికి వచ్చింది.

తన కూతురు ఇష్టం లేని వివాహం చేసుకోవడంతో ఆ తండ్రి కుంగిపోయాడు. దీనితో ఒక నిర్ణయం తీసుకున్నాడు. అదేంటంటే తనకి ఇష్టం లేని పెళ్లి కూతురు చేసుకోవడంతో కోపం వచ్చి ఆమె బతికుండగానే పిండం పెట్టాడు తండ్రి. పైగా గుండు కూడా కొట్టించుకుని దిన కర్మలు కూడా చేశాడు. ఇక దీనికి సంబంధించి పూర్తి వివరాల్లోకి వెళితే… మహబూబ్ నగర్ జిల్లా, చిన్నచింతకుంట మండలం, మద్దూరు గ్రామానికి చెందిన భార్గవికి అదే ప్రాంతానికి చెందిన వెంకటేష్ అనే ఒక యువకుడు పరిచయం అయ్యాడు.

ఆ తరవాత వీళ్ళ పరిచయం కాస్తా ప్రేమగా మారింది. అయితే జీవితాంతం కలిసి ఉండాలని వీళ్ళు అనుకున్నారు. పెళ్లి చేసుకోవాలని అనుకుని పెద్దలని అడిగే సరికి వాళ్ళు ఒప్పుకోలేదు. అయినా సరే వీళ్ళ ప్రేమని నెగ్గించుకోవాలనుకుని.. పెద్దల్ని ఎదిరించి ఈనెల 13 న ఒక ఆలయంలో వివాహం చేసుకున్నారు. అయితే వద్దన్న వ్యక్తిని పెళ్లి చేసుకుందన్న కోపంతో తండ్రి గుండు గీయించుకుని కూతురికి కర్మకాండలు చేశాడు.

ఆమె ఫోటో కి పూల దండ వేసి శ్రద్ధాంజలి ఘటించాడు. ఇప్పుడు ఈ వార్త చర్చనీయాంశంగా మారింది. తనకు విలువ లేనందుకు కోపంతో తండ్రి ఆమెకి పిండ ప్రదానం చేస్తున్నాడంటూ ఈ వార్త ఇప్పుడు సోషల్ మీడియాలో వైరల్ గా మారుతోంది.

Filmy Adda

పుష్ప సినిమా కోసం అలా డైట్ తీసుకోవడం వల్లనే… బన్నీకి ఆ లుక్ వచ్చిందని మీకు తెలుసా..?

by Megha Varna
written by Megha Varna

పుష్ప సినిమాలో అల్లు అర్జున్ చాలా కొత్తగా కనపడ్డారు. అల్లు అర్జున్ మొదటి పాన్ ఇండియా సినిమా పుష్ప. దాదాపు 12 సంవత్సరాల తర్వాత మళ్లీ అల్లు అర్జున్ సుకుమార్ కాంబినేషన్ తో పుష్ప సినిమా వచ్చింది. తన టాలెంట్ తో పాపులర్ అయిపోతూ ఐకాన్ స్టార్ గా మారిపోయారు అల్లు అర్జున్.

డిసెంబర్ 17న పుష్ప సినిమా విడుదలైన సంగతి తెలిసిందే. ఈ సినిమా భారీ కలెక్షన్లు రాబడుతోంది. పైగా ఎంతో మంది హృదయాలను గెలుచుకుంది. అల్లుఅర్జున్ యాక్టింగ్ కి ఎంతోమంది ఫిదా అయిపోయారు. చాలామంది సెలబ్రిటీలు అయితే అల్లు అర్జున్ ని ప్రశంసిస్తున్నారు. అయితే పుష్ప సినిమాలో అల్లు అర్జున్ కాస్త డిఫరెంట్ గా కనిపించారు. ఇలా కనబడడానికి కారణం అయిన తీసుకున్న డైట్.

మూడు సంవత్సరాల పాటు ఈ డైట్ ని అల్లు అర్జున్ తీసుకున్నారట. చీజ్ మొదలైన పాల పదార్థాలకు దూరంగా ఉన్నారు అన్ని రోజులు కూడ. అలానే డైట్ లో కార్బోహైడ్రేట్స్ ను చాలా తక్కువగా తీసుకునే వారట. ప్రతి రోజూ 45 నిమిషాల పాటు వర్కౌట్స్ చేయడం.. ఆ తర్వాత రన్నింగ్ చేయడం తో పాటుగా కాఫీ లేదా జ్యూస్ తీసుకోవడం.. ఆ తర్వాత అల్పాహారం తీసుకోవడం బన్నీ డైట్ లో పార్ట్.

అల్పాహారం లో గుడ్ల సొన లేకుండా ఆమ్లెట్ తినేవారు. 11:30 నుంచి 12 గంటల సమయంలో ప్రీ మీల్స్ ని తీసుకునే వారు. అలానే సూప్, గ్రీన్ సలాడ్ కూడా తీసుకునేవారు. మాంసం, కార్బోహైడ్రేట్స్, కూరగాయలను లంచ్ లో తీసుకునేవారు. స్నాక్స్ అయితే ఉడకబెట్టిన గింజలు మాత్రమే.

అలానే ఎంత త్వరగా వీలైతే అంత త్వరగా డిన్నర్ పూర్తి చేసేవారట. డిన్నర్ లో బ్రౌన్ రైస్, కూరగాయలు, చికెన్ లేదా చేపలు ఉండేవి. అప్పుడప్పుడూ చీట్ మీల్ ని తీసుకునేవారు. ఇలా డైట్ లో మార్పులు చేయడం వల్లనే ఆ లుక్ వచ్చింది బన్నీకి.

Off Beat

ట్రైన్ లో సీట్స్ “బ్లూ కలర్” లోనే ఎందుకు ఉంటాయో తెలుసా.? వెనక ఇంత సైన్స్ ఉందని ఊహించి ఉండరు.!

by Megha Varna
written by Megha Varna

ప్రయాణాలు అంటే ఇష్టం లేని వారు చాలా తక్కువ మంది ఉంటారు అనుకుంటా. ప్రపంచంలో ఎంతో మంది ప్రయాణాలు చేయడానికి ఇష్టపడతారు. ఎంతో మంది పని విషయంలో ప్రయాణిస్తారు, ఇంకా కొంత మంది వేరే ఏదైనా కారణంగా ప్రయాణాలు చేస్తారు, ఇంకా కొంత మంది వేరే ప్రదేశాలను చూడటానికి వెళ్తూ ఉంటారు. కానీ దాదాపు అందరు ప్రయాణాలు అయితే కచ్చితంగా చేస్తారు.

మనం ఒక చోటు నుండి వేరే చోటుకు ప్రయాణించడానికి ఎన్నో రకాల వెహికల్స్ ఉన్నాయి. అందులో మనందరం ఎక్కువగా వాడేది బస్, ట్రైన్, లేకపోతే ఫ్లైట్. ఇందులో చాలా మంది ట్రైన్ ప్రయాణాలను ఫ్లైట్ ప్రయాణాల ని ఇష్టపడతారు. అయితే బస్ లో కానీ, ట్రైన్ లో కానీ ఫ్లైట్ లో కానీ ప్రయాణించేటప్పుడు మనం చుట్టుపక్కల పరిసరాలను చూస్తూ ఉంటాం కానీ మనం కూర్చున్న బస్ ని కానీ, ట్రైన్ ని కానీ ఫ్లైట్ ని కానీ ఎక్కువగా పట్టించుకోము.

ఒకసారి మనం ఎప్పుడైనా గమనిస్తే బస్, ట్రైన్, ఫ్లైట్ లో సీట్లు బ్లూ కలర్ లో ఉంటాయి. దాదాపు ప్రతి బస్ లో, ప్రతి ట్రైన్ లో ప్రతి ఫ్లైట్ లో సీట్ బ్లూ కలర్ లోనే ఉంటాయి. అలా ఉండడానికి ఒక కారణం ఉంది. అదేంటంటే. సాధారణంగా ఒక మనిషి మెదడు ఒక్కొక్క రంగు చూస్తే ఒక్కొక్కలాగా స్పందిస్తుంది.

Ever wondered why train and flight have blue colour seats

ఎరుపు చూస్తే డేంజర్ అని, తెలుపు చూస్తే శాంతి అని అలా ఒక్కొక్క రంగుని చూస్తే మనిషి మెదడు ఒక్కొక్కలాగా స్పందిస్తుంది. అలా మనం ప్రయాణాల్లో ఎక్కువసేపు కూర్చోవాల్సి వస్తుంది కాబట్టి మధ్యలో వచ్చే విసుగు అవకాశాలు ఉంటాయి. అలాంటప్పుడు బ్లూ కలర్ ఒక మనిషి మెదడు ని కామ్ చేస్తుంది.

Ever wondered why train and flight have blue colour seats

బ్లూ కలర్ విసుగు, చిరాకు లాంటి ఫీలింగ్స్ ని పోగొట్టి మనల్ని రిలాక్స్డ్ గా ఉండేలా చేస్తుంది. అందుకే బస్, ఫ్లైట్ ట్రైన్ లో సీట్లు బ్లూ కలర్ లో ఉంటాయి. ఈసారి బస్, ట్రైన్ లేదా ఫ్లైట్లో ప్రయాణించేటప్పుడు మీరు కూడా ఈ విషయాన్ని గమనించండి. కేవలం బస్, ట్రైన్, ఫ్లైట్లో మాత్రమే కాకుండా జపాన్ లో అయితే స్ట్రీట్ లైట్లు కూడా బ్లూ కలర్ లోనే ఉంటాయట.

Filmy AddaNews

BREAKING: పేరు మార్చేసిన మెగా డాటర్… భర్త పేరు తొలగించడానికి గల కారణాలు ఏంటో.?

by Megha Varna
written by Megha Varna

మెగా డాటర్ శ్రీజకి సంబంధించి ఒక వార్త హల్చల్ చేస్తుంది. దానికి కారణం ఆమె ఇంస్టాగ్రామ్ ప్రొఫైల్ లో భర్త పేరును తొలగించడమే. ఇప్పటివరకు శ్రీజ కళ్యాణ్ అని ఇంస్టాగ్రామ్ ప్రొఫైల్ లో పేరు పెట్టుకున్న ఆమె..ఇప్పుడు శ్రీజగా మార్చుకున్నారు. నిజానికి పెళ్లి తర్వాత శ్రీజ కళ్యాణ్ గా ప్రొఫైల్ పేరు మార్చుకున్నారు.

కానీ ఇప్పుడు భర్త కళ్యాణ్ పేరు తొలగించడానికి గల కారణాలు ఏంటా అని ఇండస్ట్రీ వర్గాల్లో చర్చ నెలకొంది. కళ్యాణ్ దేవ్ హీరోగా నటించిన “సూపర్ మచ్చి” చిత్రం ఇటీవలే ప్రేక్షకుల ముందుకి వచ్చిన సంగతి అందరికి తెలిసిందే. దీనికి గల కారణం ఏంటో తెలియాలి అంటే వేచి చూడాలి.

సాధారణంగా ఏదైనా మెగా హీరో సినిమా అంటే ఆ ఫ్యామిలీకి సంబంధించిన ఎవరో ఒకళ్ళు ఆ సినిమాని ప్రమోట్ చేస్తూ సోషల్ మీడియాలో పోస్ట్ చేస్తూ ఉంటారు. అంతే కాకుండా అంతకుముందు కళ్యాణ్ దేవ్ నటించిన సినిమాలని కూడా ప్రమోట్ చేశారు. కానీ ఇప్పుడు మాత్రం మెగా అల్లుడు సినిమా విడుదల ఉంటే మాత్రం ఒక్కళ్ళు కూడా ప్రమోట్ చేయలేదు. దాంతో అనుమానాలు ఇంకా పెరిగాయి. కళ్యాణ్ దేవ్ హీరోగా నటించిన సూపర్ మచ్చి సినిమా సంక్రాంతి కానుకగా ఇటీవల విడుదల అయ్యింది. కానీ సినిమాకి సంబంధించి ఎవరు ఎక్కువగా ప్రమోషన్స్ లో పాల్గొనలేదు. ప్రస్తుతం అయితే ఈ సినిమా థియేటర్లలో నడుస్తోంది.

Filmy Adda

ఆ హీరోయిన్ రిజెక్ట్ చేయకపోయుంటే…”అనుష్క” కి “అరుంధతి” దక్కేది కాదు.!

by Megha Varna
written by Megha Varna

అనుష్క కెరీర్ లో గుర్తుండిపోయే సినిమాల్లో మొదటిగా వచ్చే సినిమా అరుంధతి. కోడి రామకృష్ణ గారి దర్శకత్వంలో వచ్చిన ఈ సినిమా అప్పట్లో సెన్సేషన్ క్రియేట్ చేసింది. ఇప్పటికి కూడా అనుష్కని చాలా మంది జేజమ్మ అని అంటారు. అంతలా గుర్తుండిపోయింది అరుంధతి సినిమా.

అరుంధతి తెలుగులో మాత్రమే కాకుండా బెంగాలీలో కూడా రీమేక్ అయ్యింది. అరుంధతి సినిమాకి అనుష్క నటనతో పాటు సోను సూద్ పర్ఫార్మెన్స్, గ్రాఫిక్స్, కూడా హైలైట్ గా నిలిచాయి. అసలు మనం అరుంధతి పాత్రలో అనుష్కను తప్ప మరెవ్వరినీ ఊహించుకోలేం.

అరుంధతి అంటే అనుష్క, అనుష్క అంటే అరుంధతి, అనే అంత కరెక్ట్ గా అనుష్క అరుంధతి పాత్రకి సరిపోయారు. కానీ, అసలు అరుంధతి సినిమాలో అరుంధతి పాత్రకి ముందుగా అనుకున్నది అనుష్కని కాదు. అరుంధతి సినిమాలో లీడ్ రోల్ కి ముందుగా మమతా మోహన్ దాస్ ని అనుకున్నారు. ఈ పాత్ర కోసం మమతా మోహన్ దాస్ ని సంప్రదించారు.

సినిమాకి కొంచెం ఎక్కువ రోజులు డేట్స్ ఇవ్వాల్సి ఉండడంతో మమతా మోహన్ దాస్ ఈ పాత్ర చేయలేకపోయారు. తర్వాత అనుష్కని సంప్రదించారు. ఇంత పవర్ ఫుల్ రోల్ పోషించడాన్ని ఛాలెంజ్ గా స్వీకరించి అనుష్క సినిమా చేయడానికి అంగీకరించారు.అరుంధతి ముందు కూడా ఫిమేల్ ఓరియంటెడ్ సినిమాలు చాలా వచ్చాయి. కానీ మధ్యలో కొంత విరామం తర్వాత మళ్లీ అరుంధతి సినిమాతో ఫిమేల్ ఓరియంటెడ్ సినిమాలు రావడం మొదలయ్యాయి. అనుష్క అరుంధతి సినిమాలో తన నటనకి ఎన్నో ప్రశంసలు, అవార్డులు అందుకోవడమే కాకుండా, మనందరికీ కూడా ఇంకా చేరువయ్యారు.

 

 

Filmy Adda

జూనియర్ హీరోల పక్కన సీనియర్ హీరోయిన్లు… త్వరలో రానున్న ఈ 7 కాంబినేషన్స్ చూసేయండి.!

by Megha Varna
written by Megha Varna

ఏదైనా ఒక సినిమా తీస్తున్నారు అంటే అందులో హీరో, హీరోయిన్ల ఎంపిక చేయడం అనేది కీలకం. హీరో, హీరోయిన్లు బాగా సినిమాకి ప్లస్ అవుతారు. అందుకని హీరోహీరోయిన్ల విషయంలో ఎంతో జాగ్రత్తగా చూసి ఎంపిక చేయడం జరుగుతుంది. అయితే హీరోయిన్లకి సినీ ఇండస్ట్రీలో లైఫ్ టైం కొంచెం తక్కువగా ఉంటుంది.

హీరోలు మాత్రం ఏళ్ల తరబడి నటిస్తూ ఉంటారు, హీరోయిన్లకు హీరోయిన్లగా నటించే అవకాశం తగ్గినప్పుడు వివిధ పాత్రల్ని చేస్తూ ఉంటారు. కొన్ని కొన్ని సార్లు సీనియర్ హీరోయిన్ల పక్కన కూడా తక్కువ వయస్సు ఉన్న హీరోయిన్లు నటించాల్సి వస్తుంది. రెమ్యునరేషన్ ఎక్కువ వస్తుందనో లేదు అంటే కెరియర్ కి ప్లస్ అవుతుందనో నటిస్తూ ఉంటారు.

అయితే ఏ పాత్రా లేకపోవడం కంటే కూడా ఏదో ఒక పాత్ర చేయడం మంచిది కదా అది భావిస్తూ ఉంటారు కొందరు హీరోయిన్లు. సీనియర్ హీరోయిన్లు పక్కన చిన్న వయసు హీరోయిన్లు నటిస్తూ ఉంటారు. ఇప్పుడైతే జూనియర్ హీరోల పక్కన సీనియర్ హీరోయిన్లు కూడా నటిస్తున్నారు. పైగా ఆ జంట ఇంట్రెస్టింగ్ గా కూడా ఉంటోంది. అలా నటిస్తున్న హీరో హీరోయిన్ల గురించి చూద్దాం.

#1. అనుష్క శెట్టి – నవీన్ పోలిశెట్టి:

పదిహేను సంవత్సరాలుగా అనుష్క తెలుగు సినిమాల్లో నటిస్తూనే ఉంది అనుష్క. నవీన్ పోలిశెట్టి చూస్తే కుర్ర హీరో. వీరిద్దరి కాంబినేషన్ లో సినిమా ఇప్పుడు రాబోతోంది. శెట్టి మిస్టర్ పోలిశెట్టి పేరుతో ఈ సినిమా రానుంది.

#2. నాగశౌర్య – కీర్తి సురేష్:

యంగ్ హీరో నాగ శౌర్య పక్కన కీర్తి సురేష్ నటించనుంది. అదేవిధంగా కీర్తి సురేష్ భోళా శంకర్ సినిమాలో చిరంజీవి చెల్లెలిగా నటిస్తున్న సంగతి తెలిసిందే.

#3. సమంతా – దేవ్ మోహన్:

మలయాళ హీరో దేవ్ మోహన్ తో సమంత శాకుంతలం సినిమాలో నటించనుంది. గుణశేఖర్ ఈ సినిమాకి దర్శకత్వం వహించనున్నారు.

#4. ప్రతీక్ గాంధీ – విద్యాబాలన్:

జూనియర్ హీరో అయినా ప్రతీక్ గాంధీతో ఈ సీనియర్ హీరోయిన్ నటించనుంది. ఈ కాంబినేషన్ లో రాబోయే సినిమా ఎలా ఉంటుందో చూడాలి మరి..!

#5. కత్రినాకైఫ్ – విజయ్ సేతుపతి:

కత్రినా కైఫ్ క్రేజ్ చూస్తే మామూలు క్రేజ్ కాదు. విజయ్ సేతుపతి కూడా క్రేజ్ ఉన్నప్పటికీ కత్రినా అంత కాదు. అయితే ఈ జంట కాంబినేషన్ తో రాబోతున్న సినిమా కోసం ప్రేక్షకులు ఎంతగానో ఎదురు చూస్తున్నారు.

#6. దీపికా పదుకొనే – సిద్ధాంత్ చతుర్వేది:

దీపికా పదుకొనే సీనియర్ హీరోయిన్. సిద్ధాంత్ చతుర్వేది అయితే కాస్త జూనియర్ హీరో. అయితే మరి ఈ సీనియర్ హీరోయిన్ ఆ జూనియర్ హీరోతో కలిసి నటించనుంది. మరి వాళ్ళ జంట ఎలా ఉంటుందో చూడాలి.

#7. తమన్నా – సత్యదేవ్ :

తమన్నా , సత్యదేవ్ …ఈ ఇద్దరి కాంబోలో “గుర్తుందా శీతాకాలం” అనే సినిమా రాబోతుంది.

Off Beat

తడిసినప్పుడు బట్టలు ఎందుకు ముదురు రంగులోకి మారతాయి..? అసలు కారణం ఇదే..!

by Megha Varna
written by Megha Varna

కొన్నిసార్లు సమయం లేకపోవడం వలన కంగారుగా మంచి నీళ్లు తాగుతూ ఉంటాం. అలాంటప్పుడు బట్టల మీద పడి మరక లాగ కనిపిస్తుంది. అయితే ఏదైనా చాలా ముఖ్యమైన పని ఉన్నప్పుడు ఇలా జరిగితే చాలా ఇబ్బందిగా ఉండాల్సి వస్తుంది.

మరి మంచి నీళ్ళు పడినప్పుడు బట్టలు ఎందుకు డార్క్ గా కనబడతాయి..? అంతేకాక ఎక్కువ చెమట పట్టినప్పుడు అండర్ అర్మ్స్ భాగంలో కూడా డార్క్ గా కనబడుతుంది. మరి ఇలా జరగడానికి కారణం ఏమిటో ఇప్పుడే చూద్దాం.

బట్టల యొక్క రంగులు మరియు మెటీరియల్ తత్వం గురించి తెలుసుకునే ముందు, రంగులు ముందుగా ఏ విధంగా కళ్లకు కనిపిస్తాయో తెలుసుకోవాలి. ఉదాహరణకు మనకు గడ్డి రంగు ఆకు పచ్చగా ఎలా కనబడుతుందో తెలుసుకుందాం. లైట్ రేస్ గడ్డిను తాకడం వలన మనకి గడ్డి రంగు ఆకుపచ్చగా కనబడుతుంది మరియు ఇక్కడ లైట్ ఎనర్జీ కొంత భాగం మాత్రమే అబ్జార్బ్ అయింది.

అందుకే ఆకు పచ్చరంగులో కనబడింది. నిజానికి గడ్డి నీలం, ఎరుపు, పసుపు మరియు వివిధ రంగుల వేవ్ లెన్త్ ను అబ్జర్వ్ చేసుకుంటుంది. కానీ మనకు ఆకుపచ్చ లైట్ మాత్రమే రిఫ్లెక్ట్ అవుతుంది. మనం ఒక వస్తువుని చూసిన తర్వాత మన రెటీనాలో ఉండే కోన్ సెల్స్ రంగుని ట్రాన్స్లేట్ చేస్తాయి.

ఇదే ప్రక్రియ ప్రతి చోట అప్లై అవుతుంది అని చెప్పాలి. అయితే బట్టలు తడిసినప్పుడు మెటీరియల్ తడిగా అవుతుంది. ఆ మెటీరియల్ రెండవ రిప్లైక్టివ్ సర్ఫేస్ కింద మారుతుంది. అప్పుడు ఫైబర్ లో ఉండే గ్యాప్స్ నీటితోనూ మరియు గాలితోనూ నిండిపోతాయి. అప్పుడు ఇంటర్నల్ రిఫ్లెక్షన్ జరగడం వల్ల తడిగా ఉండే ప్రదేశం డార్క్ గా కనబడుతుంది.

Filmy Adda

సినిమా ఫ్లాప్ అవ్వడంతో…తమ రెమ్యూనరేషన్ ని తిరిగి ఇచ్చేసిన 7 మంది స్టార్స్.! ఏ సినిమాకంటే.?

by Megha Varna
written by Megha Varna

హీరో, హీరోయిన్లు తమ రేంజ్ ని బట్టి రెమ్యూనరేషన్ తీసుకోవడం జరుగుతుంది. పైగా సినిమాని బట్టీ కూడా హీరో, హీరోయిన్లు రెమ్యూనరేషన్ తీసుకుంటారు. అయితే కొన్ని కొన్ని సార్లు సినిమాకి నష్టం వస్తే అప్పుడు హీరో, హీరోయిన్లు తమ రెమ్యునరేషన్ ని పూర్తిగా నిర్మాతలకి ఇచ్చేస్తారు లేదా అందులో కొంచెం అయినా సరే ఇస్తారు.

అయితే టాలీవుడ్ లో కూడా రెమ్యునరేషన్ ని తిరిగి వెనక్కి ఇచ్చేసిన హీరోలు, హీరోయిన్లు ఉన్నారా..? అవునండి టాలీవుడ్ లో కూడా రెమ్యూనరేషన్ ని వెనక్కి ఇచ్చేసిన వారూ ఉన్నారు. మరి ఆ నటులు ఎవరు అనేది ఇప్పుడు చూద్దాం.

#1. రామ్ చరణ్ తేజ్:

రామ్ చరణ్ తేజ్ ఆరంజ్ సినిమాలో నటించారు. అయితే ఆ సినిమా ఫ్లాప్ అవ్వడం వల్ల నిర్మాతకి రెమ్యూనరేషన్ లో 90% తిరిగి ఇచ్చేశారు చరణ్. అలానే వినయవిధేయరామ తరవాత దానయ్య మరియు రామ్ చరణ్ డిస్ట్రిబ్యూటర్లకు 5 కోట్లు తిరిగి ఇచ్చారు.

#2. పవన్ కళ్యాణ్:

పవన్ కళ్యాణ్ కూడా నిర్మాతలకి తిరిగి వెనక్కి డబ్బులు ఇచ్చిన రోజులు ఉన్నాయి. పవన్ కళ్యాణ్ నటించిన జానీ, పులి సినిమాలు ఫ్లాప్ అవ్వడం వల్ల రెమ్యూనరేషన్ లో 40 శాతం నిర్మాతలకి తిరిగి ఇచ్చేశారు పవన్ కళ్యాణ్ .

#3. జూనియర్ ఎన్టీఆర్:

జూనియర్ ఎన్టీఆర్ కూడా రెమ్యూనరేషన్ వెనక్కి ఇచ్చిన రోజులు ఉన్నాయి. నరసింహుడు సినిమా ప్లాప్ అయిన తర్వాత జూనియర్ ఎన్టీఆర్ రెమ్యూనరేషన్ లో సగాన్ని నిర్మాతలకు ఇచ్చేశారు.

#4. మహేష్ బాబు:

సూపర్ స్టార్ మహేష్ బాబు ఖలేజా సినిమా ఫ్లాప్ అయిన తర్వాత తాను తీసుకున్న రెమ్యూనరేషన్ లో సగ భాగాన్ని నిర్మాతకు ఇచ్చేశారు మహేష్.

#5. త్రివిక్రమ్:

త్రివిక్రమ్ అజ్ఞాతవాసి సినిమా తర్వాత ఇరవై శాతం రెమ్యునరేషన్ ని నిర్మాతకు ఇచ్చేశారు.

#6. సాయి పల్లవి:

పడి పడి లేచే మనసు సినిమా ఫ్లాప్ అయిన తర్వాత హీరోయిన్ సాయి పల్లవి కూడా తన రెమ్యూనరేషన్ మొత్తాన్ని నిర్మాతలకు ఇచ్చేసింది.

#7. బాలకృష్ణ:

గౌతమీపుత్ర శాతకర్ణి సినిమా అనుకున్నంత హిట్ అందకపోవడంతో బాలకృష్ణ తన రెమ్యూనరేషన్ లో సగం ఇచ్చేశారు.

Off BeatSports Adda

టెస్ట్ మ్యాచ్ “లంచ్ బ్రేక్” లో క్రికెటర్లు ఏ ఆహారపదార్ధాలని తీసుకుంటారో తెలుసా…?

by Megha Varna
written by Megha Varna

అథ్లెట్స్ ఎన్నో రకాల వ్యాయామాలను చేసి ఫిట్ గా ఉండేందుకు మంచి ఆహారాన్ని తీసుకుని ఆరోగ్యాన్ని కాపాడుకుంటారు మరియు వారి ఆరోగ్యం పట్ల శరీరం పట్ల చాలా జాగ్రత్తలు వహించాల్సి వస్తుంది. గంటల తరబడి ప్రాక్టీస్ చేయడం మరియు ఆటలు ఆడటం వల్ల చాలా అలసిపోతారు. వీరికి చాలా శక్తి అవసరం. అలా అని అతిగా తింటే ఫిట్నెస్ తగ్గిపోతుంది. మరి ఈ టెస్ట్ క్రికెట్ వంటి వాటిలో లంచ్ బ్రేక్స్ కూడా ఉంటాయి. అలాంటప్పుడు క్రికెటర్స్ ఏమి తింటారు…? అంటే ఎక్కువగా ఆహారాన్ని తీసుకుంటే వాళ్లు ఆటను సరిగ్గా ఆడలేరు కదా.

సహజంగా టెస్ట్ క్రికెట్ లో రోజుకు మూడు సెషన్స్ అవుతాయి. అయితే అందులో రెండు బ్రేక్స్ ఇస్తారు. ఫస్ట్ సీజన్ మొదలయ్యే ముందు బ్రేక్ఫాస్ట్ చేస్తారు. అందులో భాగంగా పాలు, బ్రెడ్, పాస్తా, గుడ్లు మొదలైనవి ఉంటాయి. ఆ తర్వాత లంచ్ బ్రేక్. ఈ బ్రేక్ లో భాగంగా చికెన్, ఫిష్, పన్నీర్ వంటి మొదలైన ఆప్షన్స్ ఉంటాయి. అయితే వీరు తీసుకునే ఆహారంలో ఎటువంటి రూల్స్ ఉండవు, వాళ్ళకి కావలసిన ఆహారాన్ని తీసుకోవచ్చు.

బ్రేక్ తర్వాత వాళ్ళు ఆడటానికి వెళ్తున్నారో లేదో ముందే తెలుస్తుంది. దాని బట్టి వారి ఆహారాన్ని మార్చుకోవచ్చు, అంటే ఎక్కువగా తిన్న తర్వాత పరిగెత్తడానికి కష్టమవుతుంది దాని వల్ల ఆటపై ప్రభావం ఎక్కువ ఉంటుంది. చివరగా స్నాక్స్, ఈ బ్రేక్ లో టీ, కాఫీ, శాండ్విచ్, బిస్కెట్స్ వంటివి ఉంటాయి.

అప్పుడు కూడా ఎటువంటి రిస్ట్రిక్షన్స్ ఉండవు. ప్రస్తుతం ఫిట్నెస్ పై ఎక్కువ శ్రద్ధ చూపేవారు ఎక్కువయ్యారు. అయితే వారు మాత్రం వారి న్యూట్రిషనిస్ట్ చెప్పిన ఆహారాన్ని మాత్రమే తీసుకుంటున్నారు. క్రికెట్ మ్యాచ్ సమయంలో అక్కడ ఎటువంటి ఆహారం అందుబాటులో ఉంటుందో దాన్ని బట్టి వారికి నచ్చిన ఆహారాన్ని తింటారు.

Newer Posts
Older Posts