Megha Varna

వివాదాలకు కేంద్ర బిందువైన రాంగోపాల్ వర్మ కరోనా టైంలో కూడా వరుసగా సినిమాలు తీస్తూ ఫుల్ బిజీగా ఉన్నాడు.తాజాగా ఆయన పవర్ స్టార్ అనే చిత్రాన్ని తీశారు.ఈ చిత్రంలో పవన్ టార్గెట్ చేసే అంశాలు బోలెడు ఉన్నాయి.వాటిలో కొన్నిటిని ట్రైలర్ లో చూపించారు.దానితో ఒక వైపు మీడియా ప్రశ్నలతో మరోవైపు ఫ్యాన్స్ తిట్లతో ఆయనను ఫుల్ గా వాయించడం మొదలుపెట్టారు. కాని వాటిని ఆయన అసలు పట్టించుకోలేదు.పైగా దాని ద్వారా కావల్సినంత పబ్లిసిటీ దొరుకుతుంది కదా అని లైట్ తీసుకున్నాడు.

ఆయన కోరిన విధంగా సినిమా విడుదలైంది.ఈ చిత్రాన్ని చూడడానికి టికెట్ ధర 150 రూపాయిలు పెట్టారు.దానితో అసలు అందులో ఏముందో చూద్దాం అని కొన్న వాళ్ళంతా తర్వాత ఎందుకొన్నాం రా బాబు అనే రేంజిలో ఫీల్ అయ్యారు.ఎందుకంటే అందులో మ్యాటర్ లేదట సినిమా అంతా ఓ స్పూఫ్ లా ఉంది.పైగా చిత్రం బాగా బోరింగ్ గా సాగింది.ఈ చిత్రానికి ఇప్పటి వరకు దాదాపు 1,20,000 టికెట్స్ సేల్ అయ్యాయట.

ఈ చిత్రం పై ఆర్జీవి కనీసం పది లక్షలు కూడా ఖర్చు పెట్టలేదట.ఈ చిత్రం పై దాదాపు పది రెట్లు డబ్బులు వర్మ సంపాదించుకున్నాడు. తన ప్రయోగం సక్సెస్ అయ్యి బాగా డబ్బులు రావడంతో మరోసారి ఈ ప్రయోగానికి సిద్దమైపోయారు.ఈసారి మెగా ప్రొడ్యూసర్ అల్లు అరవింద్ గారిని టార్గెట్ చేసే స్క్రిప్ట్ ను రెడీ చేసుకుంటున్నారు. ఇది చూస్తున్న జనాలు,సినీ విశ్లేషకులు వర్మ ఏంటయ్యా మాకు ఈ కర్మ అని తలలు బాదుకుంటున్నారు.

దేశాన్ని విస్తుపోయేలా చేసిన సుశాంత్ సింగ్ రాజ్‌పుత్ సూసైడ్ కేసు రోజుకొక మలపు తిరుగుతుంది. ఎంతోమంది ప్రముఖులు ఇది ఆత్మహత్య కాదు హత్య అనే అనుమానాన్ని వ్యక్తం చేస్తున్నారు.సరిగ్గా సుశాంత్ చనిపోయే వారం ముందు ఆయన మేనేజర్ దిశా సలియాన్‌ కూడా 14వ ఫ్లోర్ నుండి దూకి ఆత్మహత్య చేసుకుంది.దీనితో వీరిద్దరి మరణానికి ఏదైనా కారణం ఉండి ఉండవచ్చని ప్రముఖులు అనుమానాలు వక్తం చేస్తున్నారు.

ఇలాంటి టైంలో ముంబై పోలీసులు దిశా సలియాన్‌ కేసుకు సంబంధించిన ఫైల్స్‌ను ధ్వంసం చేశామని చెప్పడంతో పోలీసుల తీరు పై బోలెడు అనుమానాలు వ్యక్తమవుతున్నాయి.అంతేకాకుండా తాజాగా రిపబ్లిక్ టీవీ నిర్వహించిన డిబేట్ లో పాల్గొన్న సుశాంత్ ఫ్యామిలి ఫ్రెండ్ స్మిత పారిఖ్ తమ మేనేజర్ ను చంపిన వాళ్ళు తనని కూడా వదలరని సుశాంత్ సోదరి మీతూ సింగ్‌కు ఫోన్ చేసి చెప్పాడు.

ఇదంతా చూస్తుంటే వీరిద్దరి మరణం వెనుక ఓ పెద్ద గ్యాంగ్ ఉన్నట్లు దాని ఇన్ ఫ్లుఎన్స్ కు భయపడే పోలీసులు సరిగ్గా పని చేయట్లేదని ఆమె ఆసక్తికర కామెంట్స్ చేశారు.ఇన్ని రోజులు సైలంట్ గా ఉన్న దిశా సలియాన్‌ కుటుంబ సభ్యులు కూడా ఇప్పుడు ఈ కేసును సిబిఐకి అప్పజెప్పాలని డిమాండ్ చేస్తున్నారు.

సుశాంత్ కేసులో ముంబై పోలీసులు వ్యవహరిస్తున్న తీరుపై చాలా రోజుల నుండి పలు వర్గాల నుండి అనుమానాలు వ్యక్తం అవుతున్నాయి.రోజుకొక మలుపు తిరుగుతున్న సుశాంత్ కేసు చివరికి ఎటు చేరుతుందో వేచి చూడాలి.

దేశాన్ని విస్తుపోయేలా చేసిన సుశాంత్ సింగ్ రాజ్‌పుత్ సూసైడ్ కేసు రోజుకొక మలపు తిరుగుతుంది. ఎంతోమంది ప్రముఖులు ఇది ఆత్మహత్య కాదు హత్య అనే అనుమానాన్ని వ్యక్తం చేస్తున్నారు. పోలీసులు కూడా మౌనంగా ఉండడంతో మరిన్ని అనుమానాలకు తావిచ్చేలా ఈ కేసు తయారవుతుంది.ఇక తాజాగా బీహార్ పోలీసులు విచారణకు హజరవ్వాలని హీరోయిన్ రియా చక్రవర్తిని ఆదేశించారు కాని ఆమె ప్రస్తుతం కుటుంబంతో సహా ఎక్కడికో మాయమైనట్లు రిపబ్లిక్ టివి కథనం ప్రొజెక్ట్ చేసింది.

ఇక తాజాగా మీడియాలో సుశాంత్ ఫోటోలను పరిశీలించిన డాక్టర్ మీనాక్షి మిత్రా ఇది ఖచ్చితంగా హత్యేనని విమర్శిస్తున్నారు.ప్రస్తుతం ఈమె రక్షణ శాఖ ఆర్డినెన్స్ ఆస్పత్రిలో డాక్టర్ గా పనిచేస్తున్నారు.ఈమె సుశాంత్ మృతదేహం పై ఉన్న గాయాలను చూశాక ఈ అంచనాకు వచ్చినట్లు చెబుతున్నారు.ముందుగా సుశాంత్ హత్య చేసి ఆ తర్వాత దీన్ని ఆత్మహత్యలా క్రియేట్ చేశారని ఆమె ఆరోపించారు.

దీనికి తగ్గట్టే కొద్దిరోజుల క్రితం ముంబై పోలీసులు సుశాంత్ బెడ్ ను సర్దుతూ ఈ వీడియో బయటకు వస్తే పెద్ద గందరగోళం అయిపోతుంది అని సంభాషించుకుంటూ ఉన్న ఓ వీడియో గుట్టును రిపబ్లిక్ టీవీ బయటపెట్టింది. అంతేకాకుండా సుశాంత్ సింగ్ ఆత్మహత్య కేసుపై వరుసగా రిపబ్లిక్ టీవీ ప్రోగ్రాం చేస్తూ అతనికి న్యాయం చేయాలని డిమాండ్ చేస్తుంది.

రిపబ్లిక్ టీవీ సుశాంత్ సూసైడ్ పై వరుస కథనాలు ప్రసారం చేయడంతో ప్రజలలో సుశాంత్ కేసును సిబిఐకి అప్పగించాలని డిమాండ్ పెరుగుతుంది.

సుశాంత్ సింగ్ రాజ్ పుత్ సూసైడ్ బాలీవుడ్ లో ప్రకంపనలు సృష్టిస్తుంది. ఇన్నిరోజులు స్టార్లుగా తిరిగిన హీరోలను దర్శకులను సినీ అభిమానుల చేత ట్రోలింగ్ చేయిస్తుంది.నెపోటిజం పై పెద్ద ఎత్తున చర్చకు తెర లేపింది.

సుశాంత్ సింగ్ కు న్యాయం జరగాలంటూ బాలీవుడ్ క్వీన్ కంగనా రనౌత్ ప్రభుత్వాన్ని డిమాండ్ చేస్తుంది.అలాగే సుశాంత్ సూసైడ్ వెనుక దాగివున్న ఆసక్తికర అంశాలను రోజుకొకటి ఈమె బయటపెడుతున్నారు.అంతేకాకుండా సుశాంత్ ను డీ ఫేమ్ చేసేలా కామెంట్ చేస్తున్న వారికి ప్రశ్నలు సంధిస్తున్నారు.

తాజాగా కంగనా మరోమారు ఒక ఆసక్తికర ట్వీట్ చేశారు.ఆ ట్వీట్ సోషల్ మీడియాలో తెగ వైరల్ అవుతుంది. ఇందులో కంగనా రనౌత్

“అందరికీ అతనెవరో తెలుసు కాని ఎవ్వరూ అతని పేరు కూడా పలకరు, దర్శకుడు కరణ్ జోహార్ కు ఆప్త మిత్రుడు మరియు ప్రపంచ ప్రఖ్యాత ముఖ్యమంత్రి కుమారుడు,ముద్దుగా బేబీ పెంగ్విన్ అని పిలుస్తారు.కంగనా అనే నేను చెబుతున్నాను రేపు నేను ఇంట్లో తాడుకు వేలాడుతూ కనిపిస్తే దయచేసి తెలుసుకోండి నేను సూసైడ్ చేసుకోలేదని అంటూ కంగనా తన ట్వీట్ లో పేర్కొన్నారు.

ఇప్పుడు కంగనా చేసిన ట్వీట్ లో ఆ బేబీ పెంగ్విన్ అదేనండి ఆ ముఖ్యమంత్రి కుమారుడు ఎవరని సోషల్ మీడియాలో పెద్దఎత్తున చర్చ జరుగుతుంది. సుశాంత్ సూసైడ్ కేసులో పోలీసులు వ్యవహరిస్తున్న తీరు బోలెడు అనుమానాలకు తావిచ్చేలా ఉంది. అందుకే ఈ కేసును కేంద్ర ప్రభుత్వం సిబిఐకిఅప్పజెప్పాలని సినీ అభిమానులు కోరుతున్నారు. మరి కేంద్ర ప్రభుత్వం ప్రజల కోరికను మన్నించి ఈ కేసును సీబీఐకి అప్ప చెబుతుందో లేదో వేచి చూడాలి.