Author

Megha Varna

మీ ప్రేయసితో సిరీస్ చూసిచూసి బోర్ కొడుతోందా..? అయితే ఈ 14 ట్రై చేసేయండి మరి..!

by Megha Varna June 15, 2023

written by Megha Varna

చాలామంది భార్యాభర్తలు, లవర్స్ ఎక్కువ సమయాన్ని సినిమాలు, సిరీస్ వంటి వాటిని చూసేందుకు కేటాయిస్తూ ఉంటారు. అయితే వాళ్లకు ఉన్న సమయంలో కేవలం సిరీస్ ని చూడడం మాత్రమే కాకుండా ఇటువంటి వాటిని కూడా ఎంజాయ్ చేయొచ్చు.

అప్పుడు ప్రేమ మరింత పెరుగుతుంది. పైగా స్క్రీన్ లను చూడడం కంటే కూడా ఇవి బాగుంటాయి.

#1. బైక్ రైడ్:

బైక్ రైడ్ లేదా కార్ డ్రైవ్ కి వెళ్లి ఎంజాయ్ చేయొచ్చు. దారిలో స్ట్రీట్ ఫుడ్, టీ, కాఫీలతో ఎంజాయ్ చేయొచ్చు.

#2. ట్రెండింగ్ డాన్స్ రొటీన్:

ఇంస్టాగ్రామ్ ఇతర సోషల్ మీడియాలలో మనకి ఇవి తరచూ కనపడుతూ ఉంటాయి ఇటువంటి వాటిని కూడా ఎంజాయ్ చేయొచ్చు.

#3.కలిసి వంట చేసుకోవడం:

బయట ఫుడ్ ని ఆర్డర్ చేయడం కంటే కూడా కాసేపు ఇద్దరు కలిసి హ్యాపీగా కుకింగ్ చేయొచ్చు. ఇది కూడా మంచి జ్ఞాపకలని మీకు ఇస్తుంది.

#4 .ఇంటిని శుభ్రం చేయడం:

కలిసి ఇంట్లో చెత్తాచెదారాన్ని శుభ్రం చేయడం చేస్తూ కూడా సమయాన్ని ఎంజాయ్ చేయొచ్చు.

#5. కలిసి పానీపూరి తినడం:

ఉన్న సమయంలో కాస్త సమయాన్ని కలిసి పానీపూరి లేదా చాట్ వంటి వాటిని తినడానికి వెళ్లండి. పాత జ్ఞాపకాలని గుర్తు చేసుకోండి. అంతేకానీ ఉన్న సమయాన్ని వృధా చేసుకోకండి.

#6.స్టాండప్ కామెడీ కి వెళ్లడం:

స్టాండ్ అప్ కామెడీ లేదంటే ఎగ్జిబిషన్స్ వంటి వాటికి వెళ్లి మీరు కాస్త సమయాన్ని గడపవచ్చు.

#7.పిక్నిక్ కి వెళ్లడం:

బయటకు వెళ్లడం లేదా పిక్నిక్ కి వెళ్ళండి. ఇలా మీరు ఒక రోజుని ఇలా ఆనందంగా గడిపితే.. సమయమే తెలియదు.

#8. కలిసి వర్కౌట్స్:

అస్తమాను స్క్రీన్ ల ముందు కూర్చుకండి. కాసేపు వర్కౌట్ చేయడం వలన ఆరోగ్యానికి కూడా మేలు కలుగుతుంది.

#9. మ్యూజియం కి వెళ్ళండి:

మంచి మ్యూజియం కి కానీ అందమైన ప్రదేశాలకి కానీ వెళ్లి కాస్త సమయాన్ని గడపండి.

#10. పెయింటింగ్ క్లాసెస్:

ఇద్దరూ కలిసి పెయింటింగ్ క్లాసులకి కూడా వెళ్లొచ్చు ఆనందంగా అక్కడ సమయాన్ని గడపొచ్చు.

#11. బేకింగ్ చేయండి:

మంచి రుచికరమైన కప్ కేక్స్ వంటి వాటిని మీరు కలిసి బేక్ చేయొచ్చు ఇది కూడా ఆనందాన్ని ఇస్తుంది.

#12. బోర్డ్ గేమ్స్:

ఈ గేమ్స్ తో కాసేపు మీరు కలిసి గడిపితే ఎంతో ఆనందంగా ఉంటుంది. పైగా ఫన్నీగా ఉంటుంది.

#13. నచ్చిన పుస్తకాన్ని ఇద్దరూ చదవడం:

ఒక మంచి పుస్తకాన్ని తీసుకుని ఇతరు కాసేపు చదివితే కూడా మంచిగా సమయాన్ని స్పెండ్ చేయొచ్చు.

#14. ఫోన్ ని ఫ్లైట్ మోడ్ లో ఉంచండి:

ఫోన్లతో చాలామంది బిజీగా ఉంటారు నిజానికి ఒకరు ఫోన్ తో బిజీగా ఉంటే ఇంకొకరికి కోపం వస్తుంది. సో మీరు ఫోన్ల ని ఫ్లైట్ మోడ్ లో ఉంచండి లేదంటే స్విచ్ ఆఫ్ చేయండి ఇదే ఉత్తమమైన మార్గం.

June 15, 2023

Mythology

మూలా నక్షత్రంలో పుట్టిన స్త్రీని పెళ్లి చేసుకోకూడదా..? చేసుకుంటే ఏమవుతుంది అంటే..?

by Megha Varna June 15, 2023

written by Megha Varna

పెళ్లితో రెండు మనసులు ఒకటవుతాయి. రెండు కుటుంబాలు దగ్గరవుతాయి. నిజానికి పెళ్లి అంటే ఒక పండగలా జరుగుతూ ఉంటుంది. అయితే వివాహాన్ని జరిపేందుకు ముందు జాతకాలని చూస్తూ ఉంటారు. వరుడు, వధువు పుట్టిన నక్షత్రాలని సమయాన్ని చూసి వాటి ఆధారంగా ఇద్దరికీ నప్పుతుందా లేదా అనేది చూపించి అప్పుడు వివాహం జరుపుతారు.

ప్రేమ పెళ్ళిళ్ళలో ఇలాంటివి ఉండవు. కానీ పెద్దలు కుదిర్చిన పెళ్లిల్లలో ఇవి కచ్చితంగా ఉంటాయి. ఈ రోజుల్లో కూడా చాలా మంది జాతకాలని చూసి ఆ తర్వాత మాత్రమే పెళ్లిళ్లు చేస్తున్నారు.

అయితే ఒక విషయం ఏమిటంటే.. మూల నక్షత్రం లో పుట్టిన అమ్మాయిని పెళ్లి చేసుకుంటే ఇబ్బందులు వస్తూ ఉంటాయి అనేది మనం చాలా సార్లు వినే ఉంటాం. నిజంగా మూల నక్షత్రం లో పుట్టిన అమ్మాయిని వివాహం చేసుకుంటే సమస్యలు వస్తాయా..? ఎటువంటి సమస్యలు వస్తాయి అనే దాని గురించి ఇప్పుడు చూద్దాం.

శాస్త్రపరంగా చూస్తే మూల నక్షత్రంలో పుట్టిన తేదీని పెళ్లి చేసుకుంటే అంత అదృష్టం కలుగుతుంది అని పండితులు చెప్తున్నారు. కానీ చాలా మంది మూల నక్షత్రం లో పుట్టిన అమ్మాయిని వివాహం చేసుకుంటే ఇబ్బందులు వస్తాయని అంటూ ఉంటారు. ఇవన్నీ అపోహలు మాత్రమే. నిజానికి అలాంటివేమీ జరగవు. ఒకవేళ కనుక సమస్యలు వస్తున్నాయి అంటే అమ్మాయి పుట్టినప్పటి నుండి కూడా సమస్యలు రావాలి.

పైగా పుట్టిన వాళ్లకి కూడా ఎన్నో ఇబ్బందులు కలిగి ఉండాలి. కానీ ఇవన్నీ అపోహలు కనుక అలా జరగదు. ఇటువంటివి అనవసరంగా నమ్మద్దు. మూల నక్షత్రంలో పుట్టిన అమ్మాయిలు బాగా చదువుకున్న వాళ్ళు ఉన్నారు. ఉద్యోగాలు చేస్తున్న వాళ్ళు ఉన్నారు. వైవాహిక జీవితంలో ఆనందంగా సాగుతున్న వాళ్లు కూడా ఉన్నారు.

చాలామంది ఎవరో ఏదో చెప్పారని గుడ్డిగా నమ్మేస్తూ ఉంటారు. మూల, ఆరుద్ర, జేష్ఠ నక్షత్రం లో పుట్టిన వారిని వివాహం చేసుకుంటే సమస్యలు వస్తాయని అంటుంటారు కానీ అవేమీ నిజం కాదు ఈ నక్షత్రాలలో పుట్టిన వాళ్లు కూడా ఆనందంగా వుంటారు.

June 15, 2023

Human angle

3.5 అడుగుల ఎత్తు…ఎన్నో ఒడిదుడుకులని ఎదుర్కొన్న IAS ఆర్తి డోగ్రా రీయల్ లైఫ్ స్టోరీ..!

by Megha Varna June 13, 2023

written by Megha Varna

ఎప్పుడూ కూడా మనిషిని చూసి అంచనా వేయకూడదు. చాలా మంది మనిషిని చూసి వాళ్ళని వర్ణిస్తూ ఉంటారు. అయితే నిజంగా మనిషిని చూసి వెంటనే వాళ్ళని అంచనా వేయడం మంచి పద్ధతి కాదు. ప్రతీ ఒక్కరికీ కూడా జీవితంలో ఏదో ఒకరోజు అద్భుతం జరుగుతుంది.

పడిన శ్రమకి ఫలితం దక్కుతుంది. ప్రతి ఒక్కరు కూడా కష్టపడి పని చేస్తూ.. అనుకున్నది సాధించాలి అని అనుకుంటే తప్పకుండా మంచి రోజు వస్తుంది. ఆ రోజు నిజంగా జీవితంలో మరచిపోలేనిది మరియు సక్సస్ అందుకున్న రోజులవుతుంది.

ఈమెహైట్ చూసి అంచనా వేస్తే నిజంగా పొరపాటు. ఎటువంటి భయం లేని ఐఏఎస్ ఆఫీసర్ ఈమె. రాజస్థాన్ ప్రాంతానికి చెందిన వారు ఈమె. అయితే చాలా పొట్టిగా ఉంటారు కానీ గట్టివారే. ఈమె పేరు ఆర్తి డోగ్రా. చాలా మందికి ఈమె జీవితం ఆదర్శం అని చెప్పొచ్చు. ప్రధాని నరేంద్ర మోడీ కూడా ఈమెని వివిధ సందర్భాల్లో ప్రశంసించారు. అయితే ఈమె పుట్టుకతోనే డాక్టర్లు అందరిలాగ ఈమె మామూలు స్కూల్ కి వెళ్లి చదువుకో లేరు అని చెప్పారు.

కానీ అటువంటివి ఏమి ఆమెకి కాదు అన్నట్లు అనుకున్న దాని మీద ఫోకస్ చేసారు. ఆర్తి ఎంతో గుర్తింపు ఉన్న వెల్హమ్స్ స్కూల్ లో చదివారు. లేడీ శ్రీరామ్ కళాశాలలో ఎకనామిక్స్ లో డిగ్రీ పట్టా పొందారు. 2019 వ సంవత్సరం లో ప్రెసిడెంట్ రామ్ నాధ్ కోవింద్ ఆమెకి నేషనల్ అవార్డ్స్ ని అందించారు. ఆ తర్వాత ఆమె అజ్మీర్ లో డిస్ట్రిక్ట్ ఎలక్షన్ ఆఫీసర్ గా పోస్టింగ్ వచ్చింది.

రాజస్థాన్లో అసెంబ్లీ పోల్స్ జరుగుతున్నప్పుడు ఈమె చాలా ప్రధాన పాత్ర పోషించింది. డిఫరెంట్లీ ఏబుల్డ్ వాళ్లకి వాహనాలను కూడా ఆమె ఇచ్చి ఓటు వేయడానికి ప్రోత్సహించింది. పదిహేడు వేల మంది డిఫరెంట్లీ ఏబుల్డ్ వాళ్లకి ఈమె వీల్ చైర్స్ ని కూడా అందించింది. అయితే ఈమె ఎదుర్కొన్న ఒడిదుడుకులను కూడా ఎంతో పాజిటివ్ గా స్వీకరించి… కష్టాన్ని నమ్ముకుని ఇప్పుడు ఇంత ఘనత సాధించింది అంటే సాధారణ విషయం కాదు. ఇటువంటి వాళ్ళ కోసం ప్రతి ఒక్కరికి తెలియాలి వాళ్ళని ఆదర్శంగా తీసుకుని నడవాలి.

June 13, 2023

Mythology

మీ కాలి వేళ్లను బట్టి భవిష్యత్తు చెప్పొచ్చా..? అది ఎలాగంటే..?

by Megha Varna June 11, 2023

written by Megha Varna

కాలి వేళ్ళని బట్టి మీ యొక్క భవిష్యత్తుని ఇలా తెలుసుకో వచ్చు. మీరు కనుక మీ భవిష్యత్తు గురించి తెలుసుకోవాలి అనుకుంటే సాముద్రిక శాస్త్రం ఉపయోగపడుతుంది. దీంతో మీ భవిష్యత్తు ఎలా ఉంటుంది..? మీకు మంచి కలుగుతుందా లేదా..? ఎలాంటి వ్యక్తి మీ జీవిత భాగస్వామి అవుతారు ఇలాంటి విషయాలు ఎన్నో తెలుసుకో వచ్చు.

అందరి పాదాలు ఒకలా ఉండవు. ఒకరికి బొటనవేలు పెద్దగా ఉంటే మరొకరికి బొటన వేలు పక్కనున్న వేలు పెద్దదిగా ఉంటుంది. అయితే మీ యొక్క పాదాలని బట్టి మీ భవిష్యత్తు ఎలా ఉంటుంది అనేది తెలుసుకో వచ్చు.

బొటన వేలు పక్కనున్న వేలు కనుక పెద్దదిగా ఉంటే మీరు చాలా అదృష్టవంతులు. జీవిత భాగస్వామి కూడా చాలా తెలివైన వాళ్లు అవుతారు. భార్యా భర్తలు ఇద్దరూ కూడా డబ్బులు ఆదా చేస్తారు.
అలానే సాముద్రిక శాస్త్రం ప్రకారం బొటనవేలు మరియు పక్కనున్న వేలు సమానంగా ఉంటే వారు ఎంతో సంతోషంగా జీవిస్తారు. అలాగే కుటుంబం కూడా ఎంతో సంతోషంగా ఉంటుంది.

ఒకవేళ కనుక రెండో వేలు కంటే మూడవ వేలు పెద్దగా ఉంటే వారు ఎంతో ప్రశాంతంగా జీవిస్తారు. ఎవరి దగ్గర నుంచి అయినా నిజాలుని తెలుసుకోవడం వాళ్ళకి చాలా సులభం. అయితే వీరు ఎక్కువ సార్లు మోసపోతారు అని సాముద్రిక శాస్త్రం అంటోంది.

బొటన వేలు పక్కనున్న వేలు అతుక్కుని ఉంటే జీవితంలో చాలా కష్టాలు ఎక్కువగా ఉంటాయి. ఏదైనా కష్ట పడ్డాక వీళ్ళు దక్కించుకుంటారు అని సాముద్రిక శాస్త్రం చెబుతోంది.

అదే ఒక వేళ ఐదు వేళ్ళు ఒకేలా ఉంటే.. వాళ్ళు చాలా అదృష్టవంతులు. సంపద, గౌరవం, ఆనందం వీరు త్వరగా పొందుతారు.

June 11, 2023

Health Adda Off Beat

స్త్రీలు గాజులు ధరించడానికి, గర్భాశయానికి సంబంధం ఉందా..? గాజులు ఎందుకు ధరించాలంటే..?

by Megha Varna June 11, 2023

written by Megha Varna

ఈ రోజుల్లో పెద్దలు చెప్పిన మాటల్ని అందరూ కొట్టేపారేస్తున్నారు. పెద్దలు చెప్పిన మాటలని చెవికి ఎక్కించుకోవడం లేదు. చెప్పారు లే అన్నట్లు తీసి పారేస్తున్నారు కానీ నిజానికి పూర్వీకులు పెట్టిన ఆచారాలు ఊరికే పెట్టలేదు, వాటి వెనుక సైంటిఫిక్ రీజన్స్ కూడా ఉంటూ ఉంటాయి. అందుకని మనం పెద్దలు చెప్పిన మాటలను వింటూ ఉండాలి అలానే పూర్వికులు పెట్టిన ఆచారాలను పాటిస్తూ ఉండాలి. మహిళలు ప్రతిరోజూ గాజులు, మెట్టెలు, మంగళసూత్రాలు, పట్టీలు వంటివి ధరిస్తూ ఉంటారు.

ఈ మధ్యకాలంలో మహిళలు వాటిని తీసేస్తున్నారు కానీ మన అమ్మని అమ్మమల్ని చూసుకుంటే వాళ్ళు నిత్యం ఈ ఆభరణాలని వేసుకుంటారు. అస్సలు తీసేయరు.

మహిళలు గాజులు వేసుకోవడం సనాతన భారతీయ సంప్రదాయాల్లో ఒక సాంప్రదాయం అని చెప్పొచ్చు. ఎప్పటి నుండో ఈ ఆచారం నడుస్తూ ఉంది. ప్రతి ఒక్కరూ కూడా గాజులను వేసుకోవాలి అని అంటారు. ముత్తయిదుకి ఉండే ఐదు లక్షణాలలో ఇది కూడా ఒకటి అందుకే పెళ్లి అయిన ప్రతి ఒక్క స్త్రీ కూడా చేతి నిండుగా గాజులు వేసుకుంటూ ఉంటారు.

కానీ ఈ రోజుల్లో మాత్రం చాలా మంది వేసుకోవడం లేదు గాజులు వేసుకుంటే వాళ్లలో నామోషీ వస్తోంది. పెళ్లికి ముందు కూడా గాజులు వేసి 16 రోజుల పండుగ వరకు ఉంచుకోమని చెప్తారు. సీమంతం సమయంలో కూడా గాజులని వేస్తూ ఉంటారు. అయితే గాజులు వెనుక సైంటిఫిక్ రీజన్స్ కూడా వున్నాయి.

గాజులు అలంకరణకే కాదు ఆరోగ్య కూడా. కొన్ని రకాల అనారోగ్య సమస్యలు గాజులు వేసుకోవడం వలన కలగవని తెలుస్తోంది. స్త్రీలు గాజులు ధరించడం వలన శరీరంలో రక్తప్రసరణ బాగా జరుగుతుందని సైంటిస్టులు అంటున్నారు. చేతులని అటువైపు ఇటువైపు కదిలిస్తుంటే గాజులు వెనక్కి ముందుకు వెళతాయి అప్పుడు మణికట్టు భాగం అంతా కూడా మసాజ్ అవుతుంది దాంతో మణికట్టు భాగం నుండి రక్త ప్రసరణ బాగా జరుగుతుందని సైంటిస్ట్లు అంటున్నారు.

గర్భాశయం నాడులు కూడా చురుకుగా పనిచేస్తాయి. గర్భాశయ నాడులు మణికట్టు ముంజేతికి లింక్ అయ్యి ఉండడం వలన గాజులు కదిలినప్పుడు మహిళల మణికట్టునాడులు కాస్త ఒత్తిడిని ఎదుర్కొంటాయి. దీంతో గర్భాశయ నాడులు ఉత్తేజితమై గర్భాశయం బాగా పని చేసేలా చూస్తాయి. అలానే గాజులను వేసుకోవడం వలన అలసట పూర్తిగా తగ్గుతుంది. శరీరంలో అధిక వేడి ఉంటే అది కూడా తొలగిపోతుంది.

June 11, 2023

Filmy Adda

ఏంటి బాసు ఇది.? “గాడ్ ఫాదర్” ఒకటే అనుకుంటే…నెక్స్ట్ 4 కూడా అంతేనా.?

by Megha Varna June 5, 2023

written by Megha Varna

చాలా రోజులు ఎదురు చూసిన తర్వాత మెగాస్టార్ చిరంజీవి హీరోగా నటించిన గాడ్ ఫాదర్ సినిమా ఇటీవల థియేటర్లలో విడుదల అయిన సంగతి తెలిసిందే. చిరంజీవికి ఒక మంచి హిట్ వచ్చి చాలా కాలం అయ్యింది. కథపరంగా, నటనపరంగా చిరంజీవి నటించిన సైరా నరసింహారెడ్డి సినిమా చాలా కొత్తగా ఉన్నా కూడా సినిమా ఫలితం ఆశించిన విధంగా రాలేదు.

కానీ గాడ్ ఫాదర్ ఫ్యాన్స్ ని మాత్రం నిరాశ పరచలేదని చెప్పాలి. దీని ముందు వచ్చిన ఆచార్య సినిమా మాత్రం ప్రేక్షకులని నిరాశపరిచింది. దాంతో ఆశలన్నీ ఈ సినిమా మీదే ఉన్నాయి.

ఈ సినిమా మలయాళం సినిమా లూసిఫర్ కి రీమేక్. అలాగే చిరంజీవి హీరోగా నటించిన వాల్తేరు వీరయ్య సినిమా ఇటీవల విడుదల అయ్యింది. ప్రస్తుతం ఈ సినిమాకు హిట్ టాక్ వస్తోంది. చిరంజీవి ఫ్యాన్స్ అందరు ఖుష్ అయ్యిపోతున్నారు. ఇక ఇదిలా ఉంటే మెగాస్టార్ చిరంజీవి హీరోగా భోళా శంకర్ సినిమాలో నటిస్తున్నారు.

ఈ సినిమా ఫస్ట్ లుక్ పోస్టర్ ని కూడా మనం చూసేసాం. ఈ సినిమా తమిళ్ లో అజిత్ కుమార్ హీరోగా నటించిన వేదాళం సినిమా రీమేక్. ఈ సినిమాకి మెహర్ రమేష్ దర్శకత్వం వహిస్తున్నారు. తమన్నా హీరోయిన్ గా నటిస్తున్నారు. కీర్తి సురేష్ చిరంజీవికి చెల్లెలి పాత్రలో నటిస్తున్నారు.

ప్రముఖ సంగీత దర్శకుడు మణిశర్మ గారి కొడుకు మహతి స్వర సాగర్ సంగీతం అందిస్తున్నారు. ఇదిలా ఉంటే మెగా పవర్ స్టార్ రామ్ చరణ్ తేజ్ భీష్మ పర్వం సినిమా రైట్స్ తీసుకున్నారు. ఇది మలయాళం సినిమా. అయితే మెగాస్టార్ చిరంజీవి మొత్తం నాలుగు రీమేక్ చిత్రాలలో నటిస్తున్నారు. మరి ఆ సినిమాల గురించి ఇప్పుడు చూసేద్దాం.

#1. భీష్మ పర్వం:

మెగా పవర్ స్టార్ రామ్ చరణ్ తేజ్ భీష్మ పర్వం సినిమా రైట్స్ తీసుకున్నారు. ఇది మలయాళం సినిమా. ఇందులో చిరు నటించనున్నారు అనే వార్తలు వస్తున్నాయి.

#2. భోళా శంకర్:

మెగాస్టార్ చిరంజీవి హీరోగా భోళా శంకర్ సినిమాలో నటిస్తున్నారు. ఈ సినిమా తమిళ్ లో అజిత్ కుమార్ హీరోగా నటించిన వేదాళం సినిమా రీమేక్. ఈ సినిమాకి మెహర్ రమేష్ దర్శకత్వం వహిస్తున్నారు. తమన్నా హీరోయిన్ గా నటిస్తున్నారు. కీర్తి సురేష్ చిరంజీవికి చెల్లెలి పాత్రలో నటిస్తున్నారు

#3. కొరియన్ సినిమా:

ఇది కూడా ఓ రీమేక్ సినిమా. ఈ సినిమాలో చిరంజీవి డాన్ లాగ కనపడనున్నారు.

#4. ఎన్నై అరిందాల్:

మెగాస్టార్ చిరంజీవి ఎన్నై అరిందాల్ రీమేక్ సినిమాలో కూడా నటించనున్నారు.

June 5, 2023

Filmy Adda

“రంగస్థలం”లో ఈ రెండు సీన్లు ఎప్పుడైనా గమనించారా.? రామలక్ష్మి చెప్పినప్పుడు ఎందుకు అర్థం కాలేదు అనుకుంటున్నారా.?

by Megha Varna June 4, 2023

written by Megha Varna

ఒక సినిమాకి హీరో, హీరోయిన్, మ్యూజిక్ డైరెక్టర్ వీటితో పాటు ఇంపార్టెంట్ అయినది ఒక డైరెక్టర్, ఇంకా ఆ డైరెక్టర్ విజన్. ఆ డైరెక్టర్ టేకింగ్ ఎంత బాగుంటే సినిమా అంత హిట్ అవుతుంది అనే విషయం మన అందరికీ తెలుసు. ప్రతి డైరెక్టర్ కి ఒక డిఫరెంట్ టేకింగ్ ఉంటుంది. కథని ట్రీట్ చేసే విధానం కూడా డిఫరెంట్ గా ఉంటుంది. అందుకే ఒక్కొక్కసారి కథ మామూలుదే అయినా కూడా డైరెక్టర్ టేకింగ్ వల్ల సినిమా అనేది నెక్స్ట్ లెవెల్ కి వెళ్తుంది.

ఒక డైరెక్టర్ విజన్ ఎలా ఉంటుందో చెప్పడానికి మూడు సంవత్సరాల క్రితం వచ్చిన రంగస్థలం సినిమా, ఆ సినిమాలోని ఒక సీన్ ఒక ఉదాహరణ. అదేంటంటే. హీరో చిట్టిబాబు పాత్రకి చెవులు సరిగ్గా వినపడవు. అవతలి వాళ్ళు చెప్పే వాటిని లిప్ మూమెంట్ బట్టి అర్థం చేసుకుంటాడు. తర్వాత వాళ్ళ అన్నయ్య ఒకసారి చెవికి మిషన్ పెట్టించినా కూడా ఒకవేళ మిషన్ పెట్టుకుంటే తనకు వినపడదు అనే విషయం అందరికీ తెలిసిపోతుంది అని మిషన్ పెట్టుకోడు చిట్టిబాబు.

మధ్యలో ఒకసారి హీరోయిన్ వచ్చి హీరోతో మాట్లాడుతుంది. అప్పుడు హీరోకి హీరోయిన్ మాట్లాడిన మాటలు తప్పుగా అర్థం అయ్యి ఆమెపై కోపం తెచ్చుకుంటాడు. తర్వాత కుమార్ బాబుని ఎవరో చంపేస్తారు. అప్పటి నుంచి చిట్టిబాబు మిషన్ పెట్టుకోవడం మొదలుపెడతాడు.

అయితే కుమార్ బాబుని చంపిన వాళ్ళని చిట్టిబాబు అలాగే ఒక జాతరలో ఒక అతని లిప్ మూమెంట్ చూసి కనుక్కుంటాడు. అయితే మనం ఒకసారి గమనిస్తే కుమార్ బాబు చనిపోయే ముందు ఆ వ్యక్తి పేరు చెప్తూ ఉంటాడు. కానీ చిట్టిబాబుకి సరిగ్గా అర్థం అవ్వదు. అంటే కేవలం లిప్ మూమెంట్ మాత్రమే చూస్తే సరిగ్గా అర్థం అవ్వదు.

అందుకు హీరోయిన్ తో జరిగిన కాన్వర్జేషన్ అలాగే కుమార్ బాబు తో జరిగిన ఈ సీన్ అనేది ఒక ఉదాహరణ లాగా చూపించారు డైరెక్టర్. మిషన్ పెట్టుకొని లిప్ మూమెంట్ చూస్తే అప్పుడు చిట్టిబాబుకి కరెక్ట్ గా అర్థం అవుతుంది అని జాతరలో ఒక డాన్సర్ లిప్ మూమెంట్ లో వచ్చిన శ్రీమన్నారాయణ అనే పేరుని తన అన్నయ్య చెప్పిన పేరుతో మ్యాచ్ చేసుకున్నాడు అని చూపించాడు డైరెక్టర్.

June 4, 2023

Filmy Adda

కొత్త బంగారులోకం హీరోయిన్ కొత్త రూపం….మరీ ఇంతలా మారిపోయిందేంటి…అంటున్న నెటిజన్స్

by Megha Varna June 4, 2023

written by Megha Varna

సినిమాలో నటించిన హీరోయిన్లు కొన్ని రోజులకి గుర్తుపట్టలేనట్టుగా మారిపోవడం ఈ మధ్య చాలా ట్రెండ్ గా నడుస్తుంది. ఈ క్రమంలో కొత్త బంగారులోకం మూవీ లో పుష్టిగా కనిపించిన హీరోయిన్ లేటెస్ట్ గా తన జీరో సైజ్ ఫోటోలు పెట్టి అందరిని ఆశ్చర్యపరిచింది.

కుర్ర కారును ఒక ఊపు ఊపిన చిత్రం కొత్త బంగారులోకం. ఈ సినిమాలో తెలుగు తెరకు పరిచయమై” ఎక్కాడ ….ఎక్కాడ” అనే డైలాగ్ తో తెగ పాపులర్ అయిన హీరోయిన్ శ్వేతా బసు ప్రసాద్. శ్రీకాంత్ అడ్డాల డైరెక్షన్లో రిలీజ్ అయిన ఈ సినిమాతో కుర్ర కారులో మంచి క్రేజ్ దక్కించుకున్న ఈ ముద్దుగుమ్మ తర్వాత సినిమాల్లో ఆ ఇంపాక్ట్ నిలుపుకో లేకపోయింది. తెలుగులో సరైన అవకాశాలు హిట్స్ దొరక్క తమిళ్ , హిందీ పరిశ్రమలకు తరలిపోయింది.

Also Read: చనిపోతున్న తన భార్య చివరి కోరిక తీర్చిన భర్త..రియల్లీ హ్యాట్సాఫ్.! ఇంతకీ ఆమె ఏం కోరిందంటే.?

కానీ తను ఆశించినట్లుగా తమిళ్లో కానీ హిందీలో కానీ హిట్లు సంపాదించలేక క్రమేపి ఫిలిం ఇండస్ట్రీకి దూరంగా వెళ్ళిపోయింది. మరోపక్క పర్సనల్ గా కూడా తన ఎన్నో ఒడిదుడుకులను ఎదుర్కోవాల్సి వచ్చింది. 2018లో తను ప్రేమిస్తున్న రోహిత్ మిట్టలను పెళ్లాడిన ఈమె పరస్పర అభిప్రాయ విభేదాల వల్ల పెళ్లైన సంవత్సరానికే విడాకులు తీసుకుంది.

నటన ఆపిన చాలా కాలం తర్వాత ఈమధ్య సినిమా ల పట్ల తిరిగి ఆసక్తి చూపుతున్న ఆమె చివరిగా విజేత సినిమాలో తలుక్కుమంది. సినిమాల్లో నటించక పోయినప్పటికీ ఎప్పటికప్పుడు సోషల్ మీడియాలో రకరకాల ఫోటోలు వీడియోలు పోస్ట్ చేసి అభిమానులకు ఎప్పుడు ఆమె చేరువుగా ఉంది.

ఈ క్రమంలో తాజాగా ఆమె షేర్ చేసిన హాట్ ఫోటోలను చూసి కొత్త బంగారులోకం సినిమాలో బొద్దుగా అమాయకంగా కనిపించిన హీరోయిన్ తననే అని అందరూ ఆశ్చర్యపోతున్నారు. అసలు చాలామంది అయితే ఆ ఫోటో చూసి తనను గుర్తుపట్టలేకపోయారు.

Also Read: “సుహాసిని” నుండి… “నయనతార” వరకు… “డైరెక్టర్స్”ని పెళ్లి చేసుకున్న 9 మంది హీరోయిన్లు..!

June 4, 2023

Off Beat

గ్యాస్ సిలిండర్ ని పైకి లేపకుండా.. లోపల ఎంత వరకు గ్యాస్ ఉందో ఈ చిన్న ట్రిక్ తో తెలుసుకోండి.

by Megha Varna June 4, 2023

written by Megha Varna

గ్యాస్ సిలిండర్ ప్రతి ఇంట్లోనూ ఉంటుంది. ఇది మనకు నిత్యావసరాల్లో ముందుంటుంది. ఎందుకంటే వంట చేసుకోవడానికి ఎక్కువమంది గ్యాస్ పైనే ఆధారపడతాం కాబట్టి. మనం రెండు బండలు కొనుక్కుని ఒకటి స్పేర్ ఉంచుకుంటాం. ఒకటి అయిపోగానే మార్చుకుని.. రెండవ బండ బుక్ చేసుకుంటూ ఉంటాం. ఇది అందరు సహజం గా చేసే పనే.

అయితే.. చాలా మంది గ్యాస్ బండ ఎంత బరువు ఉందో చెప్పడానికి చిన్న పరికరాలు వాడతారు. అది అందరి ఇళ్లలోనూ ఉండకపోవచ్చు. కొందరు గ్యాస్ ఎంత ఉందో తెలుసుకోవడం కోసం బండను షేక్ చేసి చూడడం, లేదా పైకి ఎత్తి చూడడం వంటి పనులు చేస్తూ ఉంటారు. ఇది అన్ని సమయాల్లోనూ శ్రేయస్కరం కాదు. ఈ చిన్న ట్రిక్ తో మీ బండ లో గ్యాస్ ఎంత వరకు ఉందో తెలుసుకోవచ్చు.

ఒక బౌల్ లో వాటర్ తీసుకోండి. ఒక క్లాత్ ను తీసుకుని దానిని వాటర్ లో ముంచి.. పూర్తి గా తడిసిన తరువాత బయటకు తీయండి. దానిని పిండి.. ఆ తడి గా ఉన్న గుడ్డతో బండను తుడవండి. గదిలో ఫ్యాన్ ను ఆపేసి ఈ బండను తుడవండి. ఒక నాలుగైదు నిమిషాల పాటు దానిని గమనిస్తే.. గ్యాస్ లేని భాగం లో తొందరగా ఆరిపోతుంది. గ్యాస్ ఉన్న కింద భాగం మాత్రం ఎక్కువ సేపు తడిగా ఉంటుంది.

gas

ఈ తడిగా ఉన్న ప్లేస్ ఎక్కడివరకు ఉందో.. అక్కడవరకు మీ బండలో గ్యాస్ ఉందని అర్ధం. ఈ ట్రిక్ ఇంకా వివరంగా అర్ధం అవ్వాలంటే కింద ఈ వీడియో ను చూడండి. ఈ వీడియో చూసాక.. మీకు ఇంతేనా అనిపిస్తుంది కదా.. బండ ని పైకి లేపడం, వెయిట్ చూడడానికి ఆన్ లైన్ లో దొరికే రకరకాల మెజరింగ్ పరికరాలను ఉపయోగించడం అంత సేఫ్ కూడా కాదు.. చాలా సింపుల్ గా.. ఒక క్లాత్, వాటర్ తో ఈ ఎక్స్పరిమెంట్ ట్రై చేయచ్చు. మీరు కూడా ట్రై చేసి చూడండి. మీ ఇంట్లో ఉండే బండలో ఎంత వరకు గ్యాస్ ఉందో చెక్ చేసుకుని అవసరమైనపుడు కొత్త బండ బుక్ చేసుకోవచ్చు.

watch video :

June 4, 2023

Health Adda

కిడ్నీ సమస్యలకి దూరంగా ఉండాలంటే.. ఈ 6 డైట్ లో తీసుకోండి..!

by Megha Varna June 2, 2023

written by Megha Varna

ఈ మధ్య కాలంలో చాలా మంది కిడ్నీల సమస్యతో బాధ పడుతున్నారు కిడ్నీల సమస్యలు రాకుండా ఉండాలంటే సరైన జాగ్రత్తలను తీసుకుంటూ ఉండాలి. కిడ్నీ సమస్యలు కలగకుండా ఉండడానికి ఈ ఆహార పదార్థాలు సహాయపడతాయి.

మరి కిడ్నీ సమస్యలు రాకుండా ఉండాలంటే ఎటువంటి ఆహార పదార్థాలను తీసుకోవాలి..? ఎలా కిడ్నీ సమస్యలకు దూరంగా ఉండాలి అనే విషయాన్ని చూద్దాం.

#1. కాలిఫ్లవర్:

కాలీఫ్లవర్ లో ఫైబర్ ఎక్కువగా ఉంటుంది. అలానే ఫాలైట్, విటమిన్ సి కూడా ఉంటుంది కిడ్నీ సమస్యలు రాకుండా ఉండాలంటే కాలీఫ్లవర్ ని తీసుకోవడం మంచిది.

#2. యాపిల్:

ఇందులో జింక్, విటమిన్స్, మెగ్నీషియం సమృద్ధిగా ఉంటాయి. కొలెస్ట్రాల్ ని తగ్గించే గుణం కూడా ఇందులో ఉంది. కిడ్నీల ఆరోగ్యం కోసం ఆపిల్స్ ని కూడా తీసుకోవచ్చు.

#3. ముల్లంగి:

కిడ్నీ ఆరోగ్యానికి ముల్లంగి కూడా ఎంతో మేలు చేస్తుంది కాబట్టి డైట్ లో ముల్లంగిని కూడా చేర్చుకోండి.

#4. మిరియాలు:

మిరియాలతో కూడా కిడ్నీ సమస్యలకు చెక్ పెట్టొచ్చు మిరియాలు కిడ్నీకి మేలు చేస్తాయి ఇందులో విటమిన్స్, ఫోలిక్ యాసిడ్ ఉంటాయి.

#5. వెల్లుల్లి:

వెల్లుల్లి ఆరోగ్యం చాలా మంచిది కిడ్నీల సమస్యలు రాకుండా ఉండేందుకు కూడా వెల్లుల్లి సహాయపడుతుంది.

#6. మంచినీళ్లు:

రోజుకి 8 నుండి 10 గ్లాసులు మంచినీళ్లని తీసుకోవడం మంచిది అలానే డైట్ లో బార్లీ ధాన్యాన్ని కూడా చేర్చుకోండి. ఇది కూడా కిడ్నీ సమస్యలను రాకుండా చూస్తాయి. చాలా మంది కిడ్నీల సమస్యతో బాధ పడుతున్నారు. కనుక కిడ్నీ సమస్యలు రాకుండా ఉండేందుకు డైట్ లో వీటిని చేర్చుకోవడం ఉత్తమం.

కనుక వీటిని డైట్ లో చేర్చుకుంటే ఖచ్చితంగా కిడ్నీల సమస్యలు రాకుండా ఉంటాయి. అలానే ఆరోగ్యం కోసం ప్రతిరోజు వ్యాయామం చేస్తూ ఉండండి. మంచి ఆహారాన్ని డైట్ లో తీసుకుంటూ ఉండండి. ఇలా ఆరోగ్యాన్ని మనం ఇంప్రూవ్ చేసుకోవచ్చు. ఏ సమస్యలు లేకుండా ఆనందంగా ఉండొచ్చు.

June 2, 2023

Newer Posts

Older Posts